Mergata – Page 82 – Dielli

Ndriçim i veprimtarisë së pa kursyeshme të shqiptarëve në Suedi

June 22, 2015 by dgreca

Këtë përmbajtje e ka numri i katërt i librit ” Thesari kombëtar i mërgatës shqiptare në Suedi” i cili është përgatitur nga SHSHASH ” Papa Klementi i XI Albani”, që me sukses zhvillon veprimtarin e saj në këtë shtet të largët skandinav. Të katër numrat e botuar deri me tash janë të çmuar dhe kanë vlera shkencore, thotë Prof. Fetah Bahtiri, kryetar i Këshillit Redaktues/

Shruan: Xhavit Çitaku/

Mërgata shqiptare është një thesar i çmuar i qytetërimit ilir, e cila me mençuri, me shkathtësi të mendjes dhe me një freski të shpirtit diti aq mirë që të lartësoj aq bukur kulturën, historinë e traditat shqiptare edhe në dhe të huaj. Komuniteti shqiptar në Suedi ishte jashtëzakonisht mirë i organizuar dhe dha kontribut të madh në sensibilizimin e situatës së rëndë në kohën e okupimit klasik nga Serbia, në grumbullimin e mjeteve në Fondin e Trepërqindshit, mbajtjen e familjeve në Kosovë, në shërimin e të sëmurëve dhe zgjidhjes së shumë vështirësive në të cilat gjendej populli i Kosovës dhe së fundi edhe me pushkë në dorë luftoi për çlirimin definitiv të Dardanisë.

I gjithë ky sukses i mërgatës shqiptare këto ditë u kurorëzua me veprën voluminoze, përkatësisht të numrit të katërt i librit të SHSHASH “ Papa Klementi i XI Albani” me titull “ Thesari Kombëtar i mërgatës shqiptare në Suedi”, që doli këto ditë nga shtypi. Lidhur me këtë punë të madhe e të rëndësishme që është bërë nga kjo shoqatë e vyeshme në biseduam me prof. Fetah Bahtirin, kryetar i Këshillit redaktues, të këtij asosoacioni shqiptar. Ai me këtë rast na tha: “ SHSHASH ”Papa Klementi XI Albani”, Suedi, e themeluar në vitin 2011, gjer më sot me një punë të përbashkët dhe me përkushtim kolektiv ka nxjerrur në dritë tre libra me rreth 2000 faqe. Librat mbajnë titullin ”Thesar kombëtar i mërgatës shqiptare në Suedi” dhe kanë numrat 1, 2 e 3. Këto ditë u botua edhe numri 4 i Thesarit kombëtar të kësaj mërgate i cili ka më shumë se 800 faqe.

Librat ”Thesar kombëtar i mërgatës shqiptare në Suedi” kanë për synim pikërisht ndriçimin e veprimtarisë së pakursyeshme të shqiptarëve të cilët në trollin e Suedisë u angazhuan me mish e me shpirt për të vënë gurë në themelin e shtetit që quhet Kosovë. Është planifikuar që ky ndriçim të bëhet me botimin e diku rreth 10 librave të këtillë me gjithsej 8000 – 10 000 faqe. Kjo do të arrihet leht për arsye se ka pasur shumë veprimtari, ka shumë angazhime dhe ka shumë materiale.

Shkrimet mbështeten në dokumentacionin orogjinal

Por, që çdo gjë të jetë në vendin e vet, shkrimet mbështeten në hulumtimin e dokumentacionit origjinal i cili si i tillë, i pandriçuar dhe i pabotuar gjer më tani– është burim, material shkencor dhe thesar i çmuar. Kështu, Thesarët kombëtar kryesisht u kushtohen kontributeve dhe sakrificave të bashkatdhetarëve tanë në shërbim të misionit për realizimin e pavarësisë së Kosovës. Duke realizuar këtë synim, gjer më tani në Thesarin kombëtar 1, 2 dhe 3 janë përfshirë shumë mjedise, shumë qytete e aktivitete, veprimtarë e aktivistë, me qindra dokumente, gazeta, artikuj, lista, intervista, etj. nga qytetet dhe komunat si: Borås, Båstad, Falun, Göteborg, Hyltebruk, Hässleholm, Laholm, Landskrona, Lundegård, Lättarp, Smedjebacken, Uddevalla, Ängelholm, Vetlanda, Jönköping-Råslätt, Överum, Gulspång, Norrköping, Svenshögen, Stockholm, Malmö, Jokkmokk, Marks, Dals-Ed, Falkenberg, Perstorp, Hultsfred etj.

Ndërkaq, nga territoret jashtë Suedisë që janë përfshirë në librat tanë “Thesar kombëtar” me tema janë prezentuar: Gjermania, Zvicra, Shqipëria, Kosova, SHBA, Ilirida, Rumania, Kroacia, Serbia etj. Pritet që lista të zgjerohet edhe me vende të tjera të Evropës e më gjerë. E tërë kjo punë do të realizohet me shkrimet të cilat gjërat i paraqesin e i sqarojnë vetëm me gjuhën e argumenteve. Zaten, edhe thesarët kombëtar të botuar gjer më tani i kanë këto karakteristika: janë thesar të vërtetë e të çmueshëm dhe kanë vlera shkencore.

Të përkujtoj se ky nuk është konstatim i imi, por këtë e kanë pohuar qartazi edhe të gjithë ata që i kanë pasur në dorë Thesarët tanë. Që mos të parafrazoj dhe mos të komentoj pa nevojë, për të parë se Thesarët tanë janë thesarë vërtetë të çmuar, do t´i citoj disa nga referuesit me rastin e promovimeve të Thesarëve tanë kombëtar që janë bërë në vende të ndryshme.

Vlerësime interesante e të çmueshme nga kritika

Për librat ”Thesar kombëtar i mërgatës shqiptare në Suedi” vlerësime interesante e të çmueshme kanë dhënë edhe shumë kritikë, institucione, politikanë, dijetarë, individë. I nderuari Daut Demaku u drejtohet me një ”LETËR E HAPUR TË GJITHË MËRGIMTARËVE”, për arsye se ai paska fituar një ”Frymëzim nga veprimtaria e Shoqatës së shkrimtarëve, artistëve dhe krijuesve shqiptarë “PAPA KLEMENTI XI ALBANI” në Suedi”. Ai ndër të tjera thekson me entuziazëm:

”Ky zjarr i mallit për atdhe krijon atdhe – dashurinë e madhe. Në atë shtet, që ka një numër të madh të mërgimtarëve, aty është edhe atdhedashuria e vërtetë. Prandaj, më dëgjoni mirë: mërgimtarët dhe vetëm mërgimtarët kanë dashuri dhe fuqi që ta bëjnë atdheun shtet me prestigj të lartë, ku edhe të tjerët do TË DËSHIRONIN TË JENË SHQIPTARË.

