Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

TENSION NE TIRANE-Greva e ish të përndjekurve, Përplasje fizike mes deputetëve PD e policise

by

Tirane-Tensionohet situata para godinës së Institutit të të përndjekurve politikë./
Në orën 13: 20 minuta një mjet tip golf kishte ardhur për të sjellë infrastrukturën për të ngritur cadrat. Kjo nuk është lejuar nga policia.
Ndërkohë kanë ndërhyrë edhe deputetët e PD-së për të lejuar që paisjet të dilnin nga makina. Ka pasur edhe një përplasje fizike mes deputetëve të PD-së dhe policisë.
Ish të përndjekurit deklaruan se i ishin grisur çadrat.
Ata donin të ngrinin çadrat para Parlamentit, pranë godinës së ish të përndjekurve, por policia nuk i lejon. Sipas policisë leja është marrë për tubim proteste e konfirmuar nga bashkia e policia e Tiranës, dhe jo grevën e urisë.
Një grup deputetësh të PD-së ndodhen pranë protestuesve.
Ora 10: 30: Ish te prendjekurit: Edhe ne ne grevë urie
Në orën 10:30 minuta një grup ish-të përndjekurish politik deklarojnë se do të hyjnë në grevë urie pa afat.
Lajmi u bë i ditur nga Kryetari i Partisë së të Drejtave të Mohuara, Fatmir Hoxha gjatë një deklarate për mediat përpara selisë së ish-të përndjekurve politik.
Mendohet se fillimisht do të jenë 10 persona që do t’io bashkohen kësaj greve urie, ndërkohë që Hoxha u shpreh se greva është e hapur dhe për persona të tjerë të marrin pjesë.
Gazetarja e Ora News Manjola Hasa informon se ish të përndjekurit kanë planifikuar të ngrenë çadrën në pedonalen para Parlamentit, por pritet që policia t’i pengojë.
“Aktualisht grupi i ish të përndjekurve ndodhen brenda në oborrin e Institutit të të Përndjekurve Politikë në krah të Parlamentit, ndërkohë që ka prani të forcave të shumta të policisë jashtë, pranë Parlamentit” informon gazetarja jonë në orëb 10:40 minuta.
“Do të instalojmë çadrat, dhe do të bëjmë grevën derisa të marrim përgjigje pozitive për kërkesat tona,” tha Hoxha duke lexuar 5 kërkesat që kërkohen të plotësohen.
“Se pari dëmshpërblim total për të gjithë ata që kanë statusin e të përndjekurit politik dhe që i takon dëshmpërblimi brenda 2 viteve, dhe qe janë të gjallë.
Së dyti, rikthim në administratë të gjithë fëmijët e të përndjekurve që janë larguar nga puna.
Së treti, shtimin e dëmshpërblimit për ata që kanë bërë vitet e internimit, t’i njihen.
Së katërti, të rihapen dosjet që kanë mbetur pezull në Ministrinë e Drejtësisë, si pasojë e burrokracisë dhe urrejtjeve klasore që ka politika shqiptare.
Së pesti, të denohet figura e kriminelit Enver Hoxha dhe të dali jashtë ligjit Partia Komuniste pasi ajo përbën një rrezik të madh për Shqipërinë”
I pyetur se sa është numri i ish të përndjekurve politike që do të hyjnë në grevë urie, Hoxha u shpreh se greva është e hapur dhe të gjithë janë të mirëpritur t’i bashkohen grevës ton.

