Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

SA E LIRE ESHTE DREJTESIA NE SHQIPERI?

by

PERSE GJYKATA E DHA VENDIMIN PASI PD ZYRTARIZOI KANDIDATUREN E MZIUT DHE PARALAJMERIMET E TAULANT BALLES NE PARLAMENT?/
Kryetari i Partisë Demorkatike Lulzim Basha, nje dite para se te shpallte vendimin gjykata,pat vendosur ti jepte mundësinë Xhelal Mziut të kërkojë një mandat të tretë për drejtimin e Bashkisë së Kamzës.
Por në kohën kur ai kishte marrë miratimin e demokratëve, emri i Mziut nuk qëndroi jashtë debatit në seancën parlmentare mes mazhorancës dhe opozitës.
Deputeti socialist Taulant Balla, akuzoi kryedemokratin Lulzim Basha, se ka ndërhyrë tek gjyqtari i çështjes së kryebashkiakut të Kamzës, duke kërkuar pafajësinë e tij.
I menjehershëm ka qenë reagimi i kreut të grupit parlamentar demokrat Edi Paloka, duke e cilësuar deputetin Balla si shpifës. Mirepo paralajmerimi I Balles duket se ishte urdher per Gjykaten, e cila shpejtoi qe te shpallte fajtor Mziun duke e denuar me 2 vjet burg kryebashkiakun. Ec e thuaj se gjykata eshet e lire nga politika!Po sjellim nga media e Tiranes kronikat rreth ketij procesi dhe reagimet.

VENDIMI: Gjykata 2 vjet burg kryebashkiakut të Kamzës, Xhelal Mziu

Gjykata e Tiranës ka dënuar me dy vite burg kryetarin e Bashkisë Kamëz Xhelal Mziu, i zyrtarizuar vetëm një ditë më parë për një mandat të tretë nën siglën e PD.
Sipas Gjykatësit Besnik Hoxha, Mziu në ushtrimin e detyrës së tij ka shpërdoruar detyrën dhe ka shkelur barazinë në tendera, duke dëmtuar buxhetin e Bashkisë Kamëz dhe interesat e 2 firmave private. Po kështu Kryebashkiakut i hiqen të gjitha funksionet publike për një periudhë 2 vjeçare
Genc Gjokutaj, avokati mbrojtësi Xhelal Mziut, tha pas vendimit se do ti drejtohet Apelit.
“Vendimi ishte i paligjshëm dhe në lajthitje. Vendimi është marrë jashtë kësaj gjykate. Ne këtë vendim do ta apelojmë, ai nuk është i formës së prerë, dhe nuk e pengon klientin të kandidojë për Bashkinë e Kamzës. Ne i bëjmë thirrje të qëndrojë larg këtij procesi dhe të mos marrë pjesë në vendim.”
Rreth një orë para vendimit Xhelal Mziu ishte i qetë teksa inpektoi nisjen e punimeve të rrugës Kozarë. Mziu u shpreh se do të këtë votat e majtëve dhe të djathtëve për të fituar zgjedhjet për Bashkinë e Kamzës.
Po kështu Gjykata e Tiranës dënoi me nga 6 muaj burg Drejtorin e Tatimeve në Bashkinë e Kamzës Bujar Loshi dhe juristin e bashkisë Atlis Hotin, që të dy të akuzuar për “shpërdorim detyre”.

