Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

DY FJALE PER BABARAMON RRETH ZGJEDHJEVE NE SHBA

by

Nga Valentin LUMAJ-*

I ndyruari Babaramo, zgjedhjet ne Amerike jane nje proces demokratik i nje shoqerie njerezore nder me te emancipuarat ne bote, dhe si te tilla, ti duhet te jesh nga ata te fundit llapaqene qe kerkon te perçmosh trampistet qe perbejne gjysmen e popullsise se Amerikes apo te perqeshesh bashkombasit e tu shqiptaro ameikane ne Detroit. Tamam i ngjet atij qenit te bezdisshem qe ben gam-gam çdo njeriu qe shkon rruges, edhe pse rruget tona i ndan nje oqean, jo vetem i ujit por edhe i emancipimit.

Shkrimi yt i shterpe ne mendim dhe analize, pa ndonje vlere informuese apo edukative, i mbushur me urrejtje qe buron pa mase nga shpirti yt i zi, nuk tergon asgje tjeter vetem nje menyre veprimi per te treguar egzistence nepermjet zhgarravinave si kjo e fundit. E kuptoj mire qe ti je i vetedijshem se nuk te ka mbetur tjeter per te mbijetuar ne gazetari me shkrime qe marrin fame fale ofendimeve dhe gojes se shthurur tendes dhe po ashtu je vetedijshem dhe me qetesi i pranon sharjet me te pare e te mbrame nga ndjekesit e tu qe te lexojne, por s’te ben pershtypje, mjafton qe te mbijetosh. 

Me ka rene ne vesh emri yt i vecante, e vetmja vlere qe ke, por kurre nuk te kam ndjekur, aq me pak pas ketij shkrimi te fundit. Po c’te ndjek, eshte nje humbje kohe, edhe keto qe po shkruaj, me dhimbset koha, se ti nuk meriton asnje vemendje, je nje bosh nga koka, e njeh mire mocalin e qelbur shqiptar ku pluskon, por nuk e njeh dhe nuk e kupton aspak realitetin amerikan. Nuk e kupton dot se kulti i individit ne Amerike nuk egziston. Nuk e kupton se ne si shqiptare, tashme amerikane, jemi te ndare ne baze vlerash dhe principesh, konservatore apo liberale, dhe mbeshtesim kandidatet mbi baze te ketyre vlerave ne rradhe te pare, pastaj cili kandidat premton me shume per Shqiperine. Nuk e kupton dot se ne me voten tone po kerkojme te krijojme nje vend me te mire per ne ketu dhe te ardhmen e femijeve tane ne rradhe te pare, pastaj per Shqiperine. Shqiptaret e Detroitit dhe te Amerikes kane bere dhe do te bejne edhe me shume per Shqiperine per nje te ardhme me te ndritur te saj, pa ju vemjet e shoqerise qe shtireni si gazetare apo opinioniste. Ne shqiptaret e Detroitit dhe jo vetem, duke qene mirenjohes Amerikes, mbarojme universitete, ndertojme biznese dhe pasuri te patundshme, fale mendjes dhe duarve tona te bekuara nga Zoti. Miopia intelektuale nuk te lejon te dallosh midis korrupsionit dhe aftesive profesionale dhe per rrjedhije te kuptosh se fama e Bleones, e cila vetem na nderon neve si shqiptare, mireqenia, suksesi i njeriut punetor, vjen nga mundi dhe djersa dhe jo nga rryshfeti.  Babaramo, e ke shume veshtire qe ta kuptosh qe edhe te lash pjata eshte pune e paster dhe e ndershme, mbasi e ndershme per ty eshte qe ti zhgerryhesh barkas perpara politikanit padron per kocken e rradhes per ta lepire me gjuhen tende te ndyre. 

*

Pergjigja-replike lidhet me shkrimin e Ilir Babaramos tek Gazeta Tema:
http://www.gazetatema.net/2020/11/05/per-trampistet-e-tiranes-dhe-te-djathtet-qe-lajne-pjata-ne-detroit/?fbclid=IwAR0OTpud7X8jsToP8OjRsttijoNId4lFDPuDh8IADlMi3SwQqBSLo8ZkFb0

FALENDERIM ZONJES MERKEL, KANCELARES SE REPUBLIKES GJERMANE

by

Nga Thanas L. Gjika-

Para disa ditësh Zonja Merkel deklaroi botërisht se Europa i ka një borxh shtetit shqiptar të cilin e krijoi te cunguar. Ky është i vetmi shtet në Europë që rrethohet nga të gjitha anët me banorë që flasin të njëjtën gjuhë. Duhet krijuar shteti kombëtar shqiptar, ku të bashkohen territoret shqipfolëse…

