Nga BEQIR SINA, Waterbury – Connecticut/
WATERBURY – CONNECTICUT: Ndërsa, në Shqipëri, Kosovë dhe mbarë tokat shqiptare, diasporë e kudo ku ka shqiptar, këtë javë është duke u festuar 101 Vjetori i Shpalljes së Pavarësisë së Shqipërisë, Dita e Flamurit kombëtar, anëtarët e komunitetit shqiptar në qytetin e Waterburyt në Connecticut, për të 36 vjet ngritën flamurin kuq e zi dhe u nderuan me titullin honorifik “Kryetar Bashkie i Ditës – Mayor of the Day”, një shqiptar të Amerikës.
Dita e Flamurit shqiptar në Waterbury , është shënuar edhe me ceremoninë e ngritjes së Flamurit tonë kombëtar për të festuar vitin e 101- të të pavarësisë së Shqipërisë në shtizën e lartë të bashkisë së qytetit..Ngjarja është mbajtur, dje në sheshin para komunës dhe përfshiu, fjalime nga folës të shquar të ftuar special dhe disa aktivitete kulturore dhe artistike . Shënimi i 28 Nëntorit, është bërë tashmë një traditë, e vjetër për qytetin e Waterbury, për të bërë ” për Kryetarin e Ditës ” një anëtarë nga komuniteti shqiptarë , duke nderuar me këtë rast edhe atë diversitetit etnik të këtij qyteti i dalluar në SHBA, për traditën dhe tolerancën në këtë qytet .
Në Waterbury, më 29 Nëntor 2013( u mbajt sepse 28 Nëntori kësaj rradhe koncidoi me : Ditën e Falemnderimeve – Thanksgiving “, komuniteti shqiptaro-amerikan festojë ashtu si për çdo vjet pavarësinë e Shqipërisë, ku zoti Neil M. O’Leary Kryetari i Bashkisë , Qyteti i Waterbury i dha një shqiptar titullin ” Kryebashkiaku për Ditën “, shqiptaro amerikanit Ismail Vinca.
Ndërkohë dihet zyrtarisht se Connecticut është shtëpi për rreth 20 mijë të shqiptarëve , të cilët jetojnë kryesisht në Stamford, Hartford , Waterbury dhe Danbury, por ky shtet federal përveç shqiptarëve etnikë , Waterburyn e ka shtëpin edhe për komunitetet e tjera, iralendez, italianët , francezet – kanadezet , portugezet , libanezt , dhe Lituanët . Në Waterbury ka rrënjë të forta komuniteti irlandez sidomos në Washington Hill , e cila është shtëpia për paradën vjetore St Patrick Day të qytetit .
Zymer Kaliqi, kryetar i Kuminitetit “Hasan Prishtina” në Waterbury të Connecticut, është i entusiamuar për ngritjen e flamurit tonë kombëtar dhe ceremoninë e dhënjes së titullit për këtë ditë “Mayor of the Day” të një shqiptari në këtë qytet, një traditë 36 vjeçare që ndjek bashkia e këtij qyteti me ne shqiptarët për të respektuar Ditën e Flamurit – Shpalljen e Pavarësisë së Shqipërisë.
“Kjo ditë, tha kreu Kuminitetit “Hasan Prishtina”, zoti Kaliqi, ashtu si çdo vjet përcjell emocione të veçanta tek i gjithë komuniteti ynë, që e ndjekin më vëmëndje dhe një pjesëmarrje masive, këtë festë para bashkisë, duke na bërë të ndihemi të paktën edhe për një ditë si 28 Nëntori si në vendlindjen tonë.”
Vetë pjesëmarrja e autoriteteve më të larta të Connecticut, governatori, senatoret dhe kongesmenët, në festën tonë kombëtare 28 Nëntorin e pavarësisë, dhe një numër i udhëheqësve lokal dhe shtetëror, tregon atë se jo vetëm ne kemi bërë një traditë, por se jemi duke përfocuar për çdo ditë edhe ato lidhjet e mira që kemi ne komuniteti shqiptarë me këta lider amerikan, shprehet zoti Zymer Kaliqi, kryetar i Kuminitetit “Hasan Prishtina” në Waterbury të Connecticut, për gazetën Bota Sot .
“Kryetar Bashkie i Ditës – Mayor of the Day”, kësaj radhe ishte Ismail Vinca, i cili tha se kam kënaqësin e madhe të marrë këtë nderim simbolik, i cili shpreh respektin e bashkisë së qytetit të Waterbury, dhe personalisht të lidhjeve të mira që kemi ne si komunitet me zotin Neil M. O’Leary , për të nderuar 28 Nëntorin pavarësisnë e Shqipërisë. Ai e quan këtë respekt të bashkisë “Mayor of the Day” si një respekt dhe nderim që ky qytet ku jetojnë dhe punojnë komuniteti më i vjetër shqiptarët, si nderim dhe respekt i të gjithë komunitetit shqiptarë në Waterbury”
Një nga presparët e Amerikës, Tasim Tasimi, thotë se :’ respekti që i bënë për 36 vjet bashkia e Waterburyt, për ti dhënë titullin “Kryetar Bashkie i Ditës – Mayor of the Day” një shqiptari më 28 Nëntor, mendojë që është për të treguar sesa e vlërëson bashkia e qytetit komunitetin shqiptarë. Unë kam më shumë se dy dekada që e festojë së bashku me këtë komunitet dhe në këtë mënyrë 28 Nëntorin e pavarësisë së Shqipërisë, por dua të them se për çdo vjet 28 Nëntori, është edhe më i dashur edhe më i bukur, jo vetëm për mua por për të gjithë shqiptarët e këtij qyteti. Fëmijët tanë, tha ai e presin këtë ditë me gëzim e hare, çka na gëzon edhe ne prindërit e tyre, duke festuar këtë festë e përcjellur me urimin të veçantë që një ditë ta festojmë edhe me Shqipërinë e Bashkuar – Shqipërinë Etnike”
Konsulli i Përgjithëshëm i Kosovës në New York, Ambasadori Bekim Sejdiu, që përfaqëson shtetin e Kosovës në këtë ditë madhështore, që të mbush me krenari dhe mirënjohje të gjithë shqiptarët, thotë “se sa e rëndësishme, është që të njohë personalisht nga fjala e zotit Neil M. O’Leary Kryetari i Bashkisë , Qyteti i Waterbury, qytetin e 120 mijë banorëve, ku shqiptarët janë 14 për qindë e tyre, rëndësinë e arsimit në jetën e një komuniteti, ku shqiptarët kan “Top 10 studente”, dhjetë studentët më të mirë të të gjitha shkollave të mesme të qytetit”.