Xhela Mziu: Vendimi ishte paracaktuar në zyrat e Ramës

Pas vendimit të Gjykatës që e shpalli fajtor Xhelal Mziun dhe e dënoi me 2 vjet burg, ka reaguar kreu i Bashkisë Kamëz, i cili e ka konsideruar si një vendim politik të paracaktuar nga zyrat e Ramës. Ai tha se vendimi u dha në kushtet e një persioni të paprecedent.
Xhelal Mziu u shpreh se vendimi për dënimin e tij ishte vetëm sepse Rama kërkon të marrë bashkinë e Kamzës.
“Vendimi ishte politik, i paracaktuar nga zyrat e Ramës, i cili përdor cdo mjet për të arritur synimet e tij. Synimi i Ramës është që të marrë bashkinë e Kamzës. Por marrja e Kamëzës me vota nga Rama është e pamundur dhe ka future në veprim çdo instrument”, është shprehur Xhelal Mziu.
Reagimi i plotë i Xhelal Mziut
Përmes këtij komunikimi dua të informoj opinionin publik dhe qytetarët e Kamzës, në lidhje me atë që është një skemë gjakftohtë, e mirëmenduar e Edi Ramës për të përdorur çdo mjet në arritjen e synimeve të tij.
Synimi i tij është marrja e Kamzës, dhe meqenëse me votë e ka pasur dhe e ka të pamundur, atëherë Edi Rama ka futur në veprim çdo instrument, edhe në shkelje të ligjit, për të shmangur garën e rivalitetin.
Vendimi i sotëm është marrë në kushtet e një presioni të paprecedentë politik. Vetëm një ditë më parë, përfundimet e këtij vendimi u lexuan nga numri dy i grupit parlamentar të Partisë Socialiste në Parlament. Shpifës Balla haptazi kërkoi nga Kuvendi që gjykata sot të më dënonte me çdo kusht.
Ky vendim, një ditë pas pretencës së bërë nga mazhoranca në seancën plenare, u komentua sot në mënyrë festive nga Edi Rama, nga selia e Partisë Socialiste.
Rama foli me një kënaqësi perverse si për të thënë që e hodha hapin e parë drejt Kamzës.
I ndikuar politikisht, i diktuar ka qenë procesi ndaj meje që ditën e parë.
Ka nisur me urdhër politik përndjekja ime dhe përndjekje ka qenë në çdo moment, pasi për asnjë çast nuk ka patur proces të rregullt ligjor.
Akuza është qesharake, dhe ajo është një dosje që studentët e vitit të parë të drejtësisë do ta hidhnin menjëherë në kosh pasi nuk ka asnjë argument ligjor.
Avokatët e mi do ta sqarojnë opinionin publik me detaje të hollësishme, se si është ngritur nga hiçi, nga zeroja, një akuzë që është thjesht një shërbim politik për Edi Ramën.
Ia vlen të theksohen 3 momente që e nxjerrin zbuluar dhe farsë këtë proces.
1-Nuk ka asnjë dëm ekonomik, nuk është shpenzuar asnjë qindarkë publike, pra nuk ka asnjë pasojë.
2-Kompania që ka bërë kallëzimin penal nuk ka paraqitur asnjë nga dokumentat e kërkuar nga ligji për lidhje kontrate.
3-Përsa i përket aplikimit të taksave lokale, vetë prokuroria ka vendosur pushimin e çështjes penale ndaj meje për të njëjtën akuzë për taksën e vitit 2014. Çfarë do të thotë se vetë Prokuroria e ka rrëzuar këtë akuzë.
Eshtë politik ky proces ndaj meje, dhe mund të vëreni se si vendimi merret pikërisht përpara nisjes së fushatës, dhe ndërkohë që unë jam shpallur zyrtarisht kandidat i Partisë Demokratike për Bashkinë e re të Kamzës.
Por dua të siguroj qytetarët e banorët e Kamzës dhe Paskuqanit, se asgjë nuk me bën të tërhiqem nga angazhimi që kam për t’u shërbyer atyre, për të përfaqësuar dhe mbrojtur interesat e tyre.
Kushtetuta e Shqipërisë i njeh pafajësinë çdo qytetari i cili nuk është gjetur fajtor me vendim të formës së prerë, dhe i tillë është vetëm vendimi i Gjykatës së Apelit.
Dua të shpreh publikisht gatishmërinë time të plotë për të zbatuar çdo vendim gjykate, duke mbajtur të gjitha përgjegjësitë e mia ligjore, politike dhe morale, dhe për ta ndjekur e apeluar çështjen deri në fund. Kam besim tek drejtësia dhe ligji, edhe pse asnjëherë më parë gjyqtarët nuk kanë qenë nën një presion të tillë të hapur politik nga kryeministri i vendit.
Kontrata që kam me banorët e zonës time është e pathyeshme, e pamundur të cënohet nga Edi Rama dhe urdhërat e tij politikë.

