Vatra – Page 60 – Dielli

VATRA WORCHESTER, MA – 9 VATRANË TË RINJ NË NËNTOR, 7 NË QERSHOR

November 30, 2017 by dgreca

…. DHE SHLYEN ANËTARËSITË PËR VITIN 2018/

2-vatra

Dega e Federatës “VATRA” në Worcester MA, ka anëtarësuar gjatë muajit nëntor 2017 nëntë anëtarë të rinj, ndërkohë që në qershor ishin anëtarësuar shtatë vatranë të rinj. Anëtarët e pranuar nga dega në nëntor janë: Maria Shomo, Kozma Cania, Renato Roba, Genti Peto, Aleks Gjonca, Fredi Stefo, Tony Topi, Qemal Bicaku dhe Ben Cika. Ndërkohë edhe përgjatë vitit 2017 janë bërë anëtarësime të reja si: Guri Dura- anëtarësuar në Qershor 2017, Ben Miraka- qershor, Anesti Dine- qershor, Paul Proko- qershor, Jani Kotnani- qershor, Shëndet Zaimi -qershor, Kosta Kota-qershor, Halit Pëllumbi-gusht 2017, Leonard Shegani- Gusht, Krisela Karaja- studente(Master për Fine Art, Creative Writing)-gusht …

Gjatë nëntorit paguan anëtarësitë për vitin 2018: Zhani Lito, Irgena Lito, Dhimitër Skende, Thanas dhe Julia Gjika, Ani Gjika, Greg Steffon, Frank Zdruli, Ardian Preci, Mihallaq Qeleshi, Michael K. Sholla, Gjergj Disho, Ilir Danga, Olsi Gjinko dhe Flori Bixho.

Dega e Vatrës në Worchester drejtohet nga: Zhani Lito-Kryetar, Dhimter Skende -nënkryetar dhe Thanas L. Gjika- sekretar.(Koresp i Diellit)

VATRANE, ME 28 NENTOR-DITEN E SHENJTE TE FLAMURIT

November 30, 2017 by dgreca

-Vatrane jam ndjerё me kohё, por me sot e me nesёr, shkoi vonё, por ja, erdha tani….

Me kёto fjalё spjeguse e ka plotёsuar formularin e anёtarёsisё nё Federatёn Panshqiptare tё Amerikёs”VATRA” , gazetarja, studjusja Rafaela Prifti, vajza e shkrimtarit tё njohur Naum Prifti, i cili e kreu pёr mё shumё se njё dekadё detyrёn e sekretarit tё Vatrёs. Para tij, kёtё detyrё e kishte kryer edhe i vёllai, i ndjeri Peter R. Prifti, qё nё vitet 1958-61 kreu detyrёn e sekretarit dhe tё ndihmёs editorit tё Diellit.

Rafaela, tha se zgjodhi 28 Nёntorin 2017, pёr tu anёtarёsuar nё Vatёr, jo thjesht sepse ёshtё njё ditё festive, mё e rёndёsishmja nё Historinё Kombёtare, por se kёshtu kjo ngjarje, pra anёtarёsimi nё Vatrёn Shqiptare, qё ёshtё themeluar 7 muaj para Pavarёsisё sё Shqipёrisё, do tё mbetej nё kujtesё pikёrisht sepse ndohi nё kёtё ditё historikё.

Rafelёs ia uruan mirёseardhjen nё Vatёr Editori i Diellit dhe ish zv.Kryetari i Vatrёs Asllan Bushati:”Mirёse erdhe nё VATЁR, Rafaela!”(Dielli)

ME MJESHTRIN MIRUSH KABASHI NË VATËR

October 29, 2017 by dgreca

-Përulem me respekt para këtyre burrave, që sakrifikuan dhe bënë gjithka për të bërë Shqipërinë….

