Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Festë në Katedralen Shën Nënë Tereza në Prishtinë

by

-Në mesditë u zhvillua Mesha solemne e festës, e udhëhequr nga Ipeshkvi i Dioqezës sonë Prizren-Prishtinë, Imzot Dodë Gjergji, ndërsa në mbrëmjen  e sotme mbahet  Mesha e shenjtë/

-Në Kosovë, Ditët e Shën Nënë Terezës nisën në 26 Gusht 2019 me Akademi për Ditëlindjen e Shenjëtëreshes Shqiptare në 40 vjetorin e Çmimit Nobel për Paqe që iu dha në vitin 1979/

-Vjosa Osmani nderon Shën Terezën për Ditën Ndërkombëtare të Bamirësisë-

Festë në Katedralen Shën Nënë Tereza në PrishtinëGazeta DIELLI nga korrespondenti në Kosovë Behlul Jashari

PRISHTINË, 5 Shtator 2019/ Ditëfesta liturgjike e Shenjtës sonë Shën Nënë Tereza po kremtohet solemnisht në këtë 5 Shtator 2019 në Katedralen Shën Nënë Tereza në Prishtinë, ku fillimisht ishte pritja e besimtarëve, miqve dhe njerëzve vullnetmirë.

Në Katedrale në mesditë u zhvillua Mesha solemne e festës, e udhëhequr nga Ipeshkvi i Dioqezës sonë Prizren-Prishtinë, Imzot Dodë Gjergji, ndërsa në mbrëmjen  e sotme mbahet  Mesha e shenjtë. 

Në Kosovë aktivitetet e Ditëve të Nënë Terezës, të cilat zgjasin deri në 5 Shtator, kanë nisur në ditëlindjen e saj në 26 Gusht kur Katedralja Shën Nënë Tereza në Prishtinë organizon Akademi për të shënuar  40 vjetorin e Çmimit Nobel për Paqe (1979) të Nënë Terezës.

Pjesë e programit ishte edhe promovimi i librit të Don Lush Gjergjit “E kam në zemër popullin tem Shqiptar. Bisedime me Shën Nënën Tereze”,  botuar nga  nga Shtëpa Botuese “Drita” më  2019. 

Në këto aktivitete u theksua se, “sivjet Ditët e Nënë Terezës, nëntëditëshi përgatitor dhe devocioni ndaj saj, kanë qenë të kremtuara në mënyrë të veçantë duke e kujtuar 40 vjetorin e Çmimit Nobel për Paqe të Nënë Terezës, e cila e mori në vitin 1979 në Oslo”.

E lindur në 26 Gusht të vitit 1910 në Shkup, shqiptarja Gonxhe Bojaxhiu u bë Motra Tereze e Loretos në vitin 1929; Nënë Tereza – Misionare e Dashurisë ne 1950-tën; Nobelistja e Paqes në 1979-tën, e Lumja Nënë Tereza  në 2003-tën dhe Shën Nënë Tereza  në 2016-tën.

Në 10 Dhjetor 1979, sipas raportimit në atë kohë të gazetës tradiconale të Kosovës Rilindja,  Nëna Terezë, pasi kishte pranuar Çmimin Nobël për Paqe në Oslo ka deklaruar: “Përsa i përket prejardhjes, unë jam shqiptare, indiane përkah nënshtetësia, motër murgeshë katolike, përkah thirrja, që i përkas tërë botës…”

Gurthemeli i Katedrales në Prishtinë është vënë në 26 Gusht 2005 për nder të 95 vjetorit të lindjes së Nënës Terezë nga ana e Presidentit historik të Kosovës Dr. Ibrahim Rugova, Ipeshkvit të Ipeshkvisë së Kosovës Imzot Mark Sopi dhe Kardinalit të Uashingtonit Teodor Mekkerik.

“Sot është një ditë e madhe për kryeqytetin dhe për gjithë Kosovën, sepse po e bekojmë gurin e themelit të një tempulli të shenjtë, që i kushtohet Nënës së dashur shqiptaro-kosovare dhe Nënës së Njerëzimit – të lumturës Nëna Tereze – asaj që lartësoi nderin e Kosovës dhe të shqiptarëve në gjithë planetin duke i afirmuar vlerat tona dhe duke ndihmuar gjithë njerëzimin”, shprehej gjatë ceremonisë Presidenti Rugova.

