Archives for March 2014

UKRAINË – NATO dërgon avionë radarë ”Awacs” në Poloni dhe Rumani

March 10, 2014 by dgreca

NATO-ja ka njoftuar sot dërgimin e avionëve radarë ”Awacs” për të zhvilluar misione vëshguese në hapësirën ajrore të Polonisë dhe Rumanisë, në kuadër të krizës në Ukrainë.

Këto fluturime “do të përforcojnë kapacitetet mbikëqyrëse të situatës” së NATO-s dhe dhe “do të zhvillohen specifikisht në këto dy rajone hapësinore të territoreve” të vendeve që cilat janë anëtare të Aleancës Atlantike, theksoi një zyrtar i NATO-s në Bruksel.

HOMAZHE TEK VARREZA E VELLEZERVE DESHMORE BYTYCI NE NEW YORK

March 10, 2014 by dgreca

Nga Halil MULAJ/

Te dielen, me 9 Mars, ne pervjetorin e fillimit te luftes clirimtare te UCK, rwnies heroike te kryekomndantit te UCK Adem Jashari, Konsullata e Përgjithshme e Republikës së Kosovës në Nju Jork dhe Shoqata e veteranëve të Batalionit Atlantiku të UÇK-së, organizuan homazhe tek varrezat e tre dëshmorëve – vëllezërve Bytyqi, ushtar të Batalionit Atlantiku, Ylli, Agron dhe Mehmet Bytyqi, te cilet u vrane mizorisht nga forcat serbe pas perfundimit te luftes.

Me kete rast Ambasadori Bekim Sejdiu dhe kryetari i shoqates Atlantiku, si dhe bashkeluftetaret e Yllit, Agronit dhe Mahmetit dhe familjaret e tyre vune kurore lulesh mbi varret e deshmoreve Bytyqi.

Ne emer te ushtareve te batalionit Atlantiku peshendeti, ish komandanti i UCK, kryetari i shoqates Atlantiku Gani Shehi, ne emer te qeverise se Kosoves, pershendeti konsulli i pergjithshem i Kosoves Ambasador Bekim Sejdiu dhe babai i tre deshmoreve, Ahmet Bytyqi, i cili falenderoj ne emer te familjes

KUR BURRAT SHIKOHEN N’ SY

March 10, 2014 by dgreca

Në 70 vjetorin e permbytjes së Shqipnisë…/ Ne Foto:Prof. Ibrahim RRUGOVA dhe Osman KAZAZI…/

Thonin të vjetrit se: “Zoti, Burrat e mirë i merr ma shpejtë pranë vetës!..”/

Nga Fritz RADOVANI/

Me daten 3 Mars 2014, u bane 15 vjet që Atdhetari Osman Kazazi, u nda prej nesh pergjithmonë, dhe shkoi në Mbretninë Qiellore, mbas 43 vjetesh që kaloi si burrat në ferrin komunist të Shqipnisë enveriste…Osman Abdullah Kazazi ka lé në Tiranë, me daten 9 Korrik 1917 dhe ishte vllau i pesë motrave, që i shikonin sytë e ballit. Studimet e mesme i vazhdoi në Shkoder në Gjimnazin “Illyricum” të Françeskanëve. Ishte nder ma të pergatitunit e asaj shkollë dhe si i tillë, vazhdoi studimet per farmacist në Romë. Mbas tri vjetësh nderpret studimet nga rrethanat e veshtira të luftës atje dhe kthehet pranë familjes në Tiranë. Edukata e marrun nga shkolla Françeskane e Shkodres, Osmanin e rreshton me atdhetarët demokrat që kishin synime republikane, dhe deshira e Tij per një Shqipni të Lirë dhe Republikë Demokratike e angazhon me “Ballin Kombtar Shqiptar”.

Në perpjekjet per Liri, Osmani nuk pajtohet me veprat dhe luften civile, që aso kohe po zhvillonte partia komuniste shqiptare, nen kujdesin e jugosllavëve të ardhun me atë detyrë në Tiranë, që në formimin e saj në 1941. Ato pikpamje i shpreh haptas. Vetem per këte fakt “se nuk pajtohet me luften civile të PKSh” arrestohet me daten 14 Nandor 1944, nga forcat e sigurimit të komunistëve të Tiranës. Asht nder të parët Atdhetarë që dënohet fillimisht me izolim, interrnim dhe burgosje të vazhdueshme per 43 vjet rresht.

