dgreca – Page 1182 – Dielli

SKËNDERBEU DHE NOLI

December 10, 2018 by dgreca

-Veprimtari e zhvilluar në kishën e Shën Gjergjit në Boston/

Nga Fuat Memelli/

Është e treta herë që brenda 6 muajve, në kishën e” Shën Gjergjit” në Boston, ose siç quhet ndryshe “Kisha e Nolit”, zhvillohen veprimtari kushtuar figures së heroit tonë kombëtar, Gjergj Kastrioti –Skënderbeut. E veçanta e kësaj veprimtarie përmbyllëse, ishte gërshetimi i saj me dy ngjarje të rëndësishme të kësaj kishe: 110 vjetorin e themelimit të Katedrales së Shën Gjergjit dhe mbajtjen e meshës së parë në gjuhën shqipe nga imzot Noli. Për të marë pjesë në këtë veprimtari të shënuar kishin ardhur shqiptaro-amerikanë e amerikanë nga Bostoni e qytetet rreth tij si dhe nga Neë Yorku , Ëashingtoni, etj. Ishte kjo jo vetëm një veprimtari përkujtimore por edhe si një dite feste. Neka Doko, punonjëse e Bibliotekës “Fan Noli” dhe e Qendrës Kulturore pranë kësaj kishe, një nga organizatoret kryesore të kësaj veprimtarie, thekson se ditës së sotme, i kanë paraprirë dy veprimtari të tjera në këtë kishë. Meqënëse janë pjesë të një “zinxhiri” veprimtarish, po ndalem shkurtimisht tek ato, për t’i lënë pastaj “sofrën” kryesore veprimtarisë përmbyllëse.

PROLOGU I VEPRIMTARIVE

Nisi më 6 maj të këtij viti. Kjo datë nuk ishte e rastësishme. Më 6 maj është ditlindja e Skënderbeut. Gjithashtu 110 vjet më parë, më 6 maj 1908, Noli mbajti liturgjinë e parë në gjuhën shqipe. Atë ditë ai lexoi shkrimin e tij për Skënderbeun, botuar një vit më parë te gazeta “Albania” që nxirte Konica. Një pjesë të kësaj fjale, e mbajti Neka Doko më 6 maj të këtij viti. Është ky një fjalim prekës i Nolit për Skëndërbeun. Ajo kujton disa nga fjalët e Nolit, drejtuar bashkëatdhetarëve në Shqipëri:…”Ju lutem juve, luftëtarë të mëdhenj, prijës, më hapni mua të gjorit një vend të vajtoj për Skënderbeun”. Fjalën e plotë të Nolit, ia kishte dërguar kishës bashkë me librin e tij “Antologji për Skënderbeun”, studjuesi Fotaq Andrea. Veprimtaria e mësipërme u mbështet nga At Artur Liolini dhe vajzat e Shën Gjergjit. Po atë ditë u paraqitën botime për Skënderbeun, fotografi, etj.

Ngjarja e dytë me temë “Punime në arte për Skënderbeun dhe Nolin në kishën e Shën Gjergjit”, ishte më 7 tetor të këtij viti. Me këtë rast u mblodhën fonde për Bibliotekën “Fan Noli” si dhe për veprimtarinë e fundit. U hap edhe një Ëebside për bibliotekën dhe Qendrën Kulturore pranë kësaj kishe, ku një ndihmesë të veçantë dha Loreta Dhamo, veprimtare e Shoqatës së Motrave “Qiriazi”.

NJË FESTË BINJAKE

Veprimtarinë përmbyllëse e çeli “i zoti shtëpisë” ,kancelari i kishës së Shën Gjergjit, At Artur Liolini. Ndër të tjera ai theksoi:” Sot kemi një festë binjake: së pari jubilleun e 550 vjetorit të ndarjes nga jeta të Skënderbeut. Po këtë vit kujtojmë edhe 110 vjetorin e themelimit të Katedrales së Shën Gjergjit si dhe të mbajtjes së litrugjisë së parë në gjuhën shqipe nga imzot Noli. Kisha e Shën Gjergjit ka qënë dhe do të jëtë gjithëmonë e hapur për shqiptarët, të krishterë e myslimanë”. Më pas afrohet në mikrofon studjuesi i njohur, Prof. Nikolla Pano. Ai u ndal në figurën e Skënderbeut, duke iu referuar ligjëratës së tij të mbajtur pak kohë më parë për herioin tonë në Tiranë. Ai ka dhënë një kontribut të çmuar si këshilltar dhe kontribues për pasurimin e bibloitekës së Nolit. Referues në këtë veprimtari ishin edhe dy amerikanë. Grant Harris, punonjës i Librarisë së Kongresit Amerikan në Ëashington, foli për një studim të tij për Skënderbeun dhe emigrimin e shqiptarëve pas vdekjes së tij. Tom Mclain, ish student i departamentit të Historisë në Universitetin e Bostonit, ku ka studjuar edhe Noli, në punimin e tij tok me Grigor Panon, u ndal në punën e bërë nga Noli për “Historinë e Skënderbeut”, vepër të cilën e ka shkruar kur vazhdonte këtë uiniversitet dhe e ka botuar në vitin 1947. Këtë punim Mclain e kishte referuar kur ishte student edhe para pedagogëve të tij.

