Archives for February 2018

Pse Serbia është kokëlartë ndaj nesh ?

February 11, 2018 by dgreca

Shkruan Fahri Xharra/

Nuk duhet harruar se sa me e madhe te behet e keqja aq me e vogel eshte mundesia per t’i parandaluar demet ne te ardhmen dhe se keto sakrifica te vogla qe behen tani jane vetem disa gure te vegjel… prandaj duhet te ndodh nje transformim rrenjesor tek kombi yne ne menyre qe te ecen i sigurt ne rrugen drejt te ardhmes se mire te tij. ( nga Gjon Keka).

Pse Serbia është kaq kokëlartë e me krenari? Pse Serbia kaq pa druajtje dhe lirisht? Pse Serbia është kaq ballëhapur ndaj botë? Pse Serbia flet pra dro , ecë pa dro ? Sepseja përdorët në krye të një fjalije shkakore për të treguar shkakun apo arsyen e diçkaje. Pra, pse Serbia ? Sepse……është ndajfolje që përdorët për një arsye të panjohur,për një shkak që nuk dihet a nuk përcaktohet dot ,përse. Po mirë, a ka sepse në pyetjet e mësipërme ? Po, e kanë sepsenë e tyre të gjitha pyetjet që u vuan më lartë. Ata janë kokë lartë sepse ne jemi kokë-ulur . Ata e ngrisin kokën sepse ne jemi mohues të vetes. Sepse teoritë e Olsave i pranojmë dhe i publikojmë “ Janë tri teza me të cilat historianët shqiptar ende vazhdojnë ta manipulojnë popullatën shqiptare me qëllim të domonizimit të turqve. Njëra është se “islami ndër shqiptarë është imponuar përmes dhunës.” E dyta se “turku përveç shqiptarëve të gjithë popujve, bile edhe serbëve i ka dhënë të drejtën e shkollimit në gjuhën amtare” dhe teza e tretë “bashkëpunimi serbo-turk për shpërnguljen e shqiptarëve në Anadoll me qëllim të shfarosjes së tyre”. Edhe pse marrëveshja për shpërngulje është e kohës së Turqisë republikane, historianët e LNQJ-së dhe kvazi intelektualët me egzibicione aq mirë e lidhin, e paketojnë dhe e tregojnë si një “vazhdimësi e armiqësisë 600vjeqare të turqve dhe islamit kundër shqiptarëve.” ….sepse shkruajnë shqiptarët.

Sepse , shqiptari tjetër Fatlum Sadiku shkruan nga Turqia“Para se me u masovizu xhamijat ne Ballkan, kurrkush nuk e ka ndi emrin SHQIPTAR. Islamizimi i albanofoneve serbe, greke, arbneshe, vllehe, llatine e te lloj-lloj kotille tjeter kishtare, e prodhoi etninë shqiptare, emertim qe s’pari n’histori gjendet i permendun, n’vitin 1703. Tek mbas ketij procesi, u perhap identiteti i perterire etnik i nje pjese te ilireve/arberve te shkaperderdhun, qe quhet shqiptar. Ata qe s’e moren kete fe, qe s’ju nenshtruan procesit etnifikues te shqiptarizimit, mbeten Arvanitas (dhe ma vone e themelune Greqine), Serbe (si Gjergji i Zi – Karagjoergjeviqi, qe e themeloi kombin-shtet serb), Malazeze (Mark Millani qe ndihmoi ne krijimin e Malit t’Zi), Vllaho-Rumune (si familja Gjika e Elenes, apo Dinastia Lupi qe e themelun Rumanine), llatino-kroate (Janjeva), arbereshe (Krispi, Gramshi etj) qe u bene nder kontributoret kryesore te themelimit te Italise etj.Rrene osht ajo qe thuhet se turku i ka nda shqitaret. “Turku” vetem i ka lone albanofonet me zgedhe se çka mu*in po dojn me kone. “Turku” edhe kur na nuk kemi dashte me u identifiku si etni e veçante, na ka shti ne ni thes, tu na qujte “aarnaute” e tu na diference prej kotillave t’hueja.” ….. sepse shkruajnë shqiptarët .