Njeriu i heshtun i burgjeve të mnershme komuniste Osman Kazazi, shikohet dhe trajtohet si nxanes besnik i njenes prej shkollave ma Atdhetare po, edhe antikomuniste, ashtusi ishte në të vertetë shkolla e Françeskanëve të Shkodres, per të cilen Osmani pa frikë deklaron në hetuesi: “Nga profesoret e asaj shkollë Etnit Anton Harapi, Çiprian Nikaj, Mati Prennushi etj…mësova me dashtë Atdheun tim, ndersa, nga “Lahuta e Malësisë” që na recitonte At Gjergj Fishta, “mësova se pse unë duhet me vdekë per Atdhé! Ata ishin antifashistë se ishin Atdhetarë Shqiptar, dhe si veten na edukuen né!”

Tue fillue nga burgu i Burrelit, kampi i shfarosjes së Maliqit dhe Bedenit, e derisa asht lirue në vitin 1987, asht e vështirë me percaktue ku i kaloi jeta Osman Kazazit, po vetem një gja asht e sigurtë: “Ishte Burrë i matun dhe i pathyeshem nga vuejtja!”

Me 6 Mars 1998, kur po kalojshe nga Sheshi Avni Rrustemi, në Tiranë, ndigjova se më thirri një za burri, ishte Tanush Mulleti. Më dha një ftesë per dekorimin “Qytetar Nderi i Tiranës së z. Osman Kazazit”…Më kerkoi me folë dishka per atë Burrë! Shkova në shtëpi dhe u përgatita, ndonse, fusha e vuejtjeve të Tij ishte e pakufishme…

Mbasdreke u takuem me Tanushin dhe shkueme tek “Teatri i kukllave” ku ishte organizue ceremonia. Kishte shumë qytetarë të Tiranës, dhe personalitete politike.

Më erdhi koha me u çue per me ba pershndetjen. Gati askush nuk më njihte, dhe nuk besoj se më kujtonte as vetë z. Osman, me të cilin kisha pasë vetem një takim…

Fillova fjalen time: “I nderuem z. Osman Kazazi, i masakruem nga komunistët vetem pse ishe nxanës i Françeskanëve Shqiptar të Shkodres, po, edhe besnik i atyne bankave ku more nektarin e Atdhedashunisë, dhe ndjenjen e vetflijimit per Atdhé e Fé.

… Sot prej zemret po Ju baj urimet e mija në gjuhën e Profesorëve të nderuem të Tuej, të cilët nuk rrnojnë asnjë, po nder 43 vjet vuejtje të Tuat që ke kalue nder burgjet e diktaturës së Enver Hoxhës, Ata ishin udhrrëfyesit Tuej që të forconin dhe të banin ma optimist per me qendrue si Burrat… Filluen duertrokitjet…Nuk kuptova pse? Unë nuk e kisha perfundue fjalen e salla ishte çue në kambë…Duertrokitjet vazhdonin…

Sesi mu dha me shikue nga drejtuesit e tubimit, dhe shoh z. Osman tue fshi lotët me një shami, kishte hjekë gjyslykët dhe vazhdonte me lotue…Nderpreva fjalen dhe iu afrova tek tavolina. U perkul dhe më perqafoi me lot per faqe: “I nderuem z. Radovani, edhe zani yt mu duk si i Atyne Burrave që më edukuene nder bankat e asaj shkollë, ku unë mësova kujt i thonë Nder, Atdhé e Zot!..” I lexova edhe dy rreshtat e fundit dhe në mes turmës që vazhdonte me qendrue në kambë e tue duertrokitë shkova tek vendi.

Njeriu nder ato rasa nuk e sheh veten… Tanushi më tha: “Gja e veçantë!”…

Mbas dy ditësh i shkuem per vizitë bashkë me Tanushin në shtëpi… Një pritje e paharrueshme per mue. U ulëm në një divan, ku me siguri aty asht ulë edhe Burri i Madh i Dardanisë Rrugova… Portreti i qeshun i Osman Kazazit perballë Tij, më futi nder këta mendime. Osmani më foli gjatë per kohen e rinisë së vet në Shkoder…

