dgreca – Page 4500 – Dielli

LUMENJTË E ËNDRRAVE TË ZEF MULAJT…

July 30, 2014 by dgreca

Nga LULZIM LOGU/
ASOKOHE:/
Asokohe, ndoshta përpara njëzetepesëvitesh, kur jemi njohur bashkë, ai ishte një djalosh përmbytur ëndrrash, që njësoj, si edhe për mua, tingëllonin naive, ndonjëherë edhe marri’ kur i shkëmbenim, ndërsa lexonim poezitë e njeri tjetrit…
Teksa bisedonim për zhvillimet e kohës, tek ai zbuloja papritur tikun e aventurës,lojën e rriskut për të tentuar kah një botë tjetër, nevojën për të provuar dhe prekur një terren ndryshe, ku ndoshta do të mundej të vendoste bazat e kerkimeve shkencore, fillesat e të cilave i diskutonim së bashku, unë si biolog, ai si farmacist, kryesisht për florën aq të pasur të alpeve tona, për bimët medicionale.
Kërkoi të më përfshijë edhe mua në ëndrrën e vet të largimit dhe kur zbuloi hezitimin tim, s’ma përmendi tjetër…
Dhe iku një ditë befas, shkoi larg, nga një rrugë që e zgjodhi me vetëdije, pikërisht duke besuar në forcën e ëndrrës së vet të parë dhe të madhe, për të jetuar mundësinë e gjetjes së jetësimit të interesave shkencore.Dhe ja arriti në krye të pak viteve, emri i tij filloi të figuronte në artikujt e botës shkencore italiane dhe më tej!
Më pas ju kushtua poezisë, duke shfaqur guxim në eksperimentime graduale, të cilat e afruan në rrjedha bashkëkohore të poezisë moderne, falë edhe leximeve dhe ballafaqimeve intensive letrare, shkroi romane dhe publicistikë, duke manifestuar inisiativë dhe përballje të lakmueshme, duke besuar aq fort’ në endrrën e madhe të dytë, në të qënit poet i lexuar dhe i sprovuar në hapësira shqiptare dhe jo vetëm.
Po kush është në fakt Zef Mulaj, për ata bashkëkohës që nuk kanë mundur ta ndjekin në udhetimin e tij jetësor, djalin e Nikaj Merturit?!

NE VEND TE BIOGRAFISE:

Zef Mulaj u lind në Nikaj-Mërtur të Malësisë së Gjakovës, në fshatin Qeresh-Mulaj.
Ka shkruar poezi qysh në rininë e tij. Ka mbaruar studimet e larta në Fakultetin e Mjekësisë, Tiranë (Dega Farmaci). Ka punuar shumë vite në zonat e vendlindjes. Veç punës si farmacist, është marrë gjithnjë me kërkime shkencore në fushën e tij, sidomos në studimin e bimësisë mjeksore të alpeve të Shqipërisë.
Në vitin 1994 vendoset në mënyrë legale në Itali, me një bashkëpunim shkencor në fushën e tij. Në vitin 1998, mbaroi përsëri studimet e larta në universitetin Camerino të Italisë, ku mbrojti titullin Doktor në shkencat farmaceutike, pikërisht në studimin e bimësisë mjeksore të alpeve të Shqipërisë. Është Anëtar i Lidhjes së Shkrimtarve dhe Artistëve në qytetin ku jeton, në Itali. Antar i Liges Boterore të Poeteve Kontemporen (World Poets Society W.P.S.).
Antar i lidhjes së shkrimtarve të Kosovës. Merr pjesë vazhdimisht dhe në konkurset e organizuera në Itali në fushën e poezisë.
Specialist në tosikologjinë klinike e ambientale, në farmakovigjilence mjekesore, në kontrollin kimik të produkteve farmacutike e lëndën e parë. Espert në informatiken aplikative. Specializuar për ndërhyrjet e shpejta mjekesore për kryqin e kuq internacional. Punon dhe kërkon zbulimin e substancave të reja farmakologjike naturale. Antare i shoqates se Fito-Terapisë ne Repupliken e Italisë, me qender në Universitetin Sienes.

