Lek Gjoka – Page 2 – Dielli

PERGJAKJA E KALLMETIT

June 16, 2017 by dgreca

Kur diktatura komuniste donte të përgjakte Kallmetin ashtu sikur pushtuesit osmano-turq në vitet e Pavarësisë/

-Dështimi i kallmetoreve për të sulmuar qendrën e komunisteve në qytetin e Lezhës pas shtypjes se kryengritjes antikomuniste të Postribes dhe mençuria e një kallmetori që shpëtoi Kallmetin qendrën e ipeshkvisë së Lezhës nga hakmarrja e murtajës komuniste./

Rrëfim historik nga Lek Gjoka/ Jacksonville, Florida/

Vjeshta e vitin 1946 ishte ulur këmbëkryq mbi Kallmet. Bjeshka Velë ishte si gjithmonë dëshmitare jo vetëm për Kallmetin por edhe për Lezhën, Zadrimën , Shkodrën, Mirditën, madje deri në pafundësinë kaltëroshe të detit Adriatik. Shumë emocione kishte përjetuar kjo Bjeshke krenare bashke me Kallmetin që nga kohët e lashta , në kohën e Besëlidhjes se madhe të Gjergj Kastriotit në Lezhe, tek Kuvendi i Arbrit organizuar nga ipeshkvia e Lezhës me përkrahjen e Papës shqiptare Klementi , tek mbrojta qe biri i Kallmetit shkrimtari Frang Bardhi i bëri heroit tonë kombëtar, tek besa që i dhanë Dedë Gjo Lulit dhe Gjon Marka Gjonit në mbrojte të kombit shqiptar për mos copëtimin e truallit shqiptar dhe shpartallimit të ushtrisë se pushtuesve osmano-turq . Gjithmonë mençuria e kallmetoreve kishte triumfuar. Madje në luftën që bene tek Zalli i Rraboshtës kundër pushtuesve turq ku disa kallmetore ranë dëshmore të Pavarësisë së Shqipërisë garnizoni turk i Shkodrës u nis të digjte Kallmetin që me një gur të vriste dy zogj. Të hakmerrej ndaj kallmetoreve që kishin ngritur armët si dhe të digjnin ipeshkvine e Lezhës në Kallmet me qellim që i gjithë zona katolike Lezhë-Shkodër të kthehej në besimin e pushtuesit turk megjithëse ishte në prag të kapitullimit. Por mençuria e kallmetoreve triumfoi. Në drejtimin e kryeplakut të Kallmetit Llesh Gjokës të gjithë kallmetoret dëshmoret e Pavarësisë nuk u varrosen në varrezat e Kallmetit por në Kishën e Shën Eufemisë (kishe që në shekullin e XXII-të) në një shpat në Bjeshkën e Velës. Kur pushtuesit kontrolluan varrezat e Kallmetit dhe nuk panë varre të rijnë u detyruan të tërhiqen për në Shkodër pa kryer asnjë krim mbi Kallmetin.

Por përsëri Kallmeti po vihet në një provë të re edhe me të egër se pushtuesit turq nga kuçedra komuniste. Ngaqë Kallmeti ishte një qendër e ipeshkvisë se Lezhës dhe për pese shekuj me radhë kishte prodhuar verën Kallmet që përdorej në Romë nga Papa për meshën e shenjte e me gjere nuk shihej me sy të mirë nga pushteti i ri komunist sepse qarkullonin fjale se në Kallmet komuniste i quanin të dërguarit e djallit . Ndoshta ia kishin edhe friken ngaqë ishte një fshat me numër popullsie me të madhe se vete qyteti i Lezhës megjithëse një pjese e tyre kishin mërguar në Kroaci ku sot e kësaj dite kanë një komunitet te madh të cilët kanë mbajtura si mbiemër emrin e vendlindjes se të pareve te tyre Kalmet , ku kanë nxjerrë edhe një ministër për qeverinë Kroate nga komuniteti i tyre. Por si në të gjithë Shqipërinë edhe në Kallmet murtaja komuniste nisi përçarjen ndaj kallmetoreve dukë joshur disa banorë të Kallmetit që vinin nga shtresa e varfër pa toke, pasuri dhe dinjitet. Ne të njëjtën kohë Përveç Kallmetit edhe Mali i Rrencit u përgatit te sulmonte Shëngjinin (Shninin) si dhe siç dihet u nis edhe kryengritja e antikomuniste të Postribes minuar nga sigurimi i shtetit komunist që pastaj e përdori për hakmarrje kolektive ndaj zonave antikomuniste duke vrare dhjetëra shqiptare te pafajshëm.

