Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

HOMAZHE PER AGIM KARAGJOZIN

by

– Te Marten Vatra dhe Komuniteti do te bejne homazhe prane arkivolit te Presidentit te Nderit te Vatres, Ing. Agim Karagjozi/

* Vatranet, deget e Vatres, Organizatat e Komunitetit, miqte qe kane deshire qe te dergojne kurora me lule, Familja Karagjozi, do te deshironte qe te dergoheshin si ndihma per Fondin e Studenteve te Vatres-/

karagjozi1

Njoftojmë vatranët dhe Komunitetin se shërbimet funerale do të organizohen Ditën e Martë, 3 Prill 218, nga ora 4 e 30 PM deri në 9.00 PM, në Shtëpinë Mortore:

Thomas F. Dalton Funeral Homes, Inc
29 Atlantic Ave.
Floral Park, NY 11001
Tel- 516-354-0634
Ceremonia e Varrimit do të kryhet ditën e Mërkurë, 4 Prill 2018, në orën 9 e 30.
Varrimi ne Pinelawn Cemetery
2023 Wellwood Ave, Farmingdale, NY 11735
Familja Karagjozi ka shprehur deshiren qe kushdo qe mendon te dergoi kurora me lule mund t’i konvertoje ato ne ndihma per Fondin e Studenteve te Vatres. Cheku i paguhet:VATRA

Memo: Fondi i studenteve dhe dergohen ne adresen
VATRA
2437 Southern BLVD
BRONX, NY 10458

“THE LIGHT” KUSHTUAR GJON MILIT, TE SHTUNEN SHFAQET NE ASTORIA

by

FILMI DOKUMENTAR “THE LIGHT”,  KUSHTUAR GJON MILIT SHFAQET TE SHTUNEN NE FESTIVALIN BOTEROR TE FILMIT  NE ASTORIA. FILMI ESHTE I NOMINUAR PER CMIM/

1 Gjon Mili ok1 Gjon-Mili-dhe-Faik-Konica1 Light Mili Gjon ok2 DokumentariE Shtuna e  24 Marsit është ditë e parafundit e Festivalit Ndërkombëtar të Filmit në Queens. Pikërisht të Shtunën, në Orën 1.00 PM do të shfaqet filmi dokumentar “The Light” kushtuar mjeshtërit botëror të fotografisë Gjon Mili, që është me origjinë shqiptare.

Filmi dokumentar paralelisht ka marrë pjesë edhe në Festivalin Europian që u organizua në Selanik nga 2-9 mars 2018, është prezantuar në Luxenburg, në New York,  dhe është përzgjedhur edhe në një tjetër festival ndërkombëtar  në Rohde Island.Dokumentari  “LIGHT” merret me jetën dhe veprën e fotografit të mirënjohur shqiptar Gjon Mili, fillimet e tij si emigrant në Amerikë, aplikimi i inovacionit dhe teknikave të fotografimit, udhëtimin e tij përmes fotografive me njerëzit e famshëm etj.

Dokumentari nis me Korçën, vendlindjen e mjeshtrit të Madh, vijon me Bukureshtin, ku Gjon Mili kaloi fëmijërinë dhe kreu studimet në Kolegj, pastaj përshkruan ardhjen në  SHBA më 1923, takimet me komunitetin shqiptar, përfshirja në Vatër, studimet për  inxhinieri elektrike në Institutin e Teknologjisë në Massachusetts, puna e tij në Westinghouse si një inxhinier i ndriçimit deri në 1938, dhe më pas suksesi i madh , kur ai nëpërmjet eksperimenteve me Harold Edgerton në MIT, arriti suksesin që e bëri të famshëm…Filmi dokumentar është realizuar nga Suela Bako dhe Yllka Gjollesha dhe është i nominuar për çmim në Filmin Ndërkombëtar të Queensit. Mos e humbni rastin për të njohur magjinë e njeriut që i dha emër fotografisë dhe u identifikua si shqiptar gjatë të gjithë jetës. Federata Panshqiptare e Amerikës VATRA në nder të mjeshtrit që ishte dhe arkëtar i saj dhe pjesë e bordit ka shpallë Konkursin për çmimin Gjon Mili, i cili drejtohet nga mjeshtri fotografisë i ditëve të sotme Fadil Berisha.

Për të siguruar biletat dhe për më shumë të dhëna shkoni në adresën: https://www.queensworldfilmfestival.com

Dita e verës

by

Nga Faik Konica/
1 Faik Konica 2“Ç’është Dita e Verës?/

Është dita në të cilën stërgjyshit tanë, kur s’kish lindur edhe krishtërimi, kremtonin bashkë me romakët dhe me grekët e vjetër, perënditë e lulevet, të shelgjevet.