VEPRA TE BOTUARA:
Memory-Roman.Shtepia botuese Filara Tirane, tetor 2012
Altri occhi all’orizonte poezi, shtepia botues “Simple” Macerata Itali 2012
Lulet e shpirtit Poezi shtepia botuese “Filara” Tiran 2012
Merr per dore hijen time. Poezi,shtepia botuese Simple Macerata Itali , 2011
Imazh Roman,policesk shtepia botuese Weso Tiranë 2011
880 bimë mjeksore në alpet e Shqipërisë, Tiranë, 2009
Mjegullvarur mbi Ballkan, Tiranë, 2006 (Poezi)
Emri që lind diellin, Tiranë, 2004 (Poezi)
Pas botimit te librave me poezi dhe romaneve , vepra te cilat jan bërë jo vetëm për lexuesit shqiptar, por në mbarë Europë, për faktin se ne botimet e tij i gjejmë tashmë në katër gjuhë europiane.
LIBRI ME I RI I MULAJT:
Tash vjen me një libër tjetër poetik, pikerisht këto ditë doli nga shtepia botuese “SIMPLE” Macerata Itali me titull: “Pieni di sogni i fiumi”(Lumenj endrrash),një përmbledhje me poezi hajku ,me nje kapacitet të lartë për të inerpertuar tek lexuesit, duke e kthyer vargun e fundit të poezisë në një pyetje të thellë e të motivuar , për tu interpretuar nga lexuesi me fantazinë e tij , nje mendim mjaft aktiv, ku i drejtohet etikes dhe veprimit, duke kerkuar e trasmetuar lexuesit formen si duhet të jenë dhe si duhet te vlerësojm thellësisht vlerat njerzore.
( Novella Toreggiani)
Në parathënien e librit, nga Lino Palanka, lexojmë:
“Mulaj arrin të na rrëfejë vetveten dhe botën e vet me përdorimin e kujdesshëm të thjeshtësisë , nën sytë e lexuesit rrjedhin pritjet e zemrës dhe spekulimet e mendjes, udhëtimet e fantazisë, dashuria dhe thika e ftohtë e ndjenjës së zhdukur, entuziazmi dhe zhgënjimi; domethënë, ngjarjet e përditshme të rrjedhjes sonë të jetës, të mbyllur siç jemi aq shpesh brenda nesh, me frikë nga e panjohura, të pasur me keqardhje, të plagosur nga bota, në kërkim të vazhdueshëm të mënyrës për ta pajtuar absurditetin e saj ( të botës) dhe dëshirën tonë të pamposhtur për ta kuptuar. Mbase edhe kjo është një iluzion…

Kjo dashuri
E bukur si lule
Kaq e sigurt. ..

Mos lëviz
Kemi harruar
Dashurinë e largët…

Në pyllin
e kujtesës së lashtë
Shenjë jete…

PARFUM KOMPLEKS!…
Ky miku im i vjetër ka realizuar ëndrrën e vet të të qënit pranë shkencës dhe poezisë bashkëkohore, libri më i ri, një qasje profesionale e një poezie trevargëshe me traditë nga poezia jonë tradicionale, ngjyer në ekzotikën e pëlhurën si tis i hollë të frymës së hajkut japonez, e tregon më së miri këtë fakt.
Poezitë kanë ndjeshmëri të prekshme alpine, në tërësinë e tyre parfumojnë lulet dhe erërat e bjeshkëve të vendlindjes, ritmojnë në atmosferën intensive të vendit ku tashmë jeton, në gjuhën italiane zbutet paksa ashpersia e maleve dhe reve në kurorat e larta të tyre, në motive lehtësisht ka mjegull mëngjesi nga Nikaj Merturi dhe fllad i ëmbël nga riviera italiane, portretet e kaluara dhe aktuale njerëzore përshkruajnë rrugë të vjetra dhe të reja në kontinentin e vjetër dhe të ri, poeti e ndjen veten plotësisht një qytetar të botës…
Ai s’ka pranga frenuese provinciale, ai nuk mundohet nga paragjykimet, ambicioz dhe egoist për të treguar sa më gjerë dhe më thellë shpirtin dhe karakterin e vet, bëhet njësh me lexuesin e vëmëndshëm dhe të informuar dhe mund të mos kuptohet nga lexuesi i cekët, shkon dhe vjen në hullitë e veta dhe të botës, duke provuar të jetë dialogues me qytetërimin e tij.
Një parfum vendlindje sa dhe një parfum evropian dhe japonez përshfaqet në faqet e këtij libri të veçantë, që padyshim shënon një shkallë më tej në jetësimin e ënrrave të reja të Zef Mulajt, shkrirë në nuhatjen e zgjuar të shkencëtarit, në kujtimet fisnike të atdhetarit, në frymën e ngriohtë të familjarit si dhe në detajet delicate të një poeti fin, por dhe solid!

