Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Informacione nga Presidenca- Kosova kalon pragun e vlerësimit të MCC-së

by

PRISHTINË, 6 Nëntor 2015-B.Jashari/Presidentja e Republikës së Kosovës, Jahjaga mirëpret njoftimin e agjencisë amerikane Korporata e Sfidave të Mijëvjeçarit (Millenium Challenge Corporation – MCC) se Kosova ka kaluar pragun për t’u kualifikuar për asistencë nga kjo agjenci. Ky është një moment i rëndësishëm për Kosovën, që demonstron progres të theksuar në performancën e politikave si liritë ekonomike, qeverisja e drejtë dhe demokratike dhe investimi në qytetarët e saj.
Presidentja Jahjaga theksoi se rezultatet e MCC-së njohin angazhimin e Kosovës për të përmirësuar politikat në shumë fusha, veçanërisht në adresimin e korrupsionit. Sipas ‘Treguesve Botëror të Qeverisjes’ të Bankës Botërore, Kosova këtë vit ka përmirësuar kontrollin e korrupsionit për 16% krahasuar me vitin e kaluar.
Rezultatet e publikuara sot vijnë pas një pune intensive të Zyrës së Presidentes së Republikës së Kosovës, që ka udhëhequr përpjekjet që nga muaji shkurt për të përmirësuar performancën në indikatorë, në bashkëpunim me një numër ministrive, institucioneve të Kosovës dhe agjencive të specializuara të OKB-së që veprojnë në Kosovë.
Kalimi i pragut të indikatorëve është komponenti më i rëndësishme në procesin e përzgjedhjes se cilat shtete marrin fonde për zhvillim nga MCC. Zyra e Presidentes do të vazhdojë përpjekjet për kualifikimin e Kosovës për programin e asistencës, deri në vendimin përfundimtar i cili do të merret në dhjetor të këtij viti në takimin e Bordit të MCC-së, që udhëhiqet nga sekretari amerikan i Shtetit John Kerry.
MCC është një agjenci qeveritare amerikane e asistencës së jashtme e themeluar nga Kongresi në vitin 2004. Përzgjedhja e shteteve që përfitojnë nga asistenca e MCC-së bazohet në një proces rigoroz që mat progresin e arritur në 20 indikatorë të pavarur dhe objektivë, në fushat si liritë ekonomike, të drejtat demokratike, kontrolli i korrupsionit, sundimi i ligjit, qeverisja e mirë dhe investimit në njerëz.
Shumica e të dhënave që merren në përpilimin e indikatorëve janë të siguruara nga agjencitë e specializuara të OKB-së dhe organizatat e pavarura. Në disa indikatorë, siç rasti me të dhënat e mbledhura nga UNESCO, nuk është matur performanca e indikatorëve për arsye se Kosova nuk është anëtare.
Rezultatet e plota për Kosovën:
https://assets.mcc.gov/documents/score-fy16-english-xk-kosovo.pdf

*****
Kosovo step closer to MCC partnership
President of the Republic of Kosovo, Mrs. Atifete Jahjaga, welcomes the announcement of the US government agency Millennium Challenge Corporation (MCC) that Kosovo has passed the threshold of indicators to qualify for MCC assistance. This is a new milestone for Kosovo, demonstrating the tangible progress that the country has made in policy performance on economic freedoms, just and democratic governance and investment in its citizens. Kosovo has passed the MCC threshold of indicators for the first time in its history as an independent nation.
President Jahjaga said that MCC recognizes Kosovo’s commitment to improve the policy performance in many areas, particularly in addressing corruption. According to the World Bank Worldwide Governance Indicators, this year Kosovo has improved control of corruption by 16% compared to last year.
The decision comes after intensive work of the Office of the President of the Republic of Kosovo, which has led the efforts since February to improve the policy indicators, in coordination with a number of ministries and Kosovo institutions and UN specialized agencies operating in Kosovo.
Country scorecards are an important component in the selection process that determine which countries receive MCC assistance. The Office of the President will continue its efforts to make Kosovo eligible country for the assistance program until the final decision which will be taken in December at the meeting of the MCC Board, chaired by the US Secretary of State John Kerry.
MCC is a US government foreign assistance agency established by Congress in 2004. The selection of countries that benefit from MCC assistance is based on a rigorous process and criteria based on the progress on 20 objective and independent indicators on economic freedoms, democratic rights, control of corruption, rule of law, good governance and investing in people.
Most of the data used for indicators are provided by specialized agencies of the UN and independent organizations. In some indicators, such as the case with the data collected by the UNESCO, policy performance has not been measured since Kosovo is not a member of UNESCO.
MCC Kosovo Scorecard:
https://assets.mcc.gov/documents/score-fy16-english-xk-kosovo.pdf

