Nga Pjetër Jaku/
Duke lexuar librin përshkrues, brenda të cilit nuk ka vetëm një hero, kjo më shumë për modestinë e “përsonazhit” për të cilin flitet por, edhe mënyrën e të menduarit të autorit në ndërtimin e një vepre, pak më shumë se biografike. Libri “ Fal, por mos harro!” i përmbahet më së shumëti fjalës së parë të këtij titulli. Një kalvar vuajtjesh e përsekutimesh që e ndoqën shqiptarin e mjerë, veç pse nuk i bindej ideologjisë komuniste, vetëm pse ishte dikushi, vetëm pse Zoti i kishte dhënë ndonjë dhunti mbi komunistët dritëzezë.
Ndrek Pjetri, rreth të cilit e për të cilin shkruhet ky libër, sistemuar nga Gjon Kaçaj dhe punuar në dialektin gegë nga Valentin Lumaj, është një emër i njohur prej vitesh si pajutes gjaqesh në disa zona të Veriut. Fryma kristiane, që e përshkon tejembaë këtë libër, është meritë edhe e autorit, i cili vjen dhe ai nga një brez përsekutimesh dhe prej vitesh është në krye të një shoqate të përseketuarish.
Libri ka një ndërtim model, të cilit i prinë një biografi e shkurtër dhe e shkruar bukur e Ndrekës, për të ardhur më pas përshkrimi evidentues i rrethanave dhe kushteve në të cilat Ndreka u rrit dhe u edukua, i ndarë edhe në kohë, para e pas diktaturës. Veç kësaj, përshkruhen me detaje, momente të rëndësishme të formimit të përsonalitetit të një të adoloshenti, që koha e kishte rritur para kohe.
Ishte vetëm 15 vjeç dhe, bash në ditën e dëshmorëve, me 5 Maj të vitit 1945 kur Ndrek Pjetri arrestohet, përpiqen dy muaj me radhë për ta manipuluar moshën e tij me lloj lloj formulimesh si akuza, por më kot. Mbas dy muajsh u liruar, për të mos qënë i lirë, siç thotë autori Gjon Kaçaj, ku disa kapituj më pas do të shtonte: “ Një ditë i erdhi lirimi, po jo liria.”
Libri, për të mos thënë subjektin e tij, si një e drejtë e lexuesit, është i ndërtuar me një kompozicion klasik, ku radhë pas radhe e faqe pas faqeje përshkruhet koha në të cilen ecen “përsonazhi”, rritet dhe bashkë me të rriten dhe ndodhitë negative, dhe përshkrimet tmerruese jo vetëm të tij, por edhe shumë e shumë të tjerëve që u rriten në atë kohë dhe, që nuk iu nënshtruan diktaturës vrastare, e cila ishte një model i pashembullt edhe të vendeve të tjera të bllokut komunist.
Pjesët si: “ Studenti mes flakëve”, “ Arrestimi”, “ Sekrete të murosuna dhe “ Te Ura e Vrakës” janë vërtet drithëruese për nga faktet dhe përshkrimet e tyre. Libri, ndonëse ka formën e një ditari, merr formën narrative të përshkrimit edhe të përsonave të tjerë që ndikuan në jetën e tij, sidomos të motrave kishtare dhe disa priftërinjëve me kulturen e të cilëve u rrit dhe u formua, për t’u përballua vështirësive të panumërta që iu paraqiten, për afro një gjysëm shekulli.
Ndrek Pjetri është guri i qendresës dhe i faljes, është burri i urtë, që me urinë e tij shpëtoi jetën e disa njerëzve, që Kanuni mund t’i vriste, është modeli i njeriut që përhap mirësi e rrezaton shpresë gjithkund shkon e gjithësaherë flet për jetën, për besën e burrninë, për njeriun e mirë!
Gjon Kaçaj, veç krijimatrisë në vargje dhe njohjes që ka për vargëzimin popullor, pothuajse të krejt Veriut të Shqipërisë, edhe në këtë libër, të cilin Ndreka ia ka besuar me të drejtë, vjen me një kulturë e formim për t’u lakmuar në publicistiken biografike.