Ruhet dhimbja
E një kohe të kaluar
Shih përpara…

TROPOJE, KORRIK 2014

Mbreti ilir, Balaj

July 30, 2014 by dgreca

Nga Fahri XHARRA/
Jemi apo nuk jemi ata që me dekada kemi trokitur ne dyert e shtetëve te cilivizuara për të pasur pak mirësi për ne,për popullin tonë të shkapërderdhur? Neve aspak nuk na takon që të nderhyjmë në punët e të tjerëve.Jemi ende në gëzhojen tonë dhe gjithësesi duhet ta ruajmë vetëvehten e të mos biejmë pre e ndikimeve mashtruese rajonale./
***
“Te drejtat e mijëvjeçare etnografike dhe gjeografike të shqiptarëve, shtrihen prej kohërave të vjetra në Iliri, Maqedoni dhe Thesali”; (Prof.Dr. Agostino Ribeco)/
Mbreti ilir, Balaj (gr. Βαλλαῖος ,lat. Balleus , udhëhoqi 165-135 prK) që ishte mbret i fisit Ardian; si për çudi nuk përmendet nga asnjë nga shkrimtarët e vjetër. Por Balaj ishte dhe mbretëronte nga kryeqyteti i tij ,Rezana , nga një fortesë e madhe dhe e fuqishme dhe e pa mposhtur. Meqenëse është shkruar pak për te , atëherë supozohet se ka udhëhequr pas Gencit , rënjës së tij nga romakët . Rezana e famshme , e njohur dhe e pasur u shkretua nga sulmet e Avarëve dhe të sllavëve. Shënimet e fundit për këtë qendër janë nga një prift ,viti 595. Që nag shekulli i 10-të imperatori i Bizantinit Konstantin Porphyrogenitusi e lidhi Rizonen me Travunian e kohës.
Si lindi interesimi për Mbretin Balaj të Ilirisë së ardejve ? “ Në lokalitetin Carine të Rezanës (sot Risan , Mali i Zi) u gjetën 4600 monedha të mbretit ilir ,Balës (serb. Balajos). , një zbulim që nuk i gjëndet krahasimi për nga madhësia dhe vlera e gjetjës arkologjike të kësaj natyre në Europë, pat deklaruar në vitin 2010 arkeologu polka Pjotër
Diçek nga Universiteti i Varshavës.” dhe vazhdohet …“ Këto para , këto monedha ngjallin shumë kurreshtje për hulumtim, sepse po zbulohet një pjesë e historisë antike të Balkanit nga kohërat e pushtimeve romake,,për të cilën ka pak shënime. “ ( Në kohën e pushtimeve Romake nuk kishte Ballkan por shtetet Ilirike , e që një nga mbretërit e asaj kohe ishte Mbreti Balaj.fxh )
Është e rëndësishme të ceket se kumti i monedhave nga antika është shumë i qartë: e drejta e farkimit e të hollave e shënon periudhën e ndritshme të një mbretërijeje , pavarësinë e saj dhe forcën poltike dhe ekonomike të saj; kurse karakteristikat e monedhës së farkuar na japin shumë informata për gjendjen politike dhe ekonomike të shkrirësit të parave. Lloji dhe kualiteti i metalit të shkrirë , vendi dhe koha e shkrirjës
(farkimit) na e trgojnë shpirtin e kohës së përmendur.
“Romakët, e as turqit, e as sllavët, nuk paten mundësi që te thyejnë unitetin dhe vazhdimësinë etnokulturore të Ilirëve dhe shqiptarëve. Historia nuk e jep asnjë shembull që ndonjë rajon i veçant të ketë humbur identitetin kulturor Ilir apo shqiptar, duke e zëvendësuar me atë të sunduesit. Prftët romak, bizantine, e më vonë turke slave
nuk e kanë patur asnjë autoritet tek popullata. Shumica e autorëve madje e vërtetojnë se qytetet, perkundër ashpersisë së regjimeve tësunduesve kanë mbetur si qendra kulturore Iliro-Shqiptare. Mbi te gjitha veshja dhe punimet në keramikë, demonstrojne qartë vazhdimësinë nga Ilirët tek shqiptarët”.( Prof.Peter Bartl):
Ko je bio kralj Balajos? (Cili ishte mbreti Balaj? , Eee ,oj Shqipëri më duhet të lexoj nga burimet sllave se kush ishte mbreti Balaj )
“ Mbreti Balajos ( Balaj fxh) ishte një sundues i periudhës heleniste, një mbretërie të shtrirë në tokat bregdetare të Malit të Zi të sotëm me qendër në Risan ( Rezona fxh) në Boka Kotorskoj ( (Në Bokën e Kotorit fxh) si dhe ne ujdhesën Hvar me qendër në koloninë greke të Farosit , por që ndoshta ka i ka pasur edhe pjesët veriore. Për te, dihet shumë pak” ( burimet sllave )
Monedhat e bronzës dhe argjendit ( jo të arta) janë gjetur në shumë lokalitete ,shumë largë nga vendi i farkimit , dhe studimi i mire i tyre do të sqaron mirë kohën dhe vendin e gjerë të sundimit të mbretit Balaj. Muzeu Popullor i Beogradit si dhe ai i Padgoricës i kanë shembujt e kësaj monedheje të Balajt. Po ne muzetë e Shqiperise kemi dicka nga Balaj?
Vetvetiu të lindin pyetjet si: Në çfarë marrëdhënjësh ishte mbreti Balaj me sunduesit e tjerë ilir? Vendsundimi i tij i saktë? A e kishte gjithnjë statusin e Mbretit dhe fuqia e tij sunduese? Sipas disa monedhave të gjetura ( në Hvar) , aty nuk qëndron titulli i mbretit , por vetëm profili i tij.. A mos ishte sundues i rendit të dytë?Ana e Malit ka qenë në qendër të Mbreterisë Ilire të kohës së Agronit. Thesari shtetror i Mbreterisë Ilire ka pasur pasuri te mëdha. Vetëm romakët arritën te plaçkisnin njëzet e shtatë ponde ari, nëntëmbëdhjet ponte argjendi, trembëdhjetëmijë denarë romak dhe njëqind e njëzet mijë monedha ilire argjendi;orenditë e mbretit Gent dhe 220 anije , – Neritan Ceka.
Pavle Mijoviq, në “Umjetničko blago Crne Gore” shkruan se shkrimtarët Helen e cekin se ilirët ishin të organizuar në etnose (lidhje fisesh) .. dhe se që nga fund ii shekullit të 5-të prK. e deri në shek.e 2-të prK u krijua mbretëria ilire shumë e fuqishme që sundohej nga 15 sunduesish rradhazi që na Sirrhasi e deri tek Genci dhe që sundonin nyjen më të rëndësishme kulturore , pasurore dhe tregtare të Adriatikut. Teuta e famëshme e cila me krenari nuk i pranonte lamëtarët ( kasnecët) romak ishte jo vetëm mbretëreshë por edhe shenjtore fetare ilire.Ishte prijëse e lartë fetare e fesë autoktone ilire ( G. Kovaçi)
Hulumtimet dhjeta vjeqare ne Rezanë , po kryhen në kuadër të projektit ndërkombëtar:
„Risinium –prijestonica kraljice Teute„ « Rezana- kryeqyteti i mbretëreshës Teuta» që përbehet nga arkelogët polak dhe malizias. E na ku jemi? po llypi shumë.
Kush ishte Mbreti Balaj, pra ?

