Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kosove- Tërheqje nga “marrëveshjet”- hapërim paravajtës

by

-Shoqata e ish të Burgosurve Politikë e Kosovës, Deklaratë për Media/ Ish të burgosurit politikë të Kosovës, ashtu si edhe të gjithë qytetarët tjerë të Kosovës, po ndjekin me ankth e shqetësim të madh zhvillimet më të reja në Kosovë dhe rreth saj, që kanë shkaktuar paralizë institucionale, tensionim në përmasa serioze të raporteve politike dhe dëmtim të ndjeshëm të gjendjes së përgjithshme të sigurisë dhe procesit të përgjithshëm shoqëror dhe zhvillimor. Në mënyrë të veçantë, ata i shqetëson thellë prirja për shkallëzim të konfrontimit politik dhe represionit policor të shoqëruar me forma të luftës speciale, që jo vetëm zvogëlojnë dhe pamundësojnë gjasat për tejkalimin e situatës së krijuar, por dëmtojnë rëndë imazhin e Republikës së Kosovës dhe përpjekjet e saj për integrim ndërkombëtar dhe evroatlantik.

            Shoqata e ish të Burgosurve Politikë, ka marrë këto ditë një sërë telefonatash, mesazhesh e postimesh, si reagim ndaj situatës më të re në Kosovë dhe dhunës së pajustifikueshme policore, pikërisht në Ditën e madhe të Flamurit, që kësaj here na erdhi edhe si festim, edhe si manifestim të ushtruar kundër oponentëve të marrëveshjes së dëmshme e të papranueshme për “Zajednicën” dhe “Marrëveshjes për demarkacionin me Malin e Zi”, dhe posaçërisht kundër burgosjeve dhe keqtrajtimeve brutale të një numri të madh protestuesish e qytetarësh të pafajshëm. Midis dhjetëra të arrestuarish dhe të keqtrajtuarish, pos disa deputetësh, liderit të opozitës dhe ish të burgosurit politik të luftës çlirimtare, Albin Kurtit, janë të përfshirë edhe një numër i ish të burgosurish tjerë politikë, midis të cilëve, edhe anëtari i Kryesisë dhe njëri nga themeluesit e Shoqatës, ish Kryetari i Komunës së Malishevës dhe njëri nga drejtuesit e UÇK-së, baba dëshmori, Gani Krasniqi, si dhe Avokati i deritashëm i Popullit, ish i dënuari politik, Sami Kurteshi, si dhe dhjetëra qytetarë të tjerë, duke përfshirë njerëz të shtyrë në moshë dhe vajza e djem të mitur, në shumë raste, bija e bijë dëshmorësh e veprimtarësh të shquar atdhetarë…

            Shoqata e ish të Burgosurve Politikë nuk i përkrah format ekstreme në luftën e brendshme politike dhe e kundërshton dhunën kundër subjekteve opozitare si dhe aktivistëve dhe adeptëve të saj, ashtu edhe aktet e dhunës kundër pjesëtarëve të policisë së Kosovës, poashtu bija, bijë e qytetarë të Republikës së Kosovës. Duke qenë e angazhuar për zgjidhjen e problemeve të pazgjidhura me dialog serioz e të përgjegjshëm, në rrugë demokratike dhe mbi bazë të vullnetit të qytetarëve dhe në përputhje me interesat e vendit, Shoqata shpreh gatishmërinë për të vënë në dispozicion angazhimin dhe ndikimin e saj përafrues e normalizues, gjithnjë në funksion të tejkalimit të situatës, normalizimit të jetës dhe funksionimit të rregullt institucional, shoqëror dhe zhvillimor. Siç dihet, Shoqata është gjithëpërfshirëse dhe gjithëpartiake; ajo bashkon ish të burgosurit politikë, pa dallim, të të gjithë brezave atdhetarë, të të gjitha përkatësive partiake, të të gjitha bindjeve politike e ideologjike dhe të të gjitha besimeve fetare. Si e tillë ajo vë në plan të parë atë që bashkon dhe jo atë që ndan e përçan.

