Search Results for: gazmend freitag

“ALEXANDER MOISSI”, TRADITË E KULTURË SHQIPTARE NË SALZBURG TË AUSTRISË

July 4, 2023 by s p

Lulavera Dasch, kryetare e shoqatës “Alexander Moissi” në Salzburg të Austrisë në një rrëfim ekskluziv dhënë Editorit të Diellit të Vatrës në New York Sokol Paja, rrëfen organizimet dhe projektet kulturore shqiptare që mbajnë gjallë traditën, kulturën dhe identitetin shqiptar në Austri.

HISTORIKU I SHOQATËS AUSTRIAKO-SHQIPTARE “ALEKSANDËR MOISSI”

Shoqata “Alexander Moissi” është një organizatë jo-fitimprurëse, anëtarët e së cilës janë individë të fushave të ndryshme. Kjo shoqatë synon që nëpërmjet aktiviteteve dhe programeve të ndryshme të mundësojë njohjen dhe shkëmbimin e eksperiencave (kulturore, artistike etj), ndërmjet dy shoqërive asaj austriake dhe shqiptare si dhe të kultivojë ndjenjen e ndikimit pozitiv në zhvillimin e shoqërisë.

MISIONI, QËLLIMI DHE BASHKËPUNIMET E NGUSHTA

Qëllimi i kësaj shoqate është që të realizojmë projekte, ku kanë mundësi të dy shoqëritë, si ajo shqiptare, dhe ajo austriake, të shkëmbejnë me njëra tjetrën. Unë mendoj që ne jetojmë në një qytet dhe shumë pak dimë për njëri tjetrin. Dy projektet para Festës së popujve “Fest der Volkskulturen”, Filmi HIVE dhe “Diaspora Blues”, publiku austriak ishte aq magjepsës, kureshtar dhe shumë të kënaqur që kishin rastin,të mësojnë për kulturën tonë. Për fat të keq, në media austriake, po flas në Salzburg, gazetat i ke të mbushura me lajme jo të mira për ne shqiptaret,çka do të thotë, se neve na duhet, edhe më shumë punë të bëjmë, se kemi kulturë, jemi popull punëtor, dhe jemi shumë më shumë të kulturuar e integruar. Bashkëpunime kemi me të gjitha shoqatat, varet për cilat projekte bashkëpunojmë, në qytetin e Salzburgut. Për nga shoqatat shqiptare më së shumti bashkëpunime kemi me shoqatën kulturore-sportive “KÂ”, Ermal Vejsa dhe Lirjeta Avdiu. Për mua shoqata “KÂ”,është nder shoqatat më produktive dhe qualitative, që kemi në Austri. Bashkëpunime me shoqatat austriake, qytetin, kemi po ashtu. Qyteti i Salzburgut është i vogël por ka një domethenie të madhe kulturore, ne kemi këtu “Salzburger Festspiele“, “Osterfestspiele Salzburg “, dy festivale me fame botërore, etj. Qyteti i Salzburgut i jap shumë hapsir kulturës tradicionale, në krahasim me krahinat tjera, këtu kemi shtëpinë e kulturave të popujve “Salzburger Volkshaus “, aty janë të regjistruara më shumë se 55 shoqata të veta austriake, të qytetit të Salzburgut me rrethin, në këtë shtepi, janë të regjistruara edhe shoqatat e popujve të ndryshme, që jetojnë në Salzburg, e ne po ashtu si shoqatë shqiptare jemi të regjistruar dhe marrim pjesë në projektet e ndryshme, ku ne prezantojmë kulturën tonë shqiptare. Projekti fundit më 18 qershor, ishte Festa e Popujve që u mbajt, për të 6-tën herë. Mund të them se të gjitha projektet, çka realizohen me shtëpinë e “Salzburger Volkshaus”, dalin me shumë ngjyra, vetë pjesëmarrja e shumë popujve, me traditat e tyre, është me të vërtetë diçka magjike.

