Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Gregori Lima – (1925 – 2014) u perkujtua ne Nju Jork

by

 ” Një veprimtar i madh dhe hulumtues i palodhur për zgjidhjen e çështjes shqiptare, i cili ka luajtur një rol dhe ka dhënë kontribut në fushën e gazetarisë hulumtuese gjatë luftës në Kosovë, duke lënë përshtypje të thellë dhe ka mbetur në kujtesën e shumë  shqiptarëve të cilët patën rastin t’a njohën nga afër”/

 BEQIR SINA, Bronx – New York/

BRONX NY: Tre javë pas vdekjes së tij në Bronx New York, është mbajtë një veprimtari përkujtimore për të kujtuar jetën dhe veprën dhe nderuar, shkrimtarin, gazetarin, politikanin dhe veprimtarin, Gregori Lima, autor i disa librave por i njohur tek shqiptarët për dy librat e tij – për Ushtrinë Çlirimtare të Kosovës – UÇK-ën, me poemë të Xhevat Limanit, me tituj: “Journey to Macedonia – Udhëtim në Maqedoni” dhe  “The Americani – Poema – Agron Mirdita”
Me këtë rast, në qendrën kulturore Bronx House në Pelham Pkwy – Bronx, New York  u organizua veprimtaria përkujtimore, nën kujdesin e mikut të tij të ngushtë, aktorit dhe producentit të njohur shqiptaro – amerikan Xhevat Limani, së bashku me Televizioni AAvision dhe Akademin e shkencave të shqiptarëve të Amerikës.Në këtë veprimtari ishin të i pranishëm gruaja e tij prej 52 vjetëve martesë Karina Arzooian një anëtare e një pakice të armenëve në Amerikë edhe dy djemtë Vincent dhe Eric,”zbuluesi” i tij miku familjar Nua (Tony) Shala, si edhe veprimtari i dalluar nga Las Vegasi Fatmir Hamza, ri-kandidati shqiptar për në kongresin amerikan Emin Eddie Egriu, protogonisti kryesor i librit “Amerikani” – Agron Mirdita, zoti Gazmend Lleshi, professor Prend Qetta, skulptori Kristaq Kapedani, veprimtarët Rrape Ruci, Destan Aliu, Ylli Alizoti, dhe nënkryetari i ASHASH, doktor Adem Harxhi, shkrimtari Mëhill Velaj e të tjerë .

Gregori Lima, vdiq më 22 Janar 2014,  në moshën 88 vjeç në mënyrë paqësore – një ditë pasi kishte përjetuar një “goditje” në tru – në shtëpinë e tij në Danbury , Connecticut , në shoqërinë e gruas së tij – , i rrethuar nga dy bijtë e tij dhe e bija – nipër e mbesa!

Duke kujtuar jetën dhe veprën e zotit Lima, folësit thanë se ai ishte një veprimtar i madh dhe hulumtues i palodhur për zgjidhjen e çështjes shqiptare, sipas tyre, i cili ka luajtur një rol dhe ka dhënë kontribut në fushën e gazetarisë hulumtuese gjatë luftës në Kosovë, duke lënë përshtypje të thellë dhe ka mbetur në kujtesën e shumë  shqiptarëve të cilët patën rastin t’a njohën nga afër.

Disa nga folësit e kësaj veprimtarie thanë se ai ishte padyshim figura më faqendritur që mori pjesë dhe ishte suportues i luftës së drejtë të UÇK-së prej frontit të luftës, në Rambuje dhe deri në Pavarësinë e Kosovës, hulumtues i denjë i çështjes shqiptare nën Maqedoni, nën Mal të Zi, Preshevë Medvegjë e Bujanoc si dhe një suportues i drejtë i çështjes çame.

Në këtë veprimtari folën kreu u Akademisë së Shkencave Shqiptaro- Amerikane, professor Skënder Kodra,  gazetari Qazim Doda, veprimtari Gazmend Lleshi, miku i tij, familjar Nue Toma,- dhe djali i Gregori Limas – professor Eric Lima.

