Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

AKSION VULLNETAR I TE RINJVE VUTHJAN

by

Vuthaj 11 Gusht 2015/
Nën organizimin e disa të rinjve vuthjan për disa ditë radhazi u organizua një aksion vullnetar për mbushjen e gropave në aksin rrugor Guci-Vuthaj dhe heqjen e shkurreve në vendin e njohur Livadhet e Vrujës po ne këtë aksë rrugor.
Ishte kjo një nisme e bashkëvendësit tonë Vesel Alia Qosaj i cili sponsoroj matrialisht blerjën e materialit të nevojshëm që ky aksion i qëlluar të rezultojë i suksesshëm. Për të motivuar të rinjtë tan po ashtu Veseli kishte përgatitur edhe ca befasira modeste për bashkëpjesëmarrësit e këtij aksioni. Vesel Qosaj jeton në New York dhe është pjesëtar shumë aktiv i komunitetit tonë në çdo aksion që ndërmerret për të ndihmuar vendlindjen dhe rastet e ndryshme humanitare. Edhe pse në pushime ne vendlindje ai nuk mundi të rrije i indiferent pa bere diç aty në vendlindje me prezencën e tije fizike. Mirëpo në komunikimin që patëm kuptuam se respekti i veçanet është për te rinjtë tan bashkëpjesëmarrës ne aksion të cilët nuk hezituan dhe në këtë formë e dëshmuan atdhedashurinë e tyre për vendlindjen. Shpresojmë dhe duam të besojmë se edhe bashkevendasit tonë në mërgim të përkrahin vepra të kësaj natyre por edhe në vendlindje është e domosdoshme që edhe të tjerët të vetëdijesohen për aksione te tilla e mos të jen spektator të ngjarjeve të tilla po bashkëpjesëmarrës në aksione të kësaj natyre.

Esad Gjonbalaj
(foto kredit Dardan Qosaj)

MANIFESTIMI I 1 GUSHTIT “ALPET SHQIPTARE 2015”

by

Nga Esad Gjonbalaj/
Manifestimi 1 Gushtit, në Vuthaj është një nder manifestimet ma të rëndësishme kulturore që organizohen në Plavë Guci, është manifestim ku me vite të tëra gjegjësisht që nga viti 1997 organizohet me qëllimi të promovimit të traditës dhe kulturës autoktone të shqiptareve nga krahina e Plavë Gucisë. Me kalimin e viteve është arritur që sado pak ky manifestim të masovizohet dhe shndërrohet në një dite të veçantë që bashkon pa dallim Plavë Gucinë dhe trevat shqiptare, si një ditë ku bashkohet diaspora dhe vendlindja dhe si një ditë ku rinia jonë e rritur në mërgim takon rrënjët e origjinës pra vlerat që ka vendlindja e prindërve të tyre Plavë Gucia. Është kjo një dite ku qenia shqiptare prezanton traditën dhe krenarinë kombëtare përmes programeve te llojllojshme artistike nga shoqëritë artistike kulturore vendore dhe njëkohësisht edhe me pjesëmarrje të të ftuarve si në aspektin kulturor dhe po ashtu personalitete të ndryshme vendore dhe kombëtare.
Megjithatëse vlerësojmë se ky manifestim duhet që të jetë në krye të detyrës dhe rolit që duhet të luaj në fushat e cekura ma lartë duke e masivizuar, shndërruar dhe adaptuar programe artistike për qindra të rinjtë qe nga diaspora vijnë me kënaqësi për tu argëtuar dhe shijuar bukurit dhe vlerat e Plavë Gucisë. Është imperativ i kohës që ky manifestim kulturor të jete gjithëpërfshirës duke mbizotëruar logjika e afrimit dhe unitetit dhe unifikimit dhe gjithë përfshirjes sepse ky manifestim i rëndësishëm duhet të jetë në shërbim të të gjithëve dhe të dal nga mentaliteti i ngurtë izolues që mbizotëron tek individet.
Esad Gjonbalaj
New York 2 Gusht 2015

