Archives for April 2023

VATRA PROMOVOI “FËMIJËT SHQIPTARË NË KOSOVË-VIKTIMA TË GJENOCIDIT SHTETËROR TË SERBISË”, HOMAZH DHE NDERIM

April 28, 2023 by s p

Sokol Paja/

New York, 27 Prill 2023 – Federata Pan-Shqiptare e Amerikës VATRA promovoi veprën “Fëmijët shqiptarë në Kosovë – viktima të gjenocidit shtetëror të Serbisë” një kryevepër dokumentare që denoncon dhe ekspozon krimet, vrasjet dhe torturat e serbëve mbi fëmijët shqiptarë në Kosovë. Me pjesëmarrjen e veprimtarëve të shquar të komunitetit shqiptar në Shtetet e Bashkuara të Amerikës, përfaqësues të shoqatave kryesore në Amerikë, mbrëmja promovuese ishte homazh, lutje dhe nderim për çdo fëmijë të vrarë në Kosovë në vitet 1981-1999 të dokumentuar me profesionalizëm nga Hanëmshahe ILAZI, Nusret PLLANA dhe Agim ALIÇKAJ. Editori i Diellit në fjalën prezantuese u shpreh se këto botime janë një kontribut historik për të dëshmuar të vërtetën e gjenocidit serb mbi shqiptarët. Faktet tregojnë barbarinë e regjimit fashist serb kundrejt luftës së drejtë, të pastër e të ndershme të Ushtrisë Çlirimtare të Kosovës. Ky libër është kontribut i çmuar për drejtësi kundrejt padrejtësisë shekullore ku luftëtarët e çlirimtarët gjenden në Hagë e kriminelët serbë në liri. Promovimi homazh filloi me shfaqjen e filmit : “Kush i vret fëmijët” dokumentar filmik i krimeve serbe mbi fëmijët shqiptarë në Kosovë. Kryetari i Vatrës z.Elmi Berisha i përlotur theksoi në fjalën përshëndetëse se ky promovim është një homazh për ëngjejt shqiptarë qu u vranë padrejtësisht prej regjimit serb. Prof. Nusret Pllana është intelektual i lartë, zëri i lirisë së Kosovës, zëri luftës krenare të UÇK. Agim Aliçkaj është një veprimtar i pandalshëm moralisht dhe kombëtarisht, përfaqësues i denjë mërgatës në përpjekje për çështjen kombëtare” theksoi kryetari i Vatrës z.Berisha. Imam Elez Osmani në fjalën e tij deklaroi se Prof. dr. Nusret Pllana është ndër të vetmit që është marrë edhe me gjenocidin serb ndaj fëmijëve shqiptarë të Kosovës. Në veprën e tij, ai ka shënuar me emër dhe mbiemër, me foto dhe me fjalë, tragjedinë e 1432 fëmijëve të Kosovës, të cilët do të ishin 1432 familje të së ardhmes së Kosovës dhe të shqiptarëve në përgjithësi. Pra, popullit shqiptar, i mungojnë nga tmerri i gjenocidit serb 1432 familje dhe askush deri sot nuk është përballur as me drejtësinë e shqiptarëve, as me atë botërore, theksoi z.Osmani. Bashkautori Agim Aliçkaj i emocionuar rrëfeu emocionet e rrugëtimit të librit, shpërndarjen e librit në Senat dhe Kongres, qendrat e mërgatës në Europë dhe deklaroi se SHBA është miku dhe aleati më i ndershëm dhe i vërtetë i kombit tonë, mirënjohje SHBA dhe homazhe fëmijëve të vrarë prej Serbisë. “Jam i impresionuar nga forca, fuqia dhe vendosmëria e Nusret Pllanës në denoncimin dhe ekspozimin e krimeve të Serbisë në Kosovë. Gjaku i krimit serb, gjaku i fëmijëve tanë nuk falet kurrë. Kërkojmë drejtësi, jo hakmarrje. Ne si komb nuk duhet të harrojmë kurrë” tha ndër të tjera z.Aliçkaj. Prof. Dr. Nusret Pllana deklaroi se vrasja e fëmijëve është dhimbja më e madhe e njerëzimit. “Barbarët serbë nuk mund ta zhbëjnë pavarësinë e Kosovës, nuk mund ta vrasin ardhmërinë tonë si shtet e si komb. Serbët kryen krime mizore e veprime shtazarake në Kosovë” tha ndër të tjera Prof.Dr. Nusret Pllana. Ai kërkoi më shumë mbështetje dhe përkrahje nga Institucionet e Shtetit të Kosovës në denoncimin e krimeve e gjenocidit serb mbi shqiptarët në Kosovë.

