Para disa ditësh, doli në Bukuresht, në gjuhën rumune, vëllimi „Prizonierul absenței” (Duke u dorëzuar te mungesa), poezi nga Gjekë Marinaj. Përkthyesi i vëllimit është Marius Dobresku, një nga përkthyesit më prodhimtarë të letërsisë shqipe në botë. Dobresku ka botuar, gjithashtu, disa autorë shqiptarë të mërgimit, si Ramiz Gjini (USA) dhe Arbër Ahmetaj (Svicra), por edhe romanet dhe novelat e shkrimtarit tonë të njohur Ismail Kadare. Vëllimi i Marinajt përmban realizimet më të mira të këtij autori nga Dallas, midis tyre dhe „Kuajt”, e njohur në Shqipëri si një nga veprat më të guximshme të viteve të fundit të diktaturës komuniste. Marinaj është profesor në Universitetit e Dallasit dhe doktor i shkencave. Vëllimi „Prizonierul absenței” ka një parathënje nga studiuesi rumun Radu Voinesku, i cili e vlerëson poetin shqiptar si një nga autorët më të mirë të Ballkanit.
Pavarësia pesë vjet pas
Bashkimi kombëtar-zgjidhje për të gjithë shqiptarët
Nga GANI QARRI, Zyrih/
Më 17 shkurt të këtij viti,u bënë plotë pesë vjet nga shpallja e Pavarësisë së vendit tonë të lirë. Vendit tonë të vogël dhe me Pavarësi të sapolindur, pas rreth 9 vitesh pritje jo dhe aq të shkurtër qysh nga çlirimi më 1999, dhe afro një shekulli pushtimi sllav, kur për herë të parë akti i tij historik, do të njihej e pranohej nga shtetet më të fuqishme dhe më të mëdha në Botë.Ndaj, në ditët e shënuara si kjo,ne kujtojmë me pietetin më të lartë sakrificat e panumërta dhe përpjekjet e pareshtura të heronjve dhe dëshmorëve të kombit ,si dhe ndihmën e forcave të NATO-s dhe përkrahjen e Bashkësisë ndërkombëtare të cilat na sollën deri te liria dhe pavarësia e vendit tonë.
Por,duke kujtuar rrjedhën e mundimshme të kohës dhe serinë e ngjarjeve jo gjithherë dashamirëse ndaj vendit dhe popullit tonë nëpër të cilat u dashtë të kalonte pas shpalljes së Pavarësisë së saj-Kosova si shtet i ri, me rrezikun nga krimi i organizuar e korrupsioni dhe veprimet armiqësore të strukturave kriminale serbe në veri,të cilat kishin për qëllim shkatërrimin e pavarësisë shtetërore dhe grabitjen e territorit të Kosovës , neve sot na bëjnë që të festojmë jo pa brenga edhe në pesë vjetorin e pavarësisë së vendit tonë.
Nëse shfletojmë me kujdes katalogun e ngjarjeve të pa këndshme që nga 19 shkurti i vitit 2008,kur vetëm dy ditë pasi që Kosova kishte shpallur Pavarësinë dhe Kuvendi i Republikës mbante seancën e miratimit të Pakos së Ahtisarit për miratimin e ligjeve të sajë,strukturat paralele serbe në veri, dogjën pikat kufitare në Jarinjë dhe Bërnjak,të cilat ndajnë Kosovën dhe Serbinë, për të mos lejuar më asnjëherë funksionalizimin normal të atyre vendkalimeve ndërshtetërore në atë pjesë të vendit,ky fakt i hidhur- nuk na le të qetë as tani. Madje nuk duhet harruar se edhe pse më 4 prill të vitit 2008 do të miratohej Kushtetuta si akti më i lartë juridik i vendit, e cila përcaktonte Kosovën si shtet të Pavarur dhe Republikë Parlamentare,vetëm rreth pesë javë më vonë, më 9 maji të vitit 2008,me miratimin e heshtur të BE-së dhe Bashkësisë ndërkombëtare,në Kosovë u organizuan zgjedhjet parlamentare dhe ato lokale të Serbisë, nga të cilat dolën strukturat paralele të saj dhe nuk u shuan asnjëherë deri më tani, në vendin tonë.Për tu rënduar gjendja edhe më shumë, në nëntor të atij viti, me miratimin e BE-së, dhe Bashkësisë Ndërkombëtare, problemit të veriut do t`i shtoheshin edhe 6 pikat e Ban Ki Mon-it, të cilat nuk synonin hiq më pak se ndarjen e heshtur të Kosovës dhe bartjen klandestine – të asaj pjese përmes strukturave kriminale serbe dhe futjen nën sundimin e Serbisë,të rreth 30 % të territorit tonë shtetëror.
