Parlamenti – Page 2 – Dielli

LE FIGARO 1909-7 Kerkesat Shqiptare Drejtuar Parlamentit dhe Qeverise se Perandorise Osmane

March 22, 2017 by dgreca

Gazeta franceze, Le Figaro, ka botuar, me 7 shkurt 1909, një shkrim me titullin « Shqiptarët ». Bëhet fjalë për një shkresë të shqiptarëve të Shqipërisë veriore drejtuar ekskluzivisht Parlamentit dhe Qeverisë së Perandorisë Osmane.Marrëveshjet austro–turke dhe turko–bullgare vinin në rrezik identitetin shqiptar. Për këtë arsye, bashkatdhetarët tanë, me qëllim për të mbrojtur interesat kombëtare shqiptare, kanë formuluar asokohe shtatë kërkesa kyçe, të cilat do t’i gjeni në vijim :

« …Pas disa mendimeve dhe studimeve të hollësishme dhe të domosdoshme si rrjedhojë e situatës tonë të pasigurtë, ne kemi vendosur të kërkojmë, para së gjithash, Parlamentit dhe Qeverisë perandorake të drejtat në vijim, me qëllim për të siguruar madhështinë e Perandorisë Osmane (Diplomaci e palës shqiptare), por dhe në njëjtën kohë duke siguruar përgjithmonë ekzistencën tonë kombëtare dhe ekonomike :

1° Njohjen zyrtare të shtetësisë shqiptare ;

2° Arsim të detyrueshëm në gjuhën shqipe në të gjitha shkollat e Shqipërisë (Shkodër, Shkup, Janinë dhe Manastir) ;

3° Futjen e gjuhës shqipe si gjuhë zyrtare në administratën publike ;

4° Shërbim të detyrueshëm ushtarak për të gjithë shqiptarët, pa dallim feje, por ekskluzivisht në Shqipëri

5° Qeveria perandorake nuk do të mund të akordojë asnjë konçesion në Shqipëri, pa lejen e Këshillit provincial (krahinor) ;

6° Një guvernator të përgjithshëm me nënshtetësi shqiptare ;

7° Buxheti i Shqipërisë do të përdoret, së pari, për administratën, punët publike, arsimin, fenë (kultin), higjienën dhe sigurinë publike.

Ne presim konfirmimin e kërkesave tona të drejta, duke shpresuar që Parlamenti dhe Qeveria e lartmadhërisë së tij, Sulltanit, të kuptojnë interesin e lartë për Perandorinë.

Për Asamblenë Kombëtare të Shqipërisë dhe Komitetin Kombëtar për Rilindjen Shqiptare,

Nëpërmjet një mandati të veçantë,

Presidenti i Komitetit të Lartë shqiptar « Kombi »,

Princi A. Gjika

Shkruar në janar të 1909 në malet e Shqipërisë »

Aurenc Bebja, Francë – 22 Mars 2017 /

* (Blogu © Dars (Klos), Mat – Albania): https://www.darsiani.com/la-gazette/le-figaro-1909- /

Shqiptarja që synon mandatin në Parlamentin e Zvicrës

March 8, 2017 by dgreca

Kosovarja kandidate Kosovare Rrustemi, nga Zhegra e Gjilanit është kandidate për deputete në Asamblenë e Kantonit të Solothurnit të Zvicrës, në zgjedhjet e 12 marsit. Ajo jeton në Zvicër që nga viti 1993, ndërsa në vitin 2016 është bërë anëtare e Partisë Sociale, me të cilin edhe garon për deputete. Rrustemi aktualisht është Asambleiste në komunën e Derendigenit, ndërkaq ka treguar për Klan Kosova se synon një vend si deputete në Kantonit të Solothurnit, siç u shpreh, të arrijë diçka në fushën e arsimit dhe të drejtat të barabarta per shqiptarët, por edhe të gjitha komunitetet që jetojnë atje. Kosovarja është e para shqiptare që garon për deputete në Kantonin e Solothurnit dhe për ta arritur këtë asaj i duhen 4 mijë vota. Rrustemi pret që numri i Partisë Sociale 4 dhe i saj si kandidate për deputet që është 18, të votohet jo vetëm nga shqiptarët por edhe nga zviceranët. Para se të hyjë në politikë, ajo ka qenë drejtuese e organizatës “Terre des Hommes” e cila meret me kujdesin nda fëmijëve dhe ka degë edhe në Kosovë.