U ndalue në një episod të trishtueshem të rinisë, kur ishte i pranguem në burgun e Tiranës, me daten 19 Shkurt 1946…dhe tue shkue në WC, roja e len në korridor dhe ai hyn në një magazinë…Ky dëgjon një za: “Osman! Osman!…Jam Pader Antoni!…Osman, a asht kush këtu afer?” – U pergjegja, jo Pader. Nxori një leter të vogel nga xhepi dhe më tha: “Rueje po, mos ta gjejnë kur të kontrollojnë!” E mora, e futa në gjoks…dhe eca tue e shikue mësuesin tim fort të dashtun, Pader Anton Harapin, që ishte i pranguem duer e kambë nen një shkallë, gjithë Ai Burrë nuk dukej ma shumë se një grumbull plaçka të hudhuna në çimento, nuk kishte as shtroje as mbulojë veç një tas alumini pa ujë, i rrethuem në hekra ku nuk mujte kurrë me u ngritë në kambë, se ishte vendi i ultë, ndersa Pader Antoni, ishte i gjatë dhe persa muej qendronte aty gjithmonë i krrusun…

Të nesermen At Anton Harapin e pushkatuen…ishte 20 Shkurt 1946…”

Më tregoi se Osmani e kishte ruejtë letren dy vjet, po kur ka humbë shpresen se lirohet, atë leter ia kishte dhanë një kushrinit të Lef Nosit, që ishte para lirimit. I vinte keq se nuk dinte gja per fatin e asaj leter, mbasi kur asht lirue Osmani, qytetari Nosi nuk jetonte ma prej sa kohe… E koha e pafund e burgut vazhdonte me perpij kujtime!

Osman Kazazi ishte një galeri e pafund ngjarjesh që vetem nderpriteshin kur iu ndalonte zani: “Ishte Burrë i mirë fort…po vdiq në këte kamp…ndersa, i biri nuk deponoi dhe e mbyten nder tortura…Po, me Klerikët Katolik, nuk mund të krahasohet askush… Ndoshta, gaboj, po kam bindje se vuejtjet e Tyne ishin të veçanta në krejt Europen!”

Jam gëzue fort kur mora vesh se Osman Kazazin edhe Vatikani e kishte dekorue me Medaljen e Artë “Joannes Pavlvs PP II”. Ndoshta, per këte arsye i kanë shembë edhe shtëpinë e Tij në Tiranë…ashtusi Luigj Gurakuqit në Shkoder…E tash së fundit po mendojnë me lanë me u shembë edhe shtëpinë ku banonte At Fishta!

Burra si Osman Kazazi nuk kanë nevojë per “shtëpija”…

Ata me vuejtjet e gjakun e Tyne, kanë ndertue Kështjella të Pamposhtuna!

Pavdeksia e Atyne Kështjellave asht vdekja e komunizmit!

Ata Kështjella me Emnat e Tyne të Pavdekshem janë Shqipnia Europjane!

Melbourne, Mars 2014.

A do të bëhet Shtëpia muze e familjes patriotike Vlora?

March 10, 2014 by dgreca

– Shtëpia ku u ngrit flamuri nuk ekziston më/

-Ekziston godina e banesës të Ekrem Vlorës ku u vendos senati(pleqësia)/

Nga Gëzim Llojdia*/

1.Shtëpia ekzistuese e Vlorajve sot pa destinacion/

Shtëpia e Vlorajve ,ajo që ka mbetur nga koha është vetëm 10 m nga sheshi historik i flamurit dhe është pjesë e kompleksit muzeal historik.Ngrehina me dy ka të shk\shënjuar emërtesën;””Monument kulture”.

Shtëpia e Vlorajve që së fundi njihet si shtëpia beut, nuk është në funksionimin e saj as e lidhur me kompleksin muzeal ndonëse ajo është pjesë e saj. Pas marrjes së saj nga pasardhësit e kësaj familje, godina ka parë rikonstruksione por në vetvete i ka munguar qëllimi. Brenda saj nuk ka një muze të kësaj familje të shquar. Interesi i shtetit shqiptar dhe kryesisht MTKRS do të ishte që kjo ndërtesë të kthehej në një muze për Vlorajt. Ndërtesa dy kate ka shërbyer më së shumti si lokal kur koha është që ajo të ketë një funksion tjetër,jo vetëm atë të banimit. Muzeu i Vlorajve do të përbente pjesën më të respektuar të burrave të kësaj familje të shquar. Ajo do të vizitohej sepse është më pranë kompleksit si dhe do të kishte më tepër akses për turistët e vizitorë të cilët do të shikojnë njëherësh monumentin e pavarësisë ,varrin e Ismail Qemalit dhe muzeun e Vlorajve.

Sheshi i Flamurit me monumentin e tij ende nuk kanë atë pamje dhe formë që duhet të kenë objektet muzeale si në të gjithë botën. Sheshi i Flamurit ka edhe godinën e bankës, rrugën “Justin Godart, sahatin, godinën e bashkisë, rrugën e hebrenjve etj .

