SHBA – Page 21 – Dielli

SHBA kërkon ndihmë nga shqiptarët për gjetjen e një avioni të vitit 1944

March 18, 2014 by dgreca

Ambasada amerikane në Tiranë nëpërmjet një njoftimi në rrjetin social “Facebook” ka kërkuar ndihmën e të gjithë qytetarëve shqiptarë, në lidhje me zhdukjen e një avioni në vitin 1944. Bëhet fjalë për një avion amerikan me bazë në Itali, i cili u nis për një mision në Sofje të Bullgarisë. Por, ai pësoi dëmtime ndërsa fluturonte në Shkup, për shkak të hapjes së zjarrit. Avioni u kthye mbrapsht për në Itali, por pasi kaloi qytetin e Elbasanit, dy nga katër motorët e avionit u prishën dhe u fikën. Piloti e mbajti avionin nën kontroll, duke i dhënë kohë anëtarëve të ekuipazhit që të hidheshin me parashutë. Asnjë nga anëtarët e ekuipazhit nuk e pa se çfarë ndodhi me avionin dhe as nuk dëgjuan zhurmën e rënies së tij; kjo ishte edhe hera e fundit që ata panë pilotin e tyre. Edhe sot e kësaj dite, ai avion dhe piloti, ende nuk janë gjetur.

Ambasada amerikane në Tiranë kërkon ndihmën tuaj!

Jemi duke kërkuar për këtë avion dhe mendojmë se dikush prej jush mund të na ndihmojë. Në janarin e vitit 1944, gjatë një misioni të Aleatëve, një avion amerikan B-24 Liberator me bazë në Itali, u nis për një mision në Sofje, Bullgari, por pësoi shumë dëmtime ndërsa fluturonte në Shkup, për shkak të hapjes së zjarrit. Avioni u kthye mbrapsht, duke u përpjekur që të kthehej në bazë, duke fluturuar mbi Elbasan, rrugës për në Itali. Pak pasi kaloi qytetin e Elbasanit, dy nga katër motorët e avionit u prishën dhe u fikën. Duke treguar vetëmohim heroik, piloti i avionit qëndroi në kontroll, duke i dhënë kohë anëtarëve të ekuipazhit që të hidheshin me parashutë. Ekuipazhi që mbijetoi u kap nga Gjermanët dhe u mbajtën si robër lufte. Asnjë nga anëtarët e ekuipazhit nuk e pa se çfarë ndodhi me avionin dhe as nuk dëgjuan zhurmën e rënies së tij; kjo ishte edhe hera e fundit që ata panë pilotin e tyre. Edhe sot e kësaj dite, ai avion dhe piloti, ende nuk janë gjetur.

Çdo pjesë e këtij avioni ka një numër identifikimi unik. Nëse ne mund të gjejmë pjesë të avionit, mund të kemi mundësi të gjejmë edhe eshtrat e pilotit, në mënyrë që familja e tij të mund të kryejë një ceremoni varrimi. Nëse ju ose ndonjë i njohuri juaj ka informacion mbi këtë avion ose çdo përplasje të mundshme në Shqipëri gjatë Luftës së Dytë Botërore, ju lutem na bëni me dije dhe na dërgoni detaje apo foto me një mesazh në “Facebook”.

Vini re:Mos prekni gjë nëse gjeni vendin e përplasjes. Në këtë rast, është më mirë të bëni foto. As mos nisni kërkime me qëllimin specifik për të gjetur avionin. Ky lajmërim është vetëm një kërkesë e thjeshtë për të gjetur informacion që mund të ekzistojë dhe jo një kërkesë për veprim. Faleminderit për ndihmën tuaj dhe ju lutemi ta ndani këtë postim me të tjerët duke bërë share në faqen tuaj – pasi sa më shumë njerëz ta shohin këtë lajmërim, aq më shumë mundësi kemi për të gjetur heroin tonë të humbur./B.S/INA/

