Archives for April 2020

ARGUMENTA TË TJERA SE KORONAVIRUSI ËSHTË ARMË BIOLOGJIKE

April 23, 2020 by dgreca

Opinion nga Asllan Bushati/Në vitin 1995 , në një dokument zyrtar SHBA-të, deklaruan se 17 shtete në botë kanë program ushtarak për prodhimin e Armëve Biologjike. Në këtë dokument përmendet edhe Kina si një nga vendet që planifikon prodhimin dhe përdorimin e kësaj arme të dëmtimit në masë (ADM).

Një raport i Departamentit të Shtetit të SHBA-së i vitit 2019, ka nxjerrë në pah se qeveria kineze dukshëm po punonte prej disa vitesh për krijimin e armës biologjike në laboratorin e Uhanit (Instituti i Virologjisë). Këtë fakt e pohojnë edhe një grup shkenctarësh amerikanë të cilët deklarojnë se: ”viruset e këtij laboratori janë shumë vdekjeprurës dhe se ata janë një armë e mundëshme biologjike”

Dany Shoham, një ish officer i zbulimit ushtarak izrelit i specializuar në fushën e Armëve Biologjike, i ka deklaruar gazetës amerikane Washington Time se: ”Laboratori i Uhanit,është i kualifikuar për të trajtuar patogjenet më të rrezishme në natyrë.. Koronavirusi është studiuar në këtë institut dhe këtë mund ta them me siguri të plotë… Ky virus ka aftësinë për të mbijetuar, por edhe për tu përhapur me shpejtësi. Kjo tregon se ai është modifikuar nga njeriu”.

Dhe më pas Shoham nënvizon se:” Akademia e Shkencave Mjeksore Ushtarake e Kinës, më parë vërtet zbuloi një vaksinë kundër EBOLAS e quajtur JK-05, por ajo asnjëherë nuk tregoi asnjë detaj të vetëm se si mundi ta zbulonte atë. Kjo ka ndezur shumë spekulime se virusi i EBOLAS mund të ketë qenë pjesë e arsenalit të armës biologjike kineze.

EBOLA klasifikohet aktualisht si një nga agjentët më të rrezikshëm i listuar si “kategoria A” e bio-terrorizmit. Kjo nënkupton atë që ajo mund të transmetohet lehtësisht nga një person tek tjetri dhe mund të shkaktojë nivele të larta vdekshmërie e panik masiv. Kurse koronavirusi është absolutisht shumë herë më i rrezikshëm se Ebola.

Programi i Kinës për Armët Biologjike besohet të jetë në një fazë të përparuar që përfshinë hulumtime por dhe arsenal armatimi të gatshëm. Laboratori në Uhan është tani për tani depoja më e madhe e gjendjes gjenetike të Kinës. Kështu kuptohet se cdo rrjedhje nga ky laborator mund të kthehet në rrezik potencial (kombëtar e më gjërë) sic realisht ndodhi.

Shpërthimi (përhapja) e koronavirusit mund të ketë ndodhur qoftë si rrjedhje qoftë si një infeksion i një personi që mund të ketë hyrë e dalë jashtë objektit në fjalë. Por nuk kam asnjë dyshim se koronavirusi ka dalë nga ky laborator. E vetmja pikpyetje është se përse?”- përfundon eksperti Shoham.

Studiuesi amerikan James Giordano (bashkpuntor i vjetër në Komandën e Operacioneve Speciale të SHBA-së) thotë se: ”Investimi në rritje i Kinës në bio-shkencë dhe reduktimi i geneve përbën jo pak shqetësim se patogjene të tilla mund të kthehen lehtë në armë biologjike… Kjo mund të nënkuptojë atë që një mikrob i modifikuar të nxirret jashtë laboratorit, mikrob për të cilin vetëm Kina njeh trajtimin (kurimin) ose vaksinimin. Kjo nuk është lufta e vërtetë, sepse domethënia e saj është ideja të nxjerrë në pah aftësinë e Kinës si shpëtimtare e globit”.