                        Pa opozitë nuk ka as pozitë

            Shoqata e ish të burgosurve politikë, kërkon eliminimin e shkaqeve të gjendjes së krijuar si kusht për eliminimin dhe parandalimin e pasojave. Shoqata fton Presidenten, Qeverinë, Kuvendin, Gjykatën Kushtetuese dhe faktorët tjerë institucionalë që pa humbur kohë, me parimësi, transparencë e intrasigjencë t’i kontribuojnë tërheqjes së domosdoshme, të koordinuar, të planifikuar dhe të menagjueshëm të “marrëveshjeve”, qartësisht të dëmshme, të gabueshme, kundërligjore e kundërkushtetuese, gjithnjë në pajtim me frymën dhe shkronjat e dispozitave përkatëse të Ligjit për Marrëveshjet Ndërkombëtare, të Kushtetutës së Republikës së Kosovës si dhe me dispozitat përkatëse të Konventës së Vjenës për Marrëveshjet Ndërkombëtare. Një hap tërheqjeje, në të vërtetë, do të jetë një hop i rëndësishëm drejtë normalizimit, konsolidimit dhe hapërimit paravajtës.

            Në mënyrë të veçantë Shoqata kundërshton harangën kundër selive, udhëheqjeve dhe përfaqësuesve të zgjedhur të subjekteve opozitare dhe kërkon lirimin e pashtyeshëm të të gjithë të burgosurve, të arrestuarve pa të drejtë dhe pa bazë ligjore, me shkelje të rënda procedurale ligjore e parlamentare dhe me motive të dukshme politike si dhe marrjen në përgjegjësi të bartësve të akteve të dënueshme dhe urdhërdhënieve të paligjshme dhe të pajustifikueshme.

            Edhe në vendet tjera ata që kanë shumicën e vendeve në Parlament, mund të marrin vendim për suspendimin e pakicës opozitare, por kjo nuk ndodh asnjëherë dhe askund. Dhe kjo ka arsye të fortë. Vetëm me opozitën përballë pozita mund të jetë normale dhe vërtetë pozitë. Pa pozitë e opozitë nuk ka demokraci. Edhe opozita, duke bërë luftë dinjitoze, të pjekur e fisnike, jep dëshmi se çfarë pozite synon të bëhet dhe si do ta trajtonte nesër opozitën përballë saj. Ndërkaq, kur pozita (edhe kur ka shumicë numrash) suspendon opozitën, nga pozita nuk mbetet asgjë, mbetet madje një shkronjë mangut. Pozitë minus opozitë bën zero, madje edhe më pak, bën minus një…

            Duke qenë edhe vetë dëshmitarë dhe objekt i represionit të egër politik, ish të burgosurit politikë kundërshtojnë, në mënyrë të veçantë, fushatën e gjerë e të egër të arrestimeve, burgosjeve, rrahjeve, kërcënimeve, shantazheve dhe formave të tjera të dhunës politike e të propagandës speciale, të cilat më shumë se gjithëkë dhe më shumë se gjithçka dëmtojnë imazhin dhe pozitën politike ndërkombëtare të Republikës së Kosovës dhe rrjedhimisht, lehtësojnë luftën speciale antishqiptare që armiqtë e saj shekullorë po zhvillojnë me intensitet të shtuar kundër Kosovës dhe kauzës së saj.

            Shoqata angazhohet që në Kosovën e re demokratike e evropiane të mos lejohet rishfaqja dhe rilegjitimimi i fenomeneve të burgjeve, të burgosjeve e proceseve politike, të përndjekjeve politike dhe sidomos jo të formave famëkëqia të luftës speciale kundër oponentëve dhe mendimit të ndryshëm .

            Në pajtim me frymën përbashkuese të fundnëntorit përbashkues, Shoqata fton anëtarësinë e saj dhe të gjithë qytetarët pa dallim, për përmbajtje, reflektim, afrim e bashkim, në funksion të angazhimit të përbashkët për tejkalimin e grackave të rrezikshme dhe përballimin e sfidave serioze që kemi përpara. Duke u ndarë e konfrontuar rrezikohet jo vetëm ajo që është e mundshme , por edhe ajo që është tashmë e fituar, ndërkaq, duke qenë të koordinuar e të përbashkuar rreth Flamurit dhe rreth vlerave kombëtare e demokratike paravajtëse, bëhet e mundshme edhe ajo që duket e pamundshme dhe e parealizueshme; bëhet e mundshme që 28 nëntorët tjerë të jenë festë dhe vetëm festë.