Si një Skënderbei gjallë, me shpatë e përkrenare dhe veshje kombëtare, u paraqit në sallë aktori i njohur, Xheviat Limani. Ai interpretoi plot emocion fjalën e Skënderbeut kur u kthye në Krujë:” Lirinë nuk e solla unë por e gjeta midis jush….”. Në këtë interpretim ai kishte përfshirë edhe fjalë të shkruara prej vetë atij për Skënderbeun. Më pas ai recitoi poezinë e famëshme të Nolit”Jepni për nënën”…”Mbaju nëno mos ki frikë, se ke djemtë në Amerikë…”. Në të dy interpretimet, të cilat ishin ndër pjesët më të bukura të veprimtarisë,”Skënderbeu i gjallë” u “shpërblye” disa herë me duartrokitje nga të pranishmit.

Edlira Athanas, një nga moderatoret e kësaj veprimtarie, foli për figurën e Skënderbeut në operan shqiptare me të njëjtin titull, premeiera e të cilës u dha në vitin 1968. Kompozitor i saj ishte Prenk jakova , ndërsa rolin e Skënderbeut e lunate , Gjoni Athanas, , babai i Edlirës. Një koincidencë e bukur kjo! Prej disa vjetësh Gjoni jeton në Boston dhe me këngët e tij ka qënë i pranishëm në disa veprimtari të shqiptarëve në këtë qytet.

Moment me interes i veprimtarisë ishte paraqitja e një punimi grafik për Skënderbeun, realizuar 100 vjet më parë por që nuk i dihej autori. Punimi kishte pseduonimin “Shkëmb e gur”. Ai i ishte dorëzuar kishës në vitin 1975 , nga shqiptaro-amerikani Van Kristo, aktualisht konsull Nderi i Shqipërisë në Boston. Pas një pune këmbëngulëse disa mujore të Neka Dokos dhe dardhares Adriana Stefani, u bë e mundur gjetja e autorit. Ai ishte patrioti Spiridon Ilo. Shpjegimin plotësues për këtë gjetje, e bëri motra e Adrianës, Odeta Stefani, duke thënë se pseudonimi ishte gjetur te dokumenta të tjera të Spiridonit, të cilat i kishte patur djali i tij i adoptuar, dardhari i ndjerë, Vangjo Ilo.

Edhe poema e Long Fellout për Skënderbeun,zuri vend në atë veprimtai. Pjesë të saj u interpretuan në anglisht nga Erdlira Athanas dhe në shqip nga aktori, Julian Nënshati. Në emër të Federatës Pan Shqiptare “Vatra” përshëndeti nën kryetari i saj, Agim Rexha, ku mes të tjerash theksoi:” Kisha Orthodokse Shqiptare në Amerikë dhe “Vatra”, ishin dy shtyllat që mbajtën gjallë çështjen kombëtare shqiptare në Amerikë dhe i paraprinë Pavarësisë së Shqipërisë. Imzot Noli është një gur themeli në kështjellën e shqiptarizmit në Amerikë. Ai është edhe te kisha, edhe te “Dielli”, edhe të “Vatra”. Kujtojmë në këtë përvjetor heroin tonë kombëtar, Gjergj Kastriot- Skënderbeun, sepse një popull pa kujtesë, shuhet. Federat “Vatra” dhe gazeta “Dielli” me editor Dalip Grecën si dhe gazeta “Illyria” me editor Ruben Avxhiun, e kanë patur në qendër të vëmëndjes figurën e Skënderbeut në këtë vit jubilar”.

***

Veprimtaria përmbledhëse “Skënderbeu dhe Noli në kishën e Shën Gjergjit”, ishte konceptuar me disa element si referime, paraqitje vizuale me foto e dokumenta të gjetura në Amerikë dhe disa shtete të Europës. Ishte konceptuar edhe me interpretime, etj. Bostoni, qyteti të cilin Fan Noli e ka quajtuar “Një Shqipëri e vogël”, mbylli kështu veprimtaritë e shqiptarëve të Amerikës për figurën e heroit tonë legjendar, Gjergj Kastrioti-Skënderbeu.