***
Presidentja Atifete Jahjaga priti komisionerin e BE-së, Johannes Hahn

Presidentja e Republikës së Kosovës, zonja Atifete Jahjaga ka pritur sot Komisionerin evropian për politikat evropiane të fqinjësisë dhe negociatave për zgjerim, zotëri Johannes Hahn me të cilin kanë diskutuar për zhvillimet e fundit në vend, nënshkrimin dhe ratifikimin e Marrëveshjes së Stabilizim-Asociimit, dialogun ndërmjet Republikës së Kosovës dhe Republikës së Serbisë, raportin vlerësues për liberalizim të vizave dhe themelimin e Gjykatës Speciale.
Presidentja Jahjaga theksoi se nënshkrimi i Marrëveshjes së Stabilizim Asociimit është mirëpritur në Republikën e Kosovës si dëshmi e përparimit në përmbushjen e kushteve që e forcojnë të ardhmen evropiane të Kosovës, sidomos në zhvillimin e ekonomisë dhe sundimin e mirëfilltë të rendit dhe ligjit. Ajo tha se institucionet e Kosovës janë të përkushtuara të përmbushin obligimet e tyre dhe kërkojnë që rruga e Kosovës drejt Bashkimit Evropian të jetë e barabartë me atë të shteteve tjera të rajonit.
Presidentja Jahjaga po ashtu njoftoi Komisionerin Hahn për përmbushjen e kritereve për liberalizimin e vizave, duke theksuar se institucionet e Kosovës presin që qytetarëve të Kosovës t’iu mundësohet lëvizja e lirë në zonën Schengen pas vlerësimit pozitiv në fund të vitit.
Duke iu referuar zhvillimeve politike në vend, Presidentja Jahjaga e njoftoi Komisionerin Hahn për takimet me koalicionin qeverisës dhe subjektet opozitare të zhvilluara me qëllim të tejkalimit të situatës së krijuar politike në Kosovë. Presidentja po ashtu e theksoi vendimin e saj që, në kuadër të kompetencave të saj, t’i drejtohet Gjykatës Kushtetuese për të interpretuar përputhshmërinë e parimeve të Asociacionit të Komunave Serbe me Kushtetutën e Republikës së Kosovës si rrugë institucionale për adresimin e shqetësimeve.
Presidentja Jahjaga gjithashtu diskutoi me Komisionerin Hahn për dialogun e lehtësuar nga Bashkimi Evropian ndërmjet Republikës së Kosovës dhe Republikës së Serbisë duke theksuar që suksesi i këtij procesi do të varet nga zbatimi i marrëveshjeve dhe kushtëzimi i përparimit të Serbisë drejt anëtarësimit në BE me heqjen e përkrahjes për strukturat paralele dhe ilegale nga Beogradi.
Presidentja Jahjaga po ashtu shprehu gatishmërinë e institucioneve të Republikës së Kosovës që të përmbushin obligimet e mbetura ndërkombëtare për themelimin e Gjykatës Speciale që do t’i adresojë akuzat e ngritura në raportin e Këshillit të Evropës, përfshirë marrëveshjet bilaterale mes Holandës dhe Kosovës për themelimin e kësaj gjykate.
Komisionieri Hahn përgëzoi përparimin e shënuar në Kosovë, nënshkrimin e MSA-së dhe ndër tjera falënderoi Presidenten Jahjaga për rolin e saj në adresimin e migrimit ilegal nga Kosova në vendet e Bashkimit Evropian që është një prej argumenteve kryesore për vendim pozitiv për Kosovën në çështjen e liberalizimit të vizave.