Kështu,me ndihmën e BE-së dhe përkrahjen e disa vendeve tjera nga Bashkësia Ndërkombëtare,Serbia arriti me sukses që nga atëherë të pengojë, funksionalizimin e doganave të shtetit, policisë vendore, vendosjen e rregullit, ligjit si dhe shtrirjen e shtetësisë së Kosovës edhe në ato pjesë të saj,deri më sot.
Për fat të keq, shuarjes së strukturave kriminale serbe në veri,nuk i ndihmoi as Vendimi i 22 Korrikut të vitit 2010,i cili u shpall njëzëri në Favor të mëvetësisë se vendit tonë nga Gjykata ndërkombëtare e Drejtësisë në Hagë e cila me vendimin e saj ,dëshmoi edhe një herë se pavarësia e Kosovës ishte e drejtë dhe nuk u shkel asnjë ligj ndërkombëtar.Ndaj pas okupimit klasik të veriut, nga strukturat paralele serbe, Qeveria e Kosovës provoi që përmes intervenimit me polici të arrinte vendkalimet e uzurpuara kufitare, me ç`rast gjatë intervenimit me 25 korrik të vitit 2011, do të vritej edhe polici Enver Zymberi, njëri nga heronjtë e policisë sonë speciale.Pas këtij intervenimi,vetëm dy ditë më vonë,pra më 27 korrik të vitit 2011,nga bandat kriminale serbe, do të digjeshin sërish pikat doganore 1 dhe 31,në Jarinjë dhe Bërnjak,për mbrojtjen e të cilave nga forcat e EULEX-it, pothuajse nuk do të intervenohej fare,megjithëse ato ishin të vendosura atje. Dhe, sikur të mos mjaftonin të gjitha këto,edhe në bisedimet dypalëshe të cilat filluan në vitin 2011,Kosova nuk arriti të siguronte njohjen e dokumenteve tona të udhëtimit as lëvizjen e lirë të qytetarëve të saj shqiptar nëpër Serbi.Madje,përmes bisedimeve, ajo nuk mundi ti kthente as librat origjinal të amzës dhe as regjistrat e saj Kadastral, të plaçkitura gjatë kohës së luftës nga Serbia.Bile,për të qenë çudia edhe më e madhe, Kosova do të kënaqej vetëm me marrjen e kopjeve të dokumenteve të saj shtetërore,duke pranuar që origjinalin ta mbante Serbia, e cila jo vetëm se nuk dha asgjë në ato bisedime, por fitoi edhe statusin e vendit kandidat për në Bashkimin Evropian.
Për aq më keq,Kosova që nga 24 shkurti i vitit 2012, në vend të shënimit statusor si Republikë ajo u damkosë me Fusnotë, kurse Bashkimi Evropianë mbanë edhe sot qëndrim neutral ndaj Pavarësisë , duke mos i mundësuar deri më sot-shtetit të Kosovës shtrirjen e shtetësisë në veriun e saj.Dhe jo vetëm atëherë por edhe tani,pas pesë vjetësh të kaluara nga shpallja e Pavarësisë, doganierët e shtetit të Kosovës në pikat e Kufirit Jarinjë dhe Bërnjak, nuk mund të kalojnë rrugëve të barrikaduara tokësore nga pengesat e strukturave kriminale serbe, përkundër marrëveshjeve të arritura për menaxhimin e përbashkët të kufijve me Serbinë, sipas parimit të njohur evropian të IBM-s, dakorduar gjatë bisedimeve dypalëshe të zhvilluara në Bruksel.Dhe për fund,megjithëse në shtator të vitit 2012, ka përfunduar mbikëqyrja e pavarësisë së Kosovës dhe përfundimisht është mbyllur kjo Zyrë Civile Ndërkombëtare, për fat të keq, mu në pesë vjetorin e Pavarësisë së vendit tonë,ne në vend të festës dhe gëzimit, dëgjojmë lajmin e pa këndshëm-tanimë të bërë publik se me ish shtetin pushtues, ende kemi shumë punë dhe deshëm s`deshëm përveç fondit të ngritur zhvillimor nga qeveria- për Veriun- duhet të bisedohet edhe me Serbinë. Vallë, sa u realizuan ëndrrat e popullit liridashës shqiptar,pesë vjet pas shpalljes së mëvetësisë së Kosovës dhe ku fillon e deri ku arrin-Pavarësia jonë? Vallë ,a mund të quhen ideal i realizuar, pavarësit pjes -pjesë të një populli, pa arritjen e bashkimit të përgjithshëm kombëtar, siç nuk e kanë, por e dëshirojnë edhe shqiptarët ?!
