Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

LOBIZIMI PER KOSOVEN DHE RENDESIA E NJOHJEVE TE REJA

by

NGA LULZIM MULLIQI-SHBA/
Njohja Nderkombetare e Pavaresise dhe e sovranitetit te Kosovës edhe nga me shume vende te tjera te botes,duhet te mbetet prioritet i vazhdueshem i Ministrise se Puneve te Jashtme te Kosovës deri ne anetaresimin e plote te Kosovës ne OKB.Qeveria dhe Ministria e Puneve te Jashtme duhet te mbetet fuqimisht e angazhuar per te lobuar per njohje te reja Nderkombetare nga ana e shteteve anetare te OKB-se,me qellim te forcimit te pozicionit nderkombetar te Kosovës dhe per te vendosur Mardhenie diplomatike me shumicen e ketyre vendeve te kesaj organizate boterore.Arritjet e deritanishme te njohjeve Nderkombetare qe sillen rreth 111 njohje nderkombetare,ne fakt jane nje merite e diplomacise proaktive dhe dinamike te Kosovës ne bashkepunim edhe me partneret tane nderkombetar,te cilet kane mbeshtetur procesin e njohjes dhe kane lobuar ne emer te shtetit te ri te Kosovës.Shteti sipas te drejtes Nderkombetare krijohet me aktin e njohjes.Faktoret  kruciale per njohjen e nje shteti jane territori sovran,popullsia dhe pushteti sovran,te cilat perfaqesojne fakte te rendesishme,te cilat me njohje shnderrohen nga gjendja faktike ne gjendje juridike,pra shteti behet subjekt i se drejtes Nderkombetare me te drejta dhe detyra qe dalin nga kjo,qe nga momenti i njohjes.Keshtu,njohja ka karakter konstituiv.Njohja Nderkombetare eshte nje akt shume i rendesishem ne jeten e cdo shteti.Njohja eshte akt i lire i cdo shteti dhe varet nga vullneti i secilit  shtet per ta njohur ekzistencen e shtetit te ri dhe per te vendosur Mardhenie diplomatike me te.Ne periudhat e ndryshme historike,ne te drejten Nderkombetare krijimi i shteteve te reja eshte mjaft e rendesishme,sepse krijimi i nje shteti te ri shkakton pasoja juridike dhe politike edhe ne Mardheniet Nderkombetare ,dhe ne kete menyre involvon edhe shtetet e tjera te pozicionohen ne menyra te ndryshme ndaj nje shteti te ri.Ne te drejten Nderkombetare dhe ne praktiken diplomatike njohja e shteteve mund te jete de Jure dhe de facto.Perpos ketyre ne praktikat diplomatike hasen edhe njohjet individuale dhe ato kolektive.Vlene te permendet se sot shteti i Kosovës eshte i anetaresuar edhe ne shume organizata te ndryshme ekonomike,financiare,
monetare dhe kulturore Nderkombetare,ku synimi i saj ne te ardhmen duhet te jete edhe anetaresimi i saj ne OKB.Kombet e Bashkuara jane nje organizate Nderkombetare me karakteristika te vecanta,ku kjo organizate formohet nga shtete te ndryshme te botes dhe se ne organeve te saj bashkohen perfaqesues te
qeverive kombetare te vendeve te ndryshme te botes.Seanca e pervitshme e Asamblese se Pergjithshme,zakonisht fillon ne muajin shtator dhe zhvillohen punimet ne seline e saj ne Nju Jork.Viteve te fundit,ne vazhdimesi ne punimet e Asamblese se Pergjithshme te Kombeve te Bashkuara po marrin pjese delegacionet e nivelit me te larte shterore nga Shqiperia dhe Kosova.Eshte per tu pershendetur fjalimi i presidentit te Shqiperise,Bujar Nishani, i cili me nje fjalim qe iu drejtua Asamblese se Pergjithshme te Kombeve te Bashkuara,kerkoi edhe njohjes e Kosovës nga Ana e kesaj organizate boterore.Ai nder te tjerash theksoi”Shqiperia do te vijoje te mbeshtese fuqimisht zgjerimin e njohjeve Nderkombetare te Kosovës,rolin aktiv qe ajo luan si anetare me te drejta te plote ne te gjitha organizatat rajonale,si dhe procesin e pandalshem te anetaresimit te saj edhe ne organizatat Nderkombetare”,theksoi presidenti shqiptar,Bujar Nishani.
Ne kuader te vizites se tij ne SHBA,edhe kryeministri i Kosovës,Isa Mustafa dhe Shefi i diplomacise se Kosovës,Enver Hoxhaj,Kane zhvilluar takime te shumte me Zyrtare te larte te politikes amerikane,pastaj ambasadore dhe diplomate te vendeve te ndryshme te botes te akredituar ne seline e OKB -se,ne Nju Jork.Sic njoftojne mediet ne te gjitha keto takime eshte kerkuar, qe Kosova te njihet nga me shume vende te botes.Me rritjen e numrin te njohjeve,prioritet duhet te mbetet edhe njohja diplomatike me shtetet qe e kane njohur Kosoven si shtet sovran dhe te pavarur.Mardheniet diplomatike ne pergjithesi e fuqizojne njohjen e Kosovës nga nje shtet dhe e forcojne poziten e saj,qe aspiron te behet nje anetar i plote i bashkesise nderkombetare,pra drejt anetaresimit te saj ne te ardhmen ne OKB.
Lulzim Mulliqi-Ekspert i Ceshtjeve Juridike dhe Mardhenieve Nderkombetare