Marash Mali vetëm se ka mbyllur sytë
Marash Mali, miku ynë, bashkëpunëtorë i Revistes “ Kuvendi” dhe një nga debatuesit e parë të gazetës së njohur “Bashkimi”, shumë vite përpara se Shqipëria të çlirohej nga komunizmi, i cili e degdisi dhe burgosi, tashmë të ndjerin.
Marash Mali mbylli sytë për të jetuar jetën e përjetshme, me datën 27 Qershor 2014, në moshën 93 vjeçare. Marash Mali la një biografi të pasur në veprimtarinë e Tij patriotike. I lindur në Dedaj të Shkrelit, në një nga zonat me te dëgjuar për trimëri dhe patriotizëm, si dhe në një familje vojvodësh, iu bashkangjit Besëlidhjes së Malësisë së Madhe, që në kapitullimin nazifashist, konkretisht Batalionit të Shkrelit, duke qënë kapiten i klasit të parë në këtë organizim. Së bashku me Llesh Marashin ishin organizatorët e Kryengritjes së Malësisë së Madhe te vitit 1945, veprim që i solli edhe burgun politik. Marashi, pati rastin që në moshën 15 vjeçare të radhitej me burrat me të njohur të Malësisë, si Prekë Cali për të uruar Mbretin Zogu i I në një nga përvjetorët e lindjes së Tij.
Marash Mali ishte një nga bashkëpunëtrorët e pare të Revistës “ Kuvendi” dhe, deri në ndrrimin jetë, në Këshllin Botues të saj. Veç veprimtarisë patriotike dhe atdhetare, Marashi u muar dhe me krijimtari, sidomos dramën, të cilen e pelqente si gjini. “ Gjaku i falun” është një nga dramat e tij të njohura me botues studiuesin e njohur, Profesorin dhe Botuesin Hasan Leka. Me qënë se një jetë të tërë kishte pasion historinë, në fillimin e viteve dymijë, në bashkëpunim me “ Kuvendin” i hyri punës për librin “ Ngjarje historike dhe figura të shquara shqiptare”, të cilin e realizoi me sukses, në brendi të të cilit, për herë të parë shkruheshin disa ngjarje të përjetuara të organizimit vendor në Malësinë e Madhe, si dhe disa nga figurat e njohura të kësaj krahine vitale.
Këshilli botues i Revistës “ Kuvendi” shpreh dhimbje për shkuarjen e këtij miku të mirë dhe, njëkohëshëm ngushëllon gjithë të afërmit e Marash Malit!
Pushofsh në paqe, njeriu i mirë, Marash Mali!
Pjeter Jaku
Michigan,30 Qershor 2014
Dega e Vatrës Michigan takohet me Ipeshkvin e Kosovës, Imzot Dodë Gjergjin
Nga Pjetër Jaku/
Kryesia e Degës së Vatres Michigan ,të martën me datën 10 Qershor 2014, në Bibliotekën e Kishës së ShënPalit pati një takim me Ipeshkvin e Kosovës, Imzot Dodë Gjergjin dhe sekretarin e tij, Dom Fatmir Koliqin. Në takim merrnin pjesë Famullitari i kësaj Qendre Dom Fran Kola, Ipeshkvi i Kosovës Imzot Dodë Gjergji, Sekretari i Ipeshkvisë së Kosovës, Dom Fatmir Koliqi, Kryetari i Degës së Vatrës Alfons Grishaj, Nënkryetari Pjetër Jaku, sekretari Mondi Rakaj, anëteri i këshillit të përgjithshëm të Vatrës, Kujtim Qafa, arkëtari i kësaj dege Julian Çefa dhe aktivisti vatran PetritDoda.
