Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kongresistë amerikanë vizitë në Kosovë

by

PRISHTINË, 19 Gusht 2015/ Priten për vizitë në Kosovë një grup kongresistësh amerikanë, anëtarë të Komisionit të Kongresit për Partneritet dhe Zhvillim të Demokracisë.
Kongresistët amerikanë do priten nesër në Prishtinë në takime të veçanta nga presidentja e Republikës, Atifete Jahjaga dhe nga kryetari i Kuvendit të Republikës së Kosovës, Kadri Veseli, së bashku me anëtarët e Kryesisë së Kuvendit.
Takimet, sipas axhendave të njoftuara, mbahen në Presidëncë dhe Kuvendin e Kosovës, ndërsa priten edhe takime të tjera./b.j/

KUJTESE- KOSOVA DHE TORTA GJIGANDE PER BILL CLINTON

by

Nga raportimet në 1 nëntor 2009: KOSOVA E NDEROI BILL CLINTONIN EDHE ME TORTËN GJIGANTE, TË CILËN E SHIJOI BASHKË ME POPULLIN NË SHESHIN ME EMRIN E TIJ
Lajmi arkiv nga Behlul Jashari/ PRISHTINË, 1 Nëntor 2009/ Presidenti amerikan Bill Clinton ka shijuar bashkë me popullin e Kosovës edhe tortën (ëmbëlsirën) gjigante të shtruar sot pasdite për mirëseardhje në sheshin me emrin e tij dhe pranë shtatores së tij të sapopëruruar. Një nga ëmbëltoret (pastiqeritë) e kryeqytetit, Prishtinës, e kishte gatuar këtë ëmbëlësisë për heroin e lirisë e pavarësisë së Kosovës, mysafirin e mikun e madh e të përjetshem shumë të dashur Bill Clinton.
Në fjalën e tij në shesh Bill Clinton duke festuar bashkë me mijëra e mijëra kosovarë dhe duke u takuar me ata me shtrëngime duarsh e përqafime për një kohë të gjatë, falënderoi popullin e Kosovës pse sot ndihej aq shumë i lumtur me të.
Në tortën gjigante ishte ëmbëlsirë edhe fotografia e Bill Clinton dhe harta e shtetit të Kosovës.
NJË SHËNIM DHE URIM SOT, 19 GUSHT 2015-PRISHTINË: Miqtë e Amerikës janë një shoqatë që edhe sot si tradicionalisht organizojnë në Kosovë festimet e ditëlindjes së mikut të madh, Presidentit amerikan Bill Clinton. Shumë urime!

Universiteti i Venecias nisi eksplorimin e Via Egnatia

by

Ashtu siç ishte bërë e ditur nga Drejtori i Përgjithshëm i Agjencisë Kombëtare të Bregdetit, Auron Tare, mbërritën me 17 gusht në vendin tonë studentë dhe profesorë të Universitetit të Venecias që po nisin udhëtimin në Vian Egnatia së bashku me një ekip specialistësh shqiptarë.
Ky udhëtim nis te Marten me 18 gusht dhe do te zgjase deri në 31 gusht, në bashkëpunim me Universitetin e Venecias, dhe është i pari udhëtim në rrugën antike, Via Egnatia.
Udhëtimi i paraprin një projekti ambicioz për shndërrimin e kësaj rruge të vjetër, në një produkt të mirëfilltë turistik.
Drejtori i Përgjithshëm i Agjencisë Kombëtare të Bregdetit, Auron Tare thotë se “çdo ditë, për katër javë do të sjellim imazhe dhe shënime nga ky udhëtim, duke shpresuar se shumë shpejt Via Egnatia, e cila dikur lidhte Romën me Kostandinopojën, Orientin me Oksidentin, do të jetë një mundësi e madhe në zhvillimin e turizmit rural nëpërmjet udhëtimeve kulturore, shpirtërore, religjioze, artit, filozofisë, teatrit e kulinarisë”.
Kjo do të ishte një tjetër mundësi që i shtohet mundësive të shumta të vendit tonë për të tërhequr sa më shumë vizitorë të huaj si dhe për ta parë këtë rast si një burim për ekonominë e vendit.(Nikolla Lena)

