faik Krasniqi – Page 3 – Dielli

Kosova në duart e mafio-politikës!?

July 9, 2015 by dgreca

Opinion nga Faik KRASNIQI/
Do të ishte naivitet i ynë i skajshëm, nëse presim që këta politikanë të korruptuar dhe të kriminalizuar, të cilët tash e 16 vite e kanë kapur shtetin për fyti, drejtësinë, doganat, ATK-në dhe çdo institucion shtetëror, dhe fajtorët për shkatërrimin e ekonomisë së Kosovës dhe degradimin e shtetit, që ta luftojnë krimin dhe korrupsionin, kur këta vetë janë ata që i zhvillojnë këto aktivitete kriminale! Prandaj nuk bën ta fajësojmë vetëm z. Lulzim Rafuna, për korrupsionin nëpër dogana, sepse z. Rafuna është i emëruar po nga mafiapolitike dhe tek e fundit ai është vetëm drejtor i doganave e asgjë më shumë, dhe ai detyrimisht duhet t’u bindet urdhërave të eprorëve të tij, ata të cilët e kanë emëruar në kë post! Që do të thotë kriminelët e politikës dhe parapolitikës! Ne të gjithë e dimë se ‘peshqit e mëdhenjë’ të politikës doganat i kanë në duart e tyre, dhe krimi ekonomik bëhet kryesisht nga bizneset kriminale që janë të lidhura ngushtë me ‘peshqit e mëdhenjë’ të politikës! Prandaj edhe z.Rafuna është i detyruar t’i mbyll sytë përballë krimeve të rënda ekonomike nëpër dogana, dhe nuk guxon të dalë kundër që t’i parandaloj veprimtaritë kriminale nëpër dogana, sepse po të veproj direkt do të preken të gjitha kompanitë kriminale, të cilat tash e 16 vite përmes bosave të politikës, kanë keqpërdorur dhe vazhdojnë t’i keqpërdorin Doganat e Kosovës, duke dëmtuar rëndë buxhetin e Kosovës dhe pasuruar në mënyrë të paligjshme! Nga ai moment që z.Rafuna do të merrte masa të rrepta për ta parandaluar kontrabandën dhe korrupsionin nëpër dogana, matrapazët e politikës dhe parapolitikës që iu cënohen interesat e tyre, marrin vendim dhe e shkarkojnë nga detyra, me arsyetime të lloj-llojshme: ose e akuzojnë për korrupsion, ose për joprofesionalizëm, ose i mveshin gjëra të tjera, pasi nuk po ju shkon më për shtati interesave të tyre dhe automatikisht e zëvendësojnë me dikë tjetër, që ta vazhdojnë krimin e tyre ekonomik përmes doganave, sepse e kanë në dorën e tyre edhe arrën edhe çekiçin, që do të thotë se ata vendosin se kë ta shkarkojnë dhe kë ta emërojnë!

Shteti duhet të pastrohet nga mafio-politika!

Mafio-politika dhe mafio-oligarkët, prej pas luftës në Kosovë, kanë krijuar një zingjir kriminal, përmes të cilit rrjet, kanë pushtuar çdo institucion shtetëror të Kosovës, për ta kontrolluar, abuzuar, vjedhur e plaçkitur sa më shumë këtë shtet dhe këtë popull! Ata nuk zgjedhin mjet për ta bërë një gjë të tillë! Edhe nëse është në pyetje jeta e qytetarëve, siç ishte rasti me skandalin e krundeve të kafshëve, skandali i stendave ku si pasojë vdiqën mbi 800 qytetarë të Kosovës, nëpër klinikat e mafio-politikës dhe qindra skandale të tjera, që kurrë askush nuk u dënua dhe të gjitha këto skandale të tmerrshme u heshtën, sikur nuk ka ndodhur asgjë, edhe pse vdiqën qytetarë të këtij vendi! Mafia-politika dhe parapolitika, i ka krijuar këta përmbarues, për t’i plaçkitur edhe në mënyrë të ”ligjshme”, qytetarët dhe bizneset e ndershme në Kosovë, dhe në mënyrë perfekte po i zbatojnë urdhërat e kapove të mafio-politikës! Me këta banditë dhe mafiozë në pushtet dhe në skenën politike dhe me Hajredin Kuçin ministër të drejtësisë, që e kanë kapur shtetin për fyti dhe janë fajtorët për shkatërrimin dhe kapjen e shtetit dhe të drejtësisë, nuk hetohet asgjë dhe nuk merret asnjë veprim për t’i pastruar të këqijtë nga Gjykatat dhe Prokuroritë, që në çdo shtet normal i ndjekin kriminelët dhe të korruptuarit! Por pjesa dërrmuese e këtyre prokurorëve dhe gjykatësve, janë të emëruar politikisht nga mafia-politika, prandaj edhe skena politike është e tejkriminalizuar dhe e tejkorruptuar, sepse nuk ka kush t’i fus në burg këta kriminelë, të veshur me petkun e politikanit! Kjo gjendje do të vazhdojë akoma, deri sa në skenën politike do të kemi këtë klasë politike, që e shkatërruan këtë shtet dhe këtë popull, dhe ky popull i shkretë që është gjunjëzuar dhe dorëzuar përballë kësaj kaste mafioze të politikës, në vend se t’ju kundërvihen, ata zgjedhin të marrin arratinë, drejt vendeve të perëndimit, edhe pse e dinë që për shqiptarët e Kosovës nuk ka azil!