AKTIVITETET PATRIOTIKE DHE KOMUNITARE KRYESORE TË SHOQATES KOHËT E FUNDIT

Aktiviteti i fundit ishte festa e popujve “Fest der Volkskulturen“, ku ne e ftuam ansamblin AKKV “SHOTA“, një falenderim shumë të madh që na përkrahi Ministria e Kulturës, Rinisë dhe Sportit . Financiarisht do ishte e pamundur të realizohet vetë. Ansambli erdhi me gjithë trupën e saj, 35 anëtarë. Ata ishin atë dite secili valltar dhe valltare ambasador në vete, atë detyre e kanë kryer me shumë profesionalizëm, që atë ditë i gjithë qyteti i Salzburgut këndoi dhe kërceu shqip, me valle, muzikë, veshje dhe bukuri shqiptare. Për mbi 30 nëna shqiptare që jetojnë në Salzburg, përgaditen ushqime tradicionale shqiptare, me shumë vullnet dhe dashuri. Shumë duar punuan vullnetarisht, që ajo ditë të jehojë sa më bukur, me traditën tonë shqiptare. Në festën e popujve, ne kemi për qëllim të ftojmë grupe nga trojet shqiptare, herën e fundit kishim grupin Tradita nga Ulqini. Është shumë kënaqesi,se si ata kanë mundësi, ta njohin qytetin e Salzburgut, dhe po ashtu të na prezantojnë ne si shoqatë shqiptare, me traditat që i kemi. “Diaspora Blues“ ishte projekti i para fundit në “Literatur Haus” Salzburg, dy të rinj shkrimtar shqiptar, Elonë Beqira dhe Fatbardh Kqiku, ditën ta mbushin sallen me lot, me poezitë dhe shkrimet e tyre,në gjuhën gjermane. “HIVE“ filmi që u shfaq premierë në “Das Kino” Salzburg, plot 4 ditë më radhë. Premiera ishte plot salla e mbushur, e pranishme ishte vete Zonj.Fahrije Hoti nga Krusha e Madhe. Ishte shumë emocionale, ta kemi atë në sallë, dhe pasi u kry filmi, dha intervistë për pytjet e hapura nga dy shoqëritë austriake dhe atë shqiptare. Në fund të vitit të kaluar kishim turne shfaqjen “HOLLYSHIT“ nga regjisori Ilir Bokshi, në bashkëpunim me tri shoqatat WIEN-GRAZ-LINZ-SALZBURG, lista ëdhtë e gjatë ,sa vetë harroj sa projekte i kemi realizuar.

PLANET DHE ANGAZHIMET PËR SEZONIN E RI

Festa e popujve është e vetmja që e dimë që është fix vitin që vjen, të tjerë projekte rrjedhin ashtu me kohën, ka aq shumë plane, dëshira të mëdha të miat, ide që vijnë kohë pas kohe nga kolege dhe kolegë, ide nga rrugtarët e mị,me kohen secili projekt gjen vendin e vet. Vullneti i mirë, puna e mirë, ja vlen, të lindin projekte të bukura, që neve shqiptarëve na përfaqësojnë, me kulturën tonë që kemi, në qytetin e Salzburgut.

