dgreca – Page 4498 – Dielli

LISTA NR.2: 3 QERSHOR 1917, FUSHATA E VATRES “PER SHPETIMIN E SHQIPERISE”

July 31, 2014 by dgreca

(Vijon nga Dielli i dt. 30 korrik 2014 online)
BIDDEFORD, ME.
Stathi Suli $ 25
Thanas Idrizi $ 25
Shemo Mydin Meshitska $ 25
Sokrat Shkodra $ 20
Mynyr Babani $ 20
Andon Adham $ 30
Nazif Alizoti Gjinokastra $ 20
Dr. Stathi Kondi 1unazë + $ 10
Stefan Lesho $ 15
Isuf Maman Gjinokastra $ 20
Halit Gusmari $ 10
Sali Abas Shiani $ 10
Kasem Agalli $ 10
Vebi Malile Gjinokastra $ 10
Lytfi Hassan Gjinokastra $ 15
Elmas Riza Gjinokastra $ 10
Qazim Beqir Gjinokastra $ 10
Omar Baboçi Gjinokastra $ 10
Qamil Kamber Çorroguni $ 5
Dervish Muhamet Gjinokastra $ 5
Hamit Baboçi Gjinokastra $ 10
Sami Gozhita Gjinokastra $ 7
Qenan Duro Panariti $ 10
Hasim Panariti $ 10
Ibrush Mehmet Panariti $ 5
Riza Teme Panariti $ 15
Etem Tafil Mishicka $ 10
Shahin A. Selenitsa $ 10
Riza Abas Mishitcka $ 10
Hodo Mestan Selenitsa $ 10
Themistokli Rutsi $ 10
Daman Çaush Selenitsa $ 10
Ryshit Çaush Selenitsa $ 10
Islam Hasan Gjinokastra $ 10
Nail Banush Përmeti $ 5
Vait Bakush Përmeti $ 5
Dalan Bijo Gjinokastra $ 3
Daver Bijo Gjinokastra $ 3
Ismail Mevlan Gjinokastra $ 10
Bektash Ymer Gjinokastra $ 10
Xhafer Asllan Panariti $ 5
Bajram Vait Sporea $ 12
Latif Mevlan Gjinokastra $ 10
Resmi Meni Gjinokastra $ 3
Haxhi Mani Gjinokastra $ 2
Hajdar Mevlan Gjinokastra $ 10
Daman Xhemal Përmeti $ 5
Thanas Elia $ 15
Hasan Iljas $ 5
Xhemal Hassim Gjinokastra $ 10
Çufe Baboçi Gjinokastra $ 5
Ferat Baboçi Gjinokastra $ 3
Tasim Muço Gjinokastra $ 2
Lutfi Shahin Shtylla $ 5
Nevzat Shehu Gjinokastra $ 7
Bajram Brahim Përmeti $ 5
Adem Nexhip Gjinokastra $ 5
Hamza Gani Përmeti $ 5
Isuf Asqeri Gjinokastra $ 5
Ismail H. Starovetska $ 10
Sadush Tahir Selenitsa $ 5
Bajram Hajdar Panariti $ 10
Mahmut Baboçi Gjinokastra $ 5
Idris Qerim Gjinokastra $ 10
Abas Jaup Panariti $ 5
Halit Meni Gjinokastra $ 5
Muharem Baboçi Gjinokastra $ 2
Njazi Çyçi Libohova $ 10
Metat Feim $ 5
Ahmet Shaqir Kuçi $ 10
Zenel Ali Piluri $ 10
Sefer Zylal Panariti $ 10
Xhemal Oran Panariti $ 5
Deme Muke Panariti $ 5
Xhelo Sherif Panariti $ 5
Brahim Zenel $ 4
Kaso Beqir $ 10
Muharem M. Kalivaçi $ 5
Nuredin Elmas Panariti $ 10
Kamber Rakip Panariti $ 5
Haki Shtino Gjinokastra $ 10
Sali Mulla Gjinokastra $ 5
Hajri Veli Gjinokastra $ 10
Xhelal Ajas $ 10
Qazim Hashorva Gjinokastra $ 5
Safet Xhemal Përmeti $ 1
Karafil Shaban Përmeti $ 10
Hajdar Maman Gjinokastra $ 2
Bastri Maman Gjinokastra $ 7
Emin Rushan Backa $ 10
Meleq Seit Backa $ 5
Jonus Seran Panariti $ 10
Kaçi Latif Panariti $ 10
Hassan Jaup Panatiti $ 10
Kadri Hoxha Gjinokastra $ 2
Refat Tair Panariti $ 10
Liço Rahman Panariti $ 12.50
Kosta Qirjako Mitchel 1 orë+ $ 12
Hajdar Hajrulla Leskoviqi $ 5
Hassan Seit Panariti $ 10
Sabri Frashëri $ 10
Haxhi Baboçi Gjinokastra $ 3
Lyfto Sharra Gjinokastra $ 3
Yzeir Musta Gjinokastra $ 2
Faslli Teme Panariti $ 10
Abedin Hassan $ 10
Ismail Shahin Braçani $ 5
Ismail Votsa Ginokastra $ 10
Riza Gallanxhi Gjinokastra $ 2
Banush Feta Përmeti $ 10
Dervish Gozhita Gjinokastra $ 1
Halil Hoxha Gjinokastra $ 10
Raship Hoxha Gjinokastra $ 15
Daver Hashova Gjinokastra $ 10
Rakip Idris Gjinokastra $ 5
Stathi Puleshi $ 10
Qenan Ibrahim Helmësi $ 10
Sokrat Nashi $ 10
Andon Rako $ 10
Selami Maman Gjinokastra $ 15
Abdulla Ahmet Përmeti $ 10
Rahmi Bajram Përmeti $ 5
Myrto Rushit Matohasanaj $ 5
Janaq Bulio $ 10
Bajram Seit $ 2
Shahin Çobo $ 1
Muharem Ali $ 1
Bektash Hamit $ 2
Bajazit Shahin $ 5
Kasem Tosun $ 5
Koçi Sadik $ 2
Nail Rustem $ 2
Myrteza Zenel $ 2
Shaban Tafil $ 2
Zyfer Dajlan $ 1
Abdul Alim $ 2
Refat Muke Potomi $ 5
Ramadan Xhelo Qesaraka $ 5
Ismail Daut $ 2
Sokrta Kostandin $ 2
Abdulla Maksut $ 6
Istref Beqir Eçmeniku $ 10
Zenel Hysen Piluri $ 5
Adil Shaban Piluri $ 10
Qerim Hysen Babani $ 5
Besim Ahmet $ 1
Faik Mustafa Dobrani $ 5
Asim Mustafa Dobrani $ 5
Hanedi Zeko Gjinokastra $ 4
Levzat Hoxha Gjinokastra $ 5
Emin Sali Suli $ 2
Fejzo Meçan Libohova $ 2
Alush Ismail Selenitsa $ 5
Ali Mestan $ 5
Çerçiz Osman Miçani $ 5
Foni Nikolla $ 10
George Kristo $ 5
Abdurahman Ajdin $ 5
Rakip Ali Panariti $ 5
Bajram Veliko $ 1
Tsane Laska Dhëmblani $ 3
Muhamet Nuredin Frashëri $ 5
Sheme Hamit Kaltani $ 5
Etem Banush Millasi $ 5
Vangjel Spiro $ 10
Riza Mehmet Përmeti $ 10
S(h)uma e ndihmave $ 1275.50
Numëri i ndihmëtarëve 167
Ndihma midisore $ 7.06