Kjo deklaratë e Zonjës Merkel tërthorazi i thotë Z. Putin se diplomacia rusomadhe ka qenë shkaktarja qe nuk u krijua shteti kombëtar shqiptar më 1912-1913 kur presionet e Rusisë Cariste detyruan Fuqitë e Mëdha të Europës të krijonin një shtet të cunguar shqiptar duke i dhënë Serbisë territore që nuk banoheshin prej serbesh, por prej shqiptarësh e maqedonobullgarësh. Pra, Z. Putin duhet të kuptojë se dhe Rusia i ka borxh Shqipërisë mosrealizimin e shtetit kombëtar shqiptar që 110 vjet më parë. Dhe si udhëheqës i Rusisë, shkaktares së kësaj vonese, ai duhet ta këshillojë deri në detyrim qeverinë e Serbisë që të mos bëjë më përpjekje për ta shtyrë shlyerjen e këtij borxhi ndaj popullit dhe shtetit shqiptar, fqinjit të tij.

Ndërkohë, deklarata e Zonjës Merkel kuptohet se u tërheq vëmendjen pushtetarëve të Shqipërisë e të Kosovës dhe drejtuesve të partive politike shqiptare në Maqedoni e Mal të Zi që të krijojnë një strategji të përbashkët për të ecur drejt krijimit të shtetit kombëtar shqiptar, ku të përfshihen gjithë territoret ku flitet gjuha shqipe.

Mjaft humbët kohë zotërinj politikanë e partiakë me luftë interesash personale duke e maskuar me luftën partiake, se në Shqipëri nuk ka parti vërtet atdhetare që t’ju luftojnë juve. Punoni për realizimin e këtij plani strategjik, sepse e nesërmja e afërt nuk do t’ju falë e do t’ju dënojë si tradhëtarë.

Edhe për krijuesit shqiptarë kjo deklaratë nënkuptohet se është një thirrje për t’u larguar nga nostalgjia komuniste dhe nga shërbimi i maskuar ndaj partisë politike në pushtet. Qartësohuni se komunizmi dhe enverizmi ishin armiq të nacionalizmit dhe u përpoqën ta përjetësonin coptimin e popullit shqiptar në disa shtete.

Kryeministri Hoti: Qeveria e Kosovës beson se drejtësia është mbi të gjitha

by

PRISHTINË, 26 Shtator 2020-Gazeta DIELLI/  Kryeministri Avdullah Hoti tha sot se, Qeveria e Republikës së Kosovës konsideron se veprimet e Dhomave të Specializuara burojnë nga detyrimet dhe përgjegjësitë e tyre ligjore dhe kushtetuese, dhe duhet konsideruar si veprime të pavarura të drejtësisë.

Qeveria e Republikës së Kosovës beson se drejtësia është mbi të gjitha, dhe se duhet respektuar plotësisht.

Po ashtu, Qeveria e Republikës së Kosovës e njeh si të pa tjetërsueshëm qëllimin e pastër e të shenjtë të popullit të Kosovës në luftën për liri, përfundon deklarata e kryeministit.

Kryeministri i Kosovës deklaroi kështu ndërkohë që të arrestuarit e parë nga Specialja janë dërguar në Hagë.

Të hënën, më 28 shtator, në sallën e gjyqit të Dhomave të Specializuara të Kosovës në Hagë do të mbahet paraqitja e parë e të arrestuarit të parë. Aktakuza kundër Salih Mustafës u konfirmua më 12 qershor 2020. Ai u arrestua nga Zyra e Prokurorit të Specializuar më 24 shtator dhe u transferua në objektin e paraburgimit të Dhomave të Specializuara të Kosovës në Hagë, më të njëjtën ditë.

DESHMORET E GERHOTIT, DESHMORE TE KOMBIT

by

NGA EDUARD M DILO-

Eshte fatkeqesi e madhe qe ne historine tone shekullore, tradhetia per njeri-tjetrin na ka shoqeruar hap mbas hapi.

E tradhetuan Gjergj Kastriotin, tradhetuan e tradhetuan tere keto kohe te historise sone  Kombetare, edhe Familjen Jashari ne ditet tona e masakroi tradhetia…

Kesaj tradhetie nuk mund ti shpetonte dhe masakra e kryer ne Gerhot te Gjirokastres ate 14 shtator 1943, ku  u vra fale pabesise  se komunisteve dhe Trimi i Trimave”

i pa vdekeshmi Hysni Lepenica.

“Sa here sjellim ndermend gjakun e deshmoreve te Ballit Kombetar, ku ne te eshte shkruar ideali  Kombetar i Shqiperise Etnike, na del ne cdo hap nga nje fytyre Heroi, 

heronj qe ngrihen te gjalle e nuk i tret dheu se akoma Shqiperia jone, nuk eshte “Shqiperi e lire, per Shqiptare te lire”.

