Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

KONGRESISTI REPUBLIKAN, ZE I FUQISHEM I CESHTJES SHQIPTARE

by

Anëtarët e LQSHA, mbështetësit dhe miqtë, pritje për Kongresmenin Dan Donovan/
Kongresiti republikan Dan Donovan, i cili shërben në Komitetin për Çështje të Jashtme, në Kongresin amerikan, premtoi të jetë një zë i fuqishëm për çështjen kombëtare shqiptare – dhe shumë çështje të rëndësishme që prekin popullin shqiptar/
 Nga Beqir SINA – Staten Island New York/
Staten Island NY: Disa anëtar të Bordit i Drejtorëve të LQSHA,( Luan Bukolla, Zef Bala, Rifat Mehmeti, Zydi Karagjozi) dhe miqt, e saj – me në krey ish kongresmenin e Nju Jorkut, Joe DioGuardi, presidenti i Lidhjes Qytetare, Shirley Cloyes DioGuardi, Këshilltare e Çështjeve Ballkanike, dje mbajti një pritje në Restorantin “Nino’s” në Staten Island – për kongresmenin Dan Donovan, i cili është Anëtar, Komitetit për Punë të Jashtme të Dhomës së Përfaqësuesve .Kongresmeni Dan Donovan, u zgjodh në një zgjedhje të posaçme në mes-vitin (2015) për të përfaqësuar ishullorët – në Staten Island, dhe një pjesë në jug të Brooklynit, në Dhomën e Përfaqësuesve në Capitol Hill.  Ai është aktualisht Përfaqësues në Kongresin e Shteteve të Bashkuara për Distriktin( zona elektorale) 11-të, të Kongresit të Nju Jorkut, duke fituar vendin e paraardhësit të tij, Republikanit Michael Grimm, i cili e “la” detyrën e tij, mbi fajësinë për akuzat e mashtrimit të taksave.  Ishulli i Staten Island dhe pjesa jugore e Brooklynit, ka numërin më të madh të shqiptarëve. Më shumë se 14 mijë dibran – mendohet se banojnë në këtë ishull, i cili është binjakzuar në vitin 2002 me qytetin e Dibrës së Madhe, dhe ish shefi i Molinarit , Dan Donovan, në atë lidhje, u tha se ka qenë një nga personat kyç, që inicioi këtë binjakzim, i cili u kujtua dje nga ish kryetari i SHAD Ibrahim Kolari dhe miku i tij Dan Donovan.Lidhja Qytetare Shqiptaro-Amerikane me në krye ish kongresistin republikan të Nju Jorkut, Xhozef DioGuardin dhe Shirley Cloyes-DioGuardi – Këshilltare e Çështjeve Ballkanike, duke udhëheqë lobin shqiptarë në SHBA, për çerek shekulli – ka qenë vazhdimisht një zë i fuqishëm  për çeshtjen e Shqiptarëve dhe të gjitha zhvillimet në Gadishullin Ilir, u tha në këtë takim nga folësit.Pjesëmarrësit folë në këtë takim me kongresistin republikan, Dan Donovan, për zhvillimet më të fundit në Kosovë, Shqipëri dhe Maqedoni, për të cilën ata folën me theks të veçantë, duke u përqendruar duke kujtuar atë që eshtë më e rëndësishmja sipas tyre , ngase  pranverën e ardhshme në Maqedoni  do të mbahen zgjedhjet e përgjithshme parlametare. Ndërkohë, gjatë diskutimeve të tyre duke kërkuar mbështetjen e kongresit të SHBA, – pjesëmarrësit  treguan para kongresmenti republikan Dan Donovan,  se shqiptarët, në Mal të Zi, Maqedoni, Kosovë dhe në Shqipëri, e kan humbur totalisht besimin tek lideri i tyre partiak, i cili kudo thanë ata “pa perjashtime, është i më se i korruptuar dhe i papërgjeshëm në se do ta shikojmë në aspektin kombëtar”.Ashtu si në takimin e fundit, me Kongresmenin William “Mac” Thornberry, Kryetar i Komitetit të Shërbimeve të Armatosura, përsëri duke shfytëzuar rastin e takimit me Kongresitin republikan Dan Donovan, i cili shërben në Komitetin për Çështje të Jashtme, në Kongresin amerikan, është prekur gjerësisht edhe kësaj rradhe çështja e shqiptarëve të Maqedonisë, zgjedhjet parlamentare.  Cloyes DioGuardi, Këshilltare për Çështje të Ballkanit në LQSHA, me këtë rast në fillim të fjalës së saj – dorzoi kongresmenit të Nju Jorkut, një artikull të saj rreth Maqedonisë , publikuar në shtypin shqiptar në gjuhën agleze – ndërkohë,  ajo dhe Xhozef DiouGuardi, në vazhdim i kërkuan kongresistit që “Shtetet e Bashkuara të ndjekin me kujdes zhvillimet deri në zgjedhjet e prillit në Maqedoni, mbasi ato janë shumë të rëndësishme, edhe për të ardhmen euro-atlantike të saj,“ thanë çifti DioGuardi.  Ata thanë se “duhet pasur  kujdes me krizën në rritje në Maqedoni, veçanërisht atë që duket të jetë edhe një përpjekje, tjetër e partisë në pushtet, një parti etnike maqedonase të kryesuar nga kryeministri Nikolla Gruevski dhe partneri e saj shqiptar në koalicionin qeverisës të udhëhequr nga Ali Ahmeti, për “asfiksimin” të perspektivës së opozitës, përpara zgjedhjeve të përgjithshme, të planifikuara për muajin prill 2016”.   Kongresiti republikan Dan Donovan, i cili shërben në Komitetin për Çështje të Jashtme, në Kongresin amerikan, premtoi të jetë një zë i fuqishëm për çështjen kombëtare shqiptare – dhe shumë çështje të rëndësishme që prekin popullin shqiptar- Veçanërisht, për atë që u diskutua më shumë, ajo e 1 milion shqiptarëve, që ende jetojnë në tokat e tyre stërgjyshore në Maqedoni dhe që kanë shumë të afërm që jetojnë në Staten Island, së bashku me shumë shqiptarë të tjerë nga Kosova, Mali i Zi dhe Shqipëria.

