Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

U Zgjodhën kryeprokurorët e prokurorive Themelore të Kosovës

by

1-prokurori

-Anëtarët e Këshillit Prokurorial të Kosovës kanë bërë zgjedhjen e kryeprokurorëve të shtatë prokurorive Themelore të Republikës së Kosovës/

1ok-prokPRISHTINË, 21 Dhjetor 2016-Gazeta DIELLI/  Është mbajtur takimi i njëqindenjëzetegjashtë i Këshillit Prokurorial të Kosovës (KPK), i udhëhequr nga kryesuesi i Këshillit Prokurorial, Blerim Isufaj.Gjatë këtij takimi anëtarët e Këshillit Prokurorial të Kosovës kanë bërë zgjedhjen e kryeprokurorëve të shtatë prokurorive Themelore të Republikës së Kosovës.Për kryeprokuror të Prokurorisë Themelore të Prishtinës, me gjashtë (6) vota për, dy (2) vota kundër, një (1) votë e pavlefshme, është rizgjedhur kryeprokurori, Imer Beka.Ndërkaq, për të parin e prokurorisë Themelore të Ferizajt është zgjedhur prokurori Shukri Jashari, me gjashtë (6) vota për dhe tri (3) kundër.Për prokurorinë Themelore të Gjakovës anëtarët e Këshillit Prokurorial kanë zgjedhur me tetë (8) vota për dhe një (1) kundër, prokurorin Ali Selimaj.Ndërsa, kryeprokurori i deritanishëm i prokurorisë Themelore të Mitrovicës, Shyqri Syla, me shtatë (7) vota për dhe dy (2) kundër, është rizgjedhur kryeprokurori i kësaj prokurorie.Kryeprokurori i Prokurorisë Themelore të Gjilanit, Jetish Maloku, me tetë (8) vota për dhe një (1) kundër, është rizgjedhur kryeprokuror i kësaj prokurorie.Me shtatë (7) vota për dhe dy (2) kundër, anëtarët e KPK-së, kanë zgjedhur kryeprokuror të Prokurorisë Themelore të Pejës, prokurorin Agim Kurmehaj.E për të parin e Prokurorisë Themelore të Prizrenit, anëtarët e Këshillit Prokurorial të Kosovës, me pesë (5) vota për dhe katër (4) kundër, kanë zgjedhur prokurorin Admir Shala.Po sot, anëtarët e Këshillit Prokurorial të Kosovës morën vendim që anëtarja e Komisionit për Vlerësimin e Përformancës së prokurorëve, prokurorja e Prokurorisë Themelore në Prishtinë, njëherësh anëtare e KPK-së,  Ikramije Bojaxhiu të angazhohet me punë të përhershme në afat kohorë prej dy viteve, në Komisionin për Vlerësimin e Përformancës së prokurorëve.Këshilli Prokurorial gjatë këtij takimi ka aprovuar Rregulloren për Veprimtarinë, Organizimin e Brendshëm dhe Sistematizimin e Vendeve të Punës në Sekretariatin e Këshillit Prokurorial të Kosovës, me të cilin përcakton veprimtarinë, organizimin e brendshëm dhe sistematizimin e vendeve të punës në Sekretariatin e Këshillit Prokurorial të Kosovës, për të ndihmuar dhe zbatuar rregullat, rregulloret dhe politikat e Këshillit, lidhur me menaxhimin, buxhetin dhe administrimin e prokurorive./b.j/

Urim nga fëmijët shqiptaro-amerikanë të Bostonit

by

Foto lajm/

Christ is Born, Glorify Him!  Gëzuar Krisht Lindjet!

Wonderful day for the children with BaBa’s,Nana’s, family and friends.
The ” New Americans”, made baked goods from our Nana’s recipes.
Yum,Yum good. The children gave their gifts of Christmas cookies to all.
Fr Liolin invited ” Santa” to the delight of young and old. (Still a Mystery Santa)
Happy New Year!  Gëzuar Motin E Ri  2017! 

Gjithë të mirat për fëmijët shqiptaro-amerikanë kudo që janë në SHBA e në botë!

