Featured – Page 727 – Dielli

PD: I arrestuari për 1 tonë marijuanë është i njohur i Ministrit Tahiri

February 23, 2014 by dgreca

*Berisha ne Fb: Ky eshte Edi Krimi! Ky eshte Edvin Drama!/

* Ministria e Brendshme: Opozita po del në krah të shkelësve të ligjit/

Partia Demokratike solli në vëmendje fakte të reja të përfshirjes së personave të dyshimtë dhe me lidhje kriminale në Policinë e Shtetit. Ish-Ministri i Brendshëm, Flamur Noka, në një deklaratë për mediat denoncoi skandalin e emërimit në polici të trafikantit të drogës qe u arrestua ne Gjirokaster me 1 ton droge, i njohur për raportet me Ministrin e Brendshëm në fushatën zgjedhore.

“I ndaluari i djeshëm nga Policia e Gjirokastrës me një ton marijuanë, me destinacion Italinë, është një punonjës i Policisë së Shtetit, i emëruar nga rilindja, me precedent penal, dhe njeri i afërt i Ministrit të Brendshëm.I ndaluari i djeshëm, banor i Kombinatit njihet për raportet e ngushta që ka me Tahirin, veçanërisht në fushatën e fundit elektorale, ku shërbente edhe si shoqërues i Ministrit të Brendshëm.Duke përgëzuar forcat e Policisë së Gjirokastrës për aksionin e djeshëm, PD denoncon edhe një herë rilindjen në policinë e shtetit të personave të lidhur me krimin dhe me trafikun e drogës. Sasia e frikshme e drogës e kapur dje, dhe mënyra e maskimit të njeriut të afërt të z.Tahiri, tregon qartë se me Rilindjen në vendin tonë, linjat e trafikut të drogës të lidhura direkt me ministrin janë vendosur, dhe se ky mekanizëm, vërteton edhe një herë shqetësimin e autoriteteve italiane dhe greke për sasinë e marramendëse të drogës që po mbërrin nga Shqipëria në shtetet fqinje” tha ai.

Duke përgëzuar forcat e Policisë së Gjirokastrës për aksionin e djeshëm, Noka i bëri thirrje Tahirit të bëjë publike marrëdhëniet që ka me Ardian Serezin, efektivi i policisë që u kap me 1 ton drogë në kamion.

“Ne i kërkojmë Ministrit të Brendshëm t’i tregojë publikut marrëdhëniet që ka me Ardian Serezin dhe kur është takuar për herë të fundit me të.Ne i kërkojmë Ministrit të Brendshëm, t’i tregojë qytetarëve, se kush janë kriteret që janë ndjekur për punësimin në Policinë e Shtetit, të trafikantit të drogës, një prej çunave të tij në Kombinat” përfundoi deputeti i PD-së, Flamur Noka.

MB: Opozita po del në krah të shkelësve të ligjit

Ndërkaq Ministria e Punëve të Brendshme në një deklaratë për mediat e konsideron krejt të pavend deklaratën e Partisë Demokratike lidhur me operacionin e djeshëm të Policisë së Shtetit, e cila nuk bën gjë tjetër veçse inkurajon krimin dhe kriminelët.

“Po na akuzojnë pse po punojmë dhe po arrijmë rezultate domethënëse në luftën undër Krimit të organizuar dhe korrupsionit. Po sulmohet Policia e Shtetit pse po ju pret shtigjet rrjeteve të trafikut të fuqizuara ndër vite. Po tentohet të hidhet baltë mbi Ministrinë e Punëve të Brendshme, pse është e vendosur të zhdukë në mënyrë përfundimtare konceptin e të paprekshmëve nga ligji në këtë vend. Ministria e Punëve të Brendshme priste që opozita, qoftë dhe për një herë të vetme t’a përshëndeste luftën dhe rezultatet e Policisë së Shtetit kundër trafikut të drogës, në kuadër të së cilës një ditë më parë u kapën rreth 1 ton drogë. Priste që opozita të bëhej pjesë e kësaj lufte të madhe që synon t’a nxjerrë përfundimisht vendin tonë nga harta e zezë e trafiqeve të paligjshme. Por edhe kësaj radhe opozita zgjodhi të rreshtohej në krahun e gabuar. Me deklaratat e sotme të përfaqësuesve të saj opozita zgjodhi t’u dilte në krah shkelësve të ligjit, atyre që tashmë janë vënë në pranga nga policia dhe që do të do të shkojnë përpara drejtësisë falë aftësive profesionale të Policisë dhe vendosmërisë për të mos bërë asnjë kompromis në kurriz të ligjit dhe shtetit ligjor” thuhet në deklaratë.

