COVID-19 – Page 7 – Dielli

CORONAVIRUSI RREMBEN MESUESIN JANI DEPO NE ÇIKAGO..

April 8, 2020 by dgreca

NJË BUQEDË LAMTUMIRE PËR MËSUESIN JANI DEPO/

Nga Fuat Memelli-Boston/

Jani Depo, me origjinë nga Sinica e Devollit, por që prej 20 vjetësh jetonte në Çikago, ishte një nga viktimat e fundit të virusit të rezikshëm që ka pushtuar botën. Mes dhimbjesh, njoftuan këtë lajm të trishtë bashkëshortja e tij, Arthimija si dhe tre vajzat: Mirela, Albana dhe Edlira. I shtruar prej prej 12 ditësh në spital, nuk mundi ta përballojë sëmundjen 86 vjeçari, Jani Depo. Kishte patur edhe probleme të tjera shëndetësore si në zemër e mushkëri, të cilat ia rënduan gjendjen. Ndarja e tij nga jeta, pikëlloi jo vetëm familjen por edhe plot miq e shokë. Trishtoi gjthë sinicarët në Shqipëri e nëpër botë, të cilët i shprehën ngushëllimet familjes. Trishtim të veçantë ndien ish nxënësit e tij të shumtë, të cilëve ai u kishte dhënë mësim, pasi mësuesi është prindëri i dytë për nxënësin.

Jani ishte i pari ndër pesë fëmijët që kishin prindërit . Babai i tij, Llambi, i la jetim kur Jani ishte 16 vjet dhe iu desh të mbajë peshën e gjithë familjes. Pasi studjoi për mësuesi Tiranë, filloi rrugën e gjatë e tij si mësues e cila vazhdoi 37 vjet. Ajo ze fill në fshatrat Dunicë dhe Slabinjë të Pogradecit. Më pas në Bradvicë, duke vazhduar në Menkulas e Miras të rrethit të Devollit, ku në këto dy shkolla ka qënë drejtor. Rruga e mësuesisë mbyllet në vendlindje, në Sinicë, ku dha mësim 19 vjet, deri sa doli në pension në vitin 1989. Në Sinicë ka dhënë mësim edhe bashkëshortja e tij, Arthimija. Të dy e lidhën jetën me arsimin. Janë me qindra nxënësit që mësues Jani i ka dhënë mësim. Ata e kujtojnë për përkushtimin e tij, për dashurinë që kishte për ta, për dijet që u dha. I janë mirënjohës mësuesit të tyre, pasi dija është “pashaportë” në rrugën e jetës. Në atë “pashaportë” diturie, krahas mësuesve të tjerë, është edhe emri i mësues Janit.

Në vitin 2000, ai vjen në Çikago bashkë me familjen. Në këtë qytet kishte plot familje me origjinë nga Sinica e Qyteza, pasi ka qënë qendra kryesore e emigracionit të këtyre dy fshtarve të Devollit. Edhe këtu ai nuk ndenji mbyllur në shtëpi. Takohej me miq e shkokë ku flisnin për vëndlindjet e tyre e për Shqipërinë, pasi atdheu është vendi ku rrobërohet shpirti. Librin e lapsin nuk e hiqte nga dora. Vajza e tij Edlira, tregon se ai lexonte, shkruante dhe bënte reçenca për librat e shokëve. U mësonte mbesave e nipit të shkruanin e të lexonin gjuhën e bukur shqipe, i mësonte këngë e valle shqiptare. Bashkëfshatari i tij në Çikago, Perikli Sulari, tregon se për disa vjet me radhë Jani ishte në kryesinë e Shoqatës Sinicare “Përparimi”, e cila si mision kryesor ka patur dhe ka ndihmën për vendlindjen. Jani qe një nga veprimtarët kryesorë të saj. Kjo shoqatë ishte krijuar para 90 vjetësh nga emigrantët sinicarë të Amerikës dhe e kishte qendrën në Çikago. Veprimtaria e saj u përtëri pas viteve ’90, kur aty erdhën edhe disa familje sinicare. Mitropoliti Ilia Ketri me origjinë nga Sinica por i lindur e ritur në Amerikë e që ka shërbyer disa vjet në kishën e Shën Kollit në Çikago, thotë se Jani ishte një nga besimtarët më të regullt të kishës. Më bënin përshtypje njohuritë dhe kultura e tij. Këto i kam vënë re në bisedat me të si dhe në fjalën e mbajtur prej tij në 65 vjetorin e shkollës fillore dhe 40 vjetorin e shkollës 7 vjeçare së Sinicës, fjalë e cila është pasqyruar e plotë ne librin e Perikli Sularit për Sinicën, thekson Hirësi Ilia. Ish nxënësi dhe e pastaj kolegu i tij në shkollën e Sinicës, Stavri Dimashi, thotë se Jani ishte një mësues e koleg shëmbullor dhe i kudondhur për fshatarët, në gëzime e hidhërime.