Presidenti i Austrisë mbërrin në Kosovë, pritet me ceremoni shtetërore

by

-Presidenti Fischer është presidenti i parë austriak që viziton Kosovën që nga shpallja e pavarësisë dhe ai erdhi sot bashkë me një delegacion të gjerë të përfaqësuesve të bizneseve austriake/
Nga Behlul Jashari/ PRISHTINË, 28 Tetor 2015/ Presidenti i Republikës së Austrisë, Heinz Fischer, sot pas mesditës, u prit me ceremoni shtetërore në vizitën dyditore në Kosovë, me ftesë të presidentes së Republikës, Atifete Jahjaga. Më pas, sipas axhendës, nisi takimi i presidentes Jahjaga me presidentin Fischer.
“Kam nderin që t’i uroj mirëseardhje në Kosovë presidentit të Austrisë, Heinz Fischer, një përkrahës i fuqishëm i Republikës së Kosovës dhe përparimit të saj”, është shprehur Jahjaga.
Presidenti Fischer është presidenti i parë austriak që viziton Kosovën që nga shpallja e pavarësisë dhe ai erdhi sot bashkë me një delegacion të gjerë të përfaqësuesve të bizneseve austriake.
“Vizita e presidentit Fischer është dëshmi e marrëdhënieve të shkëlqyera ndërmjet dy vendeve dhe mundësi për të thelluar bashkëpunimin ekonomik dhe tregtar”, vlerëson presidentja kosovare.
“Austria është pjesë e pandashme e bashkësisë ndërkombëtare, që ndan suksesin e Kosovës së re së bashku me popullin dhe institucionet e saj”, theksonte presidentja kosovare në shënimin e 60 vjetorit të pavarësisë dhe të deklarimit të neutralitetit të përhershëm të Republikës së Austrisë, në mbrëmjen e 26 tetorit në Prishtinë.
“Austria ka qëndruar afër nesh për të na ndihmuar në rrugëtimin jo aq të lehtë të ndërtimit të paqes”, theksonte presidentja e Kosovës.
Ajo shtonte se, Austria është pjesë e pandashme e historisë më të re të Kosovës, e përfshirë në dhënien fund të dhunës dhe luftës, në ndërtimin e një Kosove më ndryshe, më gjithëpërfshirëse, më demokratike, më të përparuar – një shtet i ndërtuar mbi parimin e drejtësisë.
“Ju keni qenë shembull jo vetëm i mikpritjes, në kohë paqeje, gjatë bisedimeve për statusin e Kosovës, të përpjekjeve për ta bërë Kosovën të mëvetësishme, demokratike dhe përgjegjëse për fuqizimin dhe avancimin e të drejtave për të gjithë qytetarët e saj”, shprehej Jahjaga duke uruar ambasadorin e Austrisë në Kosovë, Johann Brieger.
Sipas axhendës zyrtare, në vazhdim të vizitës sot pasdite presidentin e Austrisë Fischer e pret në takim edhe kryetari i Kuvendit të Kosovës, Kadri Veseli.
Të enjten, presidenti i Austrisë, Heinz Fischer takohet me kryeministrin e Republikës së Kosovës, Isa Mustafa.
Në vazhdim të axhendës, presidentja Jahjaga dhe presidenti Fischer marrin pjesë në Forumin Ekonomik Kosovar-Austriak në Prishtinë dhe vizitojnë Prizrenin, Kishën Katolike dhe Xhamia e Sinan Pashës në qytetin më të madh jugor të Kosovës.

