Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Archives for August 2013

Romët, reagon bashkia e Tiranes: Po përdoret politikisht, “Lobistët” vodhën paratë e tyre

by

Pas thirrjeve dhe protestave gati të përditshme të romëve dhe shqetësimit të ngritur më herët nga diplomatë dhe insitucioni i Avokatit të Popullit, ka reaguar për herë të parë Bashkia e Tiranës.

Me anë të një deklarate për mediat, ky institucion thotë se komuniteti rom është përdorur politikisht nga paritë politike dhe qarqet e lidhura me të ku janë përfituar miliona euro në emër të romëve dhe paratë kanë mbushur llogaritë bankare të disa prej personave të implikuar në këtë çështje.

Bashkia thotë se me 3 milion Euro të Bashkimit Europian, mund të ishin ndërtuar 60 apartamente, por në fakt nuk ka ndodhur kështu. Pasi shpreh keqardhjen, ky insitucion thotë se në bashkëpunim me Delegacionin e Bashkimit Evropian ka gati projektin për rehabilitimin dhe rikualifikimin urban të dy blloqeve në njësinë bashkiake  nr.4 dhe 8. Në këtë zonë të populluar më së shumti nga banorë të komunitetit rom dhe egjiptian, krahas ndërhyrjes tërësore në përmirësimin e  infrastrukturës, do të ndërtohet një shkollë dhe banesa sociale. Kjo është një nismë e qëndrueshme, me anë të së cilës Bashkia do të ofrojë arsimimin dhe strehimin për këtë komunitet.

Në fakt kjo është zgjidhja e parë dhe më afatëgjatë që jep ky insitcion. Por si banues në qytetin e Tiranës, romët duhet të regjistohen si të pastrehë për të përfituar banesa sociale. Referuar të dhënave, bashkia thotë se numri i tyre në këtë rast është i paktë, sepse shumica e këtij komuniteti nuk plotëson dot dokumentacionin dhe kriterin për të përfituar banesa apo kredi sociale.

Gjithashtu, për herë të parë, Bashkia e Tiranës, vendosi që në përbërje të Komisionit të Strehimit, të ketë një përfaqësues nga Shoqata e Romëve për Integrim dhe Kundër Trafikimit të Fëmijëve. Në këtë mënyrë trajton kërkesat e komunitetit rom dhe egjiptian me bonus strehimi dhe përfitimin e kredive me interesa të buta për strehim.

Reagimi vjen pasi situatat e dëbimit të familjeve të këtij komuniteti nga troje ku kanë jetuar për dekada me rradhë janë të shpeshta. Rasti më i fundit është ai i 37 familjeve rome të përzëna nga trualli afër pallatiti me shigjeta për të cilët nuk kishte asnjë rrugëzgjidhje mes familjarëve romë e Ministrisë së punës.

 