Protogonisti i librit  “The Americani” Agron Mirdita, pos një keqardhje të thellë që shprehu ndaj familjes së Gregori Limas, nënvizojë gjatë fjalës së tij : “Ndjehem i privilegjuar që publicisti Gregory Lima më zgjodhi mua si protagonist per Librin e tij “The Americani”. Kjo nuk më bëri nder vetëm mua por mendojë terë UÇK-së” u shpreh Mirdita.

Miku i tij i ngushtë aktori dhe producenti Xhevat Limani, i cili edhe udhëhoqi këtë veprimtari përkujtiomore  lexoi disa telegrame ngushëllim të dërguara nga : Ardian Hoxha nga American School of Kosova dhe Albafon-Fol shqip, prof.Sabahudin Zhuta Shkup, Resul Shabani shkrimtar, Muhamet Halimi veprimtar , Abdullah Zeneli botues i Buzukut Prishtinë etj. Si dhe shkrimet post-morte, duke u ndalur tek një shkrim për Gregori Lima, i shkruar nga professor Agron Fico.

Limani më pasë ai lexoi premeorien “Misionari Gregori Lima”:

Ne u gjendëmi sot këtu për t’i shprehur respekt njeriut me personalitet më   dinjitoz që pa fije rezerve intelektuale, diplomatike, politike dhe ushtarake mbështeti kuzën e drejtë kombëtare shqiptare pa kursyer as qelizën më të imtë përballë interesit dhe çështjes madhore shqiptare, u shpreh Limani
Sipas Limanit, Gregory Lima, nuk u ndal edhe kur mbaroi lufta e UÇK-së, sepse ai përcillte me vëmendje dridhjet e reja ballkanike që do të pesonin ne territoret e okupuara shqiptare nën Maqedoni, Mal të Zi, PMB dhe Çamëri. “Pas shpalljes së Pavarësisë së Kosovës, tha Limani,  eruditi i çështjes shqiptare Gregory Lima nuk e ndali veprimtarinë e tij, se e dinte fort mirë që një pjesë e madhe e territoreve shqiptare gjenden nën okupim. Bëri disa udhëtime pa e respektuar moshën e tij, duke hulumtuar kodrinave ballkanike fatin shqiptar, me të vetmen kredo sintagmë: Shtetet e bashkuara të Shqipërisë.”

Artisti shqiptar në Amerikë, Xhevat Limani e quajti z. Gregory Lima, të ishte më tepër se një misionar në vizionin e tij.

“Ai shpesh e përsëriste qëndrimin e tij se paqa do të mbizotërojë në Ballkan vetëm atëherë kur kombi shqiptar do ta reslizojë të drejtën e ëndërrimit shekullor të jetojë në një shtet nën flamurin kuq e zi, theksoi gjatë fjalës së til Limani duke shtuar se ai hulumtoi shkeljet eklatante të shqiptarëve të Malësisë së Mbishkodrës, të genocidit serb në Luginën e Preshevës dhe u doli në mbrojtje vëllezërve çam të përzënë me dhunë nga vatrat e tyre shekullore nga diktatura neofanariote e vestfalise greke. Veçmas bëri hulumtime në Maqedoni, duke përsëritur publikisht dhe institucionalisht se shqiptarët e pushtuar nën Maqedoni janë realisht çelësi i zgjidhjes së mbarë çështjes kombëtare.”

Më tej njeriu më i afërt i tij nga shqiptarët e Amerikës, aktori dhe producenti Xhavat Limani tha se :”Prej 22 dhjetorit kur Zoti Gregory Lima ndërroi jetë, më duket sikur marathona jonë kombëtare është ndalur. Unë e di dhe besoj në platformën e z. Greg : “Shtetet e bashkuara të Shqipërisë” ndaj shpirti i tij më ringjall ndjenjën e Feniksit për një zjarr të Ri, se vetëm duke e mbajtur të ndezur flakën e Atdhedashurisë kemi paguar tagrin e rëndë të Lirisë së popullit tim të nëpërkëmbur nga politikat e ndyta neobizantine evropjane. Tani kur shpirti i zotit Lima fluturon qiejve parajsor, dua të tingëllojë shqipërisht:O misionari im i dashur Greg, ti që njihje shpirtin tim prej Aktori dhe bindjet e mia profetike, të betohem O shpirthyjnori im, se unë Xhevat Limani dhe gjaku im që ëndërron shqip, nuk do të ndalemi, pa pushtuar dritën përtej Tunelit terr sllavo-bizantin.