Harresa historike, servilizmi ndaj ndërkombëtarëve dhe bajraktarizmi nuk duhet të zënë vend në shoqërinë shqiptare dhe institucionet tona, këmbënguli Prof.Pllana. Ai shtoi se duhet mbështetje dhe bashkëpunimin kombëtar për të qenë një zë i fortë përballë propagandës shtetërore serbo-sllave. “Kërkojmë që të ndërtohet obelisku i fëmijëve të vrarë. Kurrë nuk do ta harrojmë gjakun e fëmijëve të vrarë. Mirënjohje mërgatës shqiptare në Amerikë e në Evropë për mbështetjen e sidomos z.Nazar Mehmetit në Teksas e secilit nga ju për mbështetjen” përfundoi fjalën e tij Prof.Dr. Nusret Pllana. Promovimi u mbyll me shpërndarjen e librit me nënshkrimin e autorit dhe një koktejl të dhuruar nga patrioti Toni Musaj. Lavdi përjetë luftëtarëve, çlirimtarëve, heronjve dhe dëshmorëve të lirisë së atdheut e kombit shqiptar.

“We remain vigilant, cautious and skeptical,” Kosova Minister Gervalla spars with Serbian counterpart at the UN Security Council

April 28, 2023 by s p

Rafaela Prifti

Today’s briefing at the UN Security Council by Special Representative of Secretary General and Head of the United Nations Interim Administration Mission in Kosovo (UNMIK) Caroline Ziadeh provided an opportunity for the members to state their positions on a few issues pertaining to security, the upcoming Serbia Kosova dialogue on May 2 in Brussels and the future role of the UN presence in Kosova. It was also a showdown between the Foreign Affairs Ministers of Kosova and Serbia.

The report by the current Head of UN Mission in Kosova, who got the appointment in 2021, placed emphasis on communication improvements as an empowering vehicle for the youth and women leaders. She said that next month the inauguration of a new dialogue center in Kosova further builds on such efforts. Ultimately, she said the aim of political agreements is to get to a realistic path towards normalization of relations between Serbia and Kosova. Serbian First Deputy Prime Minister and Foreign Affairs Minister Ivica Dačić called the formation of the Association of Serb Municipalities the only solution “necessary” for the normalization. Drawing inferences on minority’s violations based on Sunday’s elections in four Northern municipalities in Kosova, the Serb Minister expressed indignation that Kosova Serbs are not included in the visa liberalization act. The much-sought-after act has been pursued by several Kosova administrations for more than a decade. It was signed last week in Europe giving Prime Minister Albin Kurti, who was elected in early 2021, a tangible victory.Dačić who spoke in Serbian tried to preemptively argue against the points of a speech that had not yet occurred, that of Kosova’s Deputy Prime Minister and Minister of Foreign Affairs and Diaspora, Donika Gërvalla Schwarz. Speaking to the members of the body presided by Russia since April, he said that “each state has its own Kosova.” Minister Dačić went over this point once more remarking that Kosova is a sui generis case as is Jerusalem, Meka or Vatican. In his remarks, he called into question the existence of the international body lest it adheres to the UN Resolution 1244. Deputy Prime Minister and Minister of Foreign Affairs and Diaspora of the Republic of Kosova Donika Gërvalla Schwarz was critical of the briefing by the Chief of the UN Mission in Kosova Ziadeh and found it generally inaccurate. Minister Gërvalla, who gave her briefing in English made a remark about the current Presidency’s denial of the request to speak in Albanian.Raising the issue of good faith negotiations, she said that the past agreements have not been implemented by Serbia indicating that “Serbia’s strategy is to block Balkan’s integration in Europe.” Earlier this week the EU Council of Ministers passed a vote that advances Kosova’s integration into the EU. In juxtaposition, Minister Gërvalla said that Serbia’s foreign policy is aligned with Russia’s. She rebuked the speech of the Serbian counterpart as a “tirade of complaints and propaganda.” Minister Gërvalla called him out for having “blood on his hands” and for being a close collaborator of Milosevic, Serbian nationalist leader and a war criminal who died in the Hague. “Kosova is strengthening the rule of law which is a direct threat to Serbia’s regime,” said she. Emphasizing the contrast in their approaches, Minister Gervalla stated “The Serbia of Vuçic and Dačić is not Europe.” On the topic of negotiations, Kosova’s Chief diplomat said that while “we remain vigilant, cautious and skeptical” “we will negotiate because we want peace”. Lastly, she remarked how indicative it was to be at the UN Security Council on April 27 which is Kosova’s National Day of Missing Persons. Permanent and non permanent members spoke in turn to emphasize the earlier agreements in Brussels and Ohrid, the normalization of relations and formation of the Kosova’s Association of Serb Municipalities as paving a path forward. The UK, France and the US, with Japan and Albania’s backing raised the point of reviewing the mandate and role of the UN in Kosova.