Endrra mbushi 50 vjet

by

Shtetet e Bashkuara kujtojnë 50 vjetorin e fjalimit legjendar “Unë kam një ëndërr” të aktivistit Martin Luther King.
Fjalimi i vitit 1963, në të cilin predikuesi afrikano-amerikan, Martin Luter King, e artikuloi vizionin e tij të vendit të liruar nga padrejtësia raciale, ishte moment vendimtar në lëvizjen për të drejtat civile në Shtetet e Bashkuara. Fjalimi konsiderohet si thirrja më ndikuese për drejtësi shoqërore në histori.
“E kam një ëndërr që një ditë, ky vend do të ngrihet dhe jetoj kuptimin e vërtetë të kredos së tij – ne i mbajmë këto të vërteta që të jetë të vetëkuptueshme: që të gjithë njerëzit janë të krijuar të barabartë – e kam një ëndërr që një ditë në kodrat e kuqe të Gjeorgjisë, bijtë e ish-skllevërve dhe bijtë e ish-pronarëve të skllevërve, do të jenë të aftë të ulen së bashku në tryezën e vëllazërisë”, pat thënë Martin Luther King, atëherë 34 vjeçar.
Ky fjalim, po ashtu, i ka inspiruar shumë breza të aktivistëve në mbarë botën për të ndërmarrë rezistencë të pa dhunshme, siç ka kërkuar Kingu, që “forca fizike të kundërshtohet me forcën e shpirtit”.
Më vonë është zbuluar se Martin Luther Kingu ishte shmangur tekstit të përgatitur për ta paraqitur vizionin e tij legjendar.
“E kam një ëndërr që katër fëmijët e mij të vegjël, një ditë do të jetojnë në shtet ku ata nuk do të vlerësohen nga ngjyra e lëkurës së tyre, por nga përmbajtja e karakterit të tyre. E kam një ëndërr sot”, pat thënë Martin Luther King.
Fjalimi shumë i njohur i Kingut ishte bërë në mbyllje të “Marshit në Uashington për Punë dhe Liri”, në të cilin patën marrë pjesë 250 mijë vetë në kryeqytetin e Shteteve të Bashkuara, ku ndonjëherë ndodhnin beteja të përgjakshme për të drejtat civile.
Kjo ngjarje më 28 gusht të vitit 1963, e ka mundësuar kalimin e legjislacionit madhor për të drejtat civile dhe votuese, gjatë viteve të ardhshme.
Organizuesit e marshimit të sotëm thonë se qëllimi është që të përkujtohet e kaluara, por edhe të kërkohet progres në padrejtësitë shoqërore aktuale, siç janë pabarazia raciale që vazhdon, reforma imigruese dhe të drejtat homoseksuale.
Në një marsh të mbajtur më datën 24 të këtij muaji në Uashington, para përkujtimit zyrtar të 28 gushtit, po ashtu është theksuar mbështetja për këto dhe për çështje të tjera.
Eleanor Holmes Norton, aktiviste e cila kishte marrë pjesë në marshin e vitit 1963, tash është e dërguar e Uashingtonit DC-së, në Dhomën Përfaqësuese të Kongresit të Shteteve të Bashkuara.
Ja se çka i deklaroi ajo Zërit të Amerikës lidhur me marshimin e atëhershëm.
“Lëvizja mbetet e rëndësishme pasi është zhvilluar për t’i plotësuar nevojat ditore,dhe nevojat ditore të afrikano-amerikanëve janë arritja e paritetit relativ me amerikanët e tjerë. Ne nuk jemi as afër kësaj. Ne jemi më tepër së bashku si rezultat i punës së lëvizjes për të drejtat civile, të doktor Kingut dhe të tjerëve, por shkaqet që lëvizjet për të drejtat civile ende kanë rezonancë të tillë në mesin e popullit amerikanë janë për shkak të distancës që ende ka mbetur, e jo distanca prej nga kemi ardhur”, tha Eleanor Holmes Norton.
Derisa afrikano-amerikanët kanë parë avancime të rëndësishme në arsim dhe forcë politike, papunësia e tyre në Shtetet e Bashkuara është afro sa gjysma e të bardhëve, pra e njëjtë me atë që ishte para 50 vitesh.
Studimet tregojnë se pjesërisht fajtor për këtë dallim është diskriminimi.
Një hulumtim aktual i opinionit nga Pew Research Center, ka gjetur se pothuajse gjysma e të anketuarve besojnë se “shumë më tepër” duhet të bëhet për të arritur shoqëri të lirë nga racizmi.
Më vonë gjatë ditës, pritet të flasë edhe presidenti amerikan, Barack Obama.
Këmbanat në gjithë Amerikën do të bien në orën 21 sipas kohës së Evropës së Mesme, meqë Kingu në fund të fjalimit të tij ka bërë thirrje që “të lejojmë të kumbojë liria”.
Martin Luter Kingu, që ishte edhe fitues i Çmimit Nobel për Paqe, u vra më 4 prill të vitit 1968 në Memfis të shtetit Tenesi, në moshën 39 vjeçare

