agim Rexhaj – Page 6 – Dielli

Kongresmeni Crowley mbajti Koktejlin e Krishtlindjeve,i pranishëm zv/kryetari i Vatrës Agim Rexhej

December 16, 2013 by dgreca

QUEENS – NEW YORK NY : Kongresisiti demokrate i Nju Jorkut, Joseph Crowley, i njohur keto vitetet e fundit edhe si mik i shqiptareve ne Amerike, ka arritur qe nepermjet rolit te tij, si perfaqesues te forcoje lidhjet me shqiptaret. Mbeshtetja finaciare dhe vota e dhene nga shqiptaret në zonën që ai përfaqëson mes Bronxit dhe Kuinsit ne 8 ligjstaturat, por edhe ne kete te fundit, eshte vlersuar mjaft nga kongresisti amerikan. Kjo, kryesishte vjen nga puna e grupeve shqiptare ne distriktin e tij, grupe te cilat njihen si shume te afert me kete kogresmen amerikan.

Sipas tradites amerikane çdo fundviti mbahet Koktejli vjetor i Krishtlindjeve – “Annual Christmas Party” një pritje kjo ku shprehet një faleminderim dhe mirenjohje për familjaret, miqt dhe perkrahesit e personaliteteve qe shtrojnë ato ne lokale luksoze. Nje kartoline jeshile me oranmetet e Krishtelindjeve “Eat Drink and by Merry with Congressman Joe Crowley”, kishte mbrritur edhe ne tavolinen e nen/kryetari te Vatres, zotit Agim Rexhaj, i cili iu bashkua mbreme në lokalin “Studio Square” në Long Island – New York,Koktejlit vjetor i Krishtlindjeve te mikut te shqiptareve Kongresisitit demokrate i Nju Jorkut, Joseph Crowley, me dhjetera miq te kongresmenit, per te marre prej tij nje faleminderim e mirenjohje per perkrahjen e dhene ne kete zone elektorale.

Joseph Crowley, eshte zgjedhur per here te pare ne Dhomen e perfaqesuesve – Kongresin Amerikan, ne nentore 1998, perfaqesues i dy pjeseve te larteme, te qyteteve Queens dhe Bronx. Prej atehere Crowley ne te njejtin vend, Distriktin e 7-te, ku banojne me se shumtit shqiptaret, kryesisht ata te emigruar nga Kosova, dhe Shqiperia, njerez te cilet, e kane zonen e tyre me te preferuar ne banimim e ne biznesese, ai fiton çdo mandat pa shumë veshtersi. Kongresisti Crowley, ka fituar ne zgjedhjet e fundit nentor 2012 me 70%, te votave duke e ri-perserirti suksesin e tij, per tu bere ze i forte ne kongresin amerikan, se bashku me miqet e tjer, senatore e kongresiste, ne mebshtetje edhe ata te çeshtjes shqiptare, kryesishte perkushtimit te shqiptareve per çeshtjen e Kosoves dhe ato ne viset shqiptare./B.Sina/

Informojme vatranet: Z. AGIM KARAGJOZI NDODHET NË SPITAL

November 7, 2013 by dgreca

Presdiedenti i Nderit i VATRËS, z. Agim Karagjozi, është shtruar për kurim në Winthrop University Hospital in Mineola , Long Island, NY. Ditën e Mërkurrë atë e vizituan Kryetari i Vatrës, dr. Gjon Bucaj, zv/Kryetari Agim Rexhaj me zonjën Laura, z. Zef Përndocaj – anëtar i Advisory Board dhe editori i Diellit, Dalip Greca.

Gjendja shëndetësore e zotit Karagjozi është stabilizuar dhe shëndeti i tij është në përmirësim e sipër. Përfaqësia e Vatrës qëndroi pranë tij për disa kohë. Në bisedë e sipër, pasi u fol për gjendjen shëndetësore, ai u interesua për komunitetin, përVatrën, Situatën në Shqipëri dhe Kosovë dhe trevat e tjera etnike shqiptare.