Nga shtëpitë e fisit të Vlorajve, fis me degët e tij një prej tyre ishte Ismail beu, kanë ekzistuar këto shtëpi :shtëpia e Xhemil Beut, Syrja Beut, Eqrem Vlorës. Tek shtëpia e Xhemilit, është pritur në jetë ardhja e engjëllit shqiptar Ismail Qemali.

2.Të dhënat për plakun e Vlorës

Ismail Qemal Bej Vlora ka lindur ne Vlore me 16 te Vjeshtes se dyte ne yjetin 1844 ne shtepine e Familjes Vlora, Shkruan Sefa Vlora Rome me 6 Maj 1968Vdiq ne Perugia te Italise me 24 Jenar 1919. Me pare u varros nS avllin e teqes se Kanines simbas porosis qe kish lene vete. Me vone me vendimin e qeveris Mbreterore te Shqiperis u varros ne lulishten popullore te qytetit Vlores. Lulishtja se bashku me ndertesat qe kane pase qene aty ishin prona e Familjes tij. Keto prona j’u shiten Bashkis se Vlores ne vitin 1919. Ismail Beu lindi ne godinen e quajtur te Haremeve. Fati i tij dhe i Shqiperis e solli qe te ngrere Flamurin tone kombetar dhe te shpalle pamvaresin e vendit ne pjesen e ndertesave qe quheshin Selamlleket, n’ate kohe pasuria e Xhemil Bej Vlores. Ismail Beu ish bin i Mamut Beut dhe i Zonjes Hedije, bija e Tahir Beut, nga Arsllan Pashallit — Libohova, vezire te Janines.Fisi i tij rrjedh nga Sinan Pasha, varrosur ne Tyrben e posacme ne avllin e Teqes se Kanines, duke pushuar midis varreve te birit tij Sulltan Zade Mehmet Beut dhe Shehut qe vendosi teqen. Sinan Pashai u vra ne perpiekie detare qe u shkaketuan midis flotes Turke dhe anijeve napolitane dhe Raguzaneqe kishin hyre ne 26 Qershor te yjetit 1503 ne limanin e Vlores. Per kete shkak teqeja eshte veshtruar me dashamiresi nga kjo Familje dhe shume pjestar te saj jane varrosur aty. Deri ne yjetin 1944 (mundet ndofta eshte ende dhe sot) ka qene nje derrase ne hyrjen e teqes qe shkruante ne gjuhen turqishte se Ibrahim Pasha Vlora, sanxhak beu (urdheronjesi) i Beratit, kish bere meremetimet e teqes per shpirt te Sinan Pashes, kryegjyshi i Familjes.

Ismail Beu ish i nipi i Ibrahim Pashe Vlores, miku i Napoleonit te Pare thotë Sefa Vlora. Athere ne krye te Frances ish i biri i vellajt te Perandorit, Princi Louis Napoleon.Mbas disa vjeteve qeveria e fali Mahmut Bejne dhe j’a ktheu pasurin, po mjerisht te tere nuk e hodhi dot ne dore. Pasuria qe trashegoi Ismail Beu qe e paket: gjysmert e shtepis, disa dyqane, pake caire ne Vlore dhe ciflikun e seres se Selenices, te cilen j’a shiti Bankes Otomane kur qe ne Stamboll..

3.Ndërtesa ku u ngrit flamuri

Sefa Vlora të cilit u referohemi në këtë shkrim ka shkruar me dorën e tij ,e bardha mbi të zezë: Më pare kjo ndertese sherbente si selamllek (dhomi pritjje) te” nderteses se madhe (haremet) qe ndodheshin fit klltj ihtBpie. Nje mur e ndante oborrin e te dy shtepive. Ne fttill 1919 ndSrtesat j’u shiten Bashkis se Vlores nga pronaret. Nëndertesat te quajtur “Haremet” kish lindur Ismail Qemali dhe djepja e tij u ruajt deri ne mbarimin e shekullit te kaluar. Fati i mbare e i math Ismail Beut se ne ate ndertese ku u lind aty vuri ne jete vepren e tij te madhe historike dheëndërrën shekullore te shqipetareve dhe po ne ate toke me vone u varros dhe pushon ne gjumin e perjeteshme.