 Kryesia e Shoqatës së ish të Burgosurve Politikë,

01 Djetor 2015, Prishtinë.

(foto-Behlu Jashari)

Kosova pjesë e Fondit Global për të ndihmuar parandalimin e ekstremizmit

by

Deklaratë e Presidentes së Kosovës, Atifete Jahjaga/Mirëpres vendimin e Bordit të “Fondit Global për Angazhim të Komunitetit dhe Rimëkëmbje” (GCERF), sot në Gjenevë, për ta përfshirë Kosovën në nismat e këtij fondi për të parandaluar dhe për t’u ballafaquar me ekstremizmin e dhunshëm përmes iniciativave vendore.Përfshirja e Kosovës, si njëra nga shtetet që do të përfitojnë nga fondi prej 25 milionë dollarëve, është bërë me kërkesën time për t’iu dalë në ndihmë komuniteteve të rrezikuara nga ky fenomen brenda Kosovës. Qasja në këtë fond do të krijojë partneritete të reja dhe mundësi për iniciativa të ndryshme, që do të ndihmojnë fuqizimin e qytetarëve për të luajtur rol aktiv në parandalimin e ekstremizmit të dhunshëm.Tashmë është e qartë që Kosova, si shumë vende të tjera në Evropë, është prekur nga ndikimi i rrjeteve terroriste, që promovojnë një agjendë të ekstremizmit të dhunshëm në vend dhe jashtë tij, në formë të pjesëmarrjes në luftëra të huaja dhe veprimtarive të tjera terroriste. Arrestimet e sotme, rezultat i bashkëpunimit të ngushtë ndërmjet policisë së Kosovës dhe policisë italiane, janë dëshmia më e re për shtrirjen e këtij problemi dhe kërcënimin që ai paraqet për të gjithë neve.Ne e kemi dëshmuar deri më tani se institucionet e sigurisë të Republikës së Kosovës janë plotësisht të përkushtuara që këto elemente dhe veprimtaritë e tyre të mos gjejnë vend në Kosovë, por përpjekja jonë për të çrrënjosur këtë sfidë për sigurinë e qytetarëve të Kosovës dhe të aleatëve tanë do të varet nga një bashkëpunim i gjerë dhe gjithëpërfshirës, që adreson shkaktarët që e nxisin ekstremizmin e dhunshëm.Fondit Global për Angazhim të Komunitetit dhe Rimëkëmbjes ka selinë në Gjenevë dhe është themeluar si përpjekje globale përmes partneriteti publiko-privat, në bashkëpunim me qeveritë, shoqërinë civile dhe sektorin privat, për të mbështetur përpjekjet e shteteve për të adresuar ekstremizmin e dhunshëm dhe radikalizimin. Zyra e Presidentes së Republikës së Kosovës ka bashkërenduar për së afërmi procesin e përfshirjes së Kosovës në këto nisma.Presidentja Jahjaga ka vizituar selinë e Fondit Global për Angazhim të Komunitetit dhe Rimëkëmbje në Gjenevë në mars të këtij viti, si dhe ka takuar udhëheqësit e kësaj organizate në shtator gjatë Asamblesë së Përgjithshme të OKB-së në Nju-Jork.

Shqipëria s’ka kapacitete për strehimin e emigrantëve sirian

by

Opinion nga Arben LLALLA/Çështja e refugjatëve sirian është bërë problemi botëror sot. Janë mijëra njerëz që ikin nga lufta, janë prindër me fëmijë në krah që qajnë, ikin, duke mos e kthyer kokën pas. Por për ku janë nisur sirianët? Mijëra refugjat me varka zbarkojnë në fillim në Greqi, më tej të shoqëruar nga policia greke i fusin në Maqedoni. Policia maqedonase i pajisë me një dokument 3 ditor për tu larguar në drejtim të Serbisë, Kroacisë, Austrisë dhe në fund në Gjermani. Kjo mënyrë e shoqërimit të emigrantëve sirian duke i shëtitur nga shteti në shtet është një mënyrë poshtëruese, një politikë raciste sepse këta emigrantë nuk kanë nevojë të bredhin nga shteti në shtet, por të përkrahen, tu jepet ndihma e shpejtë, ushqime dhe të qëndrojnë sa më afër Sirisë, shtëpive të tyre me qëllim pasi të mbaroj lufta të rikthehen në vatrat e tyre.