Në fund Shirley dhe Joe DioGuardi – përfitoj nga kjo pritje për të thënë faleminderit mikut të tyre të vjetër kongresmenit, Dan Donovan nga Staten Island, i cili njihet për lidhjet e mira me Lidhjes Qytetare, dhe gjithashtu ata premtuan se nuk do të ndalen duke lobur për çështjen dhe problemet shqiptare në gadishullin e Ballkanit, ashtu si kan mbështetur dhe mbrojtur këtë çështje ata për 25 vjet.

 

NJE EKIP NGA MINISTRIA E ARSIMIT NE NJU JORK

by

Zv/ministrja e Arsimit dhe e Sporteve të Republilkës së Shqipërisë znj.Nora Malaj midis nxënësve të Shkollës Shqipe “Alba Life” në Staten Island/

Nga Keze Kozeta Zylo/

Në mjediset e shkollës publike amerikane PS 9, Staten Island ku zhvillon mësimin shkolla shqipe “Alba Life” që operon në tri lagje të Nju Jorkut si në Staten Island, Brooklyn dhe Manhattan me ftesë të themeluesit dhe drejtorit të Shkollës Shqipe z.Qemal Zylo erdhi një ekip pune i kryesuar nga z/v ministrja e Arsimit dhe Sporteve të Republikës së Shqipërisë znj.Nora Malaj.  Ekipi ka në përbërje drejtoren e arsimit të Bashkisë së Kamëzës znj.Ermioni Cekani, drejtorin e gjimnazit të Kamëzës z.Sherif Koldashi, shkrimtarin dhe publicistin mësuesin z.Novruz Xh. Shehu, znj.Albana Muhametaj z/v drejtore e shkollës në Paskuqan si dhe vajzën simpatike, me e reja e ekipit Klestia Cekani.

Ardhja e tyre u sponsorizua nga z.Sami Muhametaj për të cilin shprehim mirënjohjen tonë.