“Papa Gjon Pali i Dytë e ka përkrahur personalisht ndërtimin e kësaj Katedraleje”, theksonte Presidenti Rugova.

Katedralja Nënë Tereza në Prishtinë nisi të ndërtohej ndërkohë që ishte festuar 6 vjetori i Kosovës së lirë nga qershori 1999. Në 2005-tën shënohej dhe 600 vjetori i lindjes së kryeheroit kombëtar shqiptar Gjergj Kastrioti-Skënderbeu.

Shugurimi i Katedralës Nënë Tereza në Prishtinë  u bë para dy viteve – në 5 Shtator 2017, në ditën e 1 vjetorit të shenjtërimit e të 20 vjetorit të kalimit në amshim të Shenjëtëreshes Shqiptare. Shumë solemne dhe madhështore ishte festa, mesha e shugurimit të Katedraljes-Shenjtërores Shën Nënë Tereza në Prishtinë nga i Dërguari i Posaçëm i Papa Françeskut, Kardinali shqiptar Ernest Simoni – Troshani, e me pjesëmarrje edhe shqiptarësh-vatranësh nga Shtetet e Bashkuara të Amerikës, të cilët edhe u vlerësuan e falënderuan për kontributet.

Madje, ishte edhe pjesë e celebrimit në meshën solemne të shugurimit Marjan Cubi, anëtar i Kryesise së Federatës Pan-Shqiptare të Amerikës Vatra, njëherësh  arkëtar si dhe kryetar i Komisionit për mbledhjen e fondeve për ndërtimin e Katedrales, i cili kishte ardhë në Kosovë bashkë me bashkëshorten Dila.

Shqiptarët nga Amerika – Këshilli i Fondacionit për ndërtimin e Katedralës Nënë Tereza në Prishtinë, në Nju Jork dhe rrethinë, kanë kontribuar për mëse 9 vite me 2 milionë dollarë, që janë mbledhur dhe janë dorëzuar.

***

Vjosa Osmani nderon Shën Terezën për Ditën Ndërkombëtare të Bamirësisë

Prishtinë, 5 shtator 2019

Sot, në “Ditën Ndërkombëtare të Bamirësisë”, kandidatja e LDK-së, për kryeministre znj. Vjosa Osmani, nderoi simbolin universal të dashurisë ndaj njerëzimit, humanisten e madhe shqiptare, Agnes Gonxhe Bojaxhiut – Shën Terezën. Nëpërmjet respektit ndaj figurës së saj, znj. Osmani shpreh mirënjohje edhe ndaj të gjithë njerëzve të vullnetit të mirë, të cilët na dhanë shëmbëlltyra se si duhet të kultivohet dashuria ndaj njerëzimit dhe i falën atij shumë dashuri. 

Përkushtimi i saj human, të bashkëjetuarit me më të braktisurit e kësaj bote, të varfrit dhe dhe të sëmurët, e kthyen këtë grua shqiptare në shëmbëlltyrë rrezatuese të njerëzimit. Edhe sot, shëmbëlltyra e saj na shërben për vepra paqeje, dashurie e respekti, si dhe për ta përlindur rolin e gruas shqiptare në familje dhe në shoqëri. Nëpërmjet shembullit të saj, bota i njohu vlerat e shpirtit bujar të shqiptarëve. Miku i madh i popullit tonë, ish-presidenti amerikan, Bill Klinton, theksonte se “ishte personaliteti i Nënë Terezës ai që e kishte shtyrë ta njihte e ta donte popullin shqiptar”. 

Sot, më shumë se kurrë, populli ynë ka nevojë për ta kultivuar besimin në njëri-tjetrin dhe rikthejë shpresën, besimin dhe vullnetin për të ecur drejt një të ardhmeje më prosperuese.