Rekordin e kollonisë e ka Z. Andon Adham me $ 30(Vijon)
_________

D Y D R I T A R E

July 31, 2014 by dgreca

tregim nga Spiro Gjikondi/
Mbreme drita qendroi e ndezur deri vone. Minutat dhe oret kalonin duke lene prapa dicka te pakuptueshme,dicka qe fshihej ne te gjitha paisjet e dhomes sone ne konvikt. Cdo gje ishte indiferente: dollapet, komodinat, tavolina, karriket, varesja e rrobave, radiua, tingujt e nuzikes, bile, edhe zeri i spikereve… Te gjitha. E vetmja gje qe e kuptonim dhe e degjonim mire ishte sinjali i ores. E degjonim dhe e ndjenim se dicka ikte per te mos u kthyer me. Megjithate sinjali i ores perseritej pas cdo intervali; mbas nje ore, mbas gjysem… Pra perseritej edhe pse ne nje forme tjeter, me nje tingellimj te ri… Dhe kjo sikur e shperndante ate qetesi qe endej aty ketu.
– kjo nate me duket shume e gjate,- tha ladi sikur te fliste me vete.
– Po,- thashe une ne menyre evazive,- shume e gjate….
Ai ishte ngritur nga krevati dhe ishte afruar prane dritares. Dukej se shikonte jashte. Po cfare shikonte? Ne ate ore rruga dhe sheshi perpara godines ishin bosh. Asnjeri nuk kalonte. Une kisha ndezur nje cigare.
– Tani do te doja te gdhihej,- tha perseri Ladi pa e kthyer koken nga une.
Vertet. Do te ishte mire te gdhihej. Mengjesi eshte i bukur. Sa zgjohemi nga gjumi hedhim syte nga dritarja dhe ndeshim ne kaltersine e qiellit. Zogjte vijne dhe ndalojne ne ballkonin tone. Ne e degjojme kengen e tyre me endje. Na pelqen. Na pelqen ashtu sic na pelqejne zerat e femijeve kur kalojne rrugev per ne shkolle. Na pelqen ashtu si cdo gje e gjalle, si cdo gje gazmore, si cdo gje e fresket…
Por mbreme cdo gje kishte nje pamje tjeter. Te gjitha sendet kishin mbeshtetur koken pas murit dhe dukej sikur po mendonin. Po cfare bluanin ashtu ne heshtje/ Mos valle persiper tyre ishte shperndare nje perde e holle enderimtare? Nuk e di… Por c’mund te mendojne valle gjerat pa shpirt, sendet pa goje? Me se flasin? Cila eshte gjuha e tyre? Une i shikoja te gjitha me radhe dhe me dukeshin si te ngrira. Ja, rafti i librave, canta, hekuri i rrobave, tabllote neper mure…