Eksperti amerikan Francis Boyle (Profesor në Universitetin e Illinosit) ka thënë se: “Koronavirusi është një armë lufte biologjike dhe është krijuar në një laborator të Uhanit. Organizata Botrore e Shëndetsisë është në dijeni të këtij fakti… Virusi mund të jetë krijuar edhe në laboratorin BSL-4 në Uhan që për ironi është gjithashtu qendër kërkimore edhe e Organizatës Botrore të Shëndetit”.

Vec sa më lart Presidenti i SHBA-së Trump, (sic dihet tashmë botërisht), pa as më të voglin ekuivok e quajti “virusi kinez”. Në këtë vazhdë Senatorët Ted Cruz dhe Rand Paul, dhanë detaje të reja se koronavirusi është armë biologjike.

Të gjitha këto na japin argumenta shtesë se kjo pandemi vrasëse botrore nuk na erdhi nga forca natyrore (sic pretendojnë kinezët) e jashtë mendjes e dorës së njeriut. Përkundrazi erdhi nga mentaliteti komunist kinez, që përpiqet të paraqitet si elita e mendimit më të përparuar botror. Erdhi nga perpjekja e tyre për pushtimin ekonomik të pjesës më të madhe të globit. Erdhi si përplasje midis dy botëve: atyre të demokracive e shoqrive të lira të hapura dhe totalitarizmit komunist kinez.

Teoricieni më i madh i luftrave, Klauzevich ka thënë se :”lufta është vazhdim i politikës me mjetet e dhunës”. Por kinezët kanë bërë një gabim strategjik, ku pa i shterruar tërësisht mjetet politike për realizimin e qëllimeve të tyre , hodhën koronavirusin, pra filluan Luftën Biologjike.

Por asgjë nuk ka përfunduar akoma, sepse jemi në fillim të luftës. Ata kanë krijuar një farë avantazhi duke shfrytëzuar befasinë, por beteja vendimtare do të bëhet pas pak kohe. Ajo do të ndodh, kur laboratori i Uhanit të investigohet nga një panel specialistësh ndërkombëtar dhe kur Kina të dalë përpara një gjykate ndërkombëtare për krime kundër njerzimit. Të paguaj për jetët e humbura, bizneset e vendet e punës të shkatërruara, të paguaj qindrafish më shumë për cdo cent të humbur nga bota demokratike. Mësimi më i madh i historisë së luftrave është se: “ kush gabon strategjikisht, humbet luftën dhe paguan cmim për të”.

Shpresoj dhe dëshiroj që thirrjet e Senatorve Cruz e Paul, thirrjet e gazetarve, medias e personaliteteve në Gjermani, Francë, Mbretëria e Bashkuar, Itali e kudo, të ngrenë në këmbë opinionin publik botror (përfshi edhe atë shqiptar). Kërkohet ballafaqim me argument në të gjitha fushat kundër dëmeve e poshtrimit që na u bë me koronavirusin- Armën Biologjike kineze.

Shqiptarët në mbështetje të “Lëvizjes Xhonturke” për shpalljen e Kushtetutës në vitin 1908 në Perandorinë Osmane

April 23, 2020 by dgreca

Shkruan: Dr. Paulin MARKU/

Në fillim të shek. XX Perandoria Osmane gjendej e trazuar nga faktor të jashtëm dhe të brendshëm. Sundimi i sulltanit Abdyl Hamiti II kishte rritur pakënaqësi në popull për mënyrën se si po drejtonte Perandorinë dhe ishte kundërshtuar nga popujt me kombësi si ato turke, arabe, shqiptare, kurde e armene. Abdyl Hamiti II ishte i ndërgjegjshëm për humbjet që po pësonte Perandoria Osmane, ku sipas tij nuk ishte shkaku kryesor vetëm politika e brendshme me kundërshtarë Turqit e Rinj, por ishte edhe për pasojë të shfrytëzimit politiko-ekonomik të Fuqive Evropiane.