Sepse shqiptari Arbër Fetiu shkriuan nga Kanada “Shteti i Kosoves ne vend se te merret me shaminë e vullnetshme te vajzave muslimane shqiptare, do të trregone shume me shume koherence sikur te fillonte te rregullonte dhe te sanksiononte “shaminë” qe ai ka pranuar t’ia vene qarqet e huaja të cilat po e ndertojnë Kosovën si një republikë eksperimentale perëndimore ku identiteti i popullatave indigjene po shtypet me dhunë. Ajo “shami” e shtetit te Kosoves është « shami » e larme, shami e punuar neper zyra te ndryshme te Perendimit e cila ngjan me shume me një maskë qe mbulon me mjeshtri pothuajse cdo gjë që është shqipëtare. Per dallim nga shamia e vullnetshme e kokës, “shamia” e shtetit të Kosoves është “shami” qe mbulon pothuajse tërësinë e elementeve të cilat karakterizojnë shqipëtarin me shekuj. Ajo “shami” e ka shendërruar Kosovën e ketyre viteve ne një kukull marionetë e cila nuk e ka fuqine as te mendoj per vetveten pasi që jane të tjerët ata që mendojne dhe vendosin per te.

Nderkaq, besoj se i tërë ky qëndrim i qeverisë sone karshi veshjes muslimane (heshtja e qeverisë në te gjitha ato raste perjashtimi të vajzave me shami, ne rastet e diskriminimit ne tregun e punes etj) gjendet ne problemin e dialektikes sherbetor-zoteri (lexo: neve dhe nderkombetaret/Perendimi) ne te cilen gjindet Kossova e pasluftes, te cilën Fanoni e shpreh bukur duke thënë se sherbetorit (neve) vlerat e zotëriut (Perendimit) i duken të predestinuara që të jenë udheheqëse të perherëshme të botës ne te cilën ai jeton dhe kjo e shtyn shërbetorin drejt konformizmit dhe njesimit me zotëriun dhe vlerat e tij duke i hapur rrugë kështu assimilimit dhe zhdukjes së qensisë se tij origjinale. “…. Sepse shkruajnë shqipëtarët.

Sepse Ndrek Gjini në Përralla me Pavarësi e 28 Nëntorit shkruan :“Shpallja e Pavarësisë së Shqipërisë’ më 28 Nëntor 1912, ishte veç një aksion nacionalistësh iluministë, i organizuar me lejen e Austro-Hungarisë dhe Turqisë. Kjo ngjarje realisht nuk solli pavarësimin e Shqipërisë nga administrata ekzistuese otomane, austo-hungareze, apo italiane. Delegatët që u mblodhën aty pas deklaratës së shpalljes së mëvetësisë së Shqipërisë, (deklaratë që u shkrua në shqip dhe turqisht), ngritën dhe një qeveri, e cila nuk i ushtroi asnjëherë funksionet e saj më gjerë se në Vlorë dhe rrethinat e saj. Delegatët shprehen aty edhe nevojën për bërjen e një kushtetute për vendin, gjë që nuk u arrit të realizohej. Realisht aty u hartuan vetëm disa dokumente të përkohshme. Në fund të 1913-ës, kur Shqipëria u njoh nga fuqitë europiane si principatë me në krye një prijës të huaj, gjashte Fuqitë e Mëdha i dhuruan Shqipërisë Kushtetutën e saj të parë, të quajtur ‘Statuti Organik’. Ky ligj qëndroi në fuqi për pak muaj gjatë 1914-ës. Qeverisja e vendit në vitet vijuese u bazua në një numër ligjesh dhe kushtetutash të përkohshme të pakodifikuara. “ …..sepse shkruajne shqiptaret

Pra shkruajnë shqiptarët dhe mundohen të bindin botën dhe të na bindin neve, e ne në mediumet tona iu japim hapësirë ,iu duartrokasim ,iu shkojmë pas.