3 QERSHOR 1917, FUSHATA E VATRES “PER SHPETIMIN E SHQIPERISE”

July 30, 2014 by dgreca

Me kerkesen e shume lexuesve te Diellit dhe telefonueseve ne zyrat e Vatres,po nisim publikimin e listes se ndihmetareve vatrane per shpetimin e Shqiperise, fushate qe nisi me 3 Qershor 1917. Fushata i parapriu Konferences se Paqes ku ceshtja shqiptare dhe Pavaresia e shtetit do te ishin ne qender te debateve, me oreksin e shtuar te fqinjeve tane per t’i rrembyer copa te tjera Shqiperise Londineze.Vatra kishte marre persiper qe te mbronte te drejtat e shtetit shqiptar inekzistent Gjate Luftes dhe kishte vendosur perfaqesuesit diplomatike ne Angli- Londer,Zvicer, Washington etj, te cilet i paguante me shpenzimet e saj.
Ambasadori Mehmet Konica ne Londer dhe dr. Mihal Turtulli ne Zvicer ishin nder me aktivet. Nga raportet e Mehmet Konices prej Londre shihej rreziku i coptimit te Shqiperise qe gjate Luftes ishte i okupuar.Kush do t’i dilte per Zot Shqiperise? Qeveria Shqiptare nuk egzistonte. Kolonite Shqiptare, me perjashtim te Vatres, ishin te paralizuara per arsye te Luftes. Barra i ra Vatres, qe kish mbete i vetmi ze per shpetimin e Atdheut. Shqiptaret punetore te Amerikes, qe ishin mbledhur rreth Vatres, e vleresuan jo barre, por detyre te shenjte daljen zot te Atdheut. Per te perballuar shpenzimet e medha qe nevojiteshin per kete ndermarrje kombetare, nuk mjaftonin mijera dollare, por duheshin qindra mijera. Ate kohe nje punetor i mire merrte 8-9 dollare ne jave. Si do te grumbulloeshin qindra mijera? Po familjeve qe kishin ne Shqiperi, cfare do t’ju dergonin?
Sipas llogarive, duke futur dhe frymen kombetare si faktor inspirues, udheheqesit e Vatres, ia nisen fushates duke synuar qe se paku te mblidhnin 40 deri 50 mije dollare.
Me 3 Qershor 1917 Vatra e hapi fushaten”PER SHPETIMIN E SHQIPERISE”! Noli dha Kushtrimin me poezine famshme”JEPNI PER NENEN”:

Ç’thot’ ajo e ve e gjorë,
-Mbretëreshë pa kurorë-
Faqe-çjerrur, lesh-lëshuar,
Shpirt e zëmër përvëluar;
Gjysm’ e vdekur: “O Shqiptarë,
Nënës mos ia bëni varrë!”
Mbahu, Nëno, mos kij frikë
Se ke djemtë n’Amerikë.

Qan e lutet Nën’ e mjerë,
Kërkon vatrën edhe nderë,
Do lirinë dhe atdhenë,
Si ç’e pat me Skënderbenë,
Bijt’ e besës thërret pranë.
Kur i thirri dhe s’i vanë?
Mbahu, Nëno, mos kij frikë,
Se ke djemtë n’Amerikë.

Cilët jan’ ata tiranë
Që të pren’ e që të vranë
Që të therrë bij e bija,
Dhe t’u-nxi, t’u-mbyll shtëpija?
Derthni plumba, o Shqiptarë,
Gjakn’ e Nënës për të marrë,
Mbahu, Nëno, mos kij frikë,
Se ke djemtë n’Amerikë.

Cilët bij të trathëtuan
Dhe të doqnë dhe të shuan
Dhe të lan’, o Shkab’ e ngratë
Pa fole, pa zog, pa shpatë?
Këta qena, o shok’ i mbytni,
Mbushni gjyle që t’i shtypni.
Mbahu, Nëno, mos kij frikë,
Se ke djemtë n’Amerikë.

Sa kërkon e sa të duhen?
Burrat nga detyra s’ndruhen!
Trim i mirë do të japë,
S’kursen jetën as paratë;
Hithni, hithni tok dollarë,
Të mos mbetemi të sharë.
Mbahu, Nëno, mos kij frikë.
Se ke djemtë n’Amerikë.

Do të ndihim pa kursyer
Për ty, Nëna jon’ e vyer,
Që me drit’ e nder të thuresh
Dhe me bijt’ e tu të mburesh.
Cila Nënë lyp paranë?
Cilët bij me shpirt s’i dhanë?
Mbahu, Nëno, mos kij frikë,
Se ke djemtë n’Amerikë.

Armë dhe fishekë mblithni,
Qesen edhe shpirtin hithni:
Për lirin’ e vëndit t’onë,
Sot -se nesër është vonë-
Jepni, Nënën të shpëtoni,
Komb e vatra të nderoni.
Mbahu, Nëno, mos kij frikë
Se ke djemtë n’Amerikë.

