Vatranët në Shtetet e Bashkueme të Amerikës, si të gjithë shqiptarët në përgjithsi, janë të alarmuem për gjendjen kritike të krijueme në Kosovë.Pamjet e shëmtueme të dy ditëve të fundit, transmetue direkt nga Prishtina, nuk i ngjajshin nji vendi ku populli i lirë ka mendue se ka zgjedhë e dërgue ma të përshtatshmit me e udhëheqë drejt konsolidimit të shtetit dhe mirëqenjes së qytetarëvet, dhe ma të mirët për të përfaqsue interesat e tij në Parlament.
Kuvendi i ngjante ma tepër një arene sportive me tifozë të dalun kontrollit se sa një institucioni ku vendosen fatet e Kosovës, në kundërshtim me odat tradicionale të burravet, ku palët kundërshtuese ndigjoheshin me rend, argumentet shqyrtoheshin me gjakftoftësi dhe konfliktet zgjidheshin me arsye e drejtësi, si u ka hije njerëzve të civilizuem.
Pamjet jashtë Kuvendit sjellshin memorjen e kohëve jo të largëta të konfrontimevet me policët serbomalazez dhe nuk i ngjajshin një popull që i gëzohet lirisë së fitueme me aq shumë gjak e sakrifica.
Nuk mund të pajtohemi me metodat e dhunës me prirje anarkike të opozitës, që janë të papranueshme në nji shoqni të civilizueme, të dënueshme si antidemokratike dhe, në anë tjetër, komprometojnë randë kauzën të cilës don t’i dalë zot, sado kauzë e drejtë të jetë ajo.
Koalicioni qeveritar nuk i shpëton përgjegjësisë për situatën e krijueme që asht shkak i një dëshprimi shpërthyes. Korrupsioni i përhapun deri në rrethet ma të nalta qeveritare e parlamentare, zyrtarët e zgjedhun a të emnuem pasunohen “mbrenda natës”si me u pikë parja prej qiellit, ndërsa populli vorfnohet gjithnjë e ma tepër, papunësia rritet, rinija mbetet rrugëvet pa shpresë për të ardhmen dhe mija familjesh lëshojnë trojet e marrin arratinë, manipulimet politike dhe etja e teprueme për pushtet dhe për pasunim të pa kufi, janë disa nga ankesat e zashme të popullit, që asht sovrani të cilit duhet t’i shërbejnë zyrtarët, qofshin qeveritarë ose përfaqësuesa të tij në parlament.
Situata ka shkue tue u keqsue në vend që të përmirësohet dhe ka mbërrijtë në një nivel alarmues mbas nënshkrimit të dy marrëveshjeve që ka ba qeverija me Serbinë për “Zajednicat” dhe me Malin e Zi për përcaktimin e vijës kufitare. Opozita e akuzon qeverinë për lëshime të randa në dam të Kosovës, ndërsa qeverija pohon të kundërtën, dhe kështu çashtja ka kalue në Gjykatën Kushtetuese. Asht e arsyeshme që opozita të ketë durim dhe t’i japi kohë Gjykatës të veprojë.
Për të dalë nga situata e rrezikshme që asht krijue në Kosovë, mendojmë se, së pari, duhet të merret vendim dhe të organizohet sa ma shpejt një referendum për marrëveshjet, për të cilat populli duhet të informohet në mënyrë shumë të qartë dhe t’i kuptojë mirë, kështu që ai, sovrani, në kushte të qeta sigurije, të vendosi në se i pranon ose i shtyn ato për negociata të reja. Së dyti, të shqyrtohet me seriozitet mundësia e shkuemjes në zgjedhje të parakohshme.
Kemi shpresë se të gjithë faktorët politikë, për interesin e popullit e të shtetit të Kosovës, do të zgjidhin mosmarrëveshjet dhe do të krijojnë klimën e gjakftoftësisë, që të ecet përpara drejt stabilitetit dhe përparimit të vendit e mirëqenjes së popullit. Këtë ua dëshirojmë me sinqeritetin tonë vëllaznor.
Kryesia (New York, 18 nandor 2015)
Mustafa në Bruksel kërkon liberalizimin e vizave
-Kryetari i Parlamentit Evropian, Martin Schulz, ka theksuar përkrahjen e PE-së për Kosovën, duke vlerësuar progresin që po arrihet/
Bruksel, 18 nëntor 2015/ Kryeministri i Republikës së Kosovës, Isa Mustafa, u takua sot në Bruksel, me kryetarin e Parlamentit Evropian, Martin Schulz.