Eksluzive për gazetën “Dielli” nga Bostoni. {SH.K}

ENDRI DHE STEFI, I NISËN NË BOSTON KONCERTET PËR SHQIPTARËT E AMERIKËS

by

unnamedunnamed-1unnamed-21-fuatiunnamed-4unnamed-3fullsizerender-2453333172

Nga Fuat Memelli/Festat e këtij fundviti, shqiptarët e Bostonit i çelën me koncertin e vëllezërve korçarë, Endri dhe Stefi Prifti. Këngëtarët e shquar , i filluan nga Bostoni koncertet që do japin për shqiptarët e Amerikës, me rastin e Krishtlindjeve dhe Vitit të Ri 2017.  Pjesëmarrësit pritën me duartrokitje hyrjen në sallë të dy këngëtarëve të shquar që vinin nga larg. Pas falenderimit për ftesën dhe urimit për festat, ata nisën “gurgullimën” e këngëve të tyre, që zgjati deri në mesnatë. Si korçarë që janë, e filluan me këngët korçare, të cilat tashmë këndohen jo vetëm në Shqipëri e trevat shqiptare, por edhe nga shqiptarët në emigracion. Pas disa këngëve korçare , e kishin rradhën këngët nga krahinat e tjera të Shqipërisë. Nuk munguan edhe këngët greke, pasi ata kanë jetuar aty e i këndojnë bukur edhe këngët e fqinjëve tanë. Pjesëmarrësit këndojnë e kërcejnë nën ritmin e tyre. Një çift me origjinë nga Korça, nuk rresht së kënduari e kërcyeri.- Këngët e anëve tona na lumturojnë , na çmallin. I këndojmë shpesh kur mblidhemi me njerzit tanë, por ato na “ngjisin” edhe më shumë, ku kemi edhe Endrin e Stefin, bilbilat e këngëve korçare, thonë ata.(Është çifti i qeshur që shikoni në fotografi, të cilëve nuk ia mora dot emrin.) Për një moment Endri dhe Stefi, këndojnë këngën ”Happy Birthday”. Kishte patur ditlindjen shqiptarja Entela Tase me origjinë nga Fieri  dhe ishte për atë kjo këngë.-Kam festuar shumë ditlindje , thotë ajo, por kjo e sivjetmja do mbetet e paharruar, pasi e festova në këtë mbrëmje të bukur mes shqiptaëve, thotë Entela.

Teksa dy këngëtarët pushojnë pak, bisedoj disa minuta me ata.-Po i festoni Krishtlindjet dhe Vitin e Ri, larg familjeve , në Amerikë, i them unë.-Vërtet nuk do jemi pranë familjeve tona, por do jemi në familjen e madhe të shqiptarëve të Amerikës, thotë Endri. Ne kemi këtu edhe mjaft të afërm e miq, kështu që do kënaqemi. –Shqiptarët ju njohin si këngëtarë, por dy fjalë për karierën tuaj, e pyes Stefin.-Kemi mbi 20 vjet që këndojmë , thotë ai. Nuk u bëmë rastësisht këngëtarë. Krahas traditës së familjeve dhe qytetit tonë, ne edhe kemi studjuar për muzikë. Unë kam mbaruar Institutin e Arteve për violinë ndërsa Endri ka mbaruar Shkollën e Mesme të Muzikës në Korçë, për oboe. Pas viteve ’90, si shumë shqiptarë , edhe ne emigruam në Greqi . Kënduam aty për 10 vjet, pastaj menduam të vijmë në Shqipëri. Filluam të japim koncerte në Korçë e më pas në Tiranë, etj. Tani nuk i përballojmë dot kërkesat.-Cila është kënga juaj e fundit? –Është ajo me titull ”Jeta ime” , kompozuar nga Aleksandër Gjoka, me tekst të Pandi Laços. E këndojmë tok me Aleksandrin.