Ministria e Punëve të Brendshme dëshiron të sigurojë opinionin publik se askush dhe asgjë nuk do mund t’a ndryshojnë vullnetin e plotë të Qeverisë Shqiptare për të luftuar krimin e organizuar dhe korrupsionin.

“Ne do të vazhdojmë përpjekjet tona për konsolidimin e shtetit të së drejtës, duke mbështetur Policinë e Shtetit në goditjen ndaj krimit. Presim që edhe opozita të na bashkohet në krahun e shtetit ligjor”.

Berisha: Ky eshte Edi Krimi! Ky eshte Edvin Drama!

Te dashur miq, vrasje çdo dite, djegje per se gjalli te stampes mafioze, tritol dhe maska ne qender te Tiranes, karvane droge nga toka, deti e ajri, te udhehequra nga adashet e Rames dhe Tahirit ne Policine e tyre, nje seri aksidentesh me mikrobuz, por pas ndalimit te tyre edhe me autobus ne rruget e Tiranes, me pasoje dhjetera te vdekur dhe dy here me shume te plagosur. Ky eshte bilanci i dhjete diteve te fundit me tragjik se i tere vendeve te rajonit te marra se bashku.

Ngjarjet tragjike ne Ramistan jane me te shumta dhe dhe me te renda se ne Afganistan. Rama dhe Tahiri i tij jane byrazeret e krimit. Ata shkrine Policine Rrugore per te hapur rruget tona dhe shnderruar ato ne korridore te trafiqeve te tyre te droges. Shkrine Policine Kriminale qe kishte dosjet e te gjitha lidhjeve te tyre me krimin dhe iu hapen rruge te lire bandave dhe krimit, me te cilat drekojne e darkojne dhe jane te lidhur koke e xhep.

Situata po degradon drejt kaosit.Ne protesten e tyre gjigande, qytetaret kerkuan preraz rend dhe siguri! Protestat jane rruga e vetme per te shpetuar nga Edi Drama, tritol qeveritaret dhe bandat e tyre!! sb

Burg për xhihadistët shqiptarë

February 23, 2014 by dgreca

Shqipëria pritet të ndryshojë Kodin Penal, duke e cilësuar angazhimin e shtetasve shqiptarë për të luftuar në Siri apo në konflikte të ngjashme si vepër penale/