Gjatë takimit, ku ishin të pranishëm edhe zëvendëskryeministri i parë, njëherësh ministër i Jashtëm, Hashim Thaçi, dhe ministri i Integrimit Evropian, Bekim Çollaku, kryeministri Isa Mustafa, ka shprehur mirënjohjen e Qeverisë dhe të qytetarëve të Kosovës, për përkrahjen e veçantë që PE ka ofruar për Kosovën.
Kryeministri Mustafa e njoftoi për progresin në Kosovë, me theks të veçantë për prioritetet e Qeverisë së Kosovës për zhvillim ekonomik dhe stabilitet të gjithanshëm në Kosovë.
Kryeministri Mustafa, theksoi rëndësinë e nënshkrimit të MSA-së ndërmjet Kosovës dhe BE-së, duke shprehur besimin se ajo do të ratifikohet së shpejti në Parlamentin Evropian.
Kryeministri Mustafa, kërkoi përkrahjen e PE-së për liberalizimin e vizave për qytetarët e Kosovës, të cilët, siç u shpreh kryeministri, janë të vetmit në Ballkan që nuk mund të lëvizin pa viza duke mbetur të izoluar.
“Nuk ka më asnjë arsye për mosliberalizimin e vizave për kosovarët”, tha kryeministri Mustafa, duke shtuar se BE-ja duhet të jetë në Kosovë dhe Kosova duhet të jetë pjesë e BE-së.
Njoftimi i Kryeministrisë kosovare dërguar nga Brukseli bën të ditur se, kryetari i Parlamentit Evropian, Martin Schulz, ka theksuar përkrahjen e PE-së për Kosovën, duke vlerësuar progresin që po arrihet.
Kryetari Schulz shprehu mbështetje edhe për proceset integruese të Kosovës, duke përfshirë liberalizimin e vizave dhe hapat e tjerë të Kosovës.
Schulz theksoi nevojën për zhvillim të qëndrueshëm në Kosovë, duke shprehur shqetësimin rreth tensioneve të fundit politike.
Kryetari Schulz, po ashtu, ka shprehur përkrahjen e PE-së për vazhdimin e dialogut ndërmjet Republikës së Kosovës dhe Serbisë në Bruksel, duke vlerësuar rolin konstruktiv të Kosovës.
Gjatë takimit është biseduar edhe për aktet e fundit terroriste që ndodhën në Francë.
Me këtë rast, kryeministri Isa Mustafa theksoi se këto janë probleme që kalojnë kufijtë nacionalë, duke shprehur angazhimin e fuqishëm të Kosovës në kuadër të koalicionit global kundër terrorizmit, duke përfshirë miratimin e akteve ligjore dhe masat konkrete që janë ndërmarrë.
Gjatë qëndrimit në Bruksel, kryeministri Mustafa do të takohet edhe me presidentin e Komisionit Evropian, Jean-Claude Juncker, komisioneren e lartë të BE-së për Punë të Jashtme dhe Politika të Sigurisë / zëvendëspresidente e KE-së, Federica Mogherini, Komisionerin e BE-së, Dimitris Avramopoulos, eurodeputetët Ulrike Lunacek dhe Elmar Brook si dhe zyrtarë të tjerë të lartë të BE-së e përfaqësues të bizneseve./b.j/
Protesta në Prishtinë-Polica: 4 policë të lënduar, 13 protestues të arrestuar
-Informacion i Policisë së Kosovës lidhur me veprimet policore për fletë arrestet e lëshuara nga Gjykata Themelore në Prishtinë dhe lidhur me protestën e paparalajmëruar-
Prishtinë, 18 nëntor 2015/ Policia e Kosovës bëri të ditur se me 17.11.2015, nga Gjykata Themelore në Prishtinë ka pranuar 4 fletë arreste, për 4 deputetë lidhur me veprat e tyre penale që ngarkohen, e të cilët janë: Albin Kurti, Albulena Haxhiu, Donika Kadaj-Bujupi dhe Faton Topalli.
Policia e Kosovës bazuar në mandatin ligjor që ka është e obliguar në zbatimin e fletë arresteve të ligjshme të lëshuara nga organet e drejtësisë dhe bazuar në këtë, sot me 18.11.2015 pas orës 08:00 të mëngjesit ka filluar me realizmin dhe zbatimin e fletë arresteve.
Njësitet relevante policore kanë shkuar në adresat e banimit të personave të kërkuar me fletë arrest, për t’iu prezantuar fletë arrestet dhe të njëjtit për t’i sjellë në Prokurori, ashtu siç parashihet në fletë arrestet e lëshuara.