Jahjaga:Kosova pakthyeshëm drejt Bashkimit Evropian

by

-Nga sot, Kosova vendos marrëdhënie kontraktuale me Bashkimin Evropian, marrëdhënie kjo me të drejta dhe detyrime të ndërsjella/
-Deklaratë e Presidentes Jahjaga me rastin e nënshkrimit të MSA-së midis Kosovës dhe BE-së-
PRISHTINË, 27 Tetor 2015/ Presidentja Atifete Jahjaga me rastin e nënshkrimit të MSA-së midis Kosovës dhe BE-së, deklaroi se, sot është një ditë shumë e veçantë për Republikën e Kosovës.
Ajo bën të ditur se, në një ceremoni të organizuar në Strasburg, Kryeministri i Kosovës dhe Përfaqësuesja e Lartë e BE-së nënshkruan Marrëveshjen e Stabilizim Asociimit (MSA) ndërmjet Kosovës dhe Bashkimit Evropian.
“Përmes kësaj marrëveshje, Kosova sot nisë rrugëtimin e saj të pakthyeshëm drejt anëtarësimit në Bashkimin Evropian, në familjen e shteteve që ndajnë vlerat e lirisë, demokracisë, barazisë dhe sundimit të ligjit”, thekson Presidentja e Republikës.
Jahjaga uron përzemërsisht qytetarët e Kosovës për këtë arritje të jashtëzakonshme.
“Ky përparim është rezultat i reformave të përmbushura dhe konsensusit të gjerë shoqëror dhe politik që gëzon axhenda evropiane në Kosovë. Arritëm këtu, deri te kjo ditë historike për Kosovën, me angazhim të gjerë të qytetarëve, institucioneve, spektrit politik, shoqërisë tonë civile, komunitetit të biznesit e shumë segmenteve tjera të shoqërisë”, shprehet Jahjaga.
Nga sot, vijon ajo, Kosova vendos marrëdhënie kontraktuale me Bashkimin Evropian, marrëdhënie kjo me të drejta dhe detyrime të ndërsjella.
“Kjo marrëveshje do të ndihmojë në zbatimin e reformave në shumë sektorë, si dhe do thellojë dialogun politik ndërmjet Kosovës dhe Bashkimit Evropian. Përfitimet e Kosovës janë të shumta, sidomos në nxitjen e investimeve të jashtme dhe krijimin e kushteve sa më të mira për zhvillim të qëndrueshëm ekonomik të vendit”, thekson Jahjaga.
Ajo i shpreh mirënjohjen institucioneve të Bashkimit Evropian dhe vendeve anëtare për mbështetjen e vazhdueshme për rrugën e qartë evropiane të Kosovës dhe qytetarëve të saj.
“Kosova ka një rrugë të gjatë përpara që kërkon shumë përpjekje nga ana jonë deri në cakun final të anëtarësimit. Ne jemi përcaktuar në anën e drejtë të historisë dhe kemi përqafuar vlerat dhe idealet e paqes e lirisë. Kjo rrugë tashmë është e qartë, reciproke dhe e pakthyeshme. Urime!”, përfundon Presidentja Jahjaga./b.j/

Presidentja Jahjaga takon përfaqësues të shoqërisë civile

by

PRISHTINË, 19 Tetor 2015/ Presidentja e Republikës së Kosovës, Atifete Jahjaga, priti sot në takim përfaqësues të shoqërisë civile, të cilat ditë më parë bënë deklaratë të përbashkët në mbështetje të dialogut politik për të adresuar zhvillimet e fundit në vend.
Përfaqësuesit e shoqërisë civile, Ismet Krasniqi nga KDI, Ariana Qosaj-Mustafa nga KIPRED, Petrit Zogaj nga FOL, Edita Mustafa nga KDI, Veton Mujaj nga Syri i Vizionit dhe Fatmir Curri nga KCSF përgëzuan Presidenten Jahjaga për angazhimin e saj kushtetues për të lehtësuar dialogun politik me partitë politike parlamentare të Kosovës në përpjekje për të tejkaluar gjendjen e krijuar në vend duke theksuar se thirrja e Presidentes për dialog politik është e vetmja mundësi për të tejkaluar zhvillimet e fundit./b.j/