Top-Channel ka mësuar se projektligji ligji, është duke marrë formën e tij përfundimtare nga një grup deputetësh, mes të cilëve Kryetari i Komisionit të Ligjeve Fatmir Xhafaj.
Ata propozojnë miratimin e disa dispozitave që penalizojnë shtetasit shqiptarë, të cilët pa patur shtetësinë apo vendbanimin në shtetin ku zhvillohen luftime dhe pa qenë pjesë e formacioneve të rregullta ushtarake të palëve ndërluftuese, marrin pjesë në konflikte të armatosura.
Inicuesit e projektligjit pritet t’i propozojë Parlamentit dënimin me mbi dhjetë vjet burg për ata persona të cilëve u provohet pjesmarrja në luftëra të tilla.
“Shtetasit shqiptare, qe nuk kane njekohesisht dhe shtetesine e ndonjeres prej paleve nderluftuese ne konflikte te armatosura qe zhvillohet jashte territorit te Republikes se Shqiperise, ketej e tutje do te denohen me masa te konsiderueshme burgimi”, ky është thelbi propozimit i cili ka marrë edhe bekimin e partnerëve ndërkombëtar të sigurisë,
Një burim pranë grupit të punës i deklaroi Top-Channel se “Kronikat dhe faktet e fundit të raportuara nga Siria për shtetas shqiptarë që marrin pjesë apo kanë humbur dhe jetën në luftimet që zhvillohen në atë shtet, kanë sjellë në vëmendjen e autoriteteve dhe ligjvënësve shqiptarë nevojën urgjente për ndërhyrje në Kodin Penal”.
Ndryshe nga shembulli që po ndjekin ligjvënësit kosovarë në miratimin e një ligji të posaçëm me 5 nene, që sanksionon parandalimin e pjesëmarrjes të shtetasve kosovarë në konflikte jashtë Kosovës, ligjvënësit shqiptarë kanë menduar të propozojnë shtimin e disa dispozitave në Kodin Penal të Republikës së Shqipërisë.
Sipas inicuesve të projekt-ligjit fenomeni i mercenarizmit është një element që ka gjetur trajtim nga e drejta ndërkombëtare, që prej mbarimit të Luftës së dytë Botërore, në protokollin e parë shtesë të 4 Konventave të Gjenevës, në vitin 1949.
Ndërkohë, Konventa e OKB, Neë York 1990, kundër rekrutimit, përdorimit, financimit dhe trainimit të mercenarëve ka vendosur standarte të reja në përkufizimin e mercenarizmit modern dhe kritereve vlerësues për subjektet që do të duhet të konsiderohen si mercenarë në koflikte të brendshme apo ndërshtetërore.
“Megjithëse e hapur për nënshkrim dhe ratifikim prej tashmë 24 vitesh, Shqipëria ende nuk e ka nënshkruar këtë konventë” sqarojnë burimet.
Në këtë iniciativë ligjvënësit shqiptarë janë treguar të vëmendshëm për të parashikuar penalizimin dhe dënimin përkatës si për ata shtetas shqiptarë, të cilët duke marrë pjesë në konflikte jashtë territorit të Shqipërisë, e ekspozojnë vendin tonë ndaj rrezikut të situatave të vështira në rrafshin ndërkombëtar.
Ashtu dhe për ata persona të cilët duke përdorur joshjen ekonomike, por edhe ideologji të caktuara fetare e shoqërore, nxisin e rekrutojnë këta shtetas shqiptarë për të marrë pjesë në konflikte të armatosura jashtë atdheut-parashikohen dëmine me burg.
Projektligji është konsultuar me pedagogë dhe ekspertë të njohur të së drejtës penale në vendin tonë, me ekspertë të institucioneve shqiptare, Ministrisë së Mbrojtjes dhe Ministrisë së Brendëshme si dhe me ekspertë të fushës së sigurisë.
Në ditët në vijim, pritet që Kuvendi i Shqipërisë të shqyrtojë fillimisht në komisionin e ligjeve e më pas në seancë plenare këtë iniciativë të re të rëndësishme, për disa shtesa në Kodin Penal.
Jo zyrtarisht mësohet se të paktën 6 shtetas shqiptarë,kanë humbur jetën deri tani në konfliktin sirian por numri mund të jetë edhe më i madh, pasi trupat e tyre janë varrosur në vëndin e konfliktit dhe shteti shqiptarë nuk ka të dhëna zyrtare për ta. / Top Channel

EURO 2016- SHQIPËRI-SERBI, BALLË PËR BALLË

February 23, 2014 by dgreca

Shqiperia ne grupin e te forteve, ku do te perballet fillimisht me Portugaline, Danimarken, Francen, Serbine dhe Armenine./

Ndeshjen e parë Shqipëria e zhvillon me Kombëtaren Portugeze, ndërsa ndeshja e dytë, i vendos kuq e zinjët ballëpërballë me Kombëtaren Serbe. Është një short që nuk e favorizon Kombëtaren Kuq e Zi, pasi ka në grup të fortët e Francës, Portugalisë, Danimarkës, Serbisë dhe më e lehta që mund të mendohet Armenia, nuk është “kockë” e lehtë për kuq e zinjët e Debiasit. Misioni i pamundur i kualifikimit për Kuq e zinjët për “Euro 2016” nis me takimin e parë eliminator me Portugalinë në transfertë më 7 Shtator 2014.