Chief of of Albania’s Mission to the UN Ferid Hoxha supported the stance saying “UN cannot stay there forever.” He touted the issuing of license plates in Kosova as a sign that “the dialogue is working.” Ambassador Hoxha clarified the record on the language request and its denial by the Presidency. As a matter of procedure, since Kosova is not a member state the protocol for requesting a non UN language interpreter is operational only in cases when the speaker does not know any of the six official languages. At the end of the round, Minister Dačić was allowed to address the Security Council again. This time his remarks consisted of disjointed arguments and a series of misrepresentations as well as personal insinuations directed at Minister Gërvalla. He seemed to be following the recipe of throwing ideas against the wall to see what sticks. In her response, which he tried to interrupt a few times, Minister Gërvalla retorted: “You just showed why you lost Kosova forever in 1999. You are old Serbia, not the new Serbia.” Making a point about Kosova’s Special War Crimes Tribunal that was established by the Kosova Parliament, she said “We did that because we are not Serbia.” The Chief diplomat of Kosova ended her remarks by stating that Dačić is playing to the domestic audience. Clapping back at his statement that “Kosova is Serbia” and “we’ll never recognize it,” Minister Gervalla said that Kosova is an independent country and that “the dialogue is not about Kosova’s status. That’s a done deal. We are not looking back in the past.”

Shqiptarë dhe italianë

April 27, 2023 by s p

Astrit Lulushi/

Miti është se Italianët e jugut janë kryesisht ilirë të romanizuar. Për këtë ka edhe dëshmi të shumta arkeologjike e gjuhësore se prania e tyre daton që nga periudha parahelene, kur kolonizimi ishte intensiv; vendet u përfshinë nga trazira të brendshme dhe popujt e detit u përhapën.

Në fakt sicilianët, kalabrezët dhe disa italianë të tjerë të Jugut janë gjenetikisht më afër ilirëve dhe sesa janë shumica e italianëve.

Italia e Jugut dhe Ballkani ndajnë një pozicion të ngjashëm gjeografik në lidhje me lëvizjet e popullsive që u përhapën nëpër Evropën Qendrore-Veriore.

Migrimet nga Lindja e Afërt që formësuan historinë gjenetike të Evropës zakonisht u përhapën së pari në Ballkan; mesapikët kaluan Adriatikun dhe u hodhën në Italinë e Jugut.

Në Neolitin e Hershëm dhe të Mesëm, Anatolët gradualisht kolonizuan të gjithë kontinentin evropian duke u përhapur përgjatë luginës së Danubit dhe rreth detit Mesdhe.