Kardinal Troshani: Politikanë, qëndroni më afër problemeve të popullit!

December 23, 2016 by dgreca

1-dom-ernest-troshani-1

Ne Foto:Kardinal Ernes Troshani u flet deputeteve nga foltorja e Kuvendit te Shqiperise/Kardinali Dom Ernest Troshani ishte i ftuar në seancën plenare të Kuvendit diten e djeshme, ku mbajti një fjalë në fillim të punimeve të tij dhe bëri apel ndaj deputetëve që të qëndrojnë më pranë problemeve të popullit.“Nuk kam ardhur për t’ju mësuar gjëra të reja, por kam ardhur që të falenderoj atdheun dhe popullin, që pas një “rrebeshi” prej 5 dekadash, më në fund gjeti forcën shpirtërore për t’i njohur bijëve dhe bijave të tij, që për të ruajtur lirinë e ndërgjegjes dhe besimit, nuk e braktisën popullin e vet. Jam dëshmitari i fundit i një brezi klerikësh katolikë që vuajtën dhe u persekutuan. Duke më bërë kardinal, Papa Françesku nuk më nderoi vetëm mua, por të gjithë Kishën Katolike Shqiptare dhe të gjithë popullin shqiptar”, deklaroi Dom Ernesti.
“Të nderuar deputetë, përpiquni të gjithë bashkë që kur çdonjëri të shohë në sytë tuaj, të shohë begatinë, drejtësinë, bujarinë dhe bekimin hyjnor. Qëndroni më afër problemeve të popullit shqiptar dhe bëni që politika të jetë shërbim e jo përfitim. Vetëm atëherë do të keni respektin e njerëzve të thjeshtë që kanë besuar te ju”, e përfundoi fjalën e tij, Dom Ernest Troshani.

E bekuar qoftë mendja e shqiptarit! Dhëntë Zoti!!!