***

Perballe meje eshte nje peisazh bregdetar. Mua gjithmone me ka pelqyer deti. Por tablloja nuk ka asgje te vecante:- disa taraca, pak shtepi, nje cope fushe, nje lume i vogel qe gjarperon permes saj e qe derdhet ne det. Une e njoh piktorin. Kur ai punonte kete tabllo, ishim bashke. Jemi lare ne det. Ai ishte me i madh se une dhe mbante gjithmone nje kapele dielli. Dosjen dhe valixhen e tij te vogel nuk e ndante asnjehere nga vetja. Gjithmone ulej aty ketu dhe fiksonte ne kuadratet e bardha ndonje pjese te peisazhit bregdetar.
Qe ahere nuk e kam takuar me. Disa dite mbasi iku ai, mbeta vetem. Ahere lahesha, shetisja buze detit, lexoja i shtrire mbi rere ose degjoja radion. Per fat e kisha mere me vete tranzistorin. Pa te me siguri qe do te isha merzitur…
Por jo, jo. Mbas kater ditesh erdhi nje grup gjimnazistesh. Ne cdo fshat te bregdetit ishin hapur disa pika pushimi. Ata do te qendronin aty dy jave.
Megjithate une s’kisha se si afrohesha me ta. As me njihnin, as i njihja. Vetem se i shikoja kur mbushnin bregun dhe kur laheshin. Ato dite plazhi u gjallerua. Dukej sikur dicka e re kishte ndodhur. I degjoja si flisnin me ze te larte, si qeshnin, si shaheshin me shaka dhe buzeqshja me vete. Pastaj ata vraponin duke ndjekur pas njeri tjetrin. Qeshnin me te madhe sidomos kur lagnin vajzat. Ato ngriheshin nga rera dhe vraponin per t’iu larguar ketyre ngacmimeve. Vraponin dhe me kalonin prane. Hija e tyre reshqiste per nje cast siper meje. Pastaj serish ktheheshin dhe serish largoheshin. Une mbetesha perseri i vetem. Ahere degjoja muzike.
Nje dite dy prej tyre erdhen dhe ndaluan para meje. Me shikuan per nje cast sikur te donin te me pyesnin per dicka. Njera ishte veshur me nje kostum banje me lule te verdha e te gjelbra. Tjetra kishte veshur nje fustan ngjyre roze.. Ajo me fustan roze qendronte me mbrapa. Kishte nje pamje te qete e pak melankolike. Ishte me e ndrojtur. Tjetra ishte me e gjalle.
– A mund te ulemi ketu prane dhe te degjojme muzike?- pyeti ajo me kostum banje.
Une pranova me kenaqesi dhe dhe ato u ulen. Ndrojtja e tyre zgjati vetem per disa caste, pastaj ajo me kostum banje filloi te fliste lirshem.
– Mua me pelqen shume muzika,- tha ajo. A mund ta hapim me teper volumin?
– E pse jo?- thashe une.- Baterite i ka te reja dhe mer shume mire.
Ajo e ngriti volumin dhe filloi te mbante ritmin duke rrhur gjurin me shuplaken e saj te vogel.
– Mua me quajne Irena dshed me pelqen shume mujzika,- perseriti vajza me kostum banje. Pastaj shtoi:- Kurse shoqja ime quhet Aneta.
Me pelqeu prezantimi i saj.
– Mua me quajne Koci,- thashe une me buzeqeshje.
Qe ate dite ato vinin shpesh tek une. U flisja per gjera te ndryshme dhe me flisnin per jeten e tyre shkollore.
Megjithate Aneta qendronte gjithmone e heshtur. Fliste shume rralle. Nuk lahej asnjehere ne det. Mua me bente pershtypje nje gje e tille, por nuk guxoja ta pyesja.
Kur u ndodha nje dite vetem me Irenen, ajo me tha:
– Ajo gjithmone keshtu ri. Vetem me mua shoqerohet. Por eshte vajze e mire. Vetem se ka prinder shume te eger. Babait te saj nuk i qesh buza asnjehere. Nuk deshen tya linin te vinte me ne, megjithse ka edhe te vellane ketu.
– Po perse nuk deshen ta linin?- e pyeta.
– Prinderit e saj kujdesen shume per te.
– Te gjithe prinderit kujdesen per femijet e tyre.
– Ndoshta jo ne kete menyre,- tha Irena. Ate nuk e sheh te dale njehere xhiro ose te shkoje me shoqet ne kinema. Nuk e lene.
– Sa e cuditshme!- thashe une.
– E pabesushme,- tha Irena.
– Po Aneta si reagon?- pyeta une.
– E c’mund te beje ajo?
– Mos valle ka frike?
– Frike?
– Po.
– Jo.ndoshta ka ndrojtje.
– Ndrojtje?!
– Po, po. Ndrojtje.
– Mundet… – thashe une.- Por, sidoqofte edhe ndrojtja ka nje fare kufiri. Kur njeriut i shkelet vetvetja, kur dikush tjeter te shkel personalitetin tend, nuk mund te durosh ne heshtje.
– Ti ke te drejte, – tha irena.- Po c’mund te besh?!… Aneta e ka te veshtire te ngrihet kunder prinderve te saj. Ka nje karakter te perulur.
– Po ju… Po i vallai i saj…?!
Irena nuk diti si te pergjigjej. Ajo e ndryshoi stacionin e radios dhe filloi te fliste per dicka tjeter.

