dgreca – Page 1661 – Dielli

Pas 18 vitesh,Përsëri në Kosovë

November 30, 2017 by dgreca

-Ministri i Shtetit për Forcat e Armatosura të Mbretërisë së Bashkuar, Mark Lancaster, i cili ka shërbyer si oficer i Mbretërisë së Bashkuar në vitet 1999-2000, u shpreh i entuziazmuar që ndodhet përsëri në Kosovë dhe sheh një qytet aq dinamik, si Prishtina./

1 Mark Lancster_2 “Kur shërbeni diku si ushtar dhe e lini atë vend, çdoherë merrni diçka nga ai dhe, mund t’ju siguroj për këtë se, për këto 18 vjet Kosova asnjëherë nuk ka qenë larg mendimeve të mia dhe për këtë arsye jam i lumtur që jam kthyer”, theksoi ministri Lancaster, duke shprehur përkushtimin e shtetit të tij për Kosovën, të cilin e ka treguar përgjatë shumë viteve/

1 Haradinaj Ministri anglez

PRISHTINË, 30 Nëntor 27-Gazeta DIELLI-B.Jashari/ Ministri i Shtetit për Forca të Armatosura të Britanisë së Madhe, Hon Mark Lancaster, mbërriti sot për vizitë në Kosovë, ku në mëngjes u prit nga Presidenti i Republikës Hashim Thaçi, e më pas takoi kryeministrin Ramush Haradinaj.Presidenti Thaçi e ka falënderuar ministrin britanik Mark Lancster për bashkëpunimin dhe përkrahjen e vazhdueshme të Britanisë së Madhe për njohjen e Kosovës dhe anëtarësimin në organizata ndërkombëtare.“E vlerësojmë shumë përkrahjen e vazhdueshme të Britanisë së Madhe për Kosovën. Pa ndihmën tuaj dhe të shteteve të tjera mike, Kosova nuk do të arrinte të forconte subjektivitetin e saj ndërkombëtar”, u shpreh presidenti Thaçi.Me Ministrin e Shtetit për Forca të Armatosura të Britanisë së Madhe, Mark Lancster, presidenti Thaçi ka folur edhe për Forcën e Sigurisë së Kosovës dhe procesin e transformimit të saj në Forca të Armatosura të Kosovës.Ndërsa, ministri britanik Mark Lancster, i cili më herët kishte shërbyer edhe si ushtar i KFOR-it në Kosovë, u shpreh i impresionuar me zhvillimet pozitive dhe ndryshimet në Kosovë.“Kosova ka bërë një punë shumë të mirë për integrimin e komuniteteve dhe Forca e Sigurisë së Kosovës ka arritur standarde të larta”, ka thënë ministri Lancster.Duke folur për zhvillimet politike në Ballkanin Perëndimor, ministri Lancster theksoi se Britania e Madhe e mbështetë vazhdimin e dialogut të Kosovës me Serbinë në Bruksel, të lehtësuar nga Bashkimi Evropian.Kryeministri i Republikës së Kosovës, Ramush Haradinaj, tha se vizita e ministrit Lancaster është një moment prekës, pasi ai ka shërbyer si oficer i Mbretërisë së Bashkuar në vitet 1999-2000 dhe tani vjen si ministër i Forcave të Sigurisë, gjë që dëshmon se Kosova dhe Mbretëria e Bashkuar vazhdojnë të jenë vende mike.Duke shprehur falënderimin për përkrahjen që i kanë dhënë Mbretëria e Bashkuar Kosovës në vazhdimësi, kryeministri tha se është biseduar për thellimin e bashkëpunimit bilateral në mes dy vendeve.

“Jemi thellë të bindur se ka ende shumë mundësi, shumë punë të mira që mund të bëhen së bashku”, tha kryeministri Haradinaj.Ministri i Shtetit për Forcat e Armatosura të Mbretërisë së Bashkuar, Mark Lancaster u shpreh i entuziazmuar që ndodhet përsëri në Kosovë dhe sheh një qytet aq dinamik, si Prishtina.“Kur shërbeni diku si ushtar dhe e lini atë vend, çdoherë merrni diçka nga ai dhe, mund t’ju siguroj për këtë se, për këto 18 vjet Kosova asnjëherë nuk ka qenë larg mendimeve të mia dhe për këtë arsye jam i lumtur që jam kthyer”, theksoi ministri Lancaster, duke shprehur përkushtimin e shtetit të tij për Kosovën, të cilin e ka treguar përgjatë shumë viteve.Ministri Lancaster më tutje tha se lidhja me Kosovën do të lulëzojë në kontributin që do të japin për të ndihmuar për Forcën e Sigurisë së Kosovës, por edhe kontributin për KFOR-in, si dhe për fushat ku mund të ndërtohet bashkëpunimi edhe në vitet e ardhshme.