Shkollën Shqipe “Alba Life” e kanë vizituar dashamirës, njerëz të thjeshtë, senatorë amerikanë si z.Martin Golden, kongresistë, Ansambleisti i shtetit të Nju Jorkut shqiptari i nderuar z.Mark Gjonaj, konsuj, ambasadorë të Kosovës në Washington si Vlora Çitaku dhe së fundi ekipi i punës nga Shqipëria e kryesuar nga z/v ministrja e Arsimit dhe sporteve të Shqipërisë znj.Nora Malaj, vizitë që merr një rëndësi të veçantë për sensibilizimin e mbarë Diasporës shqiptare dhe dy shteteve shqiptare në Shqipëri dhe në Kosovë për Gjuhën Shqipe.  Më duhet të them se jo çdo politikan e ka në axhendë takimin me nxënës të shkollave shqipe kudo në Amerikë, ndonëse mund të ketë pasur prej tyre që kanë kaluar pranë shkollës sonë me “limuzinë” dhe s’kanë ndaluar qoftë dhe 5 minuta per t’i përshëndetur…

Prandaj këtë ekip pune që erdhi direkt nga Shqipëria e vlerësoj dhe e çmoj për respektin që treguan për punën e mësueseve, prindërve dhe nxënësve të Shkollës Shqipe “Alba Life”,

në New York.

Ekipi i punës u mirëprit me tufa me lule ngrohtësisht nga nxënësit, prindërit dhe mësuesit pranë kësaj shkolle.

Gjithmonë mirëpresim gjithëkënd që vjen pranë nxënësve, por ardhja e ketij ekipi direkt nga Shqipëria për t’u takuar dhe parë sy më sy me punën e mësuesëve dhe të nxënësve është emocionuese dhe e bukur.  Është e bukur dhe plot kuptim se si shqiptarë mbështesim njeri-tjetrin dhe është nje mision vetëm Shqip.

Fjalën e mirëseardhjes e ka mbajtur themeluesi dhe drejtori i shkollës Shqipe “Alba Life” z.Qemal Zylo i cili iu uroi mirëserdhjen gjithë ekipit të kryesuar nga z/vministrja e Republikës së Shqipërisë znj.Nora Malaj. Ai i falënderoi në emër të gjithë bordit dhe tha se ardhja e grupit të punës i shërben dhe më shumë urave të miqësise midis Shqipërise dhe Diasporës.

Në emër të shtetit shqiptar ka përshëndetur z/v ministrja e Arsimit dhe Sporteve të Republikës së Shqipërisë znj.Nora Malaj me një elekuencë në të folur midis të tjerash tha:

“Jam shumë e emocionuar dhe e gëzuar që të vi dhe t’ju përshëndes në emër të shtetit shqiptar dhe t’ju përgëzojë që po vini në shkollë shqipe për të mësuar gjuhën shqipe, traditat dhe kulturën shqiptare.  Kurrë mos e harrroni se nga vini, kurrë mos i harroni rrënjët e të parëve, pasi rrënjët tona janë nga më të vjetrat në botë dhe për këtë ne na bën të jemi shumë krenarë si shqiptarë.

Sa të bukur që jeni, sa dashuri marr nga sytë tuaj që shkëlqejnë sepse vini të mësoni shqip.  Falënderoj z.Qemal Zylo për ftesën, presidentin e TV “Alba Life” dhe themeluesin e shkollës shqipe Alba Life, ftesë që e mirëpritëm me kënaqësi më të madhe si ekip”.

Znj.Erimioni Cekani një mësuese me përvojë drejtore e arsimit të Kamëzës përshëndeti gjithë Bordin e shkollës Shqipe “Alba Life”, nxënësit, prindërit dhe mësuesit si dhe falënderoi përzemërsisht për pritjen e ngrohtë.  Ndihem krenare tha mids të tjerash znj.Cekani që ndodhem midis jush, sepse ju dhe pse të lindur dhe rritur jashtë Atdheut po e ruani si gjënë me të çmuar Gjuhën Shqipe.

Në këtë takim përshëndeti shkrimtari i mirënjohur z.Novruz Xh.Shehu i cili tha se këtu midis jush të dashur nxënës të mrekullueshëm të shkollës shqipe më duket vehtja sikur jam në një Shqipëri të vogël në Amerikë.  Unë për herë të parë prek nga afër tokën e premtuar, tokën e Lirisë që e shkelën të parët tanë dhe që iu bashkuan kauzës së Vatrës së Fan Nolit dhe Faik Konicës për çështjen kombëtare. Unë shoh nga afër dhe prek abetaren që ju mbani në duar dhe e mësoni atë që të mos harroni kurrë Gjuhën Shqipe, Gjuhën tonë hyjnore.  Jam shumë i emocionuar dhe ju falënderoj shumë që na bëni të ndihemi krenarë për ju nxënës që e bëni këtë shkollë amerikane të gumëzhij shqip të shtunave.  Ju lumtë!