 

ËSHTË E RREZIKSHME NOSTALGJIA KOMUNISTE NË NJË DEMOKRACI TË PAPJEKUR

by

 Nga Frank Shkreli/

Duket se kohët e fundit në Shqipëri po frynë një erë e re nostalgjie për ish-regjimin komunist, ku politikanë, historianë dhe intelektualë, me vepra dhe me fjalë po përpiqen t’i imponojnë shoqërisë një rivlersim të ri të regjimit komunist dhe të diktatorit Enver Hoxha. Mjaftë, thonë ata, është folur keq dhe boll është denoncuar regjimi komunist, tash 20 e sa vite. Ka ardhur koha, sipas tyre, të këthehet rrota e historisë, duke shikuar mbrapa! Me rastin e 29 nëntorit të viti që kaloi, portreti i diktatorit Enver Hoxha ishte i pranishëm gjatë homazheve në Varrezat e Dëshmorëve të kombit, ku  morën pjesë udhëheqsit më të lartë të shtetit dhe të qeverisë shqiptare.Mediat shqiptare njoftuan me atë rast se portreti i Enver Hoxhës ishte vendosur aty në përputhje me protokollin dhe me dijeninë e plotë të zyrtarëve përgjegjës për atë ceremoni.Ndërsa pak ditë më parë, udhëheqës politikë dhe historianë duke folur për rolin historik të 4 shkurtit, me rastin e 70-vjetorit të vrasjeve në Tiranë, kanë bërë thirrje për rivlersimin e figurës së Enver Hoxhës,  për të vendosur drejtësinë, sipas tyre, por pa dhënë asnjë vlersim kritik të krimeve dhe dështimeve kolosale të regjimit komunist. Zbulimi i së vërtetës mbi 4 shkurtin, si edhe i shumë ngjarjeve të tjera të gjysëm shekullit të kaluar, do të bëhet nga historianët e ardhëshëm të Shqipërisë dhe nuk mund të imponohet nga ideologët dhe mësuesit e makrsizëm-leninizmit dhe as nga politikano-historianët.  Për më tepër, debati mbi vendimin me konsensus të palëve, dhe tani  thirrjet nga disa për ç’emërimin e rrugës “Ibrahim Rugova”, të kujton   termin përbuzës për një vend që vepron si ”republikë bananash” –sot kështu nesër ashtu– e që përshkruan një diktaturë servile, ose një vend që qeveriset si një ndërmarrje tregtare për përfitime dhe interesa private, politiko-partiake të përkohëshme.   Fatkeqsia është se këto deklarata për rivlersimin e rolit të Enver Hohës,  nuk bëhen nga njerëz që mund të kenë vetëm një kuriozitet i një teme anësore historike, por bëhen nga pjesëtarët më të lartë të elitës politike dhe intelektuale të vendit, të cilët e kanë përjetuar atë sistem çnjerzor e të cilët i dinë mirë pasojat  e atij regjimi, dhe si të tillë duke e ditur influencën e tyre politike dhe shoqërore, ata duhej të ishin më të ndërgjegjëshëm moralisht dhe politikisht, kur bëjnë prononcime të tilla.
Me deklarata të tilla të papërgjegjëshme, ata as nuk i shërbejnë së vërtetës historike as paqës dhe pajtimit kombëtar, për të cilin shqiptarët kanë aq shumë nevojë.  Nostalgjikët e komunizmit enverist, ndërsa bëjnë thirrje për rivlersimin e Enver Hoxhës dhe regjimit të tij, ata nuk thonë asgjë, as nuk tregojnë asnjë mëshirë ndaj të ashtuquajturës “klasë e pëmbysur”,  sikurë të deklasuerit dhe armiqtë e përhershëm, siç quheshin ata, nuk kanë vuajtur mjaftë. A ishin/a janë edhe këta shqiptarë?  Megjithëse çdo gjë që bëhej kundër tyre nga regjimi komunist –përndjekjet, arrestimet, burgosjet, kampet e përqendrimit, ndarja e familjeve e tjera — bëheshin në emër të popullit,  sikur këta të mos ishin pjesë e atij populli, as njerëz, lere më të konsiderohen si vëllëzër e motra të një gjaku.  Por, e vërteta është se ishin këta “armiq të popullit”, të cilët me punën e tyre ndërtuan “veprat e mëdha socialiste” me të cilat krenohej Enveri dhe regjimi komunist dhe me të cilat mburren edhe sot nostalgjikët e tij.  Ata të shkretët thanë kënetat, ndërtuan  rrugë, aeroporte dhe hekurudha dhe punuan në minjerat e vendit.  Është e vështirë të merret me mend se si dikush mund të ketë vizione nostalgjie për një sistem që ka abuzuar në këtë mënyrë me të drejtat e qytetarëve të vet për pothuaj një gjysëm shekulli.   Megjithëse kuptohen zhgënjimet që njerzit në përgjithësi mund të kenë me zhvillimet politike dhe ekonomike pas përmbysjes së komunizmit, nostalgjia për ferrin komunist të Enver  Hoxhës nuk mund të jetë sot një alternative dhe me shprehje të tilla i bëhet një shërbim shumë i keq brezave të ardhëshëm. A është e mundur se krimet e njërit prej sistemeve më brutale të ish botës komuniste  po zhduken nga kujtesa kolektive në Shqipëri?
Kjo është një temë që duhet të debatohet seriozisht!  Këta njerëz që flasin dhe shkruajnë në këtë mënyrë, a kanë me të vërtetë, vetëm vizione nostalgjike të gabuara, apo janë gjithnjë  ideologë mbështetës të atij sistemi —  apo është një elitë ish komuniste e zemëruar që konsideron se ka humbur statusin dhe privilegjet e saj, megjithëse shumë veta do të thonin se këta që flasin me mall për regjimin enverist, si dhe ata që heshtin ndaj deklaratave të tilla, janë e njëjta elitë politike dhe intelektuale, ose pinjollët e ish-elitës komuniste, ata që kanë udhëhequr Shqipërinë këto 20-vitet e fundit.  Një debat i tillë i sinqertë,  është tepër i nevojshëm që vendi më në fund, të përballohet njëherë e mirë me të kaluarën komuniste të vendit, por më me rëndësi janë efektet që kjo histori vazhdon të ketë në zhvillimet politike, shoqërore dhe ekonomike, tani dhe në të ardhmen.   Është kjo një histori, trashëgimia e së cilës meriton të denoncohet dhe jo të mbrohet, nëqoftse vendi dëshiron të shkojë përpara dhe të integrohet në Europën e bashkuar.

