Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Sfida të reja për PD në 30 vjetorin e themelimit

by

Partia Demokratike, që ka hyrë në histori si partia, e cila rrëzoi regjimin komunist në Shqipëri, feston 30-vjetorin e themelimit. Mesazhe urimi vijnë edhe nga politikanë europianë.

Partia Demokratike, (PD) e para dhe më e madhja Parti Opozitare në Shqipëri feston të shtunën (12.12) 30 vjetorin e themelimit të saj. Ajo ka hyrë në histori si partia që rrëzoi diktaturën komuniste, më të egrën ndër vendet e ish-Europës Lindore komuniste.

“30 vjet më parë  u ngritëm nga hiri i një vendi të shkatërruar. Ne sollëm demokracinë, anëtarësuam Shqipërinë në NATO, dhe bëmë të mundur lëvizjen e lirë, pa viza, ne jemi zëri i popullit që nga dita kur përmbysëm diktaturën komuniste, që nga ditët në shesh ne jemi në shërbimin të shqiptarëve, jemi zëri i tyre,” theksoi Lulzim Basha, kryetar i i PD, në  një video mesazh  të publikuar të shtunën në median sociale.

PD u themelua 1 ditë pas shpalljes së pluralizmit politik nga presidenti i fundit komunist, Ramiz Alia, dhe 3 ditë pas Lëvizjes Studentore,  më 8 dhjetor 1990, duke ndezur shkëndijën e protestave që sollën përmbysjen e regjimit komunist, 46 vjeꞔar. Kryetari i parë i PD, Sali Berisha, mbetet lideri i saj historik dhe një nga politikanët kryesorë të së djathtës në Shqipërinë post- komuniste. Ai ka qenë President i Republikës, 1992-1997 dhe Kryeministër në dy mandate, 2005-2013.

Ne shkurt të vitit 2019 deputetët e Partisë Demokratike hoqën dorë nga mandatet e tyre parlamentare dhe nisën protestat 4 mujore për rrëzim të kryeministrit Rama, i akuzuar prej se ” fitoi mandatin e dytë qeverisës, 2017-2021 me vota të vjedhura”.

PD nuk mori pjesë në Lokalet 2019 gjë që solli që nga 61 bashki që ka Shqipëria 60 prej tyre të drejtohen nga kryetarë bashkish, që i përkasin PS në pushtet.

Sfida të reja përpara për PD

Donald Tusk, Presidenti i Partive Popullore Europiane, ku bën pjesë edhe PD, në mesazhin e urimit për 30 vjetorin e themelimit thekson se ajo ” i dha fund regjimit komunist dhe orientoi Shqipërinë drejt Evropës”. “PD ka sfida të reja përpara” vë në dukje Donald Tusk.

Kreu i Unionit Demokrat Ndërkombëtar (IDU), Stephen J. Harper në mesazhin e tij të urimeve thekson se ky Union ” ka besuar tek PD si një mbështetëse e vendosur e lirisë dhe demokracisë në kushte shumë të vështira të të bërit politikë. Ne jemi shumë të vetëdijshëm për sfidat e përditshme që përballet PD si parti politike në Shqipëri”. Ish-deputetët e PD janë pjesëmarrës në reformën zgjedhore, duke u bërë kështu pjesë e sistemit politik, edhe pse jashtë Parlamentit. PD do të marrë pjesë në zgjedhjet parlamentare të radhës, në prill 2021.

“VATRA” DËNON VRASJEN E QYTETARIT TË PAFAJSHËM KLODIAN RASHA

by

DEKLARATË E FEDERATËS PANSHQIPTARE TË AMERIKËS”VATRA”/

New York, më 8 Dhjetor, 2020- Federata Pan-Shqiptare e Amerikës “VATRA”, po e përcjell me shqetësim situatën në Shqipëri pas vrasjes nga policia të qytetarit të pafajshëm Klodian Rasha.

Në emër të Kryesisë,Këshillit, Degëve, anëtarësisë të Fderatës Panshqiptare të Amerikës “VATRA” i shprehim ngushllime të sinqerta familjes dhe të afërmeve të të ndjerit Klodian dhe I bëjmë thirrje drejtësisë që të zbardhë me detaje ngjarjen.

VATRA dënon me forcë ndërhyrjen brutale nga policia e shtetit nëpërmjet përdorimit të pajustifikuar në ligj të armëve ndaj qytetarëve të pafajshëm dhe të pambrojtur.Sikurse kemi përshëndetur arritjet e Shqipërisë ndër vite të tranzicionit demokratik, po ashtu i tërheqim vëmendjen qeverisë së Tiranës që të heqë dorë nga ushtrimi i dhunës psikologjike deri në vrasjen e qytetarëve. Metoda të tilla Staliniste të injektimit të frikës nëpërmjet përdorimit të forcës dhe armëve, nuk shkojnë në përputhje me rolin e dhe detyrën e qeverisë dhe shtetit demokratik në mbrojtje dhe në shërbim të qytetarëve.

Me këtë rast, solidarizohemi plotësisht me protestuesit shqiptarë dhe i bëjmë thirrje qytetarëve të Shqipërisë që të jenë në nivelin maksimal të ndjeshmërisë dhe rezistencës popullore me të gjitha mjetet që lejon ligji. Heshtja kundrejt akteve të dhunës policore tregon nënshtrim dhe braktisje të të drejtave dhe idealeve demokratike. Reagimi në mbrojtje të të drejtave dhe lirive njerëzore është përgjegjësi civile dhe pjekuri qytetare.

Federata Pan-Shqiptare e Amerikës *VATRA”

***

PAN-ALBANIAN FEDERATION OF AMERICA, VATRA

New York, December 8, 2020

STATEMENT

The Pan-Albanian Federation of America, VATRA, is deeply concerned about the situation in Albania, after police shot and killed the Albanian citizen Klodian Rasha. On behalf of The Vatra Federation members, we express our sincere condolences to the family and relatives of Klodian.