Në mesditë, ministrin Lancaster dhe delegacionin e Ministrisë së Forcave të Armatosura të Mbretërisë së Bashkuar do pritet nga ministri i Forcës së Sigurisë së Kosovës, Rrustem Berisha.Në axhendë janë edhe prezentimet nga Forca e Sigurisë së Kosovës dhe Ekipi Këshillues dhe Ndërlidhës i NATO-s për Ministrinë e FSK/FSK (NALT). Do ketë edhe demostrime nga FSK dhe deklarata në konferencë shtypi.

SHBA, angazhim më të madh në Kosovë dhe rajon

November 30, 2017 by dgreca

-Ministri Pacolli në në Departamentin Amerikan të Shtetit, ri-konfirmohet mbështetja dhe angazhimi amerikan/

–Ministri i Jashtëm Pacolli në Këshillin Atlantik: Vetëm zhvillimi ekonomik mund të zgjidh konfliktin ndër-etnik/

1 DASH1 Uashington D.C., 30 Nëntor 2017 –Gazeta DIELLI/ Zëvendëskryeministri dhe Ministri i Jashtëm, z.Behgjet Pacolli, në kuadër të vizitës së tij në Shtetet e Bashkuara të Amerikës është pritur në një takim të ndarë në Departamentin Amerikan të Shtetit nga Ndihmës-Sekretari i Shtetit për Europë dhe Euro-Azi, z. Wess Mitchel, i cili shoqërohej edhe nga Zëvendës-Ndihmës Sekretari i Shtetit, z. Hoyt Yee.Në kuadër të këtij takimi është diskutuar mbi nivelin e marrëdhënieve në mes dy vendeve, duke përfshirë çështjet më prioritare, zhvillimet e gjithëmbarshme politike në rajon, si dhe nevojën e rritjes së angazhimit amerikan në këtë pjesë.“Zhvillova një takim shumë pozitiv me Ndihmës-Sekretarin e Shtetit për Europë dhe Euro-Azi, z. Wess Mitchel dhe Zëvendës-Ndihmës Sekretarin e Shtetit, z. Hoyt Yee.Ri-konfirmuam bashkëpunimin dhe marrëdhëniet e shkëlqyera në mes dy vendeve dhe dy popujve në të gjitha fushat. Mbështetja amerikane për Kosovën do të vazhdojë të jetë edhe më e fuqishme dhe do të ketë angazhim më të madh të ShBA-ve në Kosovë dhe rajon.

Do të jemi në sintoni të plotë në çdo hap dhe veprim. Kalimi i Marrëveshjes së demarkacionit me Malin e Zi dhe fillimi i dialogut Kosovë – Serbi mbeten çështje kryesore. Partneriteti dhe aleanca jonë strategjike është e palëkundur dhe e përjetshme”, ka thënë Ministri i Jashtëm Pacolli.Ndihmës-Sekretari i Shtetit për Europë dhe Euro-Azi, z. Wess Mitchel, pranoi detyrën e tij të re në tetor të këtij viti, ndërsa është përgjegjës për marrëdhëniet diplomatike me 50 vende të Europës dhe Euro-Azisë, duke përfshirë NATO-n, BE-në dhe OSBE-në. /b.j/

Ministri i Jashtëm Pacolli në Këshillin Atlantik: Vetëm zhvillimi ekonomik mund të zgjidh konfliktin ndër-etnik/

1 Atlantic Council 5 Uashington D.C., 30 Nëntor 2017 – Gazeta DIELLI/ Shansi i vetëm efektiv për Ballkanin Perëndimor për të përmirësuar standardin jetësorë dhe vetëdijen e qytetarëve të saj është prosperiteti i shpejtë dhe bashkëpunimi ekonomik në mes vendeve të këtij rajoni.Kështu ka thënë Zëvendës-Kryeministri i Parë dhe Ministri i Jashtëm i Republikës së Kosovës, z. Behgjet Pacolli, në adresimin e tij në Konferencën e Këshillit Atlantik në panelin “Investimi në të ardhmen: a munden ndërmarrësit ta rregullojnë Ballkanin?