Ndërtesa e flamurit është prishur sipas të dhënave në vitin ‘25 dhe u kthye në lulishte. Banesat e familjes Vlora aso kohe emërtoheshin saraje.Këto banesa ,pra sarajet e familjes Vlora ishin të përbëra nga dy godina të mëdha. Godina ku u ngrit flamuri quhej Selamllëku dhe këtë emërtim siç do ta shohim na e sjell në kujtesë,kujtimet e E.Vlorës. Godina e flamurit siç paraqitet nga një foto e cila qarkullon kudo në botime ka gjithashtu një skicë që është ruajtur deri në ditët sotme tregon një godinë të madhe për nga lartësia dhe gjerësia e saj.

Shtëpia ku u ngrit flamuri.Skica që është realizura për ndertesat e familjes Vlora ,banesa e Xhemil bej Vlorës janë dy skica të cilat sjellin ndër mend godinat e mëdha të familjes patriotike Vlora.Godina e parë me dy kate, që quhej selamllëk ishte me dy kate.Gjatësia nga pjesa e rrethuar e murrit shkonte në 165m,kurse gjatësia e ndërtesës së sellamllëkut ishte 70 m.Dritarja ku u ngrit flamuri ka një lartësi 2.75 m.Ndërtesa tjetër quhej harem është ndërtesa ku ka lindur I.Qemali.Krejt ndërtesa ka një gjatësi prej 83 m.Secila ishte e rrethuar dhe kishte nga një port për të hyrë në selamllëk si dhe tek harem sikurse një portë tjetër në perëndimpas banesësë s dytë.Në fotografin e cila është origjinale ku shfaqen tre katet e banesës se harem nga katër siç shqipton më tej E.Vlora .Janë tre katet e banesë historike që u rrafshua diku nga vitit 1925. Edhe këtë vit- shuarje të saj e sjell po ky dëshmitar. Eqrem bej Vlora thotë se :Në hyrjen juglindore të qytetit të Vlorës, në kryqëzimin e shumë rrugëve, që duke zënë fill nga Rruga e Skelës, të çonin në qendër të qytetit, në mes të një parku të madh prej 40.000 metrash katrorë, rrethuar me mure të larta tetë-metërshe dhe me dy porta në të, ka qenë deri në vitin 1925 një ndërtesë e stërmadhe me një tjetër më të vogël përpara. Ai ishte konaku i Vlorajve, përfshi haremin (banesën e grave) dhe selamllëkun (banesën e burrave).Shqyrtojmë selamllëkun ose të njohur si banesën e burrave. Ndërtesa ka pasur tre kate lartësi një numër të madh dhomash korridore dhe ambiente të tjera. Zhbirimi në pamja e parë majtas tregon pozicionin e dritareve të çdo kati .Dritaret e katit të parë janë të gjitha me hark dhe duken rreth 6 copë ndërsa në fakt kanë qenë më tepër por kaq kanë hyrë në fokusin e fotos.Janë dritare të njohura për kohën të vogla të larta por të ngushta duke përfunduar me hark .Në dritaret e katit të dytë majtas janë rreth 7 copë të cilat na shfaqen në disa forma të çrregullta .E para dhe kryesore ku u shpalos flamuri është më madhe se të tjerat është edhe derë .Duke treguar se portën hyrëse për në saraje. Përpara saj shquhen qartazi shkallët,nga lartësia e banesë zbresin duke cekur token.Kati më sipërm duken dritare me forma drejtkëndësh pa hark ,ku shquhen rreth 8 të tilla majtas . Kurse ne krahun e djathtë shquhen tre të tilla të vogla një e madhe po kaq gjenden edhe një kat më poshtë. Kjo është banesa Xhemil BeJ Vlorës.Të gjithë autorët që përshkruajnë ngjarjen madhore të 28 nëntorit mbështesin qëndrimin se delegatët janë mbledhur në shtëpinë e Xhemil bej Vlorës, kushëriri i Ismail Qemalit. Godina e Xhemil bej Vlorës gjendej aty ku është sot monument kushtuar pavarësisë .Shtiza e Flamurit është e ndërtuar ka vendin e lartësimit të flamurit kombëtar .Mendohet se kjo shtizë përkon me dritaren e katit të dytë të selamllëkut ku u ngrit Flamuri, pasditen e 28 nëntorit. Duke ju referuar sërish E. Vlora,.me dëshmi autentike nxjerrim gjysmë fraze ” ku ai shprehet U mblodhëm të gjithë në selamllëk ….Pra te sarajet e Xhemil beut.Kati i dytë,ka 11 dritare dhe vendëhyrjen, në foton origjinale ato shfaqen në formë të çrregullt disa më të mëdha dhe disa më të vogla. Disa përfundojnë me hark dhe disa përfundojnë në formë trekëndëshi.Ndërtesa u shemb në vitin 1925 .A mund të rindërtohet ajo duke ruajtur origjinalitetin,elementët strukturor por në madhësi dhe më e vogël se ekzistuesja?