Pas fjalëve të përzgjedhura dhe shkurt nga ekipi fjalën e kanë marrë mësueset Entela Muda dhe Dr.Valbona Zylo Watkins të cilat zhvilluan një orë mësimi të hapur shqip.  Nxënësit përgjigjeshin shqip dhe krijonin fjalë apo fjali të bukura me 36 shkronjat shqipe që kanë hedhur rrënjë në palcën e shpirtit të tyre. Tabela e Alfabetit e përgatitur mjeshtërisht nga mësuese Entela ku në krye të tabelës ndrinte Flamuri shqiptar kuq e zi i jepte dhe më ngjyra shqiptare mjedisit të klasës së shkollës publike amerikane. Shumë prej tyre recituan vjersha në shqip, ndërsa kori i shkollës shqipe për të përshëndetur pjesëmarrësit këndoi: “Ty Flamur të duam shumë” si dhe hymnin e shkollës shqipe “Gjuha jonë” të udhëhequr plot kulturë nga drejtuesja artistike e shkollës shiqpe, sopranoja shqiptare Dëshira Ahmeti Kërliu.

Në fund nxënësit u përqafuan me të gjithë pjesëmarrësit e ekipit dhe bënë një foto të përbashkët, para shkollës publike amerikane PS 9, shkollë që na ka pritur përzemërsisht për të zhvilluar mësimin SHQIP.

 

Në drekë pune pas mësimit shqip

 

Pas mësimit sipas traditës shqiptare u ulëm së bashku në një drekë pune në lokalin “Nino’s restaurant” në Staten Island të sponsorizuar nga pronari z.Agim Ceku të cilin e falënderojmë publikisht.

Në këtë drekë ishte i ftuar Bordi i shkollës shqipe si dhe aktivistë të saj si pianisti i shquar prof.Petrika Melo drejtues artistik, Lindita Mezini Lole soprano e famshme, mësuese Mimoza Salillari, sekretare e Bordit, Odise Salillari, Dr.Valbona Zylo Watkins z/v presidente e Bordit, mbështetës të shkollës shqipe Agim dhe Mine Pira, Përparim Likollari si dhe gjithë mësuesit e Shkollës Shqipe si: Afërdita Kacupaj, Liza Pllumbi, Entela Elezi, Entela Muda, Gladiola Bako, Anila Syku dhe Raimonda Hysolli që i janë bashkuar këtij programi serioz për mësimin e gjuhës shqipe.

Në këtë drekë z.Qemal Zylo pasi bëri një rezyme të punës së stafit drejtues foli për programet e mësimit që ndjekin shkollat shqipe, program të miratuar nga të dyja qeveritë shqiptare si e Kosovës dhe e Shqipërisë si dhe për librat shqip që janë në dispozicion të tyre, ndërsa në sfond shfaqeshin pamje nga puna e nxënësve dhe e mësueseve të shkolles shqipe gjate viteve të mësimit.

Z/v ministrja e arsimit dhe e sporteve të Shqipërisë znj.Nora Malaj që në fjalën e saj rrezatoi humanizëm sipas opinionit të shumë pjesëmarrësve në këtë takim foli për programin që ka hartuar qeveria shqiptare për shkollat shqipe në Diasporë dhe për drejtorinë e diasporës pranë kësaj ministrie.  Ajo vlerësoi sakrificat e shqiptarëve të Diasporës anë e mbanë në botë si dhe të mësuesëve të shkollës shqipe “Alba Life” që po punojnë me përkushtim për të mësuar gjuhën shqipe.  Këto takime më shumë se takime pune jane si ura lidhëse midis Shqipërisë dhe Diasporës dhe për këtë ju falënderoj dhe ju inkurajoj pamasë që të mos ndaleni kurrë vazhdoi znj.Malaj.

