Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

ELBASANI DHE DITA E VERES

by

*  “Dita e Verës”, Kryebashkiaku Sejdini priti te enjten mysafire nga Kosova/

Nga Miranda Sadiku/.-  “Dita e Verës me biçikleta” është aktiviteti i parë qe starton në qytetin e Elbasanit në kuadër të festës pagane të “Ditës së Verës”. Organizuar nga Agjencia Telegrafike Shqiptare dhe Albania Excellence, aktviteti “Dita e Verës me biçikleta” ka si qëllim sensibilizimin e të gjithë qytetarëve që të lëvizin sa më shumë me biçikleta, si mjeti qe shmang jo vetëm ndotjen, por edhe kursen ekonomine e gjithe secilit.. Imazhi i këtij aktiviteti është aktori i njohur i kinematografisë shqiptare, Ardian Cerga i cili  sapo mberritur nga Italia  nga Italia me biçikletën e tij.
Aktiviteti është zhvilluar në qendër të qytetit, ne bashkepunim  me  Ecovolis, ku kanë mbërritur më shumë se 40 biçikleta.  Pjesë e kësaj maratone kanë qenë nxënës të shkollës 9- vjeçare “Naim Frashëri”, çiklistet e qytetit, qytetarë të ndryshëm, si dhe nxenes të gjimnazit “Dhaskal Todri”.

Maratona me biçikleta është mundësuar nga  kreut i bashkisë, Qazim Sejdini.
Flora Nikolla, Presidente e Albanian Excellence, duke falenderuar pjesëmarrësit në këtë aktivtet, të cilët iu përgjigjën thirrjes së saj që të jenë pjesëmarrës, si dhe kreun e bashkisë Qazim Sejdini, deklaroi se “Albania Excellence në bashkëpunim me ATSH-ne dhe bashkinë e qytetit të Elbasanit organizojnë këtë lëvizje me biçikleta me qëllim për të sensibilizuar opinionin publik në mbrojte të mjedisit. Është një lëvizje mbarëkombëtare, e cila ka nisur në Vlorë, Fier, Pogradec dhe tashmë në Elbasan”. Duke vlerësuar ardhjen e aktorit të njohur Ardian Cerga, i cili ka mbërritur një natë më parë nga Roma për këtë aktivitet, Nikolla shtoi se “imazhi i kësaj lëvizje, Ardian Cerga, ka ardhur për të dhënë këtë mesazh, mbrojtjen e mjedisit në vendin tonë. Kjo lëvizje ka si qëllim që të senisibilizojë opinionin shqiptar që t’i themi stop qarkullimit të shumtë me mjete, të mbrojmë mjedisin, të ardhmen dhe shëndetin tonë”.

Nga ana e tij, imazhi i kësaj lëvizjeje, Ardian Cerga, theksoi se “kjo lëvizje me nje mesazh shumë qytetar  përpiqet sensibilizoje  mbrojtjen  e mjedisit  ne bashkepunim me bashkitë e disa qyteteve”.

Më pas aktiviteti ka vijuar me një bashkëbisedim në hollin e Teatrit “ Skampa”, ku aktori Ardian Cerga hodhi edhe dy ide interesante për nxënësit e shkollave dhe drejtuesit e tyre, që një herë në muaj në qytet të realizohet një lëvizje me biçikleta, ndërsa sipas tij “është shumë e rëndësishme krijimi i një korsie në bulevard vetëm për biçikletat”.

“Dita e Verës”, Sejdini pret miq nga Kosova

Nga Miranda Sadiku/.-  Kryetari i Bashkisë së Elbasanit, Qazim Sejdini priti sot në zyrën e tij Kryetarin e Komunës së Ferizajt në Kosovë, Muharem Zvarqa i cili vizitoi Elbasanin me rastin e Ditës së Verës. Sejdini e njohu mikun nga Kosova me traditën e kësaj feste dhe me qytetin e Elbasanit.Siç theksoi Sejdini, “ Bashkia e Elbasanit është mikpritësja e mijëra njerëzve që vizitojnë qytetin me rastin e Ditës së Verës. Kemi obligimin, që t’u dhurojmë miqve një festë të bukur e plot ngjyra, ashtu siç e kërkon pranvera”.

Kryetari i Bashkisë shtoi më tej se “ dy koncerte do të organizohen me rastin e kësaj feste, ndërkohë që qytetarët do të kenë mundësi të vizitojnë edhe panairin “Dita e Verës 2014” i cili mbahet për të 17 vit me radhë.

Më pas do të jetë nxënësit e shkollave që do të bëjnë paradën e karnavaleve, parakalimet me biçikleta, motora apo ndeshje tenisi do të argëtojnë qytetarët në sheshin kryesor të qytetit”.

Sejdini nuk la pa përmendur edhe ëmbëlsirën tradicionale të festës “Ballokumen”. Gjithashtu me  Zvarqa u diskutuan edhe mundësitë e bashkëpunimit mes dy institucione në të ardhmen.Kryetari i Komunës së Ferizajt falenderoi Kryetarin e Bashkisë për mikpritjen. Ai u shpreh i kënaqur që ndodhej në Elbasan në këtë ditë feste, që siç tha ai është organizuar në mënyrë të përkryer(Kortezi-ATSH)

 

Shkon në shtatë numëri i të vdekurve nga shpërthimi në Nju Jork

by

Shtatë persona janë konfirmuar të vdekur nga shpërthimi i cili dje shkatërroi dy ndërtesa në lagjen Harlem të Nju Jorkut për shkak të një rrjedhjeje gazi.Të paktën 63 vetë janë plagosur.