***

Ladi vazhdonte te veshtronte nga dritarja. Kishte futur duart ne xhepa. Fishkellente nje melodi te lehte.
– Dali?- tha ai dhe u kthye nga une.
– Ku? – e pyeta.
– Ne rruge.
– Eshte vone.
– Tashti eshte shume bukur.
– rruget jane te shkreta.
– E megjithate eshte bukur. ketu nuk me rrihet me. Nuk e di se c’kam. As ti nuk je ne forme. Ka me se nje ore qe ja ke mberthyer swyte asaj tabllose se keqe dhe nuk e di c’po vertit neper mend.
– Asgje,- thashe une.
– E pamundur. Hajde dalim!
– Jo.
– Ti je i cuditshem.
– Edhe ti.
– Ndoshta… Vetem sonte… Ka raste…
– Nuk kam gjume.
– Jo vetem ne.
– Kush tjeter?
– Ne godinen perballe eshte nje drite e ndezur.
– Ne c’kat?
– Ne te dytin… Dritarja e katert nga e majta…
` – Po.
– Leta, Miriana dhe Bina.
– Bina eshte ajo e shkurtra.
– Po.
– Bina duhet te jete shkurtim i emrit te saj.
– E quajne Albina.
– Ajo eshte e mire.
– edhe Miriana eshte e mire.
– Kam vene re se ato e fikin driten gjithmone pas nesh. Me sa duket e bejne me qellim.
– Jane prapa perdeve.
– Duken?
– Po. Kane nje ore qe po qendrojne aty.
– Pranvera…- thashe une.
– Pranvera ka ardhur per te gjithe.
– Edhe per ty.
– Mundet… Ta hap dritaren?
– Jo.
`- Jam i sigurte se edhe ato do ta hapin.
– Nuk eshte mire. Nata eshte akoma e fresket…
– Ke te drejte.
Per here te pare Ladi kerkoi nje cigare. Une nuk fola me. Mbeshteta koken ne jastek dhe vendosa te flija. Ishte e pamundur. Gjumi nuk me zinte. Ladit nuk i thashe se sa here dal ne rruge Albina hap dritaren dhe qendron aty per disa caste… Ndoshta Ladi e dashuronte ate. Kushedi… Ka disa dite qe nuk eshte i qete. Flet fjale pa kuptim. Nuk i pelqen te loze shah dhe nuk lexon me si me pare.
– Mos je dashuruar ?- i them une.
– Ai nuk pergjigjet. Qesh ne nje menyre te cuditshme. Ngre taketuken e cigereve dhe behet gati ta perplase ne dysheme.
– Mos! – i them une.
– Me shkrep nganjehere qe ta thyej,- thote ai.
– Anarshist…
– Vetem tashti qe…
Qeshim te dy.
– Nuk e ka fajin taketukja e cigareve,- thote ai mbas pak.
Ndoshta. Ashtu si tablloja ne mur perballe krevatit tim.Megjithate ajo me ngacmon shpesh here. Flet me heshtjen e saj…. Me sjell ndermend… Me kujton…

***

Ate mbremje kishim dale me Aneten. Ishte mbremja e pare, dhe e fundit. Shetisnim buze detit. Aneta kishte hequr shapkat dhe ecte zbathur. Frynte nje puhize e lehte. Feshferinte fustani i saj roze. Valet shushurinin. Perplaseshin pas zajeve dhe kembeve te saj. I kisha zili valet. Hena, si nje ciklopi, na shikonte qe lart. rezet e saj reflektonin mbi uje.
– Aneta…!
Ajo nuk e ktheu koken. Degjonte shushurimen e valeve. Deti here afrohej, here largohej. Mbremje bregdetare.
– Perse ri gjithmone e heshtur
Ajo perseri nuk foli. Une perserita pyetjen.
– Dua… Me pelqen… Nuk mundem…
– Cfare?
– Asgje.
– Sot ishte dite e bukur. Deti ishte i ngrohte.
– Edhe neser do te jete dite e bukur.
– Nje re po i afrohet henes.
Hena u fsheh. Nje perde e erret na mbuloi per nje cast. Nuk e shihja portretin e saj. Ujet reshqiste mbi zaje. Rera akoma nuk ishte ftohur. Disa hapa u degjuan pas nesh. Te dy kthyem koken. Hieja e tij azfrohej me te shpejte.. Ndaloi disa hapa me tej.
– Aneta! -thirri ai.
Aneta u rrenqeth. Edhe une. E njoha nga zeri. ishte vellai i saj.
– Aneta!- thirri perseri me ze te prere.
Ajo u shkeput nga une.. Shkoi drejt tij. U larguan.
Hena akoma nuk kishte dale. Reja levizte ngadale. Kisha mbetur vetem. Valet peshperisnin. Me dukej se asgje nuk kishte ndodhur. Me dukej vetja si ne enderr. Doja qe ajo enderr te mos mbaronte kurre. Kisha degjuar se mbremjet bregdetare jane te magjishme…. Sirena…
Te nesermen prita. Kisha dale buze detit qe ne mengjes heret. Deti i bardhe. Bunace. Gjimnazistet erdhen me zhurme. Ngacmonin njeri tjetrin. U xhveshen dhe filluan te laheshin. Dite e bukur.
Irena, si cdo dite, erdhi prape.
– Te degjoj nje cike muzike?- pyeti ajo.
– Pse jo…- thashe une.
U ul. Dicka zhgaraviste mbi rere. Nje fytyre vajze.
– A nuk i ngjan Anetes?- me pyeti mua.
– Po, – thashe une.- Pra, ajo nuk ka ikur?
– Iku.
– Vetem?
– Bashke me vellane e saj.Iken sot ne mengjes me nje makine te rastit. Kishin babane semure. I lajmeruan mbreme me telefon.
– E di…
– Te pelqen kjo melodi me kitare?- pyeti Irena.
– Jo,- i thashe.
– As mua, -tha ajo.- Me pelqejne ritmet e gezuara.
Bregu ishte i zhurmshem.
Aneta…

***

Ladi hapi dritaren. Doli ne ballkon. Une u ktheva andej dhe e pashe per nje cast.. Qesha lehte me vete dhe me ate. I hoqa syte nga tablloja. Kushedi se c’ka dashur te jape autori me te. Ne fund te fundit ai eshte nje peisazh bregdetar i varur ne mur dhe asgje tjeter. Peisazh i qete. Bregdet… Nje kujtim…
– Mbremje e bukur,- tha ladi
U cova edhe une.
Poshte dritares sone eshte nje mimoze. Ajo eshte e mbushur me lule. Ndjeva eren e saj. Ishte fresk dhe hodha xhaketen kraheve.
– AQto jane akoma zgjuar, – thashe une.
– Po.
– Ajo ne te majte eshte Albina.
– Mua me pelqen Miriana,- tha ladi dhe nuk i hoqi syte nga dritarja perballe.
Ndjeva nje fare kenaqesie. Une nuk kisha guxuar ti flisja me pare per nje gje te tille.. Ladi eshte i cilter. Me pelqen tipi i tij.
– A nuk eshte gjynah qe te flesh ne nje nate te ketille kaq te bukur?
– Eshte e domosdoshme… Riperteritje…
U degjua nje e kercitur dhe dritarja perballe u hap.