Me plot profesionalizëm dhe dashuri foli dhe prof.Petrika Melo i cili jo vetëm që vlerësoi punën e stafit të shkolles, por dhe solli kujtimet e tij si prind kur ishte takuar për herë të parë me Qemalin pranë shkollës shqipe.  Ai tha se ardhja e bijës sime Kristinës, (që mua si publiciste më duhet të shtojë se ajo eshte një artiste plot perspektivë për skenat amerikane) pranë shkollës shqipe bëri që ta mësonte gjuhën shqipe dhe për këtë ne e çmojmë pamasë punën e mësueseve dhe të Bordit drejtues.

Ndersa Dr.Zylo Watkins tha se une si bijë e dy prindërve që janë themelues të shkollave shqipe do të flas jo për prindërit e mi, por do të shpreh mirënjohjen time dhe mbeshtetjen time të pakufishme për të gjitha mësueset që punojnë ma aq pasion dhe dashuri për t’ju mësuar fëmijëve gjuhën e bukur shqipe.  Ndonëse ndonjëherë si bijë e tyre përpiqem ta frenojë pozitivisht vecanërisht babain tim për arsye shëndetësore, përseri e kam te pamundur…  Prandaj puna që kryejnë mësueset tona brenda në shkollë ka dashurinë time jo vetëm si mësuese pranë kësaj shkolle, por në radhë të parë si prind që sjellë fëmijën në shkollë dhe shoh ndryshime herë pas here në të folurin e saj në shqip dhe kjo fal mësuesëve të shkollës.

Ishte një takim pune emocionues do të më thoshnin në biseda të lira zonjat fisnike Cekani, Koldashi dhe Muhametaj, ndërsa z.Koldashi drejtor i gjimnazit të Kamëzës më tha se u preka dhe lotova kur dëgjoja nxënësit në Amerikë që flisnin shqip.  Po aq e prekur dhe me lot në sy ishte zonja Muhametaj e cila tha se kur i dëgjoja nxënësit më preknin se mendoja djalin tim kur të bëhet prind i cili jeton në Amerikë.

Kjo ditë e bukur në një takim pune në drekë kaloi këndshëm, ku nuk munguan notat e humorit në diskutime si dhe të shoqëruara me këngë të gjuhës shqipe të interpretuara magjishëm nga sopranoja e shquar Lindita Mezini Lole, Dëshira Ahmeti Kërliu, si dhe këngë me ngjyra popullore nga Odise Salillari të shoqëruar si grup, po edhe nga vetë ekipi i ardhur enkas për shkollën shqipe “Alba Life”, si znj.Nora Malaj, Novruz Shehu etj…

Aktiviteti dhe ora e mësimit shqip u filmua nga bashkëpunëtori i TV Alba Life

z.Redi Hoxhallari.

Ishte një takim pune, mbresëlënës, plot dashamirësi, ishte nje takim pune që inkurajon dhe që lidh ura miqësie dhe bashkëpunimi për çëshjten më të rëndësishme të fëmijëve në Diasporë, mësimin e Gjuhës Shqipe.

 

12 dhjetor, 2015

Staten Island, New York

NJOFTIM PER SHERBIMET FUNERALE PER TE NDJEREN LILIANA QOSE

by

Njoftohet komuniteti shqiptar ne SHBA se ceremonia e sherbimeve funerale per te ndjeren Liliana Qose, qe nderroi jete pas nje semundje te rende, do te organizohet diten e Hene me 14 Dhjetor 2015, nga ora 2 p.m deri ne 9 p.m ne Shtepine Mortore- Coney Island Memorial Chapel, qe ndodhet ne adresen:

2009 Mermaid Ave,

Brooklyn, NY 11224

Phone:(718) 373-0880

Ceremonia e varrimit do te kryehet diten e Marte me 15 Dhjetor 2015.

Shpirti ne paqe Lilianes!

Ngushellime Familjes!

(Gazeta Dielli)

Lela Prodani nderohet me çmimin prestigjioz të “Investitorëve institucionalë”