Jo sepse me shkrimet e tyre krenohet Serbia por me shkrimet e tyre po myket populli, po e harron vetveten, po katandiset në mendje e në shpirt dhe po na lindin për ditë e më tepër adhuruesit e asaj që po i shkon për shtati Serbisë. Me ane te këtyre mëndimeve po e bëjmë që të tjerët të ndërrojnë mendjen për ne; bota po mendon që ne s`e kemi mendjen të shkëputemi nga e kaluara,që ne jemi po ata të shekullit të 18 –të, po ata si të shekullit të 19-të, po ata si të fillim shekullit të 20-të . Kur bota e ndërron mendimin për ne dhe i këthehet bindjës së vjetër që e kishte, për të cilën edhe ata menduan që e kishin gabim atëherë Serbia serbesohet….dhe vepron… dhe i ka sukses.Ja pra , kështu e bëjmë Serbinë krenare në botë .

TRE LIBRA TE PROF. ROMEO GURAKUQIT, TANI NE AMAZON.COM

February 10, 2018 by dgreca

Tre libra te historianit shqiptar, Romeo Gurakuqi gjenden tanime ne amazon.com per lexuesit shqiptar ne diaspore./

Ato jane:

1.Shqiperia 1911-1914;

2. Shqiperia dhe Çështja Shqiptare pas Luftes se Pare Boterore (1918-1921);

3. Principata e Shqiperise dhe Mbreteria e Greqise, 1913-1914

1. Albania 1911-1914 is a scholarly monograph focusing on the turbulent political history of Albania during the years 1911-1914, from the beginning of the National Revolution to the eve of World War I.
This monograph consists of two main parts: 1. The Albanian uprising of 1911; 2. Albanian independence and the issue of defining the borders

of the new Albanian state during 1912-1914.

2. Albania and the Albanian Question After the World War I (November 1, 1918-November 9, 1921 – International status, borders and state building) constitutes an effort to examine the political history of Albania from the end of World War I until the 9th of November 1921, when the final international status and the borders of the Albanian state were determined. In addition to the political history, the monograph meticulously covers the diplomatic handling the Albanian question at the Peace Conference in Paris up until the status and the borders were ultimately settled in principle on the 9th of November 1921.

3. The Principality of Albania and Kingdom of Greece is an attempt to examine the relationship between Albania and Greece during the years 1912-1914. The study principally focuses on the story of the establishment of a political demarcation line between the Greek Kingdom and the last-formed Balkan state, the principality of Albania, created as an outcome of the disintegration of the European Turkey. The story is construed upon British primary references generally not employed by previous studies The Albanian-Greek crisis of the 1912 through 1914 was the result of the unmotivated overgrowing of the natural process of the Greek Kingdom at the expense of a nation characterized by a difficult and complicated revival.
The study focuses on: • the process of the practical application of the decisions made by the Great Powers on border-line delimitation between Albania and Greece; • the difficult, complicated process of clearing Southern Albania from Greek occupying troupes, a process which was never completed in conformity with the decisions of the Great Powers; • the beginning of an autonomous separatist movement which was conducted by Athens in this area and which left unforgettable traces in the Albanian and Greek memory, and lastly, • the unfeasible mission of the Albanian state to extend state integrity all over the internationally recognized area, the surveillance organization of the Great Powers, the International Control Commission
The closing date of the study is that of the re-establishment of the Greek rule in Southern Albania, October 31, 1914, under the conditions of the deterioration of WW I and the disintegration of the state authority of the principality of Albania, justified with the need for the establishment of a public authority in this country.

Estonia, përkrahje Kosovës

February 10, 2018 by dgreca

-Presidenti Thaçi takon presidenten e Estonisë, Kersti Kaljulaid/PRISHTINË, 10 Shkurt 2018-Gazeta DIELLI/ Presidenti i Republikës së Kosovës, Hashim Thaçi ka zhvilluar sot një takim me presidenten e Estonisë, Kersti Kaljulaid, ndërkohë që mori pjesë në hapjen e Lojërave Olimpike Dimërore në Pyeongchang të Koresë së Jugut.Si dy vende të reja që marrin pjesë në Lojërat Olimpike Dimërore, presidenti Thaçi dhe ajo Estoneze, Kaljulaid i kanë uruar njëri-tjetrit fat të ekipeve olimpike gjatë garave, që po zhvillohen në Kore të Jugut.Në këtë takim, presidenti Thaçi dhe presidentja Kaljulaid kanë biseduar edhe për mundësinë e thellimit të bashkëpunimit bilateral, të integrimeve euroatlantike.Duke folur për bashkëpunimin bilateral, presidentja e Estonisë, Kersti Kaljulaid ka shprehur vullnet për të përkrahur Kosovën në fushën e digjitalizimit, transparencës dhe qeverisjes elektronike. Presidenti Thaçi ka kërkuar vazhdimin e mbështetjes së Estonisë në rrugëtimin e Kosovës drejt Bashkimit Evropian. Ai ka thënë se anëtarësimi i rajonit në BE duhet të ndodh në pako.

Ata janë pajtuar të gjitha kontestet ndërfiqnjësore duhet të jenë të zgjidhura plotësisht para se një anëtar të hyjë në BE, bën të ditur njoftim i dërguar sot pasdite nga Presidenca e Kosovës.Estonia është shteti i 12-të që ka njohur Kosovën në 21 shkurt 2008, pak ditë pas shpalljes së pavarësisë në 17 Shkurtin historik para 10 vitesh. Ministri i Jashtëm i Estonisë, Sven Mikser, ishte për vizitë zyrtare në Kosovë në maj 2017, me axhendë takimesh edhe me presidentin Thaçi./b.j/

Kosovë e dashur, urime ditëlidjen e 10-të!

February 10, 2018 by dgreca

Nga Teuta Sahatçija/*

Zonja dhe Zotëri Zylo, në emrin tim dhe të diplomatëve të Misionit të Republikës së Kosovës, ju faleminderit për bashkëorganizim të këtij eventi.

Dua të falenderoj edhe Z. Niman Blakaj me familje, Z. Rexhe dhe Shpresa Xhakli, Z. Azer Sinanaj që mundësuan këtë ngjarje me femijë.

Sot nga kjo shkolle do ta nisim Javën e Pavarësisë së Republikës së Kosovës në New York. Do të jetë kjo një javë e ngjeshur, plotë me ngjarje të ndryshme kulturore, sportive e diplomatike me të cilat duam të nderojmë këtë përvjetor të

rëndësishëm për qytetarët e Kosovës dhe për të gjithë shqiptarët që jetojnë kudo nëpër botë.

Nisja e këtij karavani të ngjarjeve nga shkolla dhe nxënës që mësojnë shqip nuk ishte zgjedhje e rastësishme. Pikërisht shkolla shqipe ishte në shenjestër të regjimit të Millosheviqit i cili deshti ta shuan gjuhën shqipe, ti mbyllë shkollat, ta zhbën historinë e shqiptarëve në tokën e Kosovës. Ai deshti që shqiptarët ti kthej në njerëz të pashkollë, pa respect e pa miq.

Para 19 vitesh, pas rezistences paqësore të Ibrahim Rugovës, luftës së Adem Jasharit me shokët, mbështetjen e diasporës dhe miqëve, erdhi liria e shumëpritur. Ajo u fitua me luftë, gjak e mund, me lot, vuajtje e sacrifice, me shume punë e dashuri për vendin dhe popullin.

Me 17 shkurt 2008, në një ditë acarri, Parlamenti i Kosovës e votoi Deklaratën e Pavarësisë dhe Kosova u shpallë Republike, shtet i pavarur.

Sot femijët dhe të rinjtë e Kosovës, po arrijnë suksese në nivel botëror në matematikë dhe informatikë, po i pushtojnë majet e Mount Everest e Kilimangjaros. Majlinda na solli madaljen e parë të artë nga Olimpiada. Ekipi i skiatorëve tanë dje defiloi në Olimpiadën dimrore ne Korenë e Jugut. Rita Ora, Dua Lipa, Era Istrefi janë këngëtaret me të kërkuara në skenat botërore. Një asteroid i zbuluar në kosmos quhet Pranvera Hyseni, sipas të emrit të astronomes tone të re e cila gjendet në listen botërore të innovatorëve të rinj nën 24 vjeq.

Të dashur fëmijë, ju po rriteni në Amerikë, në një vend të lirë të njerëzve trima. Në një vend që është mike e madhe e Kosovës dhe e shqiptarëve. Ju fëmijet e sotëm, nesër do të beheni inxhinjerë, mjekë, sportistë. Do të udhëheqni biznese, dikush do të bëhet Kongresist apo Senator.

Kur ne nuk do te jemi më, nga përkushtimi juaj do të varet ndihma për fëmijët tjerë në kohra të vështira.

Kur të rriteni do të kujtoni ditën kur e festuat 10 vjetorin e Pavarësisë së Kosovës në New York dhe ju do të jeni ata që do të festoni edhe shume përvjetore të rëndësishme për shqiptarët.

Ju dëshiroj që ta duani shkollën dhe të punoni për të qenë të suksesshëm për vehten, familjen dhe për komunitetin tuaj. Dëshiroj që të përkrahni njeri tjetrin dhe ti gëzoheni suksesit të shokut e të shoqes. Ta duani dhe ta kultivoni gjuhën shqipe, kulturën dhe historinë, të vizitoni trojet nga kanë ardhur familjet e juaja. Dëshiroj që me krenari ta flitni gjuhën shqipe dhe të punoni për atëdheun me shume dashuri.

Sot nga bankat e shkollës shqipe Alba Life, nga Staten Island të New Yorkut, nga Amerika mike, do ta themi së bashku:

Kosovë e dashur, urime ditëlidjen e 10-të!

*Fjalimi pershendetes i mbajtur me 10.02.2018; 11:00 ne Shkollen shqipe Alba-Life ne Staten Island ne veprimtarine e organizuar me rastin e 10 vjetorit te Pavaresise se Kosoves.

Zoti Majko e bojkotoi / luftoi shoqërinë VATRA

February 10, 2018 by dgreca

2 Thanas-Gjika

Nga Thanas L. Gjika/

Sekretar i deges se Vatres ne Worcester/

Të vish në SHBA me detyrë shtetërore për të krijuar lidhje me diasporën për ta ndihmuar atë, pa e filluar, ose mbyllur vizitën me një takim pune tek shoqëria “Vatra”, do të thotë ta bojkotosh, ta luftosh këtë shoqëri, e cila është trashëgimtarja më e mirë e atdhetarizmit shqiptar në diasporën tonë që nga Rilindja.

Më 2012, me rastin e 100-vjetorit të shoqërisë “Vatra” gazetari Astrit Lulushi shkroi një artikull, ku shprehu vlerësimin e tij për këtë shoqëri të lashtë patriotike të diasporës shqiptare: “Federata “Vatra” i ngjan një besëlidhjeje – Lidhja e Lezhës, Lidhja e Prizrenit, Kongresi i Manastirit, Konferenca e Pezës (para se të tradhëtohej) – të gjitha të krijuara në pika kthesash historike, dhe pasi përmendte disa nga punët e saj atdhetare kulturore, ai kritikoi qeverinë shqiptare që nuk dha një vlerësim të denjë për këtë institucion, por e la “Si një të moshuar pa pension – Monument Kulture që nuk mbrohet nga shteti shqiptar” (libri “Zhgënjime sporadike” f.114).

Vizita e z. Pandeli Majko Ministër i Diasporës këto ditë në SHBA, ku ai vizitoi disa qytete dhe takoi anëtarë të disa shoqërive, pa kërkuar të bënte një vizitë pune te qendra e shoqërisë “Vatra” në New York, tregon se ai ka pasur porosi ta bojkotojë këtë institucion atdhetarie.

Kjo tregon se qeveria e sotme shqiptare e drejtuar prej Partisë Socialiste, bijës së drejtpërdrejtë të Partisë së Punës së Shqipërisë, vijon ta luftojë shoqërinë “Vatra”, sepse e konsideron atë armik të saj në SHBA, njësoj si dikur PKSH /PPSH-ja, që e quante këtë shoqëri të përbërë nga kolaboracionistë të arratisur.

Nuk mund ta konceptojmë dot sesi mund të kryhet një vizitë pune në SHBA prej Ministrit të Diasporës me program për të ndihmuar diasporë, pa filluar serinë e takimeve nga shoqëria “Vatra”, ose pa e mbyllur këtë vizitë tek kjo vatër e ngrohtë ku prushojnë thëngjijtë e ndezur prej atdhetarëve Konica, Noli, Floqi, Kirka etj.

Ndryshe veproi Zv.Kryeministër dhe Ministër i Diasporës i Republikës së Kosovës, z. Dardan Gashi…