Kronike – Page 237 – Dielli

SHQIPTARET NË COLMAR TË FRANCËS, PROTESTE PER HARADINAJ ME 21 JANAR

January 18, 2017 by dgreca

NË COLMAR TË FRANCËS, TË SHTUNËN MË 21 janar 2017, NË ORA 14/

1-ok-haradinaj-arrest Kështu njoftohet nga komisioni organizator i protestës përmes një postimi dërguar gazetës “DIELLI” Organ i Federatës”VATRA” në SHBA. Lexojeni të plotë tekstin:;

TË GJITHË NË PROTESTË/

PËR LIRIMIN E RAMUSH HARADINAJT/

Të dashur shqiptarë,

Këshilli për organizimin e protestës për lirimin e z. Ramush Haradinaj fton të gjithë shqiptarët që ndodhen në Evropën Perëndimore të mobilizohen si asnjëherë më parë dhe me pjesëmarrjen masive të dëshmojmë se kur janë në pyetje interesat tona kombëtare SHQIPTARËT JANË NJË! Ndalimi i z. Ramush Haradinajt nga autoritetet e Republikës së Francës më 4 janar 2017 mbi bazën e një fletë-arresti të konstruktuar nga regjimi terrorist i Serbisë dhe mbajtja e kushtëzuar e tij të qëndrojë në Francë është sinjal se PADREJTËSIA TROKET NË DYERT E KOSOVËS!

Ftojmë të gjitha strukturat e organizatave politike, shoqatave, klubeve dhe formave tjera të organizuara të shqiptarëve në Evropën Perëndimore që të bashkuar të kërkojmë që autoritetet e drejtësisë franceze dhe të shteteve tjera mos veprojnë sipas urdhrave politik të regjimit të Beogradit.

Është moment historik që shqiptarët e Kosovë, Maqedonisë, Luginës së Preshevës dhe të Shqipërisë të dëshmojmë se JEMI NJË!

Lirimi i PAKUSHT dhe i MENJËHERSHËM i z.Ramush Haradinajt është mesazhi që presim nga demokracitë perëndimore.

Protesta do të mbahet në këtë adresë;

9 AVENUE RAYMOND POINCARE

6800 COLMAR – FRANCE

Në Reçak nisi fillimi i fundit të Serbisë në Kosovë

January 16, 2017 by dgreca

Kryetari i Kuvendit, Kadri Veseli nderoi viktimat e masakrës së Reçakut/

Veseli: Në Reçak nisi fillimi i fundit të Serbisë në Kosovë/

Kryetari i Kuvendit të Republikës së Kosovës, Kadri Veseli,/

në 18-vjetorin e masakrës së Reçakut, të kryer nga forcat serbe mbi popullatën e pafajshme civile shqiptare, ka nderuar viktimat e kësaj masakre dhe ka mbajtur një fjalë rasti në Akademinë Përkujtimore.Fjalimi i plotë i kryeparlamentarit Veseli: “Të nderuara familje të martirëve të Reçakut

Të nderuara familje të dëshmorëve

Të nderuar veteranë të Ushtrisë Çlirimtare të Kosovës.

I nderuar kryetari i Komunës së Shtimes, z.Ismajli

Të nderuat të pranishëm

Zonja dhe zotërinj,

Janari ka një simbolikë të jashtëzakonshme në historinë e popullit tonë. Është muaji i sakrificave të mëdha, është muaji i rënieve të mëdha. Është muaji i krenarisë dhe lavdisë për popullin tonë. Është muaji i vdekjes së heroit tonë kombëtar Skënderbeut, i rënies së Isa Boletinit, Ismajl Qemalit, i rënies së Vëllezërve Gërvalla, i rënies së Rexhep Males, Nuhi Berishës, e ZahirPajazitit.

Është muaji i Reçakut, fshatit martir, fshatit që u bë simbol i sakrificës dhe rezistencës kosovare në sytë e gjithë njerëzimit.