MBRESA NGA AKTIVITETI I FUNDIT ME “SHOTËN” DHE PIKTORIN GAZMEND FREITAG

Mbresa qe na ka lënë ansambli Shota, jo vetëm për mua, por për të gjithë shqiptarët që ishin atë ditë prezent, nuk mund të përshkruhet, ishte vetëm tërqethje lëkure,kishte shumë emocione. Ansambli AKKV “Shota”, sidomos për shqiptarët nga Kosova, është simbol që i bashkon të gjitha gjeneratat, të mëdhenjë e të vegjël. Unë si kryetare e shoqatës,arsyje organizimi,kisha të bëj me ta personalisht, dhe i njoftoja të gjithë, për së afërmi, nga drejtori Z.Mehmed Xhemajli, maestro Ylber Asllnaj, organizatori Shpend Rudi, ikonës së valles shqiptare Besnik Grajqevci etj. Secili valltar the valltare, këngtar dhe këngëtare, orkestra dhe përfaqësuesit, u shihej pasioni që kishin, për punën që bënin. Ishte një kënaqësi dhe privilegj i madh, ti kemi në qytetin e Salzburgut. Shpresoj se nuk do jetë hera e fundit. Piktori Gazmend Freitag ishte një rastësi shumë e këndshme dhe perfundon me një miqësi shumë të çmueshme nga ana ime. Mua më kontakton Gazmendi në Facebook, ku shkruan, ndoshta ne kemi dëshirë të postojmë portretin e “Alexander Moissi”,që kishte realizuar ai, meqënëse shoqata jonë e mban emrin e Alesandër Moisiut. Së pari më erdhi tej masę mirë, qe ka nje piktor si Gazmendi shqiptar dhe qe ka piktoru aq bukur, ai me tregon që ka 20 portrete të figurave shqiptare,të pa prezantuara. Mua aty më lindi idea dhe dëshira. Një javë më herët unë kisha takimin në shtëpinë e “Salzburger Volkshaus“, edhe aty na pyetën ne shoqatave, a kemi dëshirë të prezantohemi me ekspozitë, unë thashë jo, se nuk kisha ide. Kur Gazmendi trokiti te unë, e pys Gazmendin nëse kishte dëshirë ti prezantonte në festën e popujve punimet e tij, pa menduar fare më tha po. Ishte një kombinim, them i përsosur, madhështor, portretet e tij me figurat e pavdekshme shqiptare së bashku me ansambin “Shota”, nuk kishte si të ishte më mirë, së bashku në qytetin e Salzburgut. Aleksandër Moisi, luajti për herë të parë rolin e “Jedermann-it” në teatrin, si pjes e “Salzburger Festspiele”,portreti i tij së bashku me figurat historike në praninë e ansamblit “Shota”,në qytetin e Salzburgut, ku ai la hapat e tij shpirt artisti, frymëzonte ditën 18 qershor, kulturë e traditë e mirëfilltë shqiptare, po në qytetin e Salzburgut. Të punohej me Gazmendin ishte për mua shumë lehtë, në telefon, kuptoheshim pothuajse sikur njihemi me vite, personaliteti i tij,shumë i ëmbël, një artist shumë i madh. Shumë professional, i nivelit të larte artistik. Në festën e popujve u pamë personalisht, ishte kënaqësi shumë e madhe, punimet e tij nuk ngopeshe me i pa, aq bukur i kishte qëndisur, ishte një privilegj i madh për ne, të kishim Gazmendin dhe ansamblin AKKV “Shota“ në Salzburg. Këto projekte janë që më bëjnë të dua punën që bëj,me shumë dëshirë të madhe, nga këto projekte rrjedhin njerëzit që une i njohë, e ata janë njerëzit, si Gazmend Freitag e shumë artistë të tjerë nga trojet shqiptare.

KUSH ËSHTË LULAVERA, KARRIERA, FORMIMI DHE ANGAZHIMET

Lulavera ka lindur në Gjakovë me mbiemrin e vajzërisë Islami, ka studiuar Gjuhë dhe Letërsi Gjermane, tek Fakulteti i Filologjisë në Prishtinë. Ka kaluar në vitin 2007 në qytetin universitar të Salzburgut,për punimet Master. Në vitin 2017 është martuar me bashkëshortin Maximilian Dasch, dhe kanë dy vajza, mosha 6 dhe 3 vjeç, me emrin Ana dhe Nora. Kohën e lirë që ka, kontribon me shumë dëshirë për projektet e shoqatës. Shoqata u formua që në vitin 2012, ku ka filluar si anëtare e thjeshtë, në atë kohë studente, që nga viti 2015 është kryetare e shoqatës. Kur e pyesin se ku e merr vullnetin për punën që bën vullnetarisht, u përgjigjet se atë çka ndjen e jeton shumë vite larg vendit të saj, këtë punë që bën,i sjell një copëz të vockërr të vendit të saj tek ajo. Thotë një copëz, se vendlindja është shumë e madhe, por ajo copëz e vockërr, për të ka shumë vlerë. Kur dikush nga bashkëpunuesit, bashkërrugëtarët, e falenderojnë për gjërat që kanë të bëjnë për shoqatën, ju thotë falenderoni veten, nuk e bëni për mua personalisht, ne e bëjmë së bashku, secili për vete, për kulturën tonë.

“LULËZIMET”…PROJEKTI ARTISTIK PËR BOTËN, JETËN, NDJENJAT DHE LULET

February 18, 2022 by s p

Piktori Gazmend Freitag nga Linz në Austri rrëfen për Diellin e Vatrës në New York, projektin e tij artistik “Lulëzimet”. Në një bashkëbisedim me Editorin e Diellit Sokol Paja, Artisti Freitag shprehet se në pikturë tek personazhet e tij mundohet ta paraqesë qenien e tyre të jashtëzakonshme, elegancën e tyre, ngjyrat, format, strukturën dhe mesazhin.