PERFUNDIMI: SA E LIRE ESHTE DREJTESIA NE SHQIPERI?

Jo vetem ky rast, por edhe shume te tjere tregojne se ngerci i Demokracise ne Shqiperi eshet binomi-Politike-Drejtesi. Perderisa politika nuk i heq tentakulat e saj nga Drejtesia dhe perderisa Drejtesia nuk clirohet nga politika, tranzicioni, do te jete i zgjatur dhe qytetaret do te vuajne pasojat.

DASH:-Dekriminalizmi duhet të vazhdojë në Shqipëri

by

Në një intervistë për Zërin e Amerikës, Zv/ndihmës Sekretari i Shtetit për Evropën dhe Euroazinë, Hoyt Yee vlerësoi pozitivisht masat që ka filluar të marrë Shqipëria për dekriminalizmin e parlamentit dhe u bëri thirrje qeverisë dhe partive politike që kjo prirje e nisur të vazhdojë. Ai theksoi se:-“Shqipëria ka arritur përparim të madh gjatë viteve të fundit drejt realizimit të synimit të saj për t’u anëtarësuar në Bashkimin Evropian dhe integruar në institucionet Euro-Atlantike. Përmirësimet drejt krijimit të një shteti ligjor kanë qënë shumë të dukshme dhe për t’u përshëndetur. Kohët e fundit kemi parë masa për të dekriminalizuar parlamentin dhe ne mendojmë se ky është një zhvillim shumë pozitiv. Ne i kemi përshëndetur publikisht qeverinë dhe partitë për përpjekjet e tyre për të çrrënjosur korrupsionin brenda vetë partive, për të larguar anëtarët e partive dhe të parlamentit që dyshohen për korrupsion. Kjo është shumë e rëndësishme dhe ne shpresojmë që kjo prirje do të vazhdojë. Shqipëria duhet të vazhdojë të luftojë korrupsionin që të realizojë endërrën e saj për t’u anëtarësuar në Bashkimin Evropian, jo vetëm në parlament, por në të gjitha fushat e qeverisjes, në gjithë institucionet qeveritare, në të gjitha nivelet. Duhet të ketë një mesazh të qartë në të gjitha nivelet e shoqërisë, që askush nuk është mbi ligjin, që shteti ligjor duhet të sundojë. Shqipëria duhet të plotësojë standartet evropiane në mënyrë që të realizojë aspiratat e saj”, u shpreh zyrtari i lartë amerikan.

Mirë se vini në Brooklyn, Hillary Clinton!

by

BROOKLYN NYC : Me një titull provokativ “Mirë se vini në Brooklyn, Hillary Clinton” disa media lokale në Brooklyn njoftojnë se ish Sekretaria e Shtetit, Hillary Clinton, për presidencialet 2016, vjen me zyrë elektorale në qytetin e Brooklynit – Nju Jork
Duke iu referuar shtypit lokal thuhet sot se fushata shpresëdhënëse, për ish Sekretaren e Shtetit, Hillary Clinton për presidencialet 2016, në lagjen më të madhe të qytetit të Nju Jorkut me 2.2 milion banorë, duket se ka nisur tani duke nënshkruar një kontratë qiraje për të marrë dy kate në një ndërtesë, shumë katëshe në Brooklyn Heights, raporton Politiko.
Katet e 1 Pierrepont Plaza in Brooklyn Heights, të cilat llogariten me një sipërfaqe 80.000 square-feet -( katrore – këmbë) , hapësirë kjo e dhënë me qira duke filluar qysh më 1 prill, janë të zyrës së fushatës së ish Sekretares së Shtetit, ka konfirmuar për median lokale një burim i afërt me marrëveshjen .
Ndërtesa, në fjalë është në pronësi të Forest City Ratner, edhe Morgan Stanley dhe Brooklyn U.S. Attorney’s Office dhe është nën maxhenimin e “Modern Offices, Brooklyn Cool,”, sipas faqes së internetit.
1 Pierrepont Plaza ndodhet shumë afër me ndërtesën Cadman Plaza pranë Brooklyn Borough Hall dhe është ndërtesa më e lart me 19 kate dhe me garazh parkimi nëntokësor.
Shtypi lokal sqaron se ende është e paqartë se çfarë çmimi është dhënë me qira, dy katet e e 1 Pierrepont Plaza in Brooklyn Heights. Faqja e internetit të ndërtesës tregon se edhe kati i tetë deri tek 11 dhe kati i 13- janë ende në dispozicion për t’u marrësh me qira.
Pronari i ndërtesës Forest City Ratner, dhe zyra e Klintonit nuk iu përgjigjën menjëherë kërkesës për koment, nga shtypi lokal në zyrtarizimin e kësaj marrëveshje, shkruan shtypi lokal në Brooklyn./Beqir SINA/