MUZAT…

by



Nga Astrit Lulushi/

Mali Olimp, greqisht Olympos, sepse greqishtja moderne gjithashtu e përktheu ˈolimbos’ ose ‘olibos’, është mali më i lartë në Greqi. Ndodhet në vargun Olimp në kufirin midis Thesalisë dhe Maqedonisë, midis njësive rajonale të Pierias dhe Larisës, në jug-perëndim të Selanikut.
Mali Olimp ka mbi 50 maja e gryka të thella. Maja më e lartë është Mytikas, që do të thotë “hundë” (e mprehtë si ose me thikë?), është një nga majat më të larta në Evropë.
Prejardhja e emrit Olumpos është e panjohur dhe zakonisht konsiderohet me origjinë “para-greke”. Në kohët homerike, ky mal jepet i konceptuar si selia e perëndive, Oulumpos (ku ulen perënditë?). Homeri gjithashtu e përdor “oulumpos”, edhe si emër të përgjithshëm (vend ku uleshin për kuvend heronjtë e Trojës?)
Mali Olympus njihej historikisht edhe si Mali Belus, sipas Iliadës, ku selia e perëndive përmendet “Ouranus”, perëndia e Qiellit (pragu qiellor, ku binte ose ku ra qielli?).
Në mitologjinë e lashtë, “Olympus” ishte emri i shtëpisë së Dymbëdhjetë perëndive të botës antike. Në Pieria (peria ose e bukura?), në këmbën veriore të Olimpit, kishin vendin 9 Muzat e Arteve të Bukura. Ato ishin hyjnitë që u jepnin artistëve, filozofëve dhe individëve frymëzimin (mërmërinë?) që u duhej për krijimtari. Të gjithë shkrimtarët e antikitetit u bënin thirrje Muzave në fillim të punës së tyre. Homeri u lutej Muzave si në Iliada ashtu edhe në Odiseu që ta ndihmonin të tregonte në vargje në mënyrën më të duhur të gjitha çfarë kishin ndodhur me heronjtë në Luftën e Trojës dhe pas saj.
Edhe sot Muzat janë simbole të frymëzimit dhe krijimit artistik, dhe i trazojnë mendjet e tyre që nuk dinë seç’ shkruajnë.

KRYEPESHKOPI NIKON DO TE VARROSET PRANE BASHKESHORTES, NE DETROIT

by

“NE NUK VAJTOJMË, KREMTOJMË JETËN”*

-Nga ceremonia mortore në kishën e Shën Gjergjit në Boston, në nderim të kryepeshkop Nikonit, i cili ndroi jetë të dielën e kaluar-/

  Nga Fuat Memelli/*

Të mërkurën, më 4 shtator, në kishën e Shën Gjergjit në Boston, u zhvillua ceremonia mortore në nderim të Përnderëshmit Nikon, kryepeshkop i Bostonit, New Englandit , njëkohësisht dhe i  ArkDioqezës Shqiptare në Amerikë, i cili ndërroi jetë të dielën që kaloi më 1 shtator. Si rrrallëherë kishin ardhur në kishë për t’i shprehur ngushëllimet vëllait të tij, At Artur Liolinit dhe familjes së tij,  shqiptarë jo vetëm nga Bostoni e qytetet rreth tij, por edhe nga New Yorku, Virginia, Detrioti, San Francisko, etj.

Nuk janë vetëm besimtarë orthodoksë por edhe të besimeve të tjera, pasi në gëzime e hidhërime, shqiptarët janë pranë njëri-tjetrit. Ndër të parët që ngushëlluan At Arturin dhe familjen e tij, ishte një grup i Federatës Pan Shqiptare “Vatra” i përbërë nga nga kryetari i saj , Dritan Mishto si dhe anëtarët e kryesisë Marjan Cubi, Zef Balaj, anetari i Keshillit Idriz Lamaj, vatrani Asllan Bushati dhe editori i Diellit, Dalip Greca.Kryetari i Vatres Dritan Mishto i ka percjelle ngushellimet me te thella te Tij dhe te gjithe vatraneve ne SHBA e Kanada At Arturit. Vatra dhe kisha e Shën Gjergjit,dy qendra të shqiptarizmës në Amerikë, kanë patur lidhje të ngushta  qysh në kohën e Nolit e deri në ditët e sotme. Nga Virginia kishte ardhur tok me bashkëshorten dhe djalin e tij, ish kryetari i Vatrës, Gjon Buçaj.-Kemi udhëtuar rreth 8 orë për t’i shprehur ngushëllimet Artur Liolinit dhe besimtarëve orthodoksë për ndarjen nga jeta të Krypeshkop Nikonit. Të dy vëllezrit na kanë nderuar disa herë duke marë pjesë në veprimtaritë tona, thotë Gjon Buçaj. Ndër shqiptarët e largët të ardhur nga New Yorku, është edhe biznesmeni i njohur Hari Bajraktari, themelues i gazetës “Illyria”. Pranë arkmortit me trupin e të ndjerit, vendosën një kurorë me lule edhe përfaqësuesit e Këshillit Shqiptaro-Amerikan, Haxhi Dauti e Kalosh Sela, përkatësisht kryetar dhe nën kryetar i këtij këshilli. Edhe  z. Mark Kosmo, kryetar i Mass Besa i ka shprehe ngushellimet me te thella At Arturit.