Pikë për pikë sikur mërgata suedeze që e bëri Suedinë – Suedi!”

Në kontekst me këtë, Daut Demaku na drejtohet:

”… lus të gjithë mërgimtarët që të na ndihmojnë t’i shkëpusim prangat e robërisë shpirtërore!…

Të gjithëve, prandaj, ju lus të merrni shembull Shoqatën e shkrimtarëve, artistëve dhe krijuesve shqiptarë “Papa Klementi XI Albani” në Suedi. Sepse, prej të gjitha veprimeve të mrekullueshme, që i ka bërë kjo Shoqatë e mbarë dhe e mençur, brenda saj është edhe një segment, që meriton jo vetëm nderimin, por edhe përkuljen deri në tokë, sepse nxori në dritë përvojën e mërgatës suedeze – atyre njerëzve të mençur që jetonin në Amerikë – dhe – marrëveshja e atyre mërgimtarëve e bëri Suedinë – Suedi, shtetin më të respektuar në kontinentin e vjetër, por edhe në botë. Atdheu juaj ka nevojë për vetëdijësim, për mbjellje të dijes së mirë në tokën tuaj, për një vetarsimim që garanton ndërtimin e individit dhe të shtetit me prestigj…” – është porosia e të urtit Daut Demaku.

E pse edhe mërgimtarët shqiptarë që jetojnë e veprojnë në Suedi, mos ta bëjnë Kosovën shtet!?

Prof. Dr. Shefkije Islamaj: Ju sot nuk shikoheni vetëm si potencial ekonomik, por edhe si potencial politik dhe intelektual. Veprimtaria juaj në të mirë të gjuhës e të shkollës shqipe, në të mirë të përgatitjes së brezit të ri, të fëmijëve tanë, përmes aktiviteteve të shumta njohëse, edukuese, letrare, muzikore, sportive, ka jehonën edhe në Kosovë. Përmes medieve elektronike, teknologjive të reja informatike, gjithë kjo veprimtari e juaja bëhet shumë frymëzuese për të gjithë ata që ia duan të mirën Shqipërisë e Kosovës, që ia duan të mirën shqiptarëve kudo janë ata…

Çka përmban libri?

Ky libër, ashtu si edhe i pari, për nga përmbajtja është tejet i pasur dhe i larmishëm. Më tepër se një përmbledhje shkrimesh tematikash të ndryshme dhe dokumentesh e shkresash të shumta, libri është një paraqitje shumëplanëshe e veprimtarisë shumë të gjerë që ka zhvilluar kjo Shoqatë në harkun njëvjeçar në fushën e artit letrar, në veprimtaritë krijuese në përgjithësi, në veprimtaritë arsimore e kulturore, në veprimtaritë shënuese e kremtuese, në veprimtaritë shkencore, në aktivitetet sportive, përfshirë këtu edhe vizitat e bëra jashtë atdheut nga anëtarë të kësaj shoqate dhe vizitat e autoriteteve shqiptare në qytetet ku jetojnë shqiptarët në Suedi…

Ç’është në të vërtetë ky libër?

Shkurt: ky libër është shprehje e ndërkomunikimit shqiptar, është shprehje e përpjekjes dhe e përvojës së pasur të komunitetit tonë në Suedi, është shprehje e frymëzimit, është shprehje e një vetëdijeje të lartë kolektive për përkatësinë.

Çka na zbulon tjetër ky libër?

Ky libër zbulon edhe raportin e shqiptarëve me suedezët me shtetin suedez, zbulon pozitën e tyre, interesat e këtij komuniteti, shfrytëzimin e potencialit vetjak dhe shfrytëzimin e mundësive që ofron një shtet demokratik si Suedia…

…Libri Thesar kombëtar i mërgatës shqiptare në Suedi 2, pra është një tregim i veçantë, një tregim që do të vazhdojë për shqiptarët e Suedisë, sepse ata vazhdojnë të jenë transmetues të vlerave njerëzore, qytetëruese, kulturore e letrare në vendin ku jetojnë, sepse ata do të vazhdojnë të shpalosin pasuritë shpirtërore, mendore, intelektuale në një hapësirë humane, në një shoqëri shumëkulturore, të hapur e demokratike, për të gjithë pa dallim, sepse ata do të vazhdojnë të na flasin shqip përmes librave si ky.

Prof. Dr. Adem Zejnullahu: Shoqata e Shkrimtarëve Artistëve dhe Krijuesve Shqiptarë në Suedi: Papa Klementi XI Albani, me angazhimin e saj, në të mirë të zhvillimit të gjuhës, të shkollës shqipe, të kultivimit dhe të ruajtjes së traditës sonë

etnokulturore, të transmetimit të saj nëpër media e aktivitete të ndryshme kulturore e artistike, si dhe të botimit të shumë veprave, të autorëve të ndryshëm, që ngërthejnë krijimtarinë shpirtërore, ka luajtur dhe po luan një rol shumë të rëndësishëm për popullin tonë në përgjithësi e në veçanti për këtë mërgatë.

Thesari Kombëtar 2, të cilin po e promovojmë sot ngjason me Visaret e Kombit, Kalendarin Kombëtar etj., të cilat botoheshin dikur, e që luajtën një rol të rëndësishëm, në pasqyrimin e traditës sonë kulturore, me botimin e materialeve të ndryshme nga fusha e gjuhës, historisë, folklorit etj.

Në fund duhet thënë edhe këtë se Shoqata e Shkrimtarëve, Artistëve dhe Krijuesve Shqiptarë në Suedi Papa Klementi XI Albani, sipas veprës 2 është duke bërë një punë të jashtëzakonshme në pasqyrimin e hollësishëm të jetës dhe të veprimtarisë së kësaj mërgate, por kërkon edhe një sistemim e vlerësim më kritik në përgatitjen më cilësore me kritere të caktuara botuese e shkencore. Pa dyshim, ky botim i punuar me përkushtim e vullnet të madh të udhëheqjes së saj, e cila zhvillon një veprimtari kaq të dendur e të rëndësishme për popullin dhe atdheun tonë të mahnit, andaj e falënderojmë nga zemra duke i dëshiruar suksese të reja edhe në të ardhmen!

Prof. Salih Zogiani: Me qëllim të ruajtjes së gjuhës dhe traditës, në mungesë të përkrahjes institucionale të diplomacisë së shtetit shqiptar, mërgimtarët tonë në Suedi, të bashkuar, u angazhuan në organizimin e jetës shoqërore. Formuan Shoqatën “Papa Klementi XI Albani”, e cila tani e konsoliduar, veprimtarinë e vet e ka shtrirë në shumë fusha të jetës shoqërore në diasporë, përmes aktiviteteve kulturo-arsimore. E filluan me sensibilizimin e opinionit suedez e më gjerë, me mbledhjen e ndihmave, të cilat vazhdojnë ende, ndihma këto që bënë të mundur që populli i Kosovës të mos gjunjëzohej asnjëherë.