The VATRA Federation strongly condemns the unlawful use of weapons and brutal police intervention against the innocent and unprotected citizens. As we have applauded Albania’s achievements during the recent years of democratic transition, also we would like to draw the attention of Tirana Government toward its practice beyond limits of psychological abuse or killing of its own citizens. Such Stalinist methods of injecting fear through the use of force and weapons, do not line up with the democratic Government’s role and duty to protect and serve the Albanian citizens.

Meanwhile, we express our full solidarity and support to the protesters. Our call goes to all people of Albania to stand up for their rights by all lawful means of protesting. Silence toward the police violence is a sign of social weakness and abandonment of democratic rights and ideals. Fighting for your own human rights is a civic responsibility.

The Pan-Albanian Federation of America, VATRA

LIRIA QË NUK TROKITI KURRË NË DYERT TONA…

by

NGA AGUSTIN MIRAKAJ/

Misioni Ynë është që të mos heshtim, të ngrihemi e të përmbysim fëmijët e baballarëve të bllokut.

“ATA TË VRASIN NATËN DHE TË QAJNË DITËN”

‘QEVERIA Shqiptare’ është e ndërtuar mbi themelet e krimit. Sot ajo tregoi dhe njëherë që është vrastare. Kohët e fundit populli është i shtypur, i limituar, i shkatërruar nga mafja në pushtet. Në emër të Covidit., SHQIPËTARI është i sunduar dhë nënshtruar kthyer në SKLLAVË.

Shteti pushkatoi të riun 25 vjeçar, të ardhmen e vendit. Dje dhe Sot ne përfaqësohemi nga kriminelë të veshur me Pushtet. Shteti dhe krimi janë një dhe të pandarë.

SOT SHTETI BURGOS DHE VRET TE PAFAJSHMIN. LIRON KIRMINELIN.

SHTET MAFJOZ I PËRBËRË TOTALISHT NGA MAFJOZË që marrin peng të ardhmen dhe vrasin njerëz të pafajshëm. Shteti kthehet në killer gjakftohtë.

SHQIPËRIA NË RREZIK.

DIKTATURA DHE NJË HERË TREGOJË DHËMBËT e pamëshirshëm.

Heshtja është një shenjë e pëlqimit të atyre që nuk pajtohen me idetë e të ecurit përpara.

LIRINË nuk ta sjellë njeri, TI NGRIHESH DHE E FITONË ATË.

Heshtja është skllavëri.

HISTERIA COVID-JANE-Përmbledhje faktesh dhe komente…

by

Dr Roger Hodkinson:Pandemia Corona-virale asht “MASHTRIMI ma i madh dhe qëllimkeq, i ndërmarrë ndaj publikut… Është absolutisht një HISTERI publike e drejtuar nga media dhe politikanët….Ne jemi duke pa politikanët duke lujtur mjekësi, dhe kjo ashtë një lojë shumë e rrezikshme…/

SHKRUAN PËR DIELLIN : DR. ZEKRI PALUSHI-AUSTRALI/

             Qëllimi i këtij shkrimi është THEKSIMI i fillimit të hershëm të mjekimit ,në  të sëmurët me COVID-19, që pak më poshtë, po e trajtoj shumë thjeshtë.

Për t’lehtësuar sado-pak panikun, ankthin frikën dhe konfuzionin e qëllimshëm, por krejtësisht të pa-nevojshëm -që qeveritarët e ndryshëm, dhe medjat në të gjithë botën, kanë filluar ti përdorin kudo, e pa-pushim, që nga Marsi e n’vazhdim – dashje-pa-dashje, kanë hyrë dhe kanë zënë vend, në palcën kockore të sejcilit!  Po e filloj pak me PSYKOTERAPI. 

           Për këtë arsye, -fillimisht po komentoj  “fizio-pathologjinë” e ngjarjeve të lidhura me COVID-19, -në mënyrë që ju të njifeni ma konkretisht me “rrezikshmërinë” e këtij virusi dhe “mbartësit” e tij t’vërtetë.

       Siç shifet, nga rrjedhimi i ngjarjeve të deri-tanishme,- rrënjët e ktij problemi qëndrojnë në marrdhënjet mes qeverive, dhe kshilltarëve të tyre mjekësor. Qeveritarët vazhdimisht thonë se ‘udhëhiqemi nga shkencat’, -kur në t’vërtetë, vendimet e tyre janë krejt politike,- të mbështetur në PSEUDOSHKENCAT. Faktet e mëposhtme, tregojnë se -Qeveritë, në përpjekjet përfundimtare të arritjes së qëllimit të tyre -gjithnjë “në emër të mbrojtjes së shëndetit të popullit”, dhe “në emër të shkencës”, – po abuzojnë popullin, dhe injorojnë shkencat.

Këshillat dhe mendimet profesionale të shkencëtarëve të vërtetë mjekësor, në lidhje me masat mbrojtëse kundra COVID-it,-jo vetëm që i kanë injoruar, por edhe i kanë çensorizuar, bllokuar, apo ndaluar të publikohen. 

Dukshëm, qëllimi i masave qeveritare të deri-tanishme, s’ka të bajë me kontrollimin e COVID-19, -por ka të bëjë me kontrollimin e Sjelljes Njerëzore.

Lord Jonathan Sumption, -një nga Gjykatësit e Gjygjit të Naltë Britanik,- në një intervistë me ‘The Post’,- me datën 30 Mars 2020, -paralajmëroj se rregullat e ndryshme të marruna nga qeveritë për COVID-19,- janë duke shtruar rrugën për DESPOTIZEM- ushtrim ABSOLUT i fuqisë shtetërore, në një mënyrë tiranike brutale. 

Fakti që për t’njëjtin problem, -pra për COVID-19, -qeveritë e ndryshme, kanë nxjerrë rregulla të ndryshme, -tregojnë se vetë PANDEMIA ashtë thjeshtë një AVENTURË POLITIKE. 