4.Ndërtesa e senatit(pleqësisë)banesa e Ekrem Vlorës

Si në kujtimet e Ekrem Vlorës por këto të Sefa Vlorës që janë të panjohura në tregojnë një udhë q ëpërshkonte plaku i Vlorës.Ekrem Vlora mbas gati nje muaji ktheu nga Himara ,thotë S.Vlora duke shkuar më tej:Ismail Beu, pas drekes, kalonte nga dera e murit qe ndante oborrin e te dy shtepive dhe vinte te shetiste me Ekremin ne divanhanin e math. Tregonte me mallengjim ngjarjet e te kaluares se familjes dhe te tijt. Keto biseda familjare vetem me te nipin e clodhnin nga lodhjet dhe mundimet qe i epnin ceshtjet e qeverise. Shume here cfaqte deshperimin e tij te math ne lidhje me kufit e padrejta qe i qene caktuar Shqiperise. Thoshte: “Na lane vetem kenetat e Myzeqese”.

U muar vendimi nga qeveria qe te krijohesh senati i pare-i Shqiperise dhe selija u caktua te ish shtepia ku banonte Ekrem Beu. Ay vete u emerue dhe kryetar i senatit. Mbas gati dy muajsh qendrimi ne shtepin e Xhemil Beut, Ismail Qemali vendosi qe qeveria te shkoje ne nje ndertese te shtetit. U zgjoth per kete qellim godina qe quhesh e “Karantines” ne skele te Vlores. Te rinjte do t’a mbajne ment kete ndertese se deri ne vitin 1939 ka sherbyer si Muze e Bashkis se qytetit.Ne seremonin e permoteshme kur ‘i U varros per te paren here ne Kanine as fshatar as qytetar nuk qendroi ne shtepi te tij: tere faqet e maleve dhe brigjeve qe i qendronin gjate udhetimit ishne mbushur me njeres. Ish nje apoteoze madheshtore e popullit te gjithe pa dallim, dhe nje kurore qe ay e fitoi me punen e tij te madhe ne sherbim te vendit tij deri sa dha frymen e fundit. Trasferimi i dyte i trupit tij nga Kanina ne Vlore ne 1932 pati formen zyrtare po dhe kesaj here populli me te math e me te vogel rrodhi vetiu aty ne’ sheshin e liris ne Vlore per t’a nderuar Birin e tij te Math.

5.Koleksioni arkeologjik Vlora

Një koleksion i pasur me objekte arkeologjike ka ekzistuar në banesën e Vlorajve.Sipas Pr.Dr N.Ceka ,Emri vjen nga botimi i pjesës arkeologjike të tij nga L. M. Ugolini ne Albania Antica, I, Roma-Milano, 1927. Ugolini u strehua gjate revolucionit ti! qershorit 1924 ne shtepine e Syrja bej Vlorës dhe birit të tij Ekremit. “…te cilët kërkojnë, blejnë dhe ruajnë me dashuri te madhe objekte arkeologjike, te cilat dalin herepashere nga toka shqiptare. Kështu, ne pallatin e tyre ne Vlore kane krijuar një koleksion te mire arkeologjik, nga i cili këto janë objekte me interesante:” (fig. 111: armatimet dhe siper vazot). Komiku i Bylisit- Koke e Dionisit-mermer. Statuje e një muze, prej mermeri, 80 cm -Koke e Zeusit, mermer, 13 cm.-Koke burri, mermer, 11 cm -Koke gruaje, mermer, 9 cm -Hekata trikokeshe, mermer, 34 cm -Hyjni ujor (Triton), mermer, 32 cm. Skopas. Busti i nje gruaje ilire-Finteia, nga Berati. Gur, 48 cm. Me veshje si vajza e Vlores.Tre pllaka me mbishkrime nga Shkoza, Klosi -Terrakota nga Oriku, si dhe vazo qeramike -Figurina bronzi, 11 dhe 7 cm.Ne kopshtin e kazermes, perballe xhamisë, ishin ekspozuar objekte te gjetura gjate ndërtimit: Diana, kapitele. Ne kopshtin e Bashkise ishte ekspozuar një stele prej guri me relieve ne dy faqe- shek V p. Kr. si dhe kionisku dopio i Teimas dhe Klaudia Seimaka.Vajza e Vlores, gur, 87 cm. Stele e Selenicës me mbishkrimin e prytanit dhe toksarkut.