Prof. Hysni Syla: Libri “Thesar kombëtar i mërgatës shqiptare në Suedi” 3, dëshmon se shqiptarët që jetojnë sot në Suedi dhe në vendet e ndryshme të Evropës dhe të botës, numri i të cilëve, siç dihet, është shumë i madh, janë të organizuar në forma të ndryshme dhe po përpiqen për të ruajtur gjuhën shqipe, e cila, sipas Ismail Kadaresë, është njëra ndër më të rëndësishmet në Evropë.

Padyshim se mërgata shqiptare në Amerikë ka qenë dhe është më e fuqishmja. Por rrugës së saj dhe me sukses është duke shkuar edhe mërgata shqiptare në Suedi, e cila është shumë aktive dhe po arrin suksese të lakmueshme.

Ramadan Haxhijaj: Republika e Kosovës tani shtet i njohur nga shumë shtete të botës, ka dërguar ambasadorë dhe do të dërgojë edhe të tjerë. Por ju them se, Ju ishit, Ju jeni dhe Ju do të jeni ambasadorë jo të politikës, por ambasadorë shpirtëror të denjë që e keni përfaqësuar Kosovën me lot, me djersë dhe gjak.

Te mërgata shqiptare rreh fort zemra për atdheun

Bedri Tahiri, shkrimtar: E veҫanta e kёsaj Shoqate ёshtё se i ka vu vetes pёr obligim qё pёr ҫdo vit tё nxjerr nё dritё edhe njё libёr voluminoz tё quajtur Thesar Kombёtar. Njё titull mjaft i qёlluar e domethёnё: thes+ari= thesari. Kjo shoqatë ka për qëllim që ta kultivojë e ruaj gjuhën dhe kulturën shqiptare në mërgim. Përmes aktiviteteve të ndryshme ajo synon që të nxisë të gjithë ata që janë të prirë të merren me shkrime që ta gjejnë veten në vendin ku jetojnë dhe të veprojnë në formë të organizuar në mënyrë që të krijojnë vlera e vepra më të mira letrare, artistike dhe kombëtare. Shqiptarёt qё jetojnё nё Suedi dje kanё qenё pёrkrahёsit e tё gjitha ndihmave pёr Kosovёn e sidomos tё luftёs sё lavdishme tё UҪK-sё dhe sot paraqesin potencial tё pazёvendёsueshёm ekonomik, politik e intelektual… Ne sot po e pёrurojmё vёllimin e tretё tё librit ”Thesar Kombëtar i Mёrgatёs Shqiptare nё Suedi 3”. Libri ngërthen në vete në mënyrë të dokumentuar aktivitetet e zhvilluara nga komuniteti shqiptar në Suedi në dobi të çështjes kombëtare. Lёnda aq e pasur dhe e larmishme, me njё pёrkushtim tё pashoq tё redaksisё sё zgjeruar, individёve e grupeve punuese, ёshtё mbarёshtruar mirё e mbarё brenda 750 faqesh, duke u konceptuar nё tetё kapituj tematik e pёrmbajtёsor.

Mr. Fadil Gecaj: Edhe përurimi i sotëm i librit “ Thesari Kombëtar 3” është një promovim i vlerave, që është fryt i punës së palodhshme të SHSHASH “ Papa Klementi i XI Albani” në Suedi. Vërtetë veprat e tyre janë një thesar i çmuar, të cilat shumëkush do të dëshironte t’i këtë në bibliotekat e tyre. Këtë libër, sikur edhe dy të mëparshmit, e karakterizon puna kolektive, apo më mirë me thënë puna ekipore, e cila kërkon shumë përkushtim, disiplinë e respektim të mendimit të njeri- tjetrit.

Prof. Dr. Mehmet Rukiqi: Vepra “ Thesari Kombëtar i Mërgatës Shqiptare 1 “, në Suedi, është një ndër dhuratat më të çmuara, për 100 vjetorin e Shpalljes së Pavarësisë së Shqipërisë dhe të ngritjes së Flamurit Kombëtar, për herë të dytë, në Vlorë, më 28 nëntor 1912…

… Shoqëria “Papa Klementi XI Albani” është besnikërisht duke e ndjekur traditën tonë historike të mërgatës shqiptare që fillon me “Besa Besën” në Boston, në krye me Fan Nolin në vitin1907 deri te shoqëria “Vatra” në Amerikë dhe pa fije dyshimi që do ta vazhdojë rrugën e vet besnikërisht në të ardhmen sikurse shoqatat simotra të lartëpërmendura.

Prof. Zekë Murseli: Na gëzon fakti se në këto ditë vere tubohemi për vlera, për krijime që vërtetë janë një thesar i kombit tonë.

Gazmend Boletini, stërnip i Isa Boletinit: Ajo që më së shumti me pëlqen në librat “ Thesari Kombëtar” është se aty nuk ka shkrime me ngjyra politike, por në to hidhet dritë për humanitetin, aktivitetin në fushën e pjesëmarrjes së drejtpërdrejtë të shumë e shumë mërgimtarëve tanë në luftën çlirimtare.

Mursel Ibrahimi, ish kryetar i Komunës së Mitrovicës: … Kontribut në paqë, kontributë në luftë, kontribut financiar, kontribut shkencor dhe kontribut solidar. Ndaj këta njerëz tanë që gjithnjë ishin e janë të lidhur për atdheun meritojnë një lëvdatë shumë të madhe.

Viron Kona nga Shqipëria: “Te ju kam parë zemra, që rrahin fort për atdheun”.

FESTË ATDHËTARIZMI…

… 1. Kur përurohen vepra, me vlera të çmuara…

Më 30 tetor 2013, Shoqata e Shkrimtarëve dhe Artistëve Shqiptarë të Suedisë, “Papa Klementi XI-Albani”, përuroi në sallën e Muzeut Historik Kombëtar të kryeqytetit Tiranë, dy vepra voluminoze, “Thesar Kombëtar”1 dhe 2.

Ishte një manifestim entuziast, emocionues dhe mbresëlënës. Salla ishte e mbushur me njerëz të letërsisë, artit dhe kulturës, me gazetarë e studiues, mësues e nxënës, të rinj dhe të moshuar, plot e për-plot.

… 3. – Dy margaritarë më shumë, në gjerdanin e artë të kulturës…

… Ashtu si Tirana dhe Durrësi, i priti “Thesarë Kombëtarë” 1 e 2, Prishtina, disa muaj më parë. Kështu do të vepronte çdo qytet dhe krahinë, kështu do të vepronte e tërë Shqipëria, e tërë Kosova, mbarë trojet shqiptare dhe Diaspora, sepse ajo ishte festë e atdhetarizmit shqiptar.

