Rajon – Page 189 – Dielli

Putini ka ambicie shumë më të mëdha se sa Krimea

March 22, 2014 by dgreca

*Sipas Ministrit të Punëve të Jashtme të Suedisë Carl Bildt, Putini nuk do të kënaqet vetëm me aneksimin e Krimes sepse lideri rus ka për synim gllabërimin e tërë Ukrainës/

Nga XHAVIT ÇITAKU/

Geteborg 22 mars- Në të shumtën e rasteve politika dhe diplomacia suedeze janë të matura në reagimet dhe vlerësimet rreth ngjarjeve të ndryshme që ndodhin në arenën ndërkombëtare, ndoshta për shkak të statusit neutral që ka ky shtet skandinav. Megjithatë, intervista e Ministrit të Punëve të Jashtme Carl Bildt dhënë CNN- it lidhur me ngjarjet dhe aktualitetin shqetësues në Ukrainë sikur e ka tejkaluar ekuilibrin e deritashëm reagues. Në të vërtetë, sipas mjeteve të këtushme të informimit, në një intervistë për CNN Blidt ka thënë se Putini nuk do të kënaqet vetëm me aneksimin e Krimes sepse lideri rus ka për synim gllabërimin e tërë Ukrainës. Krimea është vetëm një lojë e hapur. “ Putini, në rend të parë, nuk është i interesuar për Krimen, ai është i interesuar për tërë Ukrainën”, citohet të këtë thënë diplomati suedez në këtë intervistë.

Duke analizuar këtë intervistë, mediat e këtushme konstatojnë se siç duket në kohë, hapësirë dhe veprime konkrete në terren shefi i diplomacisë suedeze ka të drejtë në këtë konstatim të tij. Ky konstatim bazohet edhe në ngritjen e alarmit të ambasadorit ukrainas në Kombet e Bashkuara, Jurij Klimenko, i cili thotë se javën e fundit u shënuan sulme të shumta ruse kundër Ukrainës dhe se Rusia po mobilizon trupat e saj të shumta ushtarake në kufi me këtë shtet.

Carl Bildt mendon se Presidenti Putin është i gatshëm që të përdorë një varg mjetesh, ndër të tjera, ekonomike dhe ushtarake për të realizuar qëllimet- synimet e tij. “ Gjatë javëve të fundit ne kemi parë se ai është i gatshëm të përdorë mjetet ushtarake. Kjo është shumë shqetësuese” thekson Bildt.

Ndërkaq, Gudrun Persson, analist për çështje të sigurisë, mendon se Putini do të avancoj në drejtim të Ukrainës dhe paralajmëron se siç duket nuk ka ndonjë pengesë në rrugë që do ta ndalojë Rusinë ta bëtë këtë akt në kundërshtim me të gjitha normat ndërkombëtare.

Shikuar me një largpamësi mund të vërehet diçka që do të këtë probleme me eksportin e gasit rus. Kjo do t’i kushtoj shumë. Mirëpo. Putini e ka një liri të pakufizuar duke e thënë edhe atë se Kievi është qytet që “ nënë” e ka Rusinë, sikur të gjitha qytetet tjera ruse.

BE: Kriza në Ukrainë risjell kërcënimin e luftës në Evropë

March 21, 2014 by dgreca

*UKRAINË – Jaceniuk: Kievi do t’i përgjigjet ushtarakisht çdo përpjekjeje të Rusisë për të aneksuar territore të tjera/

*LAVROV: Moska nuk e ndryshon vendimin e ribashkimit të Krimesë me Rusinë/

BRUKSEL, 20 mars – Kriza e shkaktuar nga bashkimi i Krimesë me Rusinë ka bërë që të rilindë kërcënimi dhe frika e luftës në Evropë, ka gjykuar sot presidenti i Parlamentit Evropian, Martin Schulz.
“Diçka ka ndryshuar, me këtë krizë”, thotë Schulz në një konferencë për shtyp përpara mbledhjes së BE-së që dominohet nga kriza e ukrainës.
“Disa mendonin se lufta dhe reziqet e luftës nuk ishin më një subjekt bisede, por ne jemi duke biseduar për rreziqet e një konflikti të armatosur”, deklaroi ai.
“Ndërkohë që Evropa përkujton njëqind vjetorin e Luftës së Parë Botërore, lufta bëhet sërisht një kërcënim real në një vend fqinj me BE-në”, ka paralajmëruar ai duke u shprehur përpara 28 drejtuesëve.
“Kriza në Krime përfaqëson një kërcënim shumë të lartë për sistemin tonë të sigurisë evropiane që prej fundit të Luftës së Ftohtë”, ka shtuar ai, duke i kërkuar BE-së që të zhvillojë një strategji koherente kundrejt Rusisë.
Ai gjithashtu i ka bërë thirrje krerëve të shteteve dhe të qeverive t’i përgjigjen frikës së popullsisë evropiane, një frikë reale, e nxitur kjo edhe nga përshkallëzimi verbal i javëve të kaluara.
“Ndërkohë që ndërmarrësit kanë frikë nga një spirale sanskionesh që mund të sjellë një shëmbie të kërkesës dhe se punonjësit shqetësohen për vendet e tyre të punës, nga ana tjetër është firka e një Lufte të Ftohtë të re që shqetëson në vendet fqinje të Ukrainës, Poloninë dhe vendet Balltike”, vazhdoi ai.
“Por nëse BE-ja duhet të reagojë ndaj veprimeve ruse, ajo gjithashtu duhet të marrë masat që të mos bjerë në përshkallëzimet e një konflikti, duke ruajtur ‘topat e komunikimit’ gjithnjë të hapur me Rusinë”, deklaroi Martin Schulz/

