Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Në Serbi kanë nisë fushatën kundër shqiptarëve dhe Kosovës në Amerikë

by

Serbia nis fushatën në Amerikë kundër Kosovës,qeveritarët tanë ia kthyen shpinën LQSHA-së Joe DioGuardi-t/

Skender-Karaçica-autor

Nga Skënder Karaçica/
Qarqe të caktuara qeveritare,shoqëria civile,bota universitare,kulturore,shkencore dhe diaspora në Serbi kanë nisë fushatën kundër shqiptarëve dhe Kosovës në Amerikë.
Këto ditë përfaqësuesit qeveritar dhe të përkrahur nga presidenti serb Aleksandër Vuçiç është themeluar Kongresi Serbo-Amerikanë që për qëllim të afrojë projektin nacional të Serbisë për të ndryshuar qëndrimin amerikan ndaj këtij vendi që,si thuhet nuk është vetëm Serbia fajtore për tërë problemet në Ballkan.
Në programin e Kongresit Serbo-Amerikan thuhet se ka ardhë koha që tashti me tërë potencionalin njerëzorë që kemi në Amerikë si biznesmenë,
kompani,profesorë të universiteteve dhe të diasporës serbe,ne mund të përafrohemi me 
institucionet e shtetit amerikan në Kongres dhe Senat,ndonëse qysh tash katër senatorë dhe kongresmenë kanë shprehë gadishmërinë që të ndihmojnë Serbinë në mënyrë që Amerika të ndryshojë qëndrimin dhe tash e tutje mos të jetë vetëm Serbia fajtore për konfliktet në hapësirën 
e ish-Jugosllavisë dhe,si thuhet në programin e këtij Kongresi Serbo-Amerikan të shqyrtohet çështja Srebrenicës,Bosna e Hercegovina dhe Kosova.
Tërë ky mekanizëm politiko-diplomatik i Serbisë është në përkrahje të gjerë nga të gjitha nivelet e institucioneve të shtetit serb dhe qëllimi fund e krye ka të bëjë që edhe njëherë të luhet loja ,,fol e mashtro para botës,,që për ne tashmë është doktrinë e njohur që nga vitet e errëta antishqiptare të Serbisë 1844-1999.Këso kohe shteti serb nuk po lenë la luar të gurët e qendrave të vendosjes dhe nuhajtja e saj ,,lotët e Nikolla Pashiqit,,në tepihun e kuq në shtëpinë e bardhë në Vashington të kohës tashti janë bërë platformë e qarqeve për tërë segmentet e shtetit të Serbisë me moton,,Të nisim diçka,të fitojmë diçka,,(!).
Po ritheksojmë se tash gati 30 vjet në Nju Jork vepron dhe punon me taban të fortë kombëtar Liga Qytetare Shqiptaro-Amerikane (Joe DioGuardi),i cili në programin e lobimit të tij kishte çështjen shqiptare në Ballkan dhe Lirinë dhe Pavarësinë e Kosovës.Mirëpo,për shkaqe që paksa janë të panjohura për ne dy qeveritë dhe institucionet në Prishtinë dhe Tiranë dhe në pjesën etnike shqiptare në Maqedoni,Mal të Zi dhe Preshevë sikur e kanë harruar abëreshin Joe Dioguardi në Nju Jork dhe kohëve të fundit e kanë anatemuar duke e lënë në margjinat e ,,historisë,,
dhe si thuhej nga njëri nga diplomatët e MPJ të Kosovës,sikur atij i paskësh ka kaluar koha(!).
Në dritën e ngjarjeve antishqiptare të Serbisë që në stilin ,,hap pas hapi,,të bëjë të mundur përafrimin e Amerikës me Serbinë dhe një ditë ajo të bëhet faktor i miqësisë serbo-amerikan,krejt kjo në të vetmen pikë referimi:çështja e Kosovës sipas tryezës diplomatike serbe dhe një udhë e re kah Ballkani që duhet të kaloj Amerika nëpër Serbi.
Përkitazi me programin me ngjyrat antishqiptare të Serbisë shtron nevojën e ngutshme që institucionet qveritare në Prishtinë dhe Tiranë të afrohen sa më parë në Ligën Qytetare Shqiptaro-Amerikan(Joe Diogurdi)në Nju Jork,në mënyrë që të forcohet doktrina e lobimit për çështjen shqiptare në Ballkan dhe mos të lejohet përfshirja e Serbisë me programet fashiste kundër popullit shqiptar dhe të Kosovës,madje përmes logjistikës 
së njohur ,,lot para miqëve,,dhe roli i saj gjoja si ,,viktimë,,dhe agresorë i vërtetë i orëve të historisë së gjenocidit ndaj popujve joserb në ish-Jugosllavi dhe shqiptarëve në Kosovë.
 