Endri dhe Stefi, vazhduan të këndojnë deri në mesnatë. Shqiptarët pjesëmarrës, u larguan me mbresat më të bukura. Dy organizatoret, Mirela Mero dhe Kledia Mezini, ishin kujdesur që gjithçka të shkonte sa më bukur. Vëllezrit korçarë, do vazhdojnë të këndojnë për shqiptarët e Amerikës, edhe në qytete të tjerë si në Çikago, Neë Yersi, Detroit, Florida dhe Kenerika, ku do qëndrojnë për 20 ditë. Do të çojnë edhe aty këngët e tyre të bukura. Por, jo vetëm këngët. Do të çojnë edhe shpirtin e tyre. Se, që të “ngjisë” kënga, duhet edhe shpirti i këngëtarëve. Dhe ky shpirt, nuk i mungon, Endrit e Stefit.

Konferenca e Ambasadoreve:Kosova, kontribuese e sigurisë

by

-Konferenca e katërt e ambasadorëve të Kosovës, diskutime në katër panele/

1-ambas-amerik1-bushat-hoxhaj2-bushati-hoxhaj1-enveri-flet1-foto-vesh

-Ministri i Punëve të Jashtme të Shqipërisë, Ditmir Bushati: Njohja sa më parë e pavarësisë së Kosovës nga Serbia është me rëndësi për stabilitetin dhe integrimin evropian të dy shteteve/

-Ambasadori amerikan në Kosovë, Greg Delawie ka vlerësuar lartë letrën e NATO-s dërguar Kosovës për intensifikimin e bashkëpunimit/

-Ish kryeministri i Shqipërisë, Pandeli Majko ka vlerësuar se marrëdhënia e Kosovës me NATO-n është praktike dhe një aspiratë e konsolidimit/