Agim Bahtiri, kryetar i Mitrovicës: Ndjehem i nderuar që marrë pjesë në promovimin e një libri, që është fryt i punës të bashkatdhetarëve tanë në Suedi, të cilët me veprimtarinë e tyre të palodhshme po lënë gjurmë në kulturën tonë të përgjithshme kombëtare, por edhe në kulturën e shtetit ku jetojnë dhe veprojnë. Për kontributin dhe sakrificën e mërgatës shqiptare dhe veçanërisht për kontributin dhe sakrificën e shqiptarëve në Suedi, ne mitrovicasit jemi të njoftuar shumë mirë dhe për këtë arsye ju jemi mirënjohës përgjithmonë.

Halit Barani: Ky libër voluminoz, i ndarë në kapituj, pasqyron punën dhe veprimtarinë e palodhshme të intelektualëve shqiptarë në Suedi dhe kontributin e mërgatës shqiptare në të gjitha segmentet e jetës. Libri është i pasuruar me shumë faktografi nga puna e anëtarëve të Shoqatës “Papa Klementi XI-Albani” dhe takimi i tyre me miq nga të gjitha trevat shqiptare, ku kanë shkëmbyer përvojat e tyre, për të vazhduar më pas me poezi e prozë, anekdota dhe artikuj gazetash, nga autorë të ndryshëm. Në faqet e këtij libri një vend të rëndësishëm zënë personalitetet dhe familjet kontribuese…

Në këtë rast dua ta përmend kontributin dhe veprimtarinë e palodhshme të Shoqatës së Shkrimtarëve, Artistëve dhe Krijuesve Shqiptarë “Papa Klementi XI-Albani” në Suedi. Kjo shoqatë nxori në dritë përvojën e mërgatës suedeze dhe që nga themelimi e deri më sot e ndau fatin dhe veprimin me popullin e vet në Kosovë dhe më gjerë.

Ish-Ministri i Diasporës, Ibrahim Makolli: I përgëzoj të gjithë anëtarët e Shoqatës së Shkrimtarëve dhe Artistëve Shqiptarë “Papa Klementi XI Albani” në Suedi,… të cilët për asnjë moment nuk kanë pushuar së angazhuari dhe nuk pushojnë së angazhuari në drejtim të krijimit të krijimtarisë së tyre, jo vetëm para opinionit ku ata jetojnë, por mbi të gjitha para opinionit në Kosovë.

Prof. Dr. Jusuf Osmani: Duke ditur se ”thesari kombetar ” është një vepër e një rëndësie të veçantë, vlera e saj është e shumëfishtë. Vlera e saj rritet edhe më shumë me kalimin e kohës, sepse kujtesa njerëzore – të predikuarit e tyre të cilat barten nga brezi në brez kanë rëndësi të madhe shoqërore dhe vlerë historike .

Prof. Ymer Berbati: Thesari 3 prej 757 faqesh ngërthen në vete një mal veprimtarish e aktivitetesh të shumanshme. Njeriu nuk do të ishte njeri po të mos ishte zbukurimi e fisnikërimi i ambientit dhe jetës së tij. Këtë veçanti krijuse e njerëzore, e prekim dhe e ndjejmë më shpirt gjatë leximit të këtij Thesari të mrekullushëm. Këtë material shoqata e krijuesve e ka mbledhur posi bleta nektarin dhe e ka vënë ne Kosheren e mjaltit të kulturës kombëtare.

Engjëll Berisha, Drejtori i Bibliotekës „Dr. Ibrahim Rugova“ në Gjakovë: Një përmbledhje e veprimtarisë së diasporës, nga një grup veprimtarësh në Suedi, në një libër me emërtimin ”Thesari Kombëtar”, me një gamë redaksie, dhe Kryesi e Shoqatës e udhëhequr nga veprimtari Hysen Ibrahimi, dhe grupi punues secili me punë specifike dhe voluminoze, paraqet një vepër e cila për mua më shumë i kontribuon kujtesës së një kombi, prej së cilës bëhet historia, kur dihet se truri i kombit shqiptar është i shpërndarë, ashtu siç është e shkapërderdhur qenësia e jonë në shumë shtete, në shumë kufij, në shumë kontinete dhe në shumë mënyra… Ky grup mërgimtarësh, kjo diasporë në Suedi, ashtu siç e thotë ky libër, ashtu siç mësohet nga shumë shkrime, ashtu siç e thonë të tjerët nga vende tjera të diasporës, është shumë i organizuar. Edhe pse, Kosova është e çliruar, shpirtin e tyre e okupon dashuria për vendin. Veprojnë njësoj, duke sjellur ndihma humanitare, duke u takuar për ta përshkruar jetën politike e ekonomike të vendit të lindjes, e për t´ia përkushtuar ndonjë tregim, poezi apo referim tjetër e që i shërben edhe letërsisë.

Prof. Halil Haxhosaj: Për veprën e Shoqatës së Shkrimtarëve dhe Artistëve Shqiptarë “Papa Klementi XI Albani” me titull “Thesar kombëtar i mërgatës shqiptare në Suedi, 3” mund të flitet, shkruhet e studiohet edhe më tepër dhe më shumë, sepse kjo përveç se thesar kombëtar shqiptar, është edhe një monografi historike e të gjitha veprimtarive të shqiptarëve atje. Andaj këta shqiptarë të kësaj mërgate me siguri e duan mëmëdheun e tyre, Kosovën martire, tash “edhe më mirë”, edhe më shumë, edhe më ngrohtë! E kanë dashur, e duan dhe do ta duan! Edhe përgjithmonë, edhe përherë, edhe deri në pakufi…!!!

Besa Gaxherri: Kjo vepër flet për historinë kombëtare, për veprimtarinë e shumë atdhetarëve, artin, kulturën, ekonominë, poezinë por edhe për të ardhmen.

Azem Gashi nga Peja: Fjalët janë të varfëra për ta shprehur gjithë madhështinë e kësaj vepre, të këtij margaritari të çmuar që bëni ju atje në mërgim.

Nëse njeriu thellohet sado pak në këto vlerësime që u jepen Thesarëve tanë kombëtar, nuk mund të ngelë më anësh pa u emocionuar kur fare qartazi sheh se me të vërtetë janë krijuar thesare të çmuara shkencore të cilat do të lënë gjurmë shqiptare e atdhetare në Suedi me vlera të cilat do t´u shërbejnë edhe gjeneratave të ardhme.