SHBA: Më shumë se 1/3 e territorit e paralizuar nga akulli dhe dëbora

February 13, 2014 by dgreca

Më shumë se 97 milionë amerikanë në më shumë se 20 shtete janë përfshirë nga të ftohti i madh. Stuhia është e shoqëruar me një të ftohtë polar, disa gradë nën zero – minus 10 dhe 15 gradë celcius . Mbrëmë ka pasur të paktën 140 aksidente , dhe tre vetë vdiqën nga këto aksidente, duke e çuar në 11 numërin e të vdekurve .Vetëm dje thonë se janë anuluar më shumë se 3,300 fluturime dhe janë paraljmëruar për sot për t’u anuluar gjatë ditës më shumë se 3,400 fluturime të tjera nga 50.000 deri 55.000 fluturime me aeroplanët komerciale dhe private, që zakonishtë kanë linjat e përditshme në hapësirën ajrore të SHBA .

Nga BEQIR SINA, New York/

NEW YORK : Një shtresë e akumuluar prej ditësh me dëborë dhe një trashësi akulli që u krijua këto ditë me shumë nga temperaturat shumë të ulta të kësaj jave – kan shkaktuar bllokime të mëdha të trafikut , në 1/3 e territorit të SHBA, duke paralizuar në shumë shtete edhe trafikun – pasi shoferët injoruan paralajmërimet e autoriteteve për të qëndruar jashtë rrugëve – pra të evitonin udhëtimet e këtyre ditëve. Këtë herë të bllokuara prej trafikut nuk janë vetëm autostradat në drejtim të Gjeorgjias, Karolinën e Veriut duke rënë më poshtë deri në pjesën kur hynë në Florida, por edhe nga verilindja në Boston dhe Detroit.

Autoritetet njoftuan se më shumë se 97 milionë amerikanë në më shumë se 20 shtete janë përfshirë nga të ftohti i madh – Shtresa e akullit dhe bora e rënë ditë më parë dhe e ngrirë, e cila goditi më shumë veriun dhe juglindjen të mërkurën dhe sot ajo po godet sot deri në brigjet në verilindje të SHBA . Stuhia është e shoqëruar me një të ftohtë polar, disa gradë nën zero – minus 10 dhe 15 gradë celcius . Një i ftohëtë ky i paparë në 4-5 dekadat e fundit thanë autoritet amerikane, që sipas tyre tashmë kan lënë në “terrë” pa energji elektrike, gati gjysmë milionë amerikanë, shtëpi dhe bizneset e tyre .