GJYKATA SPECIALE NUK DO TA PASTROJE SKENEN POLITIKE

June 25, 2015 by dgreca

NGA FAIK KRASNIQI/Ne si popull dhe medie, pikë së pari nuk jemi në dijeni se kush me të vërtetë do të akuzohet nga Gjykata Speciale, për krimet e supozuara të luftës, në bazë të këtij raporti të Dick Martit! Nëse nga kjo Gjykatë akuzohen politikanët apo individët që kanë krijuar pasuri marramendëse, në kurriz të këtij populli, duke e vjedhur dhe plaçkitur këtë shtet, atëherë është absurde që me paratë e popullit të mbrohen këta persona, që janë përgjegjësit kryesorë për shkatërrimin e shtetit dhe gjithë shoqërisë! Por nëse nga kjo Gjykatë Speciale akuzohen persona që janë në kushte të rënda financiare, e që kam bindjen se do akuzohen pikërisht njerëz që kurrë nuk ua kemi dëgjuar zërin, por që do të jenë ”kurban” të këtyre politikanëve maskarenjë që do të duhej të futeshin në burg për krime ekonomike dhe vrasje politike, po nga kjo Gjykatë, sepse krime lufte nuk besoj të ketë bërë ndonjë shqiptarë, me përjashtim të rasteve individuale, por nuk mund të quhen krime lufte, sepse dihet botërisht që lufta jonë çlirimtare ka qenë e pastër si loti!

Gjykata Speciale do të themelohet vetëm për krimet e supozuara të luftës, në bazë të raportit të Dick Martit! Por nëse kjo Gjykatë Speciale do t’i trajtonte të gjitha krimet ekonomike dhe vrasjet me motive politike, atëherë me të vërtetë do të ndodhte ai ”tërmet” tronditës, ku do të pastrohej skena politike nga këta politikanë kriminelë e mafiozë, të cilët që 16 vjet e kanë kapur shtetin për fyti, duke e vjedhur, plaçkitur dhe pamëshirshëm e shkatërruan në çdo qelizë të saj dhe në mënyrë të paligjshme e në kurriz të këtij populli, u pasuruan dhe po bëjnë një jetë superluksoze, si të mbretërve dhe pashallarëve, në Kosovën e varfër! Prandaj kjo Gjykatë, pasi që nuk do të merret me krimet ekonomike dhe vrasjet politike, nuk do ta bëjë as pastrimin e skenës politike, nga kriminelët dhe mafiozët e politikës! Kriminelë të veshur me petkun e politikanëve, të cilët janë shndërruar në kancerin e gjithë shtetit dhe shoqërisë dhe fajtorët për shkatërrimin e Kosovës dhe dështimit si një shtet normal dhe funksional! Kështu që ata deputetë të pozitës që gjoja e kundërshtuan themelimin e kësaj Gjykate, se do të votojnë kundër, janë të njëjtit ose shumica prej tyre që do të votojnë Pro, sepse e dinë fare mirë që as ata e as shokët e tyre, nuk do të preken nga kjo Gjykatë, për milionat e vjedhura nga ky popull! Ne si popull e si shtet asgjë nuk do të përfitojmë nga kjo Gjykatë, por vetëm do të humbim edhe nja 10 vite kohë, e në anën tjetër këta kriminelë e banditë prapë do të vazhdojnë të udhëheqin dhe shkatërrojnë Kosovën! Prandaj shqiptarët po tregohen naiv duke menduar që Gjykata Speciale do t’i largojë nga skena politike kriminelët, por e kanë gabim, sepse kjo Gjykatë do të merret vetëm me krime lufte! E ky popull që jeton me ëndrra syçelë, vazhdon ta gënjej dhe t’i krijoj iluzione vetes, se kjo Gjykatë do ta pastrojë Kosovën nga këta kriminelë e banditë, të veshtur me petkun e politikanit!