NDEROHET NE BOSTON GJERGJ KASTRIOTI-SKËNDERBEU DHE FAN S. NOLI

December 10, 2018 by dgreca

KATEDRALJA E SHËN GJERGJIT DHE BIBLIOTEKA NOLIANENDERUAN GJERGJ KASTRIOTI-SKËNDERBEU DHE FAN S NOLI-/

– Vatra u përfaqësua me nënkryetarin e saj z. Agim Rexhaj, i cili krahas përshëndetjes përcolli edhe Kumtesën e përgatitë nga Editori i Diellit për kontributin e Editorëve të gazetës Diellit me studimet historike rreth figurës së Heroi Kombëtar: Fan S. Noli, Athanas Gegaj, Andon Frashëri, Nelo Drizari,Bilal Xhaferri, Edward Lico dhe Xhevat Kallajxhiu-

– Vatrës iu dorëzua Certifikata e Mirënjohjes nga Kryekancelari Atë Arthur Liolin-

Me 8 Dhjetor në Katedralen e Shëngjergjit në Boston u organizuan veprimtari nderuse dhe historike për 550 vjetorin e vdekjes së Heroit Kombëtar Gjergj Kastrioti Skënderbeu si dhe u nderua Kujtimi i Imzot Nolit në 110 vjetorin e Meshës së parë në Gjuhën shqipe. Ashtu sic kishte njoftuar Gazeta Dielli në disa numra radhazi dhe në publikimin online Kisha Orthodokse dhe Biblioteka Noliane i kishin bashkuar të dy përvjetorët, duke nderuar dhe Nolin si studues i Heroit Kombëtar, por dhe Misionin e Tij për Kishën Autoqefale dhe Meshën e Parë ën Gjuhën Shqipe në SHBA.

Studues të njohur si Prof. Nikolla Pano, Grant Harris nga Biblioteka e Kongresit, Agron Alibali, Neka Doko, përcollën të dhëna e interpretime interesante me kumtesat e tyre rreth Heroit Kombëtar.

Në përshëndetjen e tij z. Agim Rexhaj tha:

I dashur At’ Arthur Liolin

Të nderuar miq

Ndjehem shumë i privilegjuar që t’ju përshëndes sot nga kjo Foltore në emër të Federatës Panshqiptare të Amerikës VATRA, në emër të Kryetarit të saj z. Dritan Mishto, Kryesisë, Këshillit të Vatrës, dhe degëve të saj në SHBA e Kanada, që ma deleguan mua përfaqësimin sot këtu, ngase një tjetër veprimtari zhvillohet po sot në Vatër me Kryeparlamentarin e Kosovës z. Kadri Veseli!

Po ashtu nuk mundi të vinte edhe Dalip Greca, Editori i Gazetës Dielli, gazetës më të vjetër të Botës shqiptare, që pas ca muajësh, me 15 shkurt 2019, feston 110 vjetorin e themelimit të saj me Editor të parë Imzot Nolin, ashtu si Kryekisha e Shëngjergjit dhe Biblioteka Noliane kujtojnë sot 110 vjetorin e Meshës në gjuhën shqipe të udhëhequr nga Imzot Nolit.

Kisha Orthodokse Shqiptare në Amerikë dhe VATRA, ishin dy shtyllat që mbajtën në këmbë çështjen Kombëtare Shqiptare në SHBA dhe i paraprinë Pavarësisë së Shqipërisë.

Emri i Imzot Nolit është gurë- themeli në Kështjellën e Shqiptarizmit në Amerikë; Noli është edhe tek Kisha, edhe tek Dielli, edhe tek vetë VATRA. Ndërsa e kujtojmë këtë përvjetor të 110 të Meshës në Gjuhën shqipe ne nderojmë Imzot Nolin dhe të gjithë ata që i shërbyen dhe i shërbejnë me devocion Kishës Orthodokse Shqiptare në ShBA duke ruajtur të shenjtë Autoqefalizmin.

Kjo veprimtari Juaja, shënon epilogun e të gjitha veprimtarive që u organizuan në Kujtesë të Heroit Kombëtar Gjergj Kastrioti Skënderbeu. Federata Panshqiptare e Amerikës VATRA dhe Gazeta e saj Dielli i kanë paraprirë dhe e kanë mbajtu në qendër të veprimtarive figurën e heroit Kombëtar. Gazeta Dielli, përveç numrit special Kushtuar këtij përvjetori, që nxori në Ditën e Flamurit, në çdo numër të saj ka evokuar historinë që lidhet me emrin e heroit, ndërkohë që Vatra në bashkëpunim me institucionet fetare dhe organizatat e tjera të diasporës ka qenë bashkëorganizatore e simpoziumeve dhe konferencave shkencore kushtuar Heroit Kombëtar. Kështu së bashku me Kishën Katolike “Zoja e Shkodrës” në Nju Jork, Vatra realizoi një Konferencë me nivel shkencor me rastin e 550 vjetorit të Vdekjes të Gjergj Kastriotit Skënderbeut. Po ashtu Vatra ishte pjesë e një akademie shkencore, që u organizua në Michigan, ku ligjëruan studiues dhe akademikë të njohur nga trevat shqiptare.

