Elegji për VAÇE KËNGËN !
Nga Përparim Hysi/
E kush thotë se paske vdekur?!!!/
S’e besoj. Është veç përrallë!/
Përgjithmonë mes nesh je gjendur/
Përgjithmonë ti do jesh gjallë./
Se ti nuk je më Vaçe Zela/
Tash ti je e madhja VAÇE KËNGA!/
Se me këngë u mund vdekja/
Vdekjen nga ti e zë gjëma.
Vaçe Zela, moj këngëtare
Më ke qenë sa bukuroshe
Se në këngë qe “magjistare”
Brez pas brezi: e p a s h o q e !
Zëri yt si zë bilbili
Zinte vënd në tonin shpirt
Dhe në dimër vinte prilli
Llamburiste skena-dritë.
Ti këndoje veç me zëmër
Fjalët shndrroje në melhem
Eh,seç zë! Sa i ëmbël
Nga këngëtaret qe madem.
Një madem… po sa e thjeshtë
Qe e thjeshtë si thjeshtësia
Sa e mangët imja vjershë
Për ty VAÇE B U K U R I A.
Bukurinë kishe në shpirt
Dhe buzëqeshjen: sa të çiltër!
Ne të donim si një dritë
Që na ngrohte shpirtin dimër.
Vjen një lajm që s’e besoj
Vaçe Zela paska vdekur!!!
Brez pas brezi do jehojë
Kënga e saj që ngjall të vdekur.
Pikëlluese dita sot
Dita sot mbuluar në zi
Në Parajsë e more Zot
Për ne gjallë do jetë gjithnnji.
Se për ne është Vaçe K Ë N G A
Që me këngë të vdekurit gjallë
Ato këngë na i do zëmra
Nuk ka vdekur… është p ë r r a l l ë.
6 shkurt 2014
MBRETËRESHA E KËNGËS SHQIPTARE
Nga Luan CIPI
Kushtuar Vaçe Zelës
Kush dëgjoi s’u mrekullua
Nga “Bilbili i Myzeqesë”?
Dhe një herë ta shoh, e dua,
Pastaj… më lini të vdes!
Te kënga “Fëmija i parë”
Nis buçet zëri brilant,
Ish bekim nga Zoti marrë,
Shqiptarët patën fat.
Këngën “Djaloshi dhe shiu”,
Koha na i dha peshqesh,
Ngjitet në podium gjeniu,
Vaçe Zela, një hyjneshë!
“Gonxhe, në pemën e lirisë”
Dhe “Lemza”, “çmendën” miletin,
Dridhet “Valsi i Lumturisë”,
“Nënë moj, do pres gërshetin”.
Për çdo vit një festival
Shpalos këngë e melodi,
Kurorat të ndrisin ballë,
Ti, shkëlqen ndër yllësi.
Vijnë çmime e ndere radhë
Shqipëri, Kosovë, më lart…
“Nderi i Kombit”, “Mjeshtre e Madhe”
Edhe “Mikrofon i artë”.
”Disku i artë” në Amerikë,
“Legjendë kënge” në Shqipëri
Në Botë “Personalitet”, mike,
“Grua e vitit” në Angli.
.
Nuk kanë të prerë gërshetat,
Madhështore do të mbesë
Në filmat, disqet, kasetat:
Këngëtare mbretëreshë.
Vlorë, më 10.09.2013