Për ne, -tashma, ka ardhur koha që të kuptojmë e pranojmë se COVID-19, do të jetë në mes nesh, përgjithmonë, –si të gjithë viruset e tjera. E shumica prej nesh, -sado që të fshihemi në bodrumet tona, -herët-a-vonë, do të infektohemi prej tij, në mos sivjet, -vitin tjetër. Lajm i mirë është se ky virus, me kalimin e kohës zbutet në virulencë, -ndërsa shton aftësitë infektuese, (pra, infektohen më shumë njerëz por në forma të lehta)                         

Ne jetojmë në një Ekonomi Globale, dhe ky është një infeksion GLOBAL, -pra PANDEMI. Kështu që, -na pëlqen kjo, apo jo, -bota asht duke shkuar drejt një IMUNITETI INDIREKT (herd immunity), -një fenomen natyral, që shkaktohet kur një përqindje e mjaftueshme e popullsisë krijon mbrojtje imunitare, ndaj një infeksioni të kaluar më parë. Ky asht një koncept i viteve 1930, -kur ishte vënë re se pas një numri t’madh fëmijësh të infektuar me fruth, (measles) -numri i infeksioneve të reja ishte ulur. 

Këtë fenomen natyral, e dinë fort mirë edhe qeveritarët djallëzor -megjithatë ato janë duke vazhduar të shesin FRIKËN dhe KONFUZIONIN për t’fitue VOTAT e popullit, -si shpërblim për “mbrojtjen” ndaj COVID-19!

Nuk asht e çuditshme që Dr Anthoni Fauçi, -në vitin 2017, pak ditë para inagurimit të Trump-it si president, të mbante në Qendrën Mjeksore Universitare të Georgetown, fjalimin ‘Pandemia në administratën e ardhshme’,-ku ndër të tjera ka thanë: ‘Pa diskutim që Administrata e ardhshme do të sfidohet në fushën e sëmundjeve Infektive’,-kjo, kur deri m’tani ne dimë se -COVID-19, u shfaq ma s’pari, nga fundi i vitit 2019 në Kinë, -ndërsa kitet e testimeve, çuditërisht ishin shpërndarë pothujse në t’gjith botën, gjatë viteve 2017-2018!

Intersante asht edhe fakti që Qendra Amerikane e Kontrollit dhe Prevenimit të Sëmundjeve, (Center for Disease Control and Prevention), zotron jo vetëm patentën e coronavirus-it, -por edhe patentën dhe të drejtat ekskluzive të Metodologjisë së Testimeve. 

Ndërsa qeveritë janë përqëndruar në testimet, (që n’shumicën e rasteve janë fals, dhe japin rrezultate false), –për mjekimin apo terapitë efektive për sëmundjet e rrugve të frymëmarrjes të shkaktuar nga COVID-19, -jo vetëm që s’interesohen, por ndalojnë të publikohen, edhe ato ilaçe ekzistuese që specialistët ma të mirë në fushën mjekësore, i rekomandojnë, si tepër të suksesshme, në trajtimin e këtij infeksioni.

Aty ku u intereson, shkojnë edhe kundra udhëzimeve të Përfaqësuesit Special të OBSH-së për COVID-19, David Nabarro, -i cili, me 8 Tetor ka thanë se: “Ne,- në Organizatën Botrore të Shëndetësisë, nuk i këshillojmë, apo përkrahim mbylljet e njerëzve në shtëpia (lockdowns), -si një mjet primar për të kontrollue këtë virus”.   

 Në lidhje me mbylljet nëpër shtëpia, (LOCKDOWNS), -Dr Matt Strauss, -Queen’s University, Canada, ka thanë: “Nqs lockdowns do të ishin ilaçe që jepen me receta për COVID-19, -atëherë  Administrata e Ushqimeve dhe Ilaçeve, (Food and Drug Administration, FDA), kurrë s’do ti aprovonte për konsum njerëzor”,-por edhe kjo nuk ju intereson qeverive.   

Injorimet e Qeveritarëve janë të pa fund,-në lidhje me MASKAT,ato kanë injoruar, e po injorojnë edhe institucione e specialistët më të njohur në fushën e mjekësisë botrore,

Për shembull: OBSH-ja: – ka thënë se: “…nuk kemi një evidencë direkte në efektivitetin e përdorimit të maskave në përgjithësi, që t’prevenojnë infeksionet nga viruset respiratore, përfshi edhe COVID-19, në njerëzit e shëndetshëm të komunitetit. (Qershor 2020).

Qendra Amerikane e Kontrollit të Sëmundjeve, (U.S Centre for disease Control): “Nuk i ka rekomandue Amerikanët të përdorin maskat-faciale, për të prevenue Coronavirusin”. 

DR Russell Blaylock- neurokirug, pedagog, specialis shëndeti, kërkues shkencor me famë botërore, -ka thanë: “Përdoruesit e maskave faciale, duhet të jenë në dijeni se, viruset e frymë-nxjerruna, që ngelen në maskë, merren përsëri me frymë-marrjen, duke shtuar kështu koncentrimin në mushkri, dhe në hapsirat e hundës, nga ku hyne në nervat olfaktore, dhe hyjnë brenda në tru. 

 Mbi të gjitha, dihet se coronavirusi asht aq i vogël sa do të duheshin 1000 prej tyre me arritë madhësinë e diametrit të një fije floku, duke e ba kështu një  maskë prej bezi, si më thanë, të bënim një gardh me zinxhirë për t’u mbrojtur nga mushkonjat. 

 Dr Margarite Griesz-Brisson MD,PhD, -konsulent Neurologjist, dhe Neuro-Fisiologjist, me PhD në Farmakologji, dhe me një Interesim Special në Neuro-Toksikologji, -thotë se: -ri-thithja e ajrit që ne nxjerrim, patjetër që krijon defiçit oxygjeni (O2), dhe përmbytje me Dioxid Carboni (CO2). 