Serbia ka nisë ti luaj gurët,ne nuk guxojmë të bëjmë gjumë (vetëm)në krahun e majtë.Diasporën shqiptare në Amerikë duhet të unifikohet më shumë dhe më afër me LQSHA-së Joe DioGuardi në Nju Jork!
 

Përballë ofensivës diplomatike serbe për tërheqjen e njohjeve të Kosovës

by

Përderisa Kosova po bëhet gati që muajin e ardhshëm të shënojë 10 vjetorin e shpalljes së pavarësisë së vendit, në anën tjetër Serbia ka paralajmëruar ofensivë diplomatike, jo vetëm për të bllokuar njohjet e reja të shtetit të Kosovës, por edhe për të siguruar tërheqjen e disa prej këtyre njohjeve./

epa05151372 Pupils of a primary school make a Kosovo flag with nails and stitches on the eve of the eighth anniversary of Kosovo's independence in Pristina, Kosovo 09 February 2016. Kosovo, which unilaterally declared independence from Serbia on 17 February 2008, has so far been recognized by more than 100 states, including the United States and a majority of European Union members. EPA/VALDRIN XHEMAJ
Nga Bekim Bislimi/

Zyrtarët e Qeverisë së Kosovës dhe njohësit e të drejtës ndërkombëtare vlerësojnë se ofensiva e diplomacisë serbe kundër shtetit të Kosovës dhe njohjeve të saj është zhvilluar në vazhdimësi, që nga shpallja e pavarësisë në vitin 2008, por se ajo tashmë është bërë më e dukshme dhe më e diskutueshme në media.Zëvendësministri i Punëve të Jashtme në Qeverinë e Kosovës, Anton Berisha, duke folur për Radion Evropa e Lirë, vlerëson se veprimet Serbisë, janë krejtësisht në kundërshtim me frymën e dialogut të Brukselit, për normalizimin e marrëdhënieve ndërmjet dy vendeve.

“Serbia, në hyrje të 10 vjetorit të shpalljes së pavarësisë së Kosovës, për ta relativizuar këtë ngjarje, ka filluar një aksion edhe më të dendur – ndonëse, ajo nuk e ka ndalur asnjëherë, rreth kontestimit të njohjes së shtetësisë së Kosovës – si dhe të një lloj protagonizmi gjoja se Kosova është një çështje që i takon Serbisë dhe që kinse ajo ka në dorë edhe shtetet tjera për të tërhequr njohjet ndaj Kosovës”, tha Berisha.

“Natyrisht që kjo së pari është në kundërshtim të plotë me frymën e dialogut në Bruksel”, theksoi ai.

Ndërkaq, Afrim Hoti, profesori i të Drejtës Ndërkombëtare në Universitetin e Prishtinës, tha për Radion Evropa e Lirë se që nga shpallja e pavarësisë së Kosovës në vitin 2008, Serbia, në pamundësi të ndërhyrjeve faktike dhe të qeverisjes me Kosovën, ka pasur për objektiv që të pengoj dhe vendosë barriera të ndryshme në procesin e njohjeve për Kosovën.

“Kjo në masë të madhe mbase edhe është arritur, për faktin që, këto vitet e fundit, tregohet një rënie drastike e numrit të njohjeve dhe kjo rënie i ka bërë ata që të ndihen pak më të fuqishëm, duke luajtur edhe me lojëra shumë të ndyra burokratike, të cilat pothuajse janë edhe të panjohura në të drejtën ndërkombëtare”, vlerëson Hoti.