Figura e Heroit Kombëtar Gjergj Kastrioti Skënderbeu ka shërbyer si një Ikonë e shenjtë për Diasporën shqiptare në Amerikë dhe Europë. Në mënyrë të veçantë për Federatën Panshqiptare të Amerikës VATRA, figura e heroit Kombëtar, ka mbajtur ndezur shpirtin e atdhetarizmit.Rexhaj përcolli pjesë nga Kumtesa e përgatitë me këtë rast nga Editori i Diellit, Dalip Greca, kumtesë që fokusohej në kontributin e Editorëve të gazetës Diellit me studimet historike dhe librat e botuar prej tyre rreth figurës së Heroi Kombëtar.Ndër ta përmendim: Fan S. Noli, Athanas Gegaj, Andon Frashëri, Nelo Drizari, Bilal Xhaferri, Edward Lico dhe Xhevat Kallajxhiu.(Për më shumë lexoni në Gazetën Dielli në print)

GJEGJE PREJ RRUGAÇI E KRYEMINISTRIT SHQIPTAR

December 10, 2018 by dgreca

2 Kolec Traboini 3

Nga KOLEC TRABOINI/

“Bëji një radiografi sferës poshtë kapelës” , – më shkruan Edi Rama- kur radiografitë na i bën mikesha e tij familjare Vilma Nushi, të cilës i jep koncesion miliona euro nga paratë e popullit më të varfër në Europës.

Dhe pikërisht në kohën që në Shqipëri kanë dalë katër probleme që po e fusin tërë shoqërinë në panik e amulli qeverisje, Kryeministri i Shqipërisë në mënyrë të fshehtë e jashtë vëmendjes së opinionit publik e Medias i hipën avionit e shkon në Turqi. Ca të tjerë thonë se edhe më tej e ka marrë revanin. Po ku? E megjithëse nuk dihet nga shkon e nga vjen, ai gjen kohë të përcjellë në faqen e tij në Facebook ca xhirime me vizita në ca familje të varfra që kinse u jep libra falas kur ato libra duhet të kthehen sërish në dispozicion të shtetit, dhe këto propaganda personale i vë nën okielon ERTv. Pra televizioni personal i kryeministrit sikur ai të jetë angazhuar në një biznes privat e jo të paguhet nga populli më i varfër me taksat më të larta. Po ky nuk do t’ia dijë fare edhe pse ka ardhur në pushtet si forcë e majtë politike që duhej të kishte në fokus problemet sociale dhe programin për të luftuar varfërinë e jo rritur atë nëpërmjet papunësisë e taksave të larta. Dhe cilat janë problemet që po e fusin në amulli qeverisjen; protestat e vazhdueshme kundër prishjes së shtëpive të qytetarëve të rajonit të Astirit, tek Unaza e Madhe në hyrje të Tiranës, duke mos u paguar të paktën aq sa kushtojnë shtëpitë që qytetarët kanë bërë për të futur kokën. Gjithashtu protesta që i ka kaluar të 100 ditët për mbrojtjen e Teatrit Kombëtar nga prishja që kërkon ti bëjë qeveria duke i dhënë tokën publike oligarkëve partnerë të saj për të ndërtuar kulla aty në qendër të Tiranës, shto edhe protestën e madhe të studenteve kundër tarifave të larta për arsimin në vendin më të varfër në Europë, kur ikjet e shqiptarëve për shkak të varfërisë janë në rritje të frikshme duke rrezikuar të ardhmen e këtij vendi. Pikërisht në këtë kohë varfërie, plas një skandali vjedhjes së jashtëzakonshme të parave të popullit, Qeveria jep koncesionin për 2 km rrugë 40 milion Euro, një segment të saj një kompanie fantazmë, Of Shore, e regjistruar nga një shqiptar 26-vjeçar pa të ardhura, që, na ruaj zot poturet e kryeministrit, punon në një punë të rëndomtë portier hoteli dhe regjistrimi i kësaj kompanie në dhënien e koncesionit është bërë me dokumente kinse nga SHBA, por të falsifikuara që shqetësojnë edhe organet kompetente amerikane të cilat menjëherë nisën ta hetonin këtë skandal korruptiv, ku vihen në lojë jo pak por 18 milion euro.

Pikërisht në këtë gjendje të pështjelluar, Kryeministri gjen para e kohë për tu nis në shëtitjet me avion, thonë për Turqi, por nuk ka asnjë informacion si e pse ky udhëtim kur veprime të kësaj natyre duhej të ishin transparente.