Z. Agim Karagjozi, që e la Shqipërinë në Nëntorin e vitit 1944, kaloi një kalvar të gjatë migrimi në Itali, Turqi, ku kreu dhe studimet per inxhinieri ne Robert Colege dhe në vitin 1956 u vendos në SHBA. Ai sapo shkeli në SHBA iu bashkua Vatrës dhe u bë një nga vatranët më të përkushtuar. Kreu shumë detyra në Vatër, kontribuoi pa u kursyer, ishte në krye të komisionit për mbledhjen e fondeve të ndërtesës së Vatrës dhe për meritë të tij Vatra e ka sot një Shtëpi të sajën me tre kate; u zgjodh dy herë nënkryetar i pergjithshem i Vatrës, drejtoi Degën e Nju Jorkut, ndërsa për 18 vjet ishte kryetar i përgjithshëm i Federatës Panshqiptare të Amerikës, VATRA.

Për merita në shërbim të Kombit, Qyteti i lindjes e ka shpallë z. Agim Karagjozi ”Qytetar Nderi të Gjirokastrës”. Ky është një vlerësim i merituar për z. Agim Karagjozi, i cili e ka nderuar qytetin me përkushtimin e tij atdhetar.

Me 28 nentor 2012 z. Karagjozi së bashku me veprimtarë të tjerë nga trojet etnike është nderuar nga Këshilli Bashkiak i New York-ut.

Po ashtu, z. Karagjozi ëshët dekoruar nga Presidenca Shqiptare me Medaljen e Artë të Shqiponjës.

Me 18 mars 2010, Ing. Agim Karagjozi dha dorëheqjen si kryetar i VATRES, për motive shëndetësore. Ky vendim u morë në pëlqim të plotë në një mbledhje ku Këshilli i Vatrës, kishte si qëllim që të diskutonte shtimin e degëve të reja dhe intensifikimin e përpjekjeve për gjallërimin e aktivitetit të Federatës më të vjetër të shqiptarëve, përpara zhvillimit të Kuvendit të ardhshëm.

Shëndeti i z.Karagjozi ka ardhur duke u përmirësuar nga dita në ditë pas shtrimit në spital.

Gjithësesi adresa e spitalit ku është shtruar z. Agim Karagjozi, për të interesuarit, është kjo: 259 1st St, Mineola, NY 11501
Telefoni: (516) 663-0333

SHQIPERIA ETNIKE “NJIHET” NGA KESHILLI BASHKIAK I NEW YORK-ut

December 4, 2012 by dgreca

Shqipëria Etnike në Këshillin e Bashkisë së New Yorkut: ceremoni në 100 vjetorin e pavarësisë: nderohen me Proklamatën e Bashkisë së New Yorkut, disa përfaqësues të komunitetit shqiptarë, të cilët në mënyrë simbolike përfaqësonin Shqipërinë, Kosovën dhe të gjitha trevat shqiptare. Nderohet, edhe i biri i konsullit të parë shqiptarë në Nju Jork/

NGA BEQIR SINA, New York/

CITY HALL NEW YORK CITY : Dhjetëra mijëra shqiptarë “pushtuan” rrugët e sheshet në disa qytetet kryesore të SHBA, të mërkurën (28 nëntor) për të kremtuar 100 vjetorin e pavarësisë,- “Dita e Flamurit” e cila shënon ndarjen e Shqipërisë nga perandoria otomane në 1912 pas pesë shekujsh sundimi.

Manifestimet më të mëdha u mbajtën në “kryeqendrën” e tanishme të shqiptarëve të Amerikës, në New York, qyteti ku shqiptarët mblidhen shpesh her në atë që thirret Tri- Shtetet, duke ngritur simbolikisht edhe flamurin kuq e zi në zemër të qytetit. Ndërkohë që në Times Square disa mijëra shqiptarë e “mbuluan” kuqezi sheshin për disa orë duke festuar 100 vjetorin e Pavarësisë së Shqipërisë.