Shqipëria është zotuar të strehoj rreth 25 mijë emigrantë sirian, por sa janë kapacitetet tona për të strehuar mijëra emigrantë sirian? Mendoj se premtimi i qeveritarëve shqiptar për të pritur me afate të pa përcaktuara rreth 25 mijë sirian është i tepërt, servilizëm sepse kapacitetet tona ekonomike dhe shtetërore nuk janë në gjendej të pranojnë emigrantë. Jemi dëshmitar se përditë nga Shqipëria largohen për arsye ekonomike rreth 10 mijë shqiptar në muaj. Që nga viti 1991, rreth 1.5 milion shqiptar janë emigrantë të përhershëm në vendet Evropiane. Atëhere si është e mundur që qeveria e Edi Ramës premton të strehojë rreth 25 mijë emigrant sirian, kur vetë shqiptarët janë popull emigrantë sot? Si është mundur që ne premtojnë të strehojmë emigrantë kur ekonomia e vendit tonë është e varfëruar tej mase? Ku do strehohen këta emigrantë? Shpresoj që qeveritarët tanë mos të shkallmojnë dhe dhunojnë shtëpitë e emigrantëve shqiptar që punojnë nëpër Evropë për të strehuar dhunshëm mijëra emigrantë sirian. Shpresoj që edhe pak ajo pasuri e vënë me djersë prej 25 vitesh në emigracion mos të sekuestrohet nga shtetit shqiptar për të strehuar emigrantët sepse kjo gjë mund të ndodhi me një palo Ligj që mund të aprovojë qeveria në raste të emergjencës.

Ne nuk kemi asgjë kundër emigrantëve sirian sepse e dimë fare mirë se çfarë do të thotë të jesh emigrantë lufte, por kapacitetet ekonomike dhe strehimore të Shqipërisë e bëjnë të pamundur strehimin e rreth 25 mijë emigrantëve sirian në mesin e të cilëve mund të ketë edhe terroristë, vrasës seria, hajdutë. Kam frikën se ardhja e emigrantëve sirian në Shqipëri do e çoj ekonominë tonë të brishtë drejtë një katastrofe të urisë së zezë, do prishi edhe pak atë imazh të mirë të bashkëjetesës harmonike fetare duke patur parasysh se ne jemi një vend laik me shumë besime brenda rrethit familjar, ndërsa sirianët kanë një besim unik. Politikanët tanë të cilët gratë, fëmijët e tyre i dërgoj për jetuar jashtë Shqipërisë duhet të mendohen mirë para se të premtojnë strehimin e emigrantëve sepse kjo gjë nuk do sjelli zhvillim paqësor as në sferën e politikës së brendshme të vendit. Nuk e dimë se kush do tua paguaj rrymën elektrike emigrantëve sirian kur vetë shqiptarët nuk janë në gjendje ekonomike ta paguajnë dhe nga kjo mos pagesë dënohen me burg. Më duket një premtim qesharak dhe ironik për strehimin e mijëra emigrantëve sirian në Shqipëri, në kohën ku vetë shqiptarët e braktisin vendin e tyre si pasojë e ekonomisë së varfëruar.

 

Haradinaj: T’i kujtojmë e të përulemi para atyre që ia kushtuan jetën atdheut

by

Gjithmonë e veçanërisht në festat kombëtare, përulemi me respekt para atyre që jetën ia kushtuan  lirisë dhe atdheun. Ndjehemi më të obliguar që t’i falemi veprës së tyre sublime, por edhe më të bindur e më të përcaktuar që t’i përmbushim ato që sot i njohim si amanetet e tyre.

Kështu ka deklaruar Lideri i AAK-së Ramush Haradinaj, i cili me bashkëpunëtorë, sot në vigjilje të 28 nëntorit, Ditës së Flamurit dhe Ditëlindjes së Komandantit Legjendar, Adem Jasharit, ka bërë homazhe te varri i presidentit Rugova, Shtatorja e Zahir Pajazit, dhe më pas, edhe në varrezat e dëshmorëve në Prekaz e në Reçak.