Ne dimë se truri i njeriut asht shumë sensitivë ndaj deprivimit të O2. Për shembull, qelizat nervore të Hipokampusit (në trurin tonë)- s’mund të jetojnë ma shumë se 3 minuta pa O2. Shenjat paralajmëruese të formës akute janë: -dhimbjet e kokës, përgjumësia, marrje mendësh, ulje të përqëndrimit, etj., -megjithatë në format kronike të deprivimit të O2, këto shenja “zhduken”,-por pamvarësisht kësaj, pamjaftueshmëria e O2 në trurin tonë vazhdon të progresojë. Ne dimë që sëmundjet neuro-degjenerative marrin vite për t’u zhvilluar, apo shfaqur, -psh., nqs sot harroni numrin e telefonit tuaj, kjo do të thotë se damtimet e trurit tonë mund t’kenë filluar vite më parë. Kështu pra, kur ju mendoni se tashma u mësuat me maskat, dhe ri-thithjen e ajrit të nxjerrun nga mushkritë tuaja, -proceset degjenerative në trurin tuaj janë në zhvillim dhe duke u shumëzuar.

Problemi i dytë asht se në këto kushte, qelizat nervore të trurin tonë s’janë të afta për tu ndarë si normalisht. -Kshu pra, -edhe nëse qeveritë, në pak muaj, do t’na lejojnë ti heqim maskat, – prap-se-prap, qelizat nervore të humbur, nuk mund të rigjenerohen ma.

Ajo vazhdon duke thënë se: shkaktimi me ndërgjegje, i deprivimit të O2, ashtë një dëmtim i qëllimshëm i shëndetit të njeriut,- dhe kjo duhet me qenë një KONTRAINDIKIM ABSOLUT MJEKËSOR, -që në mjekësi do të thotë se: ky ilaç, kjo terapi, kjo metodë apo masë, s’duhet të përdoret, apo s’asht e lejueme të përdoren. 

 Dr Griesz-Brisson, më poshtë bane thirrje: “Të dashur kolegë,- ju LUTEM, ne të gjithë duhet të ZGJOHEMI”,- Unë e di se sa dëmtues asht deprivimi i O2 për trurin, një kardiologjist e dinë se sa i dëmshëm asht ai për zemrën, një pneumolog e din se sa i damshëm asht ai për mushkëritë…,-Deprivimi i O2 damton sejcilin prej organeve të trupit tonë.

Kush asht përgjegjës për këto KRIME? -Ato që duan t’i detyrojnë njërëzit me forcë që ti mbajnë maskat? Ato që e lejojnë këtë që të ndodhë, dhe pajtohen me to, apo ato që se prevenojnë këtë që të ndodhë?

Të njëjtën gja ka thanë Dr Roger Hodkinson, a top pathologist, dhe CEO për Kompaninë  Bioteck, që prodhon Testet për COVID, -në një tele-konferencë me zyrtarët e qeverisë Kanadiane në Alberta, ka thanë: “ Pandemia Corona-virale asht “MASHTRIMI ma i madh, dhe qëllim-keq, i ndërmarrë ndaj një publiku që se dyshonte, -ai vazhdon duke thanë se: -Është absolutisht një HISTERI publike e drejtume nga media dhe politikanët, -ai thotë se: “Ne jemi duke pa politikanët duke lujtur mjekësi, dhe kjo ashtë një lojë shumë e rrezikshme”. 

Ai vazhdon në lidhje me testet, duke shpjeguar se: “Rezultatet pozitive të Testeve s’tregojnë për një infeksion klinik”, (“Pozitive test results do not mean a clinical infection”), -Të gjitha testet duhet të ndalohen, sepse prodhimi fals i numrave që ato prodhojnë, janë duke drejtue HISTERINE PUBLIKE.

Fox 35, në muajn Korrik investigoj një numër t’pa fund laboratorësh, dhe gjeti se ato kishin raportuar 100% POZITIVE, testet për COVID-19! – Dhe se shumica e laboratoreve në Florida, s’kishin raportue asnjë COVID-test, Negative. Në Orlando, 83 njerëz të testuar për COVID-19, -të gjithë ishin raportuar ‘Positive’, gjë që është e pa-mundur statistikisht. 

Pra, defektet në Sistemin e testimeve, janë duke dhanë në mbi 50% të rasteve, rezultate ‘Falls-Pozitiv’.

Po kshtu, i pa-vlefshëm asht edhe Distancimi Social, -sepse COVID-19, shpërndahet nga aerosols, -që udhëtojnë rreth 30 metra, përpara se t’ulen në objekte.  

Tani, një “koincidencë” statistikore: -Departamenti i Shendetit në Australi me 31 Tetor 2020, raportoi 36 vdekje nga gripi, -ndërsa vjet, -po në të njëjtën periudhë, kanë raportuar 943 vdekje nga gripi. Ndërkohë, numri total i vdekjeve nga COVID-19, deri m’tani, në Australi, është raportuar 907, -nqs ne i shtojmë këtij numri, 36 vdekjet e sivjetshme nga gripi, -pra 907+36=943, -del i njëjti numër me atë të vdekjeve të vitit 2019, t’shkaktuar nga gripi.   

Për mendimin tim, -tepër shqetësues asht edhe kjo intervistë telefonike e Dr Scott Jensen, -senator i shtetit Minesota,-dhënë gazetarit të mirënjohur amerikan,-Jon Rappoprt: Ai shprehu qartë se, pacjentët që kanë Medicare, dhe diagnostikohen me një pneumoni të thjeshtë, mund ti sjellin spitalit 4.600 dollar, nga Medicar-a, por nëse i njejti pacjent, etiketohet “COVID-19 pneumonia”, – spitali merr 13.000 dollar, dhe nëse ky pacjent vihet në ventilator, atëherë spitali merr 39.000 dollar.   

Në këto raste, kur shteti i ban të ligjshme abuzimet e tij ndaj qytetarëve të vet, -s’na mbetet gja tjetër në dorë, përveç BINDJES ndaj Ligjeve, dhe VET-KUJDESIT.

Pra tash po flas pak për MJEKIMIN, -dhe para se ta përmbledh atë, po përshkruaj shkurtimisht rastin e kardiologut të mirënjohur nga Texas, -Profesor Peter McCullough. 