Kushtetuta Osmane e vitit 1876 ishte një burim frymëzimi për Komitetin “Bashkim e Përparim”. Lëvizja xhonturke ishte kundërshtari kryesor ndaj sundimit të sulltanit dhe synonte me çdo kusht për shpalljen e Kushtetutës, e cila kishte mbetur në sirtarin perandorak, së bashku me legjislacionin përkatës, ku përfshihej shpallja e zgjedhjeve, për të zgjedhur përfaqësuesit e tyre me votë në popull, për në parlamentin e Stambollit. Xhonturqit fillimisht synonin miratimin e Legjislacionit, pastaj të hidheshin në fushatë zgjedhore, të merrnin shumicën për në parlament, në mënyrë që të kishin të drejtë të formonin qeverinë parlamentare kushtetuese. Ardhja e tyre në qeveri dhe kapja e pushtetit nëpërmjet zgjedhjeve parlamentare, iu jepte mundësi për të kontrolluar Portën e Lartë, dhe në rastin e volitshëm të kërkonin dhe abdikimin nga froni perandorak të Abdyl Hamitit.

Lëvizja xhonturke fillimisht organizohej në organizata të fshehta, nën emërtimin “Bashkim e Përparim” dhe operonin jashtë Stambollit. Komiteti synonte që të përfshinte të gjitha lëvizjet, klubet e organizatat anti-Hamiti an nën një kupolë të vetme me moto të përbashkët “barazi për të gjithë popujt e perandorisë Osmane; vendosjen e paqes dhe rendit publik si dhe shpalljen e Kushtetutës”. Lëvizja “Bashkim e Përparim” e shtriu veprimtarinë në krahina të ndryshme perandorake, përfshirë dhe viset shqiptare. Xhonturqit krijonin lidhje me komitetet revolucionare shqiptare dhe përhapnin propagandën e tyre nëpërmjet anëtarëve xhonturq, oficerëve të huaj e shqiptar si dhe në radhët e ushtarëve të huaj e shqiptarë. Shqiptarët kishin ngritur krye që herët me anë të protestave dhe lëvizjeve të armatosura kundër regjimit perandorak, për të fituar të drejtat e tyre. Ata kishin shfaqur kundërshtitë e tyre nëpër qytete të ndryshme shqiptare si në Strugë, Shkup, Manastir, Prizren, Ferizaj Mitrovicë, Shkodër, etj., por kërkesat e tyre ishin refuzuar apo shtyrë për një moment tjetër, pa gjetur zgjidhje. Gjendja në Perandorinë Osmane u tensionua në verën e vitit 1908, pasi ekspeditat ndëshkimore kishte mungesa të madhe të trupave ushtarake dhe disa prej tyre nuk i zbatonin urdhrat e sulltanit për të shtypur lëvizjet kundër regjimit të Sulltanit. Rebelimet që shpërthyen në korrik të vitit 1908, në Manastir, Serez, Shkup, Ferizaj, etj., udhëhiqeshin nga oficerë, të organizuar nga Turqit e Rinj .

Në këtë situatë të tensionuar, Komiteti “Bashkim e Përparim” përpiloi kërkesën për Shpalljen e Kushtetutës, më pas u nënshkrua nga 180 firma dhe e dërguan me telegram për në Stamboll, adresuar për Jilldizit (Pallati i sulltanit), Vezirit të Madh (Kryeministrit) dhe Meshihatit (Selisë së kryesisë fetare myslimane në Perandorinë Osmane). Po ashtu pranë Portës së Lartë mbërritën telegrame nga vilajetet e provincat e Kosovës, Selanikut, Manastirit, etj., të cilët kishin të njëjtën kërkesë. Por Sulltani hezitonte në shpalljen e Kushtetutës pasi ishte i vetëdijshëm për rrezikun që i kanosej nga ky akt, nga ana tjetër, Ai ishte i detyruar të vepronte sa më parë pasi kërcënimet në drejtim të Stambollit ishin serioze. I gjendur para një zgjidhje të detyruar dhe imediate, Abdyl Hamiti II thirri në mbledhje Vezirin e Madh (Kryeministrin) dhe ministrat përkatës para se të shpallte Kushtetutën. Sulltani mori vendim të ndërrojë kabinetin qeverisës së bashku me njeriun e tij të besueshëm, Vezirin e Madh, Mehmet Ferid pasha (Vlora) shqiptar. Ai mbante postin e Vezirit të Madhe prej datës 15 janarit 1903 deri më 22 korrik 1908 kur sulltani e shkarkoi për rrjedhojë të trazirave. Shkak tjetër që shkaktoi pakënaqësi tek sulltani ishte mbështetja e shqiptarëve në krah të xhonturqve dhe letra që ata i dërguan Pallatit Mbretëror për se mbështesni shpalljen e Kushtetutës. Zëvendësimi i Mehmet Ferid pashë (Vlorës) me Seit Pashën dhe ndryshimet e tjera në kabinetin e qeverisë, justifikoheshin për dy arsyet kryesore: së pari, sulltani të mos humbiste ndikimin e tij në popujt e ndryshëm të Perandorisë, së dyti, si ndëshkim ndaj Mehmet Ferid Pashës për shkak se nuk arriti të kishte nën kontroll situatën si dhe të mbante bashkëkombësit shqiptarë besnikë ndaj sulltanit. Por sipas vlerësimit të studiuesit Sulejman Kylçe, shkaku i shkarkimit të Ferid Pashë Vlorës ishte se ai përkrahte shpalljen e kushtetutës. Pas ndryshimit të kabinetit qeverisës, Abdyl Hamiti II shpalli Kushtetutën me të gjitha aktet ligjore perandorake, përfshirë hapjen e parlamentit osman në Stamboll me përfaqësues nga të gjitha krahinat perandorake, si dhe krijimin e qeverisë parlamentare. Akti i Shpalljes së Kushtetutës u publikua me njoftimin zyrtar në gazetat e Stambollit.