(Qershor, 1917)
Kjo poezi dhe nxitja e fuqishme qe bente gazeta Dielli, bene mrekulline.Dielli, per nxitur rekordmenet qe udhehiqnin garen shkruante me shkronaj te medha ne faqen e pare” Plumbi goditi ne shenje-Rekordin e mori Ali Kuci”…Nje punetor nga Worcester, pasi kishte hedhe ne shporten e fushates aq dollare sa kishte ne xhep,kishte thene:”Ah, i mjeri une, nuk kam te tjera!” Hoqi xhaketen e trupit dhe e hodhi ne shporte.
Kur u mblodhen shumat per te gjitha deget, askujt nuk i shkonte nder mend se do te mblidhej ajo shume. Ata punetore qe rropateshin 12-14 ore pune ne dite dhe merrnin 8-9 dollare ne jave ia kishin dale qe te mblidhnin jo 40-50 mije sa kishin shpresuar, por 150 mije, qe krahasuar me kursin e sotshem, jane miliona.
Ne fushate VATRA perfshiu edhe emigrantet e Argjentines te cilet moren pjese ne menyre simbolike.Nxitesi i pare i fushates ishte dr. Mihal Turtulli qe dergoi nga Zvicra 1 mije dollare dhe nje thirrje te nxehte shpirterore.
Ne listen e meposhtme jane vetem nje pjese e kontributeve te dates nisese te fushates, pra 3 qershor, por fushata nuk mbaroi ne nje dite.
Lista e ndihmëtarëve të VATRES për Ditën 3 Qershor, 1917/

LAUSANNE, SVICRE.
Dr. Mihal Turtulli $1000
_______
MANCHESTER, N.H.
Sotir Katundi $ 20
_______
ROCKLAND, ME.
Thoma K. Ekonomi $ 15.25
_______
ASHTABULLA, OHIO.
Vasil Pepo $ 5
Dhimitri Vishnja $ 1
_______
WARREN, MASS.
Naum S. Çobo $ 10
_______
WARREN,MASS.
Thoma Kristo Lashova $ 5
_______
HATHORNE, MASS.
Llambi Many $ 15
Thoma Leka $ 15
________
MAYNARD, MASS.
Tili Kita $ 10
________
E. MILLINOCKET, ME.
Elia K. Dako $ 15
________
GARDNER, MASS.
Thoma Theodor Katundi $ 5
________
LEAVENWORTH, KANSAS
Trifonio Guidera $ 5
________
WOOSTER, OHIO.
Christo Kelly $ 10
________
AUGUSTA, ME.
Dhori Kr. Trako $ 26.67
Gashire Muhamet $ 3
Sabri S. Selenica $ 2
Muhamet M. Selenica $ 5
________
NILES, O.
Selim A. Lubonja $ 10
Hysen I. Koprencka $ 10
Bedri Q. Kozeli $ 10
Refat M. Lubonja $ 5
Qani M. Gostivishti $ 10
Sulo T. Skoroveci $ 10
Mehmed H. Gostivishti $ 10
S(h)uma e ndihmave $ 65
Numëri i ndihmëtarëve 7
Ndihma midisore $ 9.28
_______
ALLSTON, MASS.
Hasbi T. Podgorani $ 10
Tefik Ramis Pavari $ 10
Sefer Ali Podgorani $ 5
Hysen Jemin Podgorani $ 5
Myrto Alush Podgorani $ 2
Hamit Airedin Potgorani $ 15
Dule Sherif Potgorani $ 15
S(h)uma e ndihmave $ 62
Numëri i ndihmëtarëve 7
Ndihma midisore $ 8.85
_______
ROCLAND, ME.
Luka Naum Stratobërdha $ 10
Mihal Kita Stratobërdha $ 15
Lazo Niço Korça $ 5
Stefan Papa Blushi $ 10
Andrea Mihal L uarasi $ 1
S(h)uma e ndihmave $ 41
Numëri i ndihmëtarëve 5
Ndihma midisore $ 8.20

Rekordin e kollonisë e ka Z. Mihal Kita Stratobërdha me $ 15.
_______
DUNKIRK, N.Y.
Vëllazëria Hasan Vinçani $ 15
Vëllazëria Maliq Vinçani $ 15
Vëllazëria Kote Shalësi $ 5
Elmas Roshanji $ 5
S(h)uma e ndihmave $ 40
Numëri i ndihmëtarëve 4
Ndihma midisore $ 8
________
BANGOR, ME.
Spiro Kosta Gërmenji $ 5
K. T. Ekonomi $ 10
Thimi Kristo $ 5
Alks Vardhami $ 3
Guri Vasil $ 2
S(h)uma e ndihmave $ 25
Numëri i ndihmëtarëve 5
Ndihma midisore $ 5

Rekordin e ka Z. K.T. Ekonomi me $ 10.
_______
WATERVILLE, ME.
Musa Meleq Gjinokastra $ 10
Ali Zan Gjinokastra $ 10
Ferit Lani Gjinokastra $ 10
Zeir Lani Gjinokastra $ 10
Nurset Zeim Lib(o)hova $ 10
Mehmed S. Çabej Gjinokastra $ 10
Murat Feto Lib(o)hova $ 10
Çano Sinan Gjinokastra $ 10
Loto Kikino Gjinokastra $ 10
S(h)uma e ndihmave $ 90
Numëri i ndihmëtarëve 9
Ndihma midisore $ 10
_______
MADISON, ILLYNOIS
Rakip Banush Kolonja $ 15
Bajram Zylfiqar $ 13
Mehmed Zenel Malëshova $ 20
Anastas Dhimitri $ 5
Sotir Lasko $ 12
S(h)uma e ndihmave $ 65
Numëri i ndihmëtarëve 5
Ndihma midisore $ 13