Popullsia e Shqiperise-2.895.947, jane 23179 meshkuj me shume se femra

by

INSTAT publikoi të shtunën të dhënat mbi numrin e popullisë në Shqipëri. Pas përfundimit me sukses të konferencës dy ditore mbi “Analizat e të dhënave të Censusit 2011 dhe përdorimi i tyre, në faqen zyrtare, INSTAT publikoi të dhënat mbi numrin e popullisë në Shqipëri, bazuar në 2 analizat e kësaj konference, atë mbi Migracionin në Shqipëri dhe Projeksionet e Popullsisë 2011-2031”. Në bazë të analizava të të dhënave, rezulton se “popullsia e Shqipërisë, në 1 Janar 2014 është 2.895.947, nga të cilat 1.435.984 femra dhe 1.459.963 meshkuj. Bazuar në përllogaritjet e bëra, sipas metodologjisë për vlerësimin e popullisë çdo vit, INSTAT ka publikuar në websitin e tij, shifrat e plota të popullsisë për vitet 2001-2014”INSTAT , pohon mënyra e përllogaritjes dhe konstaton se “në 1 Tetor 2011, INSTAT kreu Censusin e Popullsi së dhe Banesave, ku popullsia banuese rezultoi 2.800.138 banorë. Ky rezultat shfaqi një diferencë me atë çfarë ishte projektuar për vitin 2011 nga Projeksionet e Popullsisë bazuar në Censusin e vitit 2001”.
Për herë të parë INSTAT, ndërmori Anketën e Pas Census (APC) ku objektivi kryesor i saj ishte kontrolli i mbulimit të Censusit. Rezultatet e kësaj ankete treguan se Censusi i Popullsisë dhe Banesave 2011, kishte një nën-mbulim prej 3%. Rezultatete APC mund të përdoren gjithashtu në vlerësimin e popullsisëpër vitet pasardhëse si dhe për rivlerësimin e numrit të popullsisë gjatë periudhës midis dy censuseve.
Nisur nga kjo, INSTAT dhe ekspertët e Asistencës Teknike të BE-së vlerësuan numrin e popullsisë në 1 Janar, duke marrë parasysh numrin e popullsisë banue se nga Censusi 2011, numrin e refuzimeve dhe rezultatet e APC e cila në 1 Janar 2012 rezultoi 2.902.190 banorë.(Sipas ATSH)

7 të vrarë në Kaliforni – pas të shtënave nga një makinë në mes të rrugës

by

*Të shtënat ndodhën pranë UC – Santa Barbara
*Policia e quan shpërthim të dhunës ” vrasje masive me paramendim ”
*I armatosuri ishte një nga shtatë të vdekurit ; shtatë të tjerë u plagosën/
SANTA BARBARA CA- Shtatë të vrarë prej të shtënave në një zonë në jug të Kalifornisë në natën e premte, duke gdhirë e shtuna, që i ngjanë një filmi action njoftuan sot heret në mëngjes mediet amerikane. Ngjarja tragjike që la shtatë të vdekur , dhe 9 të tjerë të plagosur, njoftoi të shtunën në mëngjes policia , ndodhi shumë afër një kampusi Universiteti në Santa Barbara County .
Krye-Sherifi i zonës Bill Brown, tha se personi i armatosuri që hapi zjarr është i dyshuar se ka qenë në mesin e shtatë njerëzve të vrarë në incident , ngjarje e cila ka ndodhur më saktësisht tha ai në Isla Vista – pranë Universitetit të Kalifornisë në Santa Barbara .
” Kjo ishte një vrasje masive e paramenduar , ” tha Brown , dhe ai ka etiketuara të dyshuarin si një njeri i skeduar në listat e policisë si njeri ” me probleme të shtuara mendore . ”
Megjithatë, janë autoritetet të cilat janë duke hetuar për motivin e ngjarjes, duke kërkuar edhe një video të postuar në media sociale që përmban bisedë ku simbas policisë, gjatë një mosmarrëveshje në mes të rrugës, duket një njeri që shkëmben fjalë të rënda ndaj dy grave që gjoja e kan kundërshtuar atë , tha Brown .
“Por policia po heton pistën e vrasjes edhe të shtatë të tjerëve atyre që morën plagë apo të tjerëve me dëmtime traumatike , ” tha Brown . Një nga këto viktima thuhet të ketë ” lëndime të rrezikshme për jetën .
Një gazetar i KEYT, tha se ” dëshmitarët kan parë një veturë të zezë BMW nëpër rrugët , e zonës ku ndodhi ngjarja, duke ecur me shpejtësi të madhe dhe shkrepur simbas tyre breshëri me plumba mbi njerëzit dhe objektivave të ndryshme . ” I armatosur dyshohet të ketë hapur zjarrë edhe ndaj një sherifi , dhe automjetit të tij të parkuar, thuhet në raport .
“Personi i dyshuar për vrasjet u gjet në automjetin e tij BMW me një një plumb në kokë, dhe një pistolet afër tij , tha Brown, dhe shtoi se deri tani nuk ishte e qartë në se vdekja ishte vetë -shkaktuar ose nëse ndonjë Sheriff apo dikush tjetër e vrau personin e armatosur dhe të dyshuar . .
Incidenti ndodhi gjatë një segmenti kohor 10 – minutësh , nga thirrja e parë e bërë nga qytetarët në 911, policinë dhe skuadrat e emergjencave në orën 21:27 simbas kohës së Kalifornisë , thanë raportet e shtypit amerikan sot heret në mëngjes ./Beqir SINA/