“Kam një ëndërr”: Vizionet e së ardhmes të frymëzuara nga Martin Luther Kingu

Më 28 gusht të vitit 1963, rreth 250,000 njerëz janë mbledhur në Uashington, duke bërë thirrje për punë, drejtësi sociale dhe të drejta të barabarta.
Në Memorialin Lincoln, ata kanë dëgjuar fjalimin e ikonës së të drejtave civile, Martin Luther King, i cili imagjinonte një ditë kur njerëzit nuk do të gjykoheshin për nga ngjyra e lëkurës, por nga përmbajtja e karakterit të tyre.
Për të shënuar 50 vjet të fjalimit legjendar “I have a dream”, Radio Evropa e Lirë ka pyetur disa aktivistë të rajoneve që mbulon se çfarë ëndrrash kanë për të ardhmen e vendeve të tyre.
Shirin Ebadi, Iran
Shirin Ebadi, 66 vjeçe, është avokate iraniane dhe aktiviste për të drejtat e njeriut. Në vitin 2003, ajo është bërë iraniania e parë dhe gruaja e parë myslimane që fiton Çmimin Nobel për Paqe. Lufton shumë për të drejtat e grave dhe ka udhëhequr reformat në Ligjin familjar të Iranit. Ebadi ka jetuar në mërgim qysh në vitin 2009, pas rizgjedhjes së kontestueshme të presidentit Mahmud Ahamdinejad.
“Unë kam një ëndërr. Ëndrra ime është që zemra e njeriut të globalizohet, në atë mënyrë që çdo individ të ndjejë dhimbjen dhe ankthin e tjetrit sikur të ishte dhimbja dhe ankthi i tij”, thotë Ebadi.
Dmitry Makarov, Rusi
Dmitry Makarov, 31 vjeç, është udhëheqës i Lëvizjes për të Drejtat e të Rinjve në Rusi dhe anëtar i Ekipit Ligjor, i cili siguron ndihmë legale për aktivistët rusë. Veprimtaria e tij ka çuar në përfshirjen e ndryshimeve të rëndësishme në legjislacionin rus për marrëdhëniet e policisë me qytetarët. Ai po ashtu ka punuar për të krijuar praktikën e vëzhguesve të pavarur publikë në seancat e qeverisë dhe seancat gjyqësore.
“Do të doja të jetoj në një vend, ku interesat e individit, vlerat e lirisë, drejtësisë dhe dinjitetit janë më të rëndësishme se territori apo çdo interes kombëtar apo shtetëror. Koncepti i të drejtave të njeriut që unë mbështes, nuk ka të bëjë me lumturinë, por me standardet minimale të jetës që u mundësojnë njerëzve të kenë dinjitet dhe liri. Ëndërroj që ky minimum të respektohet në vendin tim”, thotë Makarov.
Anastasia Danilova, Moldavi
Anastasia Danilova, 30 vjeçe, është drejtore ekzekutive e Genderdoc-M, organizatës së vetme joqeveritare në Moldavi, e cila mbështet të drejtat e lesbikeve, homoseksualëve, biseksualëve dhe transseksualëve. E lindur në Rusi, Danilova është zhvendosur në Moldavi në vitin 2004 për të qenë me të dashurën e saj.
“Ëndra e shumë mbrojtësve të të drejtave të njeriut mund të rëduktohet në një ëndërr shumë të thjeshtë, ndoshta banale, por megjithatë madhështore: të drejta të barabarta për të gjithë njerëzit. Si aktiviste e LGBT-së në Moldavi, kjo është ajo që dua të shoh edhe në vendin tim. Do të doja të shoh njerëzit duke respektuar njëri-tjetrin pa marrë parasysh se sa ndryshe janë. Do të doja të shoh respekt të pakushtëzuar nga shteti për të drejtat dhe liritë e të gjithë qytetarëve”, thotë Danilova.

