Astrit Lulushi/

Bota i detyrohet deshifrimit nga Champollion të shkrimeve të hershme egjiptiane, së bashku me punën e të gjithë studiuesve që pasuan. Pa ato përpjekje, dorëshkrimet e lashta do të mbeteshin të pa pakuptueshëm ose nuk do të ishin asgjë më shumë se artifakte që nga fillimi i qytetërimit – mbushur me faqe simbolesh, kuptimi i të cilëve do të mbetej i panjohur – do t’i kishin grabitur botës një thesar të madh.

Egjiptologjia êshtë nënprodukt i pushtimit Napoleonik. Kur korsikani i madh udhëhoqi ekspeditën e tij franceze në Egjipt në 1798, ai mori me vete një numër akademikësh dhe inxhinierësh për të eksploruar dhe hartuar terrenin, duke hapur rrugën për disa studiues të interesuar për Egjiptin për hir të një kuptimi më të mirë të historisë. Ishte ky grup studiuesish që i zbuloi për herë të parë botës moderne tempujt e mrekullueshëm të Luksorit dhe Karnakut; dhe përshkrimi i përpunuar i Egjiptit që ata përgatitën për Akademinë Franceze në 1809 ishte momenti i parë historik në studimin shkencor të këtij qytetërimi madhështor e të harruar.

Megjithatë, për shumë vite, ata nuk ishin në gjendje të lexonin mbishkrimet madhështore që mbijetonin në monumente. Tipike për temperamentin shkencor ishte përkushtimi me të cilin Champollion, një nga këta dijetarë, u aplikua për deshifrimin e hieroglifeve misterioze. Më në fund ai gjeti një obelisk me “gdhendje të shenjta” në gjuhë egjiptiane, por që mbante në bazë një mbishkrim greqisht që tregonte se shkrimi kishte të bënte me Ptolemeun dhe Kleopatrën. Duke marrë me mend se dy nga hieroglifët, të përsëritur shpesh me një kartushë mbretërore të bashkangjitur, ishin emrat e këtyre sundimtarëve, ai bëri paraprakisht (në 1822) njëmbëdhjetë shkronja egjiptiane; kjo ishte prova e parë e botës sot që Egjipti i lashtë kishte një alfabet. Pastaj ai e aplikoi këtë alfabet në një pllakë të madhe prej guri të zi që trupat e Napoleonit kishin gjetur pranë grykës së Rozetës së Nilit. Ky “Gur i Rozetës” përmbante një mbishkrim në tre gjuhë: e para në hieroglifë, e dyta në “demotike” (shkrimi popullor i egjiptianëve) dhe i treti në greqisht. Me njohuritë e tij të greqishtes dhe njëmbëdhjetë shkronjat e bëra nga obelisku, Champollion, pas më shumë se njëzet vjet pune, deshifroi të gjithë mbishkrimin, zbuloi të gjithë alfabetin egjiptian dhe hapi rrugën për rimëkëmbjen e një bote të humbur mahnitëse. Puna e Champollion ishte një nga majat në historinë e historisë. Aftësia për të përkthyer mbishkrime të panumërta të gjetura në muret e monumenteve, tempujve, varreve dhe dokumenteve antike ka dhënë njohuri befasuese në lidhje me qytetërimin e Egjiptianëve të Lashtë dhe më tej, deri në Sumer. Bota tani i hedhë sytë nga qielli për të gjetur shpjegim për gjithçka të lashtë në Tokë.

Foto: Tv Klan

Astrit Lulushi/

Kur Bota ishte afër fundit të Epokës së Akullit 12,800 vjet më parë, një kometë gjigante shpërtheu. Ajo kishte hyrë në sistemin diellor nga hapësira e thellë. Disa prej copave goditën Tokën duke shkaktuar një kataklizëm globale në shkallë të paparë që nga zhdukja e dinosaurëve. Të paktën tetë nga fragmentet goditën Amerikën e Veriut, ndërsa copa të tjera goditën Evropën veriore. Ata që shpëtuan migruan në jug. Fragmentet e kometës rreth 2 km gjërësi goditën Tokën me shpejtësi 90 km në orë, dhe gjeneruan sasi të mëdha nxehtësie që likuiduan në çast miliona kilometra pyje e tokë; destabilizuan koren e Planetit; dhe shkaktuan përmbytjen globale që mbahet mend në librat e shenjtë dhe në mite anembanë botës.

Një seri e dytë pasojash, po aq shkatërruese, që shkaktuan përmbytje të mëtejshme kataklizmike, ndodhën 11,600 vjet më parë, datë që Platoni jep për shkatërrimin dhe fundosjen e Atlantidës. Provat e zbuluara tregojnë se një qytetërim i përparuar u shkatërrua në kataklizmat globale midis 12,800 dhe 11,600 vjet më parë.

Por pati edhe të mbijetuar – të njohur në kulturat e mëvonshme me emra të tillë si ‘të urtët’, ‘të shkëlqyerit’’, ‘të ndriturit’ – Alpet quheshin ‘të ndritur’, pasi majat e tyre zbardheshin nga bora, apo shkëlqenin. Këta ‘të ndritur’ udhëtuan nëpër botë, duke bërë gjithçka në fuqinë e tyre për të mbajtur ndezur shkëndijën e qytetërimit. Të urtët u vendosën në vende kyçe – Gobekli Tepe në Turqi, Baalbek në Liban, Giza në Egjipt, Sumer, Evropën jugore – ku janë zbuluar piramida (Bosnje) — në Meksikë, Peru dhe përtej Paqësorit, ku një piramidë e madhe është zbuluar në Indonezi. Kudo që shkuan, ‘të shndritshmit’ sollën me vete kujtimin e një kohe kur njerëzimi kishte jetuar në harmoni me universin; dhe me përmbytjen, kishte paguar një çmim të lartë. Një kujtesë dhe paralajmërim për të ardhmen…

Por kometa që shkaktoi shkatërrime të tilla në vitin 12,800 dhe 11,600 mund të mos ketë mbaruar punë me Tokën.

Astronomët besojnë se një pjesë ‘e errët’ prej 30 kilometrash e kometës gjigante origjinale mbetet e fshehur mes mbeturinave në Galaktikë. Dhe, ndërsa vazhdon të endet, ajo përbën kërcënin për Tokën. Një mesazh astronomik i koduar në Gobekli Tepe, Sfinks dhe piramidat e Egjiptit, paralajmëron se ‘Kthimi i Madh’ do të ndodhë. Kur?, kjo nuk dihet. Ata që besojnë në Zot pohojne se kthimi i kometës përmbush profecinë e librave të shenjtë; ‘mendim i dëshiruar’, thonë të tjerët që besojnë në teorinë e evolucionit. Rrofshim gjatë për të parë.

Photo: Gettyimages.it

See Insights and Ads

Boost post

All reactions:

11