Ai ishte edhe një bashkëshort e prind shëmbullor. Tok me bashkëshorten, ritën dhe edukuan tre vajzat e tyre, të cillët vazhduan studimet dhe u bënë njëra më e mirë se tjetra. Për Jani Depon, mund të flitet shumë. Por, më tepër se unë, kanë folur bashkëfshatarët e miqtë e tij si dhe ish nxënësit në mesazhet e shumta të ngushëllimit e vlerësimit për figurën e tij. Në këto kohë virusi, kur njerzit janë të ngujuuar, nuk do t’i jepet dot lamtumira e fundit, ashtu siç e ka zakoni shqiptar. Le të jenë këto rradhë një buqedë lamtumire për mësues Jani Depon. Ngushëllime bashkëshortes Arthimi dhe tre vajzave: Mirela, Albana e Edlira, vëllait Koci, nipit e mbesave! U prehtë në paqe mësues Jani!.

Kryeministri në detyrë Kurti vizitoi Komunat e Klinës, Pejës dhe Gjakovës

April 8, 2020 by dgreca

Gazeta DIELLI- Klinë, Pejë, Gjakovë, 8 prill 2020- Kryeministri në detyrë i Republikës së Kosovës, Albin Kurti, po vazhdon vizitat e tij nëpër komunat e Kosovës për t’u informuar nga afër me menaxhimin e virusit Corona.
Vizitat kryeministri në detyrë i bëri bashkë me ministrin në detyrë të Shëndetësisë, z. Arben Vitia, ministren në detyrë të Arsimit, Shkencës, Teknologjisë dhe Inovacionit, znj. Bajrami, dhe ministren në detyrë të Administrimit të Pushtetit Lokal, znj. Emilija Redzepi, ku i takun kryetarët e komunave të Klinën, z. Zenun Elezaj, të Pejës, z. Gazmend Muhaxheri dhe atë të Gjakovës, z. Ardian Gjini.
Të gjitha institucionet vendore, si qendrore ashtu edhe ato lokale kemi qenë bashkë. Bashkë do të jemi deri sa ta mposhtim këtë virus. Masat e ndërmara nga organet komunale të Klinës për Qeverinë janë shpresdhënëse dhe kallxues se do të fitojmë përballë kësaj pandemie vetëm me disiplinë. Si qytetarë të Kosovës duhet të jemi të gëzuar që kjo komunë, ndonëse ishte prej të para që u shënua me pacientin 0, na e dëshmoi që me respektimin e masave të qeverisë dhe disiplinës qytetare fitorja ndaj këtij virusi do të jetë triumf i radhës.
Në takimin me kryetarin e Komunës së Pejës, z. Muhaxheri, u diskutua mbi domosdoshmërinë që lakorja e përhapjes së pandemisë COVID -19 të spostohet në kohë e të ulët në intensitet. Jemi të vetëdijshmë që masat e marrura nga autoritetet qeverisëse për ruajtjen e shëndetit të qytetarëve kane prekur drejtpërdrejtë aktivitetet e shkollave tona. Por, për neve mbetet shumë e rëndësisshme që nxënësit të mos privohen nga mësimi, dhe prandaj kemi lansuar mësimin online, të cilin nxënësit tanë e kanë mirëpritur.
Jemi në fund të maratonës. Muaji maj mund të jetë më i lehtë për secilin prej nesh. Prandaj, Kryeministri në detyrë Kurti në takimin e tij të sotëm me kryetarin e Komunës së Gjakovës, z. Gjini, i kërkoi që të bëjë apel tek qytetarët që të mos i frekuentojnë hapësirat publike si parqet e shëtitoret dhe të kenë kujdes me shëndetin e tyre.
Si Qeveri bëjmë thirrje që të kemi kujdes kur t’i frekuentojmë supermarketet dhe furrat e bukës. Marketet t’i dezinfektojnë karrocat e shportat, ndërsa qytetarët t’i pastrojnë duart pas përdorimit të tyre. Në furra të bukës të bëhet kujdes që jo i njëjti person që kryen pagesën t’a shërbejë edhe bukën. Për fund, të gjitha nevojat e tilla t’i bëjë vetëm një person në familje i cili në momentin e parë që kthehet në shtëpi të pastrohet menjëherë.