Në videon qe kishte vënë, kinse ishte në Shqipëri e jo diku ne qiellin e Stambollit ne udhëtim, krahas shumë qytetarëve që të shqetësuar pyesin e kërkojnë shpjegime edhe unë bëra një shënim të shkurtër. Më poshtë po vendos shënimin tim dhe përgjigjen e Kryeministrit shqiptar Edi Rama, tek i cili kemi varur shpresën se do të zhvillohet edhe kjo Shqipëria jonë,” Shqipëria që duam”, e “në drejtimin e duhur”, sepse punët kanë vajtur keq e më keq e tundimi për ta braktisur atdheun është një epidemi dhe një katastrofë e vërtetë kombëtare.

Pas replikës së tij që tingëllon rrugaçërore, i dhashë përgjigjen time disi të përmbajtur, ani pse populli di të stigmatizoje e mallkojë nga pikëpamja stilistikë, shumë më mirë dhe më hidhur se kastat që ka në zverk.
Siç do të vini re më poshtë, kryeministri i Shqipërisë jep shembullin e vet mospërfillës dhe injorues, pos të tjerash, edhe se si nuk duhet marrë në konsideratë Gjuha Shqipe, duke mos respektuar as rregullat me të thjeshta të drejtshkrimit.
KOLEC P. TRABOINI: Nga bredh, o njeri. Shko tek studentët se ata po ti tundin themelet e qeverisjes…dhe fol pak për 18 milion Euro të kaparosura nëpër kompani fantazma.

KRYEMINISTRI EDI RAMA: Kolec P. Traboini mos u qaj hallin themeleve te qeverisjes zotrote, po shko beji nje radiografi sferes poshte kapeles, se i paska rrjedhur brendia me duket. Cilat 18 milione Euro te kaparosura neper kompani fantazma? Nga dolen 18 dhe pse 18 e jo 28 per shembull? Hajde kokeboshllek hajde, muhabet klubi per nje kompani qe jo vetem s’ka marre asnje kokerr leku nga shteti, po qe nese rezulton te kete fallsifikuar dokumentat, do te ballafaqohet me ligjin deri ne fund. Flet Shqupi, mbledh kapelja dhe nxjerr goja e Kolecit, pune e madhe sa e madhe budallakia kur i thonë.

KOLEC P. TRABOINI: Zoti Edi Rama, Bilbil je, o nipi i Nikos. Jo për gjë por e kam pas koleg zyre. Si nuk i ke ngjarë pak dajës, do të ishe më mirë se kështu kunj në kunj me të gjithë. Ti më përmend kapelën, por unë nuk të përmenda poturet, as pantallonat e shkurta me tiranda kur shkoje në stërvitje se kishe një dalldisje për basketbollist që i vogël pa le kohën e Parisit. Të mbaj mend, o nipi i Nikos. Kishim shumë shpresa tek ty, të kam përkrahur me dhjetëra shkrime në 2013, por dole ky që je e aspak më i mirë se Sali Katraura. Mjerisht ky popull punon e robtohet dhe është i detyruar të hajë shqelmat e atyre që duhej ta konsideronin vetën shërbëtorë e jo padronë të popullit. Dhe sa për të kujtuar, ironinë e satirën i zotëroj mirë e mos kujto se më turbullojnë ato krahasimet pa logjikë që adreson ti. E ato 18 milionët ishin projektuar të shkonin diku, pyet at ministrin që ka magjistarin, indianin Guru si mik në shtëpi, se e di ai se si ja kaparosi një 26- vjeçari pa asnjë eksperience, një portier hoteli, një koncesion 18 milion euro. Sot je kryeministër, por mendo për atëherë kur nuk do të jesh, do ta kesh të vështirë të shpjegosh gjithë këtë katrahurë në qeverisje. Dhe prano ato kërkesat e drejta të studentëve sepse jemi vendi më i varfër në Europë, me të ardhurat më të pakta, ndaj dhe shkollimin e shtresave në nevojë duhet ta përballojë shteti. Dhe atë SHQUP-in mos ma përmend mua, nuk jam i Shqup-it e as i Surrelit, sepse kur ti e kishe mik Sali Katrahurën, dilje edhe në foto me të zotërote, unë e stigmatizoja si një kalorës mesjetar delirant.
Partia ime është populli im e jo ato rrangallat parti që manovroni si ti, si Saliu apo Medi-ziu. Lëri pak nder vetes e mos u bëj i payndyrë, sepse vlera më e madhe që lemë pas është kujtimi i mirë tek të tjerët.

Kolec P. Traboini/9 dhjetor 2018

Kryeparlamentari i Kosovës Kadri Veseli në selinë e Vatrës

December 9, 2018 by dgreca

Kryeparlamentari Veseli: Në Vatrën Shqiptare gjeta të gjallë shpirtin e atdhedashurisë për vendin dhe Kombin; gjeta të ndezur idealin e atyre burrave që themeluan Vatrën dhe i paraprinë shpalljes së Pavarësisë së Shqipërisë, gjeta përpjekjet shekullore të Vatrës për ti shërbyer Kombit, gjeta të ndezur shpirtin Kombëtar për forcimin e demokratizimin e Shtetit të pavarur të Kosovës, ku kontributi i shqiptarëve të Amerikës, mbetet gurë-themeli.