Natasa Kandiq, Serbi

Natasha Kandiq, 67 vjeçe, është aktiviste serbe e të drejtave të njeriut dhe themeluese e Qendrës për të Drejtën Humanitare, e cila bën fushatë për të drejtat e njeriut dhe pajtimin në ish-Jugosllavi. Edhe pse është e diskutueshme në Serbi, ajo ka marrë disa çmime ndërkombëtare për të drejtat.
“Gjithmonë mendoj rreth asaj se si t’i emëroj të gjitha viktimat në luftën e  Jugosllavisë dhe si ta thyej heshtjen në Ballkan për të kaluarën dhe viktimat. Kujtesa ka përfshirë gjithmonë numra dhe jo emra. Është ëndrra ime dhe shpresoj që një ditë, të gjithë ne në ish-Jugosllavi dhe në botë do të dimë emrat e viktimave të krimeve të luftës dhe të luftës”, thotë Kandiq.
Ramazan Bashardost, Afganistan
Ramazan Bashardos, 48 vjeç, është njëri nga mbrojtësit më të njohur të të drejtave të njeriut në Afganistan. Është anëtar i parlamentit dhe ka garuar për president në vitin 2009.
“Ëndrra ime është arritja e drejtësisë politike, sociale, kulturore, etnike dhe ekonomike në Afganistan. Nuk flas për ndarje të pushtetit. Nuk flas për atë se sa ministra janë pashtunë, hazaras, taxhikë ose uzbekë. Ëndrra ime është që çdo qenie njerëzore, çdo afgan, çdo ide dhe çdo besim të njihet”, thotë Bashardost.
Hanaa Edwar, Irak
Hanaa Edwar, 67 vjeçe, është sekretare e përgjithshme e Shoqatës Al-Amal të Irakut dhe bashkëthemeluese e Rrjetit të Grave të Irakut – një organizatë kjo që tubon 80 grupe të grave nga i gjthë vendi. Ajo është po ashtu bashkëthemeluese e Iniciativës Civile për Rujatjen e Kushtetutës.
“Ëndrroj që Iraku të jetë i sigurt, që njerëzit të jetojnë të sigurt, të bëjnë jetë normale si të tjerët. Ëndrroj që njerëzit të kenë marrëdhënie me të tjerët pa frikë dhe hezitim. Ëndrroj që njerëzve t’iu përmbushen ëndrrat për liri, zhvillim, përparim, lumturi – gjë që na ka munguar për dekada. Kjo është ëndrra dhe dëshira jonë”, thotë Edwar.
Hikmet Hajizade, Azerbajxhan
Hikmet Hajizade, 59 vjeç, është analist i njohur politik në Azerbajxhan. Ai është mjek me profesion dhe ish-ambasador i Azerbajxhanit në Rusi.
“Kam disa ëndrra. Por, ëndrra ime kryesore është të pastrohemi nga gënjeshtrat dhe hajnitë. Korrupsioni, gënjeshtrat dhe plaçkitjet janë problemet më të mëdha, me të cilat përbvallet kombi ynë. Këto janë burime të fatkeqësisë sonë”, tjotë Hajizade.(Kortezi_Radio Evropa e Lire)

Majlinda Kelmendi, krenaria e Kombit Shqiptar

by

Majlinda Kemlendi eshte krenaria jone kombetare. Ajo na nderoi serish duke u ngjitur ne podin e arte. Te lumte Majlina, ne jemi prane teje. Ti na bere krenar per emrin shqiptar! Ti i dhe Kosoves shtet te paren medalje te arte!

Majlinda Kelmendi i dha Kosovës medaljen e parë më të vlefshme në konkurrencën e senioreve, në sportin e xhudos, pasi ajo e fitoi medaljen e artë në kategorinë nën 52 kilogram, në Kampionatin Botëror në Brazil.

Xhudistja 22 vjeçare nga Peja, e ka fituar titullin e kampiones, pasi në finale e mundi brazilianen Erika Miranda, në arenën e quajtur “Marakana e vogël”, ku turma priste sukses të xhudistes vendëse.

Kelmendi, që ishte fituese e kampionatit botëror të junioreve në vitin 2009, arriti triumf kundër brazilianes Miranda, në mënyrë efektive.

“Jam me të vërtetë e entuziazmuar me atë që arrita”, tha Majlind Kelmendi, pas triumfit.

 

 

Abaz Kupi, “Qytetar nderi” i Malësisë së Krujës

by

Komuna e Cudhit ne Malesinë e Krujes ka nderuar me titullin “Qytetar Nderi” luftetarin dhe patriotin e njohur Abaz Kupi. Ne kete ceremoni e cila u zhvillua ne nje atmosfere teper modeste, merrnin pjese familjare dhe miq te familjes Kupi, te cilet kane zbuluar edhe pllakaten ne shenje mirenjohje ndaj figures se patriotit te njohur.

Abaz Kupi ka qene nje nga shembelltyrat e rezistences antifashiste njekohesisht dhe komandant me virtyte, ku pikerisht ne kete zone ai ka zhvilluar nja nga betejat me te egra me armiqte, ne te cilen ka arritur te triumfoje.

Titulli i nderit u eshte dorezuar familjareve me motivacionin “per merita te pazevedesueshme te nje patrioti me te cilin nderohet gjithe qyteti i Krujes”. Mbi figuren e Abaz Kupit jane referuar edhe mjaft te pranishem ne kete ceremoni

Berisha paralajmëron Ramën: Po provokon qytetarët, do përballesh me zemërimin

by

Kryeministri Berisha i ka bërë thirrje pasardhësit të tij që do marrë drejtimin e qeverisë së re në shtator të mos provojë shqiptarët lidhur me trashëgiminë historike dhe figurën e Enver Hoxhës se do të përballet me zemërimin e tyre. Duke folur në një nga mbledhjet e tij të fundit si Kryeministër i vendit Berisha e ka shfrytrëzuar pothujase të gjithë minutazhin mediatik për analizimin e konferencës dy ditore të PS “Shqipëria e gjeneratës tjetër”, të cilën nuk nguroi ta etiketojë si dramë e cila si mesazh të vetëm la dështimin.