Edhe kallmetoret nuk e donin ketë rrëgjim komunist ndaj lajmi mori dhënë në Kallmet për organizimin e një kryengritje në Lezhë ndaj zyrave te instaluara të pushtetit diktatorial dhe u grumbulluan në qendër të Kallmetit . Me sëpata, kmesa, kosa u shtruan në kuvend të thjeshtë por dukë parë që lajmi mund të ishte një kurth i sigurimit të shtetit dhe mos armatosura e duhur i detyruan të kthehen në shtëpi. Por kjo nuk i ka pëlqyer një kallmetori nga Kallmeti i vogël ish spiun i komunisteve dhe kaçakeve të malit dërgoi lajm në Shkodër se kallmetoret do të sulmojnë Lezhës ndaj një pjesë e brigadës se ndjekjes se kufirit me urdhër të Mehmet Shehut u nis për të djegur Kallmetin dhe vrarë qindra kallmetore antikomuniste. Fatmirësisht një tjetër kallmetor punëtor policie , një ish anëtar i Brigadës së shtatë sulmuese të Luftës diku jo shumë larg Kallmetit dhe Shkodrës takon një pjesë të brigadës se ndjekjes.

-Po ju !- iu drejtua komandantit të cilin e kishte pasur shok luftë.

-Po shkojmë drejt Kallmetit me urdhër të Komandant Mehmet Shehut për të shtypur me zjarr e hekur ato qindra antikomuniste kallmetor që do nisen për të sulmuar në Lezhë zyrat tona të pushtetit popullor.

– Nuk është e vërtete !- ia pret kallmetori- unë nga Kallmeti po vij dhe nuk pashe asnjë gjë të dyshimtë.

-Me të vërtete e ke sepse na lajmëroi një kallmetor që ishte me to.

– E di se ishte filani që ju tha.

-Po ai dora vete.

-Harrove ti kur ishim në luftë sa herë na ka rrejte?

-Me të drejtë !- ia pret komandanti kallmetorit dhe i jep urdhër kompanisë se ndjekjes të ktheheshin për në Shkodër.

Kallmetori M. punonjës i policisë dhe ndjekjes se kufirit ktheu kokën pas dhe që larg dalloi krenarinë e Bjeshkës se Velës dhe një ngrohtësi shpirtërore i vrapoi në vena sepse arriti që Kallmeti dhe kallmetoret edhe kësaj herë të shpejtojnë përsëri nga një tragjedi e rrethimit komunist falë një biri të tij që e rriti dhe e burrëroi me ndjenjat e trimërisë dhe besnikërisë ndaj vendit që e lindi dhe e rriti.

Jacksonville Floirda
Qeshor 2017

Edhe në politikë duhet t’i lihet vend të rinjve si dhe të kujtoheni për Diasporen

June 1, 2017 by dgreca

Nga Lek Gjoka/Florida/

Zhurmë e madhe dhe akuza ndaj kreut të Partisë Demokratike të Shqipërisë zotit Basha ka përfshirë sot kampin demokrak.

Disa lidër të kësaj Partie kritike të kryetarit aktual që kur PD-ja ishte në çadër janë lënë jashtë listës se deputetëve në votimet e Qërshorit janë hedhur në një sulm jo ndaj liderit socialist Rama që e kanë për detyrë si anëtar të forumeve drejtuese por në mënyrë të pakuptimtë ndaj vete Partisë së tyrë.

Madje me paturpësi dalin në një konferencë shtypi ku shpalosin platformën e tyrë për largimin e kryetarit Basha. Sigurisht jam dakord që gjithë antarët e partive politike mund të kenë një mendim ndryshe nga kryetari por në një situatë të tillë kur i gjithë bota demokratike u shqetësua për mos marrjen pjese të demokratëve në zgjedhjet e ardhshme janë të pakuptimta deklaratat e Topallit, Imamit, Patosit, Bode, etj që t’i fryjnë zjarrit të përplasjes në kampin demokrat.