“Tash, jo vetëm që po bllokohet ecja më tutje e njohjeve për Kosovën, por disa shtete tashmë kanë filluar të tërheqin njohjet e tyre, një praktikë, e cila nuk është e njohur në të drejtën ndërkombëtare dhe që nuk ndodhë nga shtetet serioze dhe të konsoliduara”, tha Hoti.

Në anën tjetër, autoritetet në Serbi, kanë folur për indikacione të mundshme që Egjiptin mund ta shqyrtojë tërheqjen e njohjes së shtetit të Kosovës.

Zëvendësministri i jashtëm i Kosovës, Anton Berisha shpreh mendimin që, pavarësisht asaj që mund të thonë zyrtarët serbë, shtetet serioze, përfshirë edhe Egjiptin, nuk përfshihen në situata të tilla.

“Është një shtet serioz, i cili ka një traditë shtetërore dhe nuk besoj që Egjipti është një shtet marionetë, i cili, sa herë që zyrtarët serbë bëjnë ndonjë deklaratë, që ajo t’i obligojë ata ose që na obligon edhe ne. Unë besoj që ne do të vazhdojmë me ritmin tonë të përafrimit edhe me shtete të ndryshme të Evropës dhe botës, në këtë rast edhe të Afrikës, pavarësisht qëndrimeve të Serbisë”, tha Berisha.

Ai ka shtuar se përkundër faktit që çdo njohje është e rëndësishme, për Kosovën mbetet e rëndësisë së veçantë arritja e njohjeve nga 5 vendet e Bashkimit Evropian, të cilat deri më tash nuk e kanë njohur.

Por, profesor Afrim Hoti thotë se zhvillimet e proceseve politike brenda Kosovës, si dhe politikat e jashtme të vendit, kanë lënë nën hije procesin e arritjes së njohjeve. Ndonëse sipas tij, nuk mund të thuhet që për shkak të krizave politike në vend, aleatët ndërkombëtarë kanë hequr dorë nga ndihma për arritjen e njohjeve për Kosovën, megjithatë, siç thotë ai, autoritetet e Kosovës nuk duhet të kenë iluzionin që për çështjen e njohjeve duhet të angazhohen vetëm aleatët.

“Nëse një politikë e jashtme e fuqishme e Kosovës ka munguar, që të paktën të bëj trysni ose eventualisht të mbajë vazhdimisht në kontakt miqtë tanë, duke u kërkuar që të shtrijnë dorën aty ku dora kosovare nuk mund të arrijë, atëherë është krejtësisht e natyrshme që edhe partnerët tanë strategjik, me njëfarë forme të pushojnë ose të ulin ritmin e ecjes përpara”, theksoi Hoti.Sidoqoftë, për opinionin në Kosovë ende mbetet “mister” nëse Republika e Guinea-Bissau dhe Republika e Surinamit i kanë tërhequr ose jo njohjet e tyre ndaj Kosovës. Autoritetet e Beogradit e kanë pohuar një gjë të tillë, ndërkohë që autoritetet në Prishtinë, nuk kanë dhënë ndonjë konfirmim. Në listën e njohjeve të publikuar në faqen e internetit të Ministrisë së Punëve të Jashtme të Qeverisë së Kosovës figurojnë 115 vende, përfshirë edhe këto dy shtete.

Ivica Daçiç dhe Serbia kishin gati skenarin ,,Tokën e djegur,, të Kosovës

by

SHSHA në Çikago:Duhet të lajmërohet bota se Ivica Daçiç dhe Serbia kishin bërë gati skenarin për ,,Tokën e djegur,,të Kosovës/