18 vjet më parë, në Reçak u krye një nga krimet më monstruoze nga makineria ushtarake e regjimit serb.

Qëllimi i Serbisë ishte i qartë: përmes terrorit të gjunjëzojë shqiptarët, të thyej shpirtin e tyre të rezistencës, t’i bënte të pranonin nënshtrimin dhe të harronin lirinë.

Kjo llogari kriminale doli krejtësisht e gabuar.

Krimi në Reçak ju kthye bumerang Serbisë.

E vërteta e Reçakut kapërceu kufijtë e shteteve, kapërceu kontinentet dhe preku ndërgjegjen e njerëzimit.

E vërteta e Reçakut shkatërroi sistemin e propadandës serbe dhe luftën e saj speciale.

Pas shumë muajsh me dilema dhe hamendje, bota e pa qartë se çfarë po ndodhte në Kosovë.

Po ndodhte një luftë në mes të mirës dhe të keqes, një luftë mes një populli që aspironte lirinë dhe një regjimi fashist që synonte ta mbaj të nënshtruar me dhunë e terror.

Në këtë mënyrë, Reçaku nga një fshat i vogël, u kthye në pikë kthese për historinë e Kosovës dhe atë botërore.

Në Reçak nisi fillimi i fundit të Serbisë në Kosovë.

Në Reçak e vërteta e Kosovës triumfoi mbi mashtrimin njëshekullor të Serbisë, mbi doktrinat e saj ta nacionalizmit shovinist.

Shumë janë ata që kanë merita për këtë moment historik, por më meritori prej tyre është miku i madh i vendit tonë, z. ËilliamËalker.

Të faleminderit nga zemra Ambasador Ëalker.

Ju jeni hero i gjallë i të vërtetës për Reçakun dhe Kosovën.

Të nderuar të pranishëm,

18 vjet pas Reçakut, sfidat e Kosovës janë ende sfida të mëdha. Shtet-ndërtimin ende nuk e kemi përmbyllur. Zhvillimin ekonomik ende nuk e kemi në nivelet e kërkuara.

Përveç kësaj, sot jemi në një situatë kur po tentohet të krijohet një perceptim tjetër për luftën tonë çlirimtare. Agresorët po synojnë të marrin rolin e viktimës.

Përmes gjyqeve të pafundme po tentohet që të njolloset rrëfimi madhështor për djemtë dhe vajzat e Ushtrisë Çlirimtare të Kosovës.

Serbia po manipulon me mekanizmat ndërkombëtarë, sikurse është Intepoli, për të njollosur këta djem dhe vajza. Rasti i fundit është ai i ish-komandantit të UÇK-së, Ramush Haradinaj.

E tërë kjo nuk bëhet për të kaluarën, por për të tashmen dhe të ardhmen. Bëhet për të goditur shtetin e Kosovës, në themelet e tij.

Bëhet për të dëmtuar partneritetin e shtetit tonë me shtetet demokratike perëndimore.

Ne nuk guxojmë të qëndrojmë pasivë dhe duarkryq përballë kësaj loje të ndyrë. Duhet ta mbrojmë të vërtetën tonë, sepse nuk ka të vërtetë tjetër për Kosovën. Reçaku nuk guxon të harrohet. As Prekazi, As Izbica, as Meja, as Krusha.

Përgjigja më e mirë ndaj forcave të errëta që ia duan të keqen Kosovës është puna jonë e pakursyer për ta forcuar, në të gjitha pikëpamjet, shtetin e Kosovës, për ta zhvilluar ekonominë dhe perspektivën e sigurt për të rinjtë tanë.

Ta bëjmë atdheun tonë një vend të begatshëm, do të thotë t’ua shuajmëëndrrat atyre që nuk na duan të mirën dhe njëkohësisht t’u bëjmë nderimin më të madh atyre që dhanë mundin dhe jetën e tyre për Kosovën e lirë e të pavarur.

