Archives for August 2015

Skenderbeu shkruan historine! Per here te pare nje skuader shqiptare kalon ne fazen “play-off”

August 5, 2015 by Administrator

Nga Albano Kolonjari/
Per here te pare ne historine e futbollit tone nje ekip shqiptar do te marre pjese ne fazen “play-off” ne Ligen e Kampioneve. Dhe ky ekip eshte Skenderbeu i Korces. Nje mbremje e magjishme jo vetem per Skenderbeun dhe tifozet e saj por edhe gjithe futbollin shqiptar. Nje sukses i jashtezakonshem dhe brilant i pese here kampioneve te Shqiperise. Kete arritje historike Skenderbeu e arriti pas fitores se dyfishte me te njejtin rezultat 2-0 me kampionen e Moldavise Milsamin. Kater gola ne dy ndeshje, asnje gol i pesuar, nje super Hamdi Salihi, nje “gardian” i pakalueshem si Orges Shehi, nje super Berishe dhe nje kapiten i qete si Blendi Shkembi, pa harruar ketu derigjentin e kesaj skuadre dhe ketij suksesi tranjerin Mirel Josa. Skenderbeu do te mesoje te premten kundershtarin e tij ne “play-off”. Sipas UEFA-s kundershtaret e mundeshem te Skenderbeut do te jene Dinamo e Zagrebit, Bazeli, Celtic, Bate Borisovit, Apoel Nikosia. Ne rast se kalon ndeshjen “play-off” Skenderbeu luan ne fazen ne grupe ne Ligen e Kampioneve ne te kundert Skenderbeu kalon automatikisht ne fazen e grupeve ne Ligen e Europes. Skenderbeu ka luajtur me pare me Bate Borisov 0-0 ne Bjellorusi dhe 1-1 ne ne Korce. Ne kete ndeshje Skenderbeu u cilesua i pafat. Ndersa me kampionen e Qipros Skenderbeu humbi te dyja ndeshjet 0-2 ne Korce dhe 4-0 ne Qipro. Kjo ndeshje u zhvillua pese vjet me pare kur Skenderbeu sapo ishte shpallur kampion.

Kosovë-Serbi, sigurimi i automjeteve zbatim nga 12 gushti

August 5, 2015 by dgreca

Nga Behlul Jashari/ PRISHTINË, 5 Gusht 2015/ Marrëveshja Kosovë-Serbi për sigurimin e automjeteve nis zbatimin në 12 gusht.
Delegacioni i Republikës së Kosovës i udhëhequr nga ministrja për Dialog, Edita Tahiri, mori pjesë në takimin e mbajtur në Bruksel lidhur me zbatimin e Marrëveshjes për njohjen reciproke të sigurimeve të automjeteve.
“Në këtë takim, të ndërmjetësuar nga Bashkimi Evropian, u arrit pajtimi që më 12 gusht 2015 të fillojë zbatimi i Marrëveshjes për sigurimin e automjeteve në mes të dyja shteteve, Kosovës dhe Serbisë”, bën të ditur njoftimi dërguar nga Brukseli i delegacionit kosovar.
“Gjatë këtij takimi, të dyja palët raportuan për finalizimin e përgatitjeve teknike për fillimin e mbarë të zbatimit të kësaj marrëveshje sipas planit zbatues. Palët u zotuan që me përkushtim do të zbatojnë këtë marrëveshje e cila është lehtësuar dhe garantuar nga Bashkimi Evropian dhe Këshilli i Byrove Evropiane”, thekson njoftimi.
Ministrja për Dialog, Edita Tahiri, theksoi se pas këtij takimi çdo gjë është gati që të fillojë zbatimi i marrëveshjes për sigurimin e automjeteve që është në interes të qytetarëve të Republikës së Kosovës, sepse u hiqet një barrë e pagesës së tarifave të larta dhe se tani e tutje nuk kanë nevojë të paguajnë tarifa shtesë gjatë kalimit në Serbi.
“Kjo marrëveshje kontribuon për përmirësimin e lëvizjes së lirë për qytetarët e të dyja shteteve dhe është në pajtim me standardet evropiane për lëvizjen e lire”, u shpreh ajo.
Në orët e pasdites, përkatësisht në ora 17:00 delegacioni i Republikës së Kosovës i udhëhequr nga Tahiri pritet të takohet me presidentin e Këshillit të Byrove Evropiane (KBE), Jean Zenners. Gjatë këtij takimi do të diskutohet për mundësitë e thellimit të bashkëpunimit, me theks të veçantë të Byrosë Kosovare të Sigurimeve dhe Këshillit të Byrove Evropiane, zbatimi i kritereve të KBE-së nga ana e institucioneve përgjegjëse të Kosovës, dhe perspektiva e anëtarësimit të Kosovës në Këshillin e Byrove.
Në mbrëmjen e 23 qershorit 2015 njoftohej se, në Bruksel, në margjina të takimit të raundit të 26-të kryeministror Kosovë-Serbi, në procesin drejt normalizimit të marrëdhënieve, të kryesuar nga BE e mbështetur nga SHBA, është nënshkruar Marrëveshja për Sigurimet Kufitare të Automjeteve.