Faik Krasniqi:Me Vjosa Osmanin,LDK do bëhet si në kohën e Presidentit Rugova!

May 27, 2015 by dgreca

Nëse të dielën delegatët e LDK-së, votojnë prapë Isa Mustafën kryetar të LDK-së, gardën e vjetër, parazitët dhe servilët përretj tyre, kjo parti do të fundoset si Titaniku, e në zgjedhjet që priten të mbahen gjatë këtij viti, sepse ky koalicion nuk e ka gjatë dhe do të prishet gjatë vjeshtës nga PDK-ja, për shumë arsye, do të pësoi shumë keq, duke u abstenuar masovikisht nga elektorati i saj dhe do shkojë nën kuotën 10%, thekson publicisti dhe analisti politik, Faik Krasniqi! Sipas publicistit dhe analistit politik nga Prishtina, shpresa e vetme për LDK-në dhe Kosovën, për momentin është Vjosa Osmani, e cila do ta rikthente elektoratin rugovian, dhe si kryeministre e Kosovës edhe udhëheqjen e drejtë të shtetit, me njerëz të pastër e të pakonsumuar, të ndershëm dhe me integritet të lartë, do ta rimëkëmbte ekonominë e shkatërruar dhe shkapjen e shtetit nga kriminelët e politikës dhe parapolitikës! Është në dorën e 355 delegatëve të LDK-së, që ta votojnë prapë gardën e vjetër komuniste, mjeranët, parazitët dhe servilët e tyre përreth, e me votën e tyre ta fundosin njëherë e mirë këtë parti – partinë e parë demokratike në shtetet postkomuniste, apo kanë shansin historik që këtë parti ta kthejnë superlidere në Kosovë, si në kohën e Presidentit Historik të Kosovës, Dr. Ibrahim Rugova, duke votuar Vjosa Osmanin kryetare të LDK-së, thotë analisti politik, Faik Krasniqi! Por nëse Vjosa Osmani nuk e merrë timonin e LDK-së, dhe LDK-ja nuk çlirohet njëherë e mirë nga garda e vjetër komuniste, hajdutët, bllokmenët, mjeranët, parazitët dhe servilët rreth tyre, atëherë që nga e hëna së bashku me Vjosën, shoqërinë civile dhe njerëzit e mediave, duhet të aktivizohemi sinqerisht për krijimin e një formacioni të ri politik, me njerëz të rinjë, të pakonsumuar, të pastër dhe të ndershëm, sepse çdo sondazh po tregon që një frymë e re politike, do t’i deklasonte të gjitha partitë ekzistuese që drejtohen nga këta matufa pleq dhe kriminelë, duke fituar mbi 70% të votave, sepse populli është mërzitur dhe zhgënjyer nga kjo klasë e vjetër politike, e kriminalizuar, e tejkorruptuar, e degraduar, të cilët tash e 16 vite ua kanë shkatërruar jetën dhe vazhdojnë akoma ta bëjnë një gjë të tillë – thekson publicisti dhe analisti politik – Faik Krasniqi!

Prokuroria e shtetit duhet t’i fillojë hetimet kundër të ‘fortëve’ të mafio-politikës!

May 14, 2015 by dgreca

Shkruan:Faik KRASNIQI/
Kosova po vuan nga keqqeverisja e kësaj klase politike, që e ka degraduar vendin për 16 vjet. Vazhdon të vuajë nga të zgjedhurit e saj në Qeveri dhe Parlament, por vazhdon të vuajë edhe nga drejtësia, që nuk ekziston. Njëkohësisht ajo po vuan edhe nga “vota” e qytetarëve, e blerë apo e shitur, e cila sjell dhe nxjerr politikanë të korruptuar në Qeveri dhe në të gjitha institucionet e vendit.