“Unë, gjithëherë kam qenë i vetëdijshëm se vetëm zhvillimi ekonomik mund të zgjidh natyrshëm konfliktin ndër-etnik, duke përfshirë, gjithashtu atë në rajonin tonë”, është shprehur Ministri i Jashtëm Pacolli, duke theksuar edhe rëndësinë e krijimit të Zonave të Lira Ekonomike, që mund ta kenë në këtë drejtim.“Rajoni ka 20 milion njerëz, që kanë të hyra mesatare të ulëta për kokë banori, me pak se dhjetë mijë dollarë në vit. Siç e shihni, ne jemi rajoni më i varfër në Evropë. Në anën tjetër, rajoni ka potencial për të ofruar mundësi më të mira jetësore për njerëzit e saj, me të ardhura më të larta, pasiqë ka burime njerëzore të kualifikuara, burime të shumta natyrore, një popullsi të re dhe dinamike, kushte të favorshme klimatike, vendndodhje të mirë gjeografike, qasje në tregun evropian…”, ka theksuar Ministri Pacolli.Në vazhdim të prezantimit , ai shpalosi edhe vizionin e tij, në lidhje me hapat dhe veprimet, që do të ndikonin në një zhvillim të qëndrueshëm dhe të shpejtë ekonomik të vendeve të Ballkanit Perëndimor.“Softueri, apo kura ime biznesore për sëmundjet politike të Ballkanit, ndër të tjera parashikonte:prishje të status-kuosë në marrëdhëniet ekonomike midis vendeve tona dhe lojtarëve kryesorë të tij…;prishje të monopoleve: pozitave dominante të shteteve në bujqësi, energji, trafik ajror… z. Daqiq e di shumë mirë se Serbia është duke dominuar në vendin tonë me transport, bujqësi, energji, hapësirën ajrore…;injektim të praktikave më të mira organizative në kompanitë tona;Partneritete Publiko Private;ndryshim të modeleve të zhvillimit, duke liberalizuar ekonomitë tona;duke rritur peshën e shërbimeve;duke modernizuar industrinë e minierave nëpērmjet menaxhimit modern, akcesit në tregun e kapitaleve;duke fuqizuar infrastrukturën e të gjitha llojeve dhe duke shfrytëzuar më së miri burimet njerëzore dhe natyrore të vendeve të rajonit; duke bërë një integrim ekonomik rajonal dhe depolitizim të kompanive shtetërore në rajon të tilla si kompanitë e trafikut ajror, hekurudhat, sistemet e prodhimit të energjisë elektrike, sistemet e transmetimit të energjisë elektrike, menaxhimi i autostradave, minierave dhe fushave të tjera, të cilat duhet të integrohen në Holdingje ndërkombëtare ose rajonale me PPP efektive dhe t’u sigurojnë atyre menaxhimin profesional”, ka potencuar Ministri Pacolli.Tutje, ai i ftoi edhe kompanitë nga shteti pritës, që të rrisin prezencën dhe investimet e tyre në rajon dhe në Kosovë.“Ka vend për më shumë kompani amerikane dhe le të gjejnë nxitjet e duhura për t’u angazhuar në këtë sfidë të madhe zhvillimi. Ka shumë mundësi për këto kompani siç është qasja e lirë në tregun e BE-së…”, u shpreh ai.Në të njëjtin panel diskutimi me Zëvendës-Kryeministrin dhe Ministrin e Jashtëm z. Pacolli ishte edhe homologu i tij nga shteti fqinj –Serbia, Ivica Daqiq. Në margjina të kësaj konference Ministri Pacolli u takua në një takim të përbashkët jo-formal me homologët e tij nga shtetet fiqnje, ato nga rajoni si dhe zyrtarë të lartë nga shteti pritës.