ARTI SI AMBASADOR I PIKTURËS SHQIPTARE NË AUSTRI
Arti Shqiptar është i madh ndërsa unë jam një piktor i vogël, por që mundohem me punën time ta përcjelli imazhin pozitiv të pikturës së bukur shqiptare. Një vend të posaçëm në artin tim, zënë portretet e personalitetëve të njohura nga arti dhe letërsia Shqiptare, të cilët kanë qenë edhe inspirim e udhërrëfyes per formimin e karrierës sime si artist: Gjergj Kastrioti, Pjetër Bogdani, Gjergj Fishta, Aleksandër Moisi, Nënë Tereza, Nexhmije Pagarusha, Havzi Nela, Martin Camaj, Ali Podrimja, Esad Mekuli, Ibrahim Kodra, Princesha Shqiptare Fevzia, Ibrahim Rugova, Bekim Fehmiu, Krist Maloki, Lasgush Poradeci, Anton Çetta e shumë e shumë të tjerë.
LULËZIMET..PROJEKTI PËR BOTËN ME LULE
Aktualisht jam duke punuar në projektin BLÜTEN, pra Lulëzimet. Çfarë do të ishte bota jonë pa lulëzimet? E vetmuar dhe e shprazët. Gjithçka që ne njerëzit por edhe kafshët ushqehemi – lisat, bari, frutet, pemët, salatat, gruri, barishta mbi ujë e tjera… egzistojnë vetëm kemi lulëzimet të cilat duke lulëzuar ftojnë për shumëzim dhe e mundësojnë këtë. Nga shumë këto lulëzime në hapsirën e jetës sonë, kemi disa prej tyre të cilat falënderuar bukurisë së tyre neve njerëzve na bëjnë të ndjehemi të lumtur. Disa prej tyre, ju përkushtoj vëmendje me projektin tim të ri. Në pikturë mundohem ta paraqes qënien e tyre të jashtëzakonshme, elegancën e tyre, ngjyrat, format, strukturën me artet e tyre. Pse? Sepse ndjej kënaqësi dhe pse lulzimet me bukurinë e tyre të natyrshme, neve njerëzve në situata të vështira na dhurojnë ngushëllime dhe shpresa!
BASHKËPUNIMET ME AMBASADAT E SHQIPËRISË DHE KOSOVËS NË VJENË
Me Ambasadën e Shqipërisë në Vjenë kemi realizuar bashkëpunime kulturore, falënderuar edhe Ambasadorit zotit Roland Bimo. Në hapësirat e Ambasadës kam pasur piktura të prezentuara 3 vite me radhë. Ndërsa në Ambasadën e Kosovës me iniciativën e zotit Isa Kosumi, planifikoj një ekspozitë në këtë vit. Këtu do ti prezentoj 20 grafika në letër, portrete të personaliteteve nga kultura dhe letërsia shqiptare, e të cilët nuk janë në mesin tonë. Pra, një homazh!
ARTI SI PIKËTAKIM KULTURASH, TRANSFORMIMESH DHE IDESH Bota jonë do të ishte e varfër pa art! Ēshtë e vërtetë, se arti është urëlidhëse mes popujve dhe diversiteteve kulturore që ka ajo. Duke e njohur njëri-tjetrin, duke shkëmbyer përvojat dhe duke takuar tjerët me respekt, ne mund ta mbrojmë paqën dhe planetin si hapsirë e egzistencë së mbarë njerëzimit.
PIKTURA DHE ARTI NË TROJET SHQIPTARE
E dua shum pikturën shqiptare. Shpresoj se një ditë do të vij koha ku do ti vizitoj muzetë dhe galeritë shqiptare për tu njohur për së afërmi. Mesazhi im për artistët e rinj: Beso në vete dhe në punën tuaj. Arti ësht i gjatë!
GAZMEND FREITAG …
Unë quhem Gazmend Freitag, lindur më 1968 në Pataçan i Poshtëm, Kosovë. Aktuakisht jetoj dhe veproj si piktor në Linz, Austri. Mediumi im ësht pikturimi me ngjyra vaji në kanavace por edhe grafikat me laps dhe tushe në letër. Në gati 20 vitet e fundit kam organizuar ekspozita personale por edhe të përbashkëta në Austri, Itali dhe Sllovaki. Më pëlqen ta zhvilloj stilin e realizmit dhe impresionizmit, por jo me shumë saktësi duke hyrë ne detale, por duke i lën hapsirë edhe vështruesit ta shijoj dhe krijoj mendimin e vet. Gazmend Freitag:www.gazmendfreitag.com

KUR NGJYRAT MARRIN JETË….