Në ceremoninë e organizuar para bashkisë së qytetit të 120 mijë banorë, Neil M. O’Leary Kryetari i Bashkisë , Qyteti i Waterbury, nderoi me titullin “Mayor of The Day”, shqiptaro amerikanin Ismail Vinca me motivacion:
Duke patur parasyshë : Në përkujtim të Ditës së Pavarësisë së Shqipërisë , 28 Nëntori 1912, ditën në të cilën Shqipëria shpalli pavarësinë e saj nga Perandoria Osmane , Qyteti i Waterbury me krenarin e madhe në respektimin saj nderon një njeri që ka kontribute të shumta në emër të komunitetit shqiptaro-amerikan
Ai është: Ismail Vinca i cili ka lindur në vitin 1956 në qytetin e Veleshta , Maqedoni .
Në vitin 1974 , në moshën 17 vjeç , Ismail Vinca duke lënë gjithçka pas emigroi në Waterbury për të filluar një jetë të re , ku ai mund të ketë një të ardhme më të mirë për veten dhe familjen e tij . Menjëherë pas kësaj , gruaja e tij u bashkua me atë në atë që thirret “American Dream – Endrra Amerikane”, e cila ishte bërë shpejt një realitet për familjen Vinca . Ismail dhe gruaja e tij Zulfiret kanë qenë të martuar për 36 vjet dhe kanë tre fëmijë, dy djem, Dritar dhe Shefki dhe një vajzë , Ardita .
Ismaili u bë një qytetar i SHBA në vitin 1980 dhe ka punuar në biznese si restorante që nga viti 1982 . Që atëherë ai ka qenë një njeri i suksesshëm i biznesit dhe sipërmarrës restorantesh . Si një anëtar themelues i Komunitetit shqiptar Hasan Prishtina , Ismail ka punuar pa pushim për të ndarë kulturën shqiptare me qytetarët e Waterbury . Ismail aktualisht militon në Bordin e Qendrës Komunitare Hasan Prishtinës . Edhe pse jeta e Ismaili nuk ka qenë një rugëtim i lehtë , ai erdhi për të realizuar Endrrën Amerikane: me punë dhe këmbëngulje , me bindjen se çdo qëllim mund të arrihet . Ai dhe gruaja e tij ka punuar shumë për të futur ato vlera në fëmijët e tyre dhe të ofrojnë atyre mundësi që ata kurrë nuk kishin më parë. Të tre fëmijët janë diplomuar në kolegje dhe janë duke bërë më të mirën në karrierën e tyre përkatëse në financa të biznesit . Ismail Vinca është me të vërtetë një frymëzim për të gjithë ne dhe një simbol i ëndrrës shqiptare në Amerikë .
Tani me këtë rast , unë , Neil M. O’Leary , Kryetari i Bashkisë së Qytetit të Waterbury bëjë me këtë rast shpalljen e 28 nëntorit 2013 një ditë të veçantë të njohjes, së komunitetit shqiptarë për të respektuar në emër të tyre zotin Ismail Vinca . Urojë të gjithë qytetarët të bashkohen me ne me familjen dhe miqtë e tij, komunitetin shqiptar për të nderuar atë dhe “Kryetar Dite Bashkie – Mayor of The Day” dhe Komunitetin Shqiptaro-Amerikanë për Ditën e Flamurit – 101 Vjetorin Shpalljen e Pavarësisë së Shqipërisë . Urime!
Neil M. O’Leary Kryetari i Bashkisë , Qyteti i Waterbury Duke pasur parasysh nën urdhrat e mia dhe për të nënshkruar këtë Ditë 28 Nëntor , 2013.
Për këtë respekt, natyrishtë që shqiptarët e Amerikës dhe çdo shqiptar i është mirënjohës Shteteve të Bashkuara të Amerikës për rolin vendimtar në pavarësinë e Shqipërisë dhe të Kosovës, për shembjen e komunizmit dhe zhvillimin e demokracisë, për anëtarësimin në NATO dhe promovimin e të drejtave të shqiptarëve në rajon. Për mbrojtjen që kan treguar SHBA për të të drejtat legjitime të shqiptarëve, Në Preshevë, Bujanovc, Medevegje, Maqedoni dhe Mal të Zi, dhe që kan mbështetur fuqimisht aspiratat e shqiptarve për liri dhe demokraci, sidomos ndihmën që kanë dhënë në Pavarësinë e Kosovës e cila ka edhe vulën e kontributit dhe ndihmën e madhe të Shteteve të Bashkuara.