Fale tradhetise, pabesise te se pabeseve  u krye masakra ne Gerhot, ku ne balle te trimave printe Hysni Lepenica, ai Hysni shpirt ushqyer me vetetime e gjemim topash

qe nga lufta heroike e Vlores,kur ish djale i njome, ne ate kohe kur Labi i hovshem hapte brucen permbi tela si krah shqiponje. 

Hysni Lepenica, ushtar i betuar dhe i vendosur per Kombin, nuk i leshoi kurre armet nga dora, por luftoi me trimeri te pa shoqe.

Ai luftoi me pas kunder roberise se brendeshme, kunder  padrejtesive shoqerore dhekerkoi per popullin shqiptar kushte  te reja jetese”. 

Kur Balli Kombetar leshoi kushtrimin “Bini burra, per Liri”,kush valle do pergjigjej me shpejt kesaj thirrjeje se Hysni Lepenica,

kush do te ishte me i gatshem  se Ai, qe i-u ndes flake nder dej kujtimi i 1920-tes?

“Ketu jam” tha “Trimi mbi trima” dhe bota Shqipetare e degjoi ne mal te Gjormit, dhe armiku e pa te Ura se kush ishte Shqipe e Lepenices. 

Me nje grusht burrash qe nuk kishin e c’te vinin perpara tankeve vec eshtren e kraharorit, theu e shpartalloi kollona te motorizuara, ne Gjorm, ne Greshice, ne Ruzhdije, ne Dukat e Vajze te Vlores, 

duke ngritur lart emrin e armeve Shqiptare, emrin e Ballit Kombetar.

Ishte nje stateg i lindur, nje luftetar i pa epur, nje Hero. Kudo ku udhehiqte Ai, fitorja ishte e sigurt. Komunistet e pa bese nuk mund ti afroheshin.

Ne vjeshten e 1943, e pikerisht me 14 shtator, tek sulmoi me hov ushtrine fashiste, u vra pabesisht, me 36 shoke e komandante cetash bashke me Nano Gjonin e Picarit.

Keta ishin lulja e rinise se Ballit Kombetar. Po si u vrane?  Duke mos u trembur, po sulmuar si shqiponja, gjersa kercyen brenda ne oborr te kazermes, ashtu sic ish hedhur ne gryke te topave Selam Musai dikur.

Hysni Lepenica, Komandant i Pergjithshem i Ballit Kombetar eshte nje legjende e gjalle qe tregoi trimeri te pa shok, ndaj populli e perjetoi ne kenge. 

Ai i tmerron te kuqte edhe aty ku prehet, ndaj Ai sebashku me gjithe Deshmoret e Ballit Kombetar, sikur nuk jane bij Shqiperie, shikohen si te huaj. 

Lavdi Deshmoreve te Ballit Kombetar! Lavdi Deshmoreve te Kombit!

Shqiptarët në Luginë duhet të gëzojnë të drejtat

by

-Kryediplomatja Haradinaj i reagon Gjykatës së Vranjës për padinë ndaj Ragmi Mustafës/

Prishtinë 12 Shtator 2020-Gazeta DIELLI/ Ministrja e Punëve të Jashtme dhe Diasporës Meliza Haradinaj Stublla, i ka reaguar zyrtarisht Gjykatës së Vranjës, për padinë që ajo ka ngritur ndaj Kryetarit të Këshillit Kombëtar në Luginë, z.Ragmi Mustafa, pasi ai kishte ngritur flamurin kombëtar shqiptar në vitin 2019

Shefja e diplomacisë kosovare, ka thënë se ky veprim është puro politik dhe në kundërshtim me parimin e mbrojtjes së të drejtave të komuniteteve etnike.

“Padia e djeshme e Gjykatës  së Vranjës ndaj Kryetarit të Këshillit Kombëtar në Luginë, z.Ragmi Mustafa, veç se ai ka ngritur flamurin kombëtar shqiptar në vitin 2019, është qartazi e motivuar politikisht dhe në kundërshtim me parimin e mosdiskriminimit dhe mbrojtjes të të drejtave të komuniteteve etnike.”, është shprehur Haradinaj Stublla në reagimin e saj.

Kryediplomatja ka shtuar se Serbia në vend që të zotohet për njohje dhe avancim të të drejtave të komunitetit shqiptar, sidomos tani që ka një dialog aktiv për njohje reciproke nën lehtësimin e aleatëve, ajo po vazhdon avazin e vjetër me politikë dhe institucione shqiptarofobike.

Ministrja Haradinaj ka thënë se shqiptarët e Luginës duhet të gëzojnë të drejtat e tyre dhe se kjo sjellje nuk është rruga drejt çmimit Nobel.

“Shqiptarët në Luginë duhet të gëzojnë të drejtat e tyre të garantuara, njësoj sikurse janë të garantuara të drejtat e zgjeruara të serbëve në Kosovë.Kjo NUK është rruga e Çmimit Nobel për Paqe.”, ka përfunduar ministrja Haradinaj.