February 27, 2018 by dgreca

KUR NGJYRAT MARRIN JETË… NË TË PAKONCEPTUESHMEN “KARAKTER SHPIRTI”/

DUKE SHKRUAJTUR PËR PIKTORIN E TALENTUAR GAZMEND FREITAG/

Kur flasim për një pikturë duhet të nënkuptojmë gjithë atë shpirt, atë sy estetik që depërton në magjinë apo trokitjen e një vrapimi ku deti, fluturimi, apo portreti i një njeriu merr ngjyrë vizional. Gjenomi i një pikture ravizohet si pikë referimi dhe në shpirtin e një piktori të talentuar siç është Gazmend FREITAG.

Çdo pikturë e tij sjell një evolim, një njohje të vetvetes ku duhet ndalur, në çfarë prizmi apo karakteri të një portreti duhen sintetizuar shungëllimat e përmasave të ngjyrave që nesër ato të lulëzojnë si skalitje të një shije të hollë. Veprat e tij kalojnë nga një metamorfozë të një kulture të hershme qoftë kjo dhe fetare deri në identitetin dhe nxjerrjen në pah të një tentativë për psikologji të portretit. Të bie në sy ngulmimi dhe mbivendosja e ngjyrave përkundrejt njëra – tjetres duke krijuar një vallzim me elemente ndiesore.

Ajo çka të tërheq në pikturat e Gazmendit është stili i veçantë, i rafinuar që ruan koherencën me një penelatë si e mbivendosur sipas gjendjes shpirtërore të portretit që ai sjell. Të bien në sy ngjyrat e pasura, drita me nuanca gri apo blu, dekorimi i plotë që vjen njëherazi si plan vendosje i pikave apo dekoreve që krijojnë një opus orgjinal me motive jetësore. Pra duke u futur në botën apo shpirtin e karaktereve ai shpalos të bukurën si një kod ngjyrash, si konvercion i emocioneve apo grishjen e një çasti magjik…
RUDINA MËRKURI

An intimate look at the Albanian way of life

June 22, 2017 by dgreca

Albanian painter 1- Gazmend Freitag/2-Die Braut von Mitrovica by Gazmend Freitag, 2017- 3-Gjergj Kastriot Skenderbeg by Gazmend Freitag, 2013-4 Pjeter Bogdani 5-Dance of the Heavy by Gazmend Freitag, 2013 6-Albanian Goodies by Gazmend Freitag, 2013/

The annual Day of the Open Embassies is all about taking a closer look at the history and culture of diverse countries. It provides the opportunity to exchange points of view and to engage visitors in ways unique to the host nation. The Albanian Embassy in the Fourth District of Vienna chose to nurture the already friendly relationship with Austria by inviting the well known Albanian painter Gazmend Freitag to show his work. Gazmend Freitag, who lives and works in Linz, is well known for his colorful and sensual paintings in the tradition of the European Impressionists and his drawings of famous Albanian personalities. In his third exhibit at the embassy grounds the artist provided once again an intimate look at the Albanian way of life. His paintings and graphics, many of them in the national colors of red and black, are clearly inspired by the traditions of his people and join into a mosaic of historical and ethnographic pictures. The journey begins at Mitrovica in the North to Gjirokastër in the South, from the times of the national hero Gjergj Kastriot Skenderbeg, admired as protector of Christianity, to the event images of the Cold War and provides insight into the spirit of the Albanian people.

Ne Foto:Albanian with Horse by Gazmend Freitag, 2014/

Examples are the black and white shadows of the sword dance, a dance for men only characteristic of the northern border regions; the loveliness of the light in the maternal lullaby, which is transformed into song by the play of color and light; and the gallant soul of the Albanian man in his conduct towards his wife as shown in „Die Braut von Mitrovica“.

The paintings open in addition a window into the early history of the Albanian people and their national heroes: Gjergj Kastrioti, who organized for 25 long years an effective resistance along the Albanian border regions against the advance of the Osmanian Empire towards Western Europe, and Pjetër Bogdani, the enlightened catholic priest of the seventeenth century, celebrated as the one of the first authors in the early Albanian literature and language.

Of interest is the drawing of the crashed plane at the fortress of Gjirokastër, a rusty relic from the times of the Cold War and of the long years of isolation in the former communist Albania.