—–

17 shtator 1972

Vizita e Papa Françeskut në Tiranë:Qeveria mbi 141 milionë lekë fonde

July 30, 2014 by dgreca

Nga Gjergji Mima/*
TIRANE, 30 Korrik -Keshilli i Ministrave vendosi gjate mbledhjes se sotme për një shtesë fondi në buxhetin e vitit 2014, prej 141.115.797 milione lekesh, miratuar për Ministrinë e Kulturës dhe Qendrën Kombëtare të Kinematografisë, për mbulimin e shpenzimeve që do të kryhen në kuadër të organizimit të punëve në vijim të ardhjes së Papa Françeskut në Shqipëri.
Me poshte vendimi i plote i Keshillit te Ministrave:
VENDIM PËR NJË SHTESË FONDI NË BUXHETIN E VITIT 2014, MIRATUAR PËR MINISTRINË E KULTURËS DHE QENDRËN KOMBËTARE TË KINEMATOGRAFISË, PËR MBULIMIN E SHPENZIMEVE QË DO TË KRYHEN NË KUADËR TË ORGANIZIMIT TË PUNËVE NË VIJIM TË ARDHJES SË PAPA FRANÇESKUT NË SHQIPËRI
Në mbështetje të nenit 100 të Kushtetutës, të neneve 5 e 45, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, dhe të nenit 13, të ligjit nr.185/2013, “Për buxhetin e vitit 2014”, me propozimin e ministrit të Kulturës, Këshilli i Ministrave
V E N D O S I:
1. Ministrisë së Kulturës, në kuadër të organizimit të punëve në vijim të ardhjes në Shqipëri të Papa Françeskut, në buxhetin e miratuar për vitin 2014, t’i shtohen fondet, si më poshtë vijon:
a) Fondi 56 376 734 (pesëdhjetë e gjashtë milionë e treqind e shtatëdhjetë e gjashtë mijë e shtatëqind e tridhjetë e katër) lekësh, me qëllim mbulimin e shpenzimeve që do të kryhen për pastrimin e fasadave të godinave rreth sheshit “Nënë Tereza”, prishjen dhe transportin e mbetjeve të ndërtimit;
b) Fondi prej 44 729 936 (dyzet e katër milionë e shtatëqind e njëzet e nëntë mijë e nëntëqind e tridhjetë e gjashtë) lekësh, me qëllim mbulimin e shpenzimeve që do të kryhen për rikonstruksionin e Muzeut Historik;
c) Fondi prej 32 626 127 (tridhjetë e dy milionë e gjashtëqind e njëzet e gjashtë mijë e njëqind e njëzet e shtatë) lekësh, me qëllim mbulimin e shpenzimeve për punime rehabilituese që do të kryhen në Pallatin e Kongreseve.
2. Qendrës Kombëtare të Kinematografisë, në buxhetin e miratuar për vitin 2014, t’i shtohet fondi prej 7 383 000 (shtatë milionë e treqind e tetëdhjetë e tre mijë) lekësh, me qëllim mbulimin e shpenzimeve të produksionit të dokumentarit “Pritja” në kuadër të organizimit të punëve në vijim të ardhjes në Shqipëri të Papa Françeskut.
3. Këto fonde të përballohen nga fondi rezervë i buxhetit të shtetit.
4. Ngarkohen Ministria e Financave, Ministria e Kulturës dhe Sekretariati Teknik i Komisionit Shtetëror për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”. (ATSH)