Por, këtu duhet të theksohet edhe një çështje, edhe një fakt: përveç ndjenjës dhe dashurisë për atdheun e kombin, mundësinë për krijimin e Thesarëve kombëtar na e ka krijuar edhe shteti suedez, edhe populli mik suedez. Suedia neve na na ka ndihmuar, na ndihmon edhe sot dhe neve na sheh si ambasadorë të mirë të Shqiptarisë – të vendit të prejardhjes. Shi për këtë ne e falenderojm shumë këtë shtet”, përfundoi Prof. Fetah Bahtiri.

NJE PROMOVIM ARBERESH NE PALERMO

June 21, 2015 by dgreca

DOKUMENTI PERFUNDIMTAR I TRYEZES SE RRUMBULLAKET/

SHQIPTARE NGA GJUHA BIZANTINE NGA RITI KISHTAR ITALIANE NGA ADOPTIMI: ARBERESHET te promovuar nga QENDRA NDERKOMBETARE PER STUDIME MBI MITIN-DELEGACJONI I SICILISE prane MUZEUT ETNOGRAFIK SICILIAN ”GIUSEPPE PITRE”/

Pjesemarrersit ne Tryeze,duke shprehur ndjenjat e falenderimit ndaj Qendres Nderkombetare per Studime mbi Mitin-Delegacjoni i Sicilise, te drejtuar nga Sh. T. Prefekti Gianfranco Romagnoli, per organizimin e Tryezes mbi Arbereshet, tashme te bere tradicjonale, poashtu Dr. Eliana Calandra per mikpritjen dhe kujdesjen e Ekspozites , dhe Prof. Maria Concetta Di Natale per kontributin shkencor nga Universiteti i Palermos dhe nga Departamenti Kulture dhe Shoqeri qe ajo e kryeson,duke qene te vetedishem se Tryeza ka qene nje moment mendimi dhe studimi mbi Komunitetin gjuhesor dhe kulturor arberesh dhe nje mundesi per te evidentuar ndjeshmerine dhe larmine e trashegimise kulturore kombetare dhe kontributin e dhene nga komuniteti i gjuheve pakice,

Shenojne se mbrojtja e pakicave, qe prej 15 vjetet nga miratimi i ligjit 482/99, eshte plotesisht e garantuar, siç e deftojne edhe rritja e kerkesave per perdorimin e gjuheve pakice, progresi kulturor dhe shoqeror i komuniteteve te implikuara, nisjativat per mbrojtjen e trashegimise se shkruar, shkembimet me ”Stetet e origjines” dhe organizimi i manifestimeve zyrtare;

Ndonese riafirmojne vleren e kornizes ligjore, e cila permbane edhe ndonje ligj krahinor perkates, nuk e mbajne, megjithate, si te persosur per mbrojtjen sa me te mire te vlerave imaterjale dhe ato materjale qe komunitetet arbereshe te ndryshme shprehen veç e veç o ne pergjithesi, qofte ne fushen kishtare, qofte ne ate antropologjike, pa angazhimin sa me te gjere te te interesuarve me serjozitet mendimesh dhe zbatimesh;

Per kete qellim:

Terheqen vemendjen e Qeverise dhe e Parlamentit mbi urgjencen ndaj pajisjes se ligjit 482/99 me te ardhura financjare adekuate;

– Urojne qe Konferenca Ipeshkvnore Italiane te merret sa me shpejt me dhenien

e nje strukture te re per Kishen Arbereshe, duke u orjentuar drej kryjimit te nje

Mitropolie te posaçme si eshte e drejte themeltare per nje Kishe lindore

katolike;

I thrrasin Kryetaret e Bashkive arbereshe te kujdesen me shume per mesimdhenien e gjuhes pakice neper shkolla, duke bashkepunuar me Drejtoret qe nje lende te tille dhe sportelet gjuhesor t’u besohen personelit kompetent jo vetem ne te folmen lokale, por edhe ne gjuhen shqipe standarde;

Jane te mendimit se duhet forcuar kooperacjoni midis Italise dhe Shqiperise e Kosoves per nje mbrojtje te vertet te pakicave arberfolese kudo ndodhen dhe jane, per te rilidhur fijet kulturore, shoqerore dhe gjuhesore sipas marredhenjeve miqesore dhe bashkepunimi, ne kuadrin edhe te hyrjes se ardhshme ne Unionin Evropjan te Republikes se Shqiperise dhe te shfuqizimit te vizes nga pasaportet e qytetareve te Republikes se Kosoves;

I kushtezojne, me ne fund, dy Shtetet referimi qe te fitojne nga Shteti italian detyrimin per te gjithe nxenesit e mesimit te gjuhes se folur ne shkollat e Bashkive arbereshe dhe perparesine ne listat provincjale per mesuesit qe e kane arberishten gjuhe amtare dhe qe kane njohje te mire te gjuhes shqipe standartde, duke i mbajtur keto dy kondita si te domosdoshme per nje mbrojtje sa me te vertet dhe frytdhenese ndaj trashegimise gjuhesore dhe kulturore te Minoriteti arberesh.
Palermo 12 qershor 2015(Pergatiti per Diellin:Zef Chiaramonte)

Në Universitetin e Grazit të Austrisë u promovuan tri vepra të Prof.Pllanës

June 18, 2015 by dgreca

Nga Miftar Zagragja/Këshilli Organizativ në përbërjë të : Fatmir Osmanit – Kryetar i “Këshillit Kordinues të Shoqatave Shqiptare“ në Shteimark , Rifat Krasniqi nga Unioni Humanitar i Shoqatave të Grazit – regjioni Shtmk, Ambasada e Republikës së Kosovës në Vjenë në bashkëpunim me Universitetin e Grazit, me Prof.dr.Kurt Kalcher, Prof.dr.Ahmet Hajrizi, realizuan me sukses promovimin e tri veprave të Dr.Pllanës.

Në Sallën e bukur të Universitetit në Graz, e cila ishte stërmbushur nga audienca, u mbajt promovimi i librit të autorit Prof.dr.Nusret Pllana “Terrori i Serbisë Pushtuese mbi shqiptarët nga 1844-1999“, „Intervenimi i Nato-s në Kosovë“ si dhe i filmit dokumentar „Rrugëtimi i një libri nëpër botë, po nga i njëjti autor.Të pranishëm ishin edhe autoritetet shqiptare të akredituara në Vjenë. Ymer Lladrovci, Konsull, në emër të stafit të Ambasadës së Kosovës i uroi të pranishmit si dhe përshëndeti autorin Prof.dr.Nusret Pllana, Si dhe falënderoi Prof.dr.Kurt Kalcher, Prof.dr.Ahmet Hajrizin dhe Fatmir Osmanin me Shoqatën e tij “Këshilli Kordinues i Shoqatave Shqiptare në Shteimark.