Në emër të kishës  shqiptare Shën Trinia në Boston, ngushëlluan At Arturin përfqaqëuesit e kishës, Gjergji Nini dhe Aleko Dhima.

Megjithëse i zënë në çdo çast me pritjen e njerëzve që vijnë për ngushëllim, mundëm t’i shkëputim disa fjalë Artur Liolinit, për cilësitë që vërente ai te vëllai i tij, i ndjeri Nikon. Dhe ai na tha:” Kishte një përkushtim të veçantë ndaj fesë, me të cilën e lidhi jetën.  Ai i trupëzoi vetitë e lidershipit në këtë fushë. Ishte njeri zemërbardhë dhe nuk kishte kundërshtarë. Shquhej për një humor të veçantë dhe të pa pritur. Shpesh e shprehte humorine tij edhe me një fjalë të vetme. Qëllimi i tij ishte që të shtohet numuri i besimtarëve, pa dallim feje e kulture, pasi të gjithë kemi një Zot.  Peshkop Nikoni është një trashëgimi Noliane. Ai la plot gjurmë të pashlyera. Megjithë dhimbjen që kemi sot, ne nuk vajtojmë, kremtojmë jetën”.  Dhe si për vërtetuar mos vajtimin, ai i kërkon këngëtarit operistik , Bashkim Paçuku që kishte ardhur për ngushëllim, të këndojë një fragment tyë këngëve që interpreton ai. Bashkimi këndoi dhe në fund At Arturi i emocionuar, e përqafoi fort .

Veprimtaria mortore në kishën e Shën Gjergjit, u mbyll me përshpirtjen në nderim të të ndjerit ,nga një grup klerikësh  të kryesuar nga Nathiel, kryepeshkopi i kishës rumune në Detroit, Pasi vlerësoi figurën e të ndjerit, ai theksoi se Kryepeshkop Nikoni, ju ka dashur me gjithë shpirt juve shqiptarët. Ma kishte shprehur edhe mua këtë dashuri. Ai i kishte bërë të vetat mësimet e Jezu Krishtit, mësime të cilat na tregojnë rrugën që duhet të ecim.

Të enjte në mbrëmje do të zhvillohet një ceremoni mortore edhe në kishën Holy Trinity Orthodox Catedral në Boston, ndërsa të premte më 6 shtator, trupi i tij do të përcillet me avion për në Detroit, i shoqëruar nga familjarët dhe peshkop Ilia Ketri. Ai do të varroset aty ku prehet edhe bashkëshortja e tij. Lamtumirë kryepeshkop Nikoni! Të qoftë dheu i lehtë!

Boston , 5 shtator, 2019

*Per me shume foto shihni ne Facebook-dielli vatra

VATRA, HOMAZHE PRANË ARKIVOLIT TË KRYEPESHKOPIT NIKON

by

VATRA, HOMAZHE PRANË ARKIVOLIT TË KRYEPESHKOPIT NIKON/

Gjatë ditës së djeshme, e Mërkurë 4 Shtator, një përfaqësi e Vatrës me Kryetarin Dritan Mishto, udhëtoi nga Nju Jorku në Boston për t’i shprehur ngushëllimet Familjes Liolin dhe besimtarëve Orthodoksë për kalimin në amshim të Kryepeshkopit NIKON.

Përfaqësuesit e Vatrës bënë homazhe në Katedralen e Shën Gjergjit, ku ishte vendosur arkivoli me trupin e pajetë të Kryepeshkopit.

