Komuniteti musliman shqiptar ne SHBA po feston Kurban Bajramin. Kjo festë përvecse në familjet muslimane shqiptare, u kremtua me falje nëpër qendrat Islame shqiptare në Kuins, Bruklin, Nju Xhersi, Micigan, Cikago et. Bashkëpunëtori i Diellit, Gazetari i TV 21, Halil Mulaj, e ndoqi nga afër faljen e Kurban Bajramit në Qendrën Islame Shqiptaro-Amerikane në Queens, dhe na dergoi fotografi nga falja. Ne ligjerimin e tyre, Imamët e kesaj qendre Jusuf Balaj e Edin Gjoni,gjatë lutjeve, folen per madheshtine dhe rendesine e festes se Kurban Bajramit dhe percollen mesazhe solidariteti, dashamiresie dhe mireqenje. U kujtua edhe një herë përvoja e cmuar e kombit shqiptarë në vëllazërimin e tre besimeve tradicionale. Është kjo arsyeja që gjatë kësaj dite familjet muslimane shqiptare marrin urime dhe presin vizita nga baskëatdhetarët e tyre katolikë e orthodoksë.
Me këtë rast Vatra ndhe Gazeta Dielli, urojnë të gjithë shqiptarët, kudo që ndodhen, në trojet amtare a në disaporë: GËZUAR KURBAN BAJRAMI!
Ambasada e Kosoves shenon 15 vjetorin e clirimit te Kosoves
Komandanti suprem i forcave të NATO-s gjatë fushatës ajrore kundër Serbisë, Wesley Clark, deklaroi se 15 vjet pas çlirimit të Kosovës, ai krenohet me shqiptarët e Kosovës dhe të Shqipërisë, të cilët sipas tij i kanë dëshmuar Evropës së janë evropianë të vërtetë./
Nga Halil MULA/
Ambasada e Kosoves ne Washington, shenoi 15 vjetorin e çlirimit te Kosoves dhe diten e paqes me nje eveniment qe u organizua ne Kongres te SHBA-ve, ne nje nga sallat ceremoniale te senatit te SHBA
Pjesemarres ne kete ceremoni ishin zevendes asistenti i sekretarit te shtetit te SHBA, Hoyt Yee, kongresisti Eliot Engel, ish komandanti i NATO-s gjenerali Wesley Clark, Ambasadori Nikolas Burns, Ambasadori Morton Abramowitz , drejtori i KKSHA Avni Mustafaj, diplomat, kongresistë, zyrtar amerikanë dhe miq të Kosoves.
Me kete rast Ambasadori Akan Ismajli i dorëzoi mirenjohjet e Presidentes se Kosoves, Medalje per Merita, Ambsadorit Morton Abramowitz, Ambasadorit Nik Burns dhe post mortum Ambasadorit Lari Rosin.
Te pranishmit i pershendeten Ambasadori i Republikes se Kosoves Akan Ismajli, Kongresisti Eliot Engel, Ambasadori Burns, Ambasadori Abramowitz dhe gjenerali Klark, te cilet folen me respekt dhe dashuri per Kosoven dhe popullin shqiptar ne pergjithesi
Në një intervistë ekskluzive, dhene bashke[punetorit tone Halil Mula, Komandanti suprem i forcave të NATO-s gjatë fushatës ajrore kundër Serbisë, Wesley Clark, deklaroi se 15 vjet pas çlirimit të Kosovës, ai krenohet me shqiptarët e Kosovës dhe të Shqipërisë, të cilët sipas tij i kanë dëshmuar Evropës së janë evropianë të vërtetë.
Pyetje: Gjeneral Klark, në vitin 2000 më treguat se si ministri i Jashtëm i Shqipërisë gjatë fushatës së bombardimeve, Pandeli Majko, gjatë një takimi me ju, ju ka thënë se i gjithë territori i Shqipërisë është në dispozicionin tuaj në shërbim të fushatës së NATO-s. Në retrospektive, si e vlerësoni ju këtë ndihmë sot?
Klark: Mirë, kur flasim për Shqipërinë sot, duhet të themi se Shqipëria ka bërë një punë të mrekullueshme. Kur shkon në Tiranë sot, në aeroport ke një terminal të ri. Kur shikoj përtej aeroportit, shoh vendin ku kishin aterruar helikopterët në baltë dhe çdo gjë duket sikur ka ndodhur para një përjetësie të tërë. Tirana duket shumë më e bukur, bizneset po hyjnë aty, shteti po forcohet, tani keni atje një autostradë të mrekullueshme, që lidhë Shqipërinë me Kosovën. Vërtetë krenohem me shqiptarët në Kosovë, si dhe me ata në Shqipëri, ngase i kanë dëshmuar Evropës se janë qytetarë të mrekullueshëm evropianë, se besojnë në demokraci, në zhvillim ekonomik dhe kjo është tejet trimëruese.