Në qoftë se Basha ka bërë gabime nuk është fundi i botës se disa ish depute nuk do të marrin me të mirat materiale që i afrohen nga të qenurit deputet (që në fakt një pjese prej tyre janë të përlyer në oferta korruptive) por të luftojnë me mish e me shpirte që Partia e tyrë të fitoje sa më shumë deputete dhe të iu marrë nga duart qeverisjen socialistëve. Partitë politike në Shqipëri duhet t’ju japin deren edhe rinisë . Madje duhët t’i hedhin sytë edhe tek diaspora shqiptare në Evropë dhe Amerikë.

Si nuk u kujtua kurrë zonja Topalli si kryetare parlamenti së qindra mijëra shqiptarë kanë braktisur e po braktisin Shqipërinë për faj të politikave korruptive të qeverisjes plot korrupsion të politikanëve shqiptarë nuk duan t’a harrojnë vendin nga kanë ardhur, të drejtat për të votuar si qytetar i Shqipërisë apo kur për vete, familjen dhe klanin tënd e ke në rregull çdo gjë nuk ke pse të shqetësoheni për “turmën” popull. Tani që t’u preken interesat përsonale deklaron në mënyrë të paturpshme se vdiq Partia Demokratike e 91-isht. Jo asnjë Parti nuk vdes as kur lideri zevendesohët por kështu po ju lehtësoni fitoren kampit të majtë dhe për ketë nuk është faji as i popullit që nuk do t’i votojë, as faji i Bashës se nuk caktoi juve në listën e deputeteve por faji i ju të gjithëve që nuk luftoni për të mirën popullit, dhe të Partisë suaj por thjeshtë për interesa personale dhe klanore.

Uroj që keto zgjedhje të jenë zgjedhjet e fundit pa pjesmarrjen e diasporës shqiptare. Megjithëse kryeministri socialist Rama ka deklaruar publikisht se keto do të jenë zgjedhjet e fundit pa diasporën por dukë parë që në çdo fushatë zgjedhore thuhen premtime n’tym dëshiroj që në katër vitet e ardhshme pozita dhe opozita t’i kthejnë sytë nga diaspora jo vetëm për të mirat materiale që dërgojnë në Atdhe por t’a përfshijnë në qeverisje (krijimin e ministrisë së Diasporës), zhvillimin e kombit shqiptar dhe antarësimin e trojeve shqiptare në Bashkimin Evropian.

Jacksonville Florida

Maj 20117

Sistemi Republikë Parlamentare, një dështim total në Shqipëri

April 13, 2017 by dgreca

Shqipëria nuk duhet të mbahet peng nga interesat partiake/

-Sistemi Republike Parlamentare një dështim total në Shqipëri dhe Maqedoni./

-Opinion nga Lek Gjoka/Florida/

Duke pare zhvillimet e fundit në Shqipëri dhe ngërçin politik dhe institucional duhet të bij sirena e alarmit. Populli shqiptar që aspiron të bëhet pjese e familjes evropiane nuk ka me kohe të humbasë për faj të tekave dhe interesave të partive politike. Pozita dhe opozita shqiptare duke luajtur lojën e kungulleshën duan të fitojnë kohë sa me shumë nga vonesa e Vetingut të cilin secila pale mundohet që të ndryshoje sipas interesave të saja megjithëse në lojë ka hyre BE-ja dhe SH.B.A-kës për të vendosur një rend gjyqësor të drejte e të pa korruptuar.
Pozita dhe kryeministri i Republikës së Shqipërisë dhe stafi i tij në mënyrë fodulle apo në një lloj presioni politik bërtasin me të madhe për përgatitjen e votimeve të reja të 18 Qershorit edhe pa pjesëmarrjen e opozitës. Sigurisht e di mirë se këto zgjedhje janë të dështuar sepse është njëlloj sikur do të bësh dasmën dhe mungon o dhëndri ose nusja ajo dasmën është e dështuar por ndoshta pozita kujton se dasme quhet edhe kur martohen bashke dy burra ose dy gra por në fakt këto nuk quhen martesa se nuk krijohet dot familje por thjesht bashkim epshesh!.