Udhëheqsi rus,Vladimir Putin ka thënë se e konsideron përmbysjen e komunizmit në ish Bashkimin Sovjetik, si “Tragjedinë më të madhe gjeopolitike të shekullit të 20-të.”  Pasi  ai ka siguruar tanimë se do të qëndrojë në krye të pushtetit në Kremlin për jetë, ai me përpjekjet e tija politike, diplomatike dhe ushtarake është duke bërë ç’mos për të ringjallur, në mos në emër, atëherë në fakt, ish-Bashkimin Sovjetik.  Vall mos mendojnë kështu edhe nostalgjikët e regjimit komunist në Shqipëri?  Njëzet e sa vjetë më parë, shqiptarët i thanë jo komunizmit duke  shprehur dëshirën e tyre për liri e demokraci dhe për një jetë më të mirë, madje duke rrezikuar edhe jetën, në përpjekjet e tyre për të përmbysur një tirani që e kishte këthyer Shqipërinë në një burg në midis të Europës, duke mos lejuar askënd të hynte as të dilte. Shqiptarët e rrëxuan murin e tyre të berlinit.  Kjo revoltë ishte një alternativë e qartë që shqiptarët kishin zgjedhur më shumë se dy dekada më parë, duke u përcaktuar qartë dhe me vendosmëri për fitoren e së mirës mbi të keqen.