Diaspora: Një histori krijimtarie letrare me vlera në Austri

September 20, 2016 by dgreca

Lidhja e Shkrimtarëve dhe Krijuesve Shqiptarë “Aleksandër Moisiu” përgatit antologjinë e dytë “Iliricum 2” në shqip e gjermanisht./Ne Foto: Anton Marku, Hazir Mehmeti, DanKosumi, AmirJanuzaj, Besim Xhelili, RagipDragusha (dhjetor 2011, Vjenë)

Nga Hazir Mehmeti, Vjenë/

Studentet shqiptarë të fillimshekullit të 20-të në Austri me veprimtarinë e tyre shkencore, letrare, artistike e mbi të gjitha kombëtare lanë gjurmë në bërjen e kombit dhe shtetit shqiptarë. Ata formuan shoqata, themeluan revista e gazeta, botuan tekste e kalendar kohe duke u bërë të pavdekshëm në historinë kombëtare. Dhe jo rastësisht këtu, kur dihet se Vjena ishte njëra nga qendrat e kulturës evropiane, vend i veprimtarisë së shumë figurave nga historia e kultura shqiptare, mes të cilëve shkëlqen nisma në studimet e albanologjisë nga albanologët gjerman meNorberJockline madh i pasuar nga nxënësit e tij, studiues të njohur si Eqrem Çabej. Ata trasuan rrugën e studimeve dhe krijimtarisë letrare pikërisht këtu. Rrethana e reja të kohës bënë që veprimtaria letrare e artistike të jetë pjesë e kohës deri në ditët e sotme.
Madhështitë nuk krijohet vetëm, por në grupe, ato përzgjedhin ngjashmëritë dhe nxisin energji kolektive e cila na duhet në shërbim të njerëzores e kombit. “Ne shqiptarët jemi popull i befasive të këndshme”-tha bacë Adem Demaqi. Kështu dhe në Vjenë. Secili krijues një copëz historie, një copëz dhembje. Atdheu ishte gjithkund i plagosur dhe njëra nga plagët shekullore ishte mërgimi.
Se njeriu ynë do kujtohet pareshtur, dhe jo vetëm kjo, por ai do jetë frymëzim i brezave në gjurmët e tij në shoqërinë e re. Dhe pikërisht kjo do argumentohet nga nisma që do vjen prej poetit Anton Marku i cili deri atëherë kishte botuardisa përmbledhje me poezi, i prezantuar në Antologjinë e krijuesve kombesh të ndryshme në Austri. Ai ishte këmbëngulës në qëllimin e tij të pastër e më rëndësi. Në vazhdim rrodhen kontaktet e para deri tek takimi i grupit themelues në të cilin uleshin për herë të parë së bashku me detyrë koheAnton Marku,Hazir Mehmeti, Besim Xhelili dhe AmirJanuzaj. Kjo ngjarje vjen pas disa dekadave pauze të aktiviteteve letrare e artistike në nivel shoqate përkatëse në Vjenë.Takimet e radhës zgjeruan rrethin e kontakteve me krijuesit tjerë Zaim Toska, RagipDragusha, DanKosumi, EdonaRamadanifrutë i të cilave do jetë themelimi e Shoqatës së Shkrimtarëve dhe Krijuesve “Aleksandër Moisiu” në Austri. Me pëlqimin e të gjithëve kryetar zgjidhët Besim Xhelili, poet i cili kishte botuar përmbledhje poetike në vendlindje. Vendimi i godituri grupit u dëshmua me punën madhore të Besimit në vazhdimësi. Pas pak javësh aktiviteti Shoqata regjistrohet pranë organeve austriake me 2 dhjetor 2011, kurse tubim promovimi u mbajt para publikut më 14 janar 2012 në të cilin mori pjesë, krijues, student, diplomat, mysafir nga disa shoqata nga disa qytete. Me këtë rast Ambasadori i parë i Republikës së Kosovës në Austri Dr.SabriKiqmari i cili në fjalën e tij tha: “Hegeli mbron mendimin se populli që nuk gjënë njohje, i duhet të prodhoj njohjen, përmes bërjes së historisë. Një mendim i tillë gjenial ju përshtatët shumë zhvillimeve në kombin tonë. Detyrë e shkrimtarëve dhe artistëve është jo vetëm pasqyrimi i së kaluarës së ndritshme të kombit tonë, por edhe orientimi i tij drejt së ardhmes”.