Rroftë liria e trojeve shqiptare!
Rroftë bashkimi ynë kombëtar!
GEZUAR DITELINDJEN E LIRISE, KOSOVE!
Gëzuar Ditëlindjen e Lirisë , Kosovë! 5 vjet Pavarësi, u bëfshin për ty, miliarda vite lumturi !/
Hapma zemrën, o Nënë!/
Me krenari ty të falem,
Kosovë!
Para teje në gjunjë
përulem o nënë!
Nderim…
mirënjohje…
përkushtim…
për shekuj të tërë!
Mbështetur kokën ,
në kraharorin tënd,
hapma zemrën…
dhe më bëj pak vënd.
Kosovë!
O bijë martire…
lejomë,
që mallin të ta shuaj
për djemtë e vajzat lastarë,
që jetën s’e kursyen
për ty, o nënë… e dhanë.
Kosovë!
o bijë e Shqipes krenare,
përse shekujt të drobitën?
luftrat…
hallet…
dhe dertet të rritën…
Kosovë!
më fut në gji ti, o mëmë,
me ledha…
ngrohtësi
e dhembshuri…
të t’i shëroj plagët
e shpirtit tënd!
Ndaj, hapma zemrën
e më bëj pak vend,
qetësinë do ta gjej
në kraharorin tënd!
Kosovë!
këtë pesëvjetor lirie
Të ndrit fytyra…
dhe kurmi i larë
me dritë Perëndieë
Ta gëzosh
kurorën e artë mbi krye
se të paska hije!
GEZUAR PAVARESIA, SEPSE VERTET U KRY!
Pershendetjame rastin e 5 vjetorit te Pavaresise se Kosoves e Ambasadores Shqiptare ne Otava znj Elida Petoshati ne Otava, Kanada/
Bashkëkombas dhe miq të dashur,/
Të dashur motra dhe vëllezër,/
Me anë të kësaj përshëndetjeje, dëshiroj t’ju uroj nga zemra “Gëzuar Përvjetorin e Pestë të Pavarësisë së Republikës së Kosovës”!/
17 shkurti 2008 do të mbetet një ditë e shënuar në historinë kombëtare të shqiptarëve, që mbylli kapitullin e hidhur të genocidit më të egër dhe politikës së spastrimit etnik të ushtruar prej një shekulli mbi një pjesë të rëndësishme të trungut të kombit tonë që nga Serbia e Karagjeorgjeviçit e deri në fundshekullin e kaluar të Serbisë së xhelatit Milosheviç.
17 shkurti 2008 do të mbetet një ditë e shënuar edhe për historinë e rajonit, i cili pas njëqind vjetësh është një hapësirë më e paqtë, më e sigurtë dhe më demokratike, sepse më në fund me pavarësimin e Kosovës i është dhënë një zgjidhje çështjes shqiptare në Ballkan.
Prandaj kjo datë na bën të ndjehemi thellësisht krenarë pasi gjaku dhe sakrifica e pashembullt e shqiptarëve të Kosovës, përveçse mbeten në altarin e përjetshëm të kujtesës sonë kombëtare, u shpërblyen më në fund me ëndrrën më të madhe të brezave për ta parë Kosovën të lirë dhe të mëvehtësuar.
Pesë vjet pas shpalljes së pavarësisë, Kosova ka dëshmuar modelin e një shteti tërësisht demokratik, i ndërtuar mbi themelet e bashkëjetesës multietnike, multikulturore dhe multikonfesionale, siç edhe sanksionohet në Kushtetutën e saj të standarteve më të mira europiane. Sot ajo ka fituar një dinjitet të padiskutueshëm në arenën ndërkombëtare, e njohur tashmë nga 98 shtete, ndërsa Opinioni Këshillimor i Gjykatës Ndërkombëtare të Drejtësisë njohu përfundimisht legjitimitetin e aktit të pavarësisë.