Nga Rafaela Prifti & Dalip Greca*/

Të Shtunën me 8 Dhjetor, Kryetari i Parlamentit të Kosovës ishte mysafir në Vatër. Ai shoqërohej nga ambasadorja e Republikës së Kosovës në Washington Vlora Citaku dhe Konsullja e Përgjithshme e Kosovës në Nju Jork, Teuta Sahatcija.

Kryetari i Vatrës z. Dritan Mishto i uroi mirëseardhjen në Vatër z. Veseli dhe diplomateve të Kosovës, duke e vlerësuar vizitën e kryeparlamentarit si historike, pasi është e para herë që një lider i këtyre përmasave i Kosovës në pushtet viziton Vatrën. Kryetari i Vatrës ka prezantuar qëndrimet e Vatrës rreth cështjeve aktuale që po kalon Kosova dhe Shqipëria, duke prazantuar mospajtimet me votën kundër SHBA-ve, të shtetit shqiptar. Për Kryetarin e Vatrës, miqësia ndaj SHBA-ve, është detyrim moral i Kombit shqiptar.

Kryetari i Parlamentit të Kosovës falenderoi për pritjen e ngrohtë dhe vlerësoi se Federata Panshqiptare e Amerikës Vatrës, sot është vazhduese e punës historike të Vatrës për më shumë se një shekull.

Duke iu referuar zhvillimeve në Kosovë dhe marrdhënieve me SHBA, Veseli tha se pavarësisht sfidave demokratike edhe ekonomike të shtetit të ri,Republika e Kosovës ka vetëm një orientim, atë perëndimor, përkatësisht evropian dhe amerikan. Një nga synimet e zhvillimeve demokratike është mbajtja në Kosovë e kapaciteteve intelektuale dhe vecanërisht rinisë së Kosovës. Për sa i takon arritjeve, Republika e Kosovës është në nivel të ngjashëm ekonomik e jetësor me Ballkanin Perëndimor, por larg standarteve të vendeve të përparuara evropiane.

Shkuarja drejt tyre është synimi i reformave ligjore dhe ekonomike, ndërsa synimi politik është anëtarësimi në OKB me gjithë pengesat e vazhdushme që po vendos në këtë rrugë Serbia. Ai tha se Kosova është e vendosur në rrugëtimin e saj, nuk ka hapa pas, vetëm përpara, ndërsa për Kufijtë e Kosovës, nuk do të lejohet cënimi i tyre.

Kryeparlamentari i Kosovës Veseli informoi edhe për vizitën e tij në shtetin e Iowa-s. Ai tha se Partneriteti me shtetin Iowa, në fushën ushtarake dhe më tej do zgjerohet edhe në fushën bujqësore dhe akademike. Për dijeni, 25 donacione të pajisjeve nga ushtria amerikane do jenë në Kosovë në fund të muajit, pjesa më e madhe e tyre kanë mbërritur. Me 7 dhjetor z. Kadri Veseli vizitoi shtetin e Iwoa. Kryetari i Kuvendit të Kosovës, Kadri Veseli gjatë kësaj vizite është pritë edhe në Gardën Kombëtare të Iowa-s, ku ka parë nga afër mënyrën e organizimit dhe ka diskutuar me ta për mbështetjen që i është dhënë deri më tani Forcës se Sigurisë së Kosovës. Kryetari Veseli informoi se është pritur nga gjenerali Timothy Orr dhe drejtues të tjerë të Gardës se Iowa-s. Gjatë vizitës u konfirmua edhe një herë mbështetja për Forcën e Sigurisë së Kosovës edhe pas transformimit të saj në Ushtri të Kosovës. Kjo mbështetje do të vazhdojë të jepet në trajnime dhe edukim por edhe në aspekte të tjera që kanë të bëjnë me funksionimin e saj si ushtri. Kryetari Veseli rikonfirmoi se Ushtria e Kosovës do të jetë ushtri e paqes në Ballkan, por edhe në zona të tjera kudo qe do të kërkohet angazhimi i saj, në ruajtjen e paqes. Gjenerali Timothy Orr , ka ritheksuar edhe një herë përkrahjen për Kosovën, e në veçanti për Forcën e Sigurisë sa Kosovës.

Sipas Kryetari Veseli, kurrë shqiptarët nuk kanë qenë më mirë se tani, kurrë më të fortë se tani, por kërkohet më shumë organizim dhe bashkëpunim për të ecur përpara.

Duke iu referuar marrdhënieve me SHBA dhe lobimit në SHBA,ai konstatoi se disa nga miqtë tanë të vjetër amerikanë, që na dhanë mbështetje të fuqishme para dhe gjatë luftës, janë larguar nga skena politike, janë plakur apo kanë ndërruar jetë, prandja duhet lobim i fuqishëm për të bërë miq të rinj. Edhe klasa tradicionale e biznesmeneve shqiptare jane plakur dhe prandaj nevojitet riaktivizimi i lobit shqiptar.