Autoritet amerikane thonë se të paktën deri tash kan mbetur të vdekur 11 vetë    Në New York, edhe pse nuk është aq e keqe sa në verilindje të SHBA, ndalim trafiku ka pasur në disa zona malore , atje trafiku bllokoi qindra automjete, ndërsa në qytet janë regjistruar aksidente të vogla me makina .    Në North Carolina Governatori i saj Pat McCrory, shpalli dje gjendjen emergjente, duke u kërkuar qytetarëve që të qëndrojnë jashtë e rrugëve , duke përforcuar paralajmërimin , dhe thënë: ” Qëndroni në shtëpi në këtë ditë dhe në këtë kohë kaq të keqe, deri në përmisimin e saj . ”    Unë ju bëjë thirrje tha ai :”Mos dilni në rrugë me automjete që të vëni veten në rrezik , familjet tuaja në rrezik, apo njerëzit që merren me operacionet emergjente, ” tha ai . Mbasi North Carolina Qendrore ishte një nga zonat e prekura më rëndë nga kjo stuhi . Dëbora dhe akulli i kan bërë rrugët kryesore të këtij shteti të pakalueshme, aq sa edhe ushtria amerikane ka dërguar dje 4 automjete të rënda për pastrimin e dëborës dhe makina të tjera blinduara dhe me zingjirë, për të ndihmuar dhjetra automjete të shoferëve bllokuar nga stuhia .
Shkollat, spitalet, dyqanet, dhe zyrat shtetrore të qendrave të banuara në këto zonë të Georigias, janë të mbyllyra, shkruan shtypi vendas, duke shtuar se ” në qendër të qytetit – duket sikur të jet një qytet fantazmë” .     ” Shqetësimi ynë më i madh është se njerëzit vazhdojnë të mos marrin parasysh paralajmërimet e agjencive të emergjencës dhe kompanive të energjisë të qëndrojnë në shtëpi dhe të evitojnë daljen me makina në rrugë, veçanërisht në rrugët malore , ” tha Guvernatori i Gjeorgjias Nathan Deal .Shtypi njofton se pemë dhe shtyllat e linjave të energjisë elektrike janë të mbuluar me akull disa prej tyre nën peshën e rëndë janë rrëzuar . Disa lagje sot në mëngjes u gdhinë pa drita. Georgia, është duke zbatuar gjendjen e emergjencave, dhe ka rekrutuar 2.000 punëtor të shërbimeve të energjisë elektrike si përforcime për të plotësuar kërkesën për thirrje emergjente .    Kurse, metereologet kanë parashikuar se trashësia e akullit në këto zona mund të arrijë në një feet në liqen dhe lumenjë . Eric Fisher , meteorolog kryesor në stacionin CBS-WBZ në Boston , tha se stuhia ishte sot heret, duke u drejtuar drejtë Bregdetit Lindor, ku sipas tij ” miliona amerikanë janë sigurisht ndjerë ndikimin e kësaj stuhie të dimrit ,” .    Ai tha se :”Bora dhe akulli do të rritet duke rënë sot nga enjtja në mëngjes, dhe gjatë ditës në Uashington, DC , New York, New Jersey, Boston, Virginia e Karolinën e Veriut”. Në Boston , reshjet e dëborës do të kthehen në shi të ngrirë , por bora do të vazhdojë të bjerë në pjesën veriore të New England”. Metereologët, gjithashtu kan parashikuar sot se do të bjerë 6 në 12 inç dëborë për disa zona në Nju Jork , Filadelfia dhe Uashington . Por në periferi dhe në perëndim të këtyre qyteteve trashësia e akullit mund të arrijë në një feet – më shumë se një këmbë me akull në lumenjët dhe liqenet për rreth qyteteve . Në jug , bora dhe akulli do të qendrojnë rreth e rrotull për një kohë të gjatë, pasi që nuk është parashihet kalimi i ndonjë rryme të ngrohtë këtë fund jave- në parashikimin e menjëhershëm të motit . Duhet të ketë një shkrirje të akullit dhe dëborës vetëm të premten , në qytetin e New Yorkut dhe disa zona në qendrore në New Jersey, mbasi temperatura do të ngrihet deri në 40 degree, dhe kështu temperatura do të vazhdojë të jetë nën mesataren edhe të shtunën .   Në Karolinën e Jugut dhe të Veriut , sot u aktivizuan për shbllokimin e situatës edhe trupat e Gardës Kombëtare të cilat së bashku me punonjësit e pastrimit të autostradave , ishin të gatshëm për t’iu përgjigjur situatave që po krijohen .
Deri sot në mëngjes shumë rrugë janë të mbuluara me dëborë dhe akull dhe vargu i makinave i kalon dy tre kilometra në disa zona malore, sidomos në shtetet verilindore të SHBA . Ku sipas njoftimeve më të fundit vetëm gjatë natës, mbrëmë ka pasur të paktën 140 aksidente , dhe tre vetë vdiqën nga këto aksidente, duke e çuar në 11 të vdekur . Shtypi njofton se zyrtarët gjithashtu ishin duke u përpjekur për të mbajtur në funksionim, rrugët dytësore dhe duke u përpjekur për të rivendosur energjinë elektrike, për të paktën 20.000 njerëz në qendër të Karolinës së Jugut .     Në të gjithë territorin e SHBA thanë autoritet prej mbrëmë jan anulluar mijëra fluturime të aeroplanëve të linjave të udhtarëve dhe biznesve. Vetëm dje thonë se janë anuluar më shumë se 3,300 fluturime dhe janë paraljmëruar për sot për t’u anuluar gjatë ditës më shumë se 3,400 fluturime të tjera nga 50.000 deri 55.000 fluturime me aeroplanët komerciale dhe private, që zakonishtë kanë linjat e përditshme në hapësirën ajrore të SHBA .   Në qendërën e komandës së Administratës Federale të Aviacionit fluturimet më së shumti janë anulluar në Washington, DC ,në Charlotte , North Carolina, dhe në Atlanta – Georgia . E gjithë kjo gjendje me motin e ligë që ka përfshirë 1/3 e territorit të SHBA të cilat janë mbuluara tërsishtë në akull dhe dëborë, sipas Entiti Kombëtar të Motit mund të ndryshojë vetëm me zhvillimet e papritura të motit, që do të nisin qysh nesër e premte 14 shkurt në disa shtete por jo nëtë gjithë territorin e mbuluar nga dëbora dhe akulli.