October 1, 2014 by dgreca

Nga Fadil LUSHI/ Disa ditë më parë lexova një opinion gazete dhe, mes të tjerash, më ra në sy një koment i shkurtër, por kuptimplotë, rreth një shkrimi, ku thuhej edhe: “E gjithë kjo katrahurë është pasojë e skamjes sonë mendore!”. Se ky koment ishte pronë e mbamendjes së ndonjë studenti, arsimtari apo dikujt tjetër, nuk është me rëndësi, për ne është me vlerë fakti se kjo fjali reflekton një filozofi, por po aq dhe një urtësi popullore. Thonë se skamja materiale disi mund të kapërdihet, “por skamja mendore” assesi nuk mund të tejkalohet, pasi kjo e fundit i pjell të gjitha skamjet e tjera, qofshin ato materiale, morale, kulturore, gjuhësore, arsimore, historike, filozofike, politike e të tjera. Parashtrohet pyetja, a mos vallë kjo thënie sot e gjithë ditën e Perëndisë duhet të ngelë jashtë vëmendjes a ndërgjegjes sonë kolektive…, a mos vallë është një mendim i shtrembëruar a i sajuar ose, në instancë të fundit, kështu siç lakohet duhet t’i vihet pika. Gjithsesi, jo. Pavarësisht si mund të interpretohet kjo e thënë, ne besojmë se i shkon këtij vështrimi gazete të radhës, ndonëse, miqtë që m’i lexojnë mendimet më thonë se në aspekt të fjalorit gazetaresk, (“kinse”) i kam paksa agresive a të rebeluara. Edhe përtej faktit se ata kohë pas kohe më “paragjykojnë” dhe me të “drejtë reagojnë”, ne do të vazhdojmë t’i nderojmë me opinionet në fjalë deri sa ata nuk do të bezdisen e nuk do të thonë mjaft më. Nëse ne kemi të drejtë, të vazhdojmë të shkruajmë, atëherë do t’i referohemi datës 14 qershori të motit 2014, kur në një rrjet social, deputeti Nard Ndoka, përçoi a e bëri të ditur këtë haber: “Një lajm shumë i mirë për besimtarët katolikë dhe për Shqipërinë, më datë 21 shtator, Papa Françesku do ta vizitojë vendin tonë. Vëmendja e gjithë botës do të jetë te Shqipëria, bekimi i Papës Françesku do të jetë për ne”, shkruante Ndoka në Facebook.
“Arabaxhiu” i nderuar më tha: “Kur Papa Françesku vajti në Tiranë kishte ndërmend që shqiptarëve toptan t’u përcjellë mesazh paqeje, pavarësisht se ata janë katolikë, myslimanë, ortodoksë, bektashinj dhe afetarë, mesazh për “piktorin”, mesazh urimi për “doktorin”, për “Lulin”, për “pasanikun”, për “fukaranë”, për gegët, për toskët, për fusharakët, për malësorët, për veriorët a për jugorët, për të katandisurit, për gjyqësorin e korruptuar, për ata që janë pronarë të kioskave ku shesin “gazeta fakultetesh” dhe për shumë të tjerë (jo) të tillë si ata. Pos këtij mesazhi, ai edhe i bekoi gjithë shqiptarët (Eh, punë e madhe se Papa Françesku i paskësh bekuar shqiptarët, kur këta nuk bekojnë njëri-tjetrin!?). Paçka se Papa Françesku bekoi edhe ata që ndihen inferiorë, edhe ata që ndihen të kompleksuar, edhe ata që janë të anashkaluar, edhe ata që “padrejtësisht” ndihen të privilegjuar, edhe ata që parapëlqejnë ta transmetojnë fjalën e lirë a atë fjalën a mendimin ndryshe. Ani se Ai, bekoi edhe njerëzit apo “djajtë me fytyrë engjëllore a të veshur me kostumin e njeriut me shpirt të pastër!”