SHBA-Kosovë-Kryediplomati Pacolli në Shtëpinë e Bardhë/

H.R.McMaster2 (1)

-Ministri i Jashtëm Pacolli takohet me Këshilltarin për Siguri Kombëtare të Presidentit Trump, Gjeneralin H.R. McMaster/

UASHINGTON D.C., 30 Nëntor 2017-Gazeta DIELLI/ Në ditën e tretë të vizitës së tij në Shtetet e Bashkuara të Amerikës, Zëvendës-Kryeministri i Parë dhe Ministri i Jashtëm i Republikës së Kosovës, z. Behgjet Pacolli, së bashku me Ministra të Jashtëm nga shtetet fqinje dhe ato të rajonit është takuar me Këshilltarin për Siguri Kombëtare të Presidentit Amerikan, Gjeneralin H.R. McMaster.Takimi i përbashkët i Ministrave të Punëve të Jashtëm u zhvillua sot në Shtëpinë e Bardhë, ndërsa u diskutuan zhvillimet e fundit në vendet e Ballkanit Perëndimor, zotimet e shteteve respektive për bashkëpunim të mëtejmë si dhe nevoja për rritjen e rolit, përkushtimit dhe prezencës së ShBA-së në rajon. Veç takimit me Këshilltarin për Siguri Kombëtare të Presidentit amerikan, Zëvendëskryeministri Pacolli zhvilloi takime të ndara edhe me znj Molly Montgomery, Këshilltare Speciale e Zëvendës-Presidentit të ShBA-së për Evropë dhe Rusi si dhe z. Brad Berkley, Drejtor për Çështje Evropiane për vendet e Baltikut, Ballkan, Evropë Qëndore dhe Detin e Zi në Këshillin e Sigurisë Kombëtare, institucion ky kryesor i politikëbërjes në Shtëpinë e Bardhë./b.j/

MARK GJONAJ- Dita e Flamurit ne Hotelin “Hilton” në Westchester në New York

November 29, 2017 by dgreca

105 Vjetori i Pavarësisë së Shqipërisë u festua me madhështi nga diaspora shqiptaro amerikane nën drejtimin e Ansambleistit Mark Gjonaj/

“Together, we can do great things”… Mother Teresa/

Dita e Flamurit, 28 Nentori do te njihet zyrtarisht si dita e Pavarësisë Shqiptare në New York

Nga Keze Kozeta Zylo/

Dita e Pavarësisë së Kombit shqiptar gjithmonë mbledh gjithë shqiptarët kudo që janë rreth Flamurit të përbashkuar, për një dëshirë e një qëllim… Në mjediset lluksoze të hotelit “Hilton” në Westchester në New York u mblodhën mbi një mijë shqiptaro amerikanë për të festuar së bashku 105 Vjetorin e Pavarësisë së Shqipërisë. Ndonëse udhëtuam gjatë nga Staten Island për në Westchester, Bulevardi kryesor i të cilit ndrin nga flamujt shqiptarë përkrah flamurit amerikan dhe e kishim marrë emocionin e fuqishëm me vehte, por kur ndaluam përballë hotelit një tjetër emocion po aq i fuqishëm na përfshiu ku hollet e hotelit, hyrja përballë tij, statujat me duart lart që mbanin flamujt shqiptar dhe amerikan e bënin dhe më madhështore dhe më mikpritëse ardhjen e shqiptarëve që vinin grupe grupe për tëfestuar këtë dië të shenjtë.

Në lidhje me dekorimin kuq e zi më duhet t’ju jap një falënderim të veçantë z.Ismet Kurti ish kryetarit te shoqatës së mirënjohur “Ana e Malit”, Ansambleistit të shtetit të Nju Jorkut z.Mark Gjonaj, shoqatave “Plavë e Guci”, “Dibra”, “Kraja” dhe ‘Ulqini” që bënë të mundur këtë nismë, si dhe aktivistëve të dalluar si: Nail dhe Bilal Demiri në Staten Island, Shkumbim Hasangjeka dhe Shkumbim Balidemaj në Brooklyn.