6.Biblioteka e Vlores ka regjistruar si fond themelor-bibliotekën private të familjes së njohur Vlora

Në mjaftë dokumente të shekullit të 18, përmendet biblioteka e familjes Vlora,Ismail Vlora,Ibrahim Pasha,Mustafa Pashë Vlora,të cilët rreth viteve 1812 kishin në banesat e tyre 5200 ekzemplarë, libra, dorëshkrime. Pas kohës së Mustafa Pashë Vlorës në vitin 1895 nga udhëtarët e huaj vihet në dukje se krahas familjes Vlora. Biblioteka e këtij qyteti detar,në ringritjen e saj në zhegun e verës në 22 gusht 1946,ka regjistruar si fond themelor,bibliotekën private të familjes së njohur Vlora. Kjo pasuri kulturore ishte mbledhur me durim ,ishte gjurmuar si bleta nga diplomati Syrja Vlora dhe intelektuali ,deputeti dhe diplomati Eqrem Bej Vlora. Në vitin 1914 sasia e librave të kësaj biblioteke shënohet aty te 14640 vëllime. Librat ishin në këto gjuhë: latine, arabisht, turqisht,gjermanisht,italisht,greqisht,shqip .Brenda këtij thesari kulturore kishte dorëshkrime të pasura arabe,libra fetare si Bibla, Kurani. Por librat e familjes Vlora ishin të llojit albano-ballkanologjik,gjendeshin aty dorëshkrime, korrespodencë, kur e veçanta ishte korrespodenca me shkrimtarin Duma.Nga fondi tepër i madh i Vlorajve në këtë bibliotekë gjendet albanologjia,fondi i kësaj familje me rreth 2000 libra të rrallë,që përbëjnë fondin e artë të bibliotekës së Vlorës.Flitet, për dy saurela me rimorkio,ata ngarkuan pasurin kulturore të Eqrem beut,kryesisht libra me dstimnacion Jugosllavinë ndërsa zëra të tjerë e hedhin poshtë këtë version.Studiuesi vlonjat, F.Shaska më ka rrëfyer vite më oarë se, biblioteka ishte ndër më të mëdhatë në Ballkan, në dekadat e para të shekullit XX, por, pavarësisht, regjimi komunist i shkatërroi vlerat e saj.“Prej saj u zhdukën vlera të jashtëzakonshme”, sqaron Shaska, sipas të cilit, përveç një numri të jashtëzakonshëm titujsh, në këtë bibliotekë përfshiheshin dokumente të rralla. Mes tyre, një ditar të shënimeve të Hoxhës të fshatit Armen, Sali Efendiut e vitit 1757; shënimet e Hafës Zenel Efendiut nga Armeni, që përkojnë me vitin 1768; përmbledhje e kopjeve të letërkëmbimit të Ismail Pashë Velebishtit me njerëzit më të shquar të Vlorës; letërkëmbimin e Çelo Picarit me Ismail Beun; shënimet historike “Mbi “oxhaqet” e Shqipërisë e Azem Bej Janinës e vitit 1889; dy libra të shtypura në shtypshkronjën e Voskopojës, në vitet 1720-1769 “Gjithçka shkelej me këmbë dhe askush nuk pyeste për ata libra të rrallë që griseshin e shkatërroheshin”, thotë Shaska.Por, mes atyre që ndodheshin gjatë bastisjeve në mjediset e banesës së Vlorajve, që sot njihet me emrin Shtëpia e Beut, kishte edhe nga ata që mendonin se ata libra kishin një vlerë të madhe dhe mund të duheshin një ditë. Ne vitin viti 1974, , banesa e Eqerem beut , shërbeu edhe si bibliotekë dhe shtëpi kulture.

Shërbimet sekrete amerikane justifikojnë mosparashikimin e ngjarjeve në Krime

March 9, 2014 by dgreca

UASHINGTON – Të akuzuar se nuk mundën të parashikonin pushtimin e Krimesë nga forcat ushtarake ruse, shërbimet sekrete amerikane mbrohen duke thënë se u gjendën në befasi, edhe pse garantuan se i kanë dërguar rregullisht paralajmërimet përkatëse pushtetit ekzekutiv.