PRISHTINË, 20 Dhjetor 2016-Gazeta DIELLI-Behlul Jashari/ Konferenca e katërt e Ambasadorëve të Republikës së Kosovës vazhdoi punimet në Prishtinë, sot në ditën e dytë, me diskutime në katër panele.Siguria e Kosovës dhe marrëdhënia e re me NATO-n, marrëdhëniet e Kosovës me BE-në dhe aplikimi për statusin e kandidatit, diplomacia ekonomike dhe tërheqja e investimeve të huaja si dhe bashkëpunimi rajonal dhe marrëdhëniet e vështira me Serbinë, janë temat që po trajtohen. Pjesëmarrës në panele janë përfaqësues të lartë të institucioneve të vendit, ministra, ambasadorë  dhe deputetë të Republikës së Kosovës, prijës të Bashkimit Evropian, ambasadorë të akredituar në Kosovës si  dhe përfaqësues të lartë nga MPJ e Republikës së Shqipërisë  dhe të organizatave ndërkombëtare. Konferenca e katërt e Ambasadorëve e organizuar nga Ministria e Punëve të Jashtme të Republikës së Kosovës, ka filluar ditën e dytë me diskutimet në panelin e parë, ku është folur për sigurinë e Kosovës dhe marrëdhënien me NATO-n.Panelistët kanë vlerësuar se siguria në rajon dhe në botë, ka ndikim edhe në sigurinë e Kosovës.Zëvendëskryeministri, Hajredin Kuçi  ka vlerësuar se siguria globale ka ndikim direkt në sigurinë e Kosovës. Sipas tij, anëtarësimi i Kosovës në NATO, do të ndikojë për sigurinë e Kosovës dhe atë globale. Kuçi ka thënë se zhvillimet në rajon, por edhe në Lindjen e Mesme, kanë ndikim edhe në Kosovë. Ministri i Punëve të Jashtme të Shqipërisë, Ditmir Bushati ka thënë se koha në të cilën jetojmë dhe e ardhmja, shkon drejt ndërlidhshmërisë. Prandaj, sipas tij, njohja sa më parë e pavarësisë së Kosovës nga Serbia është me rëndësi për stabilitetin dhe integrimin evropian të dy shteteve.Ai ka shtuar se Shqipëria dhe Kosova gjatë viteve të fundit kanë intensifikuar bashkëpunimin me zyra të përbashkëta në Milano e Bari. Kjo ka rritur efikasitetin dhe ofrimin e shërbimeve.Ambasadori i SHBA-së në Kosovë, Greig Delawie ka folur për rolin e NATO-s, përkatësisht atë të KFOR-it në Kosovë dhe sigurinë që po ofron kjo organizatë.Ambasadori amerikan, Greg Delawie ka vlerësuar lartë letrën e NATO-s dërguar Kosovës për intensifikimin e bashkëpunimit. Sipas tij, Kosova po kalon në një tranzicion, nga konsumuese e sigurisë në kontribuuese të saj.  Ai po ashtu ka theksuar se është shumë i kënaqur me vazhdimin e misionit të KFOR-it për ofrimin e sigurisë.Ministri i Punëve të Brendshme, Skënder Hyseni, ka vlerësuar se MPB-ja dhe agjencitë tjera kanë shënuar rezultate të prekshme dhe për lakmi gjatë viteve që po lëmë pas, sidomos gjatë vitit të fundit, por në të njëjtën kohë, në rrafshin e përgjithshëm, sfidat mbesin edhe më tej.Sipas Hysenit, integrimi i Kosovës në strukturat e sigurisë, euroatlantike dhe ndërkombëtare është i një rëndësie tepër të veçantë, sepse në kohën e internetit, këmbimi i informacionit është thelbësor për luftimin e dukurive negative.Ai ka folur edhe për sfidën e anëtarësimit të Kosovës në Interpol, por ka shtuar se vendi ynë do të vazhdojë për përpjekjet që në vitin e ardhshëm Kosova të jetë pjesë e kësaj agjencie.Ministri i Forcës së Sigurisë, Haki Demolli ka thënë se procesi i transformimit të Forcës së Sigurisë së Kosovës është paraqitur në dy rrafshe, atë legjislativ dhe përgatitjeve për planifikim të transformimit të FSK-së në forcë të armatosur, që gjithsej janë pesë shtylla të transformimit.Demolli ka thënë se MFSK, në rrafshin bilateral, deri më tash ka nënshkruar 12 marrëveshje bashkëpunimi, përfshirë edhe shtete të NATO-s. Një rëndësi të posaçme sipas tij, në transformimin e FSK ka dhënë garda nacionale e Iowa, me të cilën bashkërisht, FSK brenda këtij viti kanë shënuar 55 aktivitete të përbashkëta.Ish kryeministri i Shqipërisë, Pandeli Majko ka vlerësuar se marrëdhënia e Kosovës me NATO-n është praktike dhe një aspiratë e konsolidimit. Sipas tij, Kosova është partnerja më e rëndësishme e NATO-s në Evropë, pas Italisë. Majko ka folur edhe për marrëdhëniet e Republikës së Kosovës me Republikën e Shqipërisë, por edhe me shtetet e tjera në rajon.Ambasadorja e Republikës së Kosovës në SHBA, Vlora Çitaku ka folur për bashkëpunimin e NATO-s me Kosovën dhe në veçanti për partneritetin për paqe. Mosnjohja e katër shteteve naëtare të NATO-s, që duhet të jeta pengesë në marrëveshjen e Kosovës me NATO-n, në partneritetin për paqe. Ajo ka shtuar se duhet të tregohemi jashtëzakonisht kreativ, jashtë kornizave, në mënyrë që të gjendet një modus për përfshirjen e Kosovës në partneritetin për paqe.Konferenca e katërt e Ambasadorëve të Republikës së Kosovës do të vazhdojë punimet gjatë ditës ku do të diskutohet për: Marrëdhëniet e Kosovës me BE-në dhe aplikimi për statusin e kandidatit; Diplomacinë Ekonomike dhe tërheqjen e investimeve të huaja; Diplomacinë  multilaterale: përfitimet nga anëtarësimet dhe aplikimet e reja.Ministria kosovare e Punëve të Jashtme ka hapur mbrëmë në Prishtinë punimet e Konferencës së katërt të Ambasadorëve të Republikës së Kosovës, e cila do të zgjasë deri në 23 dhjetor, në angazhimet që të ketë koordinim, kontinuitet dhe koherencë në atë se çfarë duhet të ndiqet në vitin 2017.