Po ashtu u shfaq një film dukomentar mbi:Rrugëtimi i një libri nëpër botë,të autorit Prof.dr Nusret Pllana.

Vepra “ Terrori i Serbisë pushtuese mbi shqiptarët nga 1844-1999 në Kosove” është një libër që vlen të lexohet sepse ka të bëjë me fatin e popullit tonë.

Promovimi i këtyre veprave paraqet një ngjarje të rëndësishme për të gjithë shqiptarët kudo që janë, andaj edhe u promovuan në shenjë të 16 vjetorit të çlirimit të Kosovës nga barbaria serbe si dhe në shenjë falënderimi të Bashkësisë Evriopiane, e sidomos të Shteteve të Bashkuara të Amerikës, të cilat e udhëhoqën suksesshëm intervenimin humanitar dhe ushtarak të Nato-s në Kosovë.

Edhe Fatmir Osmani kryetari i “ Këshilli Kordinues i Shoqatave Shqiptare“ nga regjioni Shteimark“ ju drejtua të pranishmëve me një fjalë rasti, duke i shpreh mirënjohje Profesor Pllannës për kontributin e tij të vyer në lidhje me librin, njiëherit i përshëndeti të gjithë të pranishmit dhe i falënderoi për pjesëmarrjen e tyre masive në këtë eveniment kulturor.

Atasheu ushtarak, Kolonel Dedë Prenga, në emër të stafit të Ambasadës së Shqipërisë në Austri i përshëndeti dhe i uroi të pranishmit. Ai mes tjerash tha:”derisa udhëtova nga Vjena për në Graz, i bëra një vështrim këtij libri dhe më la të kuptoj shumë. Vetëm ballina e librit tregon shumë dhe nuk don asnjë koment”, duke iu mbushur sytë me lot. Ai shtoi se” kjo punë është një motiv për të gjithë shqiptarët kudo që janë, kudo që ata jetojnë e tregojnë vlera të jashtëzakonshme me karakter të veçantë kombëtar, pa harruar për asnjë çast përkushtimin dhe detyrimin që kanë ndaj atdheut. Kjo është vlerë e patjetërsueshme dhe kjo do të jetojë ndër breza”.
Në promovim të pranishëm ishin edhe studentët dhe profesorët e këtij universiteti.

Poashtu prezentë ishin edhe përfaqësuesit nga Unioni i Shoqatave nga regjioni Shtmk. nga Shoqata ,,Mërgimi“, Steyr ,z. Ymer Aliu, nga Shoqata “28 Nëntori”- Kirchdorfi, Miftar Kastrati aktivist nga St. Georgen nga Shoqata “Kastrioti”- Graz, nga Shoqata “Belushi” – Graz, nga Shoqata “Rinia”- Graz, dhe nga Shoqata “Dardania”- Knittelfeld
Shoqata “Skenderbeu” Kapfenberg. Po ashtu prezent ishte edhe Prof.-Doz. Dr.med.univ. Emir Haxhija, Magj. i shkencave Politike – Fatos Kryeziu, si dhe Dr. Karl Bauer nga Shoqata “Europa Jugent” e Gleisdorfit.

Që në fillim Prof.dr.Nusret Pllana i bëri një vështrim të kaluarës dhe aktivitetit gjithëpërfshirës kombëtar të mërgatës shqiptare në Austri. Profsor Pllana potencoi faktin se falë angazhimit dhe sakrificave për shumë dekada të patriotëve të mëdhenj shqiptarë, çështja e Kosovës dhe kauza e pazgjidhur shqiptare në Ballkan, arriti të dalë në krye të agjendës politike të faktorëve më relevantë ndërkombëtarë. Kjo kauzë u bë vazhdimësi legale e kërkesave gjithë popullore për çlirimin dhe pavarësinë e Kosovës,

Në këtë libër autori Prof.Dr.Nusret Pllana duke qenë vetë një nga veprimtarët e devotshëm të aktiviteteve të ngjarjeve dhe kontribues shumë meritor për çlirimin dhe pavarësimin e Kosovës, si shumë shqiptarë tjerë e përjetoi terrorin dhe barbarinë serbe me lëkurën e tij, pas torturave që kishte përjetuar në kazamatet fashiste serbe. Qysh atëherë dhe deri më sot, asnjëherë nuk e ndërpreu aktivitetin patriotik që ta hidhte në shesh të vërtetën për terrorin dhe barbaritë serbe ndaj shqiptarëve të pa mbrojtur.

Profesor Pllana u dallua në vazhdimësi me aktivitetin e tij kombëtar. Angazhohet në radhët e UÇK-së duke kontribuar si luftëtar i lirisë, por edhe folës dhe gazetar i Radios së vetme të luftës “Kosova e lirë”. Ai poashtu dha kontributin e tij maksimal në njoftimin për të gjitha ngjarjet që ndodhnin në Kosovë gjatë tërë luftës, si dhe kontributin për çlirimin dhe pavarësimin e Kosovës.

Libri i sapopromovuar është një dokument i rëndësishëm që dëshmon terrorin dhe barbaritë serbe mbi shqiptarët për një kohë të rëndësishme për historinë e re të ndërtimit të shtetit të Kosovës. Të gjithë ata që mbajtën fjalë rasti shprehën dëshirën që z.Pllana të vazhdojë edhe me pjeset e tjera, pasi që ishte e pamundur të përfshihen të gjitha ngjarjet qa kanë ndodhur një një libër të vetëm.

Autori Pllana falënderoi të gjithë bashkëpunëtorët e tij, për guximin dhe idenë, që të gjitha këto ngjarje që kanë përjetuar shqiptarët të mbesin të dokumentuara me fakte të pakontestueshme në një libër të tillë. Autori poashtu nga të pranishmit në mënyrë të fuqishme u inkurajua që të vazhdojë edhe me vepra tjera, e poashtu edhe më vëllimin e gjashtë e më tutje të kësaj vepre, e cila tashmë është përkthyer edhe në gjuhën japoneze e suedeze, të cilën lexuesit do ta kenë së shpejti në dorë. Ky libër u promovua edhe në Prishtinë, Tiranë, Shkup, Tetovë, Gjenevë, Zurich, Lugano, Paris, Lyon, Vjenë, Oslo, Stockholm, Budapest, Jovik, Katovice, Ankara, Istanbul, Bursa, Izmir, Rome, Stuttgart, Dortmund, Singen, Hechingen, Nurnberg, Hamm, Heidelberg, Munich, Ludwigsburg, Helsingen, Pforzheim, Helsinki, Toronto, Barrie, New York, Washington, Detroit, Melbourne, Mannheim, Copenhagen, Bruksel, Londër, etj.

Në fund autori u shpreh se ndjehet krenar për faktin që ka arritur që t’ia bëjë një argat të çmuar atdheut si dhe popullit të shumëvuajtur.