Koha nuk krijon idhuj por modele

by

Nga Albert Z. ZHOLI/
Në këtë ankth ndijimi e leximi, përtej këtij mëngjesi ku vetëm ëndrra zgjohet me dëshirën e pamundësisë që vlon brenda meje, po them me bindje se, botën askush nuk e ndal, koha ecën me ritmet e saj. Por…
Koha duket sikur ngec në vend në atdheun tonë të dashur. Koha duket sikur s’është një nocion real natyral, por një send lëvizës që mund ta drejtojë kushdo (në tokën e shqipeve), që mendon të krijojë idenë e një kohe apo një epoke që fillon sot, në kohën kur ai/ajo (politikani, aktori, shkrimtari, filozofi, shkencëtari, kritiku) krijon diçka të re ndryshe, realizon diçka ndryshe, përcjell një ide ndryshe. Koha nuk është send, nuk është nocion i shpikur apo novacion individual. Eshtë fenomen natyror, që ecën dhe nuk ndalet, as nga politikanët, as nga diktatorët, as nga aktorët, as nga shkrimtarët, as nga shkencëtarët. Koha krijon njeriun, historinë sipas epokave dhe nuk nis apo ndalet sipas dëshirave të individëve, apo grupimeve të ndryshme shoqërore, politikë apo ekonomikë. Koha krijon tërësinë e tyre, individaulaitetin e tyre, por kurrsesi ta drejtojnë apo ta rinisin ata historinë në kohë. Në Shqipërinë postkomuniste ka më shumë se 23 vjet që hidhen teoritë anakronike të fillimit, apo të datimit të një epoke të re, sipas krijimit të modelit të qeverisjes së një politikani, sipas nxjerrjes në skenë të një regjisori të një vepre të re, sipas shfaqjes në ekran të një filmi të ri modern, sipas subjektit të një vepre të re letrare të një romancieri të ri, apo ku di unë gjithfarëlloj dëshirash apo idesh, që lidhen me individin, me prirjet e tyre dhe jo me ecurinë e kohës si nocion. Koha nuk ndalet, Koha nuk njeh individë, apo grupime që e vënë interesin e tyre, apo kërkojnë sundimin e kohës për interesat e kohës. Nuk fillon historia shqiptare as me Nanon, as me Berishën, as me Hoxhën. Historia shqiptare ka zanafillën e saj, ecejaket e saj, ka devijimet apo ngatërresat e saj, por kurrsesi nuk është barazuar me individin. Kam marrë pjesë në qindra promovime librash, në të gjitha premierat e Teatrit Kombëtar, Teatrit të Komedisë, të TOB, apo në të gjitha ekspozitat e piktorëve shqiptarë, si deh premierat e filmave dhe kam vënë re me çudi se në disa syresh, autorët e kanë quajtur veprën e tyre, realizimin e tyre me termin “këtu fillon, arti..shqiptar. Jam çuditur. Epokat nuk i etiketojnë, nuk i paragjykojnë, nuk i vulosin individët, autorët e