SHBA, të angazhuara për integrimin evropian të Ballkanit

February 4, 2014 by dgreca

Nga Keida KOSTRECI/ VOA/

Pas vitesh investimi dhe angazhimi nga Perëndimi, Ballkani Perëndimor ka arritur sukses të konsiderueshëm. Por disa sfida mbeten ende të pazgjidhura. Në një diskutim në Fakultetin për Studime të Avancuara Ndërkombëtare të Universitetit Johns Hopkins në Uashington, pjesëmarrërist shprehën mbështetje për integrimin Euro-Atlantik të rajonit, ndërkohë që u bënë thirrje vendeve të Ballkanit Perëndimor që të vazhdojnë reformat, dhe të lënë pas tensionet ndëretnike.
Pikëpamja zyrtare e Shteteve të Bashkuara është se vendet e Ballkanit Perendimor kanë arsye të jenë krenare – me anëtarësimin e Kroacisë në Bashkimin Evropian, marrëveshjet mes Kosovës dhe Serbisë dhe tranzicionin paqësor të pushtetit në Shqipëri. Jonathan Moore është drejtor i Marrëdhënieve për Evropën Qëndrore dhe Jugore në Departamentin amerikan të Shtetit.
“Objektivi kryesor i Shteteve të Bashkuara për rajonin është integrimi i tij Euro-Atlantik. Siç kanë thënë shumë administrata amerikane qofshin – demokrate apo republikane – ne duam një Evropë të bashkuar, të lirë dhe në paqe – ky është fokusi ynë.”
Por zoti Moore tha gjithashtu se vendet e rajonit duhet të përpiqen të zbusin tensionet etnike dhe kombëtare, të luftojnë korrupsionin dhe të përpiqen për reforma ekonomike, të shtojnë sigurinë dhe sundimin e ligjit.
Korrupsioni dhe konsolidimi i shtetit ligjor ishin çështje që u përmendën edhe nga Sekretari amerikan i Shtetit John Kerry në konferencën për sigurinë në Mynih të Gjermanisë javën e kaluar, ndërsa ai foli për “një prirje shqetësuese në shumë pjesë të Evropën Qendrore dhe Lindore, si edhe në Ballkan.
“Aspiratat e qytetarëve po merren nëpër këmbë nga korrupsioni, interesat oligarkike, interesat që përdorin para për të shtypur opozitën politike dhe zërat ndryshe, për të blerë politikanët dhe organet e medias dhe për të dobësuar pavarësinë e gjyqësorit dhe të drejtat e organizatave joqeveritare”, tha zoti Kerry.
Ai theksoi rëndësinë e lidhjeve të Shteteve të Bashkuara dhe Evropës dhe tha se këto lidhje janë forcuar që nga rënia e Murit të Berlinit, kur filloi zgjerimi i NATO-s dhe në 10 vjetët, kur BE-ja filloi të zgjerohej përsëri. Dhe zoti Moore thotë se Amerika është e angazhuar që rajoni të jetë pjesë e këtyre organizatave.
“Ne jemi të angazhuar, të vendosur dhe të interesuar në një të ardhme në BE për të gjitha këto vende, dhe nëse duan edhe në NATO. Ky ka qenë qëndrimi i Shteteve të Bashkuara për vite dhe ky vazhdon të jetë qëndrimi ynë.”
Angazhimi nga jashtë është shumë i rëndësishëm thotë Edward Joseph, me Qendrën për Marrëdhëniet Transatlantike.
“Nuk ka pasur shumë raste në rajon ku problemet e vështira janë zgjidhur natyrshëm përmes shoqërisë civile apo procesit politik. Në pëgjithësi është dadhur ndërhyrja nga jashtë, një katalizator nga jashtë, që do të thotë Shtetet e Bashkuara dhe aleatët tanë evropianë.”
Zoti Joseph thotë se angazhimi i jashtëm pothuajse gjithmonë ka ardhur kur ka pasur kriza – duke cituar si shembull suksesin e bisedimeve që krijuan rrugën për normalizimin e marrëdhënieve mes Kosovës dhe Serbisë – një rezultat i diplomacisë intensive nga ana e Shteteve të Bashkuara dhe BE-së.
Të dy panelistët, Moore dhe Joseph ishin të një mendjeje se Maqedonia dhe Bosnja janë dy përjashtime përsa i përket arritjeve. Maqedonia ka pengesë për anëtarësim në NATO mosmarrëveshjet me Greqinë për emrin. Dhe Bosnja vazhdon të ketë fërkime etnike.
Zoti Joseph tha se magneti tërheqës i BE-së nuk ka funksionuar për Bosnjen për shkak se Marrëveshja e Paqes e Dejtonit, e cila i tha fund luftës, nuk po funksionon.
“Sipas mendimit tim është një patologji, një problem strukturor dhe ne e dimë se origjina e tij është tek formulimi i marrëveshjes së Dejtonit. Prandaj në librin e Richard Holbrook-ut (“To End a War”) flitej për përfundimin e luftës dhe jo për ndërtimin e një shteti.”
Zyrtari Moore i Departamentit të Shtetit është dakort se Bosnja është shumë e komplikuar për shkak të marrëshjes së Dejtonit e cila i dha fund luftës por e la Bosnjen të ndarë etnikisht. “Pyetja e vërtetë është: a mund ta shpërbësh strukturën e Dejtonit dhe përgjigja jonë e prerë është Jo, nuk mundesh.”
Shumë nga vendet e Ballkanit mbajnë zgjedhje në vitin 2014. Por ende nuk është e qartë se çfarë përparimi do të shënojnë ato drejt demokracisë së plotë dhe integrimit në BE.