-Mirenjohje VATRES Shqiptare, – tha Mjeshtri Mirush Kabashi, pasi vizitoi Shtëpinë e Vatrës, ku u njoh me historinë 105 vjeçare të Vatrës dhe 108 Vjetorin e Gazetes me te vjeter te Botes Shqiptare, “DIELLI”.
I shoqëruar nga sekretarja e Federatës Panshqiptare të Amerikës VATRA , Nazo Veliu, aktori u ndal pranë çdo stende dhe preku historinë e vatranëve dhe Vatrës, me fushatat e mëdha të Vatrës për të shpëtuar Shqipërinë, siç ishte ajo e 3 Qershorit 1917, ndërmjetësimi pranë Presidentit Wilson për të shpëtuar Pavarësinë e Shqipërinë, Fushata e Huasë kombëtare për të shpëtuar shtetin shqiptar nga falimentimi financiar, vendosja dhe financimi i shërbimit diplomatik në Europë dhe SHBA, marrja e funksioneve të Shtetit prej Vatrës, në kohën e shtetit të vdekur shqiptar, fushata e te shtypurit librat shqip për shkollat e Shqipërisë, dërgimin e Trupave Vullnetare të Vatrës në Shqipëri për të siguruar kufijtë Jugorë të Shqipërisë, Dërgimin e Bandës muzikore të Vatrës në Shqipëri , përpjekja që bën sot Vatra për ruajtjen e kulturës, traditave dhe gjuhës shqipe përmes shkollave shqipe etj.

-Kjo është një Histori e gjallë me shumë vlera Kombëtare, që njihet pak në Shqipëri, tha artisti Mirush Kabashi, gjatë vizitës së Tij në Vatër të enjten me 27 tetor 2017.

GJON BUÇAJ: ÇMIMI I EXELENCES, VLERESIM PER VATREN

October 25, 2017 by dgreca

“Albanian Exellence” nderoi me 20 tetor 2017 tre shqiptaro-amerikanë, ish kryetarin e Federatës Panshqiptare te Amerikes “Vatra” dr. Gjon Bucaj, gjuhëtaren dhe autoren e disa botimeve Donika Boçi, si dhe gazetaren e njohur të “Zërit të Amerikës”, Laura Konda.Të nderuarit me çmimin e Exelencës kanë falenderuar presidenten Flora Nikolla për vlerësimin. Në emër të kryetarit Buçaj çmimin e ka marrë I biri Alexander Buçaj, I cili ka lexuar edhe letrën që dr. Buçaj I ka drejtuar presidenten e Nikolla. Këtë letër e disponon dhe gazeta Dielli, të cilën po e publikojmë të plotë:

Washington, 20 tetor 2017

E nderueme zonja Nikolla,

Ju falënderoj shumë për këtë nderim, të cilin po e marr ma tepër si vleresim për Vatrën se sa për mue përsonalisht, dhe me vetëdije për vlerën e “Albanian Excellence”, si projekt për pasqyrimin e suksesit shqiptar.

Libri i juej “100 histori suksesi në 100 vjetorin e pavarësisë” dhe aktiviteti i “Albanian Excellence”, përveç pasqyrimit, kanë edhe synimin me inkurajue dhe me ngritë suksesin drejt shkëlqimit në profesione të ndryshëme dhe tek talenti individual. Nji aktivitet si ky mund t’a ketë vështirë me i shpëtue kritikës për subjektivizëm, por asht nismë kulturore e qëllueme dhe Vatra e ka vëlersue si proces që ndjek dinamikën e vetë suksesit.

Diaspora ka nevojë për nji ndërlidhje të gjithanëshme e të shëndoshë me vendlindjen, mbas nji shkëputjeje të dhimëshme afër 50 vjeçare. Në përgjithësi shoqnia shqiptare atje, qoftë ajo politike, kulturore apo artistike, asht ende e pashërueme nga sëmundja e ideologjisë së huej, megjithate asht përshtypja se kultura, me nisma individuale, ka ba disa hapa konkretë ma të dobishëm se politika, në drejtim të kësaj lidhjeje të shëndoshë, e dëshmi e kësaj asht edhe kjo puna e juej, e lirë nga ideologjia.

Çka nuk ka nevojë diaspora dhe nuk duhet t’i vijë nga vendlindja, asht polarizimi politik, pse na e shohim atdheun si nji tanësi dhe jo të ndamë në segmente politike përherë në konflikt. Diaspora asht nga të gjitha trojet shqiptare dhe politika duhet t’a trajtojë si të tillë. Lajmet nga vendlindja për korrupsion e për krim galopant na lodhin shpirtnisht, kurse aktivitete kulturore si kjo e jueja e ushqejnë sadopak optimizmin tonë për të ardhmen, prandej janë të mirëseardhuna.