UKRAINË – Jaceniuk: Kievi do t’i përgjigjet ushtarakisht çdo përpjekjeje të Rusisë për të aneksuar territore të tjera

Ukraina do t’i përgjigjet ushtarakisht të gjitha përpjekjeve të rusisë për të aneksuar rajonet e lindjes se vendit, që janë prorusë, deklaroi sot në Bruksel kryeministri i Ukrainës, Arseni Jaceniuk, sipas faqes zyrtare të qeverisë.
“Dua të paralajmërojë zyrtarisht Rusinë se do t’i përgjigjemi me vendosmëri, përfshirë edhe mjetet ushtarake, çdo përpjekje për të copëzuar Ukrainën, të kalojë kufirin me trupat e saj apo të aneksojë ndonjë rajon të lindjes ose zone tjetër”, deklaroi shefi i qeverisë ukrainase.

LAVROV: Moska nuk e ndryshon vendimin e ribashkimit të Krimesë me Rusinë

Kreu i diplomacisë ruse, Sergei Lavrov i deklaroi sot homologut të tij amerikan John Kerry se ”Moska nuk do ta rishikonte vendimin për ribashkimin e Krimesë me Rusinë”, njoftoi ministria e Jashtme ruse përmes një komunikate.
“Sergei Lavrov theksoi se vendimi për ribashkimin e Krimesë me Rusinë, rezultat i vullnetit të shprehur nga shumica absolute e banorëve të rajonit, nuk do të rishikohet dhe duhet respektuar si i tillë, gjatë një bisede telefonike që kryediplomati rus zhvilloi me sekretarin amerikan të Shtetit”, theksohej në komunikatën e publikuar pak më parë nga Ministria e Jashtme e Moskës

Arrestohen tre shqiptarë, të dyshuar për sulmin e fundit terrorist në Turqi

March 21, 2014 by dgreca

Tre shqiptarë pjesë e Al Kaedës në Turqi? Një pikëpyetje që ngrihet nga autoritetet turke të cilët kanë arrestuar shqiptarët nën akuzën e terrorizmit për sulmin e të enjtes ku humbën jetën dy oficerë turq.Mediat turke që i referohen ministrit të brendshëm Elfkan Ala i cili ka konfirmuar kombësinë e tre terroristëve të arrestuar si përgjegjës për sulmin në rajonin e Nigde Ulukisla të vendit ballkanik. Sipas ministrit dy prej të kërkuarve janë nga Shqipëria dhe një nga Kosova dhe janë të dyshuarit kryesorë si autorë të sulmit terrorist të shënuar nëj ditë më parë në Turqi.

Tre shqiptarët e dyshuar si terroristë sipas autoriteteve turke ndodheshin në një makinë dhe kanë sulmuar forcat ushtarake turke me armë zjarri dhe me bomba në mënyrë të organizuar dhe dyshohet se janë porositur nga Al Kaeda. Si pasojë e këtij sulmi një oficer i ushtrisë dhe një polic humbën jetën, ndërsa 5 ushtarë mbeten të plagosur.

Mediat turke bëjnë të ditur se cila ka qënë dhe skema e këtij krimi. Njëri nga personat që ndodheshin në makinë kanë qëlluar me automatik dhe granata dore mbi forcat e sigurisë dhe dy të tjerët e kanë mbështetur veprimin e tij. Sipas ministrit të brendshëm turk 18 vjeçarët me inicialet E.S dhe E.A nga Shqipëria dhe Ç.R nga Kosova 23 vjeç dyshohet se janë pjesë e celulës terroriste të lidhura me Al Kaeda-s, e quajtur ISID.

Bëhet e ditur gjithashtu se Policia ka gjetur si prova materiale disa municione ushtarake 7 bomba dore, 3 kallashnikov, 3 pistoleta dhe 2 thika ushtrie dhe disa armë të tjera, ndërsa vijojnë kërkimet me helikopterë për arrestimin e autorit të fundit të krimit.

Mësohet gjithashtu se 3 shqiptarët kishin rrëmbyer dhe një kamion shoferin e të cilit e kishin vrarë dhe me mjetin në fjalë kanë tentuar të largohen. Mes 3 shqiptarëve dhe policisë special ka pasur edhe shkëmbim zjarri në momentin e ndjekjes dhe njëri nga sulmuesit është plagosur, ndërsa njëri prej tyre ka mundur të arratiset, por është arrestuar mëngjesin e sotëm.