Rekordin e ka Z. Mehmed Zenel Malëshova me $ 20.
_______
MINOA, N.Y.
Pandi Sinica $ 10
Kole Kosta $ 10
_______
SYRACUSE, N.Y.
Thimi Vangjel $ 10
_______
HAVERHILL, MASS.
Spiro S. Blushi $ 10
Jani P. Duro $ 10
_______
GLENDIVE, MONTANA
Abdul Ahmet Pulaha $ 26.15
Duro Sinica $ 11.15
Alush Muharem $ 6
Zenel Nezir Pulaha $ 10
S(h)uma e ndihmave $ 53.30
Numëri i ndihmëtarëve 4
Ndihma midisore $ 13.32

Rekordin e kollonisë e ka Z. Abdul Ahmet Pulaha me $ 26.15
_______
SANFORD – SPRINVALE, ME.
Isuf Adem $ 10
Thimi G. Luarasi $ 10
Tili Spiro $ 10
Ligor Adams $ 10
Ali Zaman $ 10
Pandi Thimi $ 10
Taip Fejzi $ 10
Koli Spiro $ 10
Demir Asim $ 10
Shaban Demir $ 1
S(h)uma e ndihmave $ 91
Numëri i ndihmëtarëve 10
Ndihma midisore $ 9.10
_______
BATH, ME.
Spiro M. Naska Leusa $ 30
Rafail S. Stefanllari Lëngëza $ 30
Kristaq B. Stefanllari Lëngëza $ 15
Vëllazëria Xheli Rehova $ 25
S(h)uma $ 100
Numëri i ndihmëtarëve 4
Ndihma midisore $ 25
_______
MECHANICSVILLE, CONN.
Paneleon M. Postenani $ 7
Athanas Buçka Lashova $ 5
Qirjako Bojaxhi Lashova $ 2
Themistokli Duhani $ 1
Sotir Anesti Lashova $ 1
Lambi D. Çarshova $ 5
Lazar Botzi Çarshova $ 1
Vangjel Petridi Peshtani $ 1
S(h)um e ndihmave $ 23
Numëri i ndihmëtarëve 8
Ndihma midisore $ 2.87

Rekordin e kollonisë e ka Z. Paneleon M. Postenani me $ 7
_______
E përkohëshmja PËRPARIMI $ 20
Një atdhetare $ 2
Kisha Ortodhokse Shqiptare $ 200
e Shën Apostujve Pjetër
dhe Pali e Philadelphisë
_________
CONCORD, N. H.
Kostandin Dhimitri Trebicka $ 17
Adem Dane Maxhanji $ 15
Muhamet Qazim Potgorani $ 13
Maksut Ali Ribanji $ 10
Sefer Ymer Çoroguni $ 15
Vëll. Mato Trebicka $ 25
Vëll. Nikolla Trebicka $ 25
Brahim Hysen Potgorani $ 10
Lici Petro Trebicka $ 12.50
Hari Apostol Trebicka $ 10
Zonjusha Theodora L. Adams $ 6
Sulejman Hysen Xhananji $ 10
Qazim Isa Fratari $ 10
Çoban Malush Leskoveci $ 10
Hasan Hamet Tolari $ 3
Murat Isuf Tolari $ 2
Veli Shaban Ribanji $ 10
Xhafer Qazim Potgorani $ 5.25
Bakush Zenel Çoroguni $ 15
Nisi Sotir Trebicka $ 25
Koto Sotir Trebicka $ 20
Hasan Isuf Potgorani $ 10
Luka Stoj Trebicka $ 25
Nexhip A. Bënja $ 6
Muharem Hasan Maxhani $ 7
Argjir Tiko Trebicka $ 10
Haxhi Myslim K(ë)lcyra $ 10
Xhemal Adem Tolari $ 2
Alim Shem Badlonja $ 5
Husen Muharem Ribani $ 10
Agush Meçan Seniçani $ 5
Rustem Vakush Xhepova $ 5
Myslym Duli Xhepova $ 2
Kalem Adem Seniçani $ 5
Sadik Rakip Bedyqasa $ 5
Dine Kamber Çoroguni $ 5
Sherif Sejat Seniçani $ 1
Kamber Islam Seniçani $ 1
S(h)uma e ndihmave $ 369.75
Numëri i ndihmëtarëve $ 39
Ndihma midisore $ 9. 48