Memorial për 100 vjetorin e lindjes së Mbretëreshës Geraldinë

August 5, 2015 by dgreca

Memoriali do të inaugurohet në Sllovaki, ndërkaq, aktivitet për shënimin e 100 vjetorit të lindjes së Mbretëreshës Geraldinë do të shënohen edhe në Tiranë e Hungari.
Të enjten me datën 6 gusht në ora 18:30, në Sllovaki do të bëhet inaugurimi i memorialit të Mbretëreshës së shqiptarëve, Geraldinë. Përveç këtij inaugurimi, në këtë ditë do të shënohen edhe një sërë aktivitetesh të tjera jo vetëm në Sllovaki, por edhe në Tiranë e Hungari, e gjithë kjo për të shënuar 100 vjetorin e lindjes së Trëndafilit të Bardhë të Hungarisë.
Përveç inaugurimit të memorialit në Sllovaki do të organizohen edhe një sërë aktivitetesh të tjera që janë të organizuara nga Shoqata Kulturore Hungareze. Në Appony me fillim nga ora 15:00 do të ketë një vizitë në Kalanë dhe bibliotekën e saj të famshme, pastaj në ora 17:00, në Dolne Obodkovce / Alsóbodok, do të mbahet mesha në Kishën Baptiste Shën Gjon, ndërsa në orën 18:00 do të mbahet një prezantim i jetës së Mbretëreshës Geraldine Appony nga Sandor Feher.
Po ashtu në Tiranë, në po këtë datë Mauzoleumi Mbretëror do të jetë i hapur për vizita nga ora 11:00 deri në ora 12:00, pastaj në orën 18:00 do të mbahet një meshë e veçantë për Mbretëreshën Geraldinë e cila do të zhvillohet në Katedralen e Tiranës.
Ndërsa muajin e ardhshëm, pra me 8 shtator në ora 18:00 , autorja Josephine Dedet do të prezantojë librin e saj bibliografik të sapo botuar ne gjuhen hungareze “Geraldina- Mbretëresha e shqiptarëve”, nga Shtëpia botuese “Europa Köntvkiadó” në Budapest, Hungari.(Beqir Sina)

Kosovë-Shqipëri, korriku 2015 shënon fluks të hyrje-daljeve në vendkalimet kufitare