Kjo është hera e parë që shtetas shqiptarë nga Shqipëria apo nga Kosova akuzohen për akte terrosite ndëkombëtare dhe për pjesmarrje në organizata të varura direkt nga al kaeda. Dyshohet se 3 të rinjtë duke pasur parasysh edhe moshën e tyre janë rekrutuar nga grupi nëpërmjet lidhjeve të tyre në Shqipëri dhe në Kosovë dhe I kanë përgatitur për disa kohë për të kryer sulme të tilla terroriste në Turqi.

Takim në Bruksel për çështjen e zhbërjes së “Mbrojtjes Civile” në Veri

March 20, 2014 by dgreca

Nga B.Jashari/.-Delegacioni i Republikës së Kosovës kryesuar nga zëvendëskryeministrja Edita Tahiri, mori pjesë në takimin e radhës në Bruksel për çështjet e zhbërjes së strukturës ilegale të sigurisë të ashtuquajturës “Mbrojtja Civile”.

Nga Brukseli, në komunikatën e sapodërguar të Qeverisë së Kosovës bëhet e ditur se, në këtë takim u bisedua për të gjitha veprimet që duhet të merren lidhur me zhbërjen e plotë dhe efektive të kësaj strukture ilegale sipas marrëveshjes së arritur që nënkupton ndërprerjen e veprimtarisë, mbylljen e lokacioneve të veprimit dhe dorëzimi i uniformave dhe pajisjeve operative të tyre sipas rregullave ndërkombëtare.
Gjithashtu u bisedua për integrimin e individëve serbë, që dëshirojnë të integrohen në institucionet e shtetit të Kosovës. Delegacioni i Kosovës shprehu gatishmërinë për procesin e integrimit në institucionet të ndryshme qeveritare në përputhje me kornizën ligjore të Republikës së Kosovës duke i respektuar kriteret ligjore dhe kualifikimet shkollore.
Në komunikatën e Qeverisë kosovare theksohet se zhbërja dhe integrimi duhen të ndodhin sa më shpejtë dhe se ky do jetë një kontribut për vendosjen e ligjit, rendit dhe stabilitetit në këtë pjesë të Kosovës.
Me këtë proces i jepet fund prezencës së strukturave ilegale serbe të sigurisë dhe së bashku me procesin e zhbërjes së plotë të strukturave ilegale policore, ligjërisht dhe praktikisht përfundon praktika e ndërhyrjeve të Serbisë në Kosovë, në sferën e sigurisë.
Bashkimi Evropian rikonfirmoi përkushtimin për zbatimin e plotë të marrëveshjes së Brukselit për normalizim, e cila si parim ka mosndërhyrjen e Serbisë në punët e brendshme të Kosovës dhe respektimin e sovranitetit dhe integritetit territorial të Republikës së Kosovës

Kosovo Leader Dismisses Parallels With Crimea

March 19, 2014 by dgreca

Hashim Thaci, the Prime Minister of Kosovo, has strongly rejected claims that the secession of Crimea from Ukraine follows a pattern set by Kosovo’s own secession from Serbia.

By Edona PECI/

“Under no circumstances can the cases of Kosovo and Crimea be compared,” Prime Minister Thaci told the online magazine Business New Europe.

Referring to Russia’s union with Crimea on March 18, Thaci said the situation could not be compared to Kosovo, “either in its legal, political or historical circumstances.

“We didn’t change any borders, we had our borders already,” he said, referring to Kosovo’s borders as an autonomous province inside former Yugoslavia.

“Kosovo was also created after a genocide was committed by Serbia, after the deportation of 1 million citizens of Kosovo, which was done by Serbia,” he added.

“Kosovo’s independence was created after negotiations which followed the war,” he added. “Therefore, comparisons between the Kosovo and Crimea case are not sustainable at all,” he concluded.

The Prime Minister spoke out after Russia’s President, Vladimir Putin, claimed that the Western powers had created a precedent in Kosovo, which Russia had only followed in regard to Crimea.

“In a situation absolutely the same as the one in Crimea they [the West] recognized Kosovo’s secession from Serbia as legitimate, arguing that no permission from a country’s central authority for a unilateral declaration of independence is necessary,” Putin said on Tuesday.

Milorad Dodik, President of the Republika Srpska, meanwhile added to the confusion by claiming that whereas the secession of Crimea from Ukraine was lawful, that of Kosovo from Serbia in 2008 was not.

“Had Kosovo followed the procedures observed by Crimea, I would gladly say that this was the people’s right to self-determination because I want to affirm this right for all peoples and nations,” the Bosnian Serb leader said.

Since Kosovo declared independence from Serbia in 2008, it has been recognized by 107 out of 193 UN member states, including the US and most EU members. However, Russia has always opposed recognition of Kosovo’s statehood, arguing that it was illegal.

On Sunday, 96.8 per cent of people who voted in Sunday’s referendum in Crimea backed calls to join the Russian Federation.

Western countries have harshly condemned what they call an act of aggression, calling for EU sanctions to be placed on Russia.

Western governments say ethnic Russians in eastern Ukraine and Crimea have faced no threat from the new authorities in Kiev that would justify Russian armed intervention or a change to Ukraine’s borders.