Prandaj deklaratat e elitës politike dhe intelektuale, të kohëve të fundit, për rivlerësimin e rolit të Enver Hoxhës, si dhe vendosja e portretit të diktatorit në një ceremoni zyrtare nëntorin që kaloi dhe heshtja, në përgjithësi, ndaj këtyre fenomeneve në shoqërinë shqiptare 20 e sa vjetë pas përmbysjes së regjimit komunist, venë në dukje një dështim të përgjithshëm moral dhe politik për tu përballuar me të keqen dhe për tu marrë me trajtimin e drejtë të historisë.  Por për më tepër, në fakt këto fenomene, që në të vërtetë nuk janë të reja, të bëjnë të dyshosh nëse, siç ka thënë edhe Ismail Kadare, “Muri i mbrojtjes së solidaritetit të së keqës, po ngrihet”, në Shqipëri.  Ngritja e një muri të ri në mbrojtje të së keqes, do të ishte tepër e rrezikshme për një vend që ende cilësohet nga organizatat ndërkombëtare i të drejtave të njeriut si pjesërisht i lirë dhe si një demokraci e papjekur.  Shqipëria dhe kombi shqiptar meritojnë më shumë përgjegjësi morale dhe politike se kaq nga udhëheqsit dhe nga elita intelektuale dhe politike e sotëme!

 

SHBA: Më shumë se 1/3 e territorit e paralizuar nga akulli dhe dëbora

by

Më shumë se 97 milionë amerikanë në më shumë se 20 shtete janë përfshirë nga të ftohti i madh. Stuhia është e shoqëruar me një të ftohtë polar, disa gradë nën zero – minus 10 dhe 15 gradë celcius . Mbrëmë ka pasur të paktën 140 aksidente , dhe tre vetë vdiqën nga këto aksidente, duke e çuar në 11 numërin e të vdekurve .Vetëm dje thonë se janë anuluar më shumë se 3,300 fluturime dhe janë paraljmëruar për sot për t’u anuluar gjatë ditës më shumë se 3,400 fluturime të tjera nga 50.000 deri 55.000 fluturime me aeroplanët komerciale dhe private, që zakonishtë kanë linjat e përditshme në hapësirën ajrore të SHBA .

Nga BEQIR SINA, New York/

NEW YORK : Një shtresë e akumuluar prej ditësh me dëborë dhe një trashësi akulli që u krijua këto ditë me shumë nga temperaturat shumë të ulta të kësaj jave – kan shkaktuar bllokime të mëdha të trafikut , në 1/3 e territorit të SHBA, duke paralizuar në shumë shtete edhe trafikun – pasi shoferët injoruan paralajmërimet e autoriteteve për të qëndruar jashtë rrugëve – pra të evitonin udhëtimet e këtyre ditëve.    Këtë herë të bllokuara prej trafikut nuk janë vetëm autostradat në drejtim të Gjeorgjias, Karolinën e Veriut duke rënë më poshtë deri në pjesën kur hynë në Florida, por edhe nga verilindja në Boston dhe Detroit.

Autoritetet njoftuan se më shumë se 97 milionë amerikanë në më shumë se 20 shtete janë përfshirë nga të ftohti i madh – Shtresa e akullit dhe bora e rënë ditë më parë dhe e ngrirë, e cila goditi më shumë veriun dhe juglindjen të mërkurën dhe sot ajo po godet sot deri në brigjet në verilindje të SHBA . Stuhia është e shoqëruar me një të ftohtë polar, disa gradë nën zero – minus 10 dhe 15 gradë celcius . Një i ftohëtë ky i paparë në 4-5 dekadat e fundit thanë autoritet amerikane, që sipas tyre tashmë  kan lënë në “terrë” pa energji elektrike, gati gjysmë milionë amerikanë, shtëpi dhe bizneset e tyre .