Në përfundim mund të pohohet se, zbatimi i Kushtetutës se mbetur në sirtarin për 32 vite, solli ndryshime të mëdha në sferën e politikës së brendshme shumë partiake në Perandorinë Osmane dhe ky Akt i rëndësishme u mirëprit nga turqit dhe nga popujt me kombësi të ndryshme, përfshirë dhe shqiptarët, pasi u arrit hapja e sistemit zgjedhor gjithëpërfshirës parlamentar, ku përfaqësuesit e tyre, mund të zgjedhin dhe të zgjedhshin për në parlamentin e Stambollit, si dhe ngritjen e një qeverie parlamentare në Perandorinë Osmane.

Sot dhe dikur

April 22, 2020 by dgreca

NGA ASTRIT LULUSHI/ Në kohën e tanishme, çdo gjë artizanale preferohet sepse është dëshmi e inteligjencës, shijes dhe individualitetit. Shteti, megjithatë, nuk ndalet së reklamuari mirësitë dhe sipërmarrjet e veta, me të cilat zgjeron kontrollin, shantazhin dhe shton sundimin. Sa i përket bamirësisë, kur kujtohet koha e shkuar dhe i gjithë zemërimi, qeveria bëhet më e zgjuar, për t’u shtirur më lehtë se pamja e saj ka ndryshuar.
Gjërat ishin aq të njëjta atëherë, megjithëse dukshëm të ndryshme, kur shumica u kthye tek të keqmenduarit. Dhe ashtu si ishët dilnin kundër, kështu edhe “tradhtarët i vijës” dënoheshin si në kohë Inkuizicioni. Duke hequr dorë nga thjeshtësia, ata morën lavdi nga përdorimi i politikës së momentit dhe të bërtiturat i bënë modë, sepse emri i mirë për ‘ta kishte rëndësi, por nuk e kuptonin se shpreheshin në përputhje me kategorinë e tyre mendore.
Duhej të ishin ata që nisnin devijime të tilla, që gjërat të dukeshin të reja, pavarësisht nëse ishin të tilla ose jo. Në art, si në shoqëri e politikë, emrat e rinj janë të domosdoshëm (në shumë aspekte ata, në mendësi, janë vërtet të vjetër). Kështu nga mosha në moshë një lloj realizmi i ri social rilind si reagim ndaj atij që ishte admiruar dikur.