Avionë nga policia italiane për monitorimin e bimëve narkotike

by

Duke filluar që nga java e ardhshme, Policia e Shtetit do të fillojë monitorimin në të gjithë territorin e vendit me avion tё posaçëm, tё vënë nё dispozicion nga Policia Italiane.
Nё kuadёr tё masave tё ndёrmarra pёr parandalimin e goditjen e kultivimit tё bimëve narkotike, u zhvillua sot njё takim ndërmjet funskionarёve tё Policisё sё Shtetit dhe tё Policisё Italiane, gjatё tё cilit u diskutuan hapat qё do tё ndërmerren nё bazё tё protokollit tё bashkёpunimit nёnshkuar ndërmjet Policisё Shqiptare dhe Policisё Italiane pёr monitorimin e territorit tё vendit me avion tё posaçëm, qё do tё vihet nё dispozicion nga Policia Italiane.
Nё fokus tё këtij takimi ishte përcaktimi i modaliteteve tё monitorimit tё territorit pёrmes avionit tё posaçëm vёnё nё dispozicion nga Policia Italiane, masat pёr kontrollin e territorit pas identifikimit tё sipёrfaqeve tё kultivuara, me qёllim asgjësimin e tyre, mënyra e raportimit tё pёrbashkёt pёr rezultatet, si dhe masat e

Përvjetori i revoltave të ish-të dënuarve politikë

by

Organizata të ish- të burgosurve politikë kujtoi sot në Tiranë përvjetorin e revoltave në burgjet famëkeqe të Qafë Barit dhe të Spaçit. Ish të burgosurit politikë nderuan të pushkatuarit e këtyre revoltave, në një tubim, ku u theksua se diktatura komuniste nuk duhet harruar.
Shoqata e ish të burgosurve politikë përkujtoi sot 30 vjetorin e revoltës së të dënuarve politikë në burgun e Qafë Barit dhe 41 vjetorin e revoltës së të dënuarve politikë në burgun e Spaçit. Të dyja revoltat shpërhtyen për shkak të trajtimit çnjerëzor nga diktatura komuniste, ndërsa të burgosurit thirrën “Rroftë Europa e Lirë!”, “Poshtë komunizmi!”, “Ja vdekje, ja liri!”.
Në revoltën e Qafë Barit u ekzekutuan të burgosurit politikë Sokol Sokoli, Tom Ndoja, vdiq në tortura Sandër Sokoli, ndërsa dhjetëra të tjerë u torturuan dhe u ridënuan në mënyrën më çnjerëzore. E njëjta gjë ndodhi edhe me shtypjen e revoltës të të burgosurve politikë të Spaçit.
Drejtuesi i shoqatës së ish- të dënuarve politikë, Simon Miraka thotë që, pavarësisht se vendi zhvillohet dhe kohët ndryshojnë, diktatura nuk duhet harruar, se në këto revolta e ka burimin liria e Shqipërisë, e cila nuk mund të forcohet nëse nuk kujtohet dhuna komuniste.
Artisti i njohur Sherif Merdani ka qenë një nga pjesëtarët e revoltës së Qafë Barit. Ai u bëri thirrje ish të dënuarve politikë, që nën shembullin e revoltave të shokëve të tyre, të kenë më shumë unitet dhe bashkëpunim midis tyre. Zoti Merdani tha se ish të burgosurit politikë presin prej 20 vitesh në demokraci shpërblimet për burgimin e padrejtë që bënë në diktaturë, por dinjiteti njerëzor është mbi të gjitha.
Revolta e të burgosurve politikë në burgun e Spaçit në vitin 1973 dhe revolta e të burgosurve politikë të burgut në Qafë Bari më 1984 janë dy nga kryengritjet më të rëndësishme antikomuniste gjatë gjysëm shekulli të diktaturës komuniste. Pushkatimet e protagonistëve në këto dy revolta janë vetëm një pjesë e vogël e mbi 4 mijë e 200 pushkatuarve me gjyq dhe pa gjyq nga regjimi komunist të kundërshtarëve të tij politik.
( Ilirian Agolli, Zeri i Amerikes)