Autoritet amerikane thonë se të paktën deri tash kan mbetur të vdekur 11 vetë    Në New York, edhe pse nuk është aq e keqe sa në verilindje të SHBA, ndalim trafiku ka pasur në disa zona malore , atje trafiku bllokoi qindra automjete, ndërsa në qytet janë regjistruar aksidente të vogla me makina .    Në North Carolina Governatori i saj Pat McCrory, shpalli dje gjendjen emergjente, duke u kërkuar qytetarëve që të qëndrojnë jashtë e rrugëve , duke përforcuar paralajmërimin , dhe thënë: ” Qëndroni në shtëpi në këtë ditë dhe në këtë kohë kaq të keqe, deri në përmisimin e saj . ”    Unë ju bëjë thirrje tha ai :”Mos dilni në rrugë me automjete që të vëni veten në rrezik , familjet tuaja në rrezik, apo njerëzit që merren me operacionet emergjente, ” tha ai . Mbasi North Carolina Qendrore ishte një nga zonat e prekura më rëndë nga kjo stuhi . Dëbora dhe akulli i kan bërë rrugët kryesore të këtij shteti të pakalueshme, aq sa edhe ushtria amerikane ka dërguar dje 4 automjete të rënda për pastrimin e dëborës dhe makina të tjera blinduara dhe me zingjirë, për të ndihmuar dhjetra automjete të shoferëve bllokuar nga stuhia .
Shkollat, spitalet, dyqanet, dhe zyrat shtetrore të qendrave të banuara në këto zonë të Georigias, janë të mbyllyra, shkruan shtypi vendas, duke shtuar se ” në qendër të qytetit – duket sikur të jet një qytet fantazmë” .     ” Shqetësimi ynë më i madh është se njerëzit vazhdojnë të mos marrin parasysh paralajmërimet e agjencive të emergjencës dhe kompanive të energjisë të qëndrojnë në shtëpi dhe të evitojnë daljen me makina në rrugë, veçanërisht në rrugët malore , ” tha Guvernatori i Gjeorgjias Nathan Deal .Shtypi njofton se pemë dhe shtyllat e linjave të energjisë elektrike janë të mbuluar me akull disa prej tyre nën peshën e rëndë janë rrëzuar . Disa lagje sot në mëngjes u gdhinë pa drita. Georgia, është duke zbatuar gjendjen e emergjencave, dhe ka rekrutuar 2.000 punëtor të shërbimeve të energjisë elektrike si përforcime për të plotësuar kërkesën për thirrje emergjente .    Kurse, metereologet kanë parashikuar se trashësia e akullit në këto zona mund të arrijë në një feet në liqen dhe lumenjë . Eric Fisher , meteorolog kryesor në stacionin CBS-WBZ në Boston , tha se stuhia ishte sot heret, duke u drejtuar drejtë Bregdetit Lindor, ku sipas tij ” miliona amerikanë janë sigurisht ndjerë ndikimin e kësaj stuhie të dimrit ,” .    Ai tha se :”Bora dhe akulli do të rritet duke rënë sot nga enjtja në mëngjes, dhe gjatë ditës në Uashington, DC ,  New York, New Jersey, Boston, Virginia e Karolinën e Veriut”. Në Boston , reshjet e dëborës do të kthehen në shi të ngrirë , por bora do të vazhdojë të bjerë në pjesën veriore të New England”. Metereologët, gjithashtu kan parashikuar sot se do të bjerë 6 në 12 inç dëborë për disa zona në Nju Jork , Filadelfia dhe Uashington . Por në periferi dhe në perëndim të këtyre qyteteve trashësia e akullit mund të arrijë në një feet –  më shumë se një këmbë me akull në lumenjët dhe liqenet për rreth qyteteve . Në jug , bora dhe akulli do të qendrojnë rreth e rrotull për një kohë të gjatë, pasi që nuk është parashihet kalimi i ndonjë rryme të ngrohtë këtë fund jave-  në parashikimin e menjëhershëm të motit . Duhet të ketë një shkrirje të akullit dhe dëborës vetëm të premten , në qytetin e New Yorkut  dhe disa zona në qendrore në New Jersey, mbasi temperatura do të ngrihet deri në 40 degree, dhe kështu temperatura do të vazhdojë të jetë nën mesataren edhe të shtunën .   Në Karolinën e Jugut dhe të Veriut , sot u aktivizuan për shbllokimin e situatës edhe trupat e Gardës Kombëtare të cilat së bashku me punonjësit e pastrimit të autostradave , ishin të gatshëm për t’iu përgjigjur situatave që po krijohen .
Deri sot në mëngjes shumë rrugë janë të mbuluara me dëborë dhe akull dhe vargu i makinave i kalon dy tre kilometra në disa zona malore, sidomos në shtetet verilindore të SHBA . Ku sipas njoftimeve më të fundit vetëm gjatë natës, mbrëmë ka pasur të paktën 140 aksidente , dhe tre vetë vdiqën nga këto aksidente, duke e çuar në 11 të vdekur .  Shtypi njofton se zyrtarët gjithashtu ishin duke u përpjekur për të mbajtur në funksionim, rrugët dytësore dhe duke u përpjekur për të rivendosur energjinë elektrike, për të paktën 20.000 njerëz në qendër të Karolinës së Jugut .     Në të gjithë territorin e SHBA thanë autoritet prej mbrëmë jan anulluar mijëra fluturime të aeroplanëve të linjave të udhtarëve dhe biznesve. Vetëm dje thonë se janë anuluar më shumë se 3,300 fluturime dhe janë paraljmëruar për sot për t’u anuluar gjatë ditës më shumë se 3,400 fluturime të tjera nga 50.000 deri 55.000 fluturime me aeroplanët komerciale dhe private, që zakonishtë kanë linjat e përditshme në hapësirën ajrore të SHBA .   Në qendërën e komandës së  Administratës Federale të Aviacionit fluturimet më së shumti janë anulluar në Washington, DC ,në Charlotte , North Carolina, dhe në Atlanta – Georgia . E gjithë kjo gjendje me motin e ligë që ka përfshirë 1/3 e territorit të SHBA të cilat janë mbuluara tërsishtë në akull dhe dëborë, sipas Entiti Kombëtar të Motit mund të ndryshojë vetëm me zhvillimet e papritura të motit, që do të nisin qysh nesër e premte 14 shkurt në disa shtete por jo nëtë gjithë territorin e mbuluar nga dëbora dhe akulli.