-Ai sapo ka kaluar një infeksion me COVID-19, thotë se vuan edhe nga Asthma bronkiale dhe sëmundje arterosklerotike të zemrës, – por që ndjehet pothujse 100% i shëruar, pas një trajtimi me Hydroxychlorquine, Ivermictin, Doxycycline, Azithromycine,-dhe pas 8 ditësh mjekimi, ai thotë që ndjehesha mjaft mirë, sa edhe kamë vrapuar. Ai tregon se të njëjtin mjekim i ka dhanë edhe babës së tij, që jeton në një Shtëpi Pleqësh, dhe si rrezultat i këtij mjekimi, ai u ba mirë, e s’pati nevoj që të hospitalizohej. 

Ai e ka publikue këtë protokoll në Rrevistën Mjekesore Amerikane (Amerikan Journal of Medicine),-në muajin Gusht:

-Hydroxychloroquine (plaquenil), 200mg,-nga 2 tableta, dy herë në ditë, ditën e parë, -pastaj 1tablet dy herë në ditë, për 5-10 ditë.

-AZITHROMYCIN 500mg, -1 tablet në ditë, për 5 ditë

-Zinc Sulfate (supplement), -220mg, një herë në ditë për 5-10 ditë.

Ai thotë se “Shanset kur Hydroxychlorquina nuk punon, janë kalkuluar të jenë 1 në 17 miljard, dhe se “Nuk ka kundërshtime që Hydroxychlorquina, nuk punon, -Kundërshtimet janë në përqasjen e Autoriteteve të Shëndetit Publik, ndaj COVID-19.

Për profilaksinë e mpiksjes së gjakut (blood clottings), -ai rekomandon ASPIRINË 325mg në ditë.

Ai thotë se: “unë kurrë s’kam menduar që një ditë mund të shof se doktorët censorizohen, dhe pacjentve u denjohet kujdesi”.

Fatkeqësisht si në Amerikë, Australi, e në shumë vende të tjera të botës, -përveç Indisë dhe Greqisë, nuk e rekomandojnë, e as nuk i lejojnë mjekët që ti japin kto ilaçe, -nga ana tjeter s’kane marre as mundimin ma te vogel per te prodhue ilaçe te posaçme per COVID-19, -ato mjaftohen duke leshue urdhera per ti detyruar njerezit qe te mbyllen ne shtepite e tyre, e te presin deri sa të prodhohen vaksinat!

India qysh në Mars, e ka perdorur Hydroxychloroquinen, 400mg (2 tableta), një herë në javë, edhe si PROFILAKSI, për punonjësit shendetësor, -doktorat, infermjerë, në pacjentët me rrisk të madh, në antëtarve e familjeve të individve të ekspozuar ndaj COVID-19.Dhe si rezultat i kësaj profilaksie, -dhe mjekimit të hershëm me hydroxychloroquine, -vdekshmëria ka qenë më pak se 100 për 1.000.000, -ndërsa në Amerikë, -ku profilaksia dhe mjekimi i hershëm,  nuk janë rekomanduar, -vdekshmëria ka qenë rreth 800 për 1.000.000.

Ndërsa profesori Australian Thomas Borody,-duke përdorur një teknologji shumë të avancueme, ka shpik tripletherapinë për shërimin e ulçërs peptike të stomakut që sot përdoret në të gjithë botën, ka shpikur një triplet herapy për trajtimin e Crohn’s disease, e po kështu,-edhe tripletherapinë për trajtimin e COVID-19.

Protokolli i ktij mjekimi asht:

-IVERMECTIN 3mg, -4 tableta, që jepen njëherësh në mëngjez, në ditën e parë, në ditën e katërt, dhe në ditën e 8të.

-DOXYCYCLINE 100mg,-1 tablet dy herë në ditë, për 10 ditë,

-Zinc supplement, -1tablet ç’do mëngjez, për 10 ditë.

Profesor Borody ka thanë se: “Literatura Clinike asht duke u shtuar  shumë në të gjith botën, ku thuhet se përdorimi i Ivermectin-tripletherapise,- kuron 100% rastet me infeksione nga COVID-19, dhe përmirësimet e shenjave të sëmundjes shifen brenda 4-6 ditësh.

Çfare asht IVERMECTIN-a?

Asht një anti-parazitik i zbuluem në vitin 1970, -ban pjesë në Listen e Ilaçeve shumë t’rëndësishme (List of Essential Medicines), -të Organizatës Botrore të Shëndetësisë.

Ndërkohë, po ju ri-kujtoj edhe një herë Protokollin e trajtimit me HYDROXYCHLOROQUINE:

-Hydroxychloroquine 200mg,-2 tablet, dy herë në ditë, ditën e parë, pastaj 1tablet dy herë në ditë, për 5-10 ditë.

-AZITHROMYCIN 500mg, -1 tablet në ditë, për 5 ditë

-Zinc Sulfate (supplement), -220mg, një herë në ditë për 5-10 ditë.

Dëshiroj të theksoj se këto dy protokolle, në rast nevoje,- mund të gërshetohen me një efekt të shkëlqyer, dhe pa efekte ansore të rëndësishme. 

Për të dy  protokollet, shtohen edhe:

-Vitaminë C, 500mg, 2 tableta, tri herë në ditë,

-Vitaminë D (apo D3), 1000 IU në ditë.

Po CORTICOSTEROIDET a mund të përdoren në infeksionet nga COVID-19?

Të gjith e dimë efektin e “Thikes me dy prersa” të corticosteroidve.

Edhe OBSH-ja, nuk i kshillon corticosteroidet për menaxhimin ë Infeksioneve respiratore acute te rënda,- shkaktuar nga COVID-19, -veçse nqs ashtë edhe një arsye tjetër, dhe nqs kjo arsye ekziston, atëher . Nqs ka një arsye për tu përdorur, -atëherë OBSH-ja rekomandon dhanjen e DEXAMETHASONIT, HYDROCORTISONIT apo PREDNISOLONIT, në ato raste shumë të rënda, por JO në rastet e lehta. 

Ndërsa,- Dr McCullough, në protokollin e tij, thotë se, nqs i sëmuri zhvillon symptoma respiratore, apo pas 5 ditësh, s’ndjehet ma mirë, – atëherë jepet PREDNISONE 1mg/kg, -një herë në ditë, për 5 ditë, si dhe COLCHICINE 0.6mg, -1 tablet, dy herë në ditë.