COVID-19- BETEJA NË SHIFRA GJATË 24 ORËVE

April 4, 2020 by dgreca

*4 Prill 2020- Bota shënoi në 24 orët e fundit 82 mijë e 402 të infektuar dhe 5 mijë 476 të vdekur nga COVID-19.Në mbrëmjen e së shtunës u raportua se Bota ka regjistruar 1 milion e 999,064 të infektuar, ndërsa numri total i viktimave ka arritë 64 mijë e 650.

* Shtetet e Bashkuara të Amerikës raportuan mbrëmjen e vonë të së shtunës se kishin 311 mijë e 357 të infektuar, me 32 mijë e 567 të infektuar të rinj në 24 orët e fundit, me 1 mijë e 34 të vdekur për 24 orë , me 8 mijë e 206 paciente në mjekim intensive dhe gjendje kritike, me një numër total të vdekjeve 8 mijë e 452.

*Franca sërish kishte një numër të përafërt të viktimave me SHBA për 24 orët e fundit me 1,053, me 7 mijë e 778 të infektuar për 24 orët e fundit, duke e Cuar numrin e të infektuarëve në total në 89 mijë e 953, ndërsa numri i të vdekurve 7 mijë e 560. Britania e Madhe raportoi për 708 viktima në 24 orët e fundit, duke e Cuar numrin e përgjithshëm të viktimave në 4 mijë 313.

*Italia duket se mori disi më lirisht frymë gjatë 24 orëshit të fundit, edhe pse sërish raportoi 4 mijë e 805 të infektuar të rinj në 24 orët e fundit,ndërkohë që numri I viktimave për 24 orë ishte 681, duke e Cuar në total numrin e përgjithshëm të viktimave në 15 mijë e 362, por numri i pacientëve në gjendje kritike është ulur ne 3 mijë e 999, ndërkohë që janë raportuar gati në 21 mijë te sheruar.

***

*Që pasditen e së Shtunës, ka pasur të paktën 113.704 raste të konfirmuara të koronavirusit të zbuluar në New York, qendra e Pandemise per SHBA-përfshirë më shumë se 63,000 në New York City. Të paktën 3.565 njerëz me COVID-19 kanë vdekur në shtet, i cili ka numrin më të madh – rreth 40 përqind – të rasteve të konfirmuara në Sh.B.A.

*Në mbarë vendin, më shumë se 310 mijë e 133 raste të COVID-19 janë konfirmuar në të 50 shtete.

-*Të paktën 8 mijë e 442 njerëz kanë vdekur nga virusi në SHBA. COVID-19 ka vrarë më shumë se 64 mijë e 650 në të gjithë botën.

* Që nga e shtuna pasdite, zyrtarët shëndetësorë kanë konfirmuar të paktën: 113.704 raste gjithsej të infektuar në shtetin e Nju Jorkut (nga 102.863 të Premten).

• 3.565 vdekje nga koronavirusi në shtetine NY (nga 2,935 që ishin të Premten)

• 63.306 raste në New York City – përfshirë 2,624 vdekje (nga 1.867 të Premten)

• 4,126 persona janë në kujdesin intensiv (nga 3,731 të Premten).

• 15,905 persona me COVID-19 aktualisht janë shtruar në spitale në shtet (nga 14.810 të Premten). Deri më tani, më shumë se 10,000 pacientë me koronavirus janë shëruar.

• 34.124 raste në New Jersey, me 4,229 në 24 orët e fundit, me 847 vdekje në total, vetëm në 24 orët e fundit +200.

• 4,914 raste në Connecticut, me 132 vdekje…

*Michigani raportoi 14 mijë 221 të infektuar në total, plus 540 në infektuar në 24 orët mes së premtes dhe së shtunës, me 61 të vdekur në 24 orët e fundit, numri total i të vdekurëve shkoi në 540.

