KOSOVA KRENARE ME AMERIKEN

November 24, 2018 by dgreca

-Kryeministri Ramush Haradinaj në pritjen e organizuar me rastin e Ditës së Falënderimeve për gjithë stafin amerikan që shërbejnë në misione diplomatike, ushtarake dhe të ndryshme në Kosovë: Kosova është krenare për dashurinë dhe admirimin që ka për Shtetet e Bashkuara të Amerikës/

-E Ngarkuara me Punë e Ambasadës Amerikane në Prishtinë, Colleen Hyland, tha se sot amerikanët ndjehen mirë si në shtëpitë e tyre, duke shtuar se kosovarët janë miqtë e Amerikës.“/

1 ramushi ne mes 2 veseli 2 Thanks 1 Ramo me gote

PRISHTINË, 23 Nëntor 2018-Gazeta DIELLI/ “Në emër të Qeverisë së Kosovës, ju falënderoj shumë që sot jemi së bashku, në shenjë të mirënjohjes, falënderimit, dhe asaj se sa pasionant jeni për vendin tonë, kombin tonë, gjatë gjithë kohës edhe në ato kohëra sfiduese, mirëpo ne jemi miqtë e juaj gjatë gjithë kohës”. Kështu tha kryeministri i Republikës së Kosovës, Ramush Haradinaj, në pritjen e organizuar nga vetë ai, me rastin e Ditës së Falënderimeve, për gjithë stafin amerikan që shërbejnë në misione diplomatike, ushtarake dhe të ndryshme në Kosovë.Kryeministri Haradinaj ndër tjerash, tha se, Kosova është krenare për atë se sa shumë i do Shtetet e Bashkuara të Amerikës, dhe ka admirim ndaj saj. “Kjo është një ditë e veçantë për të cilën ne gëzohemi që ju e keni këtë ditë dhe çfarë mesazhi apo porosie të mirë jepni në Ditën e Falënderimeve, sepse dje patët kohë disa prej jush me familje, disa prej fëmijëve tuaj janë larg, mirëpo shpresojmë se gjatë kohës tuaj këtu të ndiheni si në shtëpitë tuaja, si në familjet tuaja në Kosovë”, tha kryeministri Haradinaj, duke shprehur mirënjohje të thellë për popullin amerikan, për rolin e tyre të madh ndaj Kosovës.

Ndërkaq, e Ngarkuara me Punë e Ambasadës Amerikane në Prishtinë, Colleen Hyland, tha se sot amerikanët ndjehen mirë si në shtëpitë e tyre, duke shtuar se kosovarët janë miqtë e Amerikës.“Është kënaqësi që jemi duke festuar sonte këtu me ju. Faleminderit shumë për mikpritjen tuaj, për ngrohtësinë tuaj, miqësinë dhe për çdo gjë që festojmë në Ditën e Falënderimeve.Një fjalë para të pranishmëve e pati edhe Kryetari i Parlamentit të Kosovës, Kadri Veseli.Në pritjen e organizuar me rastin e Ditës së Falënderimeve, përveç stafit amerikan që shërbejnë në misione diplomatike, ushtarake dhe të ndryshme në Kosovë, të pranishëm ishin edhe ministra, shefi i AKI-së, Shpend Maxhuni, drejtori i Policisë së Kosovës, Rashit Qalaj dhe përfaqësues të tjerë./b.j/

KOSOVË-POLICIA AKSION NË VERI, ARRESTIME PËR VRASJEN E IVANOVIC

November 23, 2018 by dgreca

-Komunikatat dërguara nga Qeveria, Policia dhe Prokuroria e Shtetit të Kosovës/

PRISHTINË, 23 Nëntor 2018-Gazeta DIELLI-B.Jashari/ Një aksion policor me urdhër të Prokurorisë Speciale të Republikës së Kosovës, pas hetimeve disa mujore, është zhvilluar sot në veri të Kosovës, arrestohen të dyshuar për vrasjen e politikanit serb Oliver Ivanovic në 16 janar 2018. Në vijim deklaratat e njoftimet e dërguara nga Qeveria, Policia e Prokuroria e Shtetit të Kosovës:

DEKLARATË E QEVERISË SË KOSOVËS

Prishtinë, 23 nëntor 2018- Qeveria e Republikës së Kosovës, deklaron se aksioni policor në veri të Kosovës që ndërlidhet me ndalimin e disa të dyshuarve për vrasjen e politikanit Oliver Ivanoviq, është realizuar me urdhër të Prokurorisë Speciale të Republikës së Kosovës.
Ky veprim policor ishte në pajtim të plotë me ligjin, konform urdhrit të Prokurorisë Speciale, dhe nuk ndërlidhet në asnjë mënyrë me asnjë zhvillim politik. Qeveria e Kosovës siguron të gjithë qytetarët se shteti i Kosovës dhe organet e tij të rendit, në asnjë mënyrë dhe asnjëherë nuk do të orientohet kundër asnjë grupi etnik apo politik.Me këtë rast, Qeveria e Kosovës iu bën thirrje të gjithë qytetarëve, subjekteve politike, kryetarëve të komunave, posaçërisht atyre në veri dhe organeve të tjera, që të kontribuojnë në mbajtjen dhe avancimin e qetësisë publike, në shërbim të paqes dhe stabilitetit.Është më rëndësi që askush të mos bie pre e dezinformatave të ndryshme. Ruajtja e rendit dhe respektimi i ligjit është në interes të të gjithëve në Kosovë.

KOMUNIKATË PËR MEDIA E POLICISË SË KOSOVËS

Policia e Kosovës arreston disa persona të dyshuar, të cilët dyshohen për përfshirje në rastin e vrasjes së O. Ivanoviç

Prishtinë, 23 nëntor 2018

Policia e Kosovës, konkretisht Drejtoria për Hetimin e Krimeve të Rënda nën udhëheqjen e Prokurorit Special të Prokurorisë Speciale të RKS-së, si dhe në mbështetje të njësive tjera speciale policore, sot më 23.11.2018, pas hetimeve disa mujore dhe me urdhëresë të gjykatës, ka kryer kontrolle në katër lokacione në qytetin e Mitrovicës-Veri.

Në këtë operacion janë arrestuar katër (4) persona, tre (3) prej tyre që dyshohen se janë të përfshirë në veprën penale ,,Vrasje e rëndë”, kurse një (1) person tjetër është arrestuar sepse ka rezistuar dhe penguar zyrtarët policorë gjatë kontrollit dhe arrestimit të të dyshuarve për rastin në fjalë.

Personat e dyshuar tanimë të arrestuar janë;

N.S. viti i lindjes 1976, M/S/K, njëherit zyrtar policor në Veri të Mitrovicës.
M.R. viti i lindjes 1993, M/S/K;
D.M. viti i lindjes 1970, M/S/K, po ashtu zyrtar policor në Veri të Mitrovicës.
A.C. viti i lindjes 1965, M/S/K;

Ndërsa personi i cili ende mbetet në kërkim policor, pasi nuk është gjetur në lokacionin e tij është;

M.R. viti i lindjes 1978 po ashtu M/S/K;

Policia e Kosovës gjatë kontrollit në këto lokacione po ashtu ka sekuestruar edhe disa dëshmi relevante që ndërlidhen me rastin, dëshmi këto të cilat do të procedohen sipas procedurës ligjore.Të gjitha veprimet e mëtutjeshme rreth rastit dhe personave të arrestuar, do të ndërmerren në konsultim dhe koordinim me organet e drejtësisë, gjegjësisht prokurorin kompetent të rastit.