Rekordin e ka Z. Luka Stoj Trebicka me $ 25
________
LYNN, MASS.
Mustafa Telja $ 67
Rako M. Perri $ 65.99
Sokrat S. Naum $ 61
Anastas D. Çako $ 51.09
Nevrus Karafil $ 35.30
Spiro Vangjel $ 31.83
Guri D. Opingari $ 21.50
Thimi Angel Odriçani $ 20.28
Ibrahim Nuke $ 20
Mitre M. Perri $ 20
Kristo Miska $ 14.05
Avni Meke $ 13.64
Petro Josif $ 12.35
Sotir Lika $ 11.90
Abedin Mestan $ 12
Andrea Kristo $ 5
Kosta At Kristo $ 10
Myrteza Resul $ 11.40
Raman Rushit $ 10.50
Qako Janaq $ 11
Shaban Alim $ 8
Merkush Memet $ 7.25
Memet Karafil $ 10.42
Perri V. Çako $ 5
Gore Lazar $ 10
Kamber Xhafer $ 5
Pandi S. Nikolla $ 7
Jani At Vasil $ 5
Thoma Pappalilo $ 5.15
Rexhep Adem $ 5
Mina P. Çako $ 5.25
Mina Adam $ 5
Pandi Lika $ 6.25
Estref Axhi $ 5
Adem Ramis $ 10
Simo Ligor $ 10
Ali Mustafa $ 10
Rapo Isa $ 11
Mihal Stambollxhi $ 10
Sotir Nikolla $ 15
Muharrem Mustafa $ 20
Petro Andon $ 16
Ilo Luka $ 5
Vasil Miska $ 2
Gore Josif $ 3
Kosta Tane $ 2
Mitre P. Roxhe $ 2
Stavro S. Nikolla $ 2
Luka Jano $ 2
Mantho Dhoska $ 1
Vasil Kosta $ 1
Një ndihmëtar $ 2
Një ermen $ 1
Nga anëtarët e Degës sonë në
Somersworth, N.H.
Zonja Vana K. Ogreni $ 10
Z. Kostaq M. Ogreni $ 10
Zonjusha Tefta K. Ogreni $ 5
Zonjusha Eleonora K. Ogreni $ 5
Gaqi P. Novosela $ 10
Loni S. Naum $ 10
Apostol L. Bënja $ 5
Hasan Myslim $ 10
S(h)uma e ndihmave $ 785.15
Numëri i ndihmëtarëve 60
Ndihma midisore $ 13.08

Rekordin e kollonisë e ka Z. Mustafa Telja me $ 67.
(Pergatiti: Dalip Greca.Vijon)
________

Empire State tre netë me ngjyrë të gjelbërt duke nderuar Fitër Bajramin

July 30, 2014 by dgreca

BIG APPLE NEW YORK CITY – Natën e mbrëmshe, ndërtesa më e lartë në bote(102 kate (1,250 ft ose 381 metër e lartë), në qender të Manhattanit- New York, e quajtur ndërtesa Perandoria Shtetit – Empire State Building u ndez në prozhektorët ilumishent, e gjitha në të gjelbërt, për në respekt të Fitër Bajramit.
Ajo është ndezur në të gjelbërt këtë fillim-javë për 3 netë,( e henë, e martë e mërkurë)- për të nderuar festën muslimane- që shënon fundin e muajit të agjerimit Ramazanit – dhe celebrimin e Fitër Bajramit.
Ndërtesa e famëshme në Nju Jork, dhe në botë – në mënyrë rutinore ndezi dritat e saj deri në majën më të lartë për të nderuar gjithçka që ka të bëjë me 3 ditët tradicionale të Fitër Bajramit, ashtu si ka vepruar në ngjarjet e mëdhasportive, të bamirësive të ndryshme, Krishtëlindjen, Hanukkah, pavarësinë e SHBA, dhe celebrime të tjera historike dhe kombëtare, nga mbarë bota, në kërkesë nga grupet panumërta, qofishn amerikane apo etnike që jetojnë në territorin e New York City – kundrejt një pagese sipas faqen e internetit të ndërtesës.
. Ndezjes së dritave deri në majën më të lartë të ndërtesës Empire Building është përdorur për produktet komerciale dhe ngjarjet e korporatave të mëdha, apo siç është përkujtimi i ngjarjeve të rëndësishme kombëtare, nderimii i personaliteteve të tilla si ditëlindje apo jubileve. Kurse, ngjyra e gjelbërt dhe të kuqe thuhet se janë përdorur çdo vit për të shënuar sezonin e pushimeve të Krishtlindjeve, dhe blu dhe të bardhë – ngjyrat e flamurit izraelit – janë përdorur për festën hebraike të Hanukkah.
Por, natën e të hënës gradacieli Empire State, deri në majë shënoi për herën e 7-të, ndriçimin e saj të gjithë-e gjelbërt, që është përdorur për të shënuar fillimin e celebrimit të Eid-al-Fitr, një festë tre ditore për myslimanët në mbarë botën.
Ndriçim gjitha-gjelbërt, është përdorur për të nderuara këtë festë të rëndësishme muslimane, nga aprovimi që pronarët e ndërtesës, të cilët janë me origjinë hebraike, kan marrë nga autoritetet e larta të Nju Jorkut, atyre të Departamentit për Parqet e qytetit.
Kulla e Empire State Building është ndezur për herë të parë deri në majë me ngjyra të kuqe, të bardhë dhe blu në vitin 1976 dhe janë përdorur në festimin e dyqind vjetorit të pavarësisë së SHBA. Një sistem i ri ndriçimi që lejonnjë gamë më të gjerë të ngjyrave është inauguruar në vitin 2005, kur dritat blu dhe të bardhë flashed u ndezën për herë të parë kur skuadra e bejsbollit New York Yankees kishte fituar Kupën e Botës /Beqir SINA/

Paintings about Albania Exhibited in Taiwan-Piktura me teme nga Shqiperia të ekspozuara në Tajvan