* California raportoi plus 1 mijë 382 të infektuar në 24 orët e fundit, dhe 44 viktima, numri i përgjithshëm i të prekurëve me COVID-19 shkoi 13 mijë e 649, numri I të vdekurëve 319.

* Louisiana i shtoi numrit total të infektuarëve edhe 2 mijë 199, duke shënuar në total 12 mijë e 496, dhe të vdekurit + 39 në 24 orët e fundit e Coi shifrën e viktimave në 409.

* Edhe Pennsylvania raportoi 34 viktiam për 24 orë, Illynois 33, Washingtoni 23, Masschussets 24, Florida 24 etj…

1140 ventilatorë vijnë nga Kina në New York dhe Oregon.
Një numër rekord testesh janë kryer në shtetin e New York-ut. Rreth 283.612 njerëz janë testuar për koronavirusin në shtetin e New Yorkut, duke shënuar një rekord ditor prej 23,101 të Premten. 40 përqind e testeve kanë dalë pozitive.
Pergatiti: Dalip Greca

POLICIA E NEW YORKUT NË BETEJËN KUNDËR COVID-19 DHE AKTI I SHQIPTARIT ZIKRI META

April 2, 2020 by dgreca

– Strugani Zikri Meta gjeti një mënyrë origjinale për të ndihmuar policinë per t’u ardhur në ndihmë policëve shqiptarë dhe amerikanë që flinin nëpër makina nëpër rruget e New York-ut./

Nga Dalip Greca/

Dihet se ata që janë në ballin e betejës me armikun e padukshëm-COVID-19, janë bluzat e bardha, mjekët dhe infermierët, dhe të gjithë punonjësit e shëndetësisë. Ata janë heronjët dhe aleatët e jetës kundër vdekjes. Të gjithë duhet t’i kurajojmë dhe t’i mbështesim ata. Por ka dhe heronj të padukshëm, të cilët nuk e kanë braktisur frontin e luftës kundër krimit, por edhe në betejën e pandemisë. Për ata flitet pak ose aspak. Flitet pak në media për rolin e policisë në frontin e dyfishtë; kundër krimit dhe në betejën kundër epidemisë botërore. Duke qenë të ekspozuar dhe në kontakt me qytetarët, fatkeqsisht në radhët e policisë së New York-ut ka shumë të infektuar.

Sipas WABC, në raportet e 31 Marsit, NYPD raportoi se afërsisht 15% e oficerëve me uniformë ishin të sëmurë nga Coronavirusi.Deri në mbrëmjen e së martës, 1,048 pjestarë me uniformën e policisë dhe 145 civilë nga radhët e saj ishin të testuar pozitivë për koronavirus.

Është fakt i njohur se tashmë numri i policëve nga radhët e komunitetit shqiptar në policinë e New York-ut dhe të New Jersey-t, është i konsiderushëm, madje ata kanë krijuar edhe organizatat e tyre të komunitetit të policëve shqiptaro-amerikanë.

Ne kontaktuam online me disa prej tyre dhe na treguan se po vazhdojnë të jenë në krye të detyrës, edhe pse një pjesë e kolegëve janë të infektuar, dhe disa jashtë shërbimi. Pa pranuar të identifikohen me emra një grup oficerash të policisë së New Yorkut, na treguan edhe për një rast të vecantë, që e përcollën për gazetën Dielli.

Ndërsa po patrullonin në lagjet e Manhattanit natën vonë, një burr që shëtiste qenin iu afrua atyre, pasi dëgjoi që flisnin shqip dhe i pyeti se cfarë do të bënim pas shërbimit, ata thanë se do të flinim nëpër makina nga që s’mund të shkonim në shtëpi, edhe nga frika se mund të çonin nëpër shtëpitë e tyre virusin e tmerrshëm.

Ai ua dha celsat e apartamentëve të tij dhe u tha: -Përdorini derisa t’ju duhet, unë po shkoj në shtëpinë tjetër.

Kush ishte shqiptari që ua bëri këtë nderë policëve shqiptarë dhe amerikanë? Është një aktivist i njohur, një prej veprimtarëve të Ligës Qytetare Shqiptaro-Amerikane, dhe anëtar i degës së Vatrës në Queens, ZIKRI META, nga Struga. Strugani Zikri Meta gjeti një mënyrë origjinale për të ndihmuar policinë, per t’u ardhur në ndihmë policëve shqiptarë dhe amerikanë që flinin nëpër makina nëpër rruget e New York-ut, duke mos shkuar në shtepitë e tyre për të mos infektuar familjet e tyre.