Tavolinat e zbukuruara kuq e zi, pamjet filmike nga historia e Kombit shqiptar për Ditën e Flamurit shfaqur nga ekranet nëpër faqet e mureve e bënte dhe më të detajuar dhe më mikpritëse këtë ditë të bekuar Perëndie, që kishte organizues me plot përkushtim si: Florim Lajqi, Emmie Salaj, Vera Mjeku, Valon Nikci, Mete Bruncaj, Ismet Kurti, Ismer Mjeku, Antigona Komoni, Vaso Nikprelaj etj…

Mbëëmja festive u prezantua nga zonjusha simpatike Antigona Komoni dhe Ardian Komoni.

Salla ushtoi nga marshimi i oficerëve të policisë së New Yorkut drejt skenës kryesore të cilët kanë shoqatën “Illyria”. Hyrja e tyre me uniformën e policisë amerikane dhe me ngrijen e Flamurit shqiptar kuq e zi ishte një moment shumë i rëndësishëm, solemn për të gjithë bashkëkombasit dhe amerikanët që ishin në sallë.

Tenori i famshëm shqiptar Kastriot Tusha i cili kishte ardhur enkas nga Shqipëria si i ftuar special për të festuar me bashkatdhetarët në New York intepretoi hymnin kombëtar i cli u shoqërua nga të gjithë pjesëmarrësit.

Ansambleisti Mark Gjonaj njëherazi dhe fitues si anëtar në Këshillin e Bashkisë së New Jorkut iu ka uruar gjithë pjesëmarrësve: “Gëzuar Ditën e Flamurit, Gëzuar Ditën e Pavarësisë”! Fjala e Tij është mirëpritur me duartrokitje ë zjarrta çka tregon popullaritetin dhe respektin që ka krijuar tek zgjedhësit dhe tek shumica e shqiptaro amerikanëve në Diasporë.

Pas fjalës së tij z.Gjonaj ka ftuar në skenë senatorin e shtetit të Nju Jorkut z.Jefrey D.Klein një mik i afërt i shqiptarëve i cili i uroi gjithë shqitparët në këtë ditë të shenjtë.

Në këtë festë kombëtare nderonte me pjesëmarrjen e saj ambasdorja Teuta Sahatqija Konsulle e Përgjithshme e Kosovës.

Në emër të qeverisë shqiptare ka përshëndetur znj.Besiana Kadare ambasadore pranë Kombeve të Bashkuara në New York.

Fjalimin kresor në këtë ditë të shënuar kombëtare e mbajti zonja Susana Shkreli, kandidatja për në Kongresin Amerikan dhe ndihmës Prokurore, shqiptarja e parë grua në Amerikë që kandidon për një post të tillë. Ajo solli midis të tjerave përvojën e saj në mbrojtjen e fëmijëve dhe grave nga dhunimet e llojeve të ndryshme, punën dhe zbatimin e ligjeve amerikane.

Një performancë speciale solli dhe këngëtarja dhe violinistja, arbëreshja Sophie Castriota nga gjeneratat pasardhëse të familjes së Gjergj Kastriot Skënderbeut.

Vallëzim festiv sollën grupi i valleve të “Rozafatit”, të cilët të veshur me veshjet e bukura shumëgjyrëshe kombëtare i dhanë sallës hare dhe gëzim.

Në emër të guvernatorit të Bronxit znj. Nathalia Fernandez i dorëzoi Ansambleistit Mark Gjonaj, Proclamatën me mbishkrimin që Dita e Flamurit, 28 Nentori te njihet si dita e Pavarësisë Shqiptare në New York në nder të komunitetit shqiptar.

Vallëzim festiv sollën dhe grupi “Ansambli i Eposit të Valleve” veshur me kostumet kombëtare.

Të gjithë pjesëmarrësit u argëtuan me këngë të ndryshme të interpretuara nga këngëtarja e shquar Shyhrete Behluli, Edona Llalloshi, Malësori dhe Vedat Ademi të shoqëruar mjeshtërisht nga DJ Sammy Z.

Festa e 105 Vjetorit të Pavarësisë, do të ngelet e paharruar në kujtesën e mbi 1000 pjesëmarrësve në Hilton hotel, sepse është një ditë që bashkoi shqiptarët është një ditë që frymëzon sepse siç thotë Shen Nënë Tereza “Së bashku mund të bëjmë gjëra të vlefshme”.