NJOFTIMI NGA ZYRA E KRYEPROKURORIT TË SHTETIT

Me urdhër të Prokurorisë Speciale arrestohen katër persona në veri të Mitrovicës

Prishtinë, 23 nëntor 2018 – Me urdhër të Prokurorisë Speciale të Republikës së Kosovës, Policia e Kosovës, konkretisht Drejtoria për Hetimin e Krimeve të Rënda, si dhe në mbështetje të njësive tjera speciale policore, në orët e hershme të mëngjesit kanë realizuar një aksion në veri të Mitrovicës, ku janë arrestuar katër të dyshimtë se janë të përfshirë në vrasjen e Oliver Ivanoviqit.

Me qëllim që të zbatohen procedurat e ligjshme dhe të drejta për sigurimin e provave dhe arrestimin e personave të dyshuar për veprën penale të vrasjes së Oliver Ivanoviqit, në bazë të kërkesës së Prokurorisë Speciale të Republikës së Kosovës, dhe urdhrit të lëshuar me shkrim nga Gjykatësi i procedurës paraprake i Krimeve të Rënda në Prishtinë, janë kontrolluar disa lokale dhe prona në pjesën veriore të Mitrovicës, për shkak se është vlerësuar se ka gjasa reale se në këto lokale, shtëpi dhe prona mund të zbulohen dhe konfiskohen prova të rëndësishme për veprën penale.Gjatë zbatimit të urdhëresës së Gjykatës për kontroll, Policia e Kosovës ka gjetur armë pa leje dhe materie tjera që përbëjnë veprën penale, për të cilën ndiqet sipas detyrës zyrtare.

KOMUNIKATË PËR MEDIA E POLICISË SË KOSOVËS E 16 JANAR 2018

Prishtinë, 16 janar 2018

Rreth orës 08:10 min, në rrugën “Sutjeska” në veri të Mitrovicës, është regjistruar një incident me përdorim armë zjarri, me ç’rast persona deri më tani të panjohur kanë shtënë në drejtim të z. Oliver Ivanovic, i cili fillimisht është plagosur në afërsi të zyrës së tij të punës.Viktima është dërguar në qendrën spitalore në veri të Mitrovicës për reanimim, ndërsa mjekët kujdestarë kanë konstatuar vdekjen e tij.Njësitë policore kanë dalë në vendngjarje ndërsa këqyrja e vendit të ngjarjes është në vazhdim e sipër. Në vendngjarje janë gjetur prova materiale të cilat do të përdoren në procedurën e mëtejme hetimore.

Gjithashtu, rreth orës 09:15min, në rrugën “Vojvode Putnika” në veri të Mitrovicës, është lokalizuar një veturë private e markës “Opel Astra”, pa targa të regjistrimit, të cilës paraprakisht i ishte vënë zjarri, ndërsa Policia dyshon se mund të jetë e lidhur me rastin e vrasjes.

Për të gjitha rrethanat e rastit dhe veprimet e ndërmarra të Policisë është informuar prokurori i Shtetit, i Prokurorisë Themelore në Mitrovicë, i cili ka dalë në vendngjarje.Policia e Kosovës mbetet e përkushtuar në zbardhjen sa më parë të këtij rasti dhe sjelljen e personit/ave të dyshuar para organeve të drejtësisë.

Ministri Tahiri u prit nga i pari i drejtësisë në SHBA, Jeff Sessions

November 3, 2018 by dgreca

Washington, 3 Nëntor 2018–Gazeta DIELLI/ Ministri Kosovar i Drejtësisë, Abelard Tahiri, është pritur në takim nga i pari i drejtësisë së Shteteve të Bashkuara të Amerikës, Prokurori i Përgjithshëm z. Jeff Sessions.
Në takim e mbajtur në Departamentin e Drejtësisë, Ministri Tahiri ka shprehur konsideratë të lartë për angazhimin dhe mbështetjen e Shteteve të Bashkuara të Amerikës ndaj Republikës së Kosovës dhe në veçanti për sektorin e sundimit të ligjit.Ministri Tahiri ka shprehur gatishmërinë e institucioneve të rendit dhe ligjit në Republikën e Kosovës për të vazhduar në mënyrë të fuqishme dhe me efikasitet luftën kundër terrorizmit, trafikimit, narkotikëve dhe pastrimit të parave.