Sot qytetarët e Kosovës kanë përditë e më shumë motive për të përjetuar e gëzuar shijen e lirisë. Në sajë të maturisë së politikanëve të vet, procesi i pavarësisë së mbikqyrur është përmbyllur dhe po shkohet gradualisht drejt normalizimit të marrëdhënieve ndërshtetërore me Serbinë. Tashmë Kosova është orientuar pa kthim drejt perspektivës euro-atlantike. Shqipëria është thellësisht e angazhuar për avancimin e këtij procesi, që u bashkangjitet përpjekjeve të parreshtura të diplomacisë shqiptare për nxitjen e përfaqësimit rajonal të Kosovës, por edhe shtimit të numrit të njohjeve, që do t’i sigurojnë asaj vendin e merituar në familjen e Kombeve të Bashkuara.
Pesë vjet pas shpalljes së pavarësisë së Kosovës, qytetarët e saj kudo ku ndodhen kanë rastin të përkujtojnë e përshëndesin vendet mike e aleate që nuk toleruan nëpërkëmbjen flagrante të të drejtave të njeriut dhe ndërhynë për të mbështetur luftën e drejtë të Ushtrisë Çlirimtare të Kosovës dhe sakrificat e popullit kosovar për t’i dhënë fund njëherë e përgjithmonë një prej padrejtësive më të mëdha historike në rajonin tonë.
Kjo mirënjohje i drejtohet sot natyrshëm edhe Kanadasë, si një nga vendet më të rëndësishme të aksit euro-atlantik, e cila luajti një rol substancial për përfundimin e konfliktit të përgjakshëm që çoi në çlirimin e Kosovës nga zgjedha serbe, por edhe për lehtësimin e efekteve të krizës humanitare të pranverës së vitit 1999. Ne shqiptarët kujtojmë e jemi mirënjohës se ajo u rendit, gjithashtu, ndër vendet e para që njohën pavarësinë dhe pritën me bujari e solidaritet të lartë njerëzor një komunitet të konsiderueshëm nga shqiptarët e Kosovës, duke u lejuar të jetojnë në këtë vend të mrekullueshëm si qytetarë të denjë e plotësisht të integruar në shoqërinë kanadeze. Në këtë kontekst, ka vend për t’u përshëndetur vullneti i palës kanadeze për të forcuar marrëdhëniet me shtetin e ri të Kosovës, që u evidentua edhe gjatë vizitës së Kryetarit të Kuvendit, z. Jakup Krasniqi, në Kanada, në tetorin e vitit 2011, vizitën e Ministrit të Diasporës, z. Ibrahim Makolli në vjeshtën e kaluar, si dhe mesazhet e ngrohta të Guvernatorit të Përgjithshëm Johnston për Presidenten Jahjaga.
Të dashur motra dhe vëllezër,
Përvjetori i Pestë i Pavarësisë së Republikës së Kosovës përkon me një tjetër ngjarje të lumtur për mbarë shqiptarët kudo që ndodhen, 100 vjetorin e themelimit të shtetit shqiptar, ditën e flamurit kuq e zi të Ismail Qemalit e Isa Boletinit, për të cilin u flijuan ndër breza gjithë bashkëkombasit e trevave shqiptare, pa asnjë dallim. Me pavarësimin e Kosovës, shqiptarët e festuan 100 Vjetorin si një komb i lirë.
Ambasada e Republikës së Shqipërisë, e cila ka qenë gjithëherë krah diasporës së mrekullueshme të shqiptarëve të Kanadasë nga mbarë trevat, ndërmori inisiativën e organizimit të “Vitit të Shqipërisë në Kanada”, me synimin për të shpalosur përpara autoriteteve dhe publikut kanadez marrëdhëniet e shkëlqyera shqiptaro-kanadeze, por edhe vlerat e patjetërsueshme të kombit dhe botës shqiptare.
Si Ambasadore jam ndjerë thellësisht krenare për gjurmën e pashlyeshme që shqiptarët e Kanadasë i mveshën simbolikës dhe festimeve të Ditës së Pavarësisë. Në një frymë të admirueshme unisoni, shoqatat e organizuara, por edhe individualisht, të gjithë pa përjashtim iu përgjigjën inisiativës së Ambasadës, përmes zhvillimit të një pakete aq të pasur veprimtarish në të gjitha qendrat e mëdha ku jetojnë shqiptaro-kanadezët. Personalisht kam përjetuar privilegjin dhe ndjesinë më të veçantë të ndjek përgjatë 2012-ës momentet kulmore të këtij Viti të bekuar të Shqipërisë në Kanada kur shoqatat dhe çdo shqiptar i thjeshtë festuan 28 Nëntorin, ditën më të madhe të gjithë shqiptarëve, si pjesë e ndërgjegjes së pandërprerë kombëtare në të gjitha viset ku jetojnë bashkëkombasit tanë.