Rrëzimit nga pushteti të Shahut të Iranit, pushtimit sovjetik në Afganistan, sulmeve të 11 Shtatorit, zhvillimeve të pranverës arabe, disa kongresmenë amerikanë nuk hezitojnë t’i shtojnë pushtimin e Krimesë listës së gjatë të ‘vonesave ose dështimeve’ të shërbimeve sekrete amerikane, pavarësisht 16 agjencive dhe 62 miliardë dollarëve të buxhetit të vitit 2014.
“Kjo ngjarje nuk u arrit të parashikohej nga shërbimet tona sekrete”, u shpreh me ton akuzues senatori republikan John McCain.
”Bëhet fjalë për një dështim masiv si pasojë e keqinterpretimeve të bëra planeve dhe synimeve të Vladimir Putinit”, theksoi ai.
Kryetari i Komisionit të Shërbimeve Sekrete në Dhomën e Përfaqësuesve, republikani Mike Rogers, nga ana tjetër njoftoi se “kishte nisur punën për të zbuluar se cilat pjesë të informacioneve mungonin”.
Kjo manovër sulmi e ka detyruar kreun e shërbimeve sekrete ushtarake (DIA), gjeneralin Michael Flynn, të jetë në linjën e parë të zjarrit për të mbrojtur, përmes një interviste të rrallë për radion NPR, punën e shërbimeve të kryesuara prej tij.
“Gjatë periudhës kohore prej shtate deri në 10 ditë që çuan në praninë e trupave ushtarake ruse në Krime, kemi hartuar raporte solide”, theksoi ai, ku veçoi se ”një paralajmërim strategjik i ishte dërguar ekzekutivit amerikan”.
”Këto paralajmërime janë grumbulluar dhe kanë arritur deri në fazën e parashikimit të një veprimi të shpejte te forcave ruse në rajon”, sipas tij.

Vizion i çmuar dhe i përditësuar

“Ne u kemi paraqitur funksionarëve politikë një paralajmërim strategjik të mirë me qëllim që të marrin vendimet e duhura në hapat e tjerë”, vazhdoi gjenerali Flynn.
CIA mbrohet gjithashtu nga akuzat se ishte në hije për evoluimet e situatës.
“Që me fillimin e paqëndrueshmërisë politike në Ukrainë, CIA ka njoftuar vazhdimisht funksionarët politikë që të kenë një vizion të saktë dhe të përditësuar për krizën në Ukrainë”, deklaroi Todd Ebitz, zëdhënës i agjencisë së zbulimit.
“Këto informacione paralajmëronin edhe për një ndërhyrje të mundshme të ushtrisë ruse në Ukrainë. Të thuash të kundërten do të ishte e gabuar”, theksoi ai.
Sekretari amerikan i Mbrojtjes, Chuck Hagel, ka mbrojtur gjithashtu punën e agjentëve. “Ne ishim të ndërgjegjshëm për kërcënimet”, u mbrojt ai përpara Senatit.
Presidenti rus kishte deklaruar publikisht se do të kryente manovra ushtarake duke mobilizuar 150 mijë trupa në perëndim të Rusisë duke filluar nga data 26 shkurt. Dy ditë më vonë, të premten, disa persona të armatosur pa uniforma dhe të maskuar vunë nën kontroll gadishullin ukrainas të Krimesë.
Shërbimet amerikane kishin gjithë kohën që të vëzhgonin lëvizjet e trupave ruse. Të parashikonin nëse këto do të kalonin kufirin varej kryesisht nga analiza që do t’i bëhej lëvizjeve dhe qëllimeve të shefit të Kremlinit.
”Një ditë pas pushtimit të Krimesë, komuniteti amerikan i informacionit nuk dukej i bindur se Rusia do të kalonte Rubicon-in”, sipas “Los Angeles Times”.
Gjatë një mbledhje me dyer të mbyllura të anëtarëve të Kongresit më 27 shkurt, Robert Cardillo, numri dy i Drejtorisë Kombëtare të Informacionit (DNI) që drejton 16 agjencite e zbulimit në terren nuk kishte lënë të kuptohej se mund të kryhej një veprim i mundshëm ushtarak”, sipas të përditshmes, qe citon funksionarë të cilët kërkuan të mos identifikohen.
Shërbimet amerikane vazhdojnë të mbajnë sytë drejtuar nga jugperëndimi i Rusisë. “Ne po tregohemi të vëmendshëm ndaj të gjitha aktiviteteve të disa prej forcave të tyre ushtarake”, sipas gjeneralit Flynn.(AFP-ATSH)

Në lojë është të dihet nëse Moska synon të marrë Krimenë ose jo