Thaci në Brazil: Rio 2016; Moment historik për Kosovën

by

-Presidenti kosovar, Hashim Thaçi, në prag të hapjes zyrtare të Lojërave Olimpike Verore “Rio 2016”, në Brazil ka marrë pjesë në ceremoninë e ngritjes së flamurit të Republikës së Kosovës/

Rio de Zhaneiro, 5 gusht 2016-Gazeta DIELLI/ Presidenti i Republikës së Kosovës, Hashim Thaçi, në ditën e parë të vizitës së tij në Rio të Brazilit, ka marrë pjesë në ceremoninë e ngritjes së flamurit të Republikës së Kosovës, të organizuar nga Komiteti Olimpik Ndërkombëtar, në prag të hapjes zyrtare të Lojërave Olimpike Verore “Rio 2016”.

“Ngritja e flamurit të Kosovës përkrah flamujve të tjerë botërorë përbën një moment historik për shtetin tonë”, ka vlerësuar presidenti Thaçi.Ai, gjatë ditës, ka takuar edhe tetë sportistë kosovarë, që ditëve në vijim do të marrin pjesë në gara të ndryshme.

Presidenti Thaçi u ka uruar sukses sportistëve nga Kosova, duke thënë se ata tashmë janë kampionë, meqë po përfaqësojnë për herë të parë flamurin dhe simbolet e shtetit të Kosovës në Lojërat Olimpike në Rio.

Me ftesë të Presidentit të Komitetit Olimpik Ndërkombëtar, Thomas Bach, presidenti Thaçi ka marrë pjesë në darkën solemne, ku të pranishëm kanë qenë shumica e krerëve shtetërore të vendeve pjesëmarrëse në Olimpiadë.

Me këtë rast, presidenti Thaçi ka zhvilluar takime kortezie me presidentë të një numri të madh shtetesh që tashmë e kanë njohur pavarësinë e Kosovës, por edhe të atyre që nuk e kanë marrë një vendim të tillë. Gjithashtu, presidenti Thaçi ka takuar Sekretarin e Përgjithshëm të Kombeve të Bashkuara, Ban Ki-moon, të cilin e ka falënderuar për mbështetjen që i ka dhënë Kosovës në vitet e fundit.

Në mbrëmje, presidenti i Republikës së Kosovës, Hashim Thaçi, do të marrë pjesë në ceremoninë solemne të hapjes së Lojërave Olimpike Verore “Rio 2016”, ku do të defilojnë edhe tetë sportistët nga Kosova./b.j/

 

Arkiv, 10 korrik 1998, Rugova: Pavarësia – zgjidhje për Kosovën

by

Në foto arkiv: Presidenti historik i Kosovës Dr. Ibrahim Rugova në konferencë shtypi, ku është edhe korrespondenti i tashëm i Gazetës Dielli, Behlul Jashari – i dyti nga e majta, ulur, derisa shkruante.