Skender-Karaçica-autor

Nga Skender Karaçica/ Çikago/

Institucionet e shtetit të Serbisë po udhëhiqet nga individë me duar të përgjakura në kohën kur kryekrimineli Sllobodan Millosheviq kishte bërë gati skenarin shfarosës deri në sunstancë të shqiptarëve dhe të Kosovës përmes programit ushtarako-policor për ,,Tokën e djegur,,.Më këtë të dhënë e nis reagimin SHSHA në Çikago dhe i drejtohet tërë opinionit botërorë se Serbia ende ka nëpër analet e veta ushtarko,diplomatike dhe të nëntokës skenarët që ua la testament Sllobodan Millosheviqi për shfarosjen e shqiptarëve dhe shembjen e themeleve të shtetit të ri të Kosovës,ndonëse që nga vitet 1844-1999 me mite e gënjeshtra të njohura për shqiptarët,u munduan që të ,,serbizojnë,,Kosovën,thuhet në këtë reagim të SHSHA-së nga Çikago.
Bota demokratike,analet diplomatike dhe segmente të tjera nuk e dinë se Ivica Daçiç i ka duart e përgjakura me luftërat që i zhviulloi Serbia ndaj popujve joserb në ish-Jugosllavi dhe ndaj shqiptarëve dhe Kosovës.Në të gjitha takimet e fshehta të logjistikës luftarake,shfarosëse për ,,Tokën e djegur,,të shqiptzarëve dhe të Kosovës,Ivica Daçiç ka mare pjesë në tavolinën e kryekriminelit S.Millosheviq në Beograd dhe në skenarët e përgatitur për orët e vdekjes kolektive të tyre ashtu siç ndodhi në vitin 1998-1999,thuhet nga Çikago.
Do të ishte punë imediate që MPJ e Kosovës sa më parë të vë lidhje me kompetentët e diplomacisë së shtetit Surinami
për të sqaruar skenarët e Serbisë dhe të Ivica Daçiç kundër shtetit të Kosovës,që për shpalljen e saj nuk ka shkelur asnjë normë të ligjeve ndërkombëtare dhe për këtë e pati dhënë mendimin e vet me kompetencë profesionale Gjykata në Hagë.Atëherë çfarë kërkon Serbia dhe Ivica Daçiç që sillet si ,,pronar,,i vdekur i saj që me pushtimet ripushtimet e Kosovës gjatë historisë së përgjakur dhe me mitet e gënjeshtrat e njohura,,patriotike,,karshi Kosovës për gjoja se ajo na qenkash ,,zemra e Serbisë,,me këto referene edhe tash po e luan lojën e djallit,thekson për opinion SHSHA në Çikago.
Aty ku e la kyrekrimineli Sllobodan Millosheviq skenarin shfarosës për shqiptarët dhe Kosovën,tashti po e vazhdon pioneri i tij Ivica Daçiç në Beograd që në mëngjes para botës po pataqitet si ,,demokrat,,e natën me shpalimin e këtyre skenarëve të njohur për ne kundër shtetit të ri të Kosovës,thotë zëshëm SHSHA.
Shqiptarët dhe Kosova asnjëherë nuk e kanë konsideruar Serbinë dhe Jugosllavinë për shtetin e vet,atëherë pioneri Ivica Daçiç që i mori mësimet nga kryekrimeli S.Millosheviq larg duart nga shtetndërtimi i Kosovës dhe po ia përkujtojmë pionerit me duart e përgjakura se shqiptarët dhe serbët janë ndarë njëherë e përgjithmonë,thuhet në fund të reagimit nga Çikago.
 

Serbia ta pranojë Kosovën

by

Serbia ta pranojë Kosovën,të përqendrohet në Krahinën e Preshevës,Vojvodinë dhe Sanxhak!/

Refik HASANI_2017

Shkruan: Refik  HASANI/

Nëse me njohjen e  Prishtinës nga Beogradi, faktori politik dhe ushtarak supozon se mbyllet kaptina,, problem për çështje të hapura me Serbinë”, gabojm rëndë se në kuadër të Republikës është mbetur edhe Vojvodina si  ish-njësi e barabarat e Jugosllavisë. Me këtë vetëm nëkuptohet të fillohet një periudhë e ridefinimit, rregullimit të mbrendshëm të shtetit të Serbisë. Raporti Serbi dhe shqiptarët e tri Komunave ku më 1 e 2 mars të vitit 1992  u mbajtë referendumi për një autonimi territoriale dhe me të drejtë bashkangjitje me Kosovën amë. Vojvodina si  ish-njësi e barabartë në këtë  duhet ti përcaktoj lidhjet me Serbinë dhe çfarë statusi kërkojnë të kenë në këtë Hungarezët.Rajoni i Sanxhakut i banuar me popullatë dërmuese Boshnjake.Vetëm pasi të gjinden zgjidhje për këto tri rajone apo krahina,atëherë duhete konsideruar mbyllja e çështjeve të hapura të Republikës së Serbisë.