Beogradi dhe Prishtina afër zgjidhjes

by

Beogradi dhe Prishtina finalizojnë marrëveshjen për organizimin e gjyqësorit në veri të Kosovës. Zgjidhja është gjetur në kuadër të ligjeve të Kosovës, por duke respektuar specifikat e komunave me shumicë serbe.

Beogradi dhe Prishtina thonë se është afër zgjidhja në fushën e gjyqësorit, që ka të bëjë me juridiksionin e gjykatës komunale në Mitrovicë. Raundi i 22-të i dialogut, i mbajtur në Bruksel më 12 shkurt, çoi në një afrim të qëndrimeve, të cilat nga njëra anë plotësojnë kërkesat e Prishtinës për organizimin e gjykatës dhe të prokurorisë në veri në përputhje me kushtetutën dhe ligjet e Kosovës, nga ana tjetër respektojnë kërkesën e Beogradit për “specifikën dhe individualitetin” e serbëve në veri.

“Nëse është një gjykatë për shtatë komuna, atëherë kjo strukturë në kuptimin etnik të paktën, në ato pjesë të departamentit në veri, duhet të ketë shumicën e gjyqtarëve dhe të prokurorëve serbë, e përsëri të mos ndahet vetëm sipas kritereve etnike, që nuk është patjetër praktikë në gjyqësor dhe ne as nuk do të donim të ishte kështu. Megjithatë, specifika e veriut duhet të respektohet”, tha Daçiç.