1 manushaqeKur shkrin dimri, kur qaset vera buzëqeshur, e hollë dhe e gjatë si në pikturë të Boticelit, zemra e njeriut shkarkohet nga një barrë, shijon një qetësi, një lumtëri të ëmbël. Në këtë gëzim, stërgjyshërit tanë ndienin një detyrë t’u falen perëndivet që sjellin këto mirësira. Dhe ashtu leu festa hiroshe që e quajnë Dita e Verës.Në pakë ditë në Shqipëri, besnikët e fundmë të paganizmit, besnikët pa dashur dhe pa ditur, do të rrethojnë me verore degët e thanave, të dëllinjavet, të dafinavet, të gjitha shelgjevet të nderuara. Do të këputin degë të gjelbëra dhe do t’i vënë përmbi kryet e shtëpivet.

Të mos i lëmë të humbasin këto festa të vjetra të racës sonë. Nuk i bëjnë dëm njeriut. Sjellin një gëzim të kulluar në shtëpi. Një vend ku jeta e të vegjëlvet është aq e trishtuar, djelmuria dhe vajzat kanë një rasë të rrallë për të dëfryer. Për të mëdhenjtë, Dita e Verës ka një shije poetike të hollë e të rrallë “. 

 

 

 

VATRA NGUSHËLLON Z. ISUF SPAHIU PËR HUMBJEN E NËNËS

by

1 Nena e SpahiutFederata Panshqiptare e Amerikës ngushëllon vatranin, anëtarin e Këshillit Drejtues të Vatrës, z. Isuf Spahiu për humbjen e nënës së  tij të dashur, e cila ndërroi jetë me 18 shkurt 2018 dhe u varros me nderime nga familja, miqtë , bashkëvendasit në  Runik të  Skënderaj, Kosovë.

Zarife (Murati )Spahiu Nëna e Isufit, Agimit, Naimit, Naxhijes, Nazmijes dhe Shemsijes, u lind me 5 Shtator 1929 në Tushile dhe ndërroi jetë në  moshën 89 vjecare.

Pushoftë  në  Paqë!

Zoti Majko e bojkotoi / luftoi shoqërinë VATRA

by

2 Thanas-Gjika

Nga Thanas L. Gjika/

Sekretar i deges se Vatres ne Worcester/

Të vish në SHBA me detyrë shtetërore për të krijuar lidhje me diasporën për ta ndihmuar atë, pa e filluar, ose mbyllur vizitën me një takim pune tek shoqëria “Vatra”, do të thotë ta bojkotosh, ta luftosh këtë shoqëri, e cila është trashëgimtarja më e mirë e atdhetarizmit shqiptar në diasporën tonë që nga Rilindja.

Më 2012, me rastin e 100-vjetorit të shoqërisë “Vatra” gazetari Astrit Lulushi shkroi një artikull, ku shprehu vlerësimin e tij për këtë shoqëri të lashtë patriotike të diasporës shqiptare: “Federata “Vatra” i ngjan një besëlidhjeje – Lidhja e Lezhës, Lidhja e Prizrenit, Kongresi i Manastirit, Konferenca e Pezës (para se të tradhëtohej) – të gjitha të krijuara në pika kthesash historike, dhe pasi përmendte disa nga punët e saj atdhetare kulturore, ai kritikoi qeverinë shqiptare që nuk dha një vlerësim të denjë për këtë institucion, por e la “Si një të moshuar pa pension – Monument Kulture që nuk mbrohet nga shteti shqiptar” (libri “Zhgënjime sporadike” f.114).

Vizita e z. Pandeli Majko Ministër i Diasporës këto ditë në SHBA, ku ai vizitoi disa qytete dhe takoi anëtarë të disa shoqërive, pa kërkuar të bënte një vizitë pune te qendra e shoqërisë “Vatra” në New York, tregon se ai ka pasur porosi ta bojkotojë këtë institucion atdhetarie.

Kjo tregon se qeveria e sotme shqiptare e drejtuar prej Partisë Socialiste, bijës së drejtpërdrejtë të Partisë së Punës së Shqipërisë, vijon ta luftojë shoqërinë “Vatra”, sepse e konsideron atë armik të saj në SHBA, njësoj si dikur PKSH /PPSH-ja, që e quante këtë shoqëri të përbërë nga kolaboracionistë të arratisur.

Nuk mund ta konceptojmë dot sesi mund të kryhet një vizitë pune në SHBA prej Ministrit të Diasporës me program për të ndihmuar diasporë, pa filluar serinë e takimeve nga shoqëria “Vatra”, ose pa e mbyllur këtë vizitë tek kjo vatër e ngrohtë ku prushojnë thëngjijtë e ndezur prej atdhetarëve Konica, Noli, Floqi, Kirka etj.

Ndryshe veproi Zv.Kryeministër dhe Ministër i Diasporës i Republikës së Kosovës, z. Dardan Gashi…