Në këtë takim, i cili zgjati për më shumë se një orë, u diskutua rreth punës së Vatrës dhe rëndësisë së këasaj Federate Panshqiptare në të gjitha problemet shqiptare, në jetëgjatësinë e saj, si një ndër organizimet më serioze në diasporë dhe që ka luajtur një rol të rëndësisë së veçantë në zgjidhjen e problemeve me rëndësi kombëtare. Përafërsisht këtë e theksoi Ipeshkvi në përshëndetjen e tij, duke u ndaluar edhe në bashkëpunimin e saj me oragnizmat fetare që ka pasur e ka në diasporë, sidomos në Amerikë. Imzot Dodë Gjergji theksoi në mënyrë të veçantë bashkëpunimin vëllazror të shqiptarëve, edhe pse kanë besime të ndryshme.“ Para se të jemi katolikë, mysliman apo ortodoks, – theksoi Ai,- jemi shqiptar, ndaj edhe nuk kanë pse të na ndajnë besimet kur bëhët fjalë për kombin, për gjuhën, për kulturen tone të përbashkët. Bashkësia Islame e Kosovës dhe Kisha Katolike kanë një bashkëpunim të mire dhe në asnjë rast nuk dalin me deklarata që kundërshtoj nënjëra- tjetrën edhe kur ka pasë raste të diskutueshme. Bash për këtë edhe ju këtu, sidomos në Detroit duhet të siguroni një koordinim të mire të aktiviteteve të përbashkëta e vëllazërore. Përsa i përket dyKishaveKatolike, që funksionojnë në këtë komunitet vital, falë edhe punës e ndihmës tuaj, unë mora përgëzimet më të mira, në takimin që pata dje në Arqipeshkvinë e Detroitit, – përfundoi Ipeshkvi.”
Nga ana e tij, Kryetari i Degës sëVatrës, Alfons Grishaj e falenderoi Ipeshkvin për takimin që u kishte rezervuar, duke vënë në dukje bashkëpunimin që kishin siguruar me këtë qendër fetare dhe kombëtare, falë punës së mire dhe përkushtuese të Don Fran Kolës, i cili në të gjitha rastet edukimin fetar e lidh me atë patriotic dhe kombëtar, duke qënë i pranishëm dhe ndihmuar çdo aktivitet të këtyre përmasave. Poashtu,-vijoj kryetari i kësajDege, ne kemi bashkëpunuar dhe gjetur mirëkuptime dhe me Kishën ZojaPajtore dhe famullitarin e saj Dom NdueGjergji, i cili në të gjitha evenimentet e rëndësishme ka qënë pjesëmarrës. Kemi bashkëpunim shumë të mire edhe me Teqen Bektashjane të Baba Rexhepit dhe po përpiqemi shumë të kemi të njëjten marrëdhenie edhe me Xhaminë Shqiptare të Detroitit, e cilakohët e fundit ka qënë lëkundur paksa.
Në këtë takim folën edhe nënkryetari i kësaj dege PjetërJaku, duke kërkuar që Ipeshkvia e Kosovës në bashkëpunim me Bashkësinë Islame të Kosovës të ndikoj në përmirësimin e marrëdhenjeve të Xhamisë së Detroitit me Qendren Katolike të ShënPalit, si dy komunitete që kanë bërë histori në qendrimet e tyre atdhetare.
Poashtu, Kujtim Qafa dhe Julian Çefa falenderuan Ipeshkvin për këtë takim, si dhe Dom Fran Kolen për punë e tij të mire në shërbimet fetare dhe ato patriotike, duke qënë një punëtorë I zellshëm ne të mirën e shqiptarëve.
Pas takimit, Këshilli i kësaj Kishe kishte përgaditur një drekë, e cila kaloi në një atmosphere gazmore, ku nuk mungoi ndonjë pyetje miqësore Ipeshkvit, por as humori, që zakonisht shoqëron kohën pas një takimi serioz.
Takim i Degës së Vatrës në Detroit
Nga Pjetër Jaku/
Ditën e shtunë , me datë 12 Prill 2014, në një nga mjediset e Qendres së Shën Palit, në Rochester Hills, nga ora 7:00 Pm deri afer ores 10:00 Pm u bë një takim analizë i Degës së Vatrës në Detroit, e para e këtij lloji që nga rikrijimi i kësaj Dege në janarin e vitit 2012.