Pyetje: Duke vlerësuar gjërat nga këndvështrimi i sotëm, a kanë përmbushur kosovarët pritjet tuaja.
Klark: Absolutisht po. Ata po ecin në rrugën e drejtë.
Pyetje: Jam takuar shpesh me ambasadorin e Rusisë, Vitali Çurkin. E kam pyetur për Ukrainën, për Gadishullin e Krimesë.
Klark: Në Ukrainë nuk ka pasur pakicë të shtypur. Nuk ka pasur shkelje të të drejtave të njeriut. Bëhet thjeshtë fjalë për një plaçkitje të territoreve nga ana e Rusisë. Kjo është ajo që ndodhi. Më pas tentuan ta mbulojnë këtë aksion me të njëjtën gjuhë, të cilën ne e kemi përdorur kur luftuam për të drejtat legjitime të shqiptarëve të Kosovës. Kemi të bëjmë me dy situata krejtësisht të ndryshme. Kishim një krizë të vërtetë, tjetra është krizë krejtësisht e fabrikuar.
Pyetje: Çurkin ka bërë krahasimin mes Kosovës dhe Krimesë.
Klark: Ky krahasim mes dy vendeve nuk ekziston. Nuk kishte represion, nuk është ndërmarrë asnjë aksion kundër popullit në Krime apo në lindje të Ukrainës, për të justifikuar një invadim rus. Përveç kësaj, ata po e bëjnë Krimenë pjesë të Rusisë. Është njejtë sikur ne të tentonim të bënim Kosovën pjesë të SHBA-së. Kjo është një çmenduri. Nuk ka kurrfarë lidhje mes këtyre dy krizave. Duhet kuptuar se diplomatët paguhen për të thënë atë që e thonë. Prandaj nuk mund të kesh një diskutim të vërtetë. E njoh Zotin Çurkin. Ai është diplomat i mirë, i aftë në mbrojtjen e interesave të Rusisë, por mos harroni, janë këto qëndrimet e Rusisë.
Pyetje: A do ti kthehet Krimeja Ukrainës?
Klark: Po, në fund do ti kthehet.
U ngriten qendrat e rrjetëzimit të bizneseve shqiptare nëpër Amerikë
Nga HALIL MULAJ/
Siç ka bërë nëpër shumë vende të Europës perëndimore dhe në Nju Jork me rrethe, Ministria e Diasporës e mbështeteur nga IOM dhe UNDP dhe i financuar nga qeveria e Finlandës vazhdoj me projektin e organizimit të Diasporës përmes krijimit të qendrave të rrjetizimit të bizneseve shqiptare nëpër botë, projekt ky që ka për qëllim përafrimin e biznesmenëve shqiptar dhe bashkëpunimin mes tyre përmes projekteve të përbashkëta dhe investimeve në trojet shqiptare
Në vazhdën e kësaj gjatë javës që e lame pas këto rrjete u formuan në Londër, Toronto, Detroit, Chicago dhe Dallas.
Delegacioni i Ministrisë së Diasporës i Republikës së Kosovës përbëhej nga ministri i diasporës Ibrahim Makolli, drejtori për diasporë Naim Dedushaj, Ardian Spahiu nga UNDP, Robert Cansel nga IOM, drejtori ekzekutiv i Odës Ekonomike Amerikane Arian Zeka, Irena Kashtell, Elmi Berisha e Besim Malota nga shoqata e biznesmenëve të Kroacisë dhe Nju Jorkut.
Ndalesa e parë në kontinentin veriamerikan ishte Toronto e Kanadas, qytet ky ku jeton numër jo i vogël i bashkëkombasëve tanë. Me këtë rast u formua dega e rrjetizimit të bizneseve për Kanada dhe u zgjodh kryesia 9 antarëshe që do të drejtohet nga biznesmenënt Bashkim Breznica kryetar dhe Afrim Gashi nënkryetar
Gjatë qëndrimit në Toronto ministri Makolli takoi edhe z. Robert Bejns nga këshilli për NATO i Kanadas, i cili është edhe koordinator i shoqërisë kanadeze-shqiptare për NATO me të cilin bisedoi për bashkëpunimin dhe ndihmën e këtij këshilli për Kosovën.
Ndalesa e radhës ishte shteti Michigan, respektivisht qyteti Detroit, ku gjithashu u formua kryesia koordinuese e degës së rrjetizimit të bizneseve shqiptare për Michigan që do të udhëhiqet nga Prenk Gjokaj dhe Xhon Gojçi.
