Në emër të Federatës Panshqiptare të Amerikës VATRA, të të gjithë vatranëve dhe Shqiptaro-Amerikanëve ju dërgoj përgëzimet më të veçanta në këtë ditë të shënuar të përjetësimit në shtatore të Vatranit, Atdhetarit dhe Klerikut të shquar Mons. Zef Oroshi. Jeta dhe vepra e këtij patrioti të flaktë, rrugëtimi i tij, misioni dhe simbolika që na paraqet sot ky njeri i madh, janë një frymëzim i lartë patriotik sesi sakrifikohet dhe duhet Atdheu dhe i madhi Zot në ditë të vështira. Kishës Katolike rrallë do i vijnë klerikë kaq të lartë si Mons. Oroshi. Ai ishte antikomunist, prift frymëzues, teolog biblist, intelektual e atdhetar i shquar, njeri me zemër të madhe, meshtar i përkushtuar, patriot që punoi e jetoi për Kombin e Zotin tërë jetën e tij të Shenjtë. Veprimtaria fetare, klerikale, dhe atdhetare në New York janë shembuj frymëzimi e angazhimi në shërbim të njerëzve, Zotit dhe luftës së pa shembullt ndaj së keqes. Lavdi jetës, veprës, përkushtimit dhe nderimit të Mons. Zef Oroshit.

Me respekt dhe vlerësim

Kryetari i Vatrës,

Elmi Berisha

Dielli

Federata Panshqiptare e Amerikës VATRA caktoi Komisionin Përgatitor që do të merret me organizimin e Kuvendit të Përgjithshëm Zgjedhor. Ky Komision do të merret posaçërisht me verifikimin e mandateve, anëtarësinë, pagesat, delegatët, përgatitjen, hapat dhe platformën që do të ndiqen në Kuvend për mbajtjen e zgjedhjeve konform Kanunores në fuqi të Vatrës që daton që nga viti 1926.Pas mbledhjes së parë, Komisioni Përgatitor për mbajtjen e Kuvendit do të kërkojë nga kryetarët e degëve të Vatrës që të bëjnë zgjedhjet në degët e tyre dhe të zgjedhin delegatët që do të marrin pjesë në Kuvendin e Përgjithshëm Zgjedhor të Vatrës.Komisioni Përgatitor për mbajtjen e Kuvendit ka këtë përbërje: Besim Malota -Kryesues, Armin Zotaj- Anëtar, Bashkim Musabelliu- Anëtar, Elton Mara – anëtar, Mondi Rakaj – anëtar.

PRISHTINË, 11 Dhjetor 2021- Gazeta DIELLI/

Deklaratë e Presidentes së Republikës së Kosovës, Vjosa Osmani:

Ish-zëdhënësi i gruas së kriminelit Millosheviq, me propagandë po përpiqet t`i ndryshojë faktet historike. E pamundshme dhe e paarritshme. Në Reçak ka ndodhur krim kundër njerëzimit. Ky fakt është i njohur dhe i dokumentuar botërisht. Tendencat e Vullinit shpërfaqin ambicien e Serbisë për ndryshimin e historisë, kjo përpjekje e kamotshme e këtij shteti në relacion me Kosovën.Përpjekjet e tilla janë vazhdimësi e mendësisë së regjimit të Millosheviqit, nga e cila nuk po arrin të shkëputet Vullini si një besnik i tij. Mohimi i fakteve të luftës nëpërmjet rehabilitimit të kriminelëve të luftës është krim i përsëritur.Por, e vërteta për Reçakun është me e fuqishme se çfarëdo propagande e Vullinit dhe bashkëmendimtarëve të tij. Ata mund të bëjnë filma, por në Reçak e anekënd Kosovës ka ndodhur një realitet që ka shpërfaqur qëllimin e shtetit serb për shfarosjen e popullit shqiptar në Kosovë. Pikërisht shkaku i Reçakut dhe masakrave të tjera, NATO ndërhyri ushtarakisht ndaj Serbisë dhe caqeve ushtarake të saj në Kosovë për ta ndalur mizorinë e një regjimi gjenocidal.

Kosovo’s Ambassador Designate Jeffrey Hovenier was received by Vatra’s President Elmi Berisha at the Federation Headquarters in the Bronx. Coming from a long career of foreign  service in the Balkan region, Mr. Hovenier, who is appointed by President Biden and approved by the Senate, will present his credentials to Kosovo’s President Osmani as soon as next month.  In his first meeting with the community leaders, Ambassador designate sat down with Vatra’s President Elmi Berisha.
The meeting covered topics of concern for Kosovo and the Albanian people. 
Vatra stands apart from any organization because of its 109 year-old legacy. Over the years, it has weathered the storms and survived. While being proud of its history, Vatra is looking forward to being an asset in the current political landscape. It has a large membership base and an increasing number of chapters across the country. Most importantly, it has a vision, leadership and commitment to be a contributing participant in addressing the issues facing the homeland.   
The Ambassador designate Hovenier was accompanied by Wendy Rejan, Kosovo Desk Officer from the US State Department. With Vatra’s President were Dielli editors Sokol Paja and Rafaela Prifti.     

PRISHTINË, 9 Dhjetor 2021-Gazeta DIELLI nga korrespondenti në Kosovë Behlul Jashari/

Presidentja e Republikës së Kosovës, Vjosa Osmani përfaqëson Kosovën në Samitin për Demokraci të organizuar nga Presidenti Amerikan Joe Biden. Samiti zhvillon punimet virtuelisht më 9-10 Dhjetor 2021, marrin pjesë më shumë se 100 shtete nga mbarë bota.Hapja e Samitit bëhet nga Presidenti i ShBA-ve, Joe Biden, ndërsa Presidentja Osmani në fjalën e saj në këtë Samit paraqet pikat kryesore të zotimeve të Kosovës në fushën e sundimit të ligjit, bashkëpunimit ndërkombëtar në luftimin e autokracive, fuqizimit të rolit të grave në shoqëri dhe krijimin e mekanizmave për të siguruar zbatimin e zotimeve.Në këtë Samit marrin pjesë liderë botërorë, përfaqësues të shoqërisë civile dhe ata nga sektori privat, ndërsa është paraparë të diskutohet për: forcimin e qëndrueshmërisë demokratike, parandalimin dhe luftën kundër korrupsionit, mbrojtjen e të drejtave të njeriut, forcimin e demokracisë dhe mbrojtjen kundër autoritarizmit, mbrojtjen e institucioneve demokratike, kundërshtimin e autoritarizmit digjital dhe afirmimin e vlerave demokratike.Ftesa për pjesëmarrje në Samitin për Demokraci i është dërguar Presidentes Osmani nga Presidenti Biden më 9 Nëntor 2021. Presidentja ka përshirë në delegacionin e saj që merr pjesë virtuelisht në samit edhe përfaqësues të institucioneve të tjera publike dhe përfaqësues të shoqërisë civile.