Dhe gjërat e vlefshme do të vinë vetëm së bashku, sepse Bashkimi i Kombit e ka nevojë urgjente një realizim të tillë…

Mbremja festive u filmua nga disa media ndërmjet të cileve TV “Alba Life” do te transmetoje se shpejti në kanalet televizive kronikën e përgatitur enkas për këtë Jubile.

25 Nëntor, 2015

Westchester, New York

“Dibra” festoi 105 Vjetorin e Pavarësisë në teatrin“Saint George”

November 29, 2017 by dgreca

Flamuri Kombëtar që ngjiti artistët shqiptarë në “Shtëpinë e Ëndrrave” në skenën e teatrit të famshëm Saint George në Staten Island/

Nga Keze Kozeta Zylo/

Shoqata atdhetare “Dibra” organizoi me plot sukses një mbrëmje gala në nderim të 105 Vjetorit të Pavarësisë së Shqipërisë në Teatrin “Saint George” në Staten Island, New York. Kryesia e nderuar e kësaj shoqate me president të saj z.Dashnor Miftari kishin kohë që kishin lajmëruar mbarë komunitetin shqiptar për të marrë pjesë në këtë mbrëmje gala për të festuar Ditën e Shenjtë të Flamurit. Shoqata e mirënjohur “Dibra” vazhdon traditën e paraardhësve të saj për festën Kombëtare, Ditën e Flamurit ku mbledh së bashku shqiptarët për të festuar këtë ditë të shënuar të popullit shqiptar. Ishulli i bukur i Staten Island është zbukuruar këto ditë me flamujt kuq e zi në bulevardin kryesor gjithashtu dhe gazeta Amerikane “Staten Island Advance” kishte nxjerrë njoftimin për këtë koncert që do të zhvillohej në teatrin e famshëm “Saint George” qe eshte pak minuta nga Staten Island Ferry. Salla ka 2,800 vende dhe u hap për publikun, më 1929.

Brill, i cili kishte në pronësi disa teatro të tjera në ishull dhe dikur kishte në pronësi me William Fox të famës së shekullit XX Fox i cili e parashikoi Shën Gjergjin si një shtëpi “ëndërrash” që konkurronte në katedralat e Manhattan-it të kinemasë.

E pikerisht në këtë shtëpi ëndrrash për herë të parë në historinëe diasporës performuan artistët shqiptarë të Diasporës si dhe të ftuar nga Shqipëria, Kosova dhe trevat shqiptare jashtë kufijve të saj…

Moderatorja e programit zonjusha simpatike Kozeta Turishta e cila e prezantoi programin me profesionalizëm duke sjellë përvojën e saj disa vjeçare si gazetare në Top Channel pasi iu ka uruar gjithë shqiptarëve “Gëzuar Festën e Flamurit” ka ftuar në skenë artistët shqiptarë për të interpretuar pjesët që ata kishin zgjedhur nën drejtimin e producentit artistik Mjeshtrit Shpëtim Saraçi.

Është e pamundur të shkruash per secilin prej tyre, por më duhet të them se ata shkëlqyen të gjithë në performancën e tyre, ata sollën një natë magjike për komunitetin shqiptar në Staten Island dhe për gjithë Diasporën.

Koncerti filloi me Himnin Amerikan interpretuar nga Frederik Ndoci dhe Himnin Kombëtar shqiptar interpretuar nga Kastriot Tusha.

Pas Himneve moderatorja Turishta ka ftuar kryetarin e shoqatës z.Dashnor Miftari. Fjala e tij përshëndetëse dhe urimet e ngrohta dhe të perzemerta në emë të kryesisë për 105 Vjetorin e Pavarësisë së Shqipërisë u mirëpritën me duartrokitje nga i gjithë publiku artdashës çka tregon për mbështetjen që i japin bashkëkombasit e tij. Z.Miftari së bashku me kryesinë e tij po bëjnë një punë të mrekullueshme, një punë që i shërben dhe më shumë të ardhmes së Diasporës, nga se ata janë djem të rinj, me energji të reja dhe me po aq vizion për Kombin.

Pas përshëndetjes së tij në skenë ka ardhur këngëtari Gëzim Nika i cili ka interpretuar “Shqipëri o nëna ime” dhe Vallet e vendit tim.