krijimit, por koha, populli, historia. Askush nuk e ka ndalur kohën vlerësuese përjetësisht, por shumë përkohësisht, vetëm në momentin që ka qenë ën pushtet, apo në kohën që ka vetdeklaruar. Të nesërmen çdo gjë ka rrjedhur në ecurinë e kohës natyrale pa lënë gjurmë, pro vetëm shijen e hidhur të vetdeklarimit. Dhe vërtet kanë kaluar shumë vite për deklarime të tilla, utopike, anakronike, individualiste, vetpërgjegjëse, që koha i ka hedhur tej, i ka flakur duke i lënë si lëvore të panevojshme, që nuk maten me kohën dhe me realitetin e ashpër jetësor. Koha, epoka e një arti, shkence, nuk nis as tek ti, as tek unë, as tek ai as tek ata. Ajo është në lëvizje dhe gjeneron idetë, mendimet, zbulimet, krijimet, duke u dhënë vlerësimin e duhur dhe duke mos absolutizuar asgjë. Jeta është lëvizje, zhvillim, ndërgjegjësim, përgjegjësi, legjenda por që konkretizohen me ngjarje të datuara. Ngjarje apo data shpikjesh, zbulimesh, racionalizimesh, arritjesh, krijimesh, vëniesh në skenë, që nuk absolutizon askënd. Çdo gjë ka një fillim por kurrsesi një fund, pasi nocioni kohë është i pafundmë. Ndaj pa një të kaluar, nuk ka të tashmë dhe nuk do të ketë të ardhme. Si mund të quhet një vepër skenike “Fillimi i artit skenik” në aksh datë të vënies në skenë të x drame, kur dramat e kanë zanafillën e tyre qysh në lashtësi?! Si mund të quhet një periudhë drejtimi shteti si maja e drejtimit të tij, kur koha ecën dhe të nxjerr të zbuluar edhe nga shumë drejtime të tjera të mëparshme? Deliri i madhështisë së individëve në shoqërinë shqiptare postkomuniste duket se ka marrë hapa galoponte. Këta njerëz ose s’e njohin realitetin, ose se njohin historinë, ose s e njohin vetveten, ose nuk dinë ta përkufizojnë nocionin kohë. Çdo vetdeklarim për nisje të një epoke të re, në artin, profesionin ku vepron, s’është gjë tjetër por vetdeklarim, i hermetizmit, mohimit të ligjeve të natyrës, mbivlerësimit irracional që ë çon individin në shkëputjen nga realiteti njerëzor. Mbivlerësimi i vetvetes është një nocion i panjohur në shoqëritë demokratike të përparuara, pasi kultet, idhujt i krijojnë shoqëritë e pa emancipuara ndërsa epokat demokratike krijojnë modele. Modelet janë përqasje dhe përcjellje e zhvillimeve më të mira në çdo fushë, por kurrsesi absolutizim dhe individualizim vlerash. Bota e qytetëruar ruan dhe përcjell historinë për vlerat në çdo epokë, ndërsa sot krijon modele dhe jo idhuj dhe epoka standarde të panjohura më parë.