Edhe lideri i opozitës Basha i lodhur nga qëndrimi i gjatë në çadrën party shpreson që dukë kërcënuar dhe dale shpesh here edhe nga binaret e një politikani të ketë një fitore minimale ne tavoline. Madje arrin të lëshoje deklarata edhe ndaj politikaneve te BE-së si të blere nga politike mafioze e qeverise Rama me paret e pista të drogës anekënd Shqipërisë(në fakt te Kolumbisë Evropiane) por harron një fakt që kur ai ishte në qeveri vetëm nga Lazarati qarkullonin rreth pese miliard dollarë pare droge!.
Shpesh here lëshon deklarata sikur ishte rasti i emërimit të ministrit të ri të mbrojtjes Fatmir Xhafa si ish prokuror në diktaturën komuniste ku nuk do të behet dot ministër pa kaluar mbi trupat tanë. Në fakt ai u bë ministër dhe fjalët e liderit të opozitës i more era .
Frika e daljes nga binaret situata politika është gjithkund prezent. Edi Rama dukë pare që lideri i opozitës është marre peng i disa personave në Partine Demokratike ku madje edhe familjaret e liderit demokrat Sali Berisha pandehin së kjo parti i perkës familjes Berisha dhe klasës se tij kalojnë çdo cak sikur ishte rasti i Shkëlzen Berishës që në një portal të tij fyen euro parlamentarin Knut Fleckenstein. Gjendja kaotike në Partine Demokratike po shfrytëzohet shumë mirë nga kryeministri Rama i cili shpesh here vihet në pozite të vështire vetëm nga lideri i LSI-së kryetari i parlamentit Meta që luan aq bukur lojën e dredhive politike të presionit për të përfituar sa me shumë poste qeveritare që i afrojnë sa me shumë para të grabitura në arkën e shtetit.

Dukë pare një gjendje shpërthyese, në një rrugë pa krye si në Shqipëri ashtu edhe ne Maqedoni gjithkush mund të pyesë së kush është fajtori dhe a ka zgjidhje pa kaluar në anarshi dhe humbje jetësh të qytetareve të pafajshëm madje edhe në një lufte etnike midis shqiptareve dhe maqedonasve në shtetin Maqedonas?
Në fakt përveç politikaneve me kulture ballkanase që nuk dinë të lëshojnë pe pra të gjejnë gjuhen e kompromisit me kundërshtarin sepse dehen nga karrikja e pushtetit një faj të madh ka zgjedhja e sistemit në Kushtetute. Të që nurit Republike Parlamentare në një drejtësi të korruptuar Kushtetuta nuk le aq shumë rrugë të zgjidhjes se krizave të tilla. Pra klasa politike duhet të bëjë një ndryshim total te sistemit nga Parlamentar në Presidencial si në Amerike dhe France. Ndërsa sistemi i Monarkisë nuk është me një opsion i mirë sepse nuk ka aftësitë e duhura profesionale të kthimit pas nga një shkëputje tepër e gjate që në shekullin e kaluar.
Pra si gjithmonë historikisht politika evropiane dhe amerikane do të ndërhyjnë me force për zgjidhjen e këtij ngërçi politik dhe si pozita dhe opozita nuk kanë rrugë tjetër vetëm të bëjnë kompromis e afruar në tavoline nga të huajt por duhet medoemos që Kushtetuta të ndryshoje sesben sistemin qeverisës nga Republike Parlamentare në Republike Presidencialë ku përveç presidentit që zgjidhet me votën e popullit po me votën e popullit zgjidhet prokurori neper qarqe, gjykatësit, shefat e policisë etj. pra populli do të vendosë vete si në rang shtetëror ashtu edhe lokal se kush do ti qeverise, kush do të ndjeke krimin, kush do ta dënoje krimin pa patuar mundësi të ndërhyje politika dhe kush do të mbroje rendin dhe qetësinë publike si dhe do të ndahet përfundimisht i të punësuarit në shtet nga i punësuar si simpatizant i politikes.

Figurat kombëtare nuk i përkasin besimeve fetare por kombit shqiptar

January 22, 2017 by dgreca

Nga Lek Gjoka/Në mjaft përplasje të ekstremizmit fetar disa media po i hedhin me shumë benzinë një zjarri që asnjëherë shqiptaret nuk e kanë ndezur. Madje në ndonjë rast si në kalanë e Lezhës edhe shteti provokon një zjarr të tillë dukë vendosur një pllakë të Sulltanit Mehmetit pushtuesit turk ndërkohe që i gjithë komuniteti ku ndodhet kjo kala është e besimit katolik që ishin vrarë e prere nga ky Sulltan. Nuk dua të mbroj asnjë besim fetar por dua të them një realitet ku besimet fetare nuk duhet të provokohen por duhet të jetojnë në harmoni sepse të gjithë kur lindim, lindim shqiptarë pastaj zgjedhim të besojmë në bibël, kuran apo të mos besojmë fare.