Në Detroit delegacioni i ministrit Makolli vizitoi fabrikën HTC, pronë e bashkëkombasit tonë Gjergj Junçaj, fabrikë kjo që prodhon profile preçize metalike që përdoren edhe në industrinë e ndërtimit të aeroplanëve, e cila zë vendin e tretë në SHBA në këtë lami dhe punëson rreth 200 punëtor.
Delegacioni i Ministrisë së Diasporës qëndroi edhe në Chicago, ku gjithashtu formoj degën e rrjetizimit të bizneseve shqiptare për shtetin e Illinois. Biznesmenët në Chicago zgjodhën kryesinë 14 antarëshe të shoqatës së bizneseve, që do të koordinohet nga biznesmenët Gani Ahmetaj, Valton Hoti, Sedat Sadiku, Afrim Sejdiu e Pajazit Murtishi.
Në Chicago, respektivisht në qytetin Cortland në periferi të Chicagos u hap edhe Qendra Kulturore Shqiptaro – Amerikane. Hapjen solemne të kësaj qendre e bëri minisri Ibrahim Makolli i shoqëruar nga bashkëpunëtorët e vet dhe aktivist të komuitetit.
Ndalesa finale e delegacionit Kosovar ishte qyteti Dallas i Teksasit, ku jetojnë numër solid bashkëkombasish, rreth 5 mijë, por të stabilizuar shumë mirë ekonomikisht dhe të organizuar tërësisht në baza kombëtare, ku gjithashtu u formua qendra e rrjetizimit të bizneseve për Teksas. Me këtë rast u zgjodh edhe kryesia 15 antarëshe e shoqatës së bizneseve, që do të koordinohet nga veprimtari i çështjes kombëtare, njëherit edhe kryetar i komunitetit të Dallas-it, biznesmeni Nazar Mehmeti kryetar, Ramiz Tafilaj e Ismet Smajli nënkryetarë, Kreshnik Bishani sekretar, Bruno Ceka arkëtar dhe Gani Fejza zëdhënës.
Qëllimi i projektit të rrjetizimit të bizneseve shqiptare nëpër botë është përafrimi i biznesmenëve shqiptarë dhe bashkëpunimi mes tyre përmes projekteve të përbashkëta dhe investimeve në trojet shqiptare.(Me i zgjeruar do te publikohet edhe nje fotoreportazh ne Diellin e printuar.)
KONSULLATA E KOSOVËS NË NY VLERSON ROLIN E BATALIONIT”ATLANTIKU” DHE NISI REGJISTRIMIN E DËSHMORËVE DHE VETERANËVE TË LUFTËS
NGA HALIL MULAJ/
Konsullata e Republikës së Kosovës në Nju Jork organizoi një takim solemn me përfaqësuesit e Shoqatës së Batalionit Atlaniku, me rastin e fillimit të regjistrimit të deshmorëve, veteranëve dhe invalidëve të luftës së UÇK-së.
Ambasadori Bekim Sejdiu, Konsull i Pergjithshem ne New York, shprehu respektin e shtetit të Kosovës për ata djem dhe vajza që lanë SHBA-në për të luftuar për lirinë e Kosovës, si dhe ata që në forma të ndryshme kontribuan për lirinë dhe pavarësinë e Kosovës.
Ai potencoi se diaspora shqiptare në Amerikë është shëmbull më i mirë i kontributit të pazevëndësueshëm që diaspora jonë e madhe, anë e kënd botës, ka dhënë për liri dhe pavarësi. Ambasadori Sejdiu nënvizoi se fillimi i regjistrimit të veteranëve, invalidëve dhe dëshmorëve të UÇK-së koincidon me 100 vjetorin e pavarësisë së Republikës së Shqipërisë, si dhe me afrimin e 5 vjetorit të pavarësisë së Kosovës. Këto ngjarje i japin një dimension të posaçëm emocionues këtij regjistrimi.
Kryetari i Shoqatës Atlantiku, z.. Gani Shehu, falënderoi Konsullatën e Republikës së Kosovës për takimin. Ai u shpreh në dobi të vazhdimit të bashkëpunimit në mes të Konsullatës së Republikës së Kosovës dhe Shoqatës Atlaniku (duhet potencuar se ky nuk ishte takimi i parë në mes të Konsullatës dhe Shoqatës Atlaniku). Më tej,z. Shehu dhe të pranishëm të tjerë evokuan kujtime nga koha e luftës. Ata po ashtu informuan për veprimtarinë e Shoqatës, si dhe për kontaktet me vendlindjen.
Gjatë takimit u bisedua edhe për zhvillimet e përgjithshme në Kosovë dhe vise të tjera ku jetojnë shqiptarët në Ballkan.
Në fund, Ambasadori Sejdiu dhe Konsulli Zajmi , ua shpërndanë të pranishmëve materialet për regjistrimin e veteranëve, invalidëve dhe dëshmorëve të UÇK-së.