Diaspora per Vendlindjen- Dashuria për vendlindjen dëshmohet me vepra

by

Nga Esad GJONBALAJ/Kur  muarem   rrugën e mërgimit qe te gjithë jemi nisur me shpresën se një dite do te kthehemi. Ëndrra e vendlindjes nuk shuhet kurrë ne jetën e çdo mërgimtari. Vitet ikin e shpresat veniten sepse realiteti jetësor e bën te veten  dhe dritarja e mundësisë se kthimit gjithnjë vazhdon te tkurret.  Vitet e 80-ta ishin vite kur Plave Gucia kjo trevë shqiptare lulëzonte nga rinia e jone e cila po edukohej dhe emancipohej me thesarin i dijes ne Universitet e Kosovës. Mirëpo vitet e 80-ta përjetuan edhe eksodin   e Madhe te rinis tone nga Plava e Gucia, eksod qe e  la vendlindjen tone gjysme te zbrazet .

Vendlindja jonë e gjymtuar nga plaga e mërgimit dhe e mos perspektives   ekonomike pret qe sot shpresën e jetës dhe të ardhmërisë te ia kthejnë po ata që dikur e lan te vetmuar, vendlindja pret që bijtë e saj ta mbrojnë at sot  në formë tjetër duke ia kthyer vendlindjes së tyre perspektiven dhe gjallërinë që e kishte dikur dhe gjat historisë.

Sot vendlindje e jonë pret që dashurin tonë ta dëshmojmë me investime konkrete që banoreve vendas që nuk e braktisen at të u’a kthejmë shpresën përmes investimeve dhe që vendoreve të u’a lehtësojmë jetën e tyre përmes mundësisë së punësimit dhe qe ata mos ta braktisin vendlindjen tone te çmuar Plavë Gucinë.

Kohëve te fundit jemi duke vrenjtur një trend te shtimit te interesimit te bashkëvendësve tone për te investuar kapitalin e tyre dhe qe me veprat e tyre këta bashkëvendas po dëshmojnë atdhedashurinë ndaj atdheut. Investimet e tilla janë shumë  domethënëse  duke pasur parasysh se këto investime janë ne fazën e fillestare qe ngjall shpresat qe kapitali i tubuar i Plavë Guciasëve të bëhet forcë dhe fuqi ekonomike e trojeve tona të lara me gjakun e te parëve tonë.

Investimi në Vuthaj i bashkevendasit tonë Genc Q Gjonbalaj që jeton në  Zvicër për ndërtimin e fermës së viçave është investimi i par  konkret  në këtë fshat qe si qellim ka punësimin dhe aktivizimin e mundësive të shumta  në lëmin e blegtorisë që kan Vuthajt dhe vendbanimet e tjera ne Plavë Guci.  Në komunikim me Gencin kuptuam se Ferma e tijë  në fillim do te ketë rreth 150 viça dhe se tregun e shitjes e ka të garantuar në tregun Evropian.

Genc Q Gjonbalaj u lind dhe rrit ne Vuthaj me kushte te rënda ekonomike, por siç thotë Genci me modesti sa ma te rënd që e kisha jetën aq ma te fort dhe te thellë  dhe brumosur e kam dashurin ne shpirtin tim për Vuthaj dhe Plavë  Gucinë.

Ka edhe investitor bashkevendas  tonë qe dëshirojnë qe përmes investimeve të tyre të gjejnë veten ne vendlindjen e vet por edhe institucionet komunale  e ne veçanti subjektet politike shqiptare duhet te jen forcë motivuese për investitorët potencial, dhe qe ti inkurajojnë ata e jo qe me veprimet jo racionale te tyre të krijojnë një klimë të disfavorshme për investimet e bashkatdhetarëve tanë gjegjësisht te Diaspore tonë

 

 