Grupit të ekspertëve, që ka qëndruar, i mbetet të finalizojë detajet dhe të dy kryeministrat më së voni pas dy javëve do të takohen përsëri në Bruksel dhe të arrijnë marrëveshjen politike lidhur me zgjidhjen e çështjes së gjyqësorit.

Zgjedhjet nuk duhet të ngadalësojnë dialogun

Në kabinetin e kryediplomates së Bashkimit Evropian, edhe para takimit të djeshëm midis delegacioneve të Beogradit dhe Prishtinës, u theksua se është e domosdoshme që sa më parë të bihet dakord për implementimin e të gjitha pjesëve të marrëveshjes së Brukselit, në radhë të parë në fushën e drejtësisë. Në të njëjtën kohë edhe Serbia edhe Kosova janë të vetëdijshme se ngecja në negociata në një situatë, kur të dy palët presin zgjedhje parlamentare dhe mandati i Catherine Ashtonit përfundon në fund të vitit, mund të ndikojë negativisht në proceset e integrimit evropian të të dyja palëve. Në Bruksel theksojnë se dialogu, pavarësisht nga procesi zgjedhor, vazhdon dhe të dy kryeministrat kanë shprehur angazhimin e tyre për të vazhduar punën në procesin e dialogut.
“Shpresoj se Serbia do të jetë edhe më shumë e angazhuar për zbatimin e marrëveshjes, pavarësisht nga zgjedhjet e ardhshme”, deklaroi kryeministri i Kosovës, Hashim Thaçi, duke theksuar se në Bruksel është biseduar, se si të zbatohet sa më parë dhe më mirë marrëveshja e Brukselit.

Njëra prej temave edhe ajo e serbëve të arrestuar në Kosovë

Krahas çështjes themelore të drejtësisë, Beogradi insistoi në Bruksel edhe për çështjen e serbëve të arrestuar në Kosovë. Me këtë rast nga Bashkimi Evropian u kërkua që përmes autoriteteve të tij të sqarojë arrestimet, të cilat sipas fjalëve të kryeministrit të Serbisë, mund të çojnë në destabilizimin e rrethanave në Kosovë. U bisedua edhe për mënyrën e organizimit të votimit në zgjedhjet e ardhshme parlamentare në Serbi për qytetarët serbë, që jetojnë në Kosovë.

Bisedime mbi gjendjen në Bosnjë- Hercegovinë

Në kuadër të dialogut janë shkëmbyer edhe informacione mbi gjendjen në Bosnjë- Hercegovinë. Me këtë rast shefja e diplomacisë së Bashkimit Evropian Ashton njoftoi se do të zhvillojë një vizitë në Bosnjë e Hercegovinë javën e ardhshme dhe Serbia është e angazhuar për një Bosnjë-Hercegovinë të qetë dhe stabile.

 

DEPUTETI FLORIM KRASNIQI KERKON HETIM PER UDBASHET

by

Deputeti nga radhët e Lëvizjes Vetëvendosje, Florin Krasniqi ka kërkuar nga prokuroria e Kosovës që “të mirret me njerëzit që punojnë për shërbimet e huaja dhe armike”.

“Unë besoj që njeriu që ka punuar një herë për UDB-ën do punojë gjithë jetën për UDB-ën. Fjala është për këta njerëz publik dhe jo publik që dalin me deklarata se ‘i dinë njerëzit në këtë Kuvend e Qeveri që punojnë për UDB-ën’. E këta fshihen pas kodit etik. Thonë ‘Kodi etik nuk na lejon që të tregojmë kush janë këta njerëz. Kjo është sikur un tu them juve un e di ku është një bombë nukleare por kodi etik nuk ma lejon me tregu. Se nëse flas e thej kodin etik’” tha Krasniqi

“E ftoj prukurorinë që urgjentisht ti marrë këta njerëz në pyetje që të tregojnë kush janë njerëzit në radhët tona e që shërbejnë për shërbimet informative të huaja e armike” tha Krasniqi para deputetëve.(Bota Sot)