Vitet e fundit pas rrëzimit të diktaturës komuniste ekstremizmi fetar filloi të gjallërohej pa mase . Vetëm po ti hedhesh një sy dy monumenteve te kulturës në Lezhë vendvarrimit të heroit kombëtar Gjergj Kastrioti dhe në Shkodër Kalasë së Rozafës të dy besimet fetare ai katolik dhe ai mysliman hidhen në sulm se kush do ti marre për prona ketë pjese të historisë sonë. Komuniteti katolik thotë se para pushtimit turk të dyja ishin kisha ndërsa komuniteti mysliman thotë se para 1912 ishin xhamia , madje kane edhe tapi nga Sulltani. Thënia e të dyve si katolike ashtu edhe e myslimaneve po të jete para një gjykatësi për rikthim prone kane të drejte por si komuniteti katolik edhe ai mysliman gabohen dhe duhet të zgjohen nga gjumi sepse çdo monument kulturë është pronë e trashëgimisë sonë historike dhe si të tillë i vetmi pronar është populli shqiptar .

Të njëjtën monedhe të ekstremizmit fetar e ka luajtur dhe vazhdon ta luajë shteti grek me shqiptaret etnikë të Çamërisë të besimit mysliman dukë i quajtur pakicë turke, ndërsa ortodokset shqiptare që janë arvanitasit i quan greke. Dihet botërisht gjenocidi grek ndaj shqiptareve të Çamërisë dhe besoj ne një të ardhme jo shumë të largët Greqia dhe Evropa do të detyrohen ta pranojnë realitetin e hidhur.
Edhe në ketë rast të vrasjeve masive u përdor ekstremizmi fetar.

E njëjta gjë po ndodh kohët e fundit me Kosovën. Shteti fashist serb dukë përdorur fraza ekstremiste fetare mundohet me të gjitha mënyrat ta riktheje Kosovën në përgjithësi e Mitrovicën e Veriut se pronë të sajën. Edhe treni serb që nuk u lejua të hyjë në Kosovë kishte ikona fetare. Sigurisht edhe të që nurit në një besim fetar me Federatën Ruse mori zemër dhe u hodh në provokime të një pas njëshme. Sigurisht ekstremizmin fetar të krishtere Serbia e ka thjesht si mbulese sepse në kohën e luftës , të spastrimit etnik ai nuk bëri asnjë lloj dallimi edhe nga kosovareve të besimit katolik të cilët i masakroi dhe i përzuri nga trojet e tyre etnike shekullorë shqiptare.

Ashtu sikur e hapa ketë opinion tim ku akuzova median se po i fryn zjarrit të ekstremizmit fetar sigurisht nuk janë të gjitha mediat të tilla , madje edhe mund ta bëjnë nga pakujdesia ose për me shumë klikime online. Ajo që me çuditi me shumë ishte një interviste në Gazetën Tema të Mero Bazes me një shqiptar folës ekstremistin mysliman Olsi Jazexhi. Dihet botërisht urrejtja patologjike e tij ndaj kombit shqiptar dhe besimeve të tjera fetare (sidomos ndaj asaj katolike) sepse ai është një mbeturine e pushtuesit turk dhe paguhet nga dikush për ketë pune duke vjedhur vrer kundër kombin tone. Por nuk e kuptoj se si Olsi del hapur ne mbrojte te një mësuese nga shkolla e medresesë se Shkodrës qe bën propagande fetare (denoncuar me video nga emisioni “Stop” ne TV Klan) duke thëne se ISIS është një organizate qe mbron myslimanet, qe krye terroristi i boten Bin Laden vrare nga forcat amerikane ishte i mire, qe shtypi perëndimor nuk tregon te vërteten vetëm mashtron se urren fenë myslimanë et. Personalisht nuk me shqetëson fakti se ai vjedh vrer ndaj historisë se popullit shqiptar por shtrembëron historinë dhe arrin deri atje sa thotë së Shqipërinë e bëri komb Perandori osmane-turke dhe për pese shekuj Turqia e zhvilloi kombin shqiptar pra nuk ishte pushtues po çlirimtar i saj , (Ku ne fakt me zjarr e hekur për pese shekuj pushtuesi osmane-turke u mundua ta shuante gjuhen shqipe sepse dihet qe një komb pa gjuhe zhduket përfundimisht). Me tej arrin edhe të fyej pa dorashka heroin tonë kombëtar Gjergj Kastrioti – Skënderbeu (si tradhtar te perandorisë osmane dhe si Atlet i Krishtit) si dhe shenjtoren Nënë Terezën se i përkiste fesë katolike (te njëjtën gjë ka bere edhe hoxha i Prishtinës) . Sikur ky Osli tru shpërlarë ta bënte ketë gjë në facebook e tij apo në grupime ekstremiste fetare dhe ueb të ndërtuar nga këto nuk me shqetëson dhe aq shumë. Por një media me emër dhe përvoje profesionale si Tema nuk duhej kurrë se si ti linte hapësirë të lirë një ekstremistë që na fyen figurat tona ma madhorë në botë. Nuk e di nëse institucionet shqiptare flenë gjumë, por iu duhet të zgjohen menjëherë dhe ta arrestojnë ketë person që fyen figurat kombëtarë sepse figurat kombëtare nuk i përkasin besimeve fetare qe ato kane besuar por kombit shqiptar, janë pasuri e pavdekshme e historisë sonë mijëra vjeçare