Më pas, nga fundi i epokës së Bronxit, lëvizjet e njëpasnjëshme drejt perëndimit në Evropë përfshinin njerëz që kishin shumë më tepër prejardhje neolitike iraniane e kaukaziane. Ata gjetën një Evropë shumë më të populluar dhe më të avancuar teknologjikisht dhe u shtynë ndjeshëm deri në anën tjetër të detit Adriatik, ndërsa pjesa tjetër e Evropës nuk pa shumë prej atyre migrantëve që vinin. Kjo krijoi një diferencim midis Italisë e Ballkanit jugor nga njëra anë dhe pjesës tjetër të Evropës në anën tjetër.

Në epokën e bronzit të hershëm dhe të mesëm, afërsisht midis 3000 dhe 2000 p.e.s., blegtorë nga stepat kaspike u zgjeruan në të gjithë Evropën, por në atë proces zëvendësimi të pjesshëm të popullsisë, Ballkani dhe Italia e Jugut ishin në fundet e zbehta të ndikimit gjenetik të lënë nga barinjtë, të cilët ndoshta ishin sjellësit e familjes së gjuhëve indo-evropiane në pjesë të tjera të Euroazisë.

Me pak fjalë, Italia e Jugut dhe Ballkani u formuan demografikisht dhe kulturalisht nga një sërë popujsh që ishin gjenetikisht të ngjashëm, megjithëse nuk ishin domosdoshmërisht të njëjtë në identitetin etnolinguistik dhe as i përkisnin gjithmonë të njëjtave komunitete sociopolitike fillestare. Kjo histori e përbashkët krijoi popullsi në Italinë e Jugut që nuk ishte shumë e dallueshme nga ilirët dhe helenët.

Italia e Jugut ka njohur migrime e pushtime të tjera nga romakët, bizantinët, lombardët, berberët, normanët, aragonezët, spanjollët etj. Pra, përveç përzierjes së pjesshme -pellazge, ilire – italianët e jugut ndoshta rrjedhin nga një kombinim i disa popullsive, si p.sh., anatolë, dorianë e sllavë që nëpërmjet ndryshimeve gjenetike, u bënë të ngjashëm dhe karakteristikë e shumë italianëve të lashtë e të sotëm.

Jeta, dhuratë e Zotit, ndarë me të tjerët

April 27, 2023 by s p

Portreti i një patrioti, VATRAN i hershëm, në një libër mbresëlënës.

Merita B. McCormack, MBA

UASHINGTON DC

Libri i shkruar nga Eris Rusi, bazuar mbi rrëfimet personale të shqiptaro-amerikanit Beqir Potka titullohet “American Dream”( Ëndrra Amerikane). Ai tregon aty historinë e jashtëzakonshme të bashkëatdhetarit tonë. Në libër flitet me detaje për realitetin e jetës shqiptare në periudhen e komunizmit, përjetimet e tij si femijë, ëndrrat si adoleshent, energjinë e vendosmërinë si i rritur, ecurinë e jetës në Perëndim dhe vendimin e marë që fëmijë për t’u aratisur nga Shqipëria. Në libër gjithashtu tregohet edhe trajektorja e gjatë e udhëtimit të tij drejt SHBA-së, përmes Greqisë, si edhe disa detaje nga ngjitja e tij në majat e suksesit ekonomik në vendin e mundësive.

Të gjitha këto, me vetë janë histori të veçanta, që prekin thellësisht njeriun duke ngjallur emocione të forta. Sidomos për ata që i kanë përjetuar ato kohë e kanë kaluar nëpër situata të ngjashme. Por çdo shqipfolës, i cilësdo gjeneratë qoftë, në një mënyrë apo në një tjetër do të gjejë aty një pjesë të vetvetes.

Ndërkohë, në të gjithë librin, filli që përshkon atë është fortësia e karakterit të një djali trim, guximtar, të vendosur, fëmijë i dashur e i respektuar ndaj familjes, dhe në veçanti një njeri që mban fjalën e dhënë.

Mbi të gjitha këto cilësi, besimi në Zot e mirënjohja ndaj Hyjit, Krijuesit të gjithëpushtetshëm, është me e dukshmja.

Beqiri dhe Erisi, në një bashkëpunim të frytshëm profesional, që përfundoi në një libër tepër mbresëlënës, kanë sjellë për lexuesin dhe për historinë e kombit tonë një vepër historiko-letrare që duhet të shërbejë si një model për të treguar biografitë e personaliteteve të veçanta, si një thesar historie kombëtare dhe si një udhëzues për ata që duan të arrijnë sukses jashtë vendit e sidomos në SHBA.