Të veprohet ndaj shkelësve të ligjit

Duhet që mbi bazën e ligjeve dhe atij ”antimafia” dhe të tjera, Prokuroria e shtetit të iniciojë dhe hetojë guximshëm të gjithë ata që kanë shkelur ligjet e Kosovës, për t’u përballur me drejtësinë që nga zyrtari më i rëndomtë i shtetit e deri te presidenca e vendit, pra në të gjitha nivelet. Vetëm përmes saj mund ta fillojë të kthehet shteti në binarët e sundimit të ligjit, e jo të pushtetarëve sundimtarë mbi ligjin. Prokuroria dhe Gjyqësori duhet të veprojnë, të bëjnë diferencimin brenda këtyre institucioneve dhe ata që mbesin të bëjnë veprim ndaj kujtdo qoftë që ka shkelur ligjin.
Iniciativa e kryeprokurorit të shtetit, Aleksandër Lumezi, për ta këndellur prokurorinë, është për t’u përshëndetur dhe duhet përkrahur nga qytetarët dhe shoqëria civile, sepse në mungesë të një shteti të fortë ligjor dhe kapjen e prokurorive dhe gjykatave nga të fortit e politikës dhe parapolitikës, korrupsioni, krimi i organizuar, nepotizmi, pastrimi i parave, informaliteti, kontrabanda etj., ka arritur kulmin dhe si pasojë e kësaj Kosova është në këtë gjendje të mjerueshme! Se sa do të këtë sukses Lumezi në këtë betejë apo ”luftë” do ta quaja, kundër të ”fortëve” të politikës dhe parapolitikës, mbetet të shihet! Pse po e them këtë, sepse korrupsioni, krimi i organizuar, pastrimi i parave, informaliteti, kontrabanda, zhvatja e parasë publike, pasurimi i paligjshëm, është zhvilluar pikërisht nga këta të lartpërmendurit, të cilët janë fajtorët kryesorë për moszhvillim ekonomik dhe në çdo qelizë të shtetit! Në rrugën e tij kryeprokurori i ri do të ketë shumë sfida, të cilat do të jenë të vështira. A do ta lejojnë të ”fortit” e politikës dhe të parapolitikës, që puna e Lumezit të ketë sukses, lë shumë për të dëshiruar, sepse për ta luftuar krimin e organizuar, korrupsionin, kontrabandën, informalitetin etj., i bie që duhet t’i godas pikërisht kriminelët e mafio-politikës.

Fajtorët kryesorë, kasta e vjetër politike

Nëse Lumezi nuk i godet direkt të ”fortit” e mafio-politikës, atëherë këtë s’do ta quaja ”luftë” për pastrimin e skenës politike, prokurorive dhe gjykatave nga keqbërësit dhe kriminelët të veshur me petkun e politikanit, por vetëm qitje hi syve popullit se gjoja e kemi seriozisht luftimin e krimit të organizuar, korrupsionit dhe gjitha të këqijat që këta kriminelë i kanë shkaktuar dhe po i shkaktojnë Kosovës dhe popullit të saj, duke e lënë që të mos zhvillohet ekonomikisht, politikisht dhe në çdo aspekt! Pa u larguar nga skena politike kasta e vjetër politike që janë fajtorët kryesorë për gjendjen e rëndë në të cilën ndodhemi, nuk e marrë seriozisht që këtu do të ndodhin mrekulli, e këtë mund të na dëshmojë Lumezi, por nëse e lejojnë! Por nëse i godet vetëm bishtat e tyre, që kanë bërë krime ekonomike në favor të bosave të tyre, këtë s’do ta quaja se është duke bërë ”luftë” kundër korrupsionit, krimit dhe pastrim të skenës politike dhe institucioneve tjera shtetërore si Prokuroritë, Gjykatat, Doganat etj, por vetëm amnistim të të ”fortëve”, që ata të mbesin të palagur për të këqijat që kanë bërë dhe vazhdojnë të bëjnë.
Vetëm kur t’i shohim prapa grilave të ”fortit” e politikës dhe parapolitikës, dënimin e tyre me burgim të rëndë dhe konfiskimin e pasurive që e kanë krijuar paligjshëm, atëherë do të bindemi në punën e suksesshme të Prokurorisë së shtetit dhe Gjykatës për krime të rënda ekonomike. E atëherë do të kishim zhvillim të hovshëm ekonomik dhe shteti do të këndellej, sepse këta kapësit e shtetit, janë fajtorët kryesorë të moszhvillimit ekonomik dhe në çdo qelizë të saj.

Oligarkët e politikës, fajtorë për largimin e investitorëve të jashtëm!