Vërtete edhe në shqiptaret kemi nevojë për qetësi, ushqim e besim shpirtëror që vjen nëpërmjet besimeve fetare por asnjëherë nuk duhet të kalojmë në ekstremizëm fetar që si frute të saj nuk ka paqen shpirtërorë por urrejtje që në shumë raste përfundojnë në luftëra, gjak, lot.

Jacksonville Florida
Janar 2017

Duke “vrapuar” pas Dollarit edhe shqiptaret e Amerikës po e “harrojnë” familjen

December 31, 2016 by dgreca

-Në meshën e madhe të Krishtlindjeve në Jacksonville Florida Dom Anton Kcira mundohet që ti “shëroi” shqiptaret nga “sëmundja” e Dollarit dhe ti kthehen familjes dhe besimit./

-Nga Lek Gjoka/Jacksonville Florida,/Vërtetë ardhja e ditës së shenjtë të Krishtlindjeve është një feste e madhe për gjithë njerëzimin. Edhe për kombin e vuajtur shqiptar është një rreze shprese. Shqipëria për ditë përlotet nga personazhet e Migjenit që po mbijetojnë në çdo cep të Atdheut ndërkohë që politikanet ngatërrohen dukë numëruar pasurinë e vjedhur. Me rroba firmato edhe këto politikane të korruptuar i presin plot gëzim Krishtlindjet jo vetëm për dhuratat e shtrenjta që do të iu dhurojnë të afërmeve dhe klanit të tyre por edhe për reklamën televizive që i bëjnë vetvetes nëpër kanalet shqiptare në vizitat në selite e kishave katolike dhe ortodokse. Por ketë vit kisha Katolike doli publikisht dukë vendosur një “Veting” ndaj politikes shqiptare , dukë mos organizuar asnjë pritje zyrtare për to por dukë shtruar një dreke për njerëzit e varfër që po shtohen çdo dite. Sinjali i dhëne nga kisha Katolike në Shqipëri i ka shqetësuar shumë politikanet shqiptareve sepse nuk është vetëm një termet shpirtëror por një minus i madh para masës popull që do ti votoje në 2017. Madje Vetingu i kishës Katolike po tremb jo vetëm politikanet por edhe drejtësinë që e kanë dërguar Shqipërinë drejt humnerës se shumë shpejt do ti drejtohen ferrit të gjalle.Përveç shqiptareve të Shqipërisë edhe shqiptareve të diasporës së Amerikës iu bie ndërmend ta festojnë festen e Krishtlindjeve. Është dita që ka ma shumë shqiptare në meshën e shenjtë. E njëjta klime është edhe në Jacksonville Florida. Në mesnatën kur akrepat trokitën orën 12 dhe lajmëruan lindjen e Jezu Krishtit në San Jose Catholic Church komuniteti shqiptar u mblodh për meshën e madhe kjo fale edhe rrjeteve socialeve si facebook etj. që lajmëruan se Dom Anton Kcira dhe Dom Abroz Demaj do të drejtojnë meshën në gjuhën shqipe.