by

12 vjet më parë, gjimnazistja nga Durrësi Lela Prodani, që sapo kishte përfunduar me rezultate të shkëlqyera ciklin e studimeve te gjimnazi “Gjergj Kastrioti”, mori një vendim të rëndësishëm për të ardhmen e saj. E mbështetur plotësisht nga ana e familjarëve, Lela shkon në kontinentin e largët të Amerikës. Dy ishin arsyet që çuan Lelën të ndërmerrte këtë hap e të fillonte një jetë të re në Saint Louis, Missouri (SHBA):- ndjekja e një programi studimesh në universitetin më të mirë të këtij vendi dhe prania e një prej njerëzve më të dashur të saj në këtë qytet. Motra më e madhe e Lelës jetonte gjithashtu në Saint Louis dhe kjo ishte një shtysë më tepër që ajo të mos ngurronte për të ndjekur ëndrrat e saj. Gjatë gjithë periudhës së gjimnazit, Lela ka qenë gjithnjë ndër nxënësit më të dalluar dhe më aktivë në shkollë. Dy vitet e fundit të gjimnazit dhe të jetës së saj në qytetin e lindjes, veç mësimeve, Lela ishte e angazhuar në të njëjtën kohë edhe me drejtimin e senatit të shkollës “Gjergj Kastrioti”. E përfaqësonte me dinjitet shkollën në çdo aktivitet që kryhej dhe po ashtu në realizimin me sukses të detyrave që i ngarkoheshin një senatori shkolle. Nuk ishte e lehtë për një nxënës 16-18 vjeçar që të merrte përsipër detyra, që në këtë moshë duken vërtet të mëdha, dhe mbi të gjitha kur bëhet fjalë për një nga gjimnazet më të rëndësishme të qytetit dhe me numrin më të madh të nxënësve në atë kohë. Lela ishte ndër ata nxënës të spikatur që kërkonte gjithnjë e më shumë rritje akademike dhe për një formim me nivele të larta, ishte Amerika ajo që ia ofronte pikërisht drejtimin e duhur.

Dhe Lela nuk gaboi kur vendosi të lërë Durrësin e Shqipërinë për të shkuar në anën tjetër të globit për një të ardhme më të mirë. Këtë e tregon më së miri një çmim me të cilin ajo është nderuar së fundmi. Durrsakes Prodani i është atribuuar çmimi prestigjioz i “Investitorëve Institucionalë” dhënë nga “Investor Intelligence Awards”. Në gusht të vitit 2003, Lela mbërrin në Saint Louis, atje ku jeton edhe sot, e fiton të drejtën e studimit në Universitin Webster. Deri më 2006-n, studioi për “Biznes Ndërkombëtar” me theks Financën. Por nuk ishin vetëm leksionet ato me të cilat Lela ishte e angazhuar gjatë kësaj periudhe. Ajo aktivizohet gjithashtu në disa organizata shkollore dhe po ashtu punon si asistente e kërkimeve institucionale (Institutional Research Assistant). Më pas, vjen momenti që Lela Prodani duhej të kryente një specializim, dhe këtë e realizon më së miri në një bankë (Commerce Bank) në departamentin e Kredisë. Ciklin e Bachelor-it, Lela e mbyll me sukses dhe i hap rrugë fillimit, po ashtu me të njëjtat rezultate, etapës tjetër të studimeve në master. Zgjedh sërish të specializohet në Biznes dhe në po të njëjtin universitet. Në një periudhë prej afro 1 viti e gjysmë (gusht 2007-dhjetor 2008) Lela profilizohet në degën e Biznesit në Universitetin Webster. Sigurisht që Lela nuk mund të mjaftohej me kaq. Për të marrë kualifikimin që i nevojitej, punoi në të njëjtën kohë si asistente e diplomuar në zyrën e Rekrutimit Ndërkombëtar të Studentëve në shkollë dhe kreu specializimin e radhës në një kompani investimesh (Smith, Moore & Co). Është pikërisht kjo kompani që pa talentin, profesionalizmin dhe prirjet analitike të Lelës dhe i ofron menjëherë një vend pune si tregtare e ekuiteteve dhe specialiste e fondeve të përbashkëta në zyrën e tregtimit të aksioneve. Suksesi dhe arritjet profesionale janë pjesë e Lelës për 5 vjet rresht. Pas një gjysmë dekade punë e rritjeje profesionale në menaxhimin e tregtimit dhe gjithashtu përgjegjësive të tjera me të cilat Lela ishte ngarkuar, në nëntor të 2013-s ajo transferohet në një tjetër firmë të rëndësishme në St. Louis, konsulente tek Compania “Mercer”, ku vuri në punë aftësitë e saj analitike për vlerësimin e performancave për plane të ndryshme. “Interesi im i vërtetë, përveç analizimit të performancës dhe rrezikut, do të ishte pjesëmarrja në ekipin që në fakt merr vendime për ato ndarje”, thotë Lela. Te Mercer, kompania e konsultimit për investimet, ku merret me analizën dhe përgatitjen e raporteve të investimeve të klientëve të kompanisë, Lela bashkëpunon me një ekip të vogël prej 4 vetash, por që kanë detyra madhore në lidhje me menaxhimin e investimeve të një rrjeti spitalor. Tanimë ajo mund të shfrytëzojë aftësitë që zotëron nga përvoja e saj e mëparshme dhe në të njëjtën kohë të marrë një rol më aktiv duke takuar më shumë menaxherë dhe duke marrë vendime thelbësore. Janë vetëm shtatë vite karrierë në fushën e menaxhimit të investimeve, dhe aktualisht analistja durrsake e Investimeve është duke luajtur një rol të rëndësishëm në menaxhimin e aseteve të një prej sistemeve më të mëdha katolike të kujdesit shëndetësor në SHBA. Së bashku me Anthony Waskiewicz dhe menaxherin e investimeve Mike Werner, Lela merr pjesë në debate të gjalla dhe vendimet përfundimtare rreth ndarjes së aseteve, rrezikut dhe përzgjedhjes menaxheriale, të cilët mbikëqyrin një portofol prej 2.2 miliardë dollarësh. “Ne mbulojmë të gjitha pjesët e Portofolit. Nuk ka asnjë person që të jetë i përkushtuar për një klasë asetesh. Unë i bëj të dyja, analizën e rikthimeve të bazuara dhe pronat me bazë, për të parë ekspozimet dhe mënyrën se si menaxherët lidhen me njëri-tjetrin dhe se si ata përshtaten në portofolin e përgjithshëm”, shprehet Lela. Por, pavarësisht pasionit rreth analizës së investimeve, Lelës i duhet të pushojë për pak kohë këtë vit, sepse diçka e bukur do të ndodhë në jetën e saj: Lela dhe bashkëshorti i saj Thorsten, janë në pritje të fëmijës së tyre të parë.