May 8, 2015 by dgreca

Nga Faik KRASNIQI/
Në çdo shtet me ligj mbrohen prodhuesit vendor me heqje të taksave dhe stimulime të ndryshme, kurse në anën tjetër duke i taksuar produktet që vijnë nga vendet e tjera! Fatkeqësisht tek ne nuk ka ndodhur kjo prej pas luftës në Kosovë, por janë favorizuar prodhimet e huaja e janë shtypur brutalisht prodhuesit vendorë, me taksa të llojllojshme! Kjo është bërë për faktin se ato kompani që janë distributorët kryesorë dhe importojnë mallra nga shtetet tjera, e sidomos nga Serbia dhe Maqedonia, i kanë ngulfatur dhe dëmtuar prodhimet vendore! E kjo e gjitha me ndihmën e matrapazëve të politikës, të cilëta kanë interesa të përbashkëta biznesore me këto kompani, sepse shteti kur është i interesuar ta zhvillojë shtetin dhe t’i përkrah prodhimet vendore siç ndodh në shumicën e shteteve normale ku funksionon ligji, do të vepronte ndryshe e jo të punojë në dëm të prodhimeve vendore! Ky është një paradoks i madh!
Kjo vlen edhe qumështin pluhur që importohet nga vendet e tjera, e sidomos nga shtetet e kontaminuar, por kur një Agjension që duhet të kontrollojë cilësinë e ushqimeve që vijnë nga jashtë, tash e 16 vite është i kapur nga kriminelët e politikës dhe parapolitikës, e që i mbulon mbrapa çdo skandali, atëherë ku ta dinë populli i shkretë se çfarë është me të vërtetë duke konsumuar! Por dëshmia më e madhe se çfarë mbeturina sllave jemi duke konsumuar e çfarë qumështi fëmijët tanë po pinë, janë sëmundjet malinje që e kanë prekur popullatën në masë të madhe, ku kemi me qindra raste në vit të shfaqjes së kancerit dhe leukemisë sidomos tek fëmijët e vegjël!

Politika fajtore për mosinvestime të jashtme!

Problemi me investitorët e jashtëm daton prej pasluftës në Kosovë, që pikërisht njerëzit e fuqishëm të politikës dhe nëntokës, duke ju kërkuar mito investitorëve të jashtëm, me kushtëzim të marrjes së lisencave, i kanë larguar kompanitë e huaja që kanë dashur të investojnë tek ne! Këtë e kanë thënë me dhjetëra investitor të huaj por edhe biznesmenë shqiptarë që jetojnë në perëndim! Madje shumë prej atyre bizneseve në pamundësi që të investojnë në Kosovë, për shkak të këtyre marrifetllëqeve, atë investim e kanë bërë në vendet e rajonit, për shkak të lehtësirave dhe favoreve dhe sot ato kompani punësojnë me qindra e mijëra punëtorë vendas, si dhe janë bartësit kryesorë të eksportit dhe ekonomive të atyre shteteve! Në një shtet jofunksional, ku nuk funksion ligji, matrapazët e politikës e shfrytëzojnë mosfunksionimin e shtetit dhe të ligjit, dhe përmes investitorëve që vijnë nga jashtë, mundohen që të pasurohen përmes mitove! Por në vendet e perëndimit këto gjëra nuk pinë ujë, sepse nuk është në natyrën e tyre që të paguajnë mito për të investuar, por përkundrazi, aty ku investojnë kërkojnë favore dhe lehtësira të ndryshme nga shteti! Në shtetet e Evropës Lindore, si psh në Poloni, Çeki, Sllovaki, Estoni, Hungari, Rumani etj, qeveritë e atjeshme ju kanë bërë shumë favore investitorëve të jashtëm, vetëm e vetëm që t’i joshin për të investuar në vendet e tyre, si psh lirimin nga taksat për disa vite, dhënien e tokës falas ku kanë ndërtuar fabrikat e tyre e shumë favore të tjera!E të gjithë e dimë se sa përpara kanë ecur ekonomikisht këto shtete, ku tash e njëmbëdhjetë vite janë edhe pjesë e BE-së! Në shtete të tilla të brishta, të korruptuara dhe të kriminalizuara si Kosova, këto gjëra janë të pritshme! Prandaj edhe kemi shumë pak investime të jashtme dhe deri sa nuk bëhemi shtet serioz dhe ligjor, mos të presim që do kemi investime të jashtme dhe as zhvillim ekonomik, sepse asnjë kompani serioze nuk është çmendur që të rrezikojë kapitalin e tij në shtete joligjore, të kriminalizuara dhe të korruptuara! Treguesi më i mirë se çfarë shteti i korruptuar dhe joserioz jemi, është largimi i dhjetëra e qindrave prodhuesve dhe bizneseve vendore, të cilët në pamundësi që të zhvillojnë biznesin e tyre në Kosovë, janë larguar dhe kanë zhvendosur biznesin e tyre drejt shteteve të rajonit, shtete të cilat ju kanë ofruar favore dhe lehtësira të shumta, vetëm e vetëm që të investojnë tek ta, kurse në vendin e tyre prej pas luftës janë ballafaquar me njëqind mijë probleme që ju kanë shkaktuar qeverisjet e deritanishme!