Me duartrokitje të ngrohta është mirëpritur Ansambleisti i shtetit të Nju Jorkut z.Mark Gjonaj i cili me një shpirt të zjarrtë për Atdheun gjen kohën që të urojë shoqata të ndryshme në këtë ditë të shenjtë të Kombit. Në skenë jane ngjitur për të përshëndetur dhe për të uruar shqiptarët në Ditën e Flamurit dhe ish kongresmeni Mickael Grimm njëherazi kandidat përsëri për në Shtepinë e Bardhë si dhe senatorja e shtetit të Nju Jorkut zonja Diane Savino.

Vedat Ademi ka interpretuar disa këngë si “Kolazh me këngë kosovare” duet me Xhoi Bejko si “Moj bjondinë”…

Xhoi Bejko këndoi Shqipëri o vendi im etj…

Arjan Kerliu interpretoi Te dua lumi im dhe “My way”…

Mira Konci “Moj e bukura more”, fatit i besoj dhe “Woman in love”

Aktori Mirush Kabashi interpretoi poemën “Gjuha Shqype” nga At Gjergj Fishta si dhe “Moj Demokraci” të poetit të ndjerit Pano Tacit ish i persekutuar politik.

Magjike dhe surprizë tejet e këndshme ka qenë dalja në skenë e këngëtares së famshme botërore Bebe Rexha, prindërit e se cilës janë me origjinë nga Dibra.

Haxhi Maqellara ka sjellë pranë spektatorëve interpretimin për “Elez Isufin” si dhe “Jam krenar që jam dibran”.

Sinan Vllasaliu intepretoi “Ktheju o rini” dhe “Ajredin Pasha”.

Kastriot Tusha “Vijnë pamporët”, Margjelo si dhe New York, New York…

Mbrëmjen Gala dhe gjithë bashkatdhetarët i ka përshëndetur nga Tirana, kryeqyteti i Kombit, nëpërmjet nje vidioje kryeministri i Shqipërisë z.Edi Rama i cili iu uroi për Festën e Flamurit dhe në vecanti falënderoi Kryetarin e shoqates “Dibra” z.Dashnor Miftari, kryesinë e tij si dhe një falënderim i veçantë i ka dhënë z. Ilir Rusi i cili e quajti vëllain e tij.

Dëshira Ahmeti Kërliu interpretoi “Per ty Atdhe” si dhe “Dua më shumë Shqipërinë” duet me Arjan Kërliun.

Frederik Ndoci interpretoi “Rrjedh në këngë e ligjërime”, “Por si ty nuk ka nje tjetër”

Koncerti ka përfunduar me ardhjen e gjithë artistëve në skenë të cilët i kënduan Kombit dhe Flamurit!

Koncerti ishte një sukses i jashtëzakonshëm, me një performancë të shkëlqyer në “Shtëpinë e ëndrrave” nga artistë të mirënjohur shqiptarë organizuar me madhështi nga shoqata atdhetare “Dibra”, e cila la për herë të parë një gjurmë të artë në 88 Vjetorin e teatrit “Saint George” në Staten Island.

Pas koncertit kryesia e shoqatës organizoi një mbrëmje në restorantin “Blue” në Staten Island, një restorant që shërben në menyrë të kulturuar dhe afron ushqime tejet të shijshme.

Muzika, DJ, artistët e shquar si Haxhi Maqellara, Arian Kërliu, Sinan Vllasaliu, Mira Konci, Xhoi Bejko etj e bën dhe më magjike natën e së dielës në ishullin e Staten Island, në Restorantin Blu, pranë oqeanit. Uji me ngjyren blu të thellë që më dukej sikur të ishja pranë detit të Vlorës së Flamurit, pranë Vlorës së Ismail Bej Vlorës, shkëlqente nga reflekset e Hënës, e cila më jepte një ndjesi si një nuse e bukur dibrane me veshjen kombëtare që mirëpriti në sofrën e saj bashkëkombasit në Ditën më të shenjtë të Kombit, në Ditën e Flamurit Kombëtar.

Mbremja gala u filmua nga disa media ndërmjet të cileve TV “Alba Life” do te transmetojë së shpejti në kanalet televizive kronikën e përgatitur enkas për këtë koncert madhështor.