Kina, agjentë të fshehtë në SHBA

by

Gazeta the New York Times shkruan se administrata e Presidentit Barack Obama ka paralajmëruar Kinën për praninë e agjentëve të saj në Shtetet e Bashkuara, që po bëjnë fshehtas presion ndaj emigrantëve të njohur kinezë që të kthehen në vend, si pjesë e akionit anti-korrupsion të Pekinit. Njoftimi vjen mes tensioneve dypalëshe në rritje dhe vetëm disa javë para një vizite shtetërore të Presidentit kinez Xi Jingping në Shtetet e Bashkuara. New York Times që citon zyrtarë të paidentifikuar amerikanë thotë se përpjekja e Pekinit është pjesë e betejës anti-korrupsion të Presidentit Xi, që ka gjetur mbështetje në opinionin publik kinez. Gazeta thotë se agjentët janë nga Ministria e Sigurisë Publike dhe nuk kanë hyrë në vend për shërbim qeveritar dhe ka shumë gjasa që të kenë ardhur me viza turizmi ose biznesi. New York Times shkruan se që nga viti 2014, mbi 930 të dyshuar janë riatdhesuar, përfshirë mbi 70 që janë kthyer me vullnetin e tyre këtë vit. Sipas artikullit, ata janë pjesë e një operacioni ndërkombëtar për të gjetur të arratisurit për arsye ekonomike dhe për t’i kthyer në vend.

SHUHET”KAPEDANI”

by

Albert Verria nderroi Jete/
Tiranë, 17 Gusht/ATSH/.- Albert Verria, aktori që ka zënë vend nderi në artin shqiptar duke sjellë për publikun dhjetëra role që kanë mbetur në kujtesë, ka ndërruar jetë sot, ne moshen 79 vjeçare , pas një sëmundje të rëndë.
“Mua me merr te keqen ti!” thote xha Sulua. Albert Verria mbetet, se figurave si ai vdekja u merr te keqen! Homazh!, shkruan në faqen e saj në Twitter Ministrja e Kulturës. Mirela Kumbaro.
“Gjatë gjithë periudhës që jam angazhuar në teatër dhe kinematografi nuk kam menduar asnjëherë për karrierën time, kam menduar vetëm që personazhin që marr ta skalis në mënyrë të perfeksionuar, që në një të ardhme të mbetet në kujtesën e spektatorit”, ishte shprehur para pak kohësh aktori i mirënjohur i filmit “Kapedani”, film i cili bëri histori në kinematografinë shqiptare sidomos për nga interpretimi brilant i këtij aktori me përmasa të jashtëzakonshme.
Regjisori i njohur Saimir Kumbaro shkrunate sonte ne faqen e tij ne Facebook, “u largua edhe Berti. Ekrani do mbetet bosh. Iku nje aktor i mrekullueshem dhe nje burre e familjar i mire. Bert Verria do mbetet i pa harruar”.
Albert Verria lindi në Fier më 3 shtator 1936, ku mbaroi shkollën e mesme bujqësore dhe punoi si zooteknik në vitet 1956 – 1959. Përfundoi shkollën e lartë për aktor “Aleksandër Moisiu” (1959 -1963). Në vitin 1963 emërohet aktor në Teatrin e Vlorës. Në vitin 1979, Albert Vërrisë ju dha titulli “Artist i Popullit”.
Disa nga veprat ku ka interpretuar Albert Verria
Historiani dhe kameleonët(1988), Historiani
Trapi i Vjetër(2005), komedi
Misioni përtej detit– (1988)
Në emër të lirisë– (1987)
Rrethimi i vogël– (1986), shoku Kopi
Melodi e pandërprerë– (1985) bariu
Ditë të qytetit tim– (1982) (TV)
Agimet e stinës së madhe(1981), Soll Lili
Dëshmorët e monumenteve(1980), Tasi
Përtej mureve të gurta– (1979), babai i Asimes
Koncert në vitin 1936– (1978), Nuri Beu
Nga mesi i errësirës– (1978) , Ibishi
I treti– (1978), Saliu
Thirrja– (1976), Lec Kabashi
Në fillim të verës– (1975) , Kaporal Pelegrini
Shtigje të luftës– (1974), Jani Ferra
Shpërthimi– (1974) xha Kasemi
Brazdat– (1973), babai Ademit
Operacioni zjarri– (1973), Hiluku
Kapedani– (1972), xha Sulo
Kur zbardhi një ditë– (1971), Bakalli
I teti në bronz– (1970), Alo
Përse bie kjo daulle– (1969), i dehuri