Konkludoj se njerëzit janë duke vdekur ma së shumti prej mungesës së kordinimit të udhëzimeve korrekte të trajtimit mjekësore, se sa nga infeksionet covid-jane. Kjo duhet të ishte ‘thembra e Akilit’, -ku OBSH-ja, dhe qeveritë, duhej të përqëndroheshin, dhe të kordinonin punën, me mjekët në të gjithë botën. 

Dhe tani po e mbylli shkrimin tim, duke qenë pak sarkastik, -Sa interesant asht që si problemet e COVID-19, -ashtu dhe të Ndryshimit të Klimës, -kanë të njëjtën zgjidhe:- shkatrrimin e ekonomisë, fundin e kapitalizmit, shtetin policor, dhe një qeveri  komuniste, për të gjithë botën! Kjo mund të jetë vetëm një “KOINCIDENCE”!

IDETË DHE PARIMET E ATË GJERGJ FISHTËS PËR ORGANIZIMIN E KOMBIT E TË SHTETIT SHQIPTAR

by

NGA EUGJEN MERLIKA/

Më 30 dhjetor të këtij viti mbushen plot 60 vjet vjet nga ndërrimi jetë i Atë Gjergj Fishtës. Kishte lindur 69 vite më parë, më 1871. Fëmija, që e bëri të pavdekshëm në kujtesën historike të shqiptarëvet emrin e fshatit ku lindi, pati fatin të pagëzohej me emrin Zef nga poeti e meshtari arbëresh Atë Leonard de Martino. Ky pagëzim prej një poeti, ndoshta, ishte një rastësi profetike e një paralajmërim i atij personaliteti madhor të fëmijës, që do të bëhej një nga personazhet më në zë të letërsisë e historisë shqiptare, para e mbrapa krijimit të Shtetit të pavarur. Personalitet shumë përmasor që arrin maja në poezinë epike, që mbetet i paarritshëm n’atë satiriken, ndër më të spikaturit në lirikë e dramaturgji, me një ndihmesë madhore në publicistikë e në jetën politike e diplomatike, një nga themeluesit e njerzit e mëdhenj të arsimit kombëtar, Atë Gjergj Fishta hyri me të gjithë peshën e tij të stërmadhe në historinë shqiptare të gjysmës së parë të shekullit XX.

Gjithë jeta e tij, fatmirësisht e gjatë për treguesit e kohës, qe një dëshmi e gjallë e forcës së dyshes “Fe e Atdhe” që, për epokën dhe prirjet vetiake të personazhit, ishte Ylli polar që ndriçonte rrugën e Shqipërisë, e cila luhatej mes fundit të një epoke të gjatë pushtimi otoman, që kishte kushtëzuar katër shekuj e gjysmë të jetës së saj të hirtë, e çeljes së një tjetre, e cila kishte një lindje tepër të vështirë, mes pasigurish, cungime trojesh, ndarjeje të kombit, armiqësish të jashtme e mendësish frenuese të mbrendshme. Kësaj epoke historike i dhuroi veprën e tij të gjithanëshme, që nga poezitë e para tek “Albania” e Faik Konicës deri tek kryesimi i Kongresit të Manastirit për alfabetin e shqipes, nga mesha e parë në kishën e Troshanit tek drejtimi i shkollës së Fretërve, nga ngritja e flamurit të Skënderbeut në Shkodrën e administruar nga Komisioni Ndërkombëtar i Kontrollit tek veprimtaria në Komisinë Letrare, e cila vuri bazat e shkencës gjuhësore shqiptare, nga pjesëmarrja në Dërgatën e Qeverisë së Durrësit në Konferencën e paqes në Paris tek veprimtaria e dëndur në Parlamentin e parë shqiptar, nga takimet me Papën Benedikti XV, për të kërkuar ndihmën e tij për Korçën e Gjirokastrën, pjesë të pandashme të Shtetit shqiptar tek vizita në SHBA, për të siguruar njohjen e atij Shteti nga diplomacia e atij Vendi të madh.

Në gjithë ata vite të gjata veprimtarie atdhetare nuk e hoqi kurrë zhgunin e françeskanit e nuk reshti së shkruari në gjinitë e ndryshme letrare, duke i lënë trashëgimisë letrare shqiptare e katolike një nga thesarët më të çmuar të gjithë historisë së tyre. Vepra e tij, e përmbledhur dhe botuar në dhjetë vëllime vetëm në vitin 2012, më shumë se njëqind vjet mbas botimeve të pjesëve të ndryshme të saj, tregon se sa mosmirënjohëse dhe e padrejtë, deri në kriminalitet, qe Shqipëria e “dreqit të kuq” kundrejt krenarisë së kombit. Tre breza shqiptarësh nuk i njohën as emrin atij që bota e huaj e kishte vlerësuar si “Homeri i Ballkanit” e që e kishte nderuar me çmime e medalje, që nga Turqia deri tek Austro – Hungaria,  Vatikani e Greqia. I pari poet shqiptar, i pranuar si antar i Bashkimit Ndërkombëtar të Poetëve, një Shoqatë botërore e themeluar në New York, me përfaqësues nga 60 vende, e mbylli jetën e tij, si i vetmi antar shqiptar i Akademisë së Shkencave dhe Arteve të Italisë.

Asnjë nga këto merita të shquara të Gjeniut të Kombit nuk e penguan regjimin kundër kombëtar të komunistëve shqiptarë, të hidhte në lumin Drin eshtrat e tij e të varroste në harresën e shoqërisë emrin e tij të ndritur, duke e mbiquajtur “shovinist”, “fashist”, “obskurantist”, simbas oreksit të komunistëve jugosllavë.

“Dersa t’mundem me ligjërue

E sa gjallë me frymë un jam,

Kurrë , Shqypnî, s’kam me t’harrue

Edhe n’vorr me t’përmendë kam.”