UN LATEST UPDATE AND FEMA PANDEMIC WARNINGS IN 2019

April 22, 2020 by dgreca

by Rafaela Prifti/

The coronavirus pandemic has imposed a new normal. The assertion of the WHO Director-General is that alongside tracing and testing of each case, countries will have to address the crisis impact on human rights and mental health, as the World Food Programme warned of multiple famines pushing millions to the brink of starvation. In the domestic front, US House expected to pass $500 billion coronavirus bill, the majority of Americans support the steps taken by government officials to prevent transmission of COVID-19, reports of two death cases in California throw the virus timeline back by a few weeks, and previously undescribed report by FEMA foresaw with accuracy the nationwide pandemic. The document predicted that it would result in a shortage of medical supplies, overwhelmed hospitals and the shutdown of the economy. The warnings were contained in the 2019 National Threat and Hazard Identification and Risk Assessment published in July. In the US, there are 840,625 confirmed cases of COVID-19 and 46,996 deaths, CDC reports today.

At a news conference on Monday, the World Health Organization chief warned that “the worst is yet ahead of us” in the coronavirus outbreak. Although the Director-General did not give any specifics to reporters in Geneva, he and many health experts have expressed concern on the likely spread of the illness in Africa. The warning revived the alarm just as many countries in Asia and Europe have begun to ease restrictive measures aimed at reducing its spread. The UN agency led by Mr. Tedros has been on the defensive after President Trump ordered a halt to U.S. funding for the World Health Organization, alleging that it botched the early response to the outbreak. Mr. Trump’s decision to temporarily suspend payments to WHO triggered international statements of support for the United Nations agency. While Mr. Trump’s criticism of the WHO is shared by those who argue that the agency is unwilling to hold Beijing sufficiently accountable, U.S. allies disagreed with a suspension of payments and were not planning to follow suit.

In his remarks at Wednesday’s briefing, the Director General stated that almost 2.5 million cases of COVID-19 have now been reported to WHO, and more than

160,000 deaths. While most of the epidemics in Western Europe appear to be stable or declining, he said that there are worrying upward trends in Africa, Central and South America, and Eastern Europe. According to the data collected by WHO, most countries are still in the early stages of their epidemics. And some that were affected early in the pandemic are now starting to see a resurgence in cases. Recognizing the impact of the restrictive measures like lockdowns and social distancing in curbing the transmission, Mr. Tedros contended that the “this virus will be with us for a long time,” and “remains extremely dangerous.” Early evidence suggests most of the world’s population remains susceptible. That means epidemics can easily re-ignite. While sympathizing with the frustration shared by people who understandably want to get on with their lives, the Head of WHO affirmed that the “world will not and cannot go back to the way things were.” There must be a “new normal” – a world that is healthier, safer and better prepared. Raising the issue of human rights, stigma and discrimination related to COVID-19, Mr. Tedros pointed out that the fight cannot be effective without empowering people. To that end, the UN agency works with experts around the world to provide guidance and generate assistance that is made available to all countries. The global response involves WHO staff in 150 countries who work directly with governments, scientists and partners to coordinate national preparedness, response plans, and implementation practices. In addition to providing support, the agency also tracks progress globally. According to Mr. Tedros, there are still many gaps in the world’s defenses, and no single country has everything in place. He announced the partnering with telecommunications companies to reach people directly on their mobile phones with text messages about COVID-19. Adding that his agency has called on the World Trade Organization to ensure the normal cross-border flow of vital medical supplies and other goods and services, and to resolve unnecessary disruptions to global supply chains. In the end, Mr. Tedros noted that the holy month of Ramadan that starts tomorrow is “a season of reflection and community – an opportunity for kindness and solidarity.”

In related news, the UN warned that the world is facing multiple famines of “biblical proportions” in just a matter of months. The coronavirus pandemic will push an additional 130 million people to the brink of starvation. Famines could take hold in “about three dozen countries” in a worst-case scenario, said the Executive Director of the World Food Programme (WFP), adding that ten of those countries already have more than 1 million people on the verge of starvation.

While in the domestic front, the news agencies report of The Federal Emergency Management Agency (FEMA) remarkably accurate predictions issued in July 2019 that a pandemic caused by a novel strain of influenza would cripple the country‘s response capabilities by driving millions of people into overwhelmed hospitals. “The FEMA report was written before the new coronavirus first surfaced in China, offered these prescient predictions: The deluge of patients would create “a shortage of medical supplies, equipment, beds, and healthcare workers.” The report, not previously described, was drafted in collaboration with the White House Office of Science and Technology Policy and other federal organizations. With detail about widespread “social distancing” and “the overcrowding of hospitals and medical centers,” the federal government‘s disaster agency provides perhaps the strongest contradiction of President Trump‘s assertions that the scope of the current pandemic could not have been foreseen.