August 5, 2015 by dgreca

Kosovë-Shqipëri, korriku 2015 shënon fluks të hyrje-daljeve në vendkalimet kufitare/PRISHTINË, 5 Gusht /ATSH-Behlul Jashari/.- Në vendkalimet kufitare Kosovë-Shqipëri, në korrik 2015 ka pasur gjithsej 1 023 970 hyrje dalje të personave, ose 481 933 më shumë se në korrikun 2014, kur kishe 542 037 hyrje dalje.
Ndërsa numri i automjeteve në hyrje- dalje në korrik 2015 ishte 274 899, ose 75 622 më shumë në krahasim me korrikun 2014, kur kishte 199 277 hyrje- dalje të automjeteve. Krahasuar me qershorin 2015, në korrik kishte 30 600 automjete më shumë.
Për personat, gjatë korrikut 2015, në Vërmicë kishte 528 590 hyrje e 420 685 dalje. Në Qafë Prush 15 259 hyrje e 10 052 dalje. Në Qafë Morinë 27 071 hyrje e 22 313 dalje. Në këto tre porta kufitare, gjithsej kishte 570 920 hyrje e 453 050 dalje të personave.
Ndërsa, për automjetet në korrikun 2015 shifrat janë këto: Në Vërmicë kishte 91 783 hyrje e 84 357 dalje. Në Qafë Prush 5 236 hyrje e 4 419 dalje. Në Qafë Morinë 7 144 hyrje e 6 338 dalje. Gjithsej kishte 104 163 hyrje e 95 114 dalje të automjeteve.
Për fluksin e hyrjeve e daljeve në tre portat kufitare shifrat i bëri të ditura ekskluzivisht për ATSH-në Major Baki Kelani, shef i Zyrës për Infomim dhe Marrëdhënie me Publikun – Drejtoria e Përgjithshme e Policisë së Kosovës, në Prishtinë.
Kosove-Shqiperi-pota-Vermice-Morine-23mars2015-foto-ATSH-Behlul-JashariNë vendkalimet kufitare Kosovë-Shqipëri, viti 2014 kishte shënuar rritje të fluksit të njerëzve për 19,312 % dhe të automjeteve për 21,883 %, krahasuar me 2013-ën, bënte të ditur në fillim të 2015-ës policia kosovare.
Në 1 korrik 2015 ka nisur zbatimi i Marrëveshjes së Mirëkuptimit për patrullime të përbashkëta në mes të Policisë së Kosovës dhe Policisë së Shtetit të Shqipërisë. Pas një konference të përbashkët për shtyp në vendkalimin kufitar në Vërmicë-Morinë, ku u theksua rëndësia e bashkëpunimit mes dy agjencive policore në përpjekje për rritjen e elementëve të sigurisë rrugore, nisi turni i parë i zyrtarëve policorë të trafikut nga Kosova për të patrulluar bashkërisht me njësitet e trafikut të policisë shqiptare, në Shqipëri.
U bë e ditur se, gjatë sezonit turistik ka një rritje të ndjeshme të numrit të shtetasve nga Kosova që shkojnë për pushime në zonat turistike të Shqipërisë, si dhe të mjeteve që qarkullojnë në akset kryesore rrugore që lidhin të dy shtetet, prandaj është parë e nevojshme realizimi i kësaj marrëveshje të përbashkët.
Kosove-Major-Baki-Kelani-shef-i-Zyrës-për-Infomim-dhe-Marrëdhënie-me-PublikunMe synim intensifikimin e mëtejshëm të marrëdhënieve dhe për të forcuar bashkëpunimin midis policive të dy vendeve, nëpërmjet planifikimit dhe zbatimit të masave të përbashkëta si dhe me qëllim ngritjen e sigurisë në trafik për pjesëmarrësit e të dy shteteve janë vlerësuar të nevojshme dhe të suksesshme patrullimet e përbashkëta në Shqipëri.
Patrullimi i përbashkët është siguri e përkujdesje për të gjithë qytetarët në fluksin e rritur në verë në akset rrugore Shqipëri-Kosovë, kanë theksuar policitë e të dy vendeve.
Këtë verë, Instituti Hidrometeorologjik i Kosovës jep parashikimin e motit edhe për bregdetin shqiptar, drejt të cilit është rritur shumë fluksi i kosovarëve në këtë sezon pushimesh. “Mot i nxehtë dhe me temperatura të larta, do të mbajë përgjatë vijës bregdetare shqiptare. Temperaturat minimale do të lëvizin ndërmjet 21-26 gradë celsius. Ndërsa, maksimalet e ditës do të lëvizin ndërmjet 36-39 gradë celsius”, është parashikimi për këtë javë.