Vepra “ Terrori i Serbisë pushtuese mbi shqiptarët nga 1844-1999 në Kosove” është një libër që ia vlen të lexohet , aq më tepër sepse ka të bëjë me fatin e hidhur dyshekullor të popullit tonë. Është një vepër që nuk të lë pa emocione dhe mbresa. Ajo çfarë përshkruhet në libër është reale dhe e vërtetë. Ky ishte përfundimi i atyre që e morën fjalën. Autori i këtij libri z.Pllana, nuk foli për përmbajtjen e veprës së vet me fjalë, por mbajti një ligjëratë të shkurtër e konkrete për gjenocidin serb mbi shqiptarët dhe pasojat e 24 elaborateve serbe për zhdukjen kolektive të popullit tonë nga faqja e dheut, si pasojë e së cilës u vranë më shumë se gjysëm milioni shqiptarë të pafajshëm, vetëm e vetëm pse ishin racë e kundërt me ekzekutorin. Këto fakte, me më shumë se 550 fotografi ai i ka shprehur në vepër, të gjitha të dokumentuara mirë, madje shumë prej tyre të nxjerrura edhe nga arkivat e Beogradit. Ky manifestim u ndoq nga shumë dashamirës tjerë të librit dhe fjalës së shkruar.

Është për t’u veҫuar edhe fjala e Prof.dr.Kurt Kalcher i cili i bëri një vlerësim të këtij libri, duke thënë se, ky libër është aq përmbajtësor dhe faktografik, sa që çdo koment rreth tij është i tepërt.

Së fundi për të gjithë të pranishmit u shtrua një koktej modest nga z.Bekim Shatri dhe Hakif Grajçevci.

Diaspora per Vendlindjen- Dashuria për vendlindjen dëshmohet me vepra

June 16, 2015 by dgreca

Nga Esad GJONBALAJ/Kur muarem rrugën e mërgimit qe te gjithë jemi nisur me shpresën se një dite do te kthehemi. Ëndrra e vendlindjes nuk shuhet kurrë ne jetën e çdo mërgimtari. Vitet ikin e shpresat veniten sepse realiteti jetësor e bën te veten dhe dritarja e mundësisë se kthimit gjithnjë vazhdon te tkurret. Vitet e 80-ta ishin vite kur Plave Gucia kjo trevë shqiptare lulëzonte nga rinia e jone e cila po edukohej dhe emancipohej me thesarin i dijes ne Universitet e Kosovës. Mirëpo vitet e 80-ta përjetuan edhe eksodin e Madhe te rinis tone nga Plava e Gucia, eksod qe e la vendlindjen tone gjysme te zbrazet .

Vendlindja jonë e gjymtuar nga plaga e mërgimit dhe e mos perspektives ekonomike pret qe sot shpresën e jetës dhe të ardhmërisë te ia kthejnë po ata që dikur e lan te vetmuar, vendlindja pret që bijtë e saj ta mbrojnë at sot në formë tjetër duke ia kthyer vendlindjes së tyre perspektiven dhe gjallërinë që e kishte dikur dhe gjat historisë.

Sot vendlindje e jonë pret që dashurin tonë ta dëshmojmë me investime konkrete që banoreve vendas që nuk e braktisen at të u’a kthejmë shpresën përmes investimeve dhe që vendoreve të u’a lehtësojmë jetën e tyre përmes mundësisë së punësimit dhe qe ata mos ta braktisin vendlindjen tone te çmuar Plavë Gucinë.

Kohëve te fundit jemi duke vrenjtur një trend te shtimit te interesimit te bashkëvendësve tone për te investuar kapitalin e tyre dhe qe me veprat e tyre këta bashkëvendas po dëshmojnë atdhedashurinë ndaj atdheut. Investimet e tilla janë shumë domethënëse duke pasur parasysh se këto investime janë ne fazën e fillestare qe ngjall shpresat qe kapitali i tubuar i Plavë Guciasëve të bëhet forcë dhe fuqi ekonomike e trojeve tona të lara me gjakun e te parëve tonë.

Investimi në Vuthaj i bashkevendasit tonë Genc Q Gjonbalaj që jeton në Zvicër për ndërtimin e fermës së viçave është investimi i par konkret në këtë fshat qe si qellim ka punësimin dhe aktivizimin e mundësive të shumta në lëmin e blegtorisë që kan Vuthajt dhe vendbanimet e tjera ne Plavë Guci. Në komunikim me Gencin kuptuam se Ferma e tijë në fillim do te ketë rreth 150 viça dhe se tregun e shitjes e ka të garantuar në tregun Evropian.

Genc Q Gjonbalaj u lind dhe rrit ne Vuthaj me kushte te rënda ekonomike, por siç thotë Genci me modesti sa ma te rënd që e kisha jetën aq ma te fort dhe te thellë dhe brumosur e kam dashurin ne shpirtin tim për Vuthaj dhe Plavë Gucinë.

Ka edhe investitor bashkevendas tonë qe dëshirojnë qe përmes investimeve të tyre të gjejnë veten ne vendlindjen e vet por edhe institucionet komunale e ne veçanti subjektet politike shqiptare duhet te jen forcë motivuese për investitorët potencial, dhe qe ti inkurajojnë ata e jo qe me veprimet jo racionale te tyre të krijojnë një klimë të disfavorshme për investimet e bashkatdhetarëve tanë gjegjësisht te Diaspore tonë

AUSTRI-U mbajt kuizi vjetor i diturisë “Linci 2015”

June 15, 2015 by dgreca

I.Lladrovci: “U bëjë thirrje prindërve shqiptarë që t’i regjistrojnë fëmijët në gjuhën shqipe”Y.Avdiu-”Të dashur vëllezër, u thërras që t’i mbushni klasat me nxënës shqiptarë, vijueshmëria është shqetësuese”. Z.Giegler: “Integrimi është çelësi i lidhjes sonë”./