As the news and updates on the pandemic appear with frequency, we encourage our readers to stay informed and share with your story with us if you wish, support the medical workers and most importantly continue to be kind and take care of one another.

Shqetësimet e shqiptarëve dhe Urdhri i Presidentit Trump pёr Ndalimin e Përkohshëm të Emigracionit

April 22, 2020 by dgreca

“Unë nuk mund t’ju tregoj panikun që ka shkaktuar në komunitet tek emigrantët e ligjshëm” thotë një avokat imigracioni me qendër në New Jersey, pasi tani duket se “filli i jetës suaj varet nga një cicërimë”./

Nga Rafael Floqi /

Presidenti Trump tha, se ai do të vendoste një pauzë 60-ditore në lëshimin e kartave jeshile në përpjekje për të kufizuar konkurrencën për vendet e punës në ekonominë amerikane të goditur rëndë nga koronavirusi. Por ai tha se do të ketë “përjashtime të caktuara” në urdhrin ekzekutiv, që ai firmosi të mërkurën.

“Për të mbrojtur punëtorët tanë të mëdhenj amerikanë, unë sapo kam nënshkruar një urdhër ekzekutiv që pezullon përkohësisht imigracionin në Shtetet e Bashkuara,” tha Trump në një konferencë shtypi në Shtëpinë e Bardhë, të mërkurën.

“Kjo do të sigurojë që amerikanët e papunë të të gjitha prejardhjeve do të jenë në radhë të parë për vendet e punës, ndërsa ekonomia jonë do të rihapet,” vazhdoi Trump. “Ai gjithashtu tha se do të ruajë burimet tona të kujdesit shëndetësor për pacientët amerikanë.”

Ndërsa shtetasit amerikanë që dëshirojnë të sjellin në Shtetet e Bashkuara anëtarë të familjeve të tyre, do të jenë në gjendje ta bëjnë këtë, sipas pohimeve të një zyrtari të Shtëpisë së Bardhë , i cili foli në kushte anonimiteti për agjencinë e lajmeve Associated Press. Rreth një milion karta jeshile u lëshuan gjatë vitin fiskal 2019, rreth gjysma e tyre ishin për bashkëshortët, fëmijët ose prindërit e shtetasve amerikanë. Duke kufizuar masën e tij të imigracionit në kartat jeshile, Presidenti Trump la të paprekur aplikimet e qindra mijëra punëtorë të huaj të pajisur me viza jo-imigruese, si çdo vit, duke përfshirë punonjësit e fermave, të kujdesit shëndetësor dhe programuesit e programeve kompjuterike.

“Urdhri mund të modifikohet,” u tha Trump të mërkurën gazetarëve. “Tani për tani, ne kemi një ndalim shumë të fuqishëm të imigracionit, por ai mund të modifikohet, do të thotë mund të bëhet më i ashpër ose të bëhet më pak i ashpër.”

Urdhri përfshin një dispozitë për Sekretarët e Punës dhe Sigurisë së Brendshme që të rishikojnë programet e vizave jo imigruese në konsultim me Sekretarin e Shtetit për” të më rekomanduar për mua, tha Trump, masa të tjera të përshtatshme për të stimuluar ekonominë e Shteteve të Bashkuara dhe për të siguruar përparësinë e punësimit dhe punësimin e punëtorëve të Shteteve të Bashkuara”.

Deri më tani, kategoria më e madhe e vizave të emigrantëve janë ato që u jepen bashkëshortëve dhe fëmijëve të shtetasve amerikanë. Kategoria më e goditur e imigrantëve ka të ngjarë të jenë ata që kërkojnë kartat jeshile përmes punëdhënësve të tyre ose në bazë të meritave të tyre profesionale.