FILLOI PUNIMET KONFERENCA E IV-të E AMBASADORËVE TË REPUBLIKËS SË KOSOVËS

Prishtinë, 19 Dhjetor 2016/ Ministria e Punëve të Jashtme e Republikës së Kosovës ka hapur sonte punimet e Konferencës së katërt të Ambasadorëve të Republikës së Kosovës.Hapjen e Konferencës e ka bërë ministri i Punëve të Jashtme i Republikës së Kosovës, Enver Hoxhaj i cili gjatë fjalimit ka theksuar faktin se tashmë Konferenca e Ambasadorëve është shndërruar në tradicionale dhe kjo sipas ministrit Hoxhaj tregon se Kosova ka koordinim dhe kontinuitet sa i përket politikës së jashtme.Siç ka thënë ministri Hoxhaj pikërisht këto janë tipare për të pasur një politikë të jashtme aktive e cila duhet të gërshetoj interesat shtetërore.“Përmes një politike të jashtme aktive, ne synojmë të përmbushim interesat tona të brendshme. Vëmendje të veçantë  do t’i kushtojmë diplomacisë ekonomike, investimeve të huaja direkte, krijimit të vendeve të punës dhe bashkëpunimit ekonomik që do të jetë fokusi jonë i ardhshëm”, ka deklaruar ministri Hoxhaj.Ndërsa ka shtuar se njohjet dhe anëtarësimet kanë të bëjnë me zgjerimin e sovranitetit të shtetit të Kosovës.Kurse presidenti i vendit, Hashim Thaçi ka theksuar se Republika e Kosovës brenda një periudhe të shkurtër kohore ka arritur të artikulojmë një politikë të jashtme të qartë, duke identifikuar interesat e shtetit dhe mekanizmat për t’i realizuar qëllimet tona.“Kosova brenda më pak se një dekade të funksionimit si shtet i pavarur ka arritur me sukses të konsolidoj shtetësinë e saj duke operuar në një ambient ndërkombëtar tepër anarkik, që dominohet nga polarizimet ndërshtetërore të cilat manifestohen edhe brenda organizatave ndërkombëtare si kurrë më parë”, ka deklaruar presidenti Thaçi.Derisa ka përmendur numrin e shteteve që e kanë pranuar pavarësinë e Kosovës dhe anëtarësimin e saj në organizata multilaterale presidenti ka shtuar se institucionet e vendit tashmë e kanë bërë të qartë se e ardhmja e Kosovës është anëtarësimi në BE dhe NATO, dhe siç ka theksuar ai “politika jonë e jashtme angazhohet me tërë fuqinë e saj për realizimin e kësaj aspirate”.Nga ana tjetër kryeministri Isa Mustafa ka deklaruar se në programin e Qeverisë se gjatë këtyre dy vjetëve një prioritet shumë i rëndësishëm është dhënë politikës së jashtme.“Tash e dy vjet, kemi përqendruar një pjesë të madhe të energjisë në politikën e jashtme, duke arritur edhe disa suksese shumë të mëdha. Përkundër vështirësive që kemi pasur brenda vendit, e të cilat kanë pasur ndikime negative, pasi që politika e jashtme është reflektim direkt i politikës së brendshme, ne kemi arritur suksese që mund të konsiderohen historike në këtë periudhë, e që kryesisht lidhen me procese integruese euroatlantike”, ka thënë kryministri Mustafa.Konferenca e katërt e Ambasadorëve të Republikës së Kosovës do të zgjasë prej 19 deri më 23 dhjetor, në të do të diskutohen tema të ndryshme si: siguria e Kosovës dhe marrëdhënia e re me NATO-n; Marrëdhëniet e Kosovës me BE-në dhe aplikimi për statusin e kandidatit; Diplomacia Ekonomike dhe tërheqja e investimeve të huaja, Diplomacia multilaterale: përfitimet nga anëtarësimet dhe aplikimet e reja.