Pasi nisi riti normal i një meshe e mori fjalën Dom Anton Kçira i ardhur enkas nga Detroiti nga kisha shqiptare e Shën Palit për të drejtuar ketë meshe të shenjtë ngaqë në Jacksonville nuk ka ndonjë prift që celebron meshe në gjuhën shqipe.

Ndër të tjera Dom Antoni që u lut për shpirtrat e të vdekurve nga terrorizmi në Gjermani foli me force për familjen. Ai tha se familja në Amerikë po shkatërrohet fale politikave të Partisë Demokratike dhe presidentit Obama që gjoja në emër te Lirisë ekstreme po shkatërrojnë familje, po vrasin fëmijët para së të lindin dukë ligjëruar abortin. Me pas ai iu drejtua besimtareve katolike në sallën e kishës se edhe shqiptaret e Amerikës po shkojnë drejt shkatërrimit të familjes . Për to vlera kryesore tha ai është Dollari dhe punojnë nga dy-tre punë. Blejnë shtëpi të shtrenjta, makina të shtrenjta pa pasur mundësi. Atëherë për të mos i humbur ato e vetmja mënyre është të punosh shtate ditët e javës dukë mos pasur kohe për familjen ku në mjaft raste burri i lodhur nga puna apo gruaja nuk ka as forcën fizike për ti plotësuar dëshirat seksuale njëri-tjetrit dhe fillon tradhtia në çift pra mëkati me i madh që shkatërron familjen. Vërtetë në salle u dëgjuan mjaft fjale nëpër dhembe se si një prift katolik flet pa doreza një realitet që e jetojmë për ditë por është akoma tabu për moshën që ka jetuar dhjetëra vite në diktaturën komuniste. Madje ndonjëri edhe mund të mendoje së çfarë i duhet një prifti për dashnoret apo dashnoret e të tjerëve (tjerave) sepse gjithkush ka lirinë ta jetojë jetën sikur të ia doje zemra deri në shthurje . Madje me ato fjale djegëse për shumë veta iu ka prekur edhe privativë por mesazhi i Dom Antonit është mese i qarte. Familja është e shenjtë dhe tradhtia në çift përgatit terrenin e keq për divorcin ku fëmijët duhet të rriten jetime me nënë e baba gjalle pse jo nesër të ndjekin të njëjtën rrugë. Gjithashtu ndër të tjera ai tha se duhet ti kushtohet shumë kujdes edhe fëmijëve jo vetëm ti dërgojnë në sport por edhe në kishe sepse dukë u rritur me klimën e jetës amerikane fare lehte mund të bien viktima të drogës, prostitucionit etj. Por si mund të kujdesen shqiptaret e Amerikës kur nuk iu del koha as për gjumë sepse dukë e shtrire hapin me shume se kanë mundësi do harrojmë gjithçka fëmijët, besimin dhe do ti përkushtohemi vetëm Dollarit .

Pak para mbarimit të meshën se shenjtë vjen çasti i kungimit ku Dom Antoni me ironi iu tha se kush ka bërë mëkat të mos ngrihet për të marre kungimin. Pasi ra një heshtje varri ndoshta të paret ishin mëkataret që u lëshuan me një fryme drejt altarit. Megjithëse me rregullin kishtar të kishës katolike që të marrësh kungimin duhet të paktën një here në vit të rrëfehesh por valle kush po pyet sot për rrëfime mëkatesh. Një pjese kanë ardhur në kishe thjeshtë se janë Krishtlindje ose të detyruar nga gratë si në festimet e festave ku iu japin “urdhra” burrave për të blere biletën si të vetmin argëtim sepse fatkeqësisht Amerika është pagëzuar me emrin e keq për shqiptaret sepse “Në Amerikë ka vetëm dy pale rrobash, për punë dhe për gjumë”. Megjithëse jo për të gjithë shqiptaret Amerika është e tille sepse është vendi ku për fëmijët janë të hapur të gjithë rrugët e jetës . Sigurisht mosha e madhe do ta jetoje me dhimbje jetën Amerikane sepse shpirti është i ndare midis dy kontinenteve por po qe se e kuptojnë ashtu sikur duhet edhe mesazhin e Dom Antonit që ti kthehen me shumë forcimit të familjen , të mos përdorin fatkeqësitë e të tjerëve për realizimin e epsheve jeta në Amerikë do të jete edhe me e bukur dhe fëmijët do të kenë të hapura të gjitha dyert e jetës.

Jacksonville Florida

Dhjetor 2016