Salla e mbushur në Institutin eAfroaziatik në Vjenë do hynë në historinë e re të kontakteve me krijues nga shumë vende e kombe që fillon nga aty. Ata që e nënvlerësojnë shkrimin e historisë le të mësojnë e respektojnë të sotmen dhe për nesër. Dhe një herë do përtëritet emri Aleksandër Moisiu me rikujtim të madhështisë së Lekës së Madh, respektivisht Aleksandrit të Madh të antikës.Derisa në fillim Shoqata kishte vetëm 9 anëtar në vitin 2013 ajo kishte 27 anëtarë. Në vazhdim të aktiviteteve krijuesit e shoqatës organizuan dhe u prezantuan nëpër orë të ndryshme letrare në Austri, Gjermani, Hungari, në vendlindje etj. Si fryt i një bashkëpunimi të mirë dolën nga botimi, në gjuhën shqipe dhe në gjermanisht, antologjia e parë e titulluar „Illyricum I“ i përcjellë me dhjetëra tituj krijimesh personale të 28 autorëve: Besim Xhelili, Anton Marku, Hazir Mehmeti, AmirJanuzaj, EdonaRamadani, RagipDragusha, DanKosumi, Gazmend Freitag, ZefNdrecaj, Teuta Rexhepi, Driton Murati, Majlinda Zenelaj, Vehbi Haliti, Isa Kosumi, Haxhi Morina, Bajram Krasniqi, Mërgim Osmani, Xhenc Bezhi, DestanGashi, RamizSelimi, Haxhi Muhaxheri, Driton Smakaj, HalitRamadani, Zaim Toska, IzriRexha, Prekë Brahimi, MairIstrefi,

Dr.ViliMinarolli, Ambasador i Republikës së Shqipërisë në Austri, rreth Shoqatës mes tjerash shkruan: „Të krijosh art është dhunti. Por, të krijosh art kombëtar , kur je me vite me radhë larg atdheut është dashuri për vendlindjen dhe popullin tënd. Kjo është një ndjenjë e përbashkët që ju bashkon të gjithëve juve krijuesve shqiptarë në Austri dhe që na e prezanton si një krijesë të gjallë me revistën tuaj të sapo lindur “Iliricum I”.

Në mbledhjen e 1 korrikut 2013 kryesia vendosi të ndryshon emrin në Lidhje të Shkrimtarëve dhe Krijuesve Shqiptarë “Aleksandër Moisiu” në Austri (LSHKSHA).Gjatë gjithë jetës së saj LSHKSHA ka shpreh gatishmërinë për bashkëpunim me të gjitha Shoqatat, Subjektet, Klubet, Lidhjet dhe grupimet e ngjashme, qoftë shqiptare apo të huaja që veprojnë në Austri po dhe jashtë saj. Deri më tash ka të nënshkruar Memorandume bashkëpunimi me Shoqërinë e Akademikëve Shqiptarë në Gjermani “Dija”, me “Lëvizjen e Gruas Shqiptare”, Linz, me Lidhjen e Shkrimtarëve, Artistëve dhe Krijuesve Shqiptarë në Gjermani, Shoqatën Integruese dhe Kulturore „Stublla“, Graz, Shoqatën Shqiptaro – Austriake „Skënderbeu“, Kapfenberg, Shoqatën Shqiptare „Dy Korriku“, WienerNeustadt. Vazhdimisht të gjithë të interesuarit si krijues, autorë, shkrimtarë, artistë e krijues tjerë i kanë dyert e Shoqatës të hapura dhe janë të mirëseardhur.Në Kuvendin e rregullt zgjedhor u bënë disa ndryshime në marrjen e detyrave ku kryetar zgjidhet poeti Anton Maku, dhe kryesia e Lidhjes.