Të gjithë së bashku ditën të mbajnë dhe përçojnë me krenari ngjyrat e kombit, simbolet dhe figurat tona të paharruara, duke e shndërruar “Vitin e Shqipërisë në Kanada” në një festë homazhi dhe respekti për gjuhën, historinë, kulturën dhe traditat e përbashkëta.
Gjej rastin të përsëris mbështetjen institucionale të Ambasadës së Republikës së Shqipërisë në drejtim të mbarëvajtjes së jetës sociale e kulturore të gjithë shqiptarëve, duke bashkërenduar punën për ruajtjen e virtuteve dhe vlerave të përbashkëta kombëtare në Kanadanë mikpritëse, atdheun tuaj të dytë.
Të dashur motra dhe vëllezër,
Sot është vetëm Përvjetori i Pestë i Pavarësisë, shumë përvjetorë të tjerë do të vijojnë dhe brezat do të festojnë në mënyrën dhe kohën e tyre këtë ditë të madhe, por të gjithë do të trashëgojnë e përkujtojnë si ditën e parë jehonën e zërit të burrave të Kosovës që e përcollën bjeshkët për Komandantin Adem Jashari “ Bacë u kry ! ! ! ”
Gëzuar të gjithëve, sepse vërtet u kry….
Otavë, 14 shkurt 2013(Kortezi: Tribuna Shqiptare)
URIME PAVARËSINË E SHTETI IM!
Me shqiptarët e Suedisë në Festën e Pavarësisë së Kosovës/
Nga Sokol Demaku/
Kjo ishte motoja e manifetimeve të mërgimtarëve tanë në perendim më rastin e shenimit të pesëvjetorit të Pvarësisë së Republikës së Kosovës.Kosova shënon nesër 5-vjetorin e pavarësisë, e edhe mërgata është shumë aktive në këtë drejtimNë Kosovë, kanë filluar tashmë kremtimet me rastin e pesë vjetorit të shpalljes së pavarësisë dhe sheshet kryesore janë stolisur me flamuj të Kosovës, ata kombëtarë dhe të shteteve mike. Por edhe mërgata shqiptare ka bërë planet e saja për festimin e kësaj dite të shenuar në histori.
Aktivitetet përfshijnë ekspozita në fotografi nga dita e shpalljes së pavarësisë, koncerte të muzikës popullore nga ansamble të këngëve dhe valleve popullore që janë active në mërgat, turne futbolli, koncerte për fëmijë.
Kështu ishte edhe në përnedim të Suedisë në qytetine vogël dhe pitoresk Skene ku jeton dhe vepron një numër i kosniderushëm i bashkëkombasve tanë.Këtu në sallën e shkollës fillore të këtij qyteti ishin tubuar bashkëkombas tanë nga të katër anët e suedisë perendimore për të kujtua dhe festua pesë vjetorin e Shpalljes së Pavarësisë së vendit tonë Republikës së Kosovës. Ishte një festë familjare, ku fjalën e rastit e mbajti mësusi i Gjuhës shqipe dhe njëherit sekretar i qendrës Kulturore “Dardania” nga qyteti Skene, Haki Gashi, i cili prezentoj me fakte të arriturat e Shetit tonë por njëherit përmendi edhe ndihmën dhe aktivitetet e mërgimatarëve në ketë drejtim që nuk janë dhe të vogla.
Salla dhe ambienti ku mbahej manifestimi ishin stolisur me flamuj shtetor e kombëtar si dhe të shtetit nikoqir ku bashkekombasit tanë jetonë dhe veprojnë.
Nga ana e Kryesisë së QK ”Dardania” u dhuruan dhe shperblyen me temirët në aktivtete e tyre kulturore gjate vitit, ndersa Redaksia e botimeve e revistës “Dituria” nga Borås për fëmijët e këtushëm kishte siguria dhe u ndau libra me rastin e festës së pavarësisë.
Të pranishmit i argëtoi gjatë tërë kohës me zërine tij magjik Azizi dhe orkestrëne tij simpatike, i cili në këto treva është shumë i njohur me këngën e tij të adhuruar nga mërgimatrët shqiptar.