Arkiv, 10 korrik 1998, Rugova: Pavarësia – zgjidhje për Kosovën

-KOSOVA – LUFTA NË LAJME/

PRISHTINË, 10 Korrik 2016/ Pavarësia është zgjidhja për Kosovën, ritheksonte Presidenti historik Dr. Ibrahim Rugova dhe i drejtonte mesazhin edhe Grupit të Kontaktit, në një konferencë shtypi në Prishtinë para 18 vitesh, në 10 korrik 1998, të raportuar nga korrespndenti tash i Gazetës Dielli, Behlul Jashari, derisa zhvillimet e luftës vazhdonin. Presidenti Rugova atë ditë takoi ambasadorin gjerman…

http://www.hri.org/news/balkans/ata/1998/98-07-10.ata.html

[13] President of Republic of Kosove meets with German Ambassador

PRISHTINE, July 10 (ata) – ATA correspondent Behlul Jashari reports: The President of the Republic of Kosove, Ibrahim Rugova met Friday in Prishtine with the German Ambassador in Belgrade, Wilfried Gruber. The meeting was held in closed doors, but according to a preliminary report by the German Embassy in Belgrade, Gruber wanted to inform Rugova of the conclusions of the latest meeting of the Contact Group in Bonn. /p.ta/mima/xh/

Albanian Telegraphic Agency

[15] Rugova says Contact Group should back independence of Kosova

PRISHTINE, July 10 – ATA correspondent Behlul Jashari reported that president of Kosova Ibrahim Rugova said on Friday that he backed the option for Kosova independence even after the latest proposals of the Contact Group.

“We want more. The solution is an independent Kosova which should be also backed by the Contact Group,” Rugova told today’s news conference in Prishtina.

“We are insisting and working that the Kosova independence as well as an international protectorate as a transition phase be accepted and applied, ” Rugova said, backing the plan and steps of the Contact Group for a peaceful solution.

The Contact Group that convened on July 8 in Bonn called for “an immediate stop of fighting in Kosova to help pave the way for resumption of negotiations between Prishtina and Belgrade for a future status of Kosova.”

Rugova said that “they praise the work of the Contact Group and its members and, obviously, we have asked the group to assess what measures adopted by the first meeting in London on March 9 have been carried out.”

“Obviously, any people like to live in a state, but, given the reorganisation in that part of Europe, we urge an independent Kosova and this would calm the region,” Rugova replied to journalists about yesterday’s statement of German Foreign Minister Klaus Kinkel, who was quoted as saying “we do not accept a greater Albania.”

Rugova hailed the work of the international monitoring mission in Kosova.

“The presence of diplomatic monitors to follow the situation on the ground is useful and important. We want other steps to defend the people of Kosova,” Rugova said.

“The situation in Kosova continues to be aggravated and dangerous. Attacks of the Serb forces continue therefore we urge an international protection for Kosova and its people,” Rugova said. pta/mima/ak/

Albanian Telegraphic Agency

Thaçi: Panama për Kosovën, qendra e Amerikës Latine

by

-Presidenti i Republikës së Kosovës, Hashim Thaçi kërkon thellimin e bashkëpunimit me Parlamentin e Amerikës Latine/
Panama City, 28 Qershor – Gazeta DIELLI/ Presidenti i Republikës së Kosovës, Hashim Thaçi, ka vazhduar agjendën e takimeve me përfaqësues të shteteve të ndryshime gjatë vizitës zyrtare në Panama. Të hënën ai ka zhvilluar një takim me Sekretarin e Përgjithshëm të Parlamentit të Amerikës Latine, me seli në Panama, Elias Castillo. Njoftimi i dërguar thekson se, në këtë takim Presidenti Thaçi është interesuar fillimisht për krijimin e një grupi të miqësisë në parlamentin panamez, e më pas edhe për mundësinë e anëtarësimin e Kosovës si shtet vëzhgues në Parlamentin Latino-Amerikan të njohur si Parlatino. 

“Panama është për Kosovën qendra e Amerikës Latine. Është ndër shtetet e para që ka njohur Kosovën, prandaj edhe kemi hapur ambasadën tonë këtu. Edhe vendet e tjera të Amerikës Latine duhet të ndjekin shembullin e Panamasë”, ka theksuar presidenti Thaçi, duke shtuar se bashkëpunimi ndërmjet deputetëve kosovarë dhe atyre të Panamasë si dhe të Parlatinos do të përbënte avancim i marrëdhënieve të Kosovës me këtë pjesë të botës.

Nga ana tjetër, Sekretari i Përgjithshëm i Parlatino, me seli në Panama, Elias Castillo, ka mirëpritur propozimin e presidentit Thaçi, duke thënë se Kosova ka një vend në Parlamentin e Amerikës Latine.

Presidenti Thaçi gjatë ditës ka mbajtur një ligjëratë edhe në njërin nga universitetet më me ndikim në Panama, “Universiteti i Marisë së Shenjtë”, i cili dallohet për angazhimin për të drejtat e njeriut.