Libri fillon me një parathënie të shkurtër të vetë protagonistit, Mr. Potka, ku ai përcakton standardet e tij jetësore “Besimi në Zot dhe Etja për Liri”.

Dy shtyllat mbi të cliat Perëndimi ka ndërtuar shoqërinë, gjenden edhe në shpirtin luftarak të Korçarit, portreti i të cilit shpaloset në libër.

Pikërisht këto motive, Zoti, Familja, Liria e Individit shoqërojne çdo histori, çdo dhimbje, çdo tragjedi apo çdo fitore të protagonistit, vëllait tim të gjakut e të krahinës.

Mr. Potka shpreh mirënjohjen e tij në çdo situatë, ne çdo moment. Ai pastaj shijon frutin e besimit dhe të guximit. Të dyja shkojnë bashkë dhe lexuesi teksa shokohet nga një ngjarje që mund të jetë tragjike ose afër tragjikes, që mund të rezultojë ose që ka rezultuar në humbje jete, nga ana tjetër, ai merr zemër dhe forcohet kur mëson se si Mr. Potka e ka trajtuar situatën dhe se si ka vepruar. Natyrisht supernatyralen e ka gjithnjë pranë. E kjo sjell edhe qetësinë shpirtërore të rrëfyesit por që përcçohet bukur edhe tek lexuesi, e percjellë mjeshtërisht prej fjalës së shkruar nga Eris Rusi. Fjala më e përdorur për keto raste eshte fjala “Ringjallje”, që sinjalizon një risi jete, ngrysja e gdhirja, Lavdi Zotit që jemi gjallë e Lavdi Zotit për mundësinë e jetës. Sa bukur!

Erisi përshkruan takimet në memedhe me Mr. Potka në detaje të bukura, tërheqëse, letrarisht të goditura, me metaforat e duhura dhe mjeshtërisht, i vëmendshëm e ndjek fillin e bisedës ashtu si duhet, pa ndërprerje e pa shkëputje kohore. Ai vëzhgon me kujdes bisedën, pyet për detaje dhe disa herë në fillim kapitujsh bën edhe reflektime që sa herë t’i lexosh aq me të bukura tingëllojnë.

Libri fillon me kujtime e reflektime për familjen e origjinës në Lavdar, më pas në Dvoran të Korcës e përfundon me përshkrime momentesh familjare nga jeta aq bukur ndërtuar nga vetë Mr. Potka dhe bashkëshortja e tij Nevila. Ndoshta autorët nuk e planifikuan si të tillë, por mua më duket si një rreth i bukur që mban brenda një histori kaq të veçantë, e cila fillon me familjen, me ngrohtësinë familjare, me dashurinë prinderore që gjendej brenda asaj që Mr. Potka e konsideron si Shtëpi-Kështjellë dhe përfundon në të njëjtën ngrohtësi e dashamirësi që ai vetë, tashmë prind , e shijon me gruan e me femijët e vet, nën tingujt e muzikës, në çerdhen e tyre në Amerikë. Por ky rreth nuk fluturon në ajër e pa një bazë. Ai e ka bazën dhe mbështetjen në Zot. Mr. Potka, për ata që kanë edhe fatin e mirë ta njohin në person, shpesh herë shpreh mirënjohjen ndaj Zotit dhe e falenderon me zë të lartë e ballëhapur tek thotë: “Perëndia, më ndihmon, Perëndisë ju befsha kurban!” Ishte pikërisht kjo shprehje që u ka bërë përshtypje shumë personave tek kanë ndjekur intervistat e tij në fillim të vitit 2023, në televizionet e Shqiperisë, pas botimit të librit.

Brenda faqeve të librit lexuesi mëson detaje për varfërinë ekonomike shqiptare, për rezistencën e shqiptarit për të mos iu nënshtruar rregjimit dhe shtetit, luftën e brendshme shpirtërore dhe kujdesin për të mos rënë pre e viktimë e çarqeve të rregjimit, përballjen me egërsinë e komunizmit, arrestime, burgosje dhe çregullimet e një jete si ajo që provuam ne si komb në ato dekada të errësirës ideologjike, kur feja u ndalua, Ligji Natyral u zëvendësua me diktaturë politike.