Në emër të Vatrës Kryetari Mishtoi i shprehu ngushëllimet më të thella Kancelarit të Katedrales së Shën Gjergjit Imzot Arthur Liolin , vëllait Jim Liolin dhe të gjithë familjes së madhe Lolin. Kryetari Mishto tha se ikja e Kryepeshkop Nikon është një humbje e ndjeshme për besimtarët Orthodoksë por edhe për të gjithë komunitetin shqiptar.

Atë Arthur Liolin shprehu konsideratën për udhëtimin e Vatranëve nga Nju Jorku në Boston për t’u bërë pjesë e homazheve të Kryepeshkopit Nikon.

Pasi këtij informacioni me fotografi Dielli do të përcjellë korrespeondenca dhe Kroniak të zgjeruara rreth homazheve, meshes dhe ceremonise mortore. Redaktorja e sec. Anglisht të Diellit, Rafaela Prifti është duke e ndjekur ceremoninë nga mbremja e djeshme dhe gjatë ditës së sotme. Po ashtu korrespondenti ynë Fuat Memelli është duke përkatitur kronikën.

I pushoftë shpirti në Paqë Kryepeshkopit Nikon!

  • Per me shume foto shihni ne Facebook

Basha: Rrëzohet Farsa e 30 Qershorit

by

Basha: Raporti i OSBE/ODIHR rrëzoi farsën e 30 qershorit në çdo aspekt! Edhe i vetëm pa asnjë garë, Edi Rama zgjodhi krimin/

Kreu i opozitës, Lulzim Basha në një dalje për mediat deklaroi se, raporti i OSBE/ODIHR rrëzoi farsën e Edi Ramës për 30 qershorin.Basha theksoi se raporti tregoi se me Edi Ramën dhe këtë KQZ nuk mund të realizohen zgjedhje të lira dhe të ndershme. Ndër të tjera, Basha tha se, OSBE/ODIHR tregoi se 30 qershori ishte një process anti-ligjor dhe anti-kushtetues.

Deklarata e kryetarit Basha

Raporti tregon se 30 qershori ishte procesi më problematik dhe më i pandershëm i dy dekadave të fundit. Për herë të parë në historinë e pluralizmit politik, kemi një raport i cili nuk flet thjesht për parregullsi teknike, apo shkelje, por për krime të mirëfillta dhe veprime të qëllimshme antiligjore të të gjithë stukturës elektorale në vend, dhe për një shkatërrim të qëllimshëm të të drejtës së popullit për të zgjedhur.Praktikisht ky është një dokument, i cili më shumë se raport zgjedhor ngjan me një raport për një ngjarje kriminale. Ky është raport që realisht përmban prova dhe fakte për të filluar hetime kriminale ndaj një sërë personash dhe institucionesh.

Raporti i OSBE/ODIHR e ka rrëzuar farsën e 30 qershorit në çdo aspekt. Raporti tregon se 30 qershori ishte procesi më problematik dhe më i pandershëm i dy dekadave të fundit.Për herë të parë në historinë e pluralizmit politik, kemi një raport i cili nuk flet thjesht për parregullsi teknike, apo shkelje, por për krime të mirëfillta dhe veprime të qëllimshme antiligjore të të gjithë stukturës elektorale në vend, dhe për një shkatërrim të qëllimshëm të të drejtës së popullit për të zgjedhur.

Praktikisht ky është një dokument, i cili më shumë se raport zgjedhor ngjan me një raport për një ngjarje kriminale. Ky është raport që realisht përmban prova dhe fakte për të filluar hetime kriminale ndaj një sërë personash dhe institucionesh.Siç konfirmon raporti, nuk ka ligj, nga Kushtetuta deri tek vetë rregulloret e KQZ-së që të ketë mbetur pa u shkelur.

Nuk ka institucion zgjedhor që nga KQZ tek numëruesit dhe vëzhguesit që nuk ka shkelur ligjin.

Së pari, raporti konfirmon se votimet e 30 qershorit ishin antikushtetuese dhe u mbajtën në shkelje të dekreteve të Presidentit.