Këto vendime të para kanë shkaktuar shqetësim në komunitetin shqiptar. Altini një djalosh shqiptar, që nuk do të tregojë mbiemrin tha se është, i shqetësuar pasi ai është posedues i Green Card dhe i fejuar, dhe kërkonte ta sillte të fejuarën në gusht për të bërë dasmën. Me këto kufizime thotë ai do më duhet të pres për më vonë, por nuk i dihet, ne e kemi prerë ditën.

Ndërsa Ermira një punonjëse në një agjenci udhëtimesh, tha se ishte e shqetësuar për vëllain e saj i cili kishte fituar Lotarinë amerikane, se mos vëllai nuk do të ketë mundësi të vijë në kohë. Dhe mund të pritet edhe një ndryshim “ me twitter” ndoshta i pohuar nga presidenti më parë për eliminimin e sistemit të Llotarisë Amerikane dhe të ashtuquajturit emigracion zinxhir.

Enrieta nga Tirana e martuar me një shqiptar me Green Card nga New Yorku, nënë e një vajze 2 vjeçare, e kthyer në Tiranë pasi kishte humbur babanë në mars, na tha në telefon, se edhe ajo ndjehet e frikësuar për kthimin e saj, pas këtij urdhri.

Punëtorë të tjerë si ata në të ashtuquajturat viza H1-B do të përfshiheshin në një akt të veçantë

Trump njoftoi në një Twitter natën e së hënës natën se ai do të ndalonte emigracionin për shkak të koronavirusit dhe për të mbrojtur punët për amerikanët.

Ndërsa kundërshtarët e tij demokratë e shohin masën si një përpjekje për ta përdorur krizën për të përmbushur një politikë afatgjatë të Presidentit me qëllimin e zvogëlimit të emigracionit të ligjshëm dhe të paligjshëm.

Zyrtari, që pat folur në kushte anonimiteti, tha se urdhri do të përfshijë përjashtime për njerëzit e përfshirë në luftën ndaj shpërthimit të koronavirusit, duke përfshirë punëtorët e fermave dhe ata që ndihmojnë për të siguruar furnizime ushqimore amerikane. Ai shtoi se ndërsa vendi fillon ta hapë ekonominë, pritet që të rriten flukset e imigracionit, dhe administrata do të donte të sigurohej që punëdhënësit të punësojnë punëtorët e larguar nga puna, në vend se t’u japin punë emigrantëve të rinj me paga më të ulëta.

Trump fitoi presidencën në vitin 2016 pjesërisht në një premtim për ndërtimin e një muri në kufirin e SHBA me Meksikën, dhe çështjet e imigracionit ngritën bazën e tij politike. Trump pranoi të mërkurën se administrata e tij po përgatit gjithashtu edhe një urdhër të dytë që ai më vonë mund ta nënshkruajë për të kufizuar më tej emigracionin, por nuk dha detaje të mëtejshme se çfarë forme do të merrte.

Vendimi u përcoll menjëherë me kritika nga disa demokratë, të cilët e cilësuan njoftimin e fundit si përpjekje për të larguar vëmendjen nga situata. Në muajin mars, administrata Trump mbylli kufijtë me Meksikën dhe Kanadanë për udhëtimet jo thelbësore, si dhe ndaloi hyrjen e çdo shtetasi të huaj që në 14 ditët e kaluara kishte qenë në Kinë, Iran apo vendet e Shengenit. Kjo u shoqërua me akuza se ishte një veprim racist por ajo shtyhu për një periudhë 3 javore shfaqen e virusit në SHBA.

Misionet diplomatike amerikane kanë vazhduar të japin viza për raste emergjente, në varësi të mundësisë së personelit që është nën urdhra të izolimit social. Një zyrtar i Departamentit të Shtetit tha në mars se SHBA ishin të gatshëm të punonin me personat që kanë marrë miratim si të kualifikuar për një vizë të caktuar, përfshirë këtu edhe vizat për specialistë të shëndetësisë.

Analistë nga institute Cato, që beson në reduktimin maksimal të rolit të qeverisë në shoqëri dhe ekonomi, thanë në një blog se presidenti gëzon autoritetin për të kufizuar imigracionin për të mbrojtur shëndetin publik.

Departamenti amerikan i Shtetit përllogarit se gjatë vitit fiskal 2019 u miratuan rreth 462 mijë viza imigracioni dhe 577 mijë vetë fituan statusin e rezidentit të përhershëm.