“Dy ditët e shkuara në Tiranë ka pasur një ngjarje të veçantë. Një konferencë dyditore në të cilën ishte një dramë me dy akte. Dita e parë e kësaj drame u karakterizua nga fakti se kryeministri i ardhshëm, u dëshmoi shqiptarëve si preokupimin e tij madhor, e para të shtinte në dorë të gjithë territorin e vendit, në një kohë kur administrimi i territorit është atribut me Kushtetutë i qeverive vendore. Ky e din që mjalti i mjaltit është 20%, dhe tani ky 20% duhet të shtrohet në të gjithë vendin. Akt i frymëzuar nga periudha e tij si kryetar Bashkie, që e la Tiranën në situatën më dramatike. Kjo përpjekje ka marrë përgjigje përfundimtare nga Gjykata Kushtetuese me vendim të saj në vitin 2006, e cila përcakton se territori është çështje e qeverive vendore. Pjesa më tragjike iste pasioni dhe adhurimi i zotit Rama për Enver Hoxhën. Për shqiptarët ai është një Hitler. Shqiptarët janë të gatshëm të reagojnë në mënyrën më të fuqishme, ndaj çdo provokimi me njeriun më gjakësor. Mos provoko shqiptarët me Enver Hoxhën sepse do të përballesh me zemërimin e tyre më të fuqishëm. Ai ishte një armik i egër i botës së lirë. Unë i kërkoj të jetë shumë i kujdesshëm.”- tha Berisha në fjalën e tij në mbledhjen e qeverisë.

Një tjetër element i rëndësishëm në të cilin u ndal Kryeministri Berisha ishte çështja e territorit, ku sipas tij lidershipi i së majtës dëshmoi qartazi se objektivi kryesor i tij është të shtijë në dorë të gjithë territorin e vendit. Ai e konsideroi të parecedentë vendimin e Ramës për të prishur shtëpitë me leje.

“Revanshi i tij është evident, në këtë revansh ndaj territorit spikat deklarata e tij se do prishen ndërtimet pa leje dhe ne e përgezojmë. Unë personalisht kam pas të parashkikuar ngritjen e policive ndërtimore për prefekturat. Ligji duhet të zbatohet, por nëqoftës se inspektoriati u decentralizua, ne jemi të gatshëm të mbështesim cdo inspektoriat që konform rregullave të mund të imponojë ndërprerjen e ndërtimeve pa leje. Por ne do të kundërshtojmë prekjen e cdo objekti të ndërtuar me leje. Shtëpitë do të prishen sipas kriterit klasor, sipas urrejtjes që ka dyshja Rama- Kokëdhima. Pas kësaj fshihen planet urbanistike. Duhet të anullohet dhe plani i bregdetit, dyshja Rama- Kokëdhima kanë ngulur një kështjellë të tërë. Është detyra juaj si media të shkoni të verifikoni se kush po ndërton në rënë, në zonën ku nuk lejohet ndërtimi. Duhet bërë plani që të përfundojë kështjella” tha më tej ai.

Por ajo që është më shqetësuese sipas Berishës në gjithë këtë histori, është akti i dytë i dramës, diskutimi për ekonominë, që sipas Kryeministrit kabineti i ri qeveritar garanton direkt me injorancën dhe padijen e tij se do ta çojë vendin drejt recesionit.