…, ani se uroi dhe bekoi njerëzit mendjemëdhenj të cilët nuk parapëlqejnë dhe denjojnë të identifikohen me njerëzit e rëndomtë…, ani se bekoi njerëzit që fëmijët e tyre nuk duan t’i identifikojnë me ata të fukarasë, paçka se i bekoi fëmijët e jetimores së Tiranës, kur atyre edhe më tej u mungon ajo përkujdesja serioze institucionale, ani se i bekoi edhe ata fëmijë të cilët gjithë ditën bredhin rrugëve për të mbledhur kanoçe, paçka se bekoi fëmijët romë me buzë të mavijosura, kur ata edhe më tej frekuentojnë udhëkryqet e kryeqendrës në kërkim të njerëzve që japin lëmoshë, ani se i uroi edhe i bekoi zyrtarët që vodhën lekët që Evropa ua kishte destinuar të pastrehëve, paçka se bekoi viktimat a të përndjekurit dhe të burgosurit politikë të Enverit që sot e kësaj dite nuk gëzojnë të drejtën e dëmshpërblimit, ani se i bekoi (post mortum) klerikët që pësuan në vaktin e diktaturës, qofshin ata përkrahës e pasues të katolicizmit, qofshin myslimanë, bektashinj dhe ateistë…, ani se i uroi dhe i bekoi njerëzit që kanë me bollëk dhe që të marrin për fukara dhe për injorantë…, ani se i uroi dhe i bekoi shqiptarët nga Kosova, kur atyre nuk ua njeh sovranitetin e shtetit të tyre, paçka se u tha se kjo çështje nuk është e protokolluar në agjendën e vizitës së tij dhe shumë të tjera “paçka a ani se”.
Se këtë mesazh paqeje dhe këtë bekim e kishte me tamam, nuk e kishte, pasi ditën që braktisi vendin e shqiponjave, nuk i doli “hesapi” as atij, por as neve, as Partisë Socialiste të kryeministrit Edi Rama, as Partisë Demokratike të Lulzim Bashës, po as partive të tjera minore…, paçka se i uroi dhe i bekoi të përzgjedhurit e popullit, kur ata në parlamentin a kuvendin e Republikës së Shqipërisë, bënë hallakamën, aty ku turfulluan atë zhurmën e mbytur, të zgjatur e të rëndë, aty ku shfrynë tërë inatin e tyre të akumuluar kundër kundërsh-tarit, kundër vëllait, motrës, kundër gjithsecilit që mendon ndryshe. Ani se Papa Françesku uroi dhe bekoi edhe njerëzit e veshur me kostumin politik, kur këta të fundit në institucionin ligjdhënës e shndërruan mendjen e shëndoshë në grushte, në fyerje më të ulëta, në mendje të trazuar, në fjalor rrugaçërie, ani se i bekoi deputetët kur këta, në vijimësi anashkalojnë a deformojnë edhe atë pak imazh të shtetit, që pretendon strukturat euro-atlantike…, paçka se i bekoi deputetët e inatosur dhe me mendje të trazuar, deputetë të cilët në vijimësi “ i shkojnë pas avazit të sherreve”. Punë e madhe se na solli paqe mes fesh, mes komunitetesh fetare, kur mungon ajo paqja partiake a politike, apo ajo filozofia e politikëbërjes së mirëfilltë, çka se na bekoi, kur neve na mungon ndjenja vetjake a kolektive e përgjegjësisë morale për sjelljet dhe veprimet ndaj të tjerëve dhe atdheut, çka se i marrim uratat, kur ato në vijimësi i përqeshim a i tallim (Fjala e urtë popullore thotë: “S’bëhet vreshti me urata, po me shata e me lopata”…, po edhe me urtësi)…, paçka se na uroi, kur neve përherë na mungon llogaridhënia përpara sovranit dhe votës së tij deliberative.
Paçka se ne vazhdojmë të shkruajmë për këtë mesele, paçka se Papa Françesku na uroi e na “lavdëroi” për paqen, tolerancën dhe mirëkuptimin në politikën shqiptare, kur në kuadër të “… debatit të Komisionit të Ligjeve degjeneroi përleshja fizike mes deputetëve të shumicës dhe opozitës. Në atë sherr u përfshinë deputeti i Partisë Demokratike, Gent Strazimiri dhe socialistët Xhemal Qefalia dhe Armando Prenga. Sherri u konsumua në korridorin e kryesisë së Kuvendit , ndërsa mes Prengës e Strazimirit pati edhe përplasje fizike. Zanafilla e përplasjes mes ligjvënësve erdhi pas deklaratave të deputetit demokrat Gent Strazimiri në Komisionin e Ligjeve!?”. E bekuar (dhe e lavdëruar) qoftë mendja e shqiptarit! Dhëntë Zoti!!!