Aty lexuesi mëson për pështjellimet, mendimet, premtimet dhe vendosmërinë për të marrë hapa nga ato që shumë kush kishte frikë t’i mendonte. Arratinë!

Në ato faqe lexuesi mëson për ndjenjat e bukura të dashurisë së parë, frika nga pakujdesitë në komunikim dhe dështimet personale që vinin si pasojë e jetës politike shqiptare në atë kohë.

Por në libër mëson dhe për virtytet e rinisë shqiptare dhe në rastin konkret të Mr. Potka. Një veti e tij është guximi dhe vendimarrja. Kjo bie në sy në rrëfimet e tij për jetën në Shqipëri, vetëdisiplinimi, premtimi, lidershipi në organizimin e arratisë por edhe më tutje në jetën pas ndodhive madhore të rinisë së tij.

Një qartësi e madhe , një disiplinë profesionale, një korrektësi që meriton respekt, të gjitha këto, formuar në Lavdar të Korçës, bartur ne Nju York, Boston e Nashville, manifestohen qartë tek ky personalitet amerikan me origjinë e me këmbë në tokën shqiptare.

Një gjë që nuk mund të lihet pa përmendur është rrëfimi në libër kur Mr. Potka perballet me situata të vështira. Ai në ato raste, jo vetem që nuk e le pas dore besimin, por ai intesifikon falenderimin, lutjen ndaj Perendisë, rrit shpresën e besimin në Zot dhe i jep shërbimin e tij te tjerëve. “Ne marrim kur japim”- kjo shprehje famoze e një shenjtori, e ka motivuar dhe vazhdon ta motivojë këtë shqiptar të sukseshëm në SHBA.

Në libër nuk mungon as humori dhe as vetë egzaminimi , me përulësi dhe dashamirësi. Mund të them se Mr. Potka është një thesar i yni të cilin unë e çmoj dyfish meqë e kam edhe nga ana ime!

Detajet e tjera, për të mos hequr kërshërinë e lexuesit nuk po i ndaj.

Por mund të them se libri në fjalë është një ndër të paktët libra në gjuhën shqipe që e kam lexuar brenda tre ditësh dhe më ka lënë mbresa të jashtëzakonshme. Faleminderit Mr. Rusi dhe Mr. Potka për dhuratën letrare e historike që na sollët!

Presidentja Osmani i ka dhuruar një kontigjent librash Bibliotekës shqipe të Manastirit

April 27, 2023 by s p

Presidentja e Republikës së Kosovës, Vjosa Osmani gjatë vizitës zyrtare në Maqedoni të Veriut, në një ceremoni të mbajtur në Ambasadën e Kosovës në Shkup i ka dhuruar një kontigjent librash Bibliotekës shqipe të Manastirit, e cila është në themelim e sipër.

Presidentja Osmani ka përgëzuar nismëtaren Emira Selimi për punën dhe përkushtimin e jashtëzakonshëm për hapjen e bibliotekës së parë të gjuhës shqipe në qytetin e Manastirit. Tutje, Presidentja ka potencuar se kjo iniciativë studentore nuk do të mund të ndodhte në ndonjë qytet më adekuat se ai i Manastirit, aty ku edhe buron alfabeti jonë i njësuar dhe gjuha jonë e unifikuar”.

“Është gjithashtu inkurajuese që kjo iniciativë është ndërmarrë nga një vajzë, dhe besoj fort se si plot iniciativa tjera frymëzuese nga gratë dhe vajzat, impakti i saj do të jetë jashtëzakonisht i madh. Përfitimet e kësaj biblioteke janë afatgjate dhe do të shkojnë përtej brezave”, ka theksuar Presidentja Osmani në ceremoninë e dorëzimit të librave studentes Emira Selimi.

Në fjalën e saj, Emira Selimi i shprehu mirënjohjen e përzemërt Presidentes Osmani për dorëzimin e librave.