Kjo ishte besojma e Atë Gjergj Fishtës, së cilës i qëndroi besnik gjatë gjithë rrugës jo të lehtë të jetës së tij. Shqipërisë, Poeti i saj kombëtar, i shërbeu me të gjitha dhuntitë e rralla të natyrës së tij, me shpirtin rebel e mëndjen e hollë, me talentin rrezatues e logjikën e ftohtë, me burrërinë e malsorit dhe urtësinë e birit të Shën Françeskut. Por cili ishte mendimi i fratit e i poetit, i politikanit dhe i dijetarit, i oratorit dhe mësuesit për Vendin e tij, si e shihte ai gjëndjen e atëherëshme dhe t’ardhmen e tij? Ishte ky argumenti i shumë shkrimeve, që zuri vendin kryesor në jetën e tij të gjatë publicistike. Në këtë këndvështrim Fishta pasoi dhe parapriu shmë përfaqësues të inteligjencës e të kulturës, të cilët, për nevoja të ngutëshme të jetës politike, i dhuruan kësaj të fundit një pjesë të mirë të kohës, të vullnetit e t’aftësive të tyre. Zhvillimet historike të kombit tonë, me të veçantën e tyre, i ngarkuan mbi shpinë njerëzve të kulturës, të fesë apo t’artit, barrën e ringjalljes, jo vetëm kulturore, por edhe politike të kombit. Prandaj pjesa më e madhe e shkrimtarëve shqiptarë u kthyen edhe në veprimtarë politikë. Atë Gjergj Fishta ishte njëri ndër më të shquarit e asaj plejade atdhetarësh, që i solli freskinë e kulturës perëndimore evropiane jetës politike shqiptare.

“Prandej detyrët qi nieri ka per t’vu mi shekull janë kto : Feja, Atdheu, Gjindja e Dija. Feja, pra, e dashnia e Atdheut e e Gjindies e Dija jânë njato vegla qi e bâjnë nierin t’lum n’ket jetë edhè n’jetë t’amshueme ; pse neper kto nieri kryen detyrët, prej t’cillave rrjedhë t’gjith lumnia e tij….”

Në numrin e parë të Hyllit të Dritës, një nga monumentet më të arrira të publicistikës shqiptare të gjysmës së parë të shekullit të pavarësisë e të robërisë, Atë Gjergj Fishta përcaktoi vlerat madhore, që janë shtyllat, mbi të cilat mbështeten ngrehinat e kombeve, historia e tyre dhe vendi që do të zenë në ecjen e përbashkët të qytetërimit. Nuk është e rastit që, në këtë shkallëzim vlerash, feja është në rradhën e parë. Në të gjithë krijimtarinë e tij publicistike ai do të kthehej herë pas here mbi atë argument, madje edhe nëpërmjet polemikash të fuqishme. Ai ishte një katolik i vendosur, që ushqente idenë se besimi në Krishtin shpëtimtar dhe doktrinën e tij, ishte një nga mjetet më të fuqishme, që ndihmonte moralizimin e jetës së një populli. Urdhërimi kryesor i Jezuit: “Duaje Zotin mbi gjithshka, duaje t’afërmin si vetveten”, është themeli më i qëndrueshëm për  harmoninë e dashamirësinë mes antarëve të një bashkësie e për paqen e bashkëjetesën  ndërmjet popujve të ndryshëm. Kuptohet se pse regjimi komunist dhe kultura e tij e nxinë, përtej çdo përfytyrimi, emrin dhe veprën e françeskanit të madh, mbasi ata kishin në bazë të ideologjisë së tyre vepruese urrejtjen dhe “luftën e klasave”, të cilat nuk njihnin kufij, as në kohë dhe as në hapësirë.

Por feja, në gjithë pozitivitetin e saj në jetën e çdo populli, nuk mund të shkëputet nga koncepti i bashkësisë së njerëzve në të cilët ajo predikohet dhe zbatohet. Atdheu, toka e njerëzve që i bashkon gjuha, doket, zakonet, historia, është trualli mbi të cilin ngrihet jeta e përbashkët, një lloj shtëpie e stërmadhe, në të cilën secili do të gjejë strehën e tij. Nëse feja, kryesisht, është pjesë e jetës shpirtërore, më shumë e prirur të pushtojë sferën vetiake, Atdheu, si shtëpia e përbashkët, mbetet në qendër të vëmëndjes dhe interesit të përgjithshëm, në të cilin lindin e rriten projektet, ëndërrat e synimet. Atdheu është gjindja, njerëzit që flasin të njëjtën gjuhë, është ajo bashkësi e madhe, që i ngjet detit në të cilën derdhen të gjithë lumenjtë që i ngjasin  bashkësive të vogla, krahinavet, qyteteve, fshatrave, lagjeve e deri tek indet e para të shoqërisë, familjet. Tre konceptet lidhen organikisht me njëri tjetrin, për të përqafuar më pas të katërtin, që është Dija, e cila shërben si një lidhëse e fuqishme, pa të cilën ndërtesa e kombit është e paracaktuar të mbetet e mangët dhe rrezikon të shëmbet.

Një komb, për t’u futur në rrugën e përparimit, ka nevojë të besojë tek Zoti për barazpeshat e tij morale e shpirtërore, të ketë si synim lartësimin e idesë s’Atdheut e zhvillimin e tij, i cili duhet të shkojë me të njëjtin hap me mirëqënien e gjindies, të qytetarëve t’organizuar në familje e bashkësi më të mëdha, në harmoni e bashkëpunim me njëra tjetrën e të verë në bazë të punës së tij mëndjen, në të gjitha shfaqjet e saj të larmishme e të pafund, dijen e grumbulluar nga përvoja e brezave dhe e popujve të ndryshëm, kulturën që mbetet pasuria m’e madhe e trashëgimisë njerëzore.