Mbrëmje për Shkollën Shqipe në Bronx

by

DioGuardi : “E ndiej shpirtërisht, se edukimi i të rinjve shqiptarë në Amerikë, në gjuhën shqipe, është një nga pjesët më të rëndësishme, të jetës së shqiptarëve të Amerikës. Ajo është padyshim, mënyra më e mirë për të nxitur fëmijët shqiptarë në Amerikë, që të ruajnë indetitetin e tyre për kombin shqiptar, historinë e saj, traditat dhe kulturën shqiptare, në SHBA, dhe rreth botës”
Nga Beqir SINA- Bronx – New York/
BRONX NEW YORK : Të shtunën në mbrëmje, “Shkolla Shqipe” në Bronx – Nju Jork , organizojë një aktivitet me moton :”Mbrëmje festive”, me këngë e valle, dhe fjalime, që të ndihmojë materialisht Shkollën Shqipe, nëpërmjet ngritjes së fondeve,
Ky aktivitet u mbajt në lokalin e njohur “Maestro’s” në qytetin e Bronxit – Nju Jork, dhe morën pjesë dhjetëra vetë, përfaqësues nga shoqatat dhe organizatat e komunitetit si: Federata PanShqiptare VATRA, Shoqatat Ana e Malit, Shoqata Plavë e Guci, Shoqata Rugova, Shoqata Atdhetare Malësia e Madhe. Shoqëria Shqiptaro Amerikane, Organizatat Shqiptaro Amerikane “Shprese dhe Paqe” dhe “Duart e Hapura”.
Televizioni Kultura Shqiptare, dhe TV21, si dhe nga Virginia në Maryland – posaqërisht për këtë aktivitet kishte ardhur për të dhënë kontributin e tyre, nga Uashingtoni, edhe Shoqata “Shqiponja e Lirë” një shoqatë, kjo, e cila përfaqëson komunitetin Shqiptarë në Maryland dhe zonat përreth saj.
Këtë veprimtari e drejtojë Brunilda Myrtaj dhe Bashkim Sadrijaj
Hymnet kombëtare të dy vendeve Republikës së Shqipërisë dhe Shteteve të Bashkura të Amerikës, kanë shënuar fillimin e aktivitetit.
Më pasë kan përshëndetur drejtori i Shkollës Shqipe, zoti Mustaf Qosja, Joe DioGuardi, president i LQSHA, Presidenti i Monroe College , dhe Asamblesiti i Nju Jorkut, Mark Gjonaj.
Drjetori i kësaj shkolle, zoti Mustafa Qosja në fillim të fjalës së tij përshëndetëse, mbasi foli mbi historinë e shkolles tregoje edhe për sfidat me të cilat përballohen. “Shkolla Shqipe, në Bronx, tha ai e filloi punën e vetë më 15 janar 2011 dhe po e vazhdon me sukses edhe përkundër sfidave të ndryshme të cilat kohë pas kohe po i telkalojmë dhe nuk po dorëzohemi me të vetmin qëllim që” Shkolla duhet të funksionojë dhe fëmijët tanë duhet ta ndjekin atë”
Ai përmendi me këtë rast, se Shkolla Shqipe, në Bronx, ishte ideatore për mbajtjen e Festivalit të parë të Shkollave Shqipe në SHBA, i cili u mbajtë me 15 Qershor 2014, në qytetin e Bronxit, një inisiativë e cila do të shëndërrohet në traditë, sepse, sqaroi Qosja, këtë vitë më 31 Maj 2015 do të mbahet Festivali i Dytë , këtë radhë në New Jersey.
Duke gjetur rastin që të faleminderojë, përzemërsisht të gjithë pjesëmarrësit, për ndihmën e tyre, drejtoi i kësaj shkolle Mustaf Qosja, theksojë se :”Por, duhet cekur se në këtë punë – tonën, jo të lehtë dhe me të vetmin qëllim pengesën e asimilit dhe aftësimin e fëmijëve tanë, që të lexojnë, flasin dhe këndojnë shqip, të komunikojnë Shqip, të mësojnë historinë e tyre Kombëtare, traditën, kulturën, dhe gjeografinë e Shqipërisë dhe Trojeve Etnike Shqiptare, duhet gjithënjë të kemi mbështetjen e juaj prindërve të këtyre fëmijëve, dhe të gjithë komunitetit shqiptarë”,
Kurse, në fund të fjalës së tij drejtori i kësaj shkolle, bëri thirrje ” që sot, nesër dhe në të ardhmen, duhet t’i kushtojmë me shumë vëmendje kësaj çështje, sepse, u shpreh ai nuk është thënë kotë : ” Aty ku zhduken gjuhët – Vdesin kulturat”