 

 

LQSHA me disa anëtarë të Bordit, miqtë e saj, u takuan me Kongresmeni Mac Thornberry

by

Shirley Cloyes DioGuardi, Këshilltare për Çështje të Ballkanit në LQSHA, e ka informuar Kongresmenin Mac Thornberry, Kryetar i Komitetit të Shërbimit Uashtarak, në të gjitha dimensionet e saj çështjen shqiptare, deri tek konfliktit ende të pazgjidhura në Ballkan/

Nga Beqir Sina/

NEW YORK CITY : Të dielën, 6 dhjetor, në vazhdën e veprimtarisë së saj 25 vjeçare, duke lobuar në SHBA – për kauzën shqiptare, lobi i parë dhe i vetëm shqiptarë – Lidhja Qytetare Shqiptaro Amerikane (LQSHA), dhe Komiteti për Marrëdhënie Publike Shqiptaro Amerikan (AAPAC) ka pasur një takim me Kongresmenin William “Mac” Thornberry, Kryetar i Komitetit të Shërbimeve të Armatosura (Chairman of the House Armed Services Committee) në Kongresin e Shteteve të Bashkuara të Amerikës, është biseduar për çeshtjen e Shqiptarëve dhe ngjarjet në Gadishullin Ilir – shkruajn ata në një mesazh të postuar në statusin e tyre në rrjetin social facebook.Kongresmeni Mac Thornberry, e ka marrë këtë post mbasi – miku i mirë i tyre ish Kryetari Buck McKeon, doli në pension nga Kongresi në fillim të vitit 2015, thotë deklerata e LQSHASimbas këtij mesazhi i shpërndar në rrjetin social thuhet se dy udhëheqësit e Lidhjes Qytetare patën rastin për folur për paqen dhe stabilitetin në rajon, dhe kërkuan vazhdimin e pranisë amerikane në kampin Bondsteel, nevojën për liberalizimin e vizave dhe zhvillimin ekonomik në trojet shqiptare, si dhe është shfaqur shpresë se Shtetet e Bashkuara do të studiojë me kujdes krizën në rritje në Maqedoni, simbas tyre.Duke iu referuar mesazhit të Presidentit të Lidhjes Qytetare Shqiptaro Amerikane (LQSHA), ish kongresitit republikan të Nju Jorkut, Xhozef DioGuardi, thuhet se folëse kryesore ka qenë Cloyes DioGuardi, Këshilltare për Çështje të Ballkanit në LQSHA, e cila e ka informuar  Kongresmenin William “Mac” Thornberry, Kryetar i Komitetit të Shërbimeve të Armatosura, në të gjitha dimensionet e saj çështjen shqiptare, deri tek konfliktit ende të pazgjidhura në Ballkan.