HOXHAJ MIRËPRET BUSHATIN NË KONFERENCËN E KATËRT TË AMBASADORËVE, BASHKËPUNIMI I SHKËLQYESHËM

Prishtinë, 20 dhjetor 2016/ Ministri i Punëve të Jashtme të Kosovës, Enver Hoxhaj, ka takuar sot homologun e tij nga Shqipëria, ministrin Ditmir Bushati, në margjina të Konferencës së Katërt të Ambasadorëve që po mbahet në Prishtinë më 19-22 dhjetor.Ministri Hoxhaj falënderoi ministrin Bushati për pjesëmarrjen dhe kontributin e tij në Konferencën e sivjetme të Ambasadorëve, ndërsa biseduan për projektet e përbashkëta të parapara mes Kosovës dhe Shqipërisë.Gjatë takimit dy-palësh u theksua rëndësia e funksionalizimit të planit të veprimit të Sekretariatit të Partneritetit Kosovë – Shqipëri. Të dy ministrat theksuan se bashkëpunimet e arritura në mes të dy ministrive të Jashtme, të Kosovës dhe Shqipërisë janë shembull i mirë e si shumë zotime të dala nga mbledhjet e përbshkëta të të dy qeverive janë zbatuar suksesshëm.Ministri i Jashtëm i Shqipërisë, Ditmir Bushati sot ka mbajtur fjalim para të pranishmëve në Konferencën e Ambasadorëve si i ftuar special. Gjatë fjalimit të tij, ministri Bushati tha se pavarësisht se Shqipëria ka 105 vite si shtet i pavarur, ka mundësi të mësojë shumë nga Kosova si shtet i ri dhe diplomacia e saj.“Shqipëria edhe pse ka 105 vite si shtet i pavarur ka shumë për të mësuar nga shteti i ri i Kosovës dhe diplomacia e saj”, ka thënë Bushati, ndërkohë që ka falënderuar Ministrinë e Jashtme të Kosovës për gatishmërinë për të hapur Konsullata të përbashkëta.

 

Populli shqiptar, identitet dhe histori të pandashme

by

-Presidenti i Kosovës, Hashim Thaçi nderohet me medaljen “Nderi i Akademisë” nga Akademia e Shkencave të Shqipërisë: Populli shqiptar ka një identitet dhe një histori të pandashme, pavarësisht shteteve, ku ata gjenden, në Republikën e Shqipërisë dhe të Kosovës në radhë të parë, por edhe shtetet fqinjë, ku ka vise shqiptare/