Ministri Tahiri ka vlerësuar se mbështetja që Departamenti i Drejtësisë është duke i dhënë Kosovës dhe veçmas sektorit të sundimit të ligjit, ka mundësuar që autoritetet kosovare të radhiten përkrah forcave më efikase në botë në parandalimin dhe luftimin e terrorizmit, njëkohësisht duke e bërë Kosovën një strehë të pasigurt për krimin e organizuar dhe trafikimin e narkotikëve.

Ministri Tahiri ka falënderuar Prokurorin e Përgjithshëm Sessions, për ndihmën që Departamenti i Drejtësisë është duke dhënë përmes programeve të OPDAT-it dhe ICITAP-it si dy komponente të rëndësishme në funksion të politikave legjislative dhe programore që mundësojnë fuqizimin e sundimit të ligjit, luftën kundër korrupsionit dhe krimit të organizuar, si dhe parandalimit dhe luftimit të terrorizmit.

1 USAID

SHBA-KOSOVË, USAID ndihmon Drejtësinë

Washington, 2 nëntor 2018-Gazeta DIELLI/

Në kuadër të vizitës zyrtare në Shtetet e Bashkuara të Amerikës, Ministri i Drejtësisë Abelard Tahiri ka zhvilluar një takim në Washington me Asistentin e Administratorit të Përgjithshëm të USAID-it, njëherit udhëheqës i Zyrës së USAID-it për Evropë dhe Euroazi, Brock Bierman.
Ministri Tahiri ka falënderuar z. Bierman për mbështetjen e USAID-it në avancimin e infrastrukturës ligjore si dhe ka shpalosur ndryshimet dhe reformat që janë ndërrmarrë për fuqizimin e sundimit të ligjit, avancimin e qasjes në drejtësi si dhe agjendën legjislative që ka për qëllim forcimin e shtetit ligjor në Republikën e Kosovës.Ministri Tahiri ka vlerësuar lartë kontributin e USAID-it si partner i rëndësishëm për fushën e sundimit të ligjit, veçmas në avancimin e parimeve ligjore që mundësojnë një qasje të drejtë dhe të barabartë të qytetarëve në të drejtat e tyre dhe në shërbime efikase ligjore.Gjatë takimit është diskutuar edhe për reformat e ndërrmarra në fushën e të drejtave pronësore, agjendën “Drejtësia 2020” si dhe procesin e Rishikimit Funksional të Sektorit të Sundimit të Ligjit, në kuadër të së cilës USAID-i është duke mbështetur në veçanti shtyllën e Drejtësisë Komerciale.
Ministri Tahiri ka mirëpritur gatishmërine e USAID-it për të vazhduar mbështetjen e mëtejme në sektorin e sundimit të ligjit përmes plotësimit dhe përmirësimit të qasjeve legjislative dhe strukturore si dhe në konsolidimin e drejtësisë komerciale si një shtyllë e rëndësishme e drejtësisë që lehtëson të bërit biznes dhe nxit investimet e huaja në Republikën e Kosovës.Agjencia për Zhvillim Ndërkombëtar e Qeverisë së Shteteve të Bashkuara të Amerikës, (USAID) është duke ndihmuar Ministrinë e Drejtësisë në një numër të konsiderueshëm projektesh dhe duke mundësuar zbatimin e prioriteteve të Ministrisë së Drejtësisë në vazhdimësi./b.j/

Prokurori i Hagës Jack Smith në Kosovë

October 30, 2018 by dgreca

Specialist Prosecutor Jack Smith visits Kosovo/

Specialist Prosecutor Jack Smith is visiting Kosovo for the first time for a series of meetings with international and Kosovo officials.

In the course of his visit, he is meeting, among others, with the heads of international organisations, representatives of EU member states and Kosovo Justice Minister Abelard Tahiri, as well as senior officials in the Justice Ministry.

Mr Smith was selected for the position of Specialist Prosecutor after a process organised by the European Union and appointed by EULEX Head of Mission, Alexandra Papadopoulou. He took office on 11 September.

