Në këtë fillim muaji, organizata Rrënjët Shqiptare – Albanian Roots nga Nju Jorku, pati nderin të pranonte ftesën nga shoqata Labëria Boston për të asistuar në konferencën e tyre që u zhvillua në mjediset e Harvardit. Rëndësia e celebrimit dhe përcjelljes së traditave shqiptare është e një rëndësie të madhe për organizatën e Rrënjëve Shqiptare, të cilët u paraqitën me një grup të konsiderueshëm pjesëmarrësish që performuan tre valle të ndryshme të veriut nën mjeshtërinë e koreografes Angjelina Nika.
Grupmoshat që vinin nga Rrënjët Shqiptare – Albanian Roots u duartrokitën nga të gjithë të pranishmit me ovacion. Gjatë kohës së tyre në Boston, organizata AR kishte mirë-menduar një tur interesant për përfaqësuesit e tyre, duke u treguar vende kyçe të Bostonit siç ishte St George Albanian Church- kisha Fan Noli, godinat e Harvard University apo dhe muze të ndryshëm, ndalesa të cilat lanë anëtarët e AR të kënaqur si përherë.
Trashëgimia folklorike, traditat dhe vlerat shqiptare janë pilarët kryesorë të organizatës Albanian Roots, të cilët arrijnë të bashkojnë shqiparët e të gjitha trevave kudo në Nju Jork: në Bronx, në Brooklyn, në Staten Island edhe në Queens.
Rrënjët Shqiptare -AR janë një grup njerëzish shumë të përkushtuar në punën e tyre.
Me Rrënjët Shqiptare, fëmijët tanë mësojnë vallet e bukura shqiptare nën drejtimin e koreografes së njohur Angjelina Nika, ashtu si dhe perfeksionojnë gjuhën shqipe. Albanian Roots vazhdon të bëjë së bashku shqiptarët pasi nuk resht së zgjeruari klasat dhe grupet e tyre me nga 15-20 fëmijë prezent në klasat përkatëse. Suksesi i Rrënjëve Shqiptare është dashuria për vendin tonë autokton dhe kulturën tonë që të përcillen tek brezat e rinj.
“Rrënjët Shqiptare”