Disa aktivitete me rëndësi
Botimi i “Iliricum I” në gjermanisht i përkthyer nga Dr. KurtGostentschnigg dhe promovimi në qendrën e P.E.N –Club në Vjenë nën përkrahjen e kryetarit të saj HelmuthHelmuth A. Niederle .i cili Illiricuminnë gjermanisht, e quan “gur themeltar në marrëdhëniet me krijuesit shqiptarë në Austri”. Organizimi i orës letrare në bashkëpunim në Austri me shkrimtarin e njohur ArifDemolli, i iniciuar nga KulturKontaktAustri dhe i financuar nga bashkëvendësi ynë, biznesmeniAkiNuredini, Promovimin e revistës “Pelegrin“ në Vjenë. Takim me Adem Demaçin në Vjenë me rastin e 100 vjetorit të pavarësisë së Shqipërisë, e ku mori pjesë dhe Kryetarja e shkrimtarëve të Austrisë Sidonia Gal. Me vlera ishte bashkëpunimi me shkrimtarin e njohur austriak PeterPaulWiplinger, dhe mbajtja e leximeve letrare të përbashkëta me lexime në të dy gjuhët. Nga lidhjet me shkrimtarë miq austriak, krijuan kushte për afirmimin e krijimeve letrare nga radhët e anëtarëve të Lidhjes me ç ‘rast pranohen anëtarë të P.E.N. Club të Austrisë poetët Anton Marku e Besim Xhelili, kurse jo larg pritet pranimi i tjerëve.
Lexime në dy gjuhët në bashkëpunim me Shoqatën Literaturhaus në Salzburgme autorë: Xhenc Bezhi, ZefNdrecaj, Teuta Rexhepi, Anton Marku, Besim Xhelili, EdonaRamadani, RagipDragusha und DanKosum ora letrare mbjtur në Shoqërinë Austriake për Letërsi, orë letrare në Grac e organizuar së bashku me Shoqata Integruese Humanitare e Kulturore “Stublla”, pjesëmarrja në themelimin e „Lidhja e Krijuesve dhe ShkrimtarëveShqiptarë në Mërgatë në qytetin e Koblenzit në Gjermani.
Ora letrare në Linc e organizuar në bashkëpunim me “Lëvizjen e Gruas Shqiptare” në Linz,Ekspozita me piktura, vepra të Gazmend Freitag dhe ora letrare nëOsteriaAllora ku drejtuesi i saj z.FranzPfeffer do shprehet: “Hera e parë zëri i shqiptarëve në Galerie Studio 38 të Vjenës. Pastaj ora letrare në Budapest e organizuar nga aktivist e veprimtarë shqiptar dhe e përkrahur nga Katedra e Albanologjisë, organizim i drejtuar nga shkrimtari Driton Smakaj. Ministri për Diasporë z.IbrahimMakolli në fjalën e tij porosit:“ Bashkë do të arrijmë që ajo që sot na duket e pamundur ta bëjmë të mundur“. Në këtë orë letrare morën pjesë zj.Mira Hoxha, ambasadore e Republikës së Shqipërisë në Hungari dhe Sami Ukelli, Ambasador i Kosovës në Hungari.Orë letrare në qytetin e Baden-it në bashkëpunim me shoqatën kulturore “17 shkurti’’; Orë letrare nëKnittelfeld në bashkëpunim me shoqatën kulturore “Dardania’’Pritje në Ambasadën e Shqipërisë nga Ambasadori RolandBimo i Besim Xhelilit, RagipDragushës dhe Ajet Shirës.Ora letrare në ,,InterkulturelesZentrum’’ në Vjenë -Promovimi i librit në gjuhën gjermane të anëtarit tonë ZefNdrecajt në Schlladmingsi dhe i veprave të autorëve Hazir Mehmeti dhe Besim Xhelili në ambientet e Ambasadës së Kosovës në Austri; Organizimi i konkursit të parë letrarë për autorë shqiptarë në Austri;Ora letrare në Bashkinë e 9-të Vjenë gjatë ,,Javës së Integrimit’’; Ora letrare e organizuar nga shoqata turke ,,Dialog’’ nga Vjena dhe ajo e mbajtur në “LulishTheater” në Vjenë; Pjesëmarrja në Samitin e Parë të Diasporës në Tiranë etj. Do veçoja promovimin e romanit “217” të shkrimtarit Driton Smakaj i cili jeton e vepron në Hungari, Majlinda NanaRama promovim romanit “Perandori”. Ishte me vlerë takimi me studiuesin e veprës së AleksandërMoisiutIsak Guta nga Gjermania. Hapje horizontesh afirmative ishte d bashkëpunimi me P.E.N Clubin në Austri respektivisht kryetarin e saj shkrimtarin e njohur Helmuth A. Niederle, Takimet me kryetaren e P.E.N -Klubit në Shqipëri zj.EntelaKasi, shkrimtare. Leximet në disa gjuhë në bashkëpunim me shkrimtarë në gjuhën turke por kombesh të ndryshme:Mehmeti Meti Zekin, HuseyinSimsek; nga Kenia shkrimtarja e njohur disidente PhiloIkonya, nga Polonia MarzannaDanek,
Vargu i aktiviteteve letrare është i gjatë, një plotësim me vlerë në kalendarin historik të shqiptarëve në Austri. LSHKSH ia ka arritur të ofroj vlera bashkëpunimi me krijues kombesh të ndryshme që jetojnë në Austri. Veçan me vlera të mëdha është ngritja e urave të bashkëpunimit me krijuesit austriak që shkojnë dhe përtej rrethit letrar e artistik, kur dihet mbështetja e madhe që kombi shqiptar pati gjatë historisë së tij të vështirë.