Mr Smith is a US prosecutor with experience in both high-level political investigations and international criminal investigations.

He succeeded David Schwendiman, the first Specialist Prosecutor and formerly Lead Prosecutor of the Special Investigative Task Force, who stepped down at the end of March when his term as a US Foreign Service Officer expired.

The Specialist Prosecutor’s Office is investigating crimes alleged in the Council of Europe’s 2011 Report Inhuman treatment of people and illicit trafficking in human organs in Kosovo.

***

Hagë, 30 tetor -Kryeprokurori i Prokurorisë Speciale për Krimet e Luftës në Kosovë, Hagë, Jack Smith, është në vizitën e tij të parë në Kosovë. Ai do të takohet me krerët e organizatave ndërkombëtare dhe përfaqësitë e huaja, si dhe Ministrin e Drejtësisë Abdelard Tahiri, njofton agjencia e lajmeve “Presheva jonë” duke ju referuar burimeve nga Haga

Mesohet se Prokurori i SHBA Smith u emërua Prokuror i Posaçëm në maj të këtij viti pasi ish avokati i SHBA David Swendiman skadoi mandatin e diplomatëve të SHBA në mars. Ai ishte në detyrë në shtator.

Prokurori i Specializuar e viziton Kosovën për herë të parë për takime me zyrtarë ndërkombëtarë dhe kosovarë.

“Gjatë vizitës, ndër të tjerë ai do të takohet me krerët e organizatave ndërkombëtare, përfaqësuesit e shteteve anëtare të BE-së, ministrin e Drejtësisë së Kosovës, Abelard Tahiri, si dhe me zyrtarë të lartë të Ministrisë së Drejtësisë”, bëhet e ditur nga zyra për media e Dhomave të Specializuara. Megjithatë nga kjo zyrë nuk është bërë e ditur se kur Smith do të vijë në Kosovë. Smith është prokuror amerikan me përvojë në hetime politike të nivelit të lartë dhe në hetime penale ndërkombëtare.

Ai është pasardhës i Prokurorit të parë të Specializuar, David Schwendiman më herët edhe kryeprokuror i Task Forcës Hetimore Speciale, i cili e lëshoi detyrën në fund të marsit, pas përfundimit të mandatit të tij si zyrtar i Shërbimit të Jashtëm të Shteteve të Bashkuara.

Zyra e Prokurorit të Specializuar po heton krimet e pretenduara në Raportin e Këshillit të Evropës të vitit 2011 Trajtimi çnjerëzor i personave dhe trafikimi i paligjshëm i organeve njerëzore në Kosovë.

Lamtumira e Merkelit

October 29, 2018 by dgreca

…Ajo nuk kandidon më si kryetare e CDU-së/

Sipas të dhënave nga qarqet brenda CDU-së, kancelarja Angela Merkel nuk do të kandidojë më në kongresin e partisë në dhjetor. Por ajo do të qëndrojë në postin e kancelares gjermane.

Pas dështimit të CDU-së në zgjedhjet e Hessenit, ku partia konservatore megjithëse doli forca kryesore pësoi humbje të ndjeshme dyshifrore, kancelarja Merkel nuk do të kandidojë më si kryetare e partisë kristiandemokrate, CDU në kongresinë e partisë në dhjetor në Hamburg. Këtë e bëjnë të ditur agjencitë gjermane të lajmeve duke iu referuar qarqeve brenda partisë.

Këtë vendim Merkel ua ka bërë të ditur politikanëve kryesorë të CDU-së gjatë një mbledhjeje të presidiumit. Megjithatë ajo do të qëndrojë në postin e kancelares gjermane. Kancelarja Merkel nuk do të kandidojë më as si deputete për Bundestagun pas mandatit aktual që mbaron në vitin 2021, dhe as nuk do të marrë poste në Bruksel.

Merkel kryesoi prej 18 vitesh partinë konservatore, CDU, dhe prej 13 vitesh është kancelare e Gjermanisë.