Veç vatranëve të kësaj dege, kishte edhe të ftuar nga komuniteti. Fjalën kryesore në emer të kësaj dege e mbajti, kryetari i saj. Z. Alfons Grishaj. Më pas, anëtari i këshillit të përgjithshëm të Vatrës, z. Kujtim Qafa lexoi një letër pëtrshëndetëse që Kryetari i Vatrës, Dr. Gjon Buçaj i kishte dërguar Alfonsit lidhur me këtë takim. Sekretari i Degës së Vatrës, Mondi Rakaj foli për të rinjët vatranë dhe të ardhmën e punës me ta. Takimin e drejtoi Pjetër Jaku.
Përshëndetën të pranishmit krijuesja Aida Dismondy, vatrani veteran dhe bizenesmeni i njohur Minir Nazifi, Sotiraq Laço, Nevruz Nazarko, Nikollë Hysa, Gjon Kaçaj, Fran Vokrri dhe nga të ftuarit klerikët e njohur, Don Fran Kola, Don Fred Kalaj, Don Ndue Gjergji dhe Gani Vila.
Nga mondi Rakaj u lexua përshëndetja qe aktivisti i njohur Ekrem Bardha, në pamundësi shëndetësore për të marrë pjesë i kishte dërguar këtij takimi.
Minir Nazifi solli për të pranishmit kujtime të paharrara me të ndjerin Xhevat Kallajxhi si dhe Baba Rexhepin. Isha vetëm 22 vjeç. – tha Miniri, – kur u pranova në Vatër dhe, prej asaj kohe kam ndihmuar vazhdimisht këtë Federatë Panshqiptare. Nikollë Hysa sugjeroi bashkëpunim me të gjitha qendrat fetare njëlloj, pa pasur asnjë dallim si dhe zgjerimin e kësaj dege me vatranë të rinj.
Nevrus Nazarko kërkoi daljen me një rezolutë në mbeshtetje të Vatrës në Qendër lidhur me zhvillimet e fundit me të ashtuquajturen degë të Wetchester, për të cilën kjo degë ishte prononcuar me një deklaratë dhe një shkrim analitik.
Përfaqësuesja e zyrës se Kongresmenit Gary Peters, Luiza Malile përhendeti të pranishmit dhe kërkoj të merrninin pjesë në takimit e tij elektorale.
Pas takimit për të pranishmit pati një kokteil.(Foto: Arkiv Revista Kuvendi)
Një tentativë e dështuar
Vëzhgime nga Kuvendi i Vatrës mbajtur ne New York me datën 27 Prill 2013/
Nga Pjetër Jaku/
Kisha lexuar për lakminë e madhe që kishin për të marrë drejtimin e Vatrës, që nga koha kur u krijua e deri në ditët tona, ndaj dhe nuk e besoja pse brezi “i vjetër” e ruante me aq fanatizëm këtë organizatë, që u krijua në bashkimin e tri shoqatave të asaj kohe, duke ruajtur vijimësinë nacionaliste dhe detyrimin e vazhdueshëm ndaj Atdheut. Me disa vatranë nga Detroiti udhëtuam me kënaqësinë e delegatëve të Vatrës, për t’u takuar e njohur edhe me delagatë të tjerë të ardhur nga Florida, Washingtoni etj..
E enjtja drobitëse e një udhëtimi 12 orësh, ku lodhjen më të madhe e pati Kujtim Qafa, i cili, megjithëse ishte i përqëndruar te drejtimi mjetit, herë mbas here dhe, pothuajse vazhdimisht, ishte i pranishëm në bisedat tona, më së shumëti lidhur me temën për të cilin po shkonim ne New York. Kjo ishte e enjtja e datës 25 Prill…
E premte, 26 Prill, një ditë para Kongresit
Në hollin e hotelit do takoheshim me aktivistin e njohur dhe vatranin Zef Bala, me të cilin patëm rastin të rrinim dhe një natë më parë. Poashtu vatrani tjetër Simon Qafa do t’i bashkangjitej degës tonë mbasdite, edhe pse mbrëmë na takoi. Alfons Grishaj, kryetari i Degës së Detroitit do na trokiste në dyert e dhomave të Hotelit Crowne Plaza White Plain që në orën 7 e 30. Në të majtë të 127-tës, ku kishtë zënë Alfonsi, te 123-shi ishin Paulini dhe Luvigji, ndërsa në të djathtë, te 131-shi Kujtimi dhe Pjetri. Disa kate më lart Mondi Rakaj me bashkëshorten dhe Valentin Lumaj po me bashkëshorten, nuk kishin nevojë për t’i thirrur, pasi në të shumtën e rasteve zbrisnin në holl para nesh.