Në këtë Universitet, presidenti Thaçi është dekoruar me çmimin “Vizitor i nderit”.

Fillimisht, rektori i këtij universiteti, Juan Planells Fernandez, është shprehur se presidenti Thaçi me lidershipin dhe punën e tij për Kosovën ka qenë frymëzim për të gjithë.

“Vizita e Presidentit të Kosovës, një vend i vogël që ka dalë nga një dhembje, por me një qëndrim të pajtueshmërisë dhe të dialogut të hapur për të gjithë, pa dyshim se është një sinjal i shpresës për njerëzimin dhe si e tillë e sinjalizon botën që të vazhdojë një rrugë të tillë”, ka thënë rektori Fernandez.

 Ndërsa, presidenti Thaçi, në ligjëratën e tij para udhëheqësve të universitetit dhe studentëve, ka thënë se Kosova mbetet model i bashkëjetesës fetare.Në takime të ndara, presidenti Thaçi ka bashkëbiseduar me presidentë të Amerikës Qendrore dhe Latine, me ish-Mbretin e Spanjës Juan Carlos I, me kryeministra dhe ministra të shteteve, me fokus të veçantë te shtetet që nuk na kanë njohur dhe që presim të na njohin.  

“E falënderova posaçërisht Presidentin e Panamasë, Juan Carlos Varela, për pritjen bujare dhe ndihmën që ky shtet po i jep Kosovës në ndërveprim global diplomatik”, ka shtuar presidenti Thaçi.

Presidenti është takuar edhe me Presidentin e Kostarikës, Luis Guillermo Solís. Është ky një ndër shtetet që kanë njohur Kosovën ndër të parët dhe ka ofruar përkrahje të vazhdueshme për anëtarësimin e saj në organizata ndërkombëtare. 

“Jemi pajtuar që të akreditojmë ambasadorët jorezidentë dhe të fillojmë një varg konsultimesh për rritjen e shkëmbimeve në të gjitha fushat. Pranova me kënaqësi që ta vizitoj shtetin e Kosta Rikës më vonë, ndërsa ftova homologun në Kosovë. Jemi të bekuar që kemi miq që në çdo anë të botës”, ka thënë Presidenti i Republikës së Kosovës, Thaçi.

Presidenti Thaçi ka zhvilluar takim edhe me presidentin e Paraguajit, Horacio Cartes, me presidentin e Hondurasit, Juan Orlando Hernández, me presidentin e Republikës Dominikane, Danilo Medina Sánchez, me kryeministrin e Xhamajkës Andrew Holness dhe me zëvendëspresidentin e Guatemalës, Jafeth Ernesto Cabrera Franco.

Lunacek: Së shpejti presim lajme të mira për Kosovën

by

-Ne besojmë që në Parlamentin Evropian  me shumicë do të votohen për rekomandimet për liberalizimin e vizave, por duhet bërë më shumë që kjo të kalojë edhe në  Këshillin e Ministrave/

PRISHTINË, 17 Maj 2016-B.Jashari/ “Së shpejti presim lajme të mira për Kosovën”, tha zëvendëspresidentja e Parlamentit Evropiann, Ulrike Lunacek, në takim sot me Grupin e Grave Deputete  të Kuvendit kosovar, nga maxhoranca dhe opozita.“Ne besojmë që në Parlamentin Evropian  me shumicë do të votohen për rekomandimet për liberalizimin e vizave, por duhet bërë më shumë që kjo të kalojë edhe në  Këshillin e Ministrave”, theksoi ajo.Eurodeputetja  Lunacek i dhuroi Grupit të Grave Deputete  një top me simbolin e Bashkimit Evropian, duke u shprehur se, “Kosova ka dhënë gol shumë të madh me inkuadrimin në UEFA dhe FIFA, por tani duhet të jap gola të vërteta në ballafaqim me kundërshtarët”.Në takim me deputetet e Kuvendit të Kosovës,  Ulrike Lunacek ishte bashkë me eurodeputetet – përfaqësueset në Parlamentin Evropian: Julie Word nga Mbretëria e Bashkuar dhe Dubravka Shuica nga Kroacia.Grupi i Grave Deputete  të Kuvendit të Kosovës theksoi se e ka të përqendruar  angazhimin në aktivitetet që  kanë të bëjnë me promovimin e barazisë gjinore, marrjen e masave afirmative për ta fuqizuar gruan dhe demokratizuar vendin.