SHBA : Aeroplani me 35 udhëtarë rrëshqet dhe del nga pista në New York

January 5, 2014 by dgreca

Ndërpriten përkohësisht të gjitha fluturimet në aeroportin ndërkombëtare të New Yorkut, JFK.Shërbimi pritet të rifillojnë rreth orës 11:30, e cila ka të ngjarë të shkaktojnë vonesa për pjesën tjetër të ditës dhe ndryshim oraresh të disa linjave/

Nga BEQIR SINA, New York/

NEW YORK CITY : Aeroporti ndërkombëtar i New Yorkut JFK, është mbyllur përkohësisht këtë mëngjes, pasi një avion rrëshqitijashtë duke dalë jashtë piste për shkak si thuhet nga shtypi lokal të akullit, borës dhe nji shiu të imt të ngrirë.

Televizioni lokal NY1 tha se Aeroplani i vogël që mbante 35 njerëz përfshirë ekuipazhin mendohet se bëri nji ulje në mënyrë të sigurtë – por mbasi përshkroi disa mile në pistë rrëshkiti menjëherë duke ndryshuar drejtim e përfunduar në një grumbull bore të mbledhur jashtë piste.

Nuk u raportuan viktima nga përplasja me grumbullin e borës të aeroplanit të aerokompanisë Delta Connection 4100, i cili u ul në 8:00 të mëngjesit, tha zëdhënësja e Administratës Federale të Aviacionit Kathleen Bergen e cila shtoi se Avioni është i tipit CRJ2 dhe plotësonte të gjitha kushtet teknike të fluturimit , tha ajo .
Autoriteti Portual i New York dhe New Jersey , me të cilin operon kjo kompani në këtë aeroport , tha se 35 njerëz ishin në bord të avionit, dhe fatmirësisht asnjeri prej tyre nuk është i lënduar .
Aeroporti është pezulluar përkohësisht nga operacionet për fluturime vendore dhe ndërkombëtare për shkak të ndalesës dhe se ekipet e pastrimit të pistës kan filluar larjen me ujë të pistës për të evituar rrëshkitjet e aeroplanëve.