Akademikët,intelektualët dhe qeveritarë serbë duhet debatur dhe shtruar drejtë,të që të pregaditet opinioni  që Serbia mund dhe duhet të fedaralizohet!.Vojvodina të hynë në Federat apo Konfederat me Serbinë në mes veti,por mos të hargjon kohë dhe energji,me Kosovën në asnjë variant apo kombinim vetëm si dy shtete fqinje,së bashku të integruara në NATO,BE por edhe me përgjegjësi e obligime të barabarta në Këshillin e Sigurimit të OKB-së.Populli Serbë dhe shteti i tyre nuk kan nevoj që  kosovarëve fare t‘u afrojn ndonjë autonomi substanciale,çfardo lloji qoftë e zgjeruar,themelore etj.Këto do të duhej t‘i ruaj për tri rajone apo krahina,që përveq me popullatë homogjene shumicë jo serbe janë të kufizuara edhe me territore të shteteve amë.Tri rajone nuk mundë ti mbajë gjatë nën trysni,këtë gatishmëri t’ju afroj dhe duhet të vlen së pari për shqiptarët në Komunën e Medvegjës,Bujanocit dhe Preshevës. Hungarezët në Vojvodinë dhe Boshnjakët në Sanxhak.Për asnjë moment mos të harrojmë edhe pse nuk janë me shumicë në një territor të caktuar me numër të madh të banorëve,përveqë që janë shumicë në Komunën e Pirotit komunitetin jo të vogël që shumë pakë zihet në gojë e këto  janë Bullgarët në Serbi,Rumunët në Vojvodinë  dhe Romët që janë të shpërndarë nëpër tërë Serbin dhe Vojvodinën.Secili prej këtyre tri komuniteteve si për nga numri i banorëve ashtu edhe nga shtrirja gjeografike jan më shumë se pakica serbe në Kosovës për disa herë!.