JA PSE PO PËRSHKALLZOHET GREVA E URISË E ISH TË PËRNDJEKURVE POLITIK TË SHQIPËRISË PARA PARLAMENTIT

June 5, 2014 by dgreca

Ne Foto: Adem Allçi, heroi i burgjeve politike te diktatures, ne mes te grevisteve/
Nga Sejdi Peka- Tiranë/
Grevistëve u bashkohët në përkrahje të plotë Shoqata Antikomuniste e ish të Përndjekurve Politikë Demokratë të Shqipërisë dhe Shoqata mbarë Kombëtare.Pjesë e grevës janë bërë edhe ish të burgosur të ardhur nga Kososva,që kan vuajtur burgjet e regjimit komunist të Hoxhës. Dita e 8 e grevës së urisë të ish të Përndjekurve Politik të Shqipërisë para Parlamentit,po përshkallzohet çdo ditë e më tepër duke u përkrahur në mënyrë massive nga të gjithë ish të përndjekurit politik në të katër anët e Shqipërisë.Dje me vendim të Kryesisë së Shoqatës Antikomuniste të ish të Përndjekurve Politik të Shqipërisë,Kryesia e kësaj shoqate,në shenj përkrahje të fuqishme për grevën e urisë,bëri një vizitë në qadrat e improvizuara të grevistëve.Bashkvuajtësit u pritën nga drejtuesi i grevës z. Fatmir Hoxha i cili i njohu me gjëndjën shëndetsore të vështirë por nga ana tjetër me moralin e lartë të grevistëve për t’i shkuar deri në fund qëllimit të tyre.Ai denoncoj shurdhërinë e qeverisë dhe të Edi Ramës si një akt criminal pa shëmbull tjetër,që nuk dënjoj të takojë apo të dërgojë një përfaqsues të qeverisë për të dëgjuar grevistët në kërkesat e tyre.Ai deklaraoj se sa më shumë të përpiqën të injorojnë sakrificën tonë aq më tepër do të shtohet zëmrimi jonë kundër kësaj qeverie të pa përgjegjëshme.Z.Hoxha theksoj se me të vertetë qeverisemi nga një bandë idiotësh dhe hajdutësh të pa ditur që akoma kuptojnë dhe deklarojnë se ne “paskemi kërkesa politike”. Sigurisht që ne jemi njerëz politikë dhe nuk jemi njerëz ordinerë.Pika e parë që ne kemi hyrë në grevë urie është mbrojtja e idealit tonë të demokracisë dhe kundër rrezikut që po i kanoset Shqipërisë nga vendosaj e një neokomunizmi të kamufluar dhe shumë të rrezikshëm për të arthmen tonë të përbashkët dhe partia jonë është Shqipëria.E dyta është zbatimi i ligjit,integrimi i jonë në shoqërinë demokratike në të gjitha pikpamjet e parashikuara me ligj dhe dëmshpërblimi në 2 vite i të gjith ish të përndjekurve politik të Shqipërisë.Këtë ka premtuar Edi Rama dhe tani nuk e lejojmë të mashtrojë.-përfundoj në fjalën e tijë z.Hoxha.Dhimbja ishte e madhe,por morali i grevistëve është shumë i lartë.Kryetari i kësaj shoqate për Tiranën z.Reshat Kripa bëri një dekleratë për mediat,ku në përgjithsi dënoj shurdhërinë e qeverisë Rama-Meta sikur asgjë nuk paska ndodhur edhe nëse ish të përndjekurit do të vdesin nga vuajtjet dhe uria.Por, vazhdoj më tej z.Kripa se përgjegjësia e qeverisë është e jashtzakonshme,se njerzit tanë nuk janë njerëz ordinerë.Edi Rama do të mbajë përgjegjësi të rëndë nëse rrezikohet jeta e njerzve tanë.Ata janë heronjt e burgjeve të diktaturës komuniste që u sakrifikuan duke kundërshtuar regjimin komunist dhe sot ata po bëjnë protestën e shkallës më të lartë deri në vetflijim,në mbrojtje të kazës së tyre,në mbrojtje të kauzës tonë të përbashkët,mbrojtjen e demokracisë nga neokomunizmi i kamufluar enverist që po manifestohet nga qeveria aktuale dhe zbatimi i ligjit.Kripa vazhdoj më tej se “ne hedhim poshtë me neveri provokimet e disa individve të caktuar,marjoneta të