Shërbimi pritet të rifillojnë rreth orës 11:30, e cila ka të ngjarë të shkaktojnë vonesa për pjesën tjetër të ditës dhe ndryshim oraresh të disa linjave.
Autoriteti Portual rekomandon udhëtarët të kontaktojnë me informacionin për kontrolluar linjë ajrore të tyre para se të nisen për në aeroport. Kjo duket të jetë një disponim i përgjithshëm i pasagjerëve edhe në aeroport deri në orën 11;30 të mesdrekës

Megjithatë, fluturimet janë duke vepruar normalisht në aeroporte të tjera në zonën e qytetit të New Yorkut – , duke përfshirë aeroportin tjetër në LaGuardia dhe në New Jersey Newark Liberty , tha Autoriteti Portual .
Ndërkaq si shkak i një stuhie të fortë që ka përfshirë Shtetet e Bashkuara të Amerikës dhe Kanadanë sot temperaturat e ajrit janë ulur së tepërmi, dhe pritet një ulje edhe më drastike, ditët e fillim javës.

Sipas ekspertëve, kolona e mërkurit mund të zbresë deri në -34 gradë Celcius, në orët në vijim, gjë që do të çojë në një temperaturë të përgjithshme mesatare nga 23 në 29 gradë Celcius, nën zero.

SHBA: Christie, dhe Cuomo kanë shpallë gjendjen e jashtëzakonshme

January 3, 2014 by dgreca

New Yorku, po përgatitet për gjendjen e jashtëzakonëshme, masa janë marrë në të gjithë qytetin në pritje të stuhisë së fortë që po vjen/

NGA BEQIR SINA, New York City/

TRENTON New Jersey: – Goverantori i shtetit Chris Christie, ka shpallur gjendjen e jashtëzakonshme në shetin e New Jerseyt, në pritje të borës që mendohet se do të bjerë sonte dhe nesër .
Deklarata e governatorit, gjithashtu, urdhëron që të mbyllen të gjitha zyrat, spitalet, shkollat dhe instucionet e tjera shtetërore të premten gjatë gjithë ditës .
” Ndryshimi i menjëhershëm i kushteve të motit gjatë ditëve të ardhshme do të “prodhojnë” një shumëllojshmëri të kushteve të rrezikshme të udhëtimit në të gjithë shtetin , ” tha Christie . ” Unë e kam autorizuar zyrtarët e shtetit që të marrin të gjitha masat e nevojshme përpara stuhisë , dhe Administrata ime do të vazhdojnë të punojnë në kushtet monitoruese në të gjithë pjesën që pritet të preket prej stuhisë . ”
Stuhia, sipas Entit Shtetror të Motit pritet të sjellë diku 10 inç në disa zona , dhe do të sjellë erërat të forta me më shumë se 30 mph në orë dhe temperatura shumë të ulëta .
Urdhri i Emergjencës bën thirrje për të gjitha drejtorit e shtetit që merren me menaxhimin e emergjencave për të bashkërenduar përpjekjet e tyre në përgjigje të situatës që pritet të vijë, pra bëhet fjalë për një kordinim të detyrave në mes të qarqeve , komunave dhe agjencive të tjera qeveritare .
Policia e Shtetit, ka bërë thirrje nëpërmjet televizioneve , radiove dhe gazetave të përditëshme, duke kërkuar nga qytetarët që të udhëtojnë me kujdes gjatë stuhisë, dhe në rast se nuk e kan shumë të nevojshme për të dalë, në rrugë të rrinë në shtëpi, të paktën këto dy – ditë .
” Kushtet e motit sonte natën dhe nesër në mëngjes do të jenë mjaft të vështira , ” tha koloneli Rick Fuentes ,inspektor i Policisë së Shtetit dhe drejtori i Zyrës shtetëror të Menaxhimit të Emergjencave . ” Ne po kërkojmë nga banorët New Jerseyt, që të qëndrojnë të informuar në lidhje me kushtet e Motit, dhe po u tregojmë planet tona të gatishmërisë , duke u bërë thirrje qyteatrëve, që të tregojnë kujdes ose të lajmërojnë emergjencën për anëtarët e familjes dhe miqtë e tyre që janë të moshuar , ose me aftësi të kufizuara apo të izoluar nga të ftohti” tha Fuentes.
Të njëjtën thirrje bëri sot në konfrencë shtypi me Policinë e Shtetit, edhe Guvertantori i Shtetit të New Jersey, Christ Christie duke bërë thirrje njerëzve që të qëndrojnë në ambiente të mbyllura gjatë stuhisë, të evitojnë lëvizjet e panevojshme me automjete, nëpër rrrugët e New Jerseyt dhe të qendrojnë në shtëpi .
” Unë inkurajoj të gjitha Jerseyanët për të mos dalur jashtë nëse është e mundur në mënyrë që të jenë sa më të sigurtë, në përgjigje të situatës së jashtëzakonshme , ” tha guvernatori i New Jerseyt Christ Christie .