Oficeri shqiptar i policisë që i telefonoi Diellit tha: Z. Zikri Meta hapi dyert e apartamenteve te tij në New York per t’na ardhur në ndihmë ne policëve në këto çaste të vështira. Secili bën aq sa mundet. Ai gjeti një mënyrë origjinale për t’na ndihmuar. E falenderojmë me zemër.

Atdhetari Zikri Meta me këtë gjest human ka shpetuar oficerat Americano shqiptar dhe familjet e tyre nga infektimi i këtij virusi vdekjeprures, që ka marrë disa jetë policësh dhe ka infektuar shumë nga radhët e policisë së New York-ut.

COVID-19 RRËMBEU SOCIOLOGUN E NJOHUR, AUTOR I 20 LIBRAVE

March 31, 2020 by dgreca

COVID-19 po rrëmben në heshtje dhe personalitete të njohur.Një sociolog i njohur është shuar nga COVID-19 javën që shkoi.Ai ishte profesori i CITY COLEGE në New York, William Helmreich. Mediat njujorkeze, por dhe ato kombëtare, njoftuan se profesori i njohur vdiq në moshën 74 vjeçare të Shtunën në mëngjes me 29 mars 2020.

William Helmreich, ishte një sociolog i shquar, më i njohur për ecjen në këmbë dhe përshkimin e pothuajse të çdo blloku të New York City.

Helmreich shkroi 20 libra, duke përfshirë “New York Nobody Knows- Walking 6,000 Miles in the City”,”The Brooklyn Nobody Knows”,”The Manhattan Nobody Knows” etj. Ai kronikoi shëtitjet e tij nëpër New York City duke biseduar me banorët dhe duke sjellë informacione interesante dhe histori interesante.

Helmreich ishte i lindur në Zvicër dhe u përkiste të mbijetuarve të Holokaustit. Helmreich emigroi në New York City kur ishte foshnjë. Aty u rrit dhe u edukua derisa u bë profesor i sociologjisë në City College of New York.

Ai është përshkruar si ‘një institucion i vërtetë i Kolegjit të Qytetit’, nga Presidenti i CCNY, Vincent Boudreau.

Profesori Helmreich ishte një institucion i vërtetë i Kolegjit, një njeri me një kuriozitet të veçantë për njerëzit rreth tij, një hetues i pandërprerë dhe një tregimtar i etur, “tha Presidenti i CCNY Vincent Boudreau në një prononcim për CNN.

Helmreich e kishte bërë pjesë të jetës së vet shëtitjen, ecjen në këmbë në çdo bllok të qytetit, duke përshkruar në librat e tij pamje autentike të secilit dhe duke përshkruar jetën e përditshme dhe histori intersante.

“Ai besonte se të gjithë kishin një histori që ia vlente ta tregonte,” tha i biri, Jeffrey Helmreich për babanë e tij. “Çdo vend dhe çdo person ishte interesant për babanë tim. Dhe çdo person ndjehej interesant kur fliste me babanë tim.”

Ai ishte gati të përfundonte një vëllim të ri, një seri rreth pesë bashkive të New York-ut.

“Ai ishte në përfundim të përshkrimit të Staten Island”, tha djali i tij Jeffrey Helmreich.

“Ai ishte aq intensivisht njerëzor sa një studiues. Kishte aq shumë për të mësuar me këmbët e tij, me zemrën e tij, me intuitën e tij….”, tha Jeffrey Helmreich, i cili është profesor Universiteti në Kalifornia.

Pas testimit pozitiv për koronavirus, simptomat e Helmreich u duk se po përmirësoheshin, por ai vdiq papritur të Shtunën në mëngjes.

“Ne nuk ishim aspakgati për këtë ikje. Ne nuk i thamë as lamtumirën. Ne menduam se s’ishte koha për t’i thënë lamtumirë,” tha i biri Jeffrey Helmreich.

Familja e profesorit organizoi një ceremoni virtuale, me pak të ftuar. Ata nuk mundën ta vajtojnë së bashku në shtëpi – siç është tradita hebraike.

Punëtorët e shërbimit funeral me veshje mbrojtëse personale përcollën arkivolin.

E veja e Helmreich dhe një nga djemtë e tij morën pjesë në varrim duke qëndruar në këmbë gjashtë metra larg.

Pergatiti:Dalip Greca