Qoftë i përjetshëm kujtimi për martirët e Reçakut.

Lavdi dëshmorëve të kombit”.

Treni që s’lejohet në Kosovë kthehet në Beograd,protestojnë serbët

January 15, 2017 by dgreca

-Këshilli i Sigurisë Kombëtare mblidhet në Beograd pas ndalimit të trenit ilegal për të hyrë në Kosovë. Presidenti serb Nikoliç kërcënon…

-Kryeministri kosovar Isa Mustafa: Kosova është përballur me një situatë tërësisht të panevojshme të krijuar nga Serbia në kuadër të lojërave të saj të pandershme/

-Në Mitrovicën veriore pjesëtarë të komunitetit serb protestojnë/PRISHTINË, 15 Janar 2017/ Në Shtabin e Përgjithshëm të Ushtrisë së Serbisë u zhvillua sot mbledhja e Këshillit të Sigurisë Kombëtare, e ftuar nga Presidenti i Republikës, Tomislav Nikoliç, raporton media serbe, ndërkohë në orën 03:56, herët në mëngjes, është kthyer në Beograd, prej nga u nis dje, treni ilegal e provokues drejt Mitrovicës Veriore, të cilit aktoritetet e Kosovës ia ndaluan hyrjen.

“Lëndë e dialogut të Brukselit duhet të jetë vetëm treni, gjegjësisht lëvizja e lirë”, citohet nga media serbe presidenti i Serbisë, Nikoliç, pas mbledhjes së Këshillit të Sigurisë Kombëtare.

Nikoliç u kërcënua se çdo përpjekje e ardhëshme e “institucioneve të përkohëshme” të Kosovës për provokim të konfliktit, si në rastin e trenit, do përfundojë keq.

“Le të mendojnë për këtë shqiptarët dhe sponsorët e tyre”, citohet presidenti i Serbisë, Nikoliç t’u ketë thënë gazetarëve sot në Beograd.

Ndërsa në Prishtinë, mbrëmë, kryeministri kosovar Isa Mustafa në një konferencë të jashtëzakonshme shtypi tha se, Kosova është “përballur me një situatë tërësisht të panevojshme të krijuar nga Serbia në kuadër të lojërave të saj të pandershme”.

“Kthimi mbrapa i këtij treni është veprim i duhur, dhe se hyrja e tij në Republikën e Pavarur dhe Sovrane të Kosovës nuk do të lejohej, ose në rast se do të hynte do të trajtohej në përputhje të plotë me ligjet e Republikës së Kosovës”, ka theksuar ai.

Mustafa bëri të ditur se, një ditë më parë në Prishtinë ishte mbajtur mbledhja e Këshillit të Sigurisë së Kosovës ku është marrë vendimi “që institucionet e Republikës së Kosovës në përputhje me situatën të ndërmarrin gjitha veprimet ligjore dhe veprimet kushtetuese”.

Si reagim në këto zhvillime, në Mitrovicën veriore pjesëtarë të komunitetit serb protestojnë sot në mesditë./b.j/

Kosova, shtatore Ambasadorit Amerikan William Walker

January 14, 2017 by dgreca

-Në 18 vjetorin e masakres së Reçakut zbulohet shtatorja e Ambasadorit Amerikan William Walker, në kohën e luftës ishef i Misionit Verifikues të OSBE-së në Kosovë/PRISHTINË, 14 Janar 2017-B.Jashari/ Ambasadorit Amerikan William Walker sot do t’i zbulohet shtatorja në fshatin Reçak, ku para 18 viteve, derisa ishte shef i Misionit Verifikues të OSBE-së në Kosovë, në vizitën në vendin e ngjarjes masakrimin nga forcat serbe të mbi 40 civilëve shqiptarë të rrëmbyer në shtëptë e tyre në 15 janar 1999 e cilësoi krim kundër njerëzimit.