Edhe, New Yorku po përgatitet për gjendjen e jashtëzakonëshme,

Edhe Kryetari i ri i Bashkisë së New Yorkut, Bill de Blasio, tha se do të presë deri në mëngjes herët pasi të afrohet stuhia e parë e dimrit 2014 që ka për të goditur qytetin – për të njoftuar nëse po apo jo ai do të jap urdhër të mbyllen të gjitha shkollat dhe institucionet shtetrore të premten .
Megjithatë, tha de Blasio, qyteti po përgatitet për 5 deri në 9 inç, dëborë në pesë prej njësive bashkiake dhe se Departamenti i Mirëmbajtjes së Qytetit, po merr masa për zhbollikimin e kanalizimeve. Janë vënë në punë deri tani 450 makina hedhësa të kripës nëpër rrugët e qytetit dhe 1700 kamionë për të pastruar dëborën , tha kryetari Bill de Blasio në një konferencë për shtyp pasdite .
” Për shkak se ne jemi duke folur për rreth 1.1 milion fëmijë të shkollave në qytet- plus dhe të gjitha familjet e punonjësve , ne duhet të sigurohemi për masat që duhen marrë qysh tani , ” tha kryetari i Bashkisë së New Yorkut, gjatë një konference për shtyp gjatë mbrëmjes, së sotme në Zyrën e Menaxhimit të Emergjencave . ” Deri tani , ne thjesht nuk e dim sa të mjaftueshme janë mast për të marrë një vendim të prerë . Ne duhet të shohim se si do të kaloi situata . ”
Ndërkohë , edhe agjencitë e tjera të qytetit kan marrë masat e duhura, ato të transportiti të udhëtarve, kan planifikuara për nesër për të pakësuar shërbimet e tyre gjatë stuhisë në disa linja hekuruodhore dhe ato të autobusave urban në qytet.
MTA njoftoi se metroja nuk do të punojë në disa linja gjatë natës deri në orën 5:45 të mëngjesit të nesërm.
Trenat do të vazhdojnë të lëvizin , tha MTA , por në nivel lokal në linjat e të nëndheshme, të cilat janë të mbrojtur nga bora pra kryesishtë në Manhattan e për rreth tij në të pesë njësit bashkiake .
Metro- North, thanë ata do të zvogëlojë shërbimin pas orës 08:00 të mbrëmjes sot, por do të ofrojnë shërbim për orë të tëra në të gjitha tre linjar kryesore .
Qyteti ka pezulluar anën alternative të parkimit në rrugë , dhe u zotua për të mbajtur shkollat publike të hapur për aq kohë sa të jetë e mundur .
Sipas Shërbimit Kombëtar të Motit , qyteti po përballet me një stuhi të fortë, erë dhe borë -5 deri në -9 inç në mes natën e enjte dhe të premten .
Kryetari i Bashkisë, de Blasio tha se ai e kishte shqyrtuar planet e përgatitjes të qytetit për Situatë Emergjente me komisionerin Doherty, dhe ka shtuar përpjekjet për heqjen e borës nga rrugët kryesore, duke u fokusuar së pari në vevojat e domosdoshme të komunitetit, si në Rockaway dhe në Queens .
Goveranatori i New Yorkut Andrew Cuomo, tha se ka vënë të gjitha agjencitë shtetërore, në gjendjen e gadishmërisë në mënyrë të që ti dali përpara situatave të emergjencës dhe urdhëroi mbylljen e autostradës Statet Thruway New York , dhe I- 84 si dhe Long Island Expressway nga mesnata deri në orën 5:00 të mëngjesit të ditës së premte.