Ju uroj shëndet e suksese të vazhdueshme!

Gjon Buçaj

Ne Washington Jepen çmimet “Albanian Excellence”

October 22, 2017 by dgreca

“Albanian Exellence” nderoi tre shqiptaro-amerikanë, ish kryetarin e shoqatës “Vatra” dr. Gjon Bucaj, gjuhëtaren dhe autoren e disa botimeve Donika Boçi, si dhe gazetaren e njohur të “Zërit të Amerikës”, Laura Konda./

Nga Menada Zaimi/

Tre shqiptaro-amerikanë nderohen nga organizata “Albanian Exellence” për kontributin e tyre të shkëlqyer në fusha të ndryshme, mes tyre kolegia e “Zërit të Amerikës”, Laura Konda. Ndërkohë, po dje në mbrëmje themeluesja e “Albanian Exellence” Flora Nikolla, bëri një pasqyrë të situatës së shtypit shqiptar pas periudhës komuniste, në një aktivitet të organizuar nga biblioteka e Kongresit amerikan dhe organizata “Vatra”.

Ky takim që bën bashkë shqiptarët e Amerikës është një mundësi për tu njohur dhe vlerësuar kontributin e tyre, nga vendi i origjinës tek i riu, në një lidhje të përhershme simbiotike.

E themeluar me këtë mision, organizata “Albanian Exellence” nderoi dje tre shqiptaro-amerikanë, ish kryetarin e shoqatës “Vatra” dr. Gjon Bucaj, gjuhëtaren dhe autoren e disa botimeve Donika Boçi, si dhe gazetaren e njohur të “Zërit të Amerikës”, Laura Konda. Vlerësimi vjen në shenjë mirënjohje për suksesin e tyre në fusha të ndryshme, por që i bashkon misioni i forcimit të dinjitetit të një kombi.

Dukshëm, diaspora shqiptare ka nevojë për atdheun, për një ndërveprim më të fortë që siç thotë gjuhëtarja Boçi, politika ia ka borxh diasporës.

Gjatë nderimit të gazetares së “Zërit të Amerikës” Laura Konda themeluesja e “Albanian Exellence” Flora Nikolla tha se kjo media ishte dhe mbetet dritarja e lajmit të vërtetë, pa ndikim politik në trojet shqip folëse. Për gazetaren Konda thënia e së vërtetës vazhdon të mbetet sfidë për gazetarinë.

Çmimi “Albanian Exellence” dr. Bucajt iu dorëzua djalit të tij, Lek Buçaj. Në një letër letër mirënjohje për këtë vlerësim zoti Buçaj kërkonte që politika në Shqipëri t’i japë fund polarizimit, që siç shprehej, nuk i shërben askujt. Sipas zotit Buçaj, diapora ka nevojë për një ndërlidhje të gjithanshme e të shëndoshë me vendlindjen.

Për organizatën “Albanian Exellence” mision i saj është bashkimi nën një logo i suksesit shqiptar në të gjitha dimensionet.

Ceremonia e nderimit të tre shqiptaro-amerikaneve, u parapri nga një takim në ambjentet e bibliotekës së Kongresit amerikan me fokus shtypin në Shqipëri pas viteve 90.

Kryeredaktorja e Agjensisë Telegrafike Shqiptare, Flora Nikolla, bëri një pasqyrë të rrugës së vështirë të shtypit shqiptar që siç tha në 10 vitet e fundit vuan nga dorëzimi i bizneseve që drejtojnë shtypin, tek politika. Sipas zonjës Nikolla sot është e vështirë të bësh dallimin mes një plani biznesi dhe misionit të medias për të informuar e lirë.

Por, sipas zonjës Nikolla krahas ligjeve më të forta, situatën sot mund ta ndryshojnë vetë njerëzit e shtypit.

Për “Zërin e Amerikës”, Menada Zaimi, Washington DC.