Kryeparlamentari Veseli ishte në një mendje me Kryetarin e Vatrës për votimin e Perfaqesueses se Shqiperise ne OKB kunder votes se SHBA. Ky, tha ai, eshte tregues negativ në marrdhëniet me mirëbërsin e shqiptarve, shtetin amerikan. Politika e Republikes se Kosoves eshte nje me ate te SHBA, tah Veseli.

Në mbyllje të fjalës së tij, z. Veseli, iu drejtua Kryetari të Vatrës duke thënë se duhet të jesh krenar për paraardhësit e Vatrës si edhe misionin e saj historik.

Më pas janë bërë pjesë e debatit me pyetje përgjigje disa nga pjesmarërrsit në takim. Pasi i uroi mirëseardhjen z. Asllan Bushati pyeti nëse: Kosova ka plan për të shpëtuar nga zgjedha e Kushtetutës së Kosovës të hartuar nga Ahtisari? Dhe a mendonte Kryeparlamentari se kishte zgjidhje tjetër për taksën e Rrugës së Kombit, e cila më së shumti rëndon mi qytetarët e Kosovës?

Përgjigja e Kryeparlamentarit: Kushtetuta e Ahtisarit e ka kryer funksionin e saj dhe nuk mund të mbajë peng ecjen përpara. Barrierat duhen zvogëluar për të komunikuar më mirë. Rruga e Kombit kërkon mirëmbajtje financiare por vendosja e taksave e vështirëson lehtësinë e komunikacionit të hapur e të lirë.

Anëtari i kryesisë së Vatrës z. Marjan Cubi tha se Demokratë e Republikanë në SHBA pajtohen për Kosovën dhe kjo është pozitive. Me rëndësi është përkrahja për ushtrinë e Kosovës. Shtetet shqiptare duhet që të punojnë më shumë për mbështetjen e Presidentit Trump.

Lekë Përlleshi :-Përkrahja ushtarake për ushtrinë e Kovovës, mendoj se është goditje për Serbinë

Kam mendimin se vendosja 100 per qind taksës për Serbinë është pozitive dhe në kohën e duhur.

-Kam mendimin se punëtorët e arsimit nuk janë kompensuar për punën gjatë që kryen në kohën e okupimit serb, ku u ngrit sistemi paralel i arsimit. A keni ndonjë plan kompensimi?

Përgjigje: Kërkesat për reparacione nuk mund të përmbushen nga shteti i ri i Kosovës,Përvec arsimtarëve, janë policët e minatorët etj

Veprimtari i njohur nga Komuniteti Esad Gjonbalaj, një nga themeluesit e Shoqatës se Plave- Guci në SHBA kërkoi nga kryetari i parlamentit që Jakup Ferri të shpallet hero kombëtar nga shteti i Kosovës.

Gjonbalaj tha: Jakup Ferri është një figurë kombëtare që theu vendimet e kongresit të Berlinit, është një figurë kombëtare që mundi ushtarakisht Malin e Zi dy herë në vij të frontit, është një komandant i shquar i Lidhjes së Prizrenit, që vrau Magjar Pashën në Gjakovë. Stambolli e kishte dërguar atë për të nënshtruar Plavë Gucinë për Malin e Zi. Komandanti që me 4000 ushtarë mundi ushtrinë malazeze me 12000 ushtarë.Mendoj se nuk ka asnjë arsye pse nuk është i shpallur hero kombëtar, komentoi Gjonbalaj.

Kryeparlamentari Veseli deklaroi në Vatër se shumë shpejt kjo kërkesë do të shqyrtohet dhe garantoi se brenda dy muajve Jakup Ferri do të shpallet hero kombëtar nga shteti i Kosovës.
Nga atmosfera e krijuar aty në takim shpërtheu i madhi Gezim Nika duke kënduar një refren të këngës, për Jakup Ferrin, duke ndezur atmosferën e takimit.
Esad Gjonbalaj tha për Diellin se të njëjtën kërkesë do t’ia bëjë edhe shtetit të Shqipërisë. Do t’i drejtohem presidentit Meta sepse gjate kohës se diktuarës Jakup Ferrit i ishte mohuar ky titull, tha Gjonbalaj.

Editori i Diellit e njohu Kryeparlamentarin me historinë e Vatrës.