Sen. Kamala Harris (D-Calif.) shkroi në Twitter se presidenti “nuk arriti ta merrte seriozisht këtë krizë nga dita e parë”, dhe se Trump “po e politizon pa turp këtë pandemi për të dyfishuar në axhendën e tij antiemigruese.”

Ish-kandidati i guvernatorial i Gjeorgjisë Stacey Abrams (D) ka postuar në Twitter: “Se edhe një herë, në vend që të ngrihet në lartësinë e momentit, Trump po përdor retorikën e turpshme antiemigruese, ndërsa përballet me rizgjedhjen. Mjerisht për Amerikën, ai ka dështuar në udhëheqje, testim dhe kompetencë. Ksenofobia nuk do të zhbëjë dështimet e tij, dhe nuk do t’ua shpëtojnë jetën amerikanëve. “

Trump ka fituar disa mbështetje nga ligjvënësit konservatorë republikanë për propozimin e tij, i cili u përcoll si ruajtje e vendeve të punës për amerikanët, ndërsa papunësia po rritet gjatë pandemisë.

“Demokratët janë nxehur, pse ne nuk do të dëshironim të vazhdonim të sjellim punëtorë të rinj, pasi ne kemi miliona punëtorë këtu, në shtëpi dhe që ne duhet t’i kthejmë ata në punë,” i tha Fox News-it, senatori Ted Cruz (R-Texas).

Sen. Tom Cotton (R-Ark.) paraqiti mbështetjen e tij, duke përmendur 22 milionë amerikanët që kanë paraqitur kërkesë për papunësi në muajin e kaluar, për shkak të ekonomisë së vendit që kryesisht po zvogëlohet për shkak të virusit. “Le t’i ndihmojmë ata të kthehen në punë para se të importojmë më shumë të huaj për të konkurruar për punët e tyre,” shkroi ai në twitter. Po ashtu Chris Ramón, analisti i lartë i politikës bipartizane të imigracionit, tha se emigrantët po përballen me të njëjtat beteja si qytetarët.

“Recesionet dhe viruset nuk bëjnë dallime midis qytetarëve dhe jo qytetarëve. Ne nuk mund ta lejojmë [Presidentin Trump] ta ndajë vendin përmes urdhrit të tij ekzekutiv, ” shkroi ai në twitter. Ish Prokurori i Përgjithshëm Jeff Sessions që kishte bërë thirrje presidentin për të ndaluar emigracionin qysh javën e kaluar tha se “Familjet dhe punëtorët amerikanë duhet të jenë të parët. Është moralisht e gabuar dhe ekonomikisht katastrofike të importosh më shumë punëtorë të huajkur miliona amerikanë janë pa punë, jo për fajin e tyre, “tha Sessions, i cili po kandidon për vendin e tij të vjetër si senator i Alabamas.

Urdhri aktual ka të ngjarë të ndikojë vetëm në një grup relativisht të vogël njerëzish, duke pasur parasysh përjashtimet e përfshira. Emigrantët shqiptarë, për shembull, kanë tendencë të marrin kartat e gjelbra si anëtarë të familjes të shtetasve amerikanë. Në janar, muajin e fundit përpara se mbylljet e lidhura me koronavirusin të fillonin e të ndikonin në modelet e migracionit, Departamenti i Shtetit dha mjaft karta jeshile për shqiptarët, më shumë se gjysma ishin bashkëshortë dhe fëmijë të shtetasve amerikanë.

Grupet më të mëdha të shtetasve shqiptarë, që mund të preken janë fëmijë dhe bashkëshortë të banorëve të përhershëm ligjor mbajtës së Green Card dhe prindërit dhe vëllezër e motra të shtetasve të rritur në Shteteve të Bashkuara, por sidoqoftë, mjaft emigrantë këtu tani po frikësohen.

“Unë nuk mund t’ju tregoj panikun që ka shkaktuar në komunitetin e imigrantëve të ligjshëm,” thotë një avokat imigracioni me qendër në New Jersey, në këto momente “kur se filli i jetës suaj varet nga një tweet.