Euro 2016, takimet e tjera eliminatore: 11/10/2014 Shqiperi-Danimarke, 14/10/2014 Serbi-Shqipëri, 14/11/2014 Shqipëri-Francë, 29/03/2015 Shqiperi-Armeni, 13/06/2015 France-Shqiperi, 4/09/2015 Danimarke-Shqiperi, 07/09/ 2015 Shqiperi-Portugali, 08/10/2015 Shqiperi-Serbi, 11/10/2015 Armeni-Shqiperi.

GRUPET

GRUPI A
1.Holanda
2.Turqia
3.Islanda
4.Çekia
5.Letonia
6.Kazakistani
GRUPI B
1.Bosnja
2.Izraeli
3.Qipro
4.Uellsi
5.Andorra
6.Belgjika
GRUPI C
1.Spanja
2.Sllovakia
3.Maqedonia
4.Bjellorusia
5.Luksemburgu
6.Ukraina
GRUPI D
1.Gjermania
2.Polonia
3.Gjeorgjia
4.Skocia
5.Gjibraltari
6.Rep. e Irlandës
GRUPI E
1.Anglia
2.Sllovenia
3.Lituania
4.Estonia
5.San Marino
6.Zvicra
GRUPI F
1.Greqia
2.Rumania
3.Irlanda Veriore
4.Finlanda
5.Ishujt Faro
6.Hungaria
GRUPI G
1.RUSIA
2.Austria
3.Moldavia
4.Mali i Zi
5.Lihtenshtajni
6.Suedia
GRUPI H
1.Italia
2.Norvegjia
3.Azerbajxhani
4.Bullgaria
5.Malta
6.Kroacia
GRUPI I
1.Portugalia
2.Serbia
3.Shqipëria
4.Armenia
5.Danimarka

Mitrovica Veriore përmbyll votimet, fiton Lista Serbe me Goran Rakiq

February 23, 2014 by dgreca

*Goran Rakiq fitues në veri të Mitrovicës/

*Komisioni Qendror i zgjedhjeve ka shpallur rezultatet preliminare për zgjedhjet e se Dieles në veri të Mitrovicës, sipas të cilave ka fituar Lista serbe me kandidatin e saj, Goran Rakiq me 2.700 vota ose 52.6 %./

Nga B.Jashari/ -Komuna e Mitrovicës Veriore, më e reja – e 38-ta e Kosovës, e dhjeta me shumicë serbe, votoi sot në zgjedhje të jashtëzakonshme për kryetarin e komunës.Janë mbyllur sonte në orën 19:00 të 7 qendrat me 33 vendvotime, të hapura në orën 07:00 për 28 429 votuesit që ishin në listën përfundimtare. Procesi zgjedhor ka kaluar i qetë dhe pa incidente, është bërë e ditur gjatë ditës nga KQZ dhe raportohet edhe sonte nga qyteti më i madh verior i Kosovës.Ndërkohë që fillon numërimi i votave, Komisioni Qendror i Zgjedhjeve i Kosovës ka paralajmaruar shpalljen e rezultatave preliminare në mesnatë.Atëherë pritet të dihet se kush do të jetë kryetari i komunës më të re kosovare të Mitrovicës Veriore apo kush do shkojë në balotazh, nga katër kandidatët, dy serbë e dy shqiptarë: Oliver Ivanović, i Iniciativës qytetare “SDP”, Goran Rakić, i Iniciativës qytetare “Srpska”, Musa Myftari nga Lidhja Demokratike e Kosovës dhe Florent Azemi i Partisë Demokratike të Kosovës.Komisioni Qendror i Zgjedhjeve i Kosovës gjatë ditës ka njoftuar nga ora në orë se krahasuar me zgjedhjet lokale të 3 nëntorit 2013 numri i pjesëmarrjes në votimet e sotme ishte më i lartë, ndërsa sonte priten edhe rezultatet preliminare të daljes së qytetarëve në votim.