Ndoshta faktori ndërkombëtarë duhet ta ndihmoje se shteti Serbë mos të përqendrohet në Kosovë duke i patur edhe tri rajone  tjera me popullatë dhe territor të veqantë.Shteti Serbë për ti mshef këto tri gjëra të mdha që i cekëm më lartë dëshiron që luftën diplomatikë ta bartë prej vetë Serbisë e Vojvodinës,në Kosovë.Përqendrimi me gjithë arsenalin e mundshëm politikë e diplomatikë në Kosovë dhe rrethë Kosovës me konsekuencat të dukshme kundër  pavarësisë së Kosovës.Përveç dhunës qindëvjeqare që ka ushtruar kundër shqiptarëve të Kosovës e sidomos me paraqitjen në skenë të UÇK-së dhe intervenimin e forcave të NATO-s një intervenim i pari i këtij lloji në botë.Serbia përfundimisht nuk ka të drejtë as edhe të kthej kokën kah Kosova nëse mundet të plasoj ndonjë produkt të vetin në tregun e Kosovës tepër e ka,se sa për për ta patur nënë sundim të vetin jo kurrë.Duke i mshefur tri probleme në tri rajone,këto krahina me popullatë dhe territor kompakt,Serbia don që vëmendjen ta tërheq vetëm rreth Kosovës.Beogradi duke e vonuar pafundë njohjen e Kosovës,dëshiron që edhe më tej të mundohet ti mbulon edhe tri probleme  jo të vogla që herë kur do,duhet të ballafaqohet për ta gjetur një zgjidhje.Serbia atë që kërkon për serbët e Bosnjë Hercegovinës nuk mundë t’ua mohon edhe shqiptarëve,Hungarezëve dhe Boshnjakëve.Një krahasim Vojvodina ishte njësi në federatën e RSFJ-së,kurse republika Sërbska vetëm në bazë të rezultateve të luftës,më mirë të themi pastrimit etnik është pranuar si e tillë,atëher edhe faktori ndërkombëtarë duhet të ketë përgjëgjësi në këtë.Nëse Beogradi alarrmon opinionin duke bartur kartën e vetë nëpër zyret europiane e botërore ku bëhet politika dhe diplomacia.Kosova të njifet si shtet  nga Serbia,atëher nëse do, Bashkësia ndërkombëtare e ka shumë lehtë!?Nëse Serbëve të Bosnjës ju kanë pranuar rezultatet e luftës dhe këto sot gëzojn dhe janë element gati konstituiv i federatës të Bosnjës dhe Hercegovinës.Atëher pse nuk ju pranohet statuti i një autonomie  edhe shqiptarëve,Hungarezëve dhe Boshnjakëve në kuadër të Republikës së Serbisë.Shqiptarërve në Serbi kanë mbajtur edhe referendumin të datës 1 e 2 marsit 1992, kan organizuar kryengritje të armatosur që përmesë UÇPMB-ës janë ngritur në një luftë të armatosur kundër pushtetit diskriminues të Serbisë dhe është arritur Marrëveshja e Konçulit  nën prezencën dhe monitorimin e faktorit politik dhe ushtarak të botës.Kjo Krahinë shqiptare e mbetur nënë administrimin e Serbisë,ka tri elemente të njohura edhe me konventa ndërkombëtare që të jetë e dalluar dhe ti gëzoj të drejtat e saja kolektive.Hungarezëve në krahinën e Vojvodinës do të ishte më mirë t’ju njifet sovraniteti dhe integriteti i tyre si njësi e barabart me serbët.Vetëm pasi të zgjidhet statuti i këtyre tri rajoneve atëher mundë të flasim për komunitete të tjera si për të drejtat e njeriut, shkollim,ruajtje të kulturës dhe identitetit nacional,se bëhet fjala për pakica të vogla kombëtare.Tri rajonet e cekura edhe në ballë të titulluar nuk janë drejta të pakicave,por si mungesa për të drejta kolektive.Duhet të kuptojmë se pranimi i Kosovës si shtet nga Serbia,nënkupohet  se do të hapet  tërësisht kutia e pandorës e quajtur  Serbi dhe Vojvodinë!?Nëse bashkësia ndërkombëtare nuk dëshiron ndryshim të kufijve në ballkan e veçmas në ish-hapsirat e federatës Jugosllave atëher mundë t’ia del edhe duke krijuar edhe Republika të tjera sikur në Bosnjë e Hercegovinë që nga viti 1995 funksionon Republika Sërbska,të krijohen vetëm në Serbi edhe tri Republika të veçanta si e Vojvodinës, Sanxhakut dhe e Medvegjës, Bujanocit dhe Preshevës. Pra në këto tri Rajone Serbia ose duhet të federalizohet edhe me tri Republika të tjera ose  të lejoj të bashkangjiten me shtete e tyre amë,ku në mënyrë paqësore me një marrëveshje paraprake që do të ishte më mirë për të gjitha palët dhe do të pranohet edhe nga faktori  i  huaj.Përveqë këtyre tri problemeve të mdha janë edhe segmente që nuk duhet nënçmuar dhe lënë në heshtje e këto janë çështja e komuntitetit Rumunë, Bullgarë dhe Romë.