100 Vjetori i Pavarësisë së Shqipërisë – Dita e Flamurit ose Ditëlindja e Shqipërisë mblodhi në sallën e Kuvendit të Bashkisë së Nju Jorkut, e njërit ndër qytetet më të mëdha të Amerikës dhe një ndër më të medhejtë në botë, një grup shqiptarësh nga Shqipëria, Kosova, Maqedonia, Mali i Zi, Çamëria, Presheva, Bujanovci, Medvegja dhe disapora, për të nderuar këtë ditë të shejtë të kombit shqiptarë. Disa nga krerët e këtij Këshilli Bashkiak, përfshirë kryetaren e Këshillit të Bashkisë, së qytetit të New Yorkut, Christine C. Quinn, anëtarët e Këshillit të Bashkisë, James Vacca, Joel Rivera dhe Eric Gioa, së bashku me anëtarë të tjerë të Këshillit të Bashkisë, personalitete të njohur të qytetit, autoritet lokale në shenjë nderi të Ditës së Flamurit 28 Nëntorit 1912 e ndërprenë seancën e zakonëshme, për të mbajtur zyrtarisht një ceremoni kushtuar 100 Vjetorit të Pavarësisë së Shqipërisë …

James Vacca është një anëtar i Këshillit të Bashkisë së qytetit të New Yorkut dhe Kryetari i Komitetit tëTransportit. Ai përfaqëson zonën elektorale 13-të në Këshillin e Qarkut Bronx, e cila përfshin lagjet ku jeton edhe një pjesë e madhe e komunitetit shqiptarë: Throgs Neck, Pelham Bay, Country Club, City Island, Westchester Square, Zerega, Morris Park, Pelham Parkway, and Allerton.

Në këtë ceremoni festive u nderuan me Proklamatën e Bashkisë së New Yorkut, disa përfaqësues të komunitetit shqiptarë, të cilët në mënyrë simbolike përfaqësonin Shqipërinë, Kosovën dhe të gjitha trevat shqiptare .Kjo ceremoni i bashkoi të gjitha trojet Shqiptare nën një flamurë kuqezi – . Mbasi Këshilli i Bashkisë së New Yorkut, zgjodhi për të nderuar çdo njerin prej tyre me Proklamatën e Këshillit të Bashkisë së New Yorkut me rastin e 100 vjetorit të Pavarësisë së Shqipërisë,. Presonalitete që morën këtë proklamat ishin : Dom Pjetër Popaj, nga shqiptarët e Malit të Zi, Xhim Xhema nga Lugina e Preshevës, Agim Karagjozi dhe Niko Kirka, nga Shqipëria, Agim Rexhaj, nga Kosova, Sali Bollati nga Çamëria dhe Ibrahim Kolari nga Dibra e Madhe.

Në këtë ceremoni u nderua dhe Niko Kirika, njeriu i cili kaloi pjesën më të madhe të jetës së tij në burgjet famëkeqe të regjimit të Enver Hoxhës,. Ai është i biri një tjetër figure me përmasa kombëtare, e cila vetëm në demokraci ka filluar të nxirret nga humbellat e historisë së deformuar shqiptare. Bëhet fjalë për Kristo Kirkën (1883-1955), patriotin shqiptar, një nga themeluesit e shoqërisë “Vatra” në SHBA, bashkëpunëtor i Nolit e Konicës, deputet i Parlamentit shqiptar (1921-1924), konsullin e parë shqiptarë në Nju Jork, zv.prefekt i Bilishtit, kryetar i Bashkisë së Korçës, më pas nënprefekt i Korçës, gjatë pushtimit fashist e nazist, nacionalist, i cili nuk pranoi të bashkëpunonte me komunistët dhe të vihej në krye të Frontit Demokratik.Kjo ishte arsyeja pse në vitin 1946 ai u arrestua dhe u dënua me 20 vjet burgim. Vdiq pasi kishte kryer 10 syresh në Burgun e Burrelit në moshën 72-vjeçare. Nuk dihet akoma se ku i prehen eshtrat.

Duhet cekur me këtë rast se Kristo Kirka është “një figurë me përmasa kombëtare, por fatkeqësisht e harruar, e lënë mënjanë. Me rastin e 100-vjetorit të pavarësisë, pas një pune të gjatë në arkivat e Shqipërisë, të SHBA-së dhe sidomos të ‘Vatrës’, studiuesit shqiptarë kanë bërë përpjekje që të nxjerrë në dritë këtë figurë madhore të kombit tonë. Në Këtë ceremoni morën pjesë dhe përfaqësuesit diplomatik të shtetit Shqipërisë, Konsulli i Përgjithshëm i Shqipërisë në New York, zoti Dritan Mishto edhe disa bashkatdhetarë nga emigracioni shqiptar i këtushëm, i vjetër e i ri, si dhe media shqiptare TV21, Albanian Culture dhe gazeta Dielli..