“Akti i dytë ishte akti më tragjik, sepse aty luhet fati i shumicës së qytetarëve. Akti i dytë paralajmëronte se ky ekip do të zhysë vendin me shpejtësi në recesion, ky është oguri më i zi që sjell kjo qeveri. Ky nuk është Edi Rama, por Edi Drama. Ky reagim imi nuk ka të bëjë absolutisht me një qëndrim personal ndaj tij po me një hall të madh që do përballen shqiptarët me të. Ata rrëzuan gjithë programin e tyre për ekonominë. Ekspertët u thanë se detyra numër një është parandalimi i krizës. Ne edhe një javë do jemi, por u garantoj se një nga gjërat që më bën më krenar është se me këtë ekip ne arritëm të parandalojmë krizën, kjo sdo të thotë se parandaluam vështirësitë tuaja, por kriza, recesioni është i tmerrshëm. Nëse këto 2 muaj kemi bërë përpjekjet më serioze, qëllimi është ai që ka qenë edhe katër vjet më parë, që vendi të mos rrëshqasë në krizë. Piktori u jepte mësim si xhaxhai i tij. Në këto deklarata unë do citoj vetëm disa prej tyre. Shanset e dështimit të këtij ekipi janë të mëdha sepse këta mohojnë gjithcka. Në një kohë kur cdo dokument, ekspert i vërtetë i vendit dhe i huaj thotë se Shqipëria përmes reformave parandaloi krizën. Ku do e nisni, nga do e filloni? Kriza është ndëshkim shumë i madh po të kapë shqiptarët, unë i kuptoj pakënaqësitë e tryre po s’janë asgjë përpara recesionit. Një tjetër ekspert u dha dhe eksperiencën e vendit të tij, Suedisë. U tha rrisni ekonominë, jo taksat. Rritja e taksave i kundërvihjet rritjes së ekonomisë. E treta. Nuk do doja kurrë që qeveria e vendit tim të paraqitej në atë formë. Për investimet, u thanë mos i ulni. Ulje investimesh do të thotë shtyrje drejt krizës. Është e vërtetë që krijon borxhe. Por qeveri pa borxhe nuk ka sot në botë. Haptazi u thanë se duhen rritur investimet. Programi pësoi të njëjtin fat si me ekspertin bullgar që e sollën këtu, e sollën për taksën progresive dhe u tha të kundërtën” theksoi Kryeministri.

Ndërsa e cilësoi si qeverinë më të shtrenjtë që ka njohur vendi, Kryeministri Berisha ftoi edhe njëherë administratën që të vazhdojë punën, në mënyrë që të ruhet stabiliteti makroekonomik.

“Ministri i energjitikës tha se po ikin ekspertët në Kanada. Por ky nuk është problem, merri nga Kanadaja, paguaji. Në Shqipëri si në asnjë vend po ndërtohen hidrocentrale. Ekspertë e huaj bënë një paraqitje shumë të mirë të përparësive, ata që i takova u kërkova haptaz të ndihmojnë qeverinë pasi faturën e paguajnë qytetarët. Këta jo, përkundrazi kanë rroga binjake, u kushtojnë më shumë se të gjithë Ministrat që ka pasur vendi sepse janë binjakë. I jep mandatin atij tjetrit, tani parlamneti na bëhet me 160 deputetë sa i përket rrogave, kjo është matematika e piktorit. Problemi më madhor janë financat. U them shqiptarëve me vendosmërinë më të madhe se sistemi doganor dhe tatimor i vendit pavarësisht nga defektet ka merita shumë të mëdha. Këta kanë ndërmend të mbushin vetëm arkën e tyre dhe koha do ta faktojë më së miri. Këta Ministra do kenë dy rroga. I bëj thirrje adminsitratës të vazhdojë me konseguecë punën që të ruhet stabiliteti makroekonomik, treguesit janë pozitiv, madje më pozitiv se vjet” deklaroi Berisha.

Në përfundim të mbledhjes kryeministri Berisha njoftoi marrjen e një sërë vendimesh të rëndësishme që kanë të bëjnë me institucionet, disa proçedura prokurimesh, dhënien me koncesion të tre hidrocentraleve, projektligjin për urdhërat profesionale  të propozuar nga Ministri i TIK.

“I ftoj socialistët ti kontrollojnë këto konsensione, po demostrojnë një qëndrim kundër cdo interesi kombëtar. Qeveria e tyre mund të kontrollojë çdo akt që mendon se është i parregullt, por sulmi frontal është shenjë e një babëzie që paralajmëron papunësi”.

“Ne s’do kalojmë asnjë dokument për reformën shëndetësore, do t’ia lëmë fushën e hapur për të instaluar shërbimin shëndetësor falas, e merr Beqja në dorë dhe s’dua që dokumentat tonë të bëhen pengesë, ne sjemi për shëndetësi falas. Cfarë  qëndrimi do mbajë deri nesër, atë do ta studiojmë” përfundoi Kryeministri