July 29, 2014 by dgreca

Friend of Albania and former British Defence Attaché in Tirana, Lieutenant Colonel (Retired) Mark D Vickers will be exhibiting a number of paintings of Albania in his third solo art exhibition which will be held in Taiwan between 1 – 31 August 2014.
The theme for this exhibition is “Travels in Albania, Nepal, and Taiwan” and amongst the 17 paintings on show are included his depictions of “Legend of Rozafa”, “Road from Shkodra to Vermosh”, “Kelmend”, “Bunkers”, “Kisha e Zoja e Keshillet te Mire, Shkodra, Albania”, and “Montenegro – Looking back towards Albania”.
Whilst to date the British born Mark Vickers style is quite traditional, in fact in all of his paintings are painted with considerable passion. When asked about this he said “I hope to touch people in some way, to reflect something from my own heart, something beyond merely the landscape or figure which I am painting, something deeper.” As people look at his work, each may see or feel different emotions, and this adds to the meaning and value of the paintings. Mark’s feelings of spirituality, of a belief in something more important than simply our mundane existence, are expressed through his paintings.
Unusually this artist always likes to display a short written explanation alongside each painting, to briefly describe it both in terms of physically what is depicted but also, and importantly, a hint of what was in his heart and mind as he painted it – why he painted it, what attracted him to try to capture what he saw and felt. He encourages to read these descriptions as well as looking at his art works as he hopes they may add a deeper dimension to the viewing experience. An example is with his painting of “Road to Vermosh”:-
“Road to Vermosh”
This northern Albanian winding road is the only route linking the beautiful valley and village of Vermosh to the rest of the country. Snow blocks the route for several months each year. Despite the harsh life there, it was always one of my favourite places to spend a weekend a few times a year – no hotels, just relying on the hospitality of the local people and the Albanian motto “Home belongs to God and the guest”.
As I drove along this precarious road it made me think of the twists and turns of life, and the lethal drops to the side reminded me to be mindful of “now” – the past has gone and can’t be changed, and the future has not arrived.
This exhibition focuses on some of the artist’s experiences in these three very different countries, Albania, Nepal and Taiwan, and the thoughts and feelings which they invoked within him.
Z. Vickers says that it is dream for the next year to hold an exhibition in Albania, but the cost of shipping paintings may be prohibitive. He is also currently discussing with an Albanian artist an exciting idea to hold a joint exhibition somewhere.
***
Piktura me teme nga Shqiperia të ekspozuara në Tajvan/

Miku i Shqipërisë dhe ish-atasheu Britanik i Mbrojtjes në Tiranë, Lejtnant Kolonelit Mark D Vickers do të ekspozoje disa piktura me pamje nga Shqiperia në në ekspozitën e tij të tretë me veprat e tij te artit figurativ qe do te inagurohet në Tajvan ne 1 gusht dhe do te qendroj hapur per 1 muaj nga 1-31 gusht 2014. Tema e kesaj ekspozite është “udhëtimi në Shqipëri, Nepal, dhe Tajvan”, dhe ndermjet 17 pikturave ndodhen “Legjenda e Rozafës”, “Rruga nga Shkodra për në Vermosh”, “Kelmendi”, “Bunkerë”, “Kisha Zoja e Keshillet te Mire, Shkodra”, dhe “Mali i Zi – Duke kthyer në drejtim të Shqipërisë”.
Mark Vickers është mjaft klasik dhe realist ne pikturat e tij, te cilave nuk u mungon emocioni si ne ngjyra dhe ekspresivitet. Ne pikturat e markut ka nje trasparence, elegance dhe nenkuptohet një besim në diçka më të rëndësishme se thjesht ekzistenza ne keste bote qe ndoshta rrjedh nga besimi i tij Budist.
Artistit mendon te japi një shpjegim të shkurtër me shkrim,per admiruesit e artit qe do te vizitojne ekspoziten e tij duke qene se ata nuk kane bere udhetimin fizik qe ka bere artisti. Një shembull është me piktura “Rruga e Vermoshit”: – “Rruga për në Vermosh”
Kjo rruge dredha-dredha ne Shqiperineveriore eshte e vetmja linje qe lidh luginen e mrekullueshme dhe fshatin e vermoshit me pjesen tjeter te vendit. Debora e bllokon rrugen per disa muaj gjate vitit. Megjithe jeten e veshtire aty, kjo zone ka qene gjithnje nje nga vendet e mia te preferuara per te kaluar fundjaven disa here ne vit – pa hotele, thjesht duke u mbeshtetur ne mikpritjen e vendasve dhe shprehjen shqiptare “shtepia I perket zotit dhe mikut”.
Teksa udhetova pergjate asaj rruge te pasigurt, u zhyta ne mendime lidhur me kthesat dhe dredhat e jetes,
Dhe ato humnera vdekjeprurese ne ane te saj me kujtuan qe te jem I vemendshem per te tashmen – e shkuara ka ikur dhe nuk mund te ndryshohet,ndersa e ardhmja nuk ka ardhur ende.
Kjo ekspozitë përqendrohet në disa nga përvojat e artistit në këto tri vende shumë të ndryshme, Shqipëri, Nepal dhe Tajvani, dhe reflekton edhe mendimet dhe ndjenjat e tij.
Z. Vickers thotë se endra e tij per vitin e ardheshem eshte hapja e nje ekspozite ne Shqiperi, Interesante do te ishte per te nje ekspozite kolektive ose me nje artist tjeter Shqiptar.