Ceremonia zyrtare u zhvillua në sallën qendrore (sallën e kuvendit të qytetit) të Bashkisë së qytetit 12 milion banorësh, i njohur ndryshe edhe metropoli i botës. Kjo ceremoni ishte e veçantë, për të nderuar Ditën e Flamurit kuqezi , në këtë 100 vjetor dhe për të shprehur me këtë rast mirënjohjen dhe respektin e thellë për mikun tonë të madh SHBA-ës. Kjo ngjarje e cila u zhvillua në kuadrin e aktiviteteve që u mbajtën në New York, me rastin e 100 Vjetorit të Pavarësisë së Shqipërisë e përshëndeti edhe kryetarja e Këshillit të Bashkisë, zonja Christine C. Quinn, dhe miku i shqiptarëve anëtari i Këshillit të Bashkisë, James Vacca. Ndërkohë që në emër personaliteteve të nderuara ka përshëndetur kryefamullitari i Kishës Katolike shqiptare Zoja e Shkodrës në New York, i Përndershmi dom Pjetër Popaj. Më pas ceremoninë e përshëndeti edhe veprimtari i dalluar çështjes Çame në Amerikë, zoti Sali Bollati, i cili duke falenderuar për vlerësimin e Bashkisë, ka përmendur edhe faktin se krahina e Çamërisë, është shprehje e padrejtësive historike të Evropës ndaj Kombit shqiptar. Ndërkohë, që nën kryetari i Vatrës zoti Agim Rexhaj ka faleminderuar veçanërishtë me këtë rastë SHBA rolin dhe kontributin e saj prej pavarësisë së Shqipërisë, rënjen e komunizmit dhe lirinë dhe pavarësinë e Kosovës.

Rexhaj sipas shtypit shqiptarë thuhet se ka thënë : “Shqiptarët, kudo në botë, të gjithë i janë mirnjohës SHBA-ës, për ndihmes e çmuar që dhanë në çështjen shqiptare në përgjethësi dhe së fundi me pavarësinë e Kosovës, duke realizuar edhe atë ëndërrën shekullore të shqiptarëve”

Ndërsa James Vacca (prouncimi Xhimi Vaca) Anëtar i Këshillit, të Qarkut 13 Bronx – New York, nderoi me një proklamtë të veçantë 100 Vjetorin e pavarësisë së Shqipërisë, në të cilën thuhet :

Këshilli Bashkiak i qytetit të New York-ut është i kënaqur të nderojë sot ditën e pavarësisë të Shqipërisë, e cila sot feston ditën e flamurit – Albanian Flag Day; dhe Këshilli i Bashkisë së Qyetiti të New Yorkut është krenar për të nderuar njujorkezët me origjinë shqiptareditën kombëtare të Shqipërisë, në njohjen e 100 vjetorit të saj të Pavarësisë.
Shqipëtarët kan qenë të njohur gjerësisht si raca më e lashtë në Evropën Juglindore në kuadër tëPerandorisë Bizantine, ku populli shqiptar ka zhvilluar një luftë të madhe për identitet kombëtar në një gjuhënë një flamur dhe të trashëgimisë së saj kulturore të cilat njerëzit e saj i mishërojnë, edhe në këtë ditë

Shqiptarët kan një histori të pasur kulturore, që datojnë që prej ilirëve dhe para-Helenike dhe popullsisëTyrrhenopelasgian –

Perandoria Osmane filloi sundimin e saj në 1506 dhe vazhdoi atë për më shumë se katër shekuj…

Në 1909 Shqipërët filluan një rezistencë të armatosur tre vjeçare e cila kulmoi në 28 nëntor 1912 meshpalljen e Pavarësisë së Shqipërisë

Për çdo vit që nga viti 1912, shqiptarët e festojnë “Ditën e Flamurit” më 28 nëntor 2012, së bashku me shqiptarët në SHBA dhe në Shqipëri ata janë duke festuar 100 vjetorin e kombit shqiptar dhe vlerat elirisë me optimizmin dhe prosperitetin e tyre.