VEPRA E Z. ENVER MEMISHAJ DHE KTHIMI I FEJZO LEPENICËS

August 5, 2015 by dgreca

Rreth librit historik të z. Enver Memishaj “Fejzo Lepenica…”, me recencë të prof. Dr. Kaliopi Naska/
Nga Nertesi ASLLANI – BOLENA/
Sapo ka dalë në qarkullim vepra e 15 historike e z. Enver Memishaj “Fejzo Lepenica, jetoi dhe vdiq për Shqipërinë”. Me këtë vepër autori i kthen historisë një patriot si Fejzo Lepenica që zemra e tij gjatë periudhës 1919 – 1924, kur vendosej fati I Shqipërisë, punoi deri në fund për interesat e atdheut të tij, dhe gjatë periudhës 1925 – 1936, luftoi e punoi në krahinën shqiptare të Çamërisë në krah të Musa Demit në mbrojtje të të drejtave të popullsisë së Çamërisë. Pra e tërë jeta e tij ishte vënë në shërbim të interesave të atdheut pa menduar asnjëherë për interesat e tij. Jeta e tij në Çamëri kaloi nëpër burgjet e zeza greke dhe në internime në ishujt e humbur të detit Jon, si dënim për artikujt e shkruar në shtypin shqiptar për mbrojtjen e të drejtave të popullsisë çame. Nga vuajtja nëpër burgje dhe internime ai vdiq shpejt në një moshë te re 36 vjeçare duke lënë pas shembullin e mirë se si duhet ti përkushtohemi dhe të luftojmë për interesat e atdheut, pa kërkur shpërblim prej tij.
Ai ishte mbuluar me harresë, dje për arsye të njohura politike dhe sot në liri nga padija.
Prof. Dr. Kaliopi Naska që ka bërë recencen e këtij libri historic arrin në përfundimin se:

“Botimi i studiuesit dhe i publicistit të apasionuar dhe të përkushtuar Enver Memishaj kushtuar veprimtarisë patriotike të Fejzo Lepenicës, me prurjet që sjell, i shërben historisë dhe i hap horizont studiuesve e historianëve për thellimin dhe studimin e mëtejshëm të figurave të tilla, që
kanë dhënë për Shqipërinë duke sjellë përmes tyre fakte të reja historike për ngjarje të nxehta siç ishte ajo në mbrojtje të popullsisë çame.
Botimi i këtij libri studimor biografik, është një kontribut i çmuar në fushën e publicistikës dhe studimit të historisë dhe kulturës së Vlorës dhe Labërisë. Publikut të gjerë i jepet shansi që përmes këtyre shkrimeve të marr informacion të ri për një atdhetar që veproi në vitet 1920-1932”.
Libri është mbështetur në burime të shumta arkivore dhe një pjes të këtyre dokumentave janë botur si facsimile nga autori në fund të librit.
Fejzo Lepenica, ky pinjoll i dinastisë “ Lepenica”, fisit të autorit të librit Enver Memishaj, qënkej një histori më vete në vazhdën e historive, traditës dhe bëmave të këtyre djemve që nxori kjo faqe mali nëpër rrjedhat e kohës. Nipi i tij, Enver Memishaj, që ka vite që gërmon atje te rrënjet, te gurët, te shpellat, te lotët, te bëmat dhe heroizmat e vendlindjes dhe të parëve të tij ka marrë përsipër me sukses të plotë, të trajtojë në këtë libër ngjarjet dhe episodet që i përkasin kesaj figure patriotike. “Po s`qe i zoti për vete, thotë populli nuk bën dot hije për të tjerët “
Me Enverin jam njohur tani së fundi. Ai më kishte pikasur mua atje në Bolenën time, nëpërmjet vlerësimeve të poezive dhe këngëve të mia që morën rrugë shumë vite më parë. Këtë vlerësim ma bënte një sudjues e historian serioz si Enver Memishaj. Talenti Enver Memishajt, vlonte
brenda shpirtit të tij dhe ndërgjegjes së tij, heshtja aq e trazuar dhe aq e gjatë ku netët lidheshin bisht më bisht me njera tjetrën duke mbjellë vuajtje, mos përfillje, terr dhe errësirë për afro 50 vjet rresht, tashmë kishte marrë fund.
* * *
Me zotësi dhe punë z. Memishaj e kapi kohën e humbur në regjimin komunist. Perdja ra dhe muri u rrezua. Talenti dhe pasioni, frenimi, meraku dhe dhimbjet e mëdha atje në Lepenicë për të afërmit dhe bashkfshataret e tij, padejtësitë e kohës nisën të pasqyrohen në rrugën e gjatë e të veshtirë të krijimtarisë. Me një laps në dorë dhe me një çantë të hedhur mbi supe ai udhëton drejt misionit të madh të krijimtarise, për të larguar sadopak mjergullën e rënde nga supet e “maleve”, burrave me peshë e të pafajshëm. Brenda shpirtit z. Memishaj kishte grumbulluar dhe akumuluar aq shumë ngjarje dhe fakte drithëruese e të vërteta të paimagjinueshme sa që pas vitit 1990, në liri, muza e tij që i ngjante një turbine i hapi portat. Idetë e tij të shprehura në librat e tij, pushtuan libraritë e vendit.
Që nga viti 2000, ai do të shfaqej para botës shqiptare me veprat e tij voluminoze. Sot në vitin 2015, ai na ka dhënë plot 15 vepra, nga një në çdo vit. Veprat e z. Memishaj janë të një natyre të veçantë, vepra të një burri e studjuesi të palodhur, me buzë në gas e dorë në qafë me këdo e për këdo. Nuk marr dot përsipër të analizoj gjithë veprën e vyer dhe voluminoze të Enver Memishaj, por nga aq sa kam lexuar arrij në përfundimin se nga pena e tij nuk del bojë, por lot, gjak, dhimbje, derte, brenga, britma dhe ulërima të kohës së shekullit që kaloi.
“Pse ma vrave babane xha Qemal? Pse?, fëmija 12 vjeçar i drejtohet xhelatit komunist.
Kjo pyetje dhe thirrje e një fëmije, kjo pyetje tronditse që fëmija i drejtohet xhelatit komunist, përshkon gjithë veprën e z. Memishaj, i cili tregon mbi fakte, prova dhe dokumenta të pa kundërshtueshme. Ai ka shumë respekt për faktin.
Tek lexoja këto tragjedi në veprën e z. Memishaj, m`u kujtua drama e Çelomemajve në vendlindjen time në Bolenë, në vitin 1943:
Me urdhër të Këshillit Nacionalçlirimtar u pushkatua pa gjyq njeri nga vëllezërit e kësaj familje pasi nuk kishte mundur të shpinte një letër në Kuç. Vëllai tij vrapoi pas krismave dhe kur pa vëllan të shtrirë iu hodh në grykë katilave komunist. E pushkatuan edhe atë! Vajti vëllai i tretë
kur degjoi këtë gjëmë. E vrane dhe të tretin, pastaj vajti nëna e mjerë, Pashakua dhe ra mbi tre djemte e vrare. Më vrisni edhe mua se s`kam pse jetoj më u tha xhelatëve komunistë, bashkfshatarëve të saj! E vranë dhe nënë Pashakon. E paimagjinueshem por e vërtetë. Se mos kjo ka ndodhur vetëm në Bolenë, në të gjitha fshatrat, në të gjith Shqipërinë.
Ja këto të vërteta drithëruese ka nxjerr nga pluhuri i kohes Enver Memishaj në veprat e tij. Ai nuk ngjan me disa “historian” që bëjnë histori nëpër kafene. Ai punon natë e ditë, shfleton e gërmon nëpër arkiva, mbi dokumenta origjinale, dëshmitarë okularë të ngjarjeve dramatike të
ndodhura në këtë vend.
Vlerësimet dhe nderimet e veprës së tij, që i janë bërë nga autoritete të shquara të historisë dhe akademikët tanë, në shtypin e shkruar, si dhe vlerësimet zyrtare për studimet dhe kontributin në lëmin e historisë dhe aktivitetin shoqëror janë plotësisht te merituara.
Duke i uruar historianit Enver Memishaj, këtij “personaliteti të shquar të Qarkut të Vlorës”, i shpallur me rastin e 100 vjetorit të Pavarësisë, punë të mbarë, penë të hollë dhe jetë të gjatë po i mbyll këto radhë me disa vargje të frymëzuar, të krijuara dhe të recituara në një nga promovimet e njerës prej veprave të tij.