shëmtuara të Edi Ramës,që po bëjnë përpjekje të provokojnë sakrificën e bashkëvuajtësve tanë.Neve nuk na bashkon asgjë me njerzit ordinerë që janë dënuar edhe në kohën e demokracisë për trafik prostuticioni të qënjeve njerzore dhe ata janë sot bashkpuntorët e Edi Ramës.Ne distancohemi nga veprime të pa përgjegjëshme të qeverisë.Institucionet ndërkombëtare janë shumë të ndjeshme ndaj shtresës tonë dhe ne presim përkrahjën e tyre.Mesazhi që Stefan Fyle i dha qeverisë lidhur me grevën e urisë ishte i çartë dhe një para lajmërim për qeverinë.Vallë a nuk është e turpshme për këtë qeveri të pa moralshme që duhet ndërhyrja e ndërkombëtarve për të gjetur zgjidhjën e detyruar.Kripa dënoj dekleratën e një përfaqsuesi të Instititutit të Integrimit të ish të Përndjekurve Politik,që paturpësisht është bërë palë me qevrinë për një rrogë të qelbur,duke provokuar dhe fyer kauzën e grevistëve për të drejtat e tyre.-Grevistët po qëndrojnë megjithse gjëndja e tyre sa vjen e bëhët më e rëndë.Disa prej tyre shumë herë janë dërguar në spital për ndihmë mjekësore por përsëri janë këthyer.Aty po qëndrojnë,të lodhur nga vuajtja dhe uria,të vendosur t’i shkojnë deri në fund kauzës së tyre,më të fortë se kurrë Fatmiri,Fadili,Lulzimi,Ilmiu,Agroni,Yllsoni,Gjergji etj.Gjergj Hani ,njëri nga grevistët,deklaron se unë jam këtu për të mbrojtur demokracinë në Shqipëri.Eshtë arrestuar në moshën 16 vjeçare dhe është dënuar më 10 vjet burg “për tentativë arratisje jasht vëndit”.Është liruar dhe përsëri është arrestuar për motive politike.Çshtë liruar nga burgu vetëm në vitin 1991.-Kjo nuk është Shqipëria që kam ëndërruar,Shqipëria ime demokratike.Njerzit nuk janë të lirë sepse janë të varfër.Kasta e kuqe enveriste ka uzurpuar pushtetin dhe gjithë pasurinë e kan vjedhur oligarkët ,pinjollët e brezit të dytë të kriminelve të diktaturës komuniste.Neve që u sakrifikuam në emër të lirisë,oligarkët komunist po tallen me neve gjoja se do të na dëmshpërblej dhe gënjejnë paturpësisht.Ne Shqipëri po instalohet një neokomunizëm i rrezikshëm duke restaurur Hitlerin e Shqipërisë,Enver Hoxhën. Ajo që e revolton Gjergjin është fakti se gjygjtari që e dënoj me 10 vite burg,është pikërisht Spartak Braho,sot Kryetari i Komisionit të Sigurisë në Parlamentin e Shqipërisë.Janë larguar nga puna ish të përndjekurit politik me një urrejtje të tërbuar klasore thuajse është ngritur nga varri lugati komunist,duke i zëvëndësuar me militant ultra komunist. I pa ndarë gjithnjë dhe për çdo ditë është në mes tyre, Kryetari Shoqatës Mbarëkombëtare të ish të Përndjekurve Politik z. Adem Allçi.Ai u shpreh për mediat se “ne jemi me grevistët,po vuajmë me gjithë shpirtë bashkë më ata.Ne i themi Edi Ramës mos bëj të pa diturin se do të përballesh me zëmrimin tonë.Ne jemi të gjithë bashk, të gjth ish të përndjekurit real politik të Shqipërisë dhe do të fitojmë të drejtat tona të ligjëshme.Ne kemi përkrahjën e institucioneve ndërkombëtare.E meritojme lirine dhe demokracinë dhe nuk mundet që të luani me moshën tonë,me vuajtjet tona.Ne dimë të luftojmë,pasi Edi Rama është një mashtrues i kalibrit më të lartë, përfondoj Allçi ,që është heroj i burgjeve të diktaturës komuniste.Risia e kësaj dite të lodhëshme ishte hyrja në grevën e urisë të Fasli Deliut nga Mitrovica e Kosovës.Fasliu ka udhëtuar me autobus që nga