26 Nëntor, 2017

Staten Island, New York

Lamtumirë Dr. Rifat Ymeri !

November 29, 2017 by dgreca

Të shtunën, më 25 Nëntor, në Prishtinë ndërroi jetë Prof. Dr. Rifat (Islam) Ymeri-doajeni i stomatologjisë në Kosovë.

Kush ishte Dr.Rifat Ymeri?

Ai ishte stomatologu i parë shqiptar në Gjakovë. U lind (në vitin 1927) në një familje të njohur gjakovare që ishte shembull i sjelljes qytetare. Dr. Rifati ishte doktor i parë i shkencës në fushë të stomatologjisë në Gjakovë, dhe një ndër të parët në Kosovë. Ligjëroi lëndën e sëmundjeve të gojës në Fakultetin e Mjekësisë në Prishtinë – Dega e Stomatologjisë.

Dr. Rifati ishte profesor universitar i përkushtuar, i cili përgatiti gjenerata të tëra dentistësh të ri që sot punojnë an’e mbanë trojeve shqiptare.

Ishte një njeri i disiplinuar, me tipare klasike të sjelljës qytetare; një patriark shumë i nderuar jo vetëm i familjes Ymeraga, një profesor i shquar i cili punoi me zell, përkushtim, vetmohim e ndershmëri.

Dr. Rifat Ymeri ishte dhe një prijës karizmatik (kryetar shumevjeçarë) i Klubit futbollistik VËLLAZNIMI, i cili, nën udhëheqjen e Tij, arriti suksese të larta sportive dhe afirmoi jo vetëm Gjakovën, po dhe sportin Kosovar. Ato vite te paharrueshme, stadiumi i qytetit të Gjakovës ishte shndërruar në një arenë sportive dhe kulturore njëkohësisht, ku defilonin fanellat kuq e zi dhe ku jehonte kënga e muzika e bukur shqiptare nga kompozitorët e këngëtarët më të shquar nga të gjitha trevat e Shqipërisë!

Dr. Rifati ishte kampion i vullnetit të mirë dhe i mirëkuptimit ndërnjerëzor, që përmes kultivimit e mbështetjës së shëndetit, sportit, shkencës dhe arsimimit të brezave të dentistëve vendor, ua tregoi rrugën e ndryshimeve shoqërore të vlefshme, me shembullin e tij akademik, shkencor e njerëzor.

Kudo që jetojë, kudo që veprojë, ai la gjurmë të pashlyeshme, krijoi një frymë e atmosferë pozitive bashkëpunimi të sinqertë, duke kontribuar dukshëm në ndërtimin e një komuniteti të bashkuar e koheziv. Për meritat e tij të shumta, Dr. Rifat Ymeri u shpërblye me “Mirënjohje për veprimtari jetësore”në kuadër të Simpoziumit Ndërkombëtar “Dita e Dentistëve” në mars të këtij viti në Prishtinë.

Por mirënjohja më e madhe për të mendoj se është respekti dhe konsiderata e bashkëqytetarëve të tij, studentëve, pacientëve, bashkëpuntorëve, dhe miqve e kolegëve të tij që përshinë shumë breza brendapërbrenda komunitetit akademik, sportiv e shoqëror në Gjakovë, Kosovë e më gjerë.

Me punën dhe personalitetin e tij të spikatur, Prof. Dr. Rifat Ymeri do të mbetet një figure e shquar dhe e respektuar në analet e stomatologjisë kosovare e gjithëshqiptare.

Varrimi i profesorit të ndjerë u bë të dielën, më 26 Nëntor, në varrezat e qytetit të Prishtinës, kurse Mledhja Komemorative u mbajt në Amfiteatrin e Dekanatit të Fakultetit të Mjekësisë, të hënën, më 27. 11. 2017 në orën 09:00.

Dr. Rifat Ymeri lë pas bashkëshorten e Tij, Zonjën Didare; të bijën Suzana me bashkëshortin e saj Kamuran Goranci dhe fëmijët e tyre: Shkëmbi, Gramosi e Gladiola; bashkëshorten, Edita, te birit te tij të ndjerë Dr. Memli Ymeri, dhe djalin e tyre Rroni; dhe t’birin Edmond Ymeri.