Kosovë-Jahjaga fton spektrin politik parlamentar për dialog

by

-Deklaratë e Presidentes së Republikës së Kosovës/
-Në pritje të takimeve të Presidentes me drejtuesit politikë, mbledhja e Kryesisë së Kuvendit të Republikës së Kosovës, e paraparë për sot, është shtyrë për ditën e martë/
-AAK, një nga tre partitë opozitare, do mbajë konferencë për shtyp/
Nga Behlul Jashari/ PRISHTINË, 19 Tetor 2015/ Presidentja e Kosovës, Atifete Jahjaga, në një konferencë shtypi sot deklaroi se, pas konsultimeve me krerët e institucioneve, me Kryeministrin dhe Kryetarin e Kuvendit për t’i njoftuar me vendimin tim, ftoj për dialog politik partitë politike parlamentare në përpjekje për të tejkaluar gjendjen e krijuar në vend.
“Veprimet e dhunshme dhe diskursi si në institucione dhe jashtë tyre të ditëve të fundit janë të papranueshme dhe rrezikojnë të lëndojnë konsensusin demokratik në Republikën e Kosovës”, theksoi ajo.
Mandati im si Presidente e vendit, vijoi Jahjaga, është të garantoj funksionimin demokratik të institucioneve dhe të shërbej si faktor uniteti, dhe mbi këtë bazë e ftoj spektrin politik parlamentar të Kosovës që të pranojnë këtë ftesë për dialog për mospajtimet në këto javët e fundit.
“Tashmë ftesat subjekteve politike si të koalicionit qeveritar ashtu edhe partive opozitare u janë dërguar, fillimisht për takime të ndara në zyrën time, dhe përfundimisht – në mirëbesim – në tryezë të përbashkët”, tha Presdientja e Republikës.
Shpresoj, vijoi Jahjaga, që kjo iniciative e imja të ndihmojë që shqetësimet t’i adresojmë me pjekuri politike dhe duke dëshmuar angazhimin tonë që të jetësojmë përkushtimin tonë për një demokraci parlamentare që fuqizon institucionet, forcon besimin e qytetarëve në perspektiven e vendit të tyre dhe krijon pajtimin bazik për rrugën tonë përpara.
“I thërras partitë politike dhe përfaqësuesit e tyre t’i përgjigjen ftesës dhe të tregojnë vullnet që bashkërisht të gjejmë gjuhë të përbashkët për daljen nga kjo gjendje”, theksoi ajo.
Presidentja Jahjaga u shpreh se, tash më shumë se kurrë është momenti t’ua dëshmojmë të gjithë qytetarëve që na e kanë besuar udhëheqjen e këtij shteti se dëshira e tyre për të jetuar në paqe, të kenë një ardhmëri të sigurt për ta e për brezat e ardhshëm nuk është premtim që zbehet përballë sfidës së parë, por udhërrëfyes, obligim, besë e dhënë se dallimet tona, të çfarëdo natyre, i tejkalojmë në tryezë, duke biseduar, duke gjetur zgjidhje bashkërisht dhe duke marrë përgjegjësi për to.
“Përgatitjet për seancën plenare” janë sot në axhendën e mbledhjes së Kryesisë së Kuvendit të Republikës së Kosovës me kryetarët e grupeve parlamentare.
Kosova po vazhdon të humb në kohë me Kuvendin e saj, i cili në legjislacionin e kaluar ishte 7 muaj jofunksional, 1 muaj para e 6 muaj pas zgjedhjeve parlamentare parakohëshme të 8 qershorit, derisa u mblodh në seancën konstituive shumë të vonuar në 8 dhjetor 2014.
Para më shumë se një muaji, raportimi i qeverisë së Kosovës lidhur me katër marrëveshjet e arritura në Bruksel më 25 gusht 2015 ishte në axhendë në seancat e para të sesionit vjeshtor në 17 e 22 shtator. Në seancën e parë nuk ishin të pranishëm raportuesit dhe koalicioni qeverisës kërkoi shtyrje, ndërsa në të dytën që u shpall e mbyllur pas disa ndërprerjeve e pa u zhvilluar pati edhe gjuajtje vezësh nga opozita drejt kryeministrit sapo ai nisi raportimin.
Kuvendi i Kosovës pa asnjë seancë të përfunduar në sesionin vjeshtor, i bllokuar nga opozita, është mbledhur në një seancë tjetër në 15 tetor të ftuar nga Kryesia me shefat e grupeve parlamentare, në mbledhjen me vetëm përfaqësuesit e subjekteve politike të koalicionit qeverisës, përballur edhe me bojkotin opozitar.
