Dielli/
Më 28 Nëntor, 2021 në Kishën Katolike “Zoja e Shkodrës” në New York u kremtua Mesha kushtuar të gjithë heronjve e dëshmorëve të Kombit Shqiptar, në vazhdim pas meshe në kambanoren e Kishes u ngrit Flamuri Kombetar Shqiptar nga Dom Pjetër Popaj dhe besimtarët. Nënkryetari i Federatës Vatra, Drejtuesi i fondit Studentor Dr. Pashko Camaj në fjalën e rastit u shpreh: “Më lejoni që në emër të Famullitarit Dom Pjeter Popaj dhe Këshillit te Kishes sone, t’ju përshëndes dhe t’ju uroj mirëseardhjen në këtë përvjetor të randësishëm për mbarë kombin tonë. E kaluara jonë është e përmbushur me sakrifica, dhe vuajtje të shumta për liri e pavarësi. Kjo ngjarje i shërben rifreskimit të kujtesës sonë kolektive, kombëtare, dhe përcjelljes së saj te breznitë që vijnë. Shqiptaria së bashku po nderon të kaluarën e vet, dhe po flet për të ardhmën. Ky është obligimi i kësaj gjenerate. Ne kemi harmoni si komb, si shoqeri e si kulture, kjo eshte edhe esenca e mesimeve te Shenjtës Nana Tereze. Kjo eshte dhurate prej Zotit. Eshte dicka e vecante qe nuk gjendet te popujt dhe kombet e tjera. Ne jemi NJË, dhe kjo është KOHA JONË. Shekulli 21 do te jete shekulli jonë ne menyre qe te cojme perpara amanetin e Ismail Qemalit, At Gjergj Fishtes, Luigj Gurakuqit, Hasan Prishtines e shume personaliteteve te shquara te kombit shqiptar” përfundoi Nënkryetari i Këshillit të Kishës Zoja e Shkodrës, Dr. Pashko Camaj. Per te pranishmit ne festen kombetare te ngritjes se flamurit, Angjelina Nika (Mjeshter i Madh) me grupin e saj artistik Rozafati dhuruan caste te bukura artistike.