Zgjedhjet lokale të Kosovës, të parat në gjithë territorin – në 38 komunat, përfshirë veriun, janë mbajtur në 3 nëntor dhe kanë vazhduar me balotazhin e 1 dhjetorit 2013 dhe me disa rivotime të pjesëshme.Votimet në Mitrovicën Veriore u zhvilluan përsëri sot pasi fituesi, i komunitetit serb, refuzoi të japë betimin duke mos pranuar ligjet e Kosovës, teksa betimin e dhanë të gjithë të zgjedhurit e tjerë në komuna në gjithë territorin e vendit.Shefi i Misionit të OSBE-së në Kosovë, Ambasadori Jean-Claude Schlumberger, ka vizituar sot qendrat e votimit në Mitrovicë të Veriut.OSBE i lehtësoi zgjedhjet lokale në katër komunat në veri të Kosovës në pajtim me marrëveshjen e Brukselit, të 19 prillit 2013 në dialogun Prishtinë-Beograd.

KQZ: Mitrovica Veriore votoi 20.72%

Mbi 20 për qind e votuesve morën pjesë sot në zgjedhjet e jashtëzakonshme për kryetarin e komunës të Mitrovicës Veriore, sipas rezultatit preliminar të saposhpallur sonte nga Komisioni Qendror Zgjedhor i Kosovës.“Duke u mbështetur në raportin e Komisionit Komunal të Zgjedhjeve deri në mbyllje të vendvotimeve, në orën 19:00, kanë votuar 5 mijë e 890 votues, apo 20.72% e votuesve”, tha kryetarja e KQZ-së, Valdete Daka sonte në konferencë shtypi.“Procesi i votimit ka shkuar në rregull dhe nuk kemi marrë ndonjë raportim për parregullësi të mundshme”, shtoi ajo.Kryetarja e KQZ-së falënderoi të gjitha qytetarët e komunës së Mitrovicës Veriore që shfrytëzuan të drejtën e tyre për të votuar, si dhe institucionet që ndihmuan KQZ-në në organizimin e këtyre zgjedhjeve.

Goran Rakiq fitues në veri të Mitrovicës

Komisioni Qendror i zgjedhjeve ka shpallur rezultatet preliminare për zgjedhjet e sotme në veri të Mitrovicës, sipas të cilave ka fituar Lista serbe me kandidatit të saj, Goran Rakiq me 2.700 vota ose 52.6 %.

Menjëherë pas saj është Iniciativa ‘SDP’, Oliver Ivanoviq me 1420 ose 27.7 %. Ndërsa,Partia Demokratike e Kosovë ka marr 565 ose 11.0 %, Kurse, Lidhja Demokratike e Kosovës ka marr 449 ose 8.7 %.

Gazmend Freitag, ekspozon në Vjenë dhe Biennalen Verona

February 23, 2014 by dgreca

* Franz Pfeiffer, “…tani hera e parë që mysafirë kemi artistë shqiptarë” /

*“…ne jemi në vazhdimësinë e marrëdhënieve të ngushta mes dy popujve tanë”… horizonte të raja në gjithësinë e artit..