0020030050061-akademiku

TIRANË, 20 Dhjetor 2016-Gazeta DIELLI/ Presidenti i Republikës së Kosovës, Hashim Thaçi është nderuar sot me medaljen “Nderi i Akademisë” nga Akademia e Shkencave të Shqipërisë.Presidenti Thaçi ka falënderuar anëtarët e Akademisë për akordimin e kësaj mirënjohje, duke shprehur respekt për të gjithë akademikët shqiptar që jetën ia kanë kushtuar kërkimit shkencor.Këtë nderim, presidenti Thaçi ka thënë se e konsideron si një çështje që nuk ka të bëjë vetëm me kontributin dhe emrin e tij, por edhe me simbolikën gjithëpërfshirëse e përfaqësuese që përmban institucioni i Presidentit të Republikës së Kosovës.“Prandaj e konsideroj çmimin tuaj një shprehje nderimi e vlerësimi për lidhjen e fortë që na bën të ndihemi të njëjtë, në gjithë hapësirën historike shqiptare, pavarësisht disa dallimeve e pengesave që ka krijuar historia”, ka shtuar ai.Sipas tij, populli shqiptar ka një identitet dhe një histori të pandashme, pavarësisht shteteve, ku ata gjenden, në Republikën e Shqipërisë dhe të Kosovës në radhë të parë, por edhe shtetet fqinjë, ku ka vise shqiptare.Para akademikwve, Presidenti ka theksuar se populli shqiptar ka një gjuhë të pandashme, studiuesit në Kosovë e në Shqipëri kanë hapësirë të madhe kërkimi për pasuritë gjuhësore, për trashëgiminë gojore, për thesarin e larmishëm shpirtëror që ruhet ende prej njerëzve.“Janë bërë shumë përpjekje për t’i ndarë shqiptarët edhe në identitet, ashtu si i ka ndarë padrejtësisht në shekullin e kaluar historia me kufij të imponuar. Por, ju mbeteni gardianët e këtij identiteti, që u krijua nga shekujt e mijëvjeçarit, ju jeni gardianët e simboleve kombëtare”, ka shtuar ai.Sipas tij, bota e sotme është jo vetëm  e pavarësisë, por  edhe e ndërvarësisë, ku Evropa e sotme, që është synimi i aspiratave gjeopolitike në Kosovë e në Shqipëri, është modeli i kësaj ndërvarësisë.Duke folur për aspiratat e shqiptarëve për t’u bërë pjesë e BE-së, presidenti Thaçi ka theksuar se përveç identitetit kombëtar shqiptar, ne kemi edhe identitetin evropian.Ai ka thënë se duhet ta kuptojmë këtë realitet, ta njohim dhe ta pranojmë, të mësohemi të jetojmë në ndërvarësi ashtu si gjithë vendet e qytetëruara, por duke ruajtur gjuhën, identitetin, traditën, specifikat historike.“Kush më mirë se shkencëtarët e albanologjisë mund të na japin mësime dhe këshilla si t’i ruajmë këto pasuri, në kushtet e reja në të cilat jetojmë dhe përballë sfidave që na presin. Prandaj roli i akademive dhe akademikëve në këtë aspekt do të rritet, përgjegjësia e shkencave kombëtare do të fuqizohet”, ka thënë Thaçi.Në fund ka theksuar se është shumë e rëndësishme për dy akademitë shqiptare, për institucione të tjera shkencore, që të kontribuojnë maksimalisht për të hequr çdo pengesë, që të kemi një hapësirë të vetme kulturore, gjuhësore, letrare, shpirtërore.“Nëse për kufijtë shtetërorë nuk mjaftojnë dy palë për të marrë vendime, për kufijtë e hapësirës kulturore e shkencore kombëtare shqiptare gjithçka është në dorën tonë”, ka thënë ai.Ndërsa, Prof. Dr. Muzafer Korkuti, kryetar i Akademisë së Shkencave të Shqipërisë ka thënë se me këtë mirënjohje, ne duam të vlerësojmë misionin tuaj në krye të shtetit të Kosovës, një mision që ju e keni kurorëzuar në kohë të mbara e në kohë të vështira.“Vendimin për të çmuar në një shkallë shumë të lartë kontributet tuaja, që janë historike, ne e formatizojmë sot, duke ju akorduar me solemnitet mirënjohjen “Nderi i Akademisë”. Akademia jonë e Shkencave ka qenë e para që, përmes botimit në disa gjuhë të librit “Kosova, një vështrim enciklopedik”, bëri të njohura botërisht meritat tuaja si njeriu që qëndroi në krye të procesit të pavarësimit të Kosovës”, ka shtuar ai. Akademiku Korkuti ka theksuar se në krye të këtyre misioneve, si kryetar i qeverisë e si kryetar i shtetit, Thaçi ka qenë po aq i ndjeshëm sa dhe bota akademike e universitare në Kosovë e në Shqipëri për ruajtjen dhe përurimin e trashëgimit shpirtëror të popullit shqiptar.“Dy akademitë tona po bashkëpunojnë me projekte e programe, me nisma dhe organizma të përbashkët. Duke e ditur shumë mirë se ju i takoni atij brezi që vetëdijen kombëtare e kishin parësore ndaj çdo faktori tjetër: politik, shtetëror, fetar, rajonal, kulturor, jemi plot bindje se institucionet që janë të ngarkuara me çështjet primare të botës shqiptare dhe bashkëpunimi ynë i ndërsjellët do të kenë praninë e ndikimit Tuaj pozitiv”, ka thënë ai.Në motivacionin e dhënies së mirënjohjes “Nderi i Akademisë” për Presidentin Thaçi ndër të tjera thuhet ”Figurë me rëndësi vendimtare në mbrojtje të njësisë së identitetit kombëtar, gjuhës dhe vlerave themelore shqiptare”./b.j/