 

AAK

PËRSE KA FRIKË EVROPA?

by

Nga Gëzim Llojdia/
 1.
Tanket në  kryeqytetin e Evropës ,cfarë tregojnë:frikë.pasiguri apo forcë?
Pamjet që edhën  këtë javë nga kryeqëndra e Evropës treguan edhe një  herë në cfarë  gjëndje është sot Evropa.Pamjet ku tankerat lëviznin rrugëve të kryeqytetit evropian fillimisht u kujtuan se i përkisnin  luftës së dytë botërore, vetëm foto apo ndërtesat,njerëzia e veshur shik  të sollën pamjen e vitit 2015 në zemër të Evropës plakë  në një stinë dimri ta sapofilluar me mjete lufte.Evropa kështu ka qenë gjithëkohës mospërfillëse ose tejet e shtirur dhe prandaj punësit kanë rrjedhur në këtë mënyrë.Shumë  vende të kësaj Evropa përfshi Ballkanin ndodhen sot larg saj nga murret që ajo ka krijuar vetë.Murre të cilat ajo i ngriti me kujdes dhe   po me kaq kujdesë i ruan.Këto murre, që c’praj fillimit të luftës së dytë botërore ende janë prezentë,hiqen diku e vendosen  në tjatër vend të saj.Këtu e ka edhe faktin frika e saj që në zemër të kryeqëndrës së saj, sot të lëvizin tanket.Terrorizmi është prezent sot në botë,mirëpo ai nuk godet kurr ball për ball.Atëherë kur se pret dhe pas shpine terrorizmi godet.Shikoni pak  rastet e terrorizmit të viteve ‘70-80 si godiste dhe nga vinte .Prandaj frika e Evropës  tregon dobësi të saj,kurrsesi forcë.
Pamje të tilla nga kryeqëndra e Evropës tregojnë  më së miri se Evropa jonë e madhe ka frikë, madje është trembur e tëra e sikletosur deri në fund, ajo nuk është sulmuar ushtarakisht   nga ndonjë shtet tjetër, por vetëm nga kamikaz të cilët ajo i ka pranuar bujarisht në gjirin e  saj fillimisht si emigrantë dhe më tej si shtetas të saj. 
Me një llaf labërishte Evropa është sulmuar nga shtetasit e saj.Përse Evropa është kaq e dobët dhe trembur kjo ka shumë arsye për tu shqyrtuar, por një gjë duhet kuptuar.Evropa pa Ballkanin ka mbetur si një trup pa krahun e djathtë të saj.Ballkani ka qenë historikisht  mburoja  nga stuhit e shekujve.
2.
Tanket në zemër të Evropës tregojnë gjumin e Evropës përball terrorizmit.Franca goditet brenda një viti për të dytin herë.I kujt është faji mos vall i një shteti tjetër.Përse shteti francez e kërkon fajin tek forma e luftës si xhihadismi dhe jo tek vetja e saj që duhet të mbrohej dhe të merrte masa, që kur u goditën gazetarët e një reviste humoristike në Parisë.Dihet se xhihadistët prej vitesh kanë synuar dhe realizuar goditje të objektivave  të Perëndimit dhe sidomos viktimizimi njerëzor me kamikaz duke e akuzuar këtë të fundit për armatimin e diktatorëve ose mbajtjen në këmbë të diktaturave në vendet e tyre duke ditur edhe faktin tjetër, që xhihadistët e sotëm shtrëmbërojnë doktrinën islame  apo janë në papajtueshmërin me doktrinat e saj.Mirëpo përball këtij rreziku Evropa ka qenë shpesh liberale ose masat karshi tij kanë qenë  foshnjarake.Viti 2015 u hap me përkujtesa dramatike që
xhihadizmi ende përbën një kërcënim të rëndësishëm për sigurinë
e shumicën e vendeve evropiane. Sulmet që gjakosën
rrugët e Paris(janar kundër zyrave
të revistës  Charlie Hebdo dhe sulmi në  Kopenhagë (shkurt kundër lirisë e ngjarjes fjalës dhe një sinagogë  fetare konfirmoi frikën që kishte qenë prej kohësh