KONSULLI I NDERIT NE MICHIGAN, EKREM BARDHA FALENDERON KRYEMINISTRIN BERISHA PER FTESEN

November 23, 2012 by dgreca

Konsulli i Nderit i Republikes se Shqipërisë në Michigan ftohet të marrë pjesë në Festimet e 100-Vjetorit të Pavarësisë në Vlorë e Tiranë.

Me ftesë të posaçme nga Kryeministrit Shqiptar, Prof. Dr. Sali Berisha, Konsulli i Nderit, aktivisti dhe biznesmeni i njohur shqiptar në Amerikë Ekrem Bardha, ndodhet në Tiranë për të kremtuar 100 Vjetorin e Pavarësisë në Atdhe.

“Ishte ky një detyrim moral, -thotë Bardha gjatë një telefonate me Komisionin e Festimit të këtij Jubileu në komunitetin shqiptar të Michiganit, dhe një vlerësim për mua, që gjithësesi duhej vlerësuar me pranimin e ftesës. Duke pasë parasysh se përgatitjet për këtë kremtim në komunitetin tonë ishin në fazen përfundimtare dhe çdo gjë po shkon sipas parashikimeve dhe programit të këtij komisioni, vendosa edhe me miratimin tuaj, të jemë pjesë e këtij manifestimi madhështor në vendin ku do të donte të ishte çdo shqiptar.

Bindem në punën e mirë që ka bërë ky Komision, i përbërë nga përsona të nderuar të tri qendrave fetare, të pothuajse të gjitha shoqatave që veprojnë në Michigan, se çdo gjë do të shkoj mirë.

Me këtë rast falenderoj, të gjhithë ata që punuan për këtë përgaditje, që vërtetë do të jetë madhështore në Qendren e Shën Palit, e cila është kthyer në një qendër kombëtare, në një Shqipëri të vogël jashtë atdheut, shumë të vlerësuar e të nderuar nga të gjithë ata që kanë pasë mundësinë ta vizitojnë. Një falenderim i veçantë për Kryeministrin Sali Berisha për ftesën time, si dhe diplomacinë shqiptare në Washington”

Pjesë nga ftesa që Ekrem Bardhës i ka ardhur nga Kryeministri shqiptar:

Duke vlerësuar kontributin tuaj përsonal në promovimin e identitetit dhe të vlerave të kombit, si edhe të imazhit të Shqipërisë e kombit shqiptar në SHBA e më gjërë, kam kënaqësinë e veçantë t’ju ftoj të festojmë së bashku me qytetarët e vendit tim, qeverinë shqiptare, si edhe miq të tjerë të nderuar nga kombe e vende mike, këtë jubilee historik të 100-Vjetorit të Pavarësisë së Shqipërisë.

Bashkangjitur me këtë ftesë do të gjeni edhe programin e festimit të datës 28 Nëntor 2012.

Me sigurimet e konsideratës dhe të respektit më të lartë.

Juaji

Sali Berisha

Korespodenti i Revistes ” Kuvendi”

MICHIGAN

SHENIM I DIELLIT:

Kane marre Ftese te drejteperdrejte nga Kryeministri Sali Berisha per te qene pjese e festimeve edhe disa veprimtare e biznesmene te tjere ne New York si:Kryetari I VATRES-Dr. Gjon Bucaj; zv/kryetari I Vatres-Agim Rexhaj, anetaret e Kesgillit vellezerit Bitici, Sejdi Hysenaj, Jonuz Ndreu etj.

KEMI ARSYE TË KRENOHEMI ME NËNË TEREZËN

November 5, 2012 by dgreca

NGA AGIM REXHAJ*/

Një ndër veprat më të mëdha, të simbolit të shqiptarëve, në botën e qytetruar mu në zemër të Europës, është ndërtimi i Katedrales “Nëna Tereze” në zemër të Prishtinës, në Kryeqytetin e Republikës së pavarur të Kosovës, e cila gjithësesi ka mbas vetes edhe kontributin e çmuar të shqiptarëve të Amerikës. Ky kontribut është një gjest dashurie, respekti, dhe bashkimi për tërë shqiptarët, kudo që ata jetojnë.