Kryeparlamentari shënoi në librin e vizitorëve: Në Vatrën Shqiptare gjeta të gjallë shpirtin e atdhedashurisë për vendin dhe Kombin; gjeta të ndezur idealin e atyre burrave që themeluan Vatrën dhe i paraprinë shpalljes së Pavarësisë së Shqipërisë, gjeta përpjekjet shekullore të Vatrës për ti shërbyer Kombit, gjeta të ndezur shpirtin Kombëtar për forcimin e demokratizimin e Shtetit të pavarur të Kosovës, ku kontributi i shqiptarëve të Amerikës, mbetet gurë-themeli. Por asgjë nuk përfundon këtu; Shqiptarët nuk do të ndalen në rrugëtimin e vet të lirë. Shqiptarët do të jenë gjithëmonë mirënjohës vendit të Lirisë dhe demokracisë, Shteteve të Bashkuara të Amerikës. Largohem nga Vatra plot emocione. Faleminderit!

Kryetari i Kuvendit të Republikës së Kosovës

-Kadri Veseli- Firma

Me fotografime me Kryeparlamentarin dhe me një fotografi të përbashkët është mbyllë takimi i Vatrës me Kryeparlamentarin Kadri Veseli.

*Per me shume fotografi shihni ne Facebook

SERBIA NDALON DEPUTETIN SERB TË KOSOVËS

December 9, 2018 by dgreca

-Deputeti i Kosovës i komunitetit serb, Slobodan Petroviç, ndalohet nga xhandarmëria e Serbisë. Kuvendi dhe Qeveria e Kosovës dënojnë ashpër ndalimin/

1 slobodan-

-Petroviç është lider i Partiisë së Pavarur Liberale (SLS) dhe është një prej pesë deputetëve pa grup parlamentar (katër prej tyre shqiptarë) në Kuvendin e Kosovës, ku nëntë deputetët tjerë të komunitetit serb janë në grupin parlamentar të Listës Serbe, në të cilin i dhjeti është një deputet i një partie të komunitetit goran/

PRISHTINË, 9 Dhjetor 2018-Gazeta DIELLI/ Institucionet e Republikës së Kosovës, Kuvendi dhe Qeveria, dënojnë ashpër ndalimin e deputetit Kosovar të komunitetit serb, Slobodan Petroviç, nga xhandarmëria e Serbisë.Kuvendi i Republikës së Kosovës deklaroi mbrëmë se me shqetësim të thellë ka pranuar lajmin për ndalimin e sotëm të deputetit të tij, Slobodan Petroviç, nga ana e xhandarmërisë së Serbisë, në pikën kufitare në Merdare.Deputeti Petroviç ishte duke udhëtuar në një vizitë familjare në Serbi (përkatësisht te motra e tij), në momentin kur është ndaluar (rreth orës 11:30) dhe intervistuar nga ana e xhandarmërisë serbe.Deputeti i katër legjislaturave të Kuvendit të Kosovës, njëherësh ish-nënkryetar i tij, Slobodan Peptroviç, është liruar pas katër orë mbajtjeje dhe maltretimi nga ana e organeve serbe të sigurisë.Kuvendi i Republikës së Kosovës dënon ashpër ndalimin e deputetit të tij, duke e konsideruar atë akt të ulët dhe të papranueshëm.Kuvendi i Republikës së Kosovës kërkon nga udhëheqja e Parlamentit të Serbisë që të distancohet dhe të dënojë rastin, i cili, si i tillë, paraqet shkelje flagrante të të drejtave të njeriut e të lëvizjes së lirë.

Poashtu, Qeveria e Republikës së Kosovës në një deklaratë të dërguar mbrëmjen e djeshme thekson se, me shqetësim ka pranuar informatën se në vendkalimin kufitar në Merdare, është ndaluar pa asnjë arsye nga policia serbe, deputeti i Republikës së Kosovës, Slobodan Petroviç, dhe se i njëjti është mbajtur për orë të tëra në këtë vendkalim.Qeveria e Republikës së Kosovës deklaron se kjo nuk është hera e parë që qytetarët e Republikës së Kosovës, posaçërisht ata të komunitetit serb, që punojnë nëpër institucionet e Kosovës e që janë subjekt i hetimeve, keqtrajtimeve dhe fyerjeve nga autoritetet serbe.Qeveria e Republikës së Kosovës e quan të pa tolerueshëm rastin dhe kërkon që këto praktika nga ana e Serbisë të ndërpiten sa më shpejtë dhe që në të ardhmen asnjë qytetarë i Kosovës, nga asnjë përkatësi etnike të mos ketë problem të tilla.Serbia duhet ta kuptojë njëherë e mirë se situata të tilla nuk i kontribuojnë fqinjësisë së mire, përfundon deklarata e Qeverisë së Kosovës.Slobodan Petroviç është lider i Partiisë së Pavarur Liberale (SLS) dhe është një prej pesë deputetëve pa grup parlamentar (katër prej tyre shqiptarë) në Kuvendin e Kosovës, ku nëntë deputetët tjerë të komunitetit serb janë në grupin parlamentar të Listës Serbe, në të cilin i dhjeti është një deputet i një partie të komunitetit goran./b.j/