Mbasdite e tensionuar
Që në drekën te “La Grotta II” filloi shqetësimi për Kuvendin e nesërm, për t’u bërë më prezent në mbasditen dhe darkën te “ Le Jardin”, një resorant në breg të oqeanit me pronarin shqiptar Gazmend Lita. Në telefonatat e shpeshta flitej për një kandidat të ri, që deshironte të dilte në krye të Vatrës. Lidhur me Degën më të re të Vatrës të South Westchester, Konsulli i Përgjithshëm, Dritan Mishto do të pyeste Simon Qafen dhe Zef Balen, çka do të thonte se diçka ishte pëshpëritur, siç ndodh zakonisht para evenimeteve të tilla. Zefi, si anëtar i Bordit nuk kishte pasë mundësinë të ishte ne takimin organizues të Kuvendit që do të bëhej të nesërmen, por pak a shumë ishte i informuar rreth krijimit të degëve muajn e fundit. Ndërsa Simon Qafa, si anatër i njëres prej degëve më të reja, theksoi pamundësinë e kandidimit të përsonit që përflitej për kryetar të Vatrës.
Si mund të ndodhte kjo, kur delegatët në Kuvend duhet të kishin të paktën dy vjet anëtarësi?! Thua të përfolurit të mos e dinin Kushtetuten e kësaj Federate? Çfarë i shtynte ata të kërkonin postin e Kryetarit të Vatrës, pa as një muaj kontribut?
Darka e paguar nga Konsulli, tregonte interesimin që kishte shteti shqiptar për Vatrën, ndaj edhe kishte një shije të veçantë.
Përsëri në Crowne Plaza
Edhe pse po mbrrinte mesnata Kryetyari i Vatrës, Dr. Gjon Buçaj do të takohej me delegatët e Detroitit. Interesimi ynë por edhe impenjimi i Kryetarit, bënë që përsëri të flitej për nesër. Delegatëve të rinj, – thotë Dr. Gjoni,- do të përpiqemi t’ua japim mundësinë të kenë të drejtën e votës dhe të zgjedhjes, pasi Kryesia e Kuvendit ta hedhë në votë kalimin e kësaj norme statutore. Pas disa replikash miqësore, Kryetari spjegon demokracinë e kësaj Organizate, duke ua dhënë mundësinë secilit të pranishëm të konkuroi për drejtimin e Vatrës, pasi t’i bind delegatët se pse ai (ajo) duhet të jetë në drejtim. Me si ndodhi të nesërmen, bindemi se në holle te tjera po bisedohej për mjetet, që mund t’i sillnin në krye të Vatrës, ata që Vatrën e takuan dje, pa u futur kurrë në brendësi të saj, pa kontribuar asnjëherë për të, edhe pse Vatra dhe ata kishin dekada që kundronin njëri-tjetrin, me një afërsi për t’u prekur.
Detaje që flasin
Një fillim pa mikrofon, por jo pa bezën e stendës Markolaj, një degë që u krijua me ngut, vetëm për të konkuruar në zgjedhje, dhe një interesim pas kuintave për të marrë Vatrën, të bien në sy si një akt qesarian i mirëstudiuar prej muajsh. Duhej të ishe më shumë se naiv për të mos e kuptuar këtë lojë, por mosha Gashi, Buçaj, Mirakaj dhe Përndoci dhe thinjat e tyre, si dhe të rinjët Grishaj, Ndoja e tw tjerë nuk mund të lejonin që një askush deri më sot ( themi për Vatrën) të kërkoi marrjen e Vatrës, në emër të shpëtimit të saj, në emër të rinimit të saj, në emër të digjitalizimi të saj!