S’ka dyshim, se kur kujtojmë Katedralen “Nëna Tereze” në mes të Prishtinës – do të çojmë ndër mend, edhe çastin e hedhjes së gurthemelit nga presidenti i ndjerë i Kosovës; Presdenti historik, arkitekti i Pavarësisë, dr Ibrahim Rugovën,i cili do të mbahet mend si paraprijës i këtij projekti.

Do të çojmë ndërmend edhe prijësin shpirtëror,Ipveshkvin e ndjerë, Imzot Mark Sopin, biografin e Nënës Terezë, Dom Lush Gjergjin,e shume te tjere. Kujtojmë, në mënyr të posaçme punën e tyre, në nismën për ngritjen e Katedrales në Prishtinë, më 19 gusht 2006, ate dite te bekuar, ku moren pjese Shqiptarë nga te gjitha trojet etnike, si dhe nga diaspora e tri besimeve fetare,katolikë,ortodoksë dhe muslimanë, kujtojmë praninë ndërkombëtare. Kjo Katedrale, është bërë sot, pikërishtë monumenti që i shkon përshtat një figure të rrallë , nje Nobelisteje, një shenjëtoreje shqiptare si Nëna Tereza

Ne shqiptarët kemi arsye të krenohemi për Shënjtëreshën Nënë Tereza, emrin e së cilës mban Katedralja. Krenohemi me simbolin e racës tonë Arëbërore. Ajo, grua imcake, me trup të vogël, por me zemër të madhe, siç ka thënë Papa Gjon Pali II, “i dha formën Shekullit të XX”, ndërkohë që Kardinali Paskal,do ta ngrintë lart Kombin Shqiptar, tek do të thoshte:” Nuk mund të jetë popull i vogël ai që ka dhënë një nënë kaq të madhe.”, ndërsa shkrimtari ynë i madh, kandidati i përjetshëm i Nobelit,Ismail Kadare, do ta vajtonte simbolin e dashurisë së përbotshme me shprehjen:” Bota dhe populli ynë mbetën jetim pa Nënë Terezën”.

Ne ndjehemi mirë që emri i Nënë Terezës është përjetësuar duke emërtuar Spitale, Qendra mjekimi, Shkolla, Aeroporte, rrugë, por ajo që do ta kujtojë përjetësisht misionin e saj, do të jetë Katedralja në mes të Prishtinës.

Dëshirojmë me zemër që kjo Katedrale, ashtu siç u konceptua që në gurthemel, të jetë edhe një një monument bashkimi për popullin e Kosovës dhe mbarë popullin shqiptar, pavërsisht përkatësisë fetare.

Modeli i bashkëjetesës dhe harmonisë fetare për popullin shqiptar, është unik,i papërsëritshëm. Vëllazërimi mes feve është një tregues i qytetërimit dhe pjekurisë së kombit tonë. Kjo vlerë, në imazhin e Shqipërisë, përbën një shembull të rrallë në Europë e në botë. Le ta ruajmë këtë trashëgimi të të parëve tanë!

Me ndërtimin e Katedrales “Nëna Tereze” në Prishtinë, kryeqytetin e Republikës së Pavarur të Kosovës, u realizua më në fund, amaneti i Presidentit historik të Kosovës dr Ibrahim Rugova dhe Imzot Mark Sopit – të cilët nga dritarja e qeillit – shpirtat e tyre te ndjerë, sot gëzohen dhe na falenderojnë, të gjithëve ne për atë që bëmë si shqiptarët te Amerikës, atë që bëmë së bashku në dekada për çështjen shqiptare në SHBA, kontributin që dhamë në rrëzimin e komunizmit në Shqipëri dhe demokratizmin e saj, çlirimin, lirinë dhe pavarësinë e Kosovë, avancimin e çështjes shqiptare ne Maqedoni Mal të Zi, por edhe për kontributin e dhënë qysh ne fillim me ndërtimin të Katedrales “Nëna Terezë” në Prishtinë – Kosovë,

Ndërtimi i Katedrales “Nëna Terezë” në Prishtinë , ishte rezultat i një pune të madhe që është bërë për t’i bashkuar shqiptarët e të tre besimeve fetare, pavarësisht bindjeve tona politike , pavarësiht viseve nga kemi ardhur.