Në zbullimin e shtatores do marrë pjesë edhe vetë ambasadori, si dhe Presidenti i Republikës së Kosovës, Hashim Thaçi, i cili edhe do të bëjë homazhe në Kompleksin Përkujtimor në Reçak.

Në veprimtaritë përkujtimore, sot shfaqet filmi dokumentar “Saga e Reçekut”, ndërsa nesër mbahet akademi përkujtimore në Shtëpinë e Kulturës në qendrën komunale, në Shtime.Reçaku është një nga dëshmitë rrënqethëse të krimeve në luftën e fundit në Kosovë, kur forcat serbe vranë e masakruan më shumë se 12 mijë shqiptarë, rreth 6 mijë rezultonin të zhdukur, e në fushatën e gjenocidit e spastrimit etnik rreth një milion i dëbuan, shumicën drejt Shqipërisë.

Rreth dy muaj pas masakrës së Reçakut, aviacioni i NATO-s filloi bombardimet kundër caqeve të forcave kriminale serbe, të cilat zgjatën 78 ditë, deri në kapitulimin e Slobodan Milosheviçit, i cili përfundoi në Gjykatën Ndërkombëtare për Krime Lufte në Hagë.

Në Kompleksi Përkujtimor Masakra e Reçakut, në Murin e Përkushtimit janë skalitur në mermer fotografitë e 44 martirëve-dëshmorëve.

Në prag të shënimit të përvjetorit të tetëmbëdhjetë të Masakrës së Reçakut, kryetari i komunës së Shtimes, Naim Ismajli, priti në ambiente familjare ambasadorin William Walker, të cilit i ndau një pllakat-falënderimi të veçantë.

Ambasadori William Waker, kryesues i Misionit Verifikues të OSBE-së në Kosovë, gjatë viteve 1998-1999, me motivacionin për kontributin e jashtëzakonshëm në sensibilizimin e opinionit ndërkombëtar për masakrat dhe krimet serbe gjatë luftës në Kosovë, Kolegji AAB këto ditë i dha Çmimin Ndërkombëtar për të Drejtat e Njeriut.

Presidenti Thaçi: Shtatorja e Walker në Reçak, simbol i lirisë dhe pavarësisë së Kosovës

– Presidenti Thaçi theksoi se Shtetet e Bashkuara e kishin thënë të vërtetën e tyre, NATO-ja asokohe po përgatitej për aksion kundër forcave të ushtrisë dhe policisë serbe, si dhe organizata të ndryshme ndërkombëtare kishin filluar t’i shikonin nga afër zhvillimet në Kosovë/

Reçak, 14 janar 2017 – Gazeta DIELLI/ Presidenti i Republikës së Kosovës, Hashim Thaçi, sot ka bërë homazhe në Kompleksin Përkujtimor në Reçak dhe ka zbuluar shtatoren e ish-ambasadorit William Walker në këtë fshat.Presidenti Thaçi tha se në Reçak kishte ndodhur ajo që më së paku ishte pritur të ndodhte, por, sipas tij, krejt bota pastaj e pa sesi në Kosovë po ndodhte gjenocidi i shtetit të Serbisë mbi popullatën e pafajshme.“Gjenocidi i shtetit të Serbisë mbi popullatën e pafajshme ia hapi sytë gjithë diplomacisë botërore”, ka thënë ai.Presidenti Thaçi theksoi se Shtetet e Bashkuara e kishin thënë të vërtetën e tyre, NATO-ja asokohe po përgatitej për aksion kundër forcave të ushtrisë dhe policisë serbe, si dhe organizata të ndryshme ndërkombëtare kishin filluar t’i shikonin nga afër zhvillimet në Kosovë.“Në kuadër të këtyre organizatave ndërkombëtare ishte njeriu i duhur, në emër të shtetit të duhur, pra ambasadori William Walker, me mbështetje të fuqishme të Shteteve të Bashkuara të Amerikës”, u shpreh presidenti Thaçi.“Walker ishte njeriu i duhur që tha të vërtetën, e cila ia hapi sytë botës dhe bota menjëherë thirri konferencën në Rambuje”, shtoi presidenti Thaçi.Ai theksoi se jo vetëm tash pas 18 vjetëve, por gjithmonë do të kujtohen viktimat dhe heroizmi i pashoq i popullatës shqiptare, bashkë me përpjekjet madhore dhe unike të popullit të Kosovës.“Sot çdo qytetar i vendit duhet të ndihet mirë, kudo që jeton në Kosovë e diasporë, sepse ka atributet e një çlirimtari”, theksoi presidenti Thaçi.Gjithashtu, i pari i vendit tha se të gjithë duhet të punojmë për të ardhmen e vendit, që Kosova të jetë sa më shpejtë pjesë e NATO-s dhe Bashkimit Evropian, si dhe t’i kultivojmë raportet e përjetshme me Shtetet e Bashkuara të Amerikës.