Nga Hazir MEHMETI , Vjenë/

Piktori ynë z.Gazmend Freitag, çdo ditë me artin e tij përplot shije shkel horizonteve të reja në gjithësinë e artistikes, tani jo vetëm në Austri ku jeton e vepron. Në Biennalen e parë e organizuar në Verona të Italisë mori pjesë me dy piktura të cilat u pranuan si pjesë e botimit të Bineales Verona. Në mesin e piktorëve nga e gjithë bota është krenari të prezantosh, të jesh pjesë e katalogut ndërkombëtar, të njihesh me artistë të njohur e veprat e tyre nga shumë vende me traditë në artin e pikturës. Biografia e artistit tonë tani është e botuar në disa gjuhë botërore katalogëve të piktorëve aktiv me vepra të shpërndara e të kërkuara gjithandej globit. Në Vjenë ditë më parë hapi ekspozitën personale, qyteti qendër e artit e artistëve ku kritika e mbrehtë nuk bën lëshime në vlerësimin meritor. Nën iniciativën e organizimin e qiftit austriak menaxher e dashamirës të artit Ursula dhe Franz Pfeffer qëndron e hapur u hap ekspozita në ‘‘Galerie Studio 38‘ në ambientet Klubit Osteria Allora në kryeqytetin austriak prezantuan poetë, shkrimtarë dhe piktorë. Manifestimin e nderoi edhe prezenca e z.Wolfgang Bauer përfaqësues nga Kuvendi i Bashkisë së 20-të të Vjenës nga radhët e Partisë Socialdemokrate në Austri. , Të pranishmit i përshëndeti Franz Pfeiffer, menaxher i ‘‘Galerie Studio 38‘‘ me seli në Vjenë, i cili theksoi se shoqata që përfaqëson ka një traditë 10 vjeçare në organizime të projekteve artistike, ndërsa kjo ishte hera e parë që si mysafirë kishte krijues shqiptar. Në emër të Lidhjes së Shkrimtarëve dhe Krijuesve Shqiptarë në Austri “Aleksandër Moisiu” përshëndeti kryetari i saj z.Besim Xhelili, poet. “Në Vjenë shekuj me radhë janë ruajtur dhe vazhdojnë të ruhen shpata dhe helmeta e heroit tonë kombëtar, Gjergj Kastrioti-Skenderbeu. Prandaj edhe ne jemi vazhdimësi e marrëdhënieve të ngushta mes dy popujve tanë, kësaj radhe edhe në fushën e artit”.

Hapjen solemne të ekspozitës së tij personale e bëri zj. Ursula Pfeiffer, përfaqësuese e “Galeriestudio 38”. Pikërisht këtu i ka lindur ideja e ekspozitës me temën “Impresione Shqiptare” (mbresa shqiptare), ku ajo citoj statment nga faqja portale www.gazmendfreitag.net: “Ky është Gazmend Freitag, njeriu i cili imazhin tonë e ngritë përmes brushës së tij, qëndrimit të tij prej artisti e njeriu që krijon madhështinë e të bukurën e cila do jeton gjatë. Vendlindja nuk të lë të qetë, të thërret kudo që je në përkujtimin e peizazheve nga syri i një kohe që nuk harrohet. Dashuria ndaj vendlindjes e mbjellë në shpirt është navigator në çdo cep të globit. Këtë e dëshmon edhe Gazmend Freitag”. Rreth veprës së piktorit tonë foli edhe zj.Elisabeth Birngruber, bashkëstudiuese me piktorin dhe pianiste.
Autori i ekspozitës z. Freitag i entuziazmuar nga suksesi mes tjerash shtoi: “Janë të ekspozuara 14 eksponate reprezentative të punuara në vaj dhe grafikë. Për herë të parë prezantoj nga repërtuari im vetëm motive shqiptare. Tash unë jam anëtarësuar në “galeriestudio38” në Vjenë, ku më 12 prill 2014 prezantohem në ekspozite kolektive. Organizatorët dhe menaxherët zj. Ursula dhe Franz Pfeiffer janë shumë të zellshëm, janë kompetentë dhe me përvojë shumëvjeçare në Vjenë.”
Imazhi ynë i vërtetë, i një populli të lashtë e me traditë shekullore në artë iu ofrua edhe një herë publikut austriak dhe jo vetëm atij. Shtypi vendor e ka vlerësuar artin e kultivuar nga Gazmend Freitag në shumë gazeta e revista. Bazuar në hapat e Gazmendit dhe energjitë e tij të pashtershme mund të jemi optimist në ofrimin e veprave të reja. Ato nuk janë vetëm të tij por edhe të imazhit tonë të mirë si komb i vlerave shekullore.