Fishta filloi të botojë Hyllin e Dritës në vitin 1913, fill mbas shpalljes së Pavarësisë e krijimit të Shtetit shqiptar. Problemet me të cilët ballafaqohej Shqipëria foshnje ishin të shumta e të ndryshme. Armiqësia që rrethonte atë prej fqinjëve dhe përkrahësve të tyre dhe fakti që, për herë të parë, në historinë e saj mijëvjeçare, krijohej një Shtet i bashkuar, i jepnin shkas përhapjes së një fryme mosbesimi n’aftësitë vetqeverisëse të shqiptarëve. E formuluar si një teori keqdashëse në librin “Shqiptarët e Fuqitë e Mëdha”, i botuar në dy gjuhë kryesore evropiane, frëngjisht dhe gjermanisht, nga një serb me origjinë shqiptare Dr. Vlladan Gjorgjeviç, ish Kryeministër i Serbisë, teza mbi paaftësinë shtetformuese të shqiptarëve, qarkullonte jo vetëm në rrethet politiko – diplomatike, por edhe në shtypin evropian. Si edhe të tjerë bashkatdhetarë të dijshëm, drejtori i “Hyllit të Dritës” mori përsipër kundërshtimin e  kësaj teze. E kreu nëpërmjet një artikulli të gjatë me titullin “A janë të zott shqyptarët me u mbajtë shtet m’vedi?” Me logjikën e fortë e kulturën e thellë, pa lënë mënjanë edhe shpotinë karakteristike, ai polemizon me fletoret franceze që “i a kanë dhânë alemit e polemit, se shqyptarët nuk janë t’zott me u ndertue e me u mbajtë shtet m’vedi, porse u duhen lshue sllavve t’Ballkanit n’dorë per me i zbutë e me i gjytetnue.”

Argumenti kryesor i mendimit të Fishtës është ndërtesa morale e shqiptarëve si popull. Është e vërtetë që “populli shqyptàr nuk çfaqet n’histori si nji kòm i organizuem e i pershîmun marë permrêna çarkut t’nji njinìs komtare…”, por arsyet janë jo “barbaria”, që i veshin keqdashësit dhe kundërshtarët, por një seri motivesh historike, politike e topografike, të cilat kanë përcaktuar rrjedhën e ngjarjeve në Ballkan. Ai nuk i kurseu kritikat, edhe shumë të forta kundrejt bashkatdhetarëve të tij, por në një përplasje argumentash e rrahje mendimesh me gazetat franceze, nuk vihet t’i nxjerrë në pah ato, por të kundërshtojë prirjen për ligjësimin e akuzave të përfolura në mjediset kundër shqiptare në drejtim të poshtërimit të tyre. Përbërja shpirtërore e shqiptarëve, ligjet e botës së tyre morale mbështeten mbi “trinomin tagruer : mos me i bâ dhȗnë kujë, me i dhânë sejcillit shka i perket e me veprue gjithmonë me nder.” Ky është qytetërimi i vërtetë, që nuk shfaqet në vepra të mëdha arti apo shkence, por që pasqyron thelbin e moralit e të bashkëjetesës njerëzore, atë “humanitas” të cilin e kanë predikuar njerëzit e shquar, që nga profetët e deri tek gjenitë e fushave të ndryshme. Ka edhe ndërmjet shqiptarëve barbarë e kriminelë, siç ka në të gjithë popujt, por e përgjithëshmja është pozitive. Ndërmjet të tjerash Fishta vë theksin mbi frymën demokratike të Kanunit e të ligjeve shekullore të shqiptarëve, duke i përballur ata me shtetet e mëdha e perandoritë e tyre, ku mbretërit kishin fuqi të pakufizuar.

Një tjetër provë, në mbrojtje të bashkatdhetarëve të tij, kryepoeti e gjen në artin e tyre, në poezinë popullore, aq shumë të vlerësuar nga filologu austriak Prof. Gustav Mayer që i shkruan Prof. Zef Schiro-it se “kurr nuk i ka tokue me lexue nji Poezi Popullore mâ t’hîjshme se ate t’shqyptarve.”  “Prandej dy janë objektet mâ t’para e mâ t’perhapuna t’Poezis Popullore : trimnia e dashnìja. Mnyra, pra, mas t’cilles kuptohet e çfaqet nder kangë burrnìja, trimnìja e dashnìja, na dishmon zhdrivillimin e mêndes e ndîesìt e zêmres s’nji popullit… “ Poezia popullore, si pasqyrë e botës së mbrendëshme shpirtërore të një populli, paraqet të gjitha prirjet e tij, të shfaqura ndër shekuj, jo vetëm në drejtim të shijeve estetike por, mbi të gjitha, të botëkuptimit, të filozofisë së tij jetësore, të parimevet që drejtojnë shoqërinë. Në rastin e shqiptarëve, Poezia popullore pasqyron një popull paqësor e të ndieshëm, në të cilin zotërojnë kultet e dashurisë dhe të trimërisë, të konceptuar si vlera themelore në jetën e individit, por edhe të shoqërisë. Autori gjen në trajtimin e tyre të njëjtat përceptime të popujve të qytetëruar. Trimëria nuk është shfaqje e mujshisë apo dëshmi e fuqisë fizike që shkon në dëm të të tjerëve më të dobët, por mjeti për të mbrojtur veten dhe t’afërmit nga rreziqet e jashtëme, në të cilët gjithmonë shqiptari ka parë kërcënimin e tij. Heronjtë e poezisë epike shqiptare luftojnë me bajlozët që kërcënojnë jetën e tyre, të familjeve apo të katundeve të tyre gjithmonë në trojet e tyre, asnjëherë nuk mësyjnë për të skllavëruar popuj të tjerë. Kjo është e vërteta historike e pamohueshme, që mund t’interpretohet nga kundërshtarët dashakeqë si pazotësi, por që vërteton një prirje morale të lëvdueshme, në përputhje me respektin e vlerave njerëzore e të pohimit të tyre. Poeti merr si shembull balladën “Halili e Hajrija”, ku ndërthuren ndjenjat me detyrën, ndëshkimet me dhimbjen, ku triumfon drejtësia dhe e mira, me gjithë çmimet e tyre. Do të mjaftonte vetëm thesari i folklorit, për të shpalosur botën shqiptare e për të rrëzuar, nëpërmjet vlerave të saj, çdo padi apo insinuatë të padrejtë kundrejt një kombi të shqiptarëve, aq më shumë kur ato vijnë nga një tribunë aspak e hijshme si ajo sllave, e ngarkuar me gjakun e pafajshëm të mijëra shqiptarëve të Kosovës.

Vijon