Shirley Cloyes DioGuardi, i ka fokusuar vërejtjet e saj në atë pse Shtetet e Bashkuara, në projekt-buxhetin e këtij vit, kan pasur edhe shkurtimet buxhetore të Pentagonit, mbi kampin ushtarakë në Bondsteel – Kosovë, ndërkohë, që në pjesën tjetër të Kosovë, është Serbia që vazhdon duke e rritur  kontrollin e saj mbi pjesën veriore të Kosovës.

Ajo gjithashtu ka deklaruar se “në asnjë rrethanë, nuk duhet lejuar që qeveria e SHBA, të ja jap  Bondstillin – Turqisë ( Liga Qytetare, ka arritur për bindur Kongresin për të bllokuar në vitin 2011, dhënjen e kampit të Bondstilit – Turqisë ), sidomos tani që kryeministri turk Rexhep Erdogan ka mundësuar ISIS të krijojë një rrjet turkë, brenda saj,  dhe që Turqia është duke sjellë fondamentalizmin islamik në Kosovë dhe Maqedoni” citohet të ketë thënë Cloyes DioGuardi, Këshilltare për Çështje të Ballkanit në LQSHA, duke e informuar Kongresmenin William Thornberry, Kryetar i Komitetit të Shërbimeve të Armatosura

Më pas duke folur për Kosovën , dhe problemet e saj, ajo ka theksuar nevojën e domsodoshme për liberalizimin e vizave dhe zhvillimin ekonomik në trojet shqiptare për të ndaluar, edhe inkursionin e paparë të islamit radikal, në trojet shqiptare.    I cili ka thënë Cloyes- DioGuardi, si fe është në kundërshtim edhe me modelin shqiptar të besimit të Islamit dhe kulturës shqiptare, ku thelbi i të cilit është bashkëjetesa ndërfetare, respekti, dhe të kuptuarit mirë të njëri tjetrit.

Me këtë rast, ajo duke vënë në pah atë se shqiptarët janë më pro-perëndimorë, më pro-amerikanë, dhe forca më pro-demokratike në Evropën Lindore, Cloyes- DioGuardi, theksoi se shqiptarët mund të jetë forca më e madhe përkrah SHBA, në përpjekjet amerikane për të ndaluar përhapjen e ISIS në Evropën Perëndimore.

Së fundi, në takimin Kongresmenin William “Mac” Thornberry, Kryetar i Komitetit të Shërbimeve të Armatosura, është prekur edhe çështja e Maqedonisë, ku Cloyes DioGuardi, Këshilltare për Çështje të Ballkanit në LQSHA, shprehu shpresën se Shtetet e Bashkuara do të studiojnë me kujdes krizën në rritje në Maqedoni, veçanërisht atë që duket të jetë edhe një përpjekje, tjetër e partisë në pushtet, një parti etnike maqedonase të kryesuar nga kryeministri Nikolla Gruevski dhe partneri e saj shqiptar në koalicionin qeverisës të udhëhequr nga Ali Ahmeti për asgjësim  të perspektivës së opozitës përpara zgjedhjeve të përgjithshme, të planifikuara për muajin prill 2016.

Në këtë takim, i cili u mbajt në Shtëpinë e LQSHA, në Westchester County si shihet edhe në fotografitë e postuara në rrjetin social facebook, fotot e bashkangjitur në informacion e shpërndar për shtypin shqiptar – morën pjesë, Këshilltari për Çështjet hebraike Ron dhe Karen Rettner, Besiana Xharra, Luan Bukolla, Ibrahim Kolari, Mirjete Kolari, Agim Aliçkaj, Qamil Lita, Gazmend Lita, dhe Zef Balaj, ,gjithashtu ishin ish Kongresmeni Joe DioGuardi, Cloyes DioGuardi, Frank dhe Helen Suozzi, dhe Josh Martin, shefi i Shtabit të Kongresmenit Thornberry.