Vjedhja e Bankës, Fullani sqaron publikun

July 30, 2014 by dgreca

Tiranë – Guvernatori i Bankës së Shqipërisë, Ardian Fullani, ka deklaruar sot, e merkure 30 korrik, në një konferencë për shtyp se teknologjia funksionoi por moskryerja e detyrës së disa personi me rregullat shkaktoi përvetësimin e parave.
Një javë pas zbulimit të vjedhjes skandaloze të 7. 13 milonë dollarëve Fullani thotë se Inventarizimet dhe kontrollet janë kryer në vazhdimësi, por mospërputhja me rigorozitet e disa punonjësve me detyrën e tyre, ka ceduar personi, njeriu, ka krijuar hapësirë për përvetësimin e vlerave monetare.
Në një deklaratë për mediat Fullani shprehet se Banka po bashkëpunon ngushtë me Prokurorinë për të nxjerrë përgjegjësit dhe po merr masa për të rikuperuar dëmin.
Ja çfarë deklaroi Guvernatori Fullani:
“Inventarizimet dhe kontrollet janë kryer në vazhdimësi, në përputhje me bazën rregullative në fuqi. Natyrisht, mospërputhja me rigorozitet e disa punonjësve me detyrën e tyre, ka ceduar personi, njeriu, ka krijuar hapësirë për përvetësimin e vlerave monetare.
Natyrisht, hetimi administrative nga ana e Bankës së Shqipërisë për të përcaktuar përgjegjësinë individuale është në proces, ndërkohë që Prokurororia nga ana e saj është duke kryer hetimet e duhura për të vënë të gjithë personat para ligjit.
Ju kërkoj kujdesin ndaj kësaj çështjeje të rëndë dhe natyrisht që ne do t’i shkojmë deri në fund asaj, duke nxjerrë përgjegjësitë penale për gjithsecilin duke nxjerrë përgjegjësitë përkatëse. Nënvizojmë se paratë kesh, të magazinuara në ambientet e Bankës së Shqipërisë, nuk janë prekur. Kombimi i një sërë procedurash dhe mjetesh të tekonologjisë së avancuar bëjnë të mundur, parandalimin e çdo tentative individuale apo në grup për të manipuluar rezervat monetare.
Banka e Shqipërisë ka bërë kallëzimin penal në Prokurori për punonjësit që kanë përvetësuar vlera monetare.
Së dyti, BSH ka bërë inventarizimin e vlerave monetare dhe ka identifikuar vlerat monetare. BSh po punon ngushtë me organet e prokurorisë për të vënë para ligjit ata që kanë shkelur detyrën, që kanë pasur detyrën për të ruajtur vlerat monetare dhe kanë lejuar shkelje të tilla ose kryer akte kriminale.
BSH pret përfundimin e hetimeve nga ana e Prokurorisë por po punohet mjaft ngushtë që të zbardhet e vërteta dhe garantuar funksionimin e të gjitha proceseve. BSH ka marrë të gjitha masat për të eliminuar pasojat e ngjarjes dhe rritur kontrollin e saj.
BSH garanton se e përmbush misionin e saj në garantimin e ekuilibrave dhe i ka të gjitha instrumentet, punon me devotshmëri në të gjitha organet që të riparojë këtë dëm dhe njëkohësisht të marrë masa që ngjarje të tilla të mos ndodhin më,”- theksoi Fullani.
Skandali i vjedhjes në BSH, Braçe: Tolerancë zero për çdo përgjegjës, nga Fullani tek i fundit/
Tirane- Kryetari i komisionit të Ekonomisë deklaroi se vjedhja e 7. 13 milionë dollarëve ka treguar se ka dështuar funksionimi në BSH që në hallkën e parë bazë deri tek auditi ndërkombëtar i BSH.
Duke e quajtur një ngjarje të rëndë që cënon rëndë imazhin e Bankës së Shqipërisë por dhe më gjërë imazhin e shtetit shqiptar, Erjon Braçe kërkoi një hetim të zgjeruar dhe tolerancë zero për çdo përgjegjës, duke nisur nga Fullani tek zyrtari i fundit.
“Me këtë ngjarje është cënuar rëndë imazhi i Bankës së Shqipërisë dhe më gjërë se imazhi i Bankës, imazhi i shtetit shqiptar. Natyrisht, kemi kërkuar, po e them ashtu siç u tha në mbledhje, tolerancë zero për këdo që është përfshirë në këtë veprimtari kriminale brenda Bankës së Shqipërisë, duke nisur nga Guvernatori i BSH-së deri tek zyrtari i fundit përgjegjës në gjithë atë zinxhir të kontrollit dhe inventarizimit të vlerave monetare në BSH në të tre aspektet, në aspektin administrative, në aspektin ligjor ” tha Braçe në një deklaratë për shtyp nga kryesia e Kuvendit, rreth orës 12: 30 minuta.
Deklarata për shtyp u mbajt gati një orë nga mbyllja e seancës dëgjimore me dyer të mbyllura që u mbajt nga komisioni i Ekonomisë dhe ku u dëgjua Guvernatori i BSH-së Ardian Fullani dhe anëtarët e Këshillit Mbikqyrës të BSH.
Braçe i kërkoi prokurorisë të shtojë numrin e prokurorëve që janë angazhuar në këtë dosje.
“Duhen më shumë njerëz të prokurorisë për të identifikuar çdo hallkë që nuk ka funksionuar dhe për të ndëshkuar me tolerancë zero cilindo”
Cfare u tha në seancën me dyer të mbyllura
“Morëm një informacion të detajuar lidhur me gjithë çfarë ka ndodhur në Bankën e Shqipërisë por dhe një analizë paraprake mbi përgjegjësitë. U informuam dhe për masat e marra për të kthyer çështjen e sigurisë.”
Tolerancë zero për këdo të përfshirë, nga Fullani tek zyrtari i fundit
“Me këtë ngjarje është cënuar rëndë imazhi i Bankës së Shqipërisë dhe më gjërë se imazhi i Bankës, imazhi i shtetit shqiptar. Natyrisht, kemi kërkuar, po e them ashtu siç u tha në mbledhje, tolerancë zero për këdo që është përfshirë në këtë veprimtari kriminale brenda Bankës së Shqipërisë, duke nisur nga Guvernatori i BSH-së deri tek zyrtari i fundit përgjegjës në gjithë atë zinxhir të kontrollit dhe inventarizimit të vlerave monetare në BSH në të tre aspektet, në aspektin administrative, në aspektin ligjor – sepse unë besoj me kaq informacion sa kemi deri tani , se do duhen përmirësime të rëndësishme ligjore në ligjin për BSH dhe në aspektin penal, për të nxjerrë përgjegjësitë e plota për të gjithë zinxhirin që është përfshirë në këtë vepër kriminale.”
Reforme te plote, ka dështuar nga hallka e pare deri tek auditi nderkombetar