RUGOVË KRESHNIKE, JEMI BASHKË ME JU

by

Nga Esad GJONBALAJ/
Historikisht dy treva emblematike të trungut të Atdheut, si Rugova dhe Plavë-Gucia, u gjenden pranë njëra-tjetrës në çdo periudhë të historisë. Nuk besoj që të gjesh krahina shqiptare që me shekuj qëndruan bashkë dhe të pandara e të pamposhtura si truall i kreshnikëve të fisit të Kelmendit i shtrirë në këto troje të Shqipërisë Natyrale të njohura si Rugovë dhe Plavë-Guci .
Sot kur Kosovën e kemi të Lirë, sot kur trojet e tjera shqiptare rënkojnë për përkrahje dhe ndihme nga shtet tona, është e pakuptimtë që tokat stërgjyshore të kreshnikëve të Rugovës të tentojnë t’i gllabërojë shteti malazias me bekimin e institucioneve të Kosovës.
Sa herë që krahina e Plavë-Gucisë u sulmua nga hordhitë sllave bjeshkët e Rugovës gjëmuan nga zëri i Rexhë Avdisë e Sali Ramës dhe i trimave të Rugovës, sepse matanë bjeshkëve në Nokshiq priste vëllezërit e vet oshtima e zërit të Jakup Ferrit. Ndërsa Mark Milani i Malit të Zi me vetveten dhe me habi do të thoshte: Unë nuk munda t’i merrja me luftë e sot po m’i dhurojnë me paqe. Andaj edhe sot si gjatë historisë Plava dhe Gucia, qoftë në Vendlindje, qoftë në Diasporë, përkrah dhe qëndron bashkë dhe të pandarë në mbrojtjen e tokave, pronave dhe bjeshkëve të Krahinës së Rugovës.
Shkrimtari rugovas Ramiz Kelmendi me pat’ thënë në një rast se edhe Zoti e ka dashtë që ne të jemi bashkë, se përveç gjakut të përbashkët Arbënor ne na lidhin me Plavë- Gucinë bjeshkët tona, të cilat janë larë me gjakun e bijve ma të mirë të kombit tonë.
Andaj, as sot e as kurrë, Plavë-Guci nuk do të lejojë që shteti malazias të vazhdojë me gllabërimin e bjeshkëve të Rugovës për qëllimet e errëta ekspansioniste të krijesës së quajtur Mali i Zi.
New York, 16 Prill 2015

FONDACIONI PLAVË GUCI- DORËHIQET ESAD GJONBALAJ

by

New York, 7 Prill 2015- Me anë të një deklarate publike, përcjellë shtypit të komunitetit dhe atij në vendlindje, ish Kryetari i Fondacionit Palvë Guci, z. Esad Gjonbalaj ka dhënë dorëheqjen nga Kryesia. Ja deklarata e plotë që ai i përcolli edhe editorit të Diellit.
***
Si rrjedhojë e gjëndejës se krijuar në Fondacionin Plavë Guci , ku me datën 22 Mars 2015 në Kuvendin e rregullt të shoqatës tonë u shkel Rëndë Statuti i FPG element bazë i funksionimit të një subjekti në boten e lirë dhe demokratike jap dorëheqje të pa revokueshëme nga kryesia e Fondacionit Plavë Guci.
Unë do vazhdoj të jem anëtar i rregullt i shoqatës tonë por jo të jem pjesë e kësaj kryesie të cilën e konsideroj si jo legjitime dhe puçiste. Kontributi i im për të mirën e diasporës dhe vendlindjes tonë do të jetë i vazhdueshëm por nuk dua të jem pjesë e kësaj garniture te Kryesisë ilegale të ashtuquajtur “Kryesia e Fondacionit Plave Guci”.
Kryesi e cila dhunshem dhe me votat e jo antarëve te Fondacionit Plave Guci kidnapoj shoqaten tone dhe njellosi rënë ndershmerin e Plavë Gucisë.
Detaje të hollësishme lidhur me arsyet e dorëheqjes time do ti publikoj në ditët në vijim:
Me respekt dhe keqardhje
ESAD GJONBALAJ