shprehur nga autoritetet në të gjithë kontinentin.Vdekja e Osama bin Laden dhe entuziazmi nga Pranvera Arabe,(shkruan Lorenzo Vidino, PhDDirector of the Programme on Extremism Center for Cyber and Homeland Security, George.Ëashington University, Ëashington DC,) kishte shkaktuar fillimisht shpreson se lufta kundër terrorizmit dhe trashëgimia e saj toksike kishte
të bëhet një gjë e së kaluarës.Megjithatë, gjatë dy viteve  të fundit
ka pasur një realizim trishtues se lëvizje globale xhihadist është asgjë, papo  u zhduk.
Përkundrazi, ajo ka përjetuar një rigjallërimnë mbarë botën, duke përfshirë edhe në Evropë.Nuk ka tregues më domethënës i kësaj dinamike se
mobilizimin e luftëtarëve të huaj evropiane përkonfliktin në Siri dhe më pas në  Irak,mobilizimi ixhihadistëve evropian në fushë betejat e huaja nuk është një fenomen i ri.Ajo daton në vitin 1980(Afganistan),vazhdoi gjatëtë 1990 (Bosnja dhe Çeçenia), dhe u rrit nëtë viteve 2000(Afganistan,Irak dhe Somali).Edhe kështu,numri i luftëtarëve evropian me bazë që kanë arriti në Sirinë dhe Irakun që nga viti 2011 është paprecedente.Mirëpo si reagoi kjo Evropë për këtë raste.Shqyrtimi që sjell Lorenzo Vidino, PhD Director është se:Autoritetet evropiane kanë reaguar në një shumëllojshmëri mënyra.Ndërsa qasjet ndryshojnë nga vendi në
vendi.Mirëpo përse duhet  mbajtur ngrehur alarmi kundër xhihadizmit.Në të njëjtën kohë motivet fetare luajnë një rol vendimtar.Lufta fetare në lindje ka vijuar prej shekujsh në atë rajon  majde që kur u krye ndarja mes shitëve,alevitëve  dhe synive.Shumica që bashkohen me grupeve xhihadiste janë nxitur nga një urrejtje të thellë për alavitëve dhe shiitëve në shikimin e përgjithshme dhe të shohim se çfarë ata e konsiderojnë luftimin e devijuar  kundër sekteve (ndarjeve ) islamike një detyrë fetare.
Shteti islamik i qeverisur nga një interpretim i rreptë
por dhe i gabuar i Sheriati në Siri dhe Irak ,ka ngallur entuziam  tek xhihadistët me fitoret e tyrre. Kjo perspektivë në mesin e atyre që kanë përkrahur ideologjinë xhihadiste edhe për shkak të rëndësisë së veçantë të Sirisë në historinë islame dhe
eskatologjisë.Shumë faktorë të tjerë që vijnë nga këto vende duhen arsyetuar dhe shikuar se xhihadizmi sot ka një  precendet të ngulur në Sirir në këtë shtet  të copëtuar që prej katër vitesh vijonë lufta fetare për pushtete mes Assadit dhe synive opozitar dhe më tej krijimin e një minishteti islamik që ka terrorrzuar botën me vrasjet gjakatare.
A mos vallë ato shkëndija, që u ndezën tej përposh vende me  fushat  naftëmbajtëse të mos përcilleshin   deri përtej Mesdheut  në territoret e Evropës plakë?
Nga janari i sulmit të parë përshkuan  plot 11 muaj për të rigoditur në të njëjtin vend, por me një mënyrë tjetër terroriste.Përse Evropa sot që nxjerr tanket e saj nuk mori masa   duke forcuar kontrollet për emigrantët që vijnga nga vendet e luftës?
Sa i cuditshëm është fakti që Evropa ngre murre e barriera për ballkanasit, që nuk i sjellin asaj  rrezik  sepse janë banorët e saj autoktonë dhe hap kufinjtë për emigrantët mes të cilëve ,luftëtarët e xhihadit   kanë depërtuar  deri në zemër të saj,madje duke u bërë edhe banorë rezident të kryeqendrës evropiane.Në rradhë të parë Evropa duhet ta shoh veten e saj,vendimet që merr dhe në një tejqyrë të shikojë  mundësin që të integrojë Ballkanin shpejt si pjesë e saj  duke mos e lënë të pakënaqur aq edhe duke mos e lënë pre të xhihadistëve apo rrymavev fetare, që kërkojnë të penetrojnë në këto vende.