“Shtetet e Bashkuara të Amerikës gjithmonë ishin dhe mbeten përkrah Kosovës”, u shpreh presidenti Thaçi.Para zbulimit të shtatores së ish-ambasadorit amerikan, William Walker, presidenti Thaçi e falënderoi atë për kontributin e tij për lirinë e Kosovës dhe për praninë e sotme në Reçak, duke theksuar se shtatorja e tij simbolizon të vërtetën për Kosovën para botës dhe përfaqëson simbolin e lirisë dhe të pavarësisë./b.j/

LAMTUMIRE ANITA TAKE!

January 13, 2017 by dgreca

Dje, me 12 janarne moshen 83 vjecareu nda nga kjo bote Anita Take, njera nder kengetaret me te njohura te muzikesa se lehte shqiptare, nje ze i fuqishem, nje ze i dashur i muzikes shqiptare. Kenget e saj ishin te dashura e te adhuruara nga breza te tere shqiptaresh ne te gjitha trojet tona etnike. Kenget e saj me tekste mjaft te zgjedhur e te bukura jane te rrjedhshme, melodi te thjeshta e plot ritem, kryesisht me motive shoqerore dhe me motive te dashurise. Kenge lirike, himne te dashurise, plot frymezim per jeten, te kenduara me nje ze plot ngrohtesi njerezore. Ishte nder kengetaret tona te para te muzikes se lehte me nje karriere te pasur qe shtrihet ne nje periudhe mbi 50 vjecare. Ishte edhe me fat ne jete, se u njoh dhe u be shoqja e jetes se kompozitorit te njohur, Agim Prodanit, themeluesit te muzikes se lehte shqiptare. Ata bashkepunuan ngusht si kolege profesioniste qe kenget, kompozimi dhe interpretimi te dalin ne formen e perkryer.

Per arritjet e saj artistike ajo eshte shprehur: “Arritjet e mia artistike mund t’i permbledh vetem me tri fjale: pune, pune dhe vetem pune. Mendoj se nuk mjafton vetem pasioni dhe talenti per te bere dicka ne nje fushe te caktuar, por natyrisht ne lidhje me suksesin, ka te beje kembengulja, serioziteti dhe qellimi qe i ke vene vetes”. Vertet nje recete e mire per te arritur suksese ne te gjitha fushat e jetes.

Anita Take sot u nda nga kjo bote, por ajo do te jetoje me kenget e saj, me zerin e saj te embel do te mbetet gjithmone ne zemrat tona. Nuk mund te kete mbremje vallezimi pa kenget e Anita Takes, kenget plot ritem e gjalleri, hov rinor. Nuk mund ta festojme Festen e Nenes pa “Kengen e nenes”, kenduar nga Anita Take. Kenget e saj me te njohura jane: “Mosha”, “Kenga e nenes”, “Ne bankat e shkolles”, “Me do apo s’me do”, “Vajza me trendafila”, “Per ty”, etj.

U prehte e qete ne dheun e Shqiperise, ne krahet e kenges!

Sadik Elshani

Filadelfia, 12 janar, 2017