“Me tolerancë zero për çdo përgjegjës dhe natyrisht me një reformë të plotë në të gjitha aspektet e BSH, përfshi rekrutimin e personelit, mbikqyrjen dhe në fund reformimin e sistemit të kontrollit brenda BSH. Po ju them se sistemi i kontrollit nga pikëpamja e ligjeve rregulloreve, sistemi teknologjik ka funksionuar ndërsa pjesa tjetër ajo që varet drejtëpërdrejtë me njerëzit ka dështuar. Ka dështuar që në hallkën e parë bazë siç e pranon vetë Guvernatori deri tek auditi ndërkombëtar i BSH.”
Nuk ka mundësi që shuma e vjedhur të jetë më shumë se 713 milionë lekë të reja
“Ju garantoj qartazi se të paktën nga raportimi që na u bë ne nuk ka asnjë mundësi që vlera të jetë më e madhe se 713 milionë lekë të reja sa është deklaruar dje nga BSh dhe Këshilli Mbikqyrës. Në aspektin ekonomik nuk ka asnjë lloj H” tha Braçe.
Prokuroria të shtojë prokurorët
“Prokuroria të përfshijë më shumë njerëz në hetim dhe hetimi të jetë gjithëpërfshirës.”
Hetimi penal duhet të jetë gjithëpërfshirës dhe të përfshijë ekspertë të organit të prokurorisë më shumë se sa çka sot të angazhuar. Duhen më shumë njerëz të prokurorisë për të identifikuar çdo hallkë që nuk ka funksionuar dhe për të ndëshkuar me tolerancë zero cilindo”
Pse heshti komisioni i Ekonomisë
Braçe tregoi edhe arsyet pse anëtarët e komisionit të Ekonomisë kanë heshtur për këtë skandal, madje i bëri thirrje dhe medias të bëjnë kujdes. “Kam pyetur nëse deri në radhën e dytë të familjarëve të tij ka ndonjë të punësuar në BSH. Nuk më rezulton që të ketë të punësuar. E gjitha ka qenë heshtje dhe kujdes maksimal për të mos folur pa fakte. Edhe ju bëni kujdes sepse nuk po flasim për financat e mia. Me financat e mia të merret kushdo por po flasim me financat e BSH.
Vjedhja e Bankës, Meksi: Individë me integritet duhet të mbajnë përgjegjësi/
Tiranë – Anëtarja e Këshillit Mbikqyrës së Bankës së Shqipërisë, ish-ministrja e Integrimit Ermelinda Meksi gjykon se për vjedhjen e Bankës Qëndrore duhet të mbahet përgjegjësi nga individë, pasi vetëm integriteti moral i tyre garanton që ngjarje të tilla të mos përsëriten.
Në një postim në Fb, Meksi shkruan sot, ditën kur Guvernatori i Bankës së Shqipërisë ka raportuar për ngjarjen në Komisionin e Ekonomisë, se “një leksion me kosto të rëndë jep ngjarja e ndodhur në Bankën Qëndrore:
Integriteti moral dhe profesional i individit është garancia që ngjarje të kësaj natyre të mospërsëriten.
Integriteti nuk është retorikë, për të duhet të garantohet dhe mbahet përgjegjësi,”- thekson Meksi.
HISTORIA NGA FILLIMI: Zbulohet skandali i vjedhjes në BSH Vodhën 600 milionë nga stoku i parave. Ja fotot e të arrestuarve/
Tirane- Një vjedhje spektakolare ndër vite mund të quhet historia e Ardian Bitraj dhe Mimoza Bruzia,dy punonjësit e Bankës së Shqipërisë të cilët u arrestuan dje nga policia, nën akuzën e përvetësimit të vlerave monetare.
6 miliard lekë të vjetra dyshohet se kanë vjedhur gjatë 4 viteve dy punonjësit e Bankës së Shqipërisë.
Ndërkohë që burime nga policia sqarojnë se shumë mund të jetë akoma më e madhe,pasi verifikimi vazhdon ende në terren nga ekspertët.
Ditën e enjte në Gjykatën e Tiranës është dhënë masa e sigurisë për të dy punonjës të Departamentit të Emisionit në Bankën e Shqipërisë, në fshehtësi të plotë duke qënë se ngjarja kategorizohet si tepër e klasifikuar nga banka qëndrore dhe institucionet që po e hetojnë.
Mësohet se gjykata ka vendosur t’i lërë në burg dy ish-punonjësit me akuzën e shpërdorimit të detyrës për Ardian Bitraj dhe shpërdorim detyre dhe moskallzim krimi për Mimoza Bruzia.
Falë auditit të brendshëm të Bankës Qëndrore është zbuluar se disa nga arkat e parave ishin prekur dhe mungonte një sasi e konsiderueshme parash.
Burime nga grupi hetimor i ngritur për këtë çështje nga policia dhe prokuroria dhe ekspertë të bankës ka mundur të zbardhë të gjithë skemë, kjo dhe falë dëshmisë së Ardian Bitraj.
Sipas dëshmisë së tij në vend të parave, pas nxjerrjes nga arka, ata i mbushin me letra për të mos rënë në sy. Në Departamentin e Emisionit ku punon dhe dy shtetasit Ardian Bitraj dhe Mimoza Bruzia ka dy funksione në bankën e shqipërisë.
I pari është nxjerrja në qarkullim e parasë, hedhja e kartmonedhave të reja dhe i dyti grumbullimi i tepricave dhe tërheqja nga qarkullimi i kartmonedhave të dëmtuara. Dyshohet se dy ish-punonjësit e bankës kanë përfituar nga të funksionet, pasi kanë pervetësuar si nga ato që do te hidheshin ne tre ,po ashtu dhe nga ato që kanë dalë nga tregu.
Burime nga grupi hetimor bëjnë me dije se hetimet janë akoma në zhvillim e sipër, pasi pritet dalja e fakteve të reja.
Ka dyshime të arsyeshme se shuma e vjedhur mund të jetë shumë më e madhe, kjo në kohë të ndryshme. Ndërsa sqarohet se nje përson i tretë po i Bankës së Shqipërisë është lënë i lirë, pasi nuk iu gjetën të dhëna komprementuese për të, por hetimi është intensive për të parë nëseka dhe individë të tjerë të përfshirë,në skandalin që çoi në përvetësimin e rreth 4,5 milion eurove.
Njoftimi dje i BSH/
Një ditë më parë Banka e Shqipërisë njoftoi se me datë 21 korrik 2014 Banka e Shqipërisë, ka bërë kallëzim penal për shtetasit A.B dhe M.B, punonjës në Departamentin e Emisionit.
Këta shtetas akuzohen për përvetësimin e vlerave monetare në ngarkim. Materialet dhe të gjitha provat e tjera në ngarkim të të kallëzuarve i kanë kaluar Prokurorisë së Rrethit Gjyqësor Tiranë, e cila ka regjistruar procedimin penal dhe po vijon me intensitet hetimet.
Në përmbushje të detyrimit ligjor të ruajtjes së sekretit shtetëror dhe të sekretit hetimor informacioni i detajuar rreth ngjarjes është i klasifikuar.