Së dyti raporti konfirmon se votimet e 30 qershorit nuk ishin zgjedhje dhe nuk patën asnjë lidhje me të drejtën e popullit për të zgjedhur përfaqësuesit dhe drejtuesit e pushtetit vendor. Ato ishin një farsë zgjedhore dhe tallje demonstrative me pluralizmin politik dhe dhe demokracinë përfaqësuese.

Basha: Së treti, për të realizuar këtë farsë antikushtetuese dhe një partiake u shkelën ligjet dhe standardet zgjedhore. Në mënyrë të veçantë nga KQZ i cili portretizohet më shumë si organ partiak se sa si institucion i pavarur dhe i paanshëm kushtetues.

I vetmi aspekt normal që ka gjetur raporti është që socialistët nuk janë rrahur me njëri-tjetrin në qendrat e votimit bosh.

Pa hyrë në detaje dhe konstatime të qarta, dua të theksoj dy përfundimet kryesore të raportit:

1. Votimet e 30 qershorit ishin antikushtetuese, të paligjshme dhe të pandershme.

2. Votimet e 30 qershorit ishin një farsë moniste dhe e përfaqësimit politik dhe shkatërrim i demokracisë.

Së treti, për të realizuar këtë farsë antikushtetuese dhe një partiake u shkelën ligjet dhe standardet zgjedhore. Në mënyrë të veçantë nga KQZ i cili portretizohet më shumë si organ partiak se sa si institucion i pavarur dhe i paanshëm kushtetues.

I vetmi aspekt normal që ka gjetur raporti është që socialistët nuk janë rrahur me njëri-tjetrin në qendrat e votimit bosh.

Pa hyrë në detaje dhe konstatime të qarta, dua të theksoj dy përfundimet kryesore të raportit:

1. Votimet e 30 qershorit ishin antikushtetuese, të paligjshme dhe të pandershme
2. Votimet e 30 qershorit ishin një farsë moniste dhe e përfaqësimit politik dhe shkatërrim i demokracisë

Basha: Edhe kur ishte i vetëm pa asnjë garë, Edi Rama zgjodhi krimin

Edhe kur ishte i vetëm pa asnjë konkurent, edhe kur vetë i kandidoi, vetë votoi, vetë numëroi dhe vetë certifikoi, ai vodhi, manipuloi dhe shkeli çdo standart.

Prandaj, 30 qershori vërtetoi edhe një herë atë që Partia Demorkatike ka thënë fuqishëm:

Me Edi Ramën nuk mund të ketë zgjedhje të lira dhe të ndershme. Edi Rama është armik i zgjedhjeve, i pluralizmit dhe demokracisë.

Por 30 qershori tregoi edhe një të vërtetë tjetër: As me këtë KQZ nuk mund të ketë zgjedhje të ndershme dhe të lira.

E thashë në fillim dhe po e them prapë:

Raporti i ODIHR është më shumë se raport zgjedhor. Ai nuk rrëzon vetëm votimet e 30 qershorit.

Raporti ka rrëzuar të gjithë shtetin e Edi Ramës.

Raporti nuk është vetëm autopsia e zgjedhjeve të vdekura të 30 qershorit

Raporti është autopsia e kufomës së shtetit të së drejtës, e qeverisë së popullit dhe drejtësisë, të cilat janë vrarë nga Edi Rama për t’i zëvendësuar ato me një shtet privat, autokratik, kriminal dhe personal.

Për këto arsye, 30 qershori ishte një grusht institucional për kapjen e pushtetit vendor nga Edi Rama. Ky grusht institucional u realizua sërish në bashkëpunim e krimin.

Ndonëse jo objekt i vlerësimit të Raportit, tashmë është një e vërtetë e njohur botërisht është se: Në mënyrë të qëllimshme, kapjen e pushtetit vendor Edi Rama e ka bërë në bashkëpunim me kriminelë.

Janë deri tani dy kandidatë për kryebashkiakë të vertetuar me të shkuar kriminale dhe priten të tjerë.

Për të kuptuar rëndësinë e këtij fakti duhet të kemi parasysh diçka: më 30 qershor nuk kishte asnjë konkurencë, nuk kishte asnjë garë. Edi Rama mund të emëronte këdo që dëshironte pa u shqetësuar se sa vota do të merrte. Por edhe në këto kushte zgjedhja e tij e natyrshme ishte krimi, ishin personat me rekorde kriminale.