Mitrovica pasi u njoh se bashkvuajtësit e tijë kishin hyrë në grëvën e urisë.Jeta e tijë është një kalvarë vuajtjesh dhe mjerimi.Në ish Jugosllavi ai u arrestua nga regjimi si antikomunist dhe “irredentist”,që po kundërshtonte regjimin e Titos dhe kërkonte bashkimin e Kosovës me Shqipërinë.Pasi vuajti 2 vjet burg në Jugosllavi,në vitin 1964,kaloj kufirin duke menduar se po vinte “tek Nëna Shqipëri”por u gabua rëndë.Pas një viti punë në Fabrikën e Bakrit në Rubik,Fasliun e arrestojnë me akuzën e “propogandës dhe axhitacionit kundër pushtetit”.Ishte një luftë e hapur e Enver Hoxhës kundër kosovarve në Shqipëri.Prej asaj dite të vitit 1965 kurë e arrestuan,Fasliu do të kalonte plot 27 vjet në burgjet e regjimit komunist,kryesisht në Spaç dhe në Burrel.-Më kan torturuar me mënyrat më të tmerrshme që nga rrahjet me dru deri tek çarja e mishit me thikë dhe rryma elektrike.Nuk mundet t’a harroj kurrë një Agron Kapon që ishte nipi i Hysni Kapos,një kriminel dhe një burrë i lig në kampin e Lezhës,operativi I sigurimit.Më godiste shkak e pa shkak,por për burrin është shumë e rëndë.I pata thënë se jam prej Kosove dhe nuk e durojmë me na ra kush dhe aq ma pak me na sha.Por e zeza e tije dhe e imja ishte shkruar të ndodhte.Ma ka sha Nanën faqe krejt atyne burrave dhe nuk durova ma.Ju kam gjuejt si reja në mal se edhe isha i ri atëher e nuk ka pasë burrë me ma hjekë prej dore deri kur e bana pistil-tregon Fasliu.Atëher e kam pa ferrin me sy.Nuk e di si mbeta gjallë.Nuk e di sa herë kam vdekur nga torturat dhe më hidhnin ujë, më bënin gjylpëra dhe më ngjallnin.Krimineli Kapo më rrinte te koka dhe zgërdhihej nga vuajtjet e mia.Më dënuan edhe 10 vjet të tjera burg dhe dola nga burgu kurë erdhi demokracia në vitin 1991.Po nuk kam marrë asnjë këst të dëmshpërblimit.kam ba letra e letra pa mbarim dhe asgjë nuk kam marrë.Për kët Shqipni e humba jetën time krejt.Tani jetoj në Mitrovicë.Nuk kam asnjeri se nuk kam krijue familje,jeta më shkoj në burg.Edhe ne Kosovë nuk është gjëndja ma e mirë se këtu në Shqipni.Atje Hashim Thaqi e qeveritarët e tijë,politikanët,janë pasuruar në mënyrë përrallore me djersën e Kosovës.”Pasha zotin unë jetoj me një far shpie me buk thatë dhe as televizor nuk kam.Shokët e mi të greves së urisë i kam pa tek një komshi.Ja kam marrë do Euro borxh e kam ardhë në Tiranë sot.Në mbetsha gjallë nuk kam lek me pague autobuzin.Për mue atje nuk kujdeset kush.Një ditë nuk dita çfar me ba dhe i kam thye të gjitha xhamet e Komunës.Ndoshta i keni pa në TV-tregon Fasliu.Erdhën policia,por u thash mos të më afrohet kush që është sërb se e bëjë të vdekun.Tani unë u çmalla me bashkvuajtësit e mi,më pritën mirë dhe në vdeksha vllaznit e mi kan me më varrosë këtu në Tiranë.Unë jam antikomunist se Enver Hoxha ja shiti Kosovën Sërbisë e i ka vra në bashkpunim me sërbët 8000 djem të Kosovës në Tivarë.Jan vra aty edhe njerzit e mi.Unë jam në grevën e urisë për të ndaluar në Shqipërinë time që edhe njëher të i thurën lavde Hitlerit të Shqipërisë,Enver Hoxhës.-Jan me të verteë të verteta të dhimbëshme,është drama e një kombi.Dhe sot është detyrë e brezit të ri që po rritet në Shqipëri e në Kosovë që e kaluara kurrë most ë përsëritët më.Të luftojmë të gjithë së bashku në mbrojtje të demokracisë.Dhe një ditë do të themi,po me të vertët ata ishin heronj.