Shkruan: Hazir Mehmeti, Vjenë/

Në një ambient të bukur u mbajt gara e diturisë “Linci 2015” në Landin e Austrisë së Epërm i organizuar nga Shoqata e Mësuesve Shqiptarë “NaimFrashëri” në Austri. Peshën kryesore në realizimin e programit e kishte mësuesi nikoqir, z.IsmetSinani me gjithë familjen e tij. Në garë morën pjesë mësues/e nga e gjithë Austria.
Nga Ambasada e Republikës së Kosovës ishte z.ImerLladrovci, konsull. Mysafir tjerë ishin edhez.YmerAvdiu, drejtor drejtorie për diasporë në Ministrinë e Diasporës, z.NuhiGashi, koordinator për mësimin shqip në diasporë pranë MASHT së Kosovës, z.ArifDemolli, shkrimtar.Hajro Ulqinaku, shkrimtar, FatimeBlakaj veprimtare etj. Nga vendoret mori pjesë z.StefanGiegler dhe z.BelimrZec nga Bashkia e Lincit, përfaqësuesi i Partisë SPÖ z.JakobHuber, Drjtoeresha, znj.BammerInge, Mustafa-Selimpahic, kryetar i shoqatës së mësuesve të gjuhëve amtare në Austri i cili i përshëndeti të pranishmit në emër të shoqatës që drejton. Manifestimin e drejtuan me shije Valbona Krasniqi dhe Besian Sinani. Manifestimin e hapi Kryetari i Shoqatës së Mësuesve Shqiptarë në Austri z.IsmetSinani. Ai përshëndeti në emër të shoqatës. “Sot na bashkoi Linci, një qytet me traditë e kulturë, ku strukturat udhëheqëse të qyteti gjenden në mesin e festave tona dhe të nacionaliteteve tjera duke i përkrahur aktivitetet tona në bashkëjetesën tonë shumëkulturore, për të krijuar ura lidhëse mes nacionaliteteve në Linc” Në emër të Ambasadorit të Kosovës z. Sami Ukelli, përshëndeti konsulliz.ImerLladrovci. “Ju po e trasoni rrugën e rilindësve tanë, ju fëmijë të dashur, në ruajtjen dhe kultivimin e gjuhës shqipe. Ju bëjë thirrje të gjithë prindërve shqiptarë në Austri që t’i regjistrojnë fëmijët e tyre në mësimin shqip. Ky është interesi i fëmijës, familjes, kombit. Suksese! Ai në emër të Ambasadës ndau mirënjohje z.IsmetSinani, si organizues i manifestimit. ”NuhiGashi (MASHT-Kos) përshëndeti të pranishmit në emër të dikasterit që përfaqëson. “ Uroj që gara të jetë fituese e të gjithëve dhe të jeni të lumtur”.YmerAvdiu nga Ministria e Diasporës: “Ju përshëndes të gjithëve. Dua që t’i bashkëngjitëm thirrjes së z.Konsull që të regjistrohen të gjithë nxënësit shqiptarë dhe të mbushen klasat me nxënës. Suksese!” Përfaqësuesi i qytetit të Lincit, këshilltar z.StefanGiegler:“ Mirëdita! (shqip) Në Linc jetojnë njerëz me prejardhje nga 150 kombe dhe fliten mbi njëqind gjuhë e shumë besime fetare. Ne synojmë që banorëve në qytetin tonë t’iu japim shanse për jetë e perspektivë me dëshirën të jetojmë së bashku dhe integrimin e shohim çelës i lidhjes sonë. Në këtë rast dua ta përshëndes Shoqatë e Mësuesve në Austri dhe ta falënderoj njëkohësisht për këtë angazhim në Kuizin Integrues të parin në Linc. Është me rëndësi shprehja, jo vetëm në gjermanisht por edhe në gjuhën amtare dhe kjo është shumë më rëndësi në kapjen e njohurive mbi historinë, kulturën, gjuhën e vendit të origjinës”. Znj.BammerInge, drejtoreshë: “Unë kam shumë nxënës në shkollën time dhe jam krenare me ta dhe prindërit e tyre. I falënderoj për bashkëpunimin e frytshëm!” Në emër të Shoqatës “Kosova” në Linc përshëndeti veprimtari zAfrim Dedushaj. Shkrimtari i njohur ArifDemolli lexoi nga krijimtaria e tij për fëmijëi cili u prit ngrohët nga publiku.

Në garën e Ciklit të Ulët me temën “Integrimi” morën pjesë ekipet: Linc:“Shqiponjat”, “Prizreni”, “Opoja”, “Llapi”; Welsi,”Dardanët”, nga Vjena “Fluturat”, “Bletët” dhe “Ilirët”, nga Graci ekipet “Dituria” dhe “Dita”, nga Harbergu “Dardania”, nga Welsi ekipi “Shpresat”.

Juria e përberë nga mësueset: I. Hasani, F. Aredini dhe R.Ndrecaj, fitues shpalli ekipin “Llapi” nga Linci, vendi i dytë “Dardania” Hartberg, vendi i tretë ekipi “Shpresat” nga Linci.Kuizi me temë “Integrimi” i projektuar dhe organizuar nga organizatori u mbajt në gjuhën gjermane dhe sipas njohurive të mësuara në shkollë. Kjo formë pati kritika nga disa prindërit, disa e pëlqyen por në fund ekipet mbeten të kënaqura.Në garën e Ciklit të Lartë i fillores gara u mbajt në gjuhën shqipe në formën e përgjigjeve alternative e hartuar dhe projektuar nga z.NuhiGashi (MASHT) i cili i paraqiti pyetjet sipas ecurisë së garës. Kjo formë është tërheqëse edhe për publikun e gjerë. Në këtë cikël në gara morën pjesë tetë ekipe, juria: M.Berisha, M.Demaj,F. Aredinaj, fitues shpalli grupin e nxënësve “Afrim Zhitia” nga DeutschWagrami “me mësues Ibrahim Hasani, vendi i dytë i takoi ekipit “Dukagjini” dhe të tretin ekipi “Iliria”. Morën pjesë edhe ekipet: ” Dituria”, “Yjet ” ,” Rozafa” , “Shqiponjat” e “Flamuri ” Programi artistik ishte i pasur me këngë, valle recitime nga nxënësit, ku veçan u dalluan vallet nga grupi i Gracit të përgatitura nga mësuesja Bukrije Limani. Me recitime u paraqitën:Yllka Vllahiu, Jetlira Maliqi, AgnesaSinani.Deline e Benard Krasniqi, ekzekutoi në violinë Fiona Kabashi etj. Mësuesi nikoqir i cili organizoi kuizin u përkrah nga disa donator, ku Ministria e Diasporës u dallua nëtri vitet e fundit me mbështetjen e saj çdo vit me 2 mijë eurosh. Të tjerët:Fondi SPÖ, Bashkia e Lincit, kompania “Festimi Turs”, Kompani e udhëtimi ZhitiaTurs” u dallua në bartjen e nxënësve nga Grazi në Linc dhe anasjelltas etj. Salla e bukur në Linc me pajisjet e nevojshme, foli e këndoj shqip me zërin e ëmbël të nxënësve shumë nga të cilët të veshur me kostum kombëtar, me flamuj kuqezi dhe të Republikës së Kosovës i dhanë gjallëri e kuptim që do mbetet gjatë në kujtesë. Disa pengesa si: zëri i lartë, gabimet teknike, pëshpëritjet e personave pa ndërgjegje, hamendjet e jurisë u mbytën në madhështinë e garës dhe mundi i organizatorit u shpërblye.