Kryetari i bashkisë së Nju Jorkut Bill de Blasio e cilësoi këtë si tragjedinë më të rëndë të këtij lloji, pasi ndodhi pa lejuar kohë për të shpëtuar banorët nga ndërtesat.
Shpërthimi ndodhi pak pasi dikush në një ndërtesë aty pranë u telefonoi autoriteteve për të raportuar se kishte nuhatur gaz. Kompania furnizuese Consolidated Edison dërgoi dy ekipe në zonë, por ata arritën pasi ndodhi shpërthimi.
Një tym i dendur nga ndërtesat mund të shihej nga një pjesë e mirë e Manhatanit. Mbetjet nga shembja kishin mbuluar trotuaret dhe rrugët e zonës dhe një pjesë të shinave të trenit rajonal, duke bërë të nevojshme ndërprerjen e trafikut hekurudhor.

Rama: Zyrat e punës në një muaj punësuan 1055 persona

by

Kryeministri Edi Rama, duke folur në ceremoninë e hapjes së Zyrës së re të Punës në qytetin e Kavajës, tha sot se “punëdhënësi më i madh është sipërmarrja private, ndaj dhe prioriteti kryesor i Qeverisë, rritja e punësimit, është domosdoshmërisht e lidhur me krijimin e kushteve dhe nxitjen e zhvillimit të kësaj sipërmarrjeje”.  Ai e vlerësoi si shumë të rëndësishëm dhe me efekte pozitive të ndërsjellta, bashkëpunimin e Zyrës Kombëtare të Punësimit dhe atyre rajonale me biznesin privat. Ndërsa përsëriti angazhimin e qeverisë, tashmë drejt legalizimit të plotë, paketën fiskave me masa lehtësuese për industrinë fasone, Kryeministri  bëri të ditur se shumë shpejt, në afërsi të qytetit të Kavajës do të ndërtohet një zonë industriale, në përbërje të së cilës do të ngrihen kapanone në shërbim të zhvillimit të industrisë fasone, çka, sipas tij, do të krijojë mundësinë për punësim të mijëra grave dhe vajzave të këtij qyteti. Rama solli të konkretizuar me shifra suksesin e zyrave të reja të punës në muajin e parë të vitit. “Në vetëm një muaj tre zyra të sapoçelura kanë ndërmjetësuar dhe kanë mundësuar punësimin e 1055 personave, ndërkohë që gjithë rrjeti kombëtar i punësimit në Shqipëri vitin e kaluar, ka arritur të punësojë vetëm 600 vetë”, tha Rama. Sipas tij, 2855 gra dhe vajza të qytetit të Kavajës, të regjistruara si punëkërkuese, do të mund të punësohen nëpëmjet kooperimit të zyrës së punës me nevojat për kapitale njerëzore të sipërmarrjes.

Dy te vdekur dhe 18 te plagosur ne Harlem, NY

by

Dy gra gjetën vdekjen nga shpërthimi në Nju Jork, nderkohe qe shkon ne 18 numeri i te plagosurve/

Dy gra gjetën vdekjen sot në Nju Jork dhe të paktën 18 persona u plagosën kur një shpërthim masiv shembi dy ndërtesa apartamentesh.
Kryetari i bashkisë së Nju Jorkut Bill de Blasio tha se një numër njerëzish figurojnë të humbur megjithëse disa mund të mos kenë qënë në ndërtesë në kohën e shembjes.
Shpërthimi në mëngjes në lagjen Harlem të qytetit, pak pasi një banor në një ndërtesë aty pranë njoftoi se kishte nuhatur gaz natyror.  Kompania e shërbimeve  Consolidated Edison, tha se kishte dërguar dy ekipe në skenën e ngjarjes por ata kishin mbërritur pas shpërthimit.
Një zëdhënës i kompanisë nuk spekuloi të thoshte se shpërthimi ndodhi për arsye të rrjedhjes së gazit.
Më shumë se 200 zjarrëfikës u përgjigjën pas shpërthimit.
Të dyja ndërtesat u shembën deri në themele dhe rrënojat nga shpërthimi mbuluan rrugët në zonën përreth.

Kamza nderoi Haradinaj, e shpalli “Qytetar Nderi” gjeneralin e UÇK-së

by

Bashkia Kamëz ka shpallur “Qytetar Nderi ” të saj, Gjeneralin e Ushtrisë Çlirimtare të Kosovës, si dhe ish-kryeministrin e Kosovës, Ramush Haradinaj. Kryebashkiaku i Kamzës, Xhelal Mziu, i dorëzoi titullin e lartë Haradinajt, me motivacionin “për kontributin e paçmueshëm në pavarësinë e Kosovës”.

Ndërsa ish-kryeministri i Kosovës, Ramush Haradinaj, shprehu falenderime për vlerësimin e bërë, ndërsa tha se ky vlerësim është jo vetëm për qytetarët e Kosovës, por për të gjithë shqiptarët kudo që janë.

Ceremonia e dorëzimit të titullit të lartë “Qytetar Nderi” i Bashkisë së Kamzës, ndaj zotit.Haradinaj u zhvillua në kuadër të veprimtarisë “Binjakët e lirisë”, organizuar nga Bashkia Kamëz dhe Unioni Artistik i Kombit, kushtuar dy figurave emblematike të kombit, Heroit të Demokracisë, Azem Hajdari, si dhe Heroit e Komandantit Legjendar të UÇK-së, Adem Jashari.