Le t’ia lëmë fjalën Kuvendit…
Degës më të re, por edhe kryetarit të kësaj dege do t’i jipej më shumë vend se akujt për të diskutuar. Disa ndërhyrje dukeshin si të tepërta për një degë që sapo ishte krijuar dhe nxitja nga salla e “delgatëve” të saj, binin në sy për një interesim synues dhe imponues në bindje të delegatëve që do të votonin. Në fazën kryesore, atë të votimit, Kuvendi vendos përfshirjen në votim edhe të delegatëve në më pak se një vit anëtarësi! Pra, edhe atyre që synonin të merrnin Vatrën, me moton “ Your time is done!”, të cilën më vonë do e shprehte hapur kandidati i ri për kryetar të Vatrës, Nik Markolaj. Koha e kujt kishte mbaruar? E atyre që për gjysëm shekulli e më shumë kishin mbajtur gjallë Vatrën? E atyre që kontribuan mijëra dollarë për të jetuar kjo Federatë? E atyre që vunë mbi gjithëçka nacionalizmin dhe patriotizmin shqiptar, që Vatra të mos binte ne duart e atyre që do ta shisnin nacionalizmin per rinovim serbo-grek, socialkomunist etj etj? Kërkesa për Vatrën, ( edhe imja e dikurshme) ishte mbajtja e Kuvendit, organizimi dhe gjallërimi i saj, çka edhe po ndodh prej më shumë se dy vitesh, por jo dorëzimi i saj!
Thua..?!
Thua Dega më e re të ishte krijuar vetëm për kryetarin e Vatrës?! Thua t’u intersonte socialistëve shqiptar ta kishin Vatrën me vete në këtë fushatë të tërbuar zgjedhjesh!? Thua të ishte një dorë e jashtëme në këtë “betejë” për Vatrën, perderisa këmbëngulej aq shumë marrja e drejtimit të saj, nëpërmjet ekspozmit të një plan-biznesi, ndoshta dhe i ndihmuar nga segmente të brendëshme të Vatrës, kur të dhënat ishin marrë prej saj. Një vidioprojektim me dy foto dhe gjashtë pika mbështetëse, nuk mund të bindnin vatranët, që për vite ishin në roje të kësaj krijese kombëtare me një histori brilante të demokracisë amerikane. Biles, as t’i thyenin ata me “argumente” ndryshuese, që do ta bënin Vatrën një Federatë mijëra antarëshe, kur viteve të fundit në diasporen shqiptare kanë lulëzuar dhjetra shoqata e fondacione, mbi baza lokale e krahinore, duke marrë si pikë referimi vitin 1970.
Urojmë të mos jetë asnjëra prej këtyre hamendjeve, por interesi i pastër për Vatrën demokratike dhe nacionaliste, për Vatrën e vatranve patriot, që nuk kursyen asgjë për shqiptarët kudo që ndodhen, për Vatrën e së nesërmes, duke respektuar dhe mbajtur amanetin e atyre që shkuan! Vetëm kështu, dhe kur kandidati i ri, t’i ketë, të paktën 4-5 vjet në Vatër, do t’i bind vatranët ta votojnë dhe mbështesin atë, t’i besojnë atij!
Vatra nuk ka kohë të bëj eksperimente me veten!
Shkruar me 30 Prill 2013
Shenim: Ky shkrim u realizua si analizë fill pas Kuvendit, por nuk u publikua, duke menduar se nuk do te shkojne kaq larg. Tani qe Kryesia e Vatres doli me pergjigje duke i kerkuar edhe rikthim ketij grupimi, e shoh me vend ta publikoj.
( Ne foto: Nga e majta Dr. Gjon Buçaj dhe kandidati tjeter per kryetar te Vatres, i cili nuk kishte as dy muaj antaresi ne kete Federate, Nik Markolaj, ne momentin e zgjedhjeve.)
- « Previous Page
- 1
- 2
- 3
- 4
- …
- 6
- Next Page »