Për të treguar ndihmën e Ligës Qytetare, për shkollën shqipe, në Nju Jork, dhe përse DioGuardi dhe dhe Shirley e pranoi me shumë kënaqësi ftesën për t’u bashkangjitur në darkën të shtunën në Maestro’s, Restorant, për mbledhjen e fondeve materiale për Shkollën Shqipe në Bronx, përmendi faktin se edhe anëtari i Bordit, Gjergj Dedvukaj, i cili është një themelues dhe anëtar aktiv i shkollës “Shkolla Shqipe”, shkollë me mësimin plotësues për fëmijët shqiptarë në gjuhën shqipe në Bronx, dhe disa të tjerë janë mjaft aktivë në kontributin e tyre për zhvillimin e gjuhës shqipe në komunitet.
“Shirley dhe unë, u shpreh ai e ndiej shpirtërisht, se edukimi i të rinjve shqiptarë në Amerikë, në gjuhën shqipe, është një nga pjesët më të rëndësishme, të jetës së shqiptarëve të Amerikës. Ajo është padyshim, mënyra më e mirë për të nxitur fëmijët shqiptarë në Amerikë, që të ruajnë indetitetin e tyre për kombin shqiptar, historinë e saj, traditat dhe kulturën shqiptare, në SHBA, dhe rreth botës” tha ish kongresisti DioGuardi Presidenti i Ligës Qytetare Shqiptaro Amerikane, në fjalën përshëndetëse në këtë darkë për mbledhjen e fondeve për shkollën shqipe në Bronx. “Ne, jemi në këtë darkë, për të mbështetur arsimimin e të gjithë fëmijëve shqiptarë në gjuhën shqipe, tha DioGuardi, dhe t’ju kërkojmë, të gjithë shqiptarëve të bashkohen me ne në kontributet e tyre, Por, tha ai një çështje tjetër është se duke sjellë fëmijët tuaj dhe nipërit e mbesat në këtë shkoll – ju jepni një kontribut të madh që të ruani indetitetin kombëtar shqiptar, historinë e tuaj, traditat dhe kulturën shqiptare, në SHBA . Dhe kjo vlen edhe si një mesazh që përcillni ju për familjet tuaja, që jetojnë në trojet tona shqiptare stërgjyshore në Ballkan në Shqipëri, Kosovë, Maqedoni, Mal të Zi , Luginë të Preshevës dhe Çamëria, për të treguar mbështetjen tuaj për gjuhën e bukur shqipe, dhe se nuk e harroni atë brez pas brezi”.
Më pas, ish kongresisti shqiptarë – Arbëreshë, Joe DioGuardi, duke rikujtuar origjinën e tij, stërgjyshore, bëri një paralelizëm mbi ruajtjen e gjuhës shqipe. “Mos harroni, tha ai se familjet Arbereshe-shqiptare, që ikën në Shekullin e XIV duke u vendosur në Italinë e Jugut, për t’i shpëtuar rrënimit, brutalitetit dhe pushtimit të Perandorisë Otomane, pasi Skënderbeu vdiq në 1468, ajo që mbajti gjallë në indetitetin e tyre kombëtar shqiptarë, edhe sot e kësaj dite, ishte gjuha shqipe. Dhe, babai im, tha DioGuardi, Giuseppe, i cili emigroi nga një Katund shqiptarë Arberesh, Greci nga Jugu i Italisë në Nju Jork, në 1929, duke ruajtur gjuhën kulturën, traditën dhe historinë shqiptare, bëri atë që unë, të flasë dhe të mbrojë çështjen shqiptare në Uashington si një kongresmen amerikan në vitin 1985, dhe të vazhdojë punën time me lobin shqiptaro amerikan LQSHA”
Më pas”Mbrëmja festive”, në lokalin “Maestro’s” në qytetin e Bronxit – Nju Jork, vazhdojë me një program mjaft të pasur artistik, të Ansamblit të Shkollës Shqipe në Bronx, përgatitur nga mësuesja e muzikës: Albina Zajmi
Në fund festa vazhdoi me këngë e valle me muzikë Shqiptare, me këngëtar të njohur të komunitetit: Agim Gerbeshi, Albrije Hadergjonaj, Ansambli i Shkollës Shqipe dhe Ansambli Bashkimi Kombëtar.
Të gjitha mjetet e mbledhura nga kjo mbrëmje, do të i kalojnë Shkollës Shqipe në Bronx – Nju Jork