Selia e Shenjtë u parashtron qeverive të botës shqetësimin e Papës për paqen

July 30, 2014 by dgreca

Ne Foto:Sekretari i Marrëdhënieve me Shtetet, kryeipeshkvi Dominique Mamberti/
Sekretaria e Shtetit të Vatikanit u ka dërguar ambasadave të akredituara pranë Selisë së Shenjtë një “Notë verbale” për të kujtuar thirrjet e kohëve të fundit të Papës Françesku në lidhje me gjendejn në Lindjen e Mesme. Radio Vatikani intervistoi Sekretarin e Marrëdhënieve me Shtetet, kryeipeshkvin Dominique Mamberti, dhe e pyeti si e shikon Selia e Shenjtë gjendjen e të krishterëve në Lindjen e Mesme në këto çaste:
Sigurisht, Sekretaria e Shtetit po e ndjek gjendjen e bashkësive të krishtera në Lindjen e Mesme me shqetësim të madh. Bashkësitë e krishtera janë duke vuajtur padrejtësisht, kanë frikë dhe shumë të krishterë janë detyruar të emigrojnë. Vetëm në Mosul ekstremistët kanë zaptuar dhe dëmtuar rreth 30 kisha e manastire të cilave ua kanë hequr kryqin. Për herë të parë pas shumë vitesh nuk ka qenë e mundur të kremtohej mesha e shenjtë ditën e diel. Duhet kujtuar se në Irak, sikurse edhe në vendet e tjera të Lindjes së Mesme, të krishterët janë të pranishëm që nga fillesat e jetës së Kishës dhe kanë pasur një rol domethënës në zhvillimin e shoqërisë. Ata dëshirojnë thjesht të vijojnë të jenë të pranishëm, si ndërtues të paqes dhe të pajtimit.
Çfarë është duke bërë Selia e Shenjtë për t’ua lehtësuar situatën?
Selia e Shenjtë vepron në nivele të ndryshme. Para së gjithash vetë Ati i Shenjtë ka treguar në raste të ndryshme dhe me malëngjim afërsinë e tij me bashkësitë e krishtera, veçanërisht me familjet e Mosulit, duke i ftuar të gjithë të luten për ta. E ka shprehur personalisht afërsinë e tij, me anë të kontakteve me disa prej udhëheqësve fetarë, si me Patriarkun e Babilonisë së Kaldeasve dhe me Patriarkun e Antiokisë së Sirianëve, duke i inkurajuar barinjtë dhe besimtarët të jenë të fortë e të shpresojnë. U ka dërguar edhe një ndihmë ekonomike familjeve, nëpërmjet Këshillit Papnor Cor Unum, për t’iu përgjigjur nevojave humanitare. Nga ana jonë, Sekretaria e Shtetit, nëpërmjet kanaleve të veta diplomatike, vijon ta tërheqë vëmendjen e autoriteteve ndërkombëtare dhe të qeverive tek vëllezërit tanë dhe pikërisht këto ditë u kemi dërguar një “Notë verbale” të gjitha ambasadave të akredituara pranë Selisë së Shenjtë, me tekstin e thirrjeve të fundit të Atit të Shenjtë në lidhje me gjendjen e përgjithshme në Lindjen e Mesme, dhe u kemi kërkuar t’ua përcjellin qeverive përkatëse. Ne urojmë me gjithë zemër që bashkësia ndërkombëtare ta shikojë me vëmendje këtë çështje, duke qenë se po preken parimet themelore të dinjitetit njerëzor, po preket respektimi i të drejtave të çdo njeriu, bashkëjetesa paqësore dhe harmonia mes njerëzve e popujve. Iraku dhe vendet e tjera të Lindjes së Mesme janë të thirrur të jenë model i bashkëjetesës ndërmjet bashkësive të ndryshme, përndryshe mbarë bota do të humbiste shumë dhe do të ishte shenjë shumë e keqe.
Në lidhje me Lindjen e Mesme, çfarë mendoni për konfliktet që po e përshkojnë atë rajon dhe në mënyrë të veçantë për rritjen e dhunës në rripin e Gazës?
Gjendja është tragjike dhe shumë e trishtueshme. Fatkeqësisht ekziston rreziku të mësohemi me të dhe ta shohim gati si të pashmangshme, gjë që nuk do të ishte e drejtë. Ati i Shenjtë ka bërë thirrje disa herë të vijojmë të lutemi, duke kërkuar dhuratën e paqes dhe duke pranuar thirrjen që vjen prej Hyjit për ta ndërprerë qerthullin e urrejtjes e të dhunës, që e largojnë paqen. Do të doja të theksoja ftesën e Papës për ata që kanë përgjegjësi politike në nivel kombëtar e ndërkombëtar, të mos kursejnë asnjë përpjekje për ndalimin e çdo armiqësie dhe të kërkojnë paqen e dëshiruar për të mirën e të gjithëve. Siç thotë Papa Françesku, duhet më shumë guxim për të bërë paqe, se për të bërë luftë. Nuk duhet të vihen në qendër të vëmendjes interesat e veçanta, por e mira e përbashkët dhe respekti i çdo njeriu.(Radio Vatikani )