Ndërtimi i këtij tempulli të besimit fetar në mes të Prishtinës, nxorri edhe një herë në pah bujarin dhe zemërbardhësinë e madhe te shqiptarëve të Amerikës që nuk kursyen asgjë për lirinë dhe pavarësinë e Kosoves , por kontribuan dhe po vazhdojnë të kontribuojnë për ndërtimin e këtij tempulli të shenjt, monument fetar dhe kombëtar si dhe shenjë bashkimi në mes të Kosovës, në mes të Europës.

Mirenjohja dhe falenderimi u takojnë te gjithe Shqiptareve, kudo që janë, të cilët ndihmuan dhe po e ndhmojnë ndërtimin e Katedrales “Nena Terezë” në Prishtinë, një nderim i veçante shkon për famullitarin e palodhur e atdhetar të Kishës Katolike Shqiptare”Zoja e Shkodrës”, Dom Pjeter Popaj,

A ka gje me te bukur se fakti i përfshirjes të të gjithë shqiptarëve, nga të gjitha trojet etnike, per ndërtimin e Katedrales ne Prishtinë?

Në pamundësi për t’i përmend të gjithë, po i numëroj disa që kontribuan me shuma të konsiderueshme;

Nga arbëreshët e Italise , Joe Dioguardi ish Kongresmeni republikan , Xhim Xhema nga Presheva, Leke Gojçaj nga Hoti i Malesise, Zef Balaj nga Shqiperia,Hary Bajraktari nga Kosova, Ibrahim Kolari nga Dibra dhe shumë të tjerë.

Në prag të këtij 100 vjetori të shpalljes së shtetit të pavarur shqiptar, falenderojmë mikun tonë të perjetëshëm Shtetet e Bashkuara të Amerikës, si thoshte Presidenti historik i Kosovës, i njderi Dr. Rugova, për atë që bënë që Shqipëria të mos coptohej më tej dhe të ruante pavarësinë që e kemi tash e 100 vite. Pa mikun e madh, Kombin Amerikan, nuk do ta gëzonim pavarësinë e Kosovës, nuk do ta kishim Shqipëria në NATO.

Pra , le të shërbejë edhe sonte kjo darkë, e bukur bashkimi, për rritjen e Fondeve për Katedralen Nënë Tereza në Prishtinë, si një darkë që na mbledhë së bashku që të kontribojmë, por edhe të festojmë, në prag 100 vjetorit të pavarësisë së Shqipërisë, 28 Nëntorin 1912, ditën kur plaku i urtë dhe i mençur i Vlorës Ismail Bej Qemali, ngriti me ata patriotët e mbeldhur së bashku nga e gjithë Shqipëria etnikie, flamurin kuq e zi të Gjergj Kastriotit – Skëndërbeut . Le t’i shërbejë kjo darkë qëllimit të saj, ashtu si dhe në të kaluarën me aktivitetet në veprimtaritë dhe kontributete e diasporës, sidomos në dy dekadat e fundit për grumbullimin e ndihmave në New York, për Kosovën, Shqipërinë e çështjen shqiptare në tërësi.

Pra si folësi i kësaj darke gjejë rastin të falenderojë secilin prej jush për këtë kontribut të çmuar dhe t’ju urojë të gjithëve mbarësi dhe lumturi në shtëpitë tuaja, Zoti u bekoftë për këtë dhuratë të madhe që po bëni për Katedralen e “Nëna Tereze” në mes të Prishtinës-! Zoti i bekfotë Shqiptarët,Kombin shqiptarë , Shtetet e Bashkuara të Amerikës, kombin Amerikan!

Fjalimi që mbajti zv/kryetari i Vatrës, z. Agim Rexhaj më 14 tetor, në darkën e organizuar nga Komisioni Organizator i mbledhjes së Fondeve për ndërtimin e Katedrales”Nëna Terezë” në Prishtinë.