Por, që në fillim deputetët e opozitës bllokuan me “rrethim” të foltorës dhe kryesuesit, e pastaj, për të dytën herë, si edhe një javë më parë, hodhën gaz lotsjellës dhe seanca e Kuvendit të Kosovës u ndërpre.
Derisa ndodhnin zhvillimet në seancën parlamentare dhe pas ndërprerjes së saj, në shesh para ndërtesës së Kuvendit të Kosovës kishte grumbullime për protestë të aktivistëve të opozitës e qytetarëve tjerë.
“Aksionet simbolike” të opozitës, me “rrethime” të foltores e kryesuesëve, fërshëllima, gjuajtje vezësh e gazi lotësjellës në sallën e seancave të Kuvendit, janë pjesë e kundërshtimeve, edhe me protesta në rrugë dhe me një peticion me rreth 200 mijë nënshkrime deri tani, të 4 marrëveshjeve të 25 gushtit me Serbinë dhe marrëveshjes së demarkacionit me Malin e Zi.
“Protesta jonë në Kuvend nuk do të ndalet dhe nuk do të lejojmë normalizimin e ‘Zajednicës’ dhe faljen e tokave të Kosovës Malit të Zi”, ka paralajmëruar opozita në deklaratën e përbashkët të tre partive, LVV, AAK e Nisma.
Opozita shprehet me fjalën serbe “Zajednica” që do të thotë “Bashkësi” dhe nënkupton Bashkësinë/Asociacionin e komunave me shumicë sebe në Kosovë.
Në mbledhjen e sotme të Kryesisë me shefat e grupeve parlamentare, sipas njoftimeve zyrtare nga Kuvendi, “do të diskutohet për vazhdimin e seancës plenare, të ndërprerë në 15 tetor si pasojë e hedhjes së gazit lotsjellës”. Opozita vazhdon të bojkotojë mbledhjet e Kryesisë së Kuvendit dhe komisionet parlamentare, ndërsa kërkon të mos thirren seanca plenare, ku shkon vetëm për t’i bllokuar.
“Kërkojmë nga Kryesia e Kuvendit që të mos thërras më seancë plenare. Çfarëdo insistimi në këtë drejtim është provokim dhe përshkallëzim i situates në Republikën e Kosovës”, ka theksuar opozita në një deklaratë.
Organizata të shoqërisë civile në Kosovë në një deklaratë kanë shprehur opinionin se, “thirrja e seancave plenare pa ndryshim të qëndrimeve dhe rrethanave politike, nuk i shërben daljes nga situata e krijuar politike”, ndërsa theksojnë se “gjuha e dialogut politik është forma e vetme e zgjidhjes së problemeve politike”.
“Po ashtu, ne kërkojmë që në këtë proces të përfshihet edhe Presidentja e vendit si garante e funksionimit kushtetues të institucioneve”, përfundohet në deklaratën e organizatave të shoqërisë civile. Ndërkohë, u njoftua nga Presidenca kosovare se, “Presidentja e Republikës së Kosovës, Atifete Jahjaga mban sot konferencë për media”.
SHTYHET PËR NESËR MBLEDHJA E KRYESISË SË KUVENDIT, NË PRITJE TË TAKIMEVE TË PRESIDENTES ME DREJTUESIT POLITIKË
Ndërkohë, mbledhja e Kryesisë së Kuvendit të Republikës së Kosovës, e paraparë për sot, është shtyrë për ditën e martë, në orën 11:00.
Kryetari i Kuvendit, Kadri Veseli, para fillimit të mbledhjes, i njoftoi nënkryetarët e Kuvendit dhe kryetarët e grupeve parlamentare me iniciativën e presidentes së vendit për takime me drejtuesit institucionalë dhe politikë, lidhur me zhvillimet e fundit politike në Kosovë. Në pritje të zhvillimit të këtyre takimeve, kryetari Veseli propozoi që mbledhja të shtyhet për ditën e nesërme. Propozimi u përkrah njëzëri nga Kryesia.
Kreu i Kuvendit bëri të ditur po ashtu se gjatë kësaj jave do të mbahet mbledhja plenare, e ndërprerë javën e kaluar.

FTESA E PRESIDENTES PARTIVE, AAK KONFERENCË SHTYPI

Pas njoftimit për ftesën e Presidentes, sapo bëhet e ditur nga AAK, partia e dytë opozitare, se do mbajë konferencë për shtyp sot në orën 13:30 në selinë qendrore në Prishtinë. Ende nuk ka ndonjë njoftim nga dy subjektet tjera politike të opozitës së bashkuar, LVV dhe Nisma.