Deri më tani, në vendbanimin e saj është takuar deputetja Donika Kadaj-Bujupi, të cilës i është prezantuar fletë arresti dhe e njëjta ka bashkëpunuar dhe kooperuar mirë me zyrtarët policorë. Bazuar në fletë arrest ajo është sjellë në Prokurori.
Policia e Kosovës bën të ditur edhe se është në realizim e sipër edhe të fletë arresteve tjera për personalitetet tjera që kërkohen dhe në momentet kur takohen të njëjtit do të sillen në Prokurori ashtu siç parashihet në fletë arreste.
Rreth orës 11:30, disa protestues prej rreth 150 personash, përfshirë edhe disa deputetë, janë mbledhur për të protestuar para objektit të qeverisë së Republikës së Kosovës.
Lidhur me protestën e paparalajmëruar, Policia e Kosovës ka angazhuar njësitet relevante policore për të ofruar siguri dhe për të kujdesur për ruajtjen e rendit dhe sigurisë publike.
Protestuesit fillimisht kanë qenë të qetë, mirëpo rreth orës 12:00 kanë filluar të shfaqin dhunë duke hedhur mjete të ndryshme, të rrezikshme, shishe me ngjyrë, përfshirë edhe koktej molotovi drejt njësiteve policore dhe objektit të qeverisë së Republikës së Kosovës.
Njësitet policore, pas shfaqjes së dhunës nga ana e protestuesve, janë detyruar të veprojnë duke përdorur mjetet e ligjshme policore, me qëllim të shpërndarjes së protestuesve dhe parandalimit të dhunës dhe hedhjes së mjeteve të ndryshme nga protestuesit e dhunshëm.
Policia e Kosovës, bazuar në planifikimet operacionale, ka vazhduar me monitorimin e situatës së krijuar nga protesta e dhunshme dhe me veprimet e saja ligjore për të arritur ta menaxhojë dhe ta vë situatën nën kontroll.
Si pasojë e dhunës së shfaqur nga ana e protestuesve, numri i zyrtarëve policorë të lënduar ka arritur në 4 deri më tani, ora 14:15.
Njësitet policore deri tani (14:15) kanë arrestuar 13 protestues të dhunshëm, si dhe kanë konfiskuar në vendngjarje një çantë të mbushur me mjete të dyshuara si koktej molotovi.
Po ashtu si pasojë e hedhjes së mjeteve të ndryshme nga ana e protestuesve janë shkaktuar dëme të konsiderueshme në prona publike, duke përfshirë edhe uniforma dhe pajisje policore.
Policia e Kosovës të gjitha veprimet policore lidhur me situatën e krijuar gjatë protestës dhe pas saj po i ndërmerr në konsultim dhe bashkëpunim me prokurorin kompetent, përfundon njoftimi./
PROTESTOJNË PËRKRAHËSIT E OPOZITËS
PRISHTINË, 18 Nëntor 2015/ Në Prishtinë, gurë dhe ngjyrë kanë hedhur sot në drejtim të ndërtesës së qeverisë së Kosovës përkrahësit e opozitës në protestën që policia e ka shpërndarë me gaz lotsjellës. Gurë janë hedhur edhe në drejtim të policisë. Në protestë ishin edhe drejtuesit e partive opozitare, edhe Albin Kurti, i cili në banesën e tij ishte kërkuar nga Policia për arrestim. Kurti u ka deklaruar mediave në shesh se “protestat do të vazhdojnë”dhe se “nuk do të pranojnë asnjë kompromis pasi shtetin po e persekutojnë”. Në këto zhvillime deri tash raportohet për një polic të lënduar dhe disa protestues të arrestuar.
Opozita e bashkuar dhe protestuesit kërkojnë që të lirohet menjëherë deputetja Donika Kadaj-Bujupi dhe që “përndjekja e opozitës duhet të ndalet menjëherë”.
The persecution of the Opposition must stop immediately
The Police have arrested MP Donika Kadaj-Bujupi, while they have surrounded the houses of MP Albin Kurti and MP Albulena Haxhiu. The houses of Albin Kurti and Albulena Haxhiu have been searched by the Police, and a few police officers are currently staying inside these two houses.
The Police are obeying to the police orders given by Prime Minister Isa Mustafa and his Deputy Hashim Thaçi, who are willing to turn Kosova into a police state in order not to withdraw from the regime they have installed and from the agreements they have made with Serbia.
MP Kadaj-Bujupi should be immediately released and the persecution of the Opposition must end.
We will not stop until the agreements with Serbia are withdrawn, regardless of how far this regime is willing to go to protect the “Zajednica”.
November 18, 2015
Lëvizja VETËVENDOSJE!
(Movement for SELF-DETERMINATION!)