Edhe vetë Serbia e sotshme ka një territor më një popullatë multietnike.Sa më shumë që zgjatet që Kosova të njifet shtet nga Serbia,aq më shumë  zgjaten edhe problemet mbrenda vetë ksaj Serbie.Nuk është keqë që lobi Serb që vepron nëpër botë dhe elita intelektuale serbe të mirren shumë seriozisht për federalizmin e Serbisë me Vojvodinën dhe Hungarezëve në Vojvodinë,Boshnjakëve në Sanxhak,Shqiptarëve në Medvegjës, Bujanocit dhe Preshevës ju takojn të gëzojn Autonomi territoriale.Nuk është e arsyeshme që vonesa që Beogradi ta pranoj Prishtinën si shtet të stërzgjatet,gati se u kalua gjysma e asaj periudhe ku RSFJ ishte duke funksionuar prej vitit 1945 deri në vitin 1990.Deri më sot i kemi gati dy dekada kjo është një stërgjatje dhe dikush duhet të bartë përgjësi për këtë vonesë tej mase,kjo është e kushtueshme në shumë aspekte edhe në rrjedha të tjera të Ballkanit dhe të Europës së Bashkuar.Gabimet duhet të kërkohen te fillimi i shpërbërjes dhe marrëveshja e Badinterit dhe qasja jo e drejtë që në atë kohë . Shkrimi është nga një punim më i gjërë,autori është nga Zarbica e Bujanocit,i diplomuar në Master Shkencor, ka disa punime e kumtesa në  konferenca shkencore për  Medvegjë, Bujanoc dhe Preshevë, por edhe ka propozur,si: rikonfirmimit të Referendimit më dt.1 e 2 mars 1992,  shqyrtimi i realizimit të Marrëveshjes së Konçulit,Inicimin që të miratohet një rezolut nga Parlamenti i Kosovës, formim i një Komisioni mikst nga Parlamenti Shqipëri-Kosovë, hapja e një zyre në kuadër të Zyrës së dy Kryeministrive,formimi i komiteteve për bashkëpunim ndërkufitarë, etj. 

RACIST, FILMI I SERBISE KUNDER KOSOVES NE UNESCO

by

KOSOVA DREJT UNESCO-s, SERBIA KUNDER EDHE ME FILM/

-Komunikatë për medie e qeverisë së Republikës së Kosovës: I ulët, racist dhe i paprecedent filmi dokumentar i qeverisë së Serbisë kundër anëtarësimit të Kosovës në UNESCO/

PRISHTINË, 17 Shtator 2017-Gazeta DIELLI/

Qeveria e Republikës së Kosovës e vlerëson të ulët, racist dhe të paprecedent filmin dokumentar të qeverisë së Serbisë kundër anëtarësimit të Kosovës në UNESCO.
Shfaqja e filmit dokumentar përpara ambasadorëve të vendeve anëtare të UNESCO-s, me përmbajtje fyese për Kosovën, në kuadër të fushatës kundërshtuese ndaj anëtarësimit në këtë organizatë të rëndësishme ndërkombëtare, është përpjekje në vazhdimësi për ta denigruar shtetin e Kosovës.
Prezantimi i trashëgimisë kulturore në Kosovë si pjesë të trashëgimisë së Serbisë është synim për të përvetësuar pasurinë kulturore e fetare të Kosovës dhe për ta transformuar atë. Objektet fetare e kulturore në Kosovë janë pjesë e trashëgimisë së vendit dhe ato nuk mund të tjetërsohen. Ato i takojnë shtetit të Kosovës, qytetarëve të tij pa dallim, janë të ruajtura dhe të mbrojtura me ligjet dhe Kushtetutën e Kosovës. Për pasurinë e Kosovës përgjigjen qytetarët dhe institucionet e saj.
Përpjekjet e Kosovës për të qenë pjesë e organizatave ndërkombëtare përfshirë edhe UNESCO-n janë legjitime dhe shteti i Kosovës do të vazhdojë t’i përmbushë kërkesat e saj, në pajtim me legjitimitetin ndërkombëtar të pranuar nga më shumë se 110  shtete të botës dhe në përputhje edhe me vendimin e Gjykatës Ndërkombëtare të Drejtësisë për legjitimitetin e shpalljes së pavarësisë.

Pengesat e rrugës së Kosovës për pranim ndërkombëtar dhe anëtarësim në organizmat ndërkombëtar, që vazhdojnë t’i bëhen nga Serbia, janë në kundërshtim me parimet e politikave të fqinjësisë së mirë, në shpërputhje me procesin e normalizimit të marrëdhënieve në kuadër të dialogut që lehtësohet nga BE-ja dhe kundër procesit të pajtimit të popujve pas një periudhe të rëndë të historisë./b.j/