Archives for May 2019

Tribunal për gjenocidin serb në Kosovë

May 13, 2019 by dgreca

Të enjten në axhendën e Kuvendit shqyrtimi i Propozim-Rezolutës për gjenocidin, krimet kundër njerëzimit dhe krimet e luftës të ish-regjimit shtetëror serb në Kosovë, dhe më pas formimi i Komisionit shtetëror për lansimin e Tribunalit për gjenocidin serb në Kosovë/

PRISHTINË, 13 Maj 2019-Gazeta DIELLI/ Kuvendi i Kosovës, të enjten, në 16 maj, në orën 10:00, do të mbajë seancë plenare, në të cilën do të shqyrtohet iniciativa e kryeparlamentarit Kadri Veseli për Tribunalin për gjenocidin serb në Kosovë.

Pikë e rendit të ditës do të jetë shqyrtimi i Propozim-Rezolutës për gjenocidin, krimet kundër njerëzimit dhe krimet e luftës të ish-regjimit shtetëror serb në Kosovë, dhe më pas formimi i Komisionit shtetëror për lansimin e Tribunalit për gjenocidin serb në Kosovë.

Pika të tjera të kësaj seance do të jenë: vendimi për ndërtimin e Muzeut të Gjenocidit, tek ish-Tjegullorja, ndërtimi i Memorialit të dëbimit, te Stacioni hekurudhor i Prishintës, si dhe caktimi i Ditës së Gjenocidit.

Një seancë e veçantë e Kuvendit do të mbahet më 21 maj, për të përkujtuar masakrën e Dubravës, në 20 vjetorin e saj.

PRESIDENTI THAÇI: KUVENDI I BASHKUAR DUHET TA DËNOJË GJENOCIDIN SERB DHE TË KËRKOJË DREJTËSI

KORISHË, 13 Maj 2019-Gazeta DIELLI/ Presidenti i Republikës së Kosovës, Hashim Thaçi, sot ka marrë pjesë në Tubimin Përkujtimor kushtuar Ditës së Martirëve në fshatin Korishë.

Presidenti Thaçi ka thënë se sot kujtojmë me pietetin më të lartë, me respektin dhe nderimin më të lartë shtetëror martirët e Korishës dhe fshatrave përreth, që ranë para 20 vjetësh.

“Gra, fëmijë e pleq, civilë shqiptarë, u vranë në rrethana që i imponoi shteti i Serbisë. Në rrethana që i detyruan të largohen nga shtëpitë e tyre, nga oborret e tyre, nga trojet e tyre dhe dhunshëm u ngarkuan në rimorkio të zënë rob, për t’i bllokuar deri në momentin që ndodhi ajo që ndodhi”, ka thënë presidenti Thaçi.

I pari i vendit ka thënë se kjo masakër dhe martirët në Korishë janë direkt viktima të gjenocidit të shtetit të Serbisë, të spastrimit etnik nga ana e shtetit të Serbisë.

Ai ka thënë se është mirë që më në fund, Kuvendi i Republikës së Kosovës ka vendosur që në mënyrë të bashkuar të lëvizet përpara me nxjerrjen e një rezolute dhe dokumenteve tjera pasuese, ku dënohet qartë gjenocidi i Serbisë i kryer në Kosovë dhe kërkohet drejtësi nga të gjitha instancat ndërkombëtare./b.j/

Venezuela intervention will backfire

May 13, 2019 by dgreca

Photo: Vice President Mike Pence speaks at a UN Security Council meeting on the situation on Venezuela at United Nations headquarters, in New York, on April 10, 2019. Photo Credit: PETER FOLEY/EPA-EFE/REX

By David L. Phillips/*

Venezuelan President Nicolás Maduro deserves to be ousted for his corruption and economic mismanagement. However, the push for regime change must come from within. By alleging U.S. imperialism, Maduro has strengthened his position with hardliners, solidifying his base and hold on power.

President Donald Trump’s calls for regime change give Maduro a convenient excuse for his own failings. Maduro blames the United States for Venezuela’s ills. But Trump is not the cause of Venezuela’s problems. Maduro, the dictator, has run a once proud and prosperous country into the ground.

Though Venezuela has the largest proven oil reserves in the world, its people have suffered a dramatic decline in living standards since Maduro became president. The International Monetary Fund estimates that Venezuela’s inflation rate will reach 10 million percent this year. Hyperinflation makes the Bolivar worthless.

Following in the footsteps of former President Hugo Chávez, Maduro oversaw efforts to supersede the legislature, redraft a new constitution, and pack the court with more loyalists. Protests erupted when Maduro was sworn into a second term in January 2019. Trump blasts the fraudulent election as socialist power grab. Venezuela is experiencing food shortages, which have led to widespread malnutrition and increased infant mortality rates. The public health care system has collapsed. Electricity outages have led to lawlessness and a breakdown of social order. Today, more than 3 million people have fled Venezuela, seeking to escape the dire conditions. Front-line states are reeling from the refugee crisis.

Washington is pushing for regime change, ratcheting-up sanctions and embargoing the purchase of oil and gas. It also has banned the purchase of debt owed to the Venezuelan government, including accounts receivable from oil sales.

Trump bombastically demands that Maduro end “the repression and economic deprivation of the Venezuelan people.” Vice President Mike Pence and Secretary of State Mike Pompeo have also heaped scorn on Maduro. Meanwhile, National Security Adviser John Bolton hints at military intervention.

The United States recognized Juan Guaidó, head of the National Assembly, as interim president on Jan. 23, 2019. To date, more than 50 countries, including Canada, and many Latin American and European countries have recognized him as Venezuela’s legitimate leader. Only autocracies such as Turkey, Russia, China, Iran, Cuba, Bolivia and Nicaragua stand by Maduro.

Even Venezuelans who oppose Maduro believe the Trump administration is disingenuous in singling him out. They decry the double standard. Trump has a well-known affinity for strongmen. While criticizing Maduro, Trump commends Turkey’s Recep Tayyip Erdogan for doing “things the right way.” Trump says he “fell in love” with North Korea’s Kim Jong Un. And Trump recently invited Hungary’s authoritarian leader, Viktor Orban, to a working meeting at the White House on May 13.

The bromance between Trump and Vladimir Putin is most perplexing. When they spoke on May 3, Putin assured Trump of Russia’s non-interference in Venezuela’s internal affairs; Trump accepted the assurance at face value. He maintains that Putin is “not looking to get involved in Venezuela, other than he’d like to see something positive happen.” Venezuela owes Russia money and oil. It recently initiated security cooperation with Russia, hosting MIG fighter jets. Putin thumbs his nose at the United States. Trump is either naïve, weak, or willfully ignorant of Putin’s manipulation and disinformation.

Distrust of the United States in Latin America is rooted in Washington’s imperial legacy. During the Cold War, the United States supported militaries who overthrew democratically elected governments in Brazil in the 1960s and Chile in the 1970s. The CIA conducted covert activities in Guatemala and El Salvador into the 1990s. Trump’s racist depiction of Latinos, characterizing them as criminals and rapists, reinforces the negative stereotype of gringos.

The Trump administration’s heavy-handed criticism has entrenched Maduro in power. Guaidó’s suggestion that the United States intervene is a fool’s errand. A more subtle and nuanced approach would put pressure on Maduro without galvanizing popular support against American “imperialism.”

* David L. Phillips is director of the Program on Peace-building and Rights at Columbia University’s Institute for the Study of Human Rights. He served as a senior adviser and foreign affairs expert at the U.S. State Department under Presidents Bill Clinton, George W. Bush and Barack Obama.

“Hëna e Magjishme” e Thoma Simakut në Festivalin e Estonisë

May 13, 2019 by dgreca

– Kompozitori shqiptar Thomas Simaku në Ditët e Muzikës Botërore 2019-

– Interpretuar nga një ansambël, fituesi i çmimit Grammy, dhe i transmetuar direkt, ky koncert u përcoll nga European Broadcasting Union./

Interpretuar nga një ansambël, fituesi i çmimit Grammy, dhe i transmetuar direkt, ky koncert u përcoll nga European Broadcasting Union. “Por moment i mbrëmjes që qëndroi më shumë në mendje erdhi në kulminacionin e veprës La Leggiadra Luna (Hëna e Magjishme) të Thomas Simakut, në të cilin një akord i stuhishëm prej tetë notash riverberoi përreth trarëve të katedrales së Shën Kollit në Tallin dhe u ndje sikur zgjati përjetësisht”.

La Leggiadra Luna– Vepra e kompozitorit shqiptar Thomas Simaku u interpretua në Festivalin e Shoqatës Ndërkombëtare të Muzikës Bashkëkohore (ISCM) – Ditët e Muzikës Botërore në Estonimë 4 maj 2019. E kompozuar përkor a cappella, kjo vepër është bazuar në poemën e Sapphos, e përkthyer nga greqishtja e vjetër në italishten modern nga poeti siçilian, fitues i Çmimit Nobel, Salvatore Quasimodo. Ditët e Muzikës Botërore është festivali më I vjetëri I muzikëssë re. I themeluar në vitin 1922 në Salzburg të Austrisë, ky festival është konsideruar si ‘Olimpiada Botërore e Muzikës’, ku marrin pjesë rreth 50 vende nga e gjithë bota.

Që nga viti 1995, kur për here të pare një vepër e njëkompozitori shqiptar zgjidhej në këtë festival, veprat e kompozitorit Simaku janë zgjedhur nga juritë ndërkombëtare në 10 edicione të këtij festivali. Në edicionin e këtij viti, vepra e Simakut u interpretua nga Estonian Philharmonic Chamber Choir, një nga ansamblet më të njohur në Evropë,fitues të Çmimit Grammy Award.

Koncerti u transmetua direkt nga radio kombëtare e Estonisë, dhe iu dha për transmetim vendeve të Bashkimit European (European Broadcasting Union). Në recensionin e tij kritiku anglez Timmy Fisher, shkroi: “Por moment I mbrëmjes që qëndroi më shumë në mendje erdhi në kulminacionin e veprës La Leggiadra Luna (Hëna e Magjishme) të Thomas Simakut, në të cilin një akord i stuhishëm prej tetë notash riverberoi përreth trarëve të katedrales së Shën Kollit në Tallin dhe u ndje sikur zgjati përjetësisht”.

PETICIONET E BEOGRADIT NE FRANCE

May 13, 2019 by dgreca

Deklaratat e Prishtinës për aleancën me Amerikën dhe loja politike e
Beogradit për të angazhuar Evropën në krahun e vet/

NGA RAFAELA PRIFTI/

Radio TV B92 me qendër në Beograd ka publikuar një lajm nga agjencia Tanjug për mohimin e njohjes së Kosovës nga Parisi. Sipas këtij burimi, historiani francez Alex Trude është një nga nënshkruesit e
peticionit ku kërkohet tërheqja e njohjes së Kosovës nga Franca. Nxitja e kësaj nisme vjen nga organizata Peace Collective Kosovo, të cilin e kryeson z. Trude. që thotë se ka mbledhur 1,500 firma brenda një dite dhe synon të arrijë 100,000 në fillim të korrikut në prag të vazhdimit të dialogut në Pallatin Elize. Sipas organizatorit, hapi tjetër i nismës do jetë parlamenti francez dhe hapja e një debat kombëtar. Alex Trude ka dhënë deklaratë edhe për shtypin serb se kjo lëvizje është në dobi të zgjidhjes së situatës së përgjithshme në Ballkanin Perëndimor duke shtuar se ngritja e problemeve të lidhura me Bosnje Hercegovinën dhe Maqedoninë e Veriut nuk i ndihmon asnjë pale.
“Ne duam të mbahet debat për Kosovën në Asamblenë Kombëtare të Francës përpara 1 Korrikut dhe ardhjes së Presidentit Vuçiç në Paris.
Kemi arritur të kontakojmë disa politikanë të cilëve do t’jua dorëzojmë peticionin. Ata do të flasin përpara Komisionit të Punëve të Jashtme të Parlamentit.” thotë z. Trude. Sipas tij, kjo do ta ndryshojë situatën sepse nuk ka pasur debat në Francë përpara se të njihej pavarësia e Kosovës. “Nikola Sarkozi e ndërmori këtë akt vetë në pasditen e së dielës më 17 shkurt 2008 me përkrahjen entuziaste të Ministrit të tij të Jashtëm Bernard Kushner… Ekipi u ka dërguar disa komisioneve parlamentare raporte alarmuese për gjendjen e të drejtave të njeriut dhe situatën e përgjithshme në Kosovë,” ka deklaruar z. Trude.
Lajmi nuk e publikon kohën se kur e ka nisur historiani francez fushatën për mbledhjen e firmave për tërheqjen e Francës nga njohja e pavarësisë së Kosovës. Por rrjetet sociale serbe u gjallëruan me diskutime për metodat e firmosjes së një peticioni që thuhet se synon të japë Kosovës autonomi, duke kthyer mbrapsht historinë.

Në fund të prillit në krahun tjetër të oqeanit Atlantik, organizata dhe shoqata të komunitetit shqiptar morën pjesë në seancën dëgjimore të Komisionit të Punëve të Jashtme të Kongresit Amerikan kushtuar viktimave të luftës së Kosovës, duke i kujtuar opinionit botëror se Serbia ishte vendi agresor i konfliktit njëzet vjet më parë. Seanca dhe mesazhi i përcjellë tek parlamentarët amerikanë si edhe protesta përpara ambasadës serbe në Uashington patën jehonë në fushën mediale.
Pa kaluar as dy javë, z. Alex Trude deklaron se ka planifikuar të mbledhë firmat për t’ia mohuar njohjen e pavarësisë Kosovës nga Franca dhe se ta çojë peticionin e tij në zyrat e polikanëve dhe zyrtarëve lokal francezë për ta nënshkruar atë pas zgjedhjeve në BE. Dhe e gjitha kjo në emër të hapjes së debatit për Kosovën në Francë përpara bisedimeve mes Kosovës dhe Serbisë.
Përballë deklaratave të Prishtinës për aleancën me Amerikën, politika e Beogradit po luan lojën për ta angazhuar Evropën në krahun e vet me peticione.

Autorë shqiptarë prezantohen në Javën e Integrimit në Vjenë

May 13, 2019 by dgreca

Shkruan: Hazir MEHMETI, Vjenë/

Vjenë, 10 maj 2019: Në një ambient të bukur të “Der Kunstraum”, në qendër të Vjenës, mes artit të pikturave të mrekullueshme bashkë me atë letrar dhe tingujt e harfës luajtur nga

Veronica Klavzor u mbajt orë letrare artistike. Ajo u organizua nga Lidhja e Shkrimtarëve dhe Krijuesve Shqiptarë “Aleksandër Moisiu” në Austri në kuadër të Javës së Integrimit në Vjenë, ku autorët prezantuan veprat e përkthyera në gjermanisht dhe lexuan prej tyre.

I pranishëm ishte gjithashtu Roland Bimo, Ambasador i Republikës së Shqipërisë në Austri. Tani e disa kohë në aktivitet letrare aq me vlerë mungojnë përfaqësuesit e Ambasadës së Republikës së Kosovës në Austri. Në emër të nikoqirit, përshëndeti Hubert Thurnhoffer, pronari i galerisë “Der Kunstraum’’, ai e falënderoi organizatorin për bashkëpunimin dhe tha se galeria e tij e artit ka qëllim ndërtimin e urave kulturore mes kombeve. Programi i drejtua me shije në të dy gjuhët nga Kaltrina Durmishi.

Mbrëmjen e hapi Anton Marku, kryetar i Lidhjes së Shkrimtarëve dhe Krijuesve Shqiptarë “Aleksandër Moisiu” në Austri. Ai i përshëndeti të pranishmit dhe mes tjerash tha: “Qëllimi i Lidhjes sonë është që me aktivitet tona të sjellin më shumë vepra letrare të krijuesve nga diaspora të përkthyera për lexues, para se gjithash atij vendor.” Ai dha një historik të shkurtër rreth aktiviteteve të Lidhjes.

Dr. Kurt Gostentschnigg, albanolog, foli rreth veprave të përkthyera prej tij të autorëve Hazir Mehmeti, Besim Xhelili dhe Mërgim Osmani. Rreth poezive të Besim Xhelilit mes tjerash shtoi: “Poezia e Besim Xhelilit mund të kuptohet sipas dy konteksteve: së pari sipas kontekstit të biografisë së autorit dhe shoqërisë dhe së dyti interpretimin e veprës sipas frymëzimit të dalë nga zemra. Tek poezia e Besimit kuptimi vjen nga muza e frymëzimit, gjegjësisht nga fuqia e shpirtit dhe zemrës“. Ai lexoi disa poezi në gjermanisht nga libri “Sy të pafajshëm” (,,Unschuldige Augen’’) të përkthyer na ai, kurse në shqip nga ky libër lexoi Marsela Xhaferaj.

Prof. Peter Paul Wiplinger, shkrimtar i njohur austriak shkroi parafjalën e veprës “Kohëthyerja” (,,Zertrümmerung der Zeit’’) të autorit Hazir Mehmeti, nga e cila mes tjerash tha: “Është një art të shkruari në frymën e kohës dhe të letërsisë. E bazuar natyrisht në trashëgiminë e mënyrës së të rrëfyerit të traditës së letërsisë shqiptare, por arti i të shprehurit dhe kultura gjuhësore e Hazir Mehmetit janë shumë afër realitetit. Këtu rrëfen një autor, histori të thjeshta, në një gjuhë “të thjeshtë”, të qartë. Pikërisht për këtë, kjo mënyrë të rrëfyeri ka stil dhe kualitet. Prandaj libri është një urë letrare lidhëse ndërmjet dy botëve: botës së vjetrës dhe asaj të re si dhe të kulturave të tyre; por edhe ndërmjet së kaluarës dhe së sotmes; ndërmjet atdheut dhe mërgimit. Dhe para së gjithash një lidhje ndërmjet Autorit dhe lexuesit.” (përkthimi në shqip nga Shpresa Musaj). Elona Kamberi lexoi pjesë nga tregimi “E ftuara” në gjermanisht nga përmbledhja “Kohëthyerja” e autorit Hazir Mehmeti. Kjo vepër u botua nga P.E.N- Klubi Austriak i njohur, redaktor i librit është Dr. Helmut Niederle, kryetar i klubit.

Poetja e njohur polake e cila jeton në Austri, Marzanna Danek, lexoi disa poezi nga përmbledhja e saj e fundit në gjuhën gjermane. Përndryshe, Marzanna ka fituar disa çmime të larta në vendlindjen e saj dhe në Austri.

Ishte një mbrëmje e bukur arti e cila lidh shpirtërisht artdashësit nga kombe e gjuhë të ndryshme që jetojnë e krijojnë në Austri.

Lidhja e Shkrimtarëve dhe Krijuesve Shqiptarë “Aleksandër Moisiu” në Austri ka bërë emër në afirmimin e krijuesve shqiptarë që jetojnë në Austri. Janë ndërtuar ura miqësie arti, e më shumë se aq, me klube e shoqata kulturore të shumta në Austri. Ka bërë miq të shumtë nga radhët e krijuesve vendor pa të cilët nuk do mund të kishte kaq shumë fryte puna e Lidhjes nën drejtimin e veprimtarëve drejtues të zellshëm. Tani ka raporte të afërta bashkëpunimi me P.E.N –Klubin austriak rreth të cilit veprojnë mijëra krijues kombesh të ndryshme në Austri e më gjerë. PEN- është edhe botues (për herë të parë) i disa veprave të autorëve shqiptarë në Austri.

Vet Java e Integrimit në Vjenë flet mbi afirmimin e krijimtarisë letrare shqiptare në hapësirat e pa njohura deri tani gjermanofolëse.

Shumë nga aktivitetet letrare u mbështetën nga donatorë artdashës dhe konkursi letrar, vite më parë, nga Ministria e Diasporës. Ura me e fuqishme e njohjes dhe komunikimit me të tjerët është fjala e artit, kjo nuk na mungon